Eksamen våren 2018 - Informasjonshefte om skriftleg eksamen Merk deg dette: For eksamen gjeld visse reglar som du pliktar å gjere deg kjend med og rette deg etter. Dette gjeld t.d. frammøte ved eksamen, oppførsel i eksamenslokalet, bruk av utlevert papir, bruk av hjelpemiddel. Du har også visse rettar det er viktig å vere klar over, t.d. rett til utsett, ny og særskild prøve, rett til å klage på avgangskarakterar (standpunkt/eksamen). Dette heftet gir ei samla oversikt over dei reglane som gjeld. Det er difor viktig for deg at du tek deg tid til å gjere deg kjend med alt som står der. 1
Innhaldsliste Skriftleg eksamen - Eksamensplan... 3 - Hjelpemiddel......... 4 - Fusk og plagiat. 5 - Eksamen og digital innlevering..... 6 - Eksamensreglement.. 7-9 - Klage på karakter... 10 - Utsett /særskild /ny eksamen... 11 - Sjekkliste eksamen.... 12 2
Eksamensplan for elevar ved Stryn vgs. våren 2018 Tidspunkt Fag Førebuing Internett tilgjengelig Fredag 15. mai kl. 09:00 Melding om trekkfag, lokal og sentral eksamen Tysdag 22.mai REA3022 Matematikk R1 MAT1005 Matematikk 2P-Y MAT1015 Matematikk 2P REA3026 Matematikk S1 REA3005 Fysikk 2 SAM3026 Samfunnsøkonomi 2 Onsdag 23.mai Torsdag 24.mai Fredag 25.mai Måndag 28.mai Tysdag 29.mai Onsdag 30.mai ENG1002 Engelsk, Vg1 ST ENG1003 Engelsk, Vg2 YF SAM3033 Økonomistyring SAM3035 Økonomi og leiing NOR1212 Norsk sidemål NOR1211 Norsk hovudmål NOR1405 Norsk for elevar med kort butid, Vg3 ST MAT1011 Matematikk 1P MAT1013 Matematikk 1T REA3024 Matematikk R2 FSP5092 Spansk I FSP5098 Spansk I+II FSP5095 Spansk II FSP5122 Tysk II REA3012 Kjemi 2 MAT1001 Matematikk 1P-Y SPR3012 Engelsk litteratur og kultur (vg3) 1 dag 1 dag 1 dag 1 dag 1 dag Torsdag 31.mai SPR3008 Internasjonal engelsk (vg2) NOR1206 Norsk, Vg2 YF X Fredag 01.juni SAM3020 Politikk og menneskerettar 1 dag X Onsdag 06.juni BYG2003 Praktisk-munnleg eksamen, byggteknikk Fredag 08.juni HEA2004 Praktisk-munnleg eksamen, helsefagarbeidar SSS2004 Praktisk-munnleg eksamen, sal/service/sikkerh. TRL2003 Praktisk-munnleg eksamen, transport og logistikk RLV2004 Praktisk-munnleg eksamen, reiseliv Fellessensur: tysdag 19. og onsdag 20. juni NB! Der det står «1 dag» førebuing, får elevane utdelt ein førebuingsdel dagen før. Det er obligatorisk å møte på skulen denne dagen for å få utdelt førebuingsdelen, og elevane skal vere på skulen fram til kl. 12.00. Munnleg eksamen studieførebuing: blir på dagane 13. (melding 11.), 15. (melding 13.) og 19. (melding 15.) juni. 3
Hjelpemiddel skriftleg eksamen Førebuingsdagen På førebuingsdagen er alle hjelpemiddel tillat, inkludert bruk av Internett. Modell 1 Eksamen - Alle hjelpemiddel er tillat, med unntak av Internett og andre verktøy som tillèt kommunikasjon. Faga Internasjonal engelsk og Politikk og menneskerettar, har lov å bruke visse sider på internett (slike som ikkje kommuniserer). - For norsk og framandspråk er heller ikkje omsetjingsprogram tillat. Modell 2 Todelt eksamen Del 1 Skrivesaker, passar, linjal og vinkelmålar er tillat. Del 2 Alle hjelpemiddel er tillat, med unnatak av Internett eller andre verktøy som tillèt kommunikasjon. Dette gjeld faga: matematikk, fysikk, kjemi og biologi Bruk av datamaskin på eksamen Sogn og Fjordane fylkeskommune har elev PC-ordning. Eleven pliktar å stille med datamaskin som fungerer til eksamen. Sjå sjekkliste på baksida av dette heftet. 4
