Innkalling. Utval: Fellesnemnda Møtestad: Kinsarvik Dato: Tid: Kl. 09:00

Transkript

1 Innkalling Utval: Fellesnemnda Møtestad: Kinsarvik Dato: Tid: Kl. 09:00 Forfall skal meldast til Jondal kommune sitt sentralbord tlf.nr eller til Ragnvald Joakimsen på tlf.nr eller e-post Er nokon ugilde i ei eller fleire saker, må det meldast frå om dette i god tid. Vararepresentantar møter berre ved mottak av eiga innkalling. Sakspapira finn ein også på Orienteringar: - Status samanslåingsprosjektet - Status digitalisering Sakliste Sak nr. Sakstittel 013/19 Godkjenning av innkalling og protokoll 014/19 Meldingar 015/19 Alkoholpolitiske retningsliner for Ullensvang kommune 016/19 Oppstart prosjekt Betre tverrfagleg innsats 017/19 Skulekretsar i Ullensvang kommune nummerering 018/19 Etablering av barn og unge sitt kommunestyre (BUK) 019/19 Godkjenning av ny selskapsavtale Interkommunalt Arkiv Hordaland (IKAH) AS 020/19 Reglement politiske utval 021/19 Stafett for livet Kreftforeningen 022/19 Næringsfond Ullensvang kommune /19 Hardangerrådet 2020

2 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/29 3 Ragnvald Joakimsen Journalpostnr. 13/53 Godkjenning av innkalling og protokoll Tilråding frå prosjektleiar: Utvalet godkjenner innkallinga til dette møtet og godkjenner vedlagt protokoll frå sist møte. Saka blir avgjort av: Dette utvalet. Side 2 av 36

3 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/29 4 Ragnvald Joakimsen Journalpostnr. 13/54 Meldingar Dokumenter til orientering: Journalpostid. Tittel 13/48 Rekneskap - samanslåingsprosjekt 13/50 Sjekkliste samanslåingsprosessen, referatsak FN Tilråding frå prosjektleiar: Utvalet tar meldingane til orientering. Saka blir avgjort av: Dette utvalet. Side 3 av 36

4 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/28 1 Aslaug Margrethe Åkre Journalpostnr. 13/49 Alkoholpolitiske retningsliner for Ullensvang kommune Dokumentnr Tittel Alkoholpolitiske retningslinjer for Odda kommune Ullensvang herad - Endeleg vedteken ruspolitisk handlingsplan Ullensvang herad - Retningsliner for bygdafester og arrangement på grendahus Jondal - Ruspolitisk plan - med alkoholpolitisk handlingsplan Vedlegg Alkoholpolitiske retningslinjer for Odda kommune Ullensvang herad - Endeleg vedteken ruspolitisk handlingsplan Ullensvang herad - Retningsliner for bygdafester og arrangement på grendahus Jondal - Ruspolitisk plan - med alkoholpolitisk handlingsplan Tilråding frå prosjektleiar: 1. Fellesnemnda godkjenner dei alkoholpolitiske retningslinjene for Ullensvang kommune i tråd med saksframstillinga. 2. Retningslinjene skal til ny handsaming i kommunestyreperioden Prosjektleiar Ole-Jørgen Jondahl, 28. mai 2019 Side 4 av 36

5 Saksopplysningar: Alkohollova set rammene for korleis alkoholpolitikken skal forvaltast. Innanfor desse rammene er kommunen ilagt betydeleg ansvar og fridom til å utforma sin eigen lokale alkoholpolitikk. Føremålet med alkohollova er å avgrensa dei samfunnsmessige og individuelle skader som alkohol kan innebera. Løyvepolitikken skal vera føreseieleg og med retningslinjer som gjer næringa godt driftsgrunnlag og konkurransevilkår. Kontroll av tildelte løyver skal sikra at sal og skjenking skjer i tråd med lov og retningslinjer. Jf. alkohollova 1-7d er kommunen pålagt å utarbeide alkoholpolitiske retningslinjer. Dei alkoholpolitiske retningslinjene skal handsamast i kvar kommunestyreperiode. Denne saka er basert på dei gjeldane alkoholpolitiske retningslinjene i dei tre kommunane, og gjeld fram til nye alkoholpolitisk retningslinjer vert utarbeidd og vedtekne. Ei rekkje andre lover pålegg kommune å løysa oppgåver på «rusmiddelfeltet». Difor vil rådmannen i 2020 utarbeide ruspolitisk handlingplan for , der også Ullensvang kommune sine alkoholpolitiske retninglinjene vert innlemma. Denne planen legg rammer for kommunal sals- og skjenkepolitikk som gjer det mogeleg å delegera mynde frå politisk til administrative organ, og dermed yta raskare sakshandsaming til innbyggarane. Del 1 - Føremål Alkohollova sitt føremål 1-1 er i størst mogeleg grad å begrensa dei samfunnsmessige og individuelle skader som alkoholbruk kan føra til. Som eit ledd i dette siktar lova på å begrensa forbruket av alkoholhaldige drikkevarer. Ullensvang kommune sin overordna målsetjing med den lokale alkoholpolitikken er satt med utgangspunkt i formålsparagrafen. Kommunen skal gjennom løyvepolitikken ha som mål å begrensa i størst mogeleg grad dei individuelle og samfunnsmessige skadevirkningane alkoholbruk kan innebera. Viktige delmål er å begrensa tilgjenge av alkohol for barn og unge, og bevara alkoholfrie arenaer i kommunen for innbyggjarane. Det er vidare ei målsetjing å føra ein løyvepolitikk som fremmar gode rammevilkår, likebehandling og forutsigbarheit for næringslivet. Alkoholpolitikken vert forvalta med til dels motstridane hensyn. Vi veit at bruk av alkohol kan påføra samfunnet og enkeltmennesker store lidingar. Samstundes er alkohol ei lovleg vare, som er sosialt akseptert i fleire samanhengar. Det er i tillegg arbeidsplassar og inntekter knytt til omsetjing av alkohol. Side 5 av 36