Fusk og plagiat Kva er fusk? Fusk er å bryte reglane for hjelpemiddelbruk. Det er viktig å vere merksam på at det kan vere ulike reglar for kva som er fusk på prøvar undervegs i skuleåret, og kva som er fusk til eksamen. - Det er fusk å bruke Internett, kommunisere med andre, og ta i bruk omsetjingsprogram i norsk og framandspråk. - I matematikk, fysikk, kjemi og biologi er det i tillegg fusk å bruke hjelpemiddel på del 1 av eksamen. Konsekvensane av fusk på eksamen Det er svært alvorleg å fuske til eksamen. Konsekvensane av fusk eller forsøk på fusk er: - Eleven eller privatisten kan få eksamen i faget annullert. - Eleven som får eksamen annullert, mister standpunktkarakteren i faget. - I vidaregåande opplæring får ikkje privatisten eller eleven lov til å gå opp til eksamen som privatist før tidlegast eitt år etter den annullerte eksamen (forskrift til opplæringslova 3-37). Kva er plagiat? Plagiat er å bruke andre sine tekstar heilt eller delvis utan å gje opp kjelda. Når alle hjelpemiddel er tillatne til eksamen er det ikkje plagiat å bruke kjelder, men dersom kjelder vert nytta, skal kjeldebruken vere ryddig og etterretteleg. Eleven skal føre opp forfattar, årstal og fullstendig tittel på kjeldene som er brukte. Dersom eleven brukar utskrift eller sitat frå nettsider skal han/ho føre opp nøyaktig nettadresse og nedlastingsdato. Kva er konsekvensen av plagiat til eksamen? Dersom eleven eller privatisten ikkje gjev opp kjelda han eller ho har brukt til eksamen eller berre klipper og limer frå andre sine tekstar, blir dette vurdert til lav måloppnåing. Då viser ikkje eleven eller privatisten sjølvstendig kompetanse til eksamen, og svaret kan få ein låg karakter. 5
Eksamen med digital innlevering Pålogging 1. Skriv inn adressa https://pgsa.udir.no 2. Logg deg på med Feide-innlogging. (same brukarnamn og passord som SkoleArena og Fronter). 3. Eksamensansvarleg kjem og legg inn dagens passord. 4. Du får utlevert oppgåveteksten på papir. 5. Opne eit tekstbehandlingsdokument eller eit rekneark, evt andre dokumenter du treng for å svare på oppgåva. 6. Lagre svaret ditt ofte! Digital levering 7. Levering: a) Når du er klar til å levere, skriv du inn brukarnamnet og passordet ditt. b) Vel «lever svaret». c) Dersom din eksamen berre består av ein prøvedel, treng du berre laste opp ei fil og så stadfeste leveringa. d) For å finne svarfila på datamaskina di, trykkjer du på knappen Bla gjennom. Vel rett svarfil og trykk på knappen Last opp. Svarfila er no lagt til. Gjenta om du har fleire. e) Opne dokumenta og sjekk at du har lasta opp rett fil! Dersom du har lasta opp feil fil, trykkjer du på knappen Slett fil. Du kan då laste opp den rette fila og levere svaret. 8. Stadfest levering. 9. Når leveringa er stadfesta, vil du sjå kvittering for leverte svarfiler. Be vakta sjekke det saman med deg. 6
7 SOGN OG FJORDANE FYLKESKOMMUNE Eksamensreglement Reglement og rettleiing for skriftleg eksamen 1. GJENNOMFØRING 1.1. Frammøte Kandidaten skal møte fram ved eksamenslokalet seinast 15 minutt før eksamen tek til. Rektor kan fastsetje anna frammøtetid. 1.2. Legitimasjon Kandidatane (gjeld privatistar) må vere budde på å legitimere seg før eksamen tek til. 1.3. Forholda i eksamenslokalet Kandidaten set seg på tilvist plass. Kandidaten må ikkje forlate plassen eller byte plass utan løyve frå eksamenstilsynet. Eksamenstilsynet skal kontrollere at kandidaten berre har med hjelpemiddel det er lov å nytte ved eksamen. Vesker o.l. må leverast inn. Mobiltelefon og eventuelle dataklokker skal slåast av og leverast inn. Kandidaten skal kontrollere at han/ho har motteke riktig eksamensoppgåve. Eksaminandane må ikkje ha noko form for kommunikasjon seg imellom. Om ein eksaminand ønskjer opplysningar, må han/ho vende seg til eksamenstilsynet. 