6 Ullensvang kommune skal føra ein løyvepolitikk som balanserer desse hensyna på ein ansvarleg måte. Dette kan vi gjere ved å tilretteleggja for ein sunn og seriøs næring, som kan tilby kommunen sine innbyggjarar og turistar eit godt og variert utval av serveringsplassar. Kommunen ynskjer å samarbeide med løyvehavarane, slik at gjeldande retningslinjer og regelverk vert følgd. Del 2 - Alminnelege bestemmingar 1. Søknadar om sals- og skjenkeløyver All sal og skjenking av alkoholhaldig drikk mot vederlag krev løyve. Søknadar om sals- og skjenkeløyve skal avgjerast i tråd med alkohollova og føringar gjeve i medhald av denne. Søknadane skal i tillegg vurderast i tråd med vedtekne prinsipp og målsetjingar fastsett i dei alkoholpolitiske retningslinjene for Ullensvang kommune. Søknad om utviding av skjenkeområde og søknad om skjenkeløyve for einskildhøve skal vera levert til kommunen seinast to veker før løyvet skal takast i bruk. 2. Høyringsinstansar for søknader Ordinært sals- og skjenkeløyve skal sendast på høyring til politi, sosialtenesta og skatte- og avgiftsmynde. Sals- og skjenkeløyve for einskildhøve skal sendast på høyring til politi og sosialtenesta. Endring av styrar og/eller stedfortredar skal sendast på høyring til politi og skatteog avgiftsmynde. Politi og sosialtenesta skal uttala seg om løyvesøknaden før den vert avgjort. Det kan og hentast inn uttale frå skatte- og avgiftsmynde. Dette for å ta stilling til vandel, og om søkjar stettar lovkrava. Dette gjeld for løyvehavar, personar som eig ein vesentleg del av verksemda, og / eller driv verksemda, og for styrar og stedfortredar for løyvet. Vandelskravet gjeld ikkje for A/S Vinmonopolet. Vert det avdekka noko som kan ha innverknad for løyvespørsmålet, pliktar politi og skatte- og avgiftsmynde, utan hinder av tausheitsplikta, å informera løyvemynde. Ved vurdering om løyve for sal eller skjenking skal gjevast, kan kommunen leggja vekt på antal sals- og skjenkeplassar, verksemda sin karakter, plassering, lokalmiljø, målgruppa, trafikk- og ordensmessige tilhøve og næringspolitiske omsyn. Det skal leggjast vekt på om løyvesøkjar er egna til å ha løyve. Vilkår I følge alkohollova 4-3 kan kommunen setja vilkår for løyvet. Forutsetninga for eit lovleg vilkår er at det er begrunna i alkoholpolitiske hensyn. Side 6 av 36

7 3. Definisjonar Alkoholhaldig drikk gruppe 1 er drikk som inneheld over 2,5 og høgst 4,7 volumprosent alkohol. Alkoholhaldig drikk gruppe 2 er drikk som inneheld over 4,7 og mindre enn 22 volumprosent alkohol. Alkoholhaldig drikk gruppe 3 er drikk som inneheld mellom 22 og 60 volumprosent alkohol. Salsløyve - Overdraging av alkoholhaldig drikk til forbrukar mot vederlag, for drikking utanfor salsplassen. Skjenkeløyve - Overdraging av alkoholhaldig drikk til forbrukar mot vederlag, for drikking på plassen. 4. Løyveperioden Sals- og skjenkeløyver kan gjevast for inntil 4 år, med opphøyr seinast 30. september året etter ny kommunestyreperiode er i gang. Det nye kommunestyret kan vedta at alle eller nokre løyver kan løpa utan fornying, men berre etter ein revidering av dei alkoholpolitiske retningslinjene. Ein kan få sals- og skjenkeløyve for ein tidsavgrensa periode, for ein bestemt del av året eller for eit einskildhøve. For einskildhøve er det spesifisert eigne vilkår, sjå punkt 6. Del 3 - Skjenkeløyve 5. Tildeling av alminneleg skjenkeløyve for alkoholhaldig drikk gruppe 1, 2 og 3 Det vert ikkje sett tak på antal skjenkeløyver i Ullensvang kommune. Skjenkeløyve for alkoholhaldig drikk gruppe 1,2 og 3 kan tildelast hotell, restaurant, pub, bar, diskotek, kafe, bistro og serveringsplass knytt til gardsturisme. 6. Skjenkeløyve for einskildhøve Det kan tildelast skjenkeløyve for einskilde høve. Det vert ikkje gjeve skjenkeløyve for idrettsarrangement. Kommentarar til idrettsarrangement: Rådmannen ynskjer ikkje tillata skjenking på idrettsarrangement. Det er viktig at barn og unge saman med vaksne kan møta trygge og rusfrie arenaer, der dei ikkje vert eksponert for alkohol. På større arrangement som til dømes bygdafestar, vert det sett som villkår at Side 7 av 36

8 skjenkestyrar og stedfortredar, og minst 1 av vaktene må ha gjennomført skjenkekurs i regi av kommunen eller ha teke kunnskapsprøven for skjenkeløyve. For å få løyve til einskildhøve må det vere minimum 18 år aldersgrense til skjenkelokalet. Det kan søkjast om dispensasjon på arrangement der det vil vera naturleg å gje adgang til ungdom under 18 år. Dette kan t.d. vera konsertar, revy eller andre kulturelle arrangement. På såkalla bygdafestar kan ungdom frå 15 år og oppover delta. Vilkår for dette er at det vert utabeidd ei risikovurdering for blant anna å hindra at mindreårige får tilgang til alkoholhaldig drikk. Det skal vera program, matservering og dans. Kommentarar til bygdafestar: Det har vore debatt om aldersgrense på bygdafestar i både Jondal, Ullensvang og Odda då saka var oppe til vurdering i Fleire ungdomslag i dei tre kommunane engasjerte seg, og kom med uttale til dette. Det var eit sterkt ynskje om at ungdom frå 15 år skulle få vera med på desse tradisjonsfestane. Det førte til at alle dei tre kommunane vedtok at det skal vera tillate med 15 års grense på desse festane. Rådmannen går inn for å tillata ungdom frå 15 år og oppover å delta på desse festane i Ullensvang kommune, men med vilkår nemnd ovanfor. Vakthald skal som alltid godkjennast av politiet. Brot på villkåra sett i løyvevedtaket og alkohollova kan medføra karantene for både huseigar og arrangør. Vaktkrav ved einskildhøve: Alle arrangement må foreta ei risikovurdering ut frå kva type arrangement og gjestetal. Minst ein av vaktene skal ha bestått kunnskapsprøven for skjenkeløyve eller delteke på tilpassa kurs i alkohollova i regi av Ullensvang kommune. Rådmannen kan i spesielle høve fråvika krav om kunnskapsprøve/kurs for styrar og stedfortredar og ein av vaktene, dette ut frå ei totalvurdering av type arrangement. Det same gjeld vaktkravet, men då i samråd med politiet, som er dei som set vaktkrav. Døme på slike arrangment er pensjonistlag eller andre lag som vil ha meldemsfest eller kulturarrangement der skjenkinga berre er ein liten del av arrangementet, som til dømes temakveld, opning av ny butikk og lignande. Etter samråd med lensmannen i Hardanger vert vaktkravet slik: Side 8 av 36

9 Politiet skal ha melding om kvart arrangement og kan stilla andre vaktkrav enn det som er skissert her, ut frå ei totalvurdering av arrangementet. Større arrangement som til dømes Morellfestivalen på Lofthus, Handverkmessa i Jondal og Røldalsmarknaden er pålagt å søkje politiet om løyve. Politiet skal uttala seg om arrangementet før Ullensvang kommune handsamar søknaden. Gebyr for skjenkeløyve for einskildhøve: Gebyr for salsløyve for einskildhøve 600 kr. Om arrangementet vert avlyst, skal det betalast eit gebyr på 600 kr. Viser det seg i ettertid at det er fleire eller færre gjester enn oppgjeven i søknaden, må dette meldast til kommunen, som justerer kravet. 7. Ambulerande skjenkeløyve Det vert ikkje gjeve ambulerande skjenkeløyve i Ullensvang kommune. Skjenkeløyve for einskilhøve erstattar dette. 8. Innførsel eller tilverking av alkoholhaldig drikk for skjenking i eiga verksemd utvida kommunalt skjenkeløyve Eit ordinært skjenkeløyve kan etter ei skjønsmessig vurdering utvidast til å omfatta innførsel av alkoholhaldig drikk som skal skjenkast i eigen verksemd. Utviding til innførsel kan kun omfatte den alkoholhaldige drikk som skjenkeløyve dekkjer. Løyve til innførsel kan ikkje gjevast til skjenkeløyve for ein bestemt del av året eller for einskildhøve jf. 1-6 i alkohollova. Eit skjenkeløyve kan og utvidast til å omfatta tilverking av dei same alkoholhaldige drikkane som kan skjenkast, utan brennevin. Dette gjeld og for løyve for ein bestemt del av året eller einskildhøve (i motsetning til innførsel). Eit utvida løyve for tilverking kan berre gjevast om tilverkinga inngår som ein del av skjenkeplassen sin karakter og tilbod. Det skal til dømes fremma lokale tradisjonar, kultur og turisme og tilverkinga skal skje på skjenkeplassen. Felles for begge ordningane er at alkoholhaldig drikk som vert innført eller tilverka i medhald av det utvida skjenkeløyve, kun kan skjenkast ved skjenkeplassen løyvet er knytt til. Drikken kan ikkje omsetjast på anna måte. 9. Skjenketider Ullensvang kommune har lik skjenketid heile veka: Side 9 av 36

10 Gruppe 1 og 2: kl Gruppe 3: kl Det vert ikkje høve til å søkja om utvida skjenketid. Kommentarar til skjenketider: Kommunen kan til ein viss grad fastsetje anna sals- og skjenketid enn det som framgår av lova. Kommunen kan både utvida eller innskrenka den generelle sals- og skjenketida som er angitt i alkohollova 3-7 og 4-4. Skjenking av gruppe 3 (brennevin) mellom kl og og skjenking av gruppe 1 og 2 (øl og vin) mellom kl og er forbode jf. 4-4 i alkohollova. 10. Utviding av skjenkeområde Det kan etter søknad verta gjeve løyve til utviding av eit skjenkeområde for alminnelege løyver. Kommunen gjer vurderingar etter alkohollova 1-7a for kvar einskild søknad. Utviding av skjenkeområde gjeld for dei alkoholgruppene som løyvehavar har rett til å skjenke. Skjenketid følgjer dei vedtekne skjenketidene som løyvehavar har fått, men kommunen kan innskrenke skjenketidene ved utvida skjenkeområde. Politiet skal ha melding om utvida skjenkeområde og kan setja krav til vakthald. Del 4 Salsløyve Sal av alkoholhaldig drikk gr. 2 og 3 kan berre skje gjennom AS Vinmonopolet på grunnlag av kommunalt løyve. Sal av alkoholhaldig drikk gr. 1 kan berre skje på grunnlag av kommunalt løyve, og gjeld for eitt bestemt lokale og bestemt type verksemd. Det kan etter forskrifta 3-2 ikkje gjevast salsløyve til bensinstasjon eller kiosk. Kommunen står relativt fritt til å velje kva type verksemd som skal få løyve eller ikkje, men Ullensvang kommune har ingen retningsliner for kven som kan få løyve til sal av alkoholhaldig drikk utover det som er nemnd i forskrifta. 11. Utviding av salsområde Det kan etter søknad, ved særskilde høve, verta gjeve løyve til utvida område for sal av alkoholhaldig drikk opp til 4,7 volumprosent. Særskilde høve er festivalar, messer og kurs. Det kan ikkje skjenkast og seljast alkoholhaldig drikk i same lokale. 12. Tilverking av alkoholhaldig drikk for sal i eiga verksemd Side 10 av 36

11 Kommunen kan, etter en skjønnsmessig vurdering, utvida eit salsløyve til å omfatta rett til innførsel av alkoholhaldig drikk gruppe 1 for sal i eigen verksemd. Slikt utvida løyve kan gjevast samstundes med salsløyve eller som tillegg til eit allereie eksisterande salsløyve. Løyver som gjeld for ein bestemt del av året eller for einskildhøve kan ikkje utvidast til å omfatta innførsel for sal i eigen verksemd. Løyvehavar med kommunalt salsløyve kan søkja om å få utvida dette løyve til å omfatta tilverking for sal i eigen verksemd av alkoholhaldig drikk gruppe 1 direkte fra produksjonsplassen. Dette gjeld berre om tilverkninga skjer ved salsplassen. Salet og tilverkinga må utgjera ein del av plassen sin karakter og salstilbod, til dømes lokale tradisjonar og som fremmar lokal kultur og turisme. Løyve for ein bestemt del av året eller for einskildhøve kan ikkje utvidast til å omfatta tilverking for sal i eigen verksemd. Løyvehavar med kommunalt salsløyve kan søkje om å få utvida sitt salsløyve til å omfatta tilverkning for sal i eigen verksemd av visse produkt i gruppe 2 (som inneheld over 4,7 og opp til 22 volumprosent), direkte fra produksjonsplassen. Salet og tilverkninga må utgjera ein del av plassen sin heilskaplege karakter og salstilbod, til dømes lokale tradisjonar og som fremmar lokal kultur og turisme. Vidare er det eit krav for sal og tilverking av gruppe 2 at: Den alkoholhaldige drikken som skal tilverkast må vera omfatta av produktlista i kommentar til posisjon i Tolltariffen (andre gjæra drikkevarer t.d. sider, pærevin og mjød). Det kan ikkje tilsettjast brennevin eller alkohalhaldige produkt som ikkje er omfatta av denne produktlista. Minst en tredjedel av innsatsvarene som gjer produktet sin karakter, må vera eigenprodusert. Det er ei volumbegrensing på sal pr. år på liter. Innehavar av statleg tilverkningsløyve etter kapittel 6 kan og søkje om kommunalt salsløyve for sal av tilsvarande produkt, direkte frå plassen for tilverkning om desse krava er stetta. Kommentarer til tilverking av alkholhaldig drikk for sal i eiga verksemd: Etter endringar i alkohollova er det altså no opna for at kommunane kan gje løyve for produksjon av alholhaldig drikk i gruppe 1 og 2 for sal i eiga verksemd, der lokale tradisjonar og fremming av kultur er sentralt. Det er i alt 12 gardar med slikt løyve i Ullensvang herad, der enkelte gardar og kombinerer dette med skjenkeløyve for å leggja tilrette for arrangement med lokal mat og drikke kombinert med kulturformidling. Truleg er Ullensvang herad den kommunen som har flest slike løyve, og det er framleis stor Side 11 av 36