1.4. Eksamenstid Den tida som er fastsett for eksamen, er oppgitt på oppgåva eller det vert gjort kjent av eksamenstilsynet. Kandidaten har frammøte seinast 08.45. Kandidatar som møter opp til eksamen for seint, men før kl. 10.00, skal få gjennomføre eksamen, men dei skal ikkje få kompensert tapt tid (jf. forskrift til opplæringslova 3-28a). Ingen skal forlate eksamenslokalet før kl. 10.00. 1.5 Digital eksamen bruk av PC Kandidaten må følgje den instruksen som vert gitt for bruk av PC for dei ulike faga. Kandidaten er sjølv ansvarleg for å lagre ofte på eigna område på maskina eller anna lagringseining, dersom det er tillate. Dersom oppgåvesvaret skal leverast på PGS (digitalt), må kandidaten passe på å laste opp rett fil og notere opplysningane frå kvittering for levert svar. I fag med to-delt eksamen, bør del 1 skannast og leverast digitalt og del 2 produserast i t.d. word og leverast digitalt. Dersom oppgåvesvaret skal leverast som utskrift, må kandidaten passe på at alle sider er med og at alle arka er merka med kandidatnummer og sidetal. 1.6 Handskrive oppgåvesvar Kandidaten må nytte penn med blå eller svart skrift. I oppgåver der det skal lagast grafisk framstilling, figurar, teikningar eller notar, kan det brukast blyant eller farge. 1.7 Merking og utfylling av svarark Kandidaten fyller ut svararka etter rettleiing frå skulen. På første side av oppgåvesvaret skal følgjande opplysningar vere med: kandidatnummer, fagkode, sidenummer og totalt tal sider. (medrekna eventuelle vedlegg). På andre innleverte ark held det med kandidatnummer og sidetal.
Namnet på kandidaten skal IKKJE stå nokon stad! Døme: Kandidatnummer 123ABC-V Fagkode NOR1211 Sidenummer 1 Totalt antall sider 8 1.8 Levering av oppgåvesvaret Når ein eksaminand skal levere oppgåvesvaret, skal han/ho gje teikn om dette til eksamenstilsynet som så hentar oppgåvesvaret. Svararka skal liggje i nummerrekkefølgje. Dersom sjukdom eller andre spesielle tilhøve ligg til grunn for at svaret vert levert som kladd, skal det leggjast ved særskild melding om årsaka til dette. Sensorane kan då sjå på kladden som ein fullgod del av svaret. Dersom ein eksaminand elles ikkje har fullført oppgåvesvaret sitt når eksamenstida er ute, kan eksamenstilsynet ikkje nekte kandidaten å leggje ved kladd. I slike høve kan kandidaten ikkje rekne med at kladdearka blir sett på som ein fullgod del av oppgåvesvaret. 1.9 Hjelpemiddel ved førebuing og eksamen Utdanningsdirektoratet gir nærare reglar om kva for hjelpemiddel som er lov å nytte i dei einskilde faga. Skulen orienterer kandidaten om dette. Kandidaten er sjølv ansvarleg for å ta med dei hjelpemidla det er lov å nytte ved eksamen. 1.10. Fusk eller forsøk på fusk Eksamensprøve kan annullerast dersom ein eksaminand har fuska eller forsøkt å fuske ved eksamen. Spørsmålet om annullering av eksamensprøve skal avgjerast av rektor. Dersom fusk eller forsøk på fusk blir oppdaga i samband med eksamen eller sensurering i eit fag, skal kandidaten ha høve til å uttale seg og få fullføre eksamen. Dersom eksamen blir annullert på grunn av fusk eller forsøk på fusk, fell standpunktkarakteren i faget vekk og kandidaten kan gå opp til eksamen som privatist tidlegast eitt år etter den annullerte eksamen. - å gi eller prøve å gi eller formidle hjelp som ikkje er tillaten til andre - å motta slik hjelp, eller - å ha eller bruke hjelpemiddel som ikkje er tillatne etter at oppgåva er delt ut. Dette gjeld for all eksamen. 1.11 Bortvising frå eksamen Ein eksaminand som har ei åtferd som forstyrrar gjennomføringa av eksamen for andre, kan, etter å ha blitt åtvara, visast bort frå eksamen. Spørsmålet om bortvising skal avgjerast av rektor. 8