12 optimisme. Dette temaet vert truleg eit eige kapittel i ny ruspolitisk plan, og vil då kunne få ei grundig handsaming. Framlegget for resten av inneverande periode vil i hovudsak basera seg på plan og praksis for Ullensvang herad. 13. Salstider Sal av drikk gruppe 1 er forbode etter kl på kvardagar og kl på dager før søn- og helligdagar med unnatak av dagen før Kristi Himmelfartsdag etter jf. 3-7 i alkohollova. Salstider i butikkane skal vera i samsvar med maksimaltida i alkohollova: Kvardagar kl Laurdagar og dagar før heilagdagar kl Del 5 Diverse 14. Delegeringsmynde Det er kommunestyret som er delegert ansvaret for å innvilga løyver for sal og skjenking av brennevin (gruppe 3), vin (gruppe 2) og øl (gruppe 1). Kommunestyret kan delegera mynde til å tildela løyver, fastsetja tid for sal og skjenking og å inndra løyver til formannskapet eller rådmannen. Sals- og skjenkeløyver skal vera knytt til eigarskapet, også om det er ein juridisk person. Løyvet vert gjeven til den som har det økonomiske og juridiske ansvaret for bedrifta, og ein løyvehavar kan ha fleire løyver. Delegert Ullensvang formannskap Handsaming av søknader om nye sals- skjenke- og tilverkingsløyver Delegert til rådmannen Godkjenning av ny styrar / stedfortredar (alkohollova 1-7c) Gje sals- og skjenkeløyve for einskildhøve Gje løyve til utviding av skjenkeområde Prikktildeling og inndraging av løyve Gje nytt løyve til stader som allereie har sals- eller skjenkeløyve, men som av ulike grunnar må søkje nytt løyve. Til dømes ny eigar, endring av driftskonsept o.a. Fastsetjing av løyvegebyr. Setje andre vaktkrav enn det som er skissert i denne saka ut frå ei totalvurdering, og i samråd med politiet. 15. Sals- og skjenkekontroll Kommunen har ansvar for kontroll med utøvinga av dei kommunale sals- og skjenkeløyvene, jf. alkohollova 1-9 og alkoholforskrifta kap. 9. Forskrifta seier at sals- og skjenkestadene Side 12 av 36

13 skal kontrollerast så ofte som behovet tilseier, men minst ein gong kvart år. Det skal skal kontrollerast tre gonger meir enn det er sals- og skjenkestader. Kontroll av sals- og skjenkestadene skal gjennomførast av skjenkekontrollen i Kvam herad. Utgifter i samband med kontroll av sal og skjenking av alkoholhaldig drikk er føresett dekka inn gjennom kommunen si innkrevjing av sals- og skjenkeavgifter. Avgiftene er heimla i 7-1 og forskriftene Samarbeid med bransjen, skjenkekontrollen og politiet. Ullensvang kommune vil i samarbeid med skjenkekontrollen i Kvam herad og politiet arrangera dialogmøte med sals- og skjenkenæringa. Ullensvang kommune har ansvar for at det vert arrangert minst eitt møte i året. Her vil vi i tillegg til politi og skjenkekontroll invitera med oss sals- og skjenkenæringa og ungdomslaga. I tillegg vil vi arrangera kurs i mindre målestokk om arrangørar av til dømes bygdafestar har behov for det. 17. Brot Prikktildeling Frå 1. januar 2016 vart det innført nye, nasjonale reglar for tildeling av prikkar og inndraging av løyver. Dette inneber sakshandsamingsreglar og standardiserte reaksjonar for ulike former for overtredingar. Reglane inneber at ulike typar brot vert tildelt eit visst tal prikkar, der 12 prikkar i løpet av 2 år vil føre til inndraging i ei veke. Eit brot kan gje maks 8 prikkar. Ordninga er obligatorisk, og kommunen er forplikta til å følgje anvisingane i denne forskrifta. Hovudformålet med innføring av prikktildelingssystemet er å sikre at brot på regelverket vert følgd opp. Vidare er systemet meint å føre til ei forenkling av sakshandsaminga av inndragingssaker i kommunane. Prikktildelingssystemet gjev klåre retningslinjer for når eit løyve skal inndragast, og kva reaksjon som normalt skal veljast. Det skal ikkje utøvast skjøn i same grad som tidlegare, men unnatak kan gjerast i særlege høve. Konsekvensane ved brot vil vere meir tydelege og føreseielege for løyvehavarane med dette prikktildelingssystemet. Dette kan vere til hjelp for løyvehavarane når dei utarbeider rutinar og internkontroll for å sikre at drifta er i samsvar med alkohollova med forskrifter. Oversikt over prikkfordeling 8 prikkar Sal og skjenking til mindreårige Brot på bistandsplikta Brot på krav om forsvarleg drift Hindring av kontroll 4 prikkar Sal og skjenking til openbart rusa person Brot på tidsbestemmelsane Skjenking av sprit til person mellom 18 og 20 år Side 13 av 36

14 Brot på alderskrav til den som sel eller skjenker alkohol 2 prikkar Openbart påvirka person i lokalet Manglar ved internkontroll Manglande levering av omsetjingsoppgåve Manglande betaling av gebyr Brot på reglar om styrar og stedfortredar Diskriminering Narkotikaomsetjing 1 prikk Brot på reglar om alkoholfrie varer Brot på reglar om plassering av alkoholhaldig drikk på salsplassen Brot på reglar om skjenkemengd av brennevin Brot på vilkår i løyvevedtaket Konsumering av medbrakt alkohol Gjester tek med alkohol ut Brot på reklameforbodet Samandrag/ konklusjon: Ullensvang kommune skal føra ein løyvepolitikk som tilretteleggjer for ein sunn og seriøs næring, som kan tilby kommunen sine innbyggjarar og turistar eit godt og variert utval av serveringsplassar. Kommunen ynskjer å samarbeide med løyvehavarane, slik at gjeldande retningslinjer og regelverk vert følgd. Side 14 av 36

15 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/14 3 Ole-Jørgen Jondahl Journalpostnr. 13/56 Oppstart prosjekt Betre tverrfagleg innsats Dokumentnr Tittel Prosjektplan tidleg inn, tidleg ut -Ullensvang kommune Vedlegg Prosjektplan tidleg inn, tidleg ut -Ullensvang kommune Tilråding frå prosjektleiar: 1. Fellesnemda godkjenner oppstart av prosjektet "Betre tverrfagleg innsats". 2. Fellesnemda ber prosjektleiar halda utvalet Kultur og levekår oppdatert om framdrifta i prosjektet. Prosjektet skal evaluerast våren 2021, evalueringa skal handsamast politisk. 3. Kostnader knytt til prosjektet vert handtert på ordinært driftsbudsjett. Saksopplysningar: Tidleg inn, tidleg ut - Betre Tverrfagleg innsats er eit samaordnings- og utviklingsprosjekt mellom kommunene Odda og Jondal og Ullensvang herad for å sikre systematisk og kunnskapsbasert identifikasjon og oppfølging av utsette barn i Ullensvang kommune. Arbeidet er allereie i gong. Ullensvang kommune skal sikra ein felles praksis for det tverrfaglege samarbeidet rundt barn og unge i risiko, i heile den ny kommunen. For å gjere detta skal det utarbeidast ein heilskapleg samhandlingsmodell for å identifisera barn og unge som på ei eller anna måte treng hjelp ved å samarbeida på tvers av tenester og faggrupper. Modellen skal utviklast på Side 15 av 36

16 kommunal, etat- og individnivå. Utviklingsarbeidet er retta mot denne prosessen og vil innehalde helsedirektoratets modell BTI - Betre Tverrfagleg Innsats på individnivå. Vurdering: Utsette barn og unge er ei målgruppe for tenester som krev tett oppfølging og systematisk arbeid. Dei personlege, og samfunnsøkonomiske, konsekvensane av svak oppfølging er store. Eit styrka tverrfagleg samarbeid gjennom BTI-modellen vil vera eit godt tiltak for å sikra målgruppa eit godt tenestetilbod. Økonomiske konsekvensar: a. Driftskonsekvensar Ingen b. Investeringskostnader Ingen c. Finansiering Driftsbudsjett Samandrag konklusjon: BTI-modellen vil styrka og forplikta eit sterkare tverrfaglege samarbeid. Prosjektet skal evaluerast våren Prosjektleiar rår Fellesnemda til å følgja innstillinga i saka. Side 16 av 36

17 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/22 1 Ole-Jørgen Jondahl Journalpostnr. 13/42 Skulekretsar i Ullensvang kommune nummerering Dokumentnr Tittel Skulekretsar Ullensvang kommune 2020 (L)( ) Vedlegg Skulekretsar Ullensvang kommune 2020 (L)( ) Tilråding frå prosjektleiar: 1. Fellesnemda stadfestar prosjektleiar sitt svar til Statens kartverk datert Fellesnemda vedtek følgjande nummerering av skulekrinsar: 3. Fellesnemda godkjenner vidareføring av nærskuleavtalar som følgjer: - Fjæra krins med Etne kommune. - Gjetingsdalen med Kvinnherad kommune. Prosjektleiar Ole-Jørgen Jondahl, Nummer Krinsnamn: 1 Skare/Fjæra 2 Odda 3 Tyssedal 4 Røldal 5 Kinsarvik 6 Lofthus 7 Vikebygd 8 Hauso 9 Jondal/Gjetingsdalen Side 17 av 36

18 Saksopplysningar: Saka gjeld: Skulekretsar Ullensvang kommune I samband med Kommune- og regionreforma er det eit krav om at skulekrinsar i ny samanslått kommune ikkje kan ha like namn eller like nummer. Statens kartverk har sendt ut lister over eksisterande skulekrinsinndeling med namn og nummer til dei ulike kommunane som enno ikkje har retta dette i sin lokale matrikkel. Frist for oppdatering av skulekretsar er 31. mai Når kommunar slår seg saman, må skulekretsane også få nye nummer. Kommunestyret (Fellesnemnda) fattar vedtak om endringar i nummer eller inndeling. Grunnkretsgrensene bør liggja til grunn, men det er ikkje eit krav. Ein skulekrets er eit område der innbyggjarane skal sokna til ein spesiell skule på barne- og / eller ungdomstrinnet. Skulekretsane er eigde og skal forvaltast av kommunen, og ligg i kommunal tilleggsdel i matrikkelen. Det er difor valfritt for kommunen å leggja inn skulekretsinformasjon i matrikkelen. Endringar i skulekretsinndelinga, som fylgje av kommunesamanslåing eller grensejustering kan gjerast gjeldande i takt med skuleåret. (Ein del kommunar har gått over til flytande skulekretsar. Det vil seie at ny inndeling vert vedteken for kvart nytt kull ved skulestart, så ein sikrar betre fordeling av tal barn som begynner på kvar skule.) I kommunane Odda, Ullensvang og Jondal er det pr dags dato lik nummerering av skulekrinsar som er problemet. Ved ny nummerering står ein fritt til å tildela nye nummer, men eit prinsipp som vert nytta ved for eksempel valkrinsar, grunnkrinsar etc. er det den største kommunen som beheld si nummertildeling, så fylgjer dei neste kommunane på etter størrelse. Det verkar ryddig å fylgje same prinsipp også i skulekretsnummereringa. Det ligg føre 2 avtalar om nærskoletilbod pr i dag med Etne kommune for Fjæra krins og med Kvinnherad for Gjetingsdalen. Ei vidareføring av desse avtalane vil vera god nabopolitikk, og styrkjer elevgrunnlaget for eigne skular. Økonomiske konsekvensar: a. Driftskonsekvensar Drifftinntekter basert på grunnskulesats for Hordaland. b. Investeringskostnader Ingen c. Finansiering Samandrag/ konklusjon: Prosjektleiar rår Fellesnemda til å fatta vedtak i tråd med saksframstillinga. Side 18 av 36