1.12 Forfall og sjukdom under prøvene Kandidat som på grunn av sjukdom ikkje kan møte til eksamen, må varsle skulen. Lege må kontaktast for å få sjukmelding. Sjukmeldinga må leverast til skulen snarast råd for å få rett til å gå opp til utsett prøve (ved neste ordinære eksamen). Kandidat som blir sjuk under eksamen, må straks melde frå til eksamenstilsynet, som skal varsle leiinga ved skulen. Rektor tek stilling til om det ligg føre grunnlag for å avbryte eksamen med rett for kandidaten til å gå opp til utsett eksamen. 2. EKSAMENSRESULTAT OG RETT TIL Å KLAGE Etter sensur blir alle eksamenssvar sende til eksamensskulen. Ein kandidat har rett til å gjere seg kjend med sitt eige resultat og eventuelle retningslinjer som er gitt sensorane ved sensureringa ved skriftleg eksamen. Dersom kandidaten ber om det, skal han/ho få kopi av eksamenssvaret sitt. Skulen orienterer nærare om reglar og fristar for klagehandsaming. 3. UTSETT, NY OG SÆRSKILD EKSAMEN Ein kandidat kan få rett til utsett, ny eller særskild eksamen ved neste ordinære eksamen i faget. Skulen orienterer kandidaten nærare om retten. 4. SÆRSKILDE TILTAK VED EKSAMEN Etter søknad til rektor kan eksaminandar med ulike vanskar/funksjonshemmingar få særskild tilrettelegging ved eksamen. Skulen orienterer i god tid om tiltak som kan setjast i verk. Privatistar må sjekke informasjon på: Privatistweb.no/Sogn og Fjordane fylkeskommune 9
10 SOGN OG FJORDANE FYLKESKOMMUNE Klage på karakter KVA KARAKTERAR KAN EIN KLAGE PÅ? Ein kan klage på standpunktkaraterar og eksamenskarakterar. Det kan også klagast på vedtak om ikkje å setje standpunktkaraterar. KVEN KAN KLAGE? Elev/privatist eller den som gjev desse skriftleg fullmakt har klagerett. Foreldre/føresette til umyndig elev/privatist har sjølvsagt klagerett. FRIST? Klagefristen er 10 dagar for vedtak som gjeld eksamenskarakterar og standpunktkarakterar. Fristen vert rekna frå det tidspunkt melding om vedtaket har kome fram til den klageberettiga eller den klageberettiga burde gjort seg kjent med. KVAR VENDER EIN SEG? For elevar skal klagen sendast til skulen ein går på. Klagen må framsetjast skriftleg og underteiknast av klagaren eller evt. klagaren sin fullmektig. RETT TIL GRUNNGJEVING Den som har klagerett kan, innanfor klagefristen, krevje grunngjeving for karakterar i fag der det vert halde munnleg eksamen, vert gjeve standpunktkarakter, karakter for praktisk eksamen eller standpunkt i orden og åtferd. Grunngjeving vert gjeve av sensor eller lærar som har delteke i karakterfastsetjinga. Dersom ein elev ikkje får standpunktkarakter eller ikkje får bestått standpunktkarakter i eit fag, kan det krevjast grunngjeving for dette. KVA MEDFØRER DET Å KLAGE PÅ EKSAMENKARAKTER? Klagenemnda får eksamenssvaret der karakteren er påført. Klagenemnda si oppgåve er å vurdere om karakteren som er sett er rimeleg/urimeleg i forhold til eksamensprestasjonen. Dvs. det er ingen omsensur på fritt grunnlag. Den påklaga karakteren kan bli dårlegare, oppretthaldast eller bli betre. Klageinstansen si avgjerd er endeleg. Dersom karakteren vert endra, skal evt. tidlegare utskrive vitnemål leverast tilbake til skulen som skriv ut eit nytt. SPESIELT FOR KLAGE PÅ MUNNLEG EKSAMEN Etter munnleg eksamen kan det berre klagast på formelle feil som kan ha hatt betyding for resultatet, t.d. inhabilitet hos sensor/eksaminator, eller at gjeldande retningslinjer for karaktersetjing ikkje er følgd. Dersom klagar får medhald vert det halde ny eksamen. Gjeld klagen eit munnleg trekkfag, skal det trekkjast fag på ny. SPESIELT FOR KLAGE PÅ STANDPUNKTKARAKTER Klageinstansen skal har berre vurdere om gjeldande reglar for fastsetjing er følgd. KLAGE PÅ KARAKTER I ORDEN OG ÅTFERD Ved klage på orden og åtferd skal kontaktlærar og rektor gje uttale som vert sendt saman med klagen til klageinstansen. Klagaren skal ha kopi av uttalen.