19 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/24 1 Ole-Jørgen Jondahl Journalpostnr. 13/44 Etablering av barn og unge sitt kommunestyre (BUK) Dokumentnr Tittel Framhald av BUK i Ullensvang kommune frå og med 2020 Vedlegg Framhald av BUK i Ullensvang kommune frå og med 2020 Tilråding frå prosjektleiar: 1. Fellesnemda godkjenner oppretting av Barn og unge sitt kommunestyre for Ullensvang kommune i tråd med saksframstillinga 2. Fellesnemda set av ei ramme på kr til fordeling, og ber prosjektleiar innarbeida dette i budsjettforslag for Fellesnemda ber prosjektleiar utarbeida rutiner for gjennomføring av Barn og unge sitt kommunestyre, desse skal leggjast fram for politisk handsaming i februar Prosjektleiar stiller med sekretær og administrativ ressurs for gjennomføring. Prosjektleiar Ole-Jørgen Jondahl, Saksopplysningar: Saka gjeld: Barn og unge sitt kommunestyre i Ullensvang kommune. Tilrettelegging for deltaking og engasjement i lokaldemokratiet er ei viktig samfunnsoppgåve for kommunen. Å sikra ei brei deltaking i dei lokalpolitiske prosessane, og halda oppe eit levande og inkluderande lokaldemokrati er viktig for debatten om kva Side 19 av 36

20 samfunn vi lever i i dag, og korleis vi ynskjer samfunnet i framtida. Erfaringane frå Odda har vore særs positive, elevane tek dette på høgste alvor og er engasjerte. Ein kan og sjå igjen lokal- og regionalpolitikarar som har starta «karrieren» sin i elevråd/buk. Barn og unge sitt kommunestyre i Odda fatta i slikt vedtak 003/19 1. Barn og unge sitt kommunestyremøte (BUK) i Odda kommune oppmodar Fellesnemnda for Ullensvang kommune om å vidareføra Barn og unge sitt kommunestyremøte i Ullensvang kommune og avklara organet si samansetting og mandat. 2. BUK i Odda oppmodar kommunestyret i Ullensvang kommune å avsetja midlar min. kr til Barn og unge sitt kommunestyre sin disposisjon i budsjett Ordførar i Ullensvang kommunen leier BUK møtet (møta. Sakskart vert sendt ut til medlemene på førehad og forhandlingar og vedtak vert protokollerte og arkiverte på same måte som for andre vedaksorgan. Organet har ikkje møtegodtgjersle. Forslag til samansetting: Skule: Representantar: Jondal 3 Hauso 3 Vikebygd 3 Odda barneskole 6 Odda ungdomskole 4 Skare barneskule 3 Røldal skule 3 Tyssedal barneskole 3 Opedal skule 3 Kinsarvik skule 4 Totalt: 35 Endeleg samansetting og mandat vert innarbeidd i rutinene. Vurdering: Unge si deltaking i lokalpolitikken har vore dalande i periodar, og rekruttering av politikarar lav. Arbeid med elevråd og ungdomsråd har tidvis bidrege til å motivera unge sitt engasjement. Odda kommune har i tillegg til desse råda gjennomført Barn og unge sitt kommunestyre over ein lengre periode. Representantene har vore medlem av elevråda, og fremjar forslag til bruk av midler frå eigen skule. Ynskja frå skulane har vore høgare enn dei pengane BUK har til rådvelde. Elevane difor, på same måte som lokalpolitikarane, måtta diskutera, forhandla og inngå kompromiss for å verta einige. Møta har vore gjennomført på same måte som eit ordinert kommunestyre, leia av ordførar. På førehand har elevane hatt prosess i eige elevråd, og førebudd seg til møtet, med støtte frå kontaktlærar for elevrådet.. Dei held innlegg knytt til sakskartet, stiller spørsmål til kommuneadministrasjonen, og fattar vedtak. Side 20 av 36

21 Prosjektleiar si vurdering er at oppretting av BUK vil vera eit særs godt signal til barn og unge i den nye kommunen. Det kan vera med på å skapa større lokaldemokratisk deltaking, og vera ein arena for rekruttering av framtidige politikarar. Det vil og kunna vera ei god opplæring i lokaldemokratiske prosessar i kombinasjon med skulane si opplæring. BUK vil og kunna vera ein plass å verta kjende på tvers av skulane, få kjennskap til kvarandre sin ståstad og skapa samhald i på tvers av dei gamle kommunegrensene. Økonomiske konsekvensar: a. Driftskonsekvensar Ingen b. Investeringskostnader Ingen c. Finansiering Driftsbudsjett Samandrag/ konklusjon: 2019 er året vi feirer ålmenn stemmerett i Norge. Fokus på eit levande, representativt og sterkt lokaldemokrati er løfta tydeleg fram i ny kommunelov. Den nye kommunen vår vil trengja eit levande og engasjert lokaldemokrati å kunna levera ein ny attraktiv kommune for framtida. Prosjektleiar meiner oppretting av BUK vil vera eit godt tiltak for å bidra til det. Side 21 av 36

22 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/25 1 Journalpostnr. 13/45 Godkjenning av ny selskapsavtale Interkommunalt Arkiv Hordaland (IKAH) AS Dokumentnr Tittel Selskapsavtale pr Sak til kommunestyre i Ullensvang kommune om ny selskapsavtale for Interkommunalt arkiv i Hordaland IKS frå 2020 Vedlegg Selskapsavtale pr Sak til kommunestyre i Ullensvang kommune om ny selskapsavtale for Interkommunalt arkiv i Hordaland IKS frå 2020 Tilråding frå prosjektleiar: 1. Ullensvang kommune vedtek selskapsavtale for Interkommunalt Arkiv Hordaland IKS og gjer denne gjeldande frå og med Ullensvang kommune vedtek tilskotsmodell for Interkommunalt Arkiv Hordaland IKS og gjer denne gjeldande frå og med Prosjektleiar Ole-Jørgen Jondahl, Saksopplysningar: Saka gjeld: Ny selskapsavtale Interkommunalt arkiv Hordaland. Side 22 av 36

23 Den 30. april 2019 gjorde representantskapet ved Interkommunalt arkiv i Hordaland IKS vedtak om å fremje forslag om endring i selskapsavtala frå I same møte vedtok ein og framlegg til eigarbrøk samt ny tilskotsmodell. Tilskotsmodellen tek utgangspunkt i eit grunnbeløp som er likt for kvar eigarkommune i tillegg til eit fast kronebeløp for kvar innbyggar ut frå tal frå SSB pr. 1 januar føregåande år. Eigarbrøk utgår frå samla innbetalt tilskot og vert justert kvart 4 år på bakgrunn i endringar samt inn og utmeldingar i selskapet. Vurdering: Handtering av avleverte arkiv krev kunnskap og kompetanse som ikkje den einskilde kommune kan forventa å ha. Sikring av arkiva, og innsyn i saker i framtida, vil vera godt tatt i vare gjennom IKHA. Den nye selskapsavtalen tek innover seg dei endringane som skjer i Hordaland i samband med kommunereforma. Dei økonomiske tilhøva i avtalen vert justert i tråd med endringane i kommunestrukturen. Om selskapsavtala skal endrast, er det ein føresetnad at det vert gjort likelydande vedtak i samlege av eigarane sine kommunestyre. Ny selskapsavtale er ikkje gjeldande før den er godkjend i føretaksregisteret. Om det ikkje vert vedteke ny selskapsavtale innan 1.mars 2020 vil gamal avtale gjelde og gamal tilskotsmodell vert lagt til grunn fram til ny er vedteke. Ullensvang kommune vil då hefte for dei tre avvikla kommunane sine selskapsforpliktingar, til ny avtale er på vedteke eller uttreden av selskapet er gjennomført. Økonomiske konsekvensar: a. Driftskonsekvensar b. Investeringskostnader c. Finansiering Driftsbudsjett Saka sitt forhold til lovverk, planar og avtalar: Arkivlova Offentleglova Samandrag/ konklusjon: Samarbeidet og kvaliteten i arbeidet til IKHA har vore godt opp i gjennom åra. Dette samarbeidet ynskjer administrasjonen å vidareføra. Kva framtida vil bringa knytt til digitalisering og arkivtenester er ikkje lett å spå om, og vil verta handtert når endringar kjem som fylgje av dette. Prosjektleiar si vurdering er at forslaget til ny selskapsavtale er godt og rår Fellesnemda til å fatta vedtak i tråd med innstillinga. Side 23 av 36

24 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/26 1 Ragnvald Joakimsen Journalpostnr. 13/46 Reglement politiske utval Dokumentnr Tittel Politisk reglement for Ullensvang kommune Vedlegg Politisk reglement for Ullensvang kommune Tilråding frå prosjektleiar: Arbeidsgruppa sitt framlegg til reglement blir vedteke slik det ligg føre. Saksopplysningar: Det er sett ned ei arbeidsgruppe for å sjå på politisk reglement for Ullensvang kommune. Medlemer i gruppa har vore: Politisk oppnemnde medlemer: Nils Petter Freim Ingvild Hauso Elin Eide Brattabø Frå administrasjonen: Ole-Jørgen Jondahl Ragnvald Joakimsen Vurdering: Gruppa har i stor grad basert framlegget til reglement på det som vart vedteke som Side 24 av 36

25 reglement for fellesnemnda. Dette var igjen basert på dei reglementa ligg føre i dei 3 kommunane i dag og er langt på veg ganske likt det som er "standard" reglement for dei aller fleste kommunar i landet. Reglementet inneheld 2 delar: Del 1. Reglement for kommunestyret og andre utval oppretta med heimel i kommunelova 5-1. Del 2. Reglement for godgjersle. Økonomiske vilkår for medlemmer av kommunestyret, formannskapet og andre styre råd og utval som kommunestyret opprettar. Ein reknar med at Del 1 er ganske ukontroversielt. Mykje av reglementet byggjer på reglar i kommunelova og noko frå forvaltningslova og er såleis meir ei praktisk samanstilling av ulike lovreglar. Det er opna for at det kan utarbeidast utdjupande eller heilt eigne reglement for andre styre, råd og utval dersom ein finn det nødvendig. Del 2 regulerer kven, dvs. kva verv, som skal få godtgjersle for politisk arbeid og på kva nivå dette skal ligge. Kort oppsummering av arbeidsgruppa sitt framlegg Ordførar/varaordførar Fast godtgjersle har ein valt å knyte til stortingsrepresentantar si godtgjersle (SR). For tida er den kr Fast godtgjersle for ordførar er det gjort framlegg om 100% av SR, dvs. kr For varaordførar er det gjort framlegg om 12% av SR, dvs. kr Møtegodtgjersle for kommunestyre, formannskap og utval Ordførar og varaordførar får ikkje godtgjersle per møte. Leiarar i utvala "Samfunn og utvikling", "Kultur og levekår" og Kontrollutvalet får fast godtgjersle på 3% av SR, dvs. kr , men får ikkje møtegodtgjersle for møte i dei utvala der dei er leiar. Medlemmer/møtande varamedlemmer får kr per møte Møtegodtgjersle for andre utval, styrer m.v Møtegodtgjersle er sett til kr Tapt arbeidsforteneste Dokumentert tap i arbeidsinntekt blir dekt fullt ut. Udokumentert tap blir dekt med inntil kr Skyss og kost blir dekt etter Staten sine satsar. I tillegg til dette reglementet skal det utarbeidast eit reglement for folkevalde sin rett til innsyn i saksdokument og til informasjon om saker som er til behandling, jfr. kommunelova Økonomiske konsekvensar: a. Driftskonsekvensar Side 25 av 36

26 Ingen b. Investeringskostnader Ingen c. Finansiering Over driftsbudsjettet Samandrag konklusjon: Prosjektleiar vurderer dette til å vere eit greitt reglement som tek høgd for dei fleste styre råd og utval, og tilrår at reglementet blir vedteke slik det er gjort framlegg om i vedlegget. Side 26 av 36

27 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/23 1 Ole-Jørgen Jondahl Journalpostnr. 13/43 Stafett for livet Kreftforeningen Dokumentnr Tittel Stafett for livet 2020 Kreftforeningen Vedlegg Stafett for livet 2020 Kreftforeningen Tilråding frå prosjektleiar: 1. Fellesnemda stiller seg positiv til og støttar initativet frå Kreftforeningen om å arrangera «Stafett for livet 2020» i Ullensvang kommune. 2. Ullensvang kommune stiller arena og fasiliteter til disposisjon for arrangementet. 3. Administrasjonen stiller i styringsgruppa med kreftkoordinator. Prosjektleiar Ole-Jørgen Jondahl, Saksopplysningar: Saka gjeld: Kreftforeningen sitt arrangment; Stafett for livet. Kreft er ein sjukdom rammar mange menneske kvart år. Arbeidet for å løysa kreft-gåta er tid- og kostnadskrevjande, og krev eit stadig fokus i samfunnsdebatten og forskingsmiljøa. Kreftforeningen driv informasjonsarbeid og gjennomfører ulike tiltak for å setja fokus på sjukdommen og dei som vert ramma. Stafett for livet er eit av desse tiltaka. Og Side 27 av 36

28 Kreftforeningen har valt Ullensvang kommune som lokasjon for Stafett for livet 2020, som ein av fleire plassar i landet. Stafetten er eit 24-timar langt arrangement for lag for å støtta eller minnast eit menneske som er eller har vore ramma av kreftsjukdom. Du kan lesa meir her, sjå og vedlegg i saka: Økonomiske konsekvensar: a. Driftskonsekvensar Bidrag gjennom gratis bruk av idrettsarena. b. Investeringskostnader Ingen c. Finansiering Samandrag/ konklusjon: Prosjektleiar meiner tiltaket er viktig for å støtta dei som vert ramma av kreft, og for å støtta Kreftforeningen sitt arbeid. Fellesnemda vert oppfordra til å støtta gjennomføring av arrangementet i tråd med innstillinga. Side 28 av 36