Utsett /særskild /ny eksamen UTSETT EKSAMEN Eksaminand som i eitt eller fleire fag har dokumentert gyldig forfall ved eksamen, har rett til å melde seg til eksamen ved utsett prøve. Eksaminanden må gå opp til første etterfølgjande eksamen. Ved rett til utsett prøve i trekkfag, anten munnleg eller skriftleg skal trekking av fag skje på nytt. Rektor eller den han/ho gjev mynde, utfører trekkinga. SÆRSKILD EKSAMEN Ein elev som får karakteren 1 i standpunkt i fag som ikkje vert trekt ut til eksamen eller der eksamen til vanleg ikkje vert halden, har rett til særskild eksamen i faget/faga. NY EKSAMEN Eksaminand som får karakteren 1 ved eksamensprøve, har rett til ny eksamen i faget/faga. Eksaminanden må gå opp til første etterfølgjande eksamen. MELDINGSFRIST Oppmelding til hausteksamen i november/desember 2018 skal skje til skulen. Frist: 1. september. Oppmelding privatisteksamen: På nettet, www.privatistweb.no PRØVEAVGIFT Det skal ikkje betalast avgift for utsett/særskild/ny prøve. Elevar som ikkje nyttar retten sin til å avlegge desse prøvene kan ta opp att faga som privatist seinare, men må då betale ei prøveavgift. Gebyret er kr 1084,- pr. eksamen for fag der du ikkje har standpunkt og /eller eksamenskarakter eller fag du ikkje har bestått (karakter 1) som elev eller privatist. Gebyret er kr 2170,- pr. eksamen for fag du allereie har bestått som elev eller privatist. MERK: Når det gjeld frist for innsending av endra vitnemål til universitet/høgskular på grunnlag av klagehandsaming: Sjå eige informasjonsark som blir sendt ut saman med vitnemålet. 11
Generell førebuing Identifikasjonspapir /ID-kort PC førebuing Straum/ ladar som fungerer PC som fungerer oppdateringar gjort på førehand/ virussjekk/ trådlaust nett Kontrollere Feide-innlogging (t.d. ved å logge på Skole Arena) Programvare som fungerer: Tekstbehandlar (MS Office/ Open/ Libre Office) Ordnett Fagprogram som GeoGebra og Adobe-pakken Sjekk at du har dei dokumenta/hjelpemiddel på PC-en din du vil ha med til eksamen Test at utskrift fungerer Beherske topp- og botntekst Beherske utskrift frå fagspesifikke fag, t.d. «Utklippsverktøy» (spesielt viktig om de skal skrive frå GeoGebra og andre program) Kunne lagre dokument som pdf.fil Ta med blå brikke til utskrift, sjekk at den virkar og at det er pengar på brikka. Hugseliste eksamensdagen ID-kort Blå brikke til utskrift Mobiltelefon avslått og levert inn Penn/ skrivesaker Mat/ drikke Innlevering eksamen Alt skal merkast med eksaminandnummer ALDRI NAMN! Lever i korrekt filformat 12 LUKKE TIL MED EKSAMEN VÅREN 2018!