29 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/13 1 Ole-Jørgen Jondahl Journalpostnr. 13/24 Næringsfond Ullensvang kommune 2020 Tilråding frå prosjektleiar: 1. Fellesnemda opprett følgjande fond knytt til næring i Ullensvang kommune: a) Ullensvang næringsfond b) Ullensvang vekst- og strategifond 2. Ullensvang næringsfond får tildelt ei årleg budsjettramme på kr finansiert frå konsesjonsavgiftene. Prosjektleiar får i oppdrag å innarbeida dette i budsjett Vekst- og strategifondet frå Odda kommune vert vidareført i Ullensvang vekst- og strategifond. Handtering og årleg avsetting vert fastsett i vedtektene. 4. Prosjektleiar får i oppdrag å utarbeida vedtekter for begge fonda. Vedtektene skal leggjast fram for handsaming politisk innan utgongen av Ullensvang næringsfond skal nytta som Side 29 av 36

30 portal for søknader, dette vert innarbeid i vedtektene. 6. Ullensvang vekst- og strategifond innarbeider eigne rutinar for søknader i vedtektene. Saka blir avgjort av:. Fellesnemda Aktuelle lover, forskrifter, avtalar m.m. Intensjonsavtalen. Vassdragsreguleringslova Saksopplysningar: Ein næringsvenleg kommune bør ha tilgjengelege økonomiske ressursar som kan støtta etablering av nye næringsverksemder. Satsing på næringsutvikling er framheva i Intensjonsavtalen for kommunesamanslåinga: "I den nye kommune skal satsinga på framtidige arbeidsplassar og næringsutvikling i heile den nye kommunen stå sentralt." Konsesjonsavgifter knytt til kraftproduksjon vil vera ei viktig inntektskjelde i Ullensvang kommune. Desse midlane er knytt til kommunale investeringar og næringsutvikling. For Ullensvang kommune vil dei årlege konsesjonsavgiftene liggja rundt 30 millionar kroner. Prosjektleiar si tilråding på 1,5 millionar kroner utgjer 5% av midlane. Vurdering: Prosjektleiar ser det som særs viktig å ha næringsfond tilgjengeleg for gründerar og nyetableringar for å stå fram som ein næringsvenleg kommune. Økonomisk draghjelp frå kommunen kan vera avgjerande for å få til ei etablering, i kombinasjon med eigenkapital og eigeninnsats. Næringsfondet kan og vera eit verkemiddel for å stimulera til entreprenørskap og gründer-tenking. Prosjektleiar tilrår 2 ulike fond: 1. Næringsfondet skal ha årlege tildelingsrundar etter søknad frå etablerarar og verksemder. Vedtektene vil regulera storleik på støtte, prioriteringar osb. Side 30 av 36

31 Finansiering frå konsesjonsavgifter som kan nyttast til investeringar og næringsfond. 2. Vekst- og strategifondet skal handtera større etableringar, aksjekjøp, toppfinansiering og liknande som inneber større risiko. Det vil vera naturleg å setja saman eit fondstyre med deltaking frå det politiske miljø og frå næringslivet. Vedtektene vil regulera handtering av fondet. Eigenfinansiering frå kommunen, til dømes i samband med rekneskapsavslutning. Saldo i fondet pr mai 2019: Bunden kapital kr Fri kapital kr Dette avvik frå Intensjonsavtalen punkt 6.7 Lokale næringsfond. Prosjektleiar vurderer fleire geografisk avgrensa fond som lite føremålstenleg. Me vert ein kommune, Ullensvang kommune, dei økonomiske ressursane knytt til fonda bør vera tilgjengeleg for alle næringsaktørar i heile kommunen. Eit fond med fondstyre vil då kunna ha eit heilskapleg blikk på næringsutviklinga, prioriteringar og sikra ei god forvalting. Om ein vel fleire lokale fond kan det verta krevjande å handtera søkjarar likt og støtta oppunder dei strategiske måla for næringsutvikling i kommunen. Kvart fond vil og då krevja unødvendig separat sakshandsaming frå administrasjonen. Saka har vore drøfta med den koordinerte arbeidsgruppa Næring, samfunn og eigedom, dei er samde i prosjektleiar si tilråding. Røldal næringsfond vil verta vidareført som i dag, med eigne vedtekter og styre. Dette fondet er heimla i konsesjonen til Hydro for Røldal-Suldal-kraft, og geografisk avgrensa til Røldal. Økonomiske konsekvensar: a. Driftskonsekvensar Finansiering av sakshandsaming i driftsbudsjett. b. Investeringskostnader Ingen c. Finansiering Side 31 av 36

32 Konsesjonsavgiftsfondet. Samandrag konklusjon: Næringsmidlar og fond bør vera tilgjengeleg for alle i heile den nye kommune, så framt det ikkje ligg føre avgrensingar liknande Røldal. Me skal vera ein kommune, det må og speilast i arbeid med næringsutvikling. Prosjektleiar rår Fellesnemda til å fatta vedtak i tråd med saksframstillinga. Side 32 av 36

33 SAKSGANG Utval Møtedato Saksnr. i utval Fellesnemnda /19 Saksbehandlar: Arkivsak dok.nr 13/12 1 Ole-Jørgen Jondahl Journalpostnr. 13/23 Hardangerrådet 2020 Dokumentnr Tittel Sendt til Voss _ Invitasjon Innkalling med saker og vedlegg til Hardangerrådsmøte i Ulvik Møtebok regionrådsmøte Ulvik (3) Selskapsavtale utvida regionråd frå 2020 vedtatt docx (3) Strategiplan vedtatt Melding om vedtak HR-sak 10_19 Selskapsavtale frå 2020 etter vedtak i fellesnemnda i Voss herad Vedlegg Sendt til Voss _ Invitasjon Innkalling med saker og vedlegg til Hardangerrådsmøte i Ulvik Møtebok regionrådsmøte Ulvik (3) Selskapsavtale utvida regionråd frå 2020 vedtatt docx (3) Strategiplan vedtatt Melding om vedtak HR-sak 10_19 Selskapsavtale frå 2020 etter vedtak i fellesnemnda i Voss herad Side 33 av 36

34 Tilråding frå prosjektleiar: 1. Fellesnemda godkjenner utviding av eigarskapet med Voss herad i tråd med selskapsavtalen frå Fellesnemda ber styret i Hardangerrådet leggja fram ny selskapsavtale med dei nye juridiske eigarane i tråd med Lov om interkommunale selskap Fellesnemda ynskjer Voss herad velkomen i Hardangerrådet IKS. Fellesnemda ber nye Voss herad tre inn i selskapet med rettar og plikter på same vilkår som dei andre eigarkommunane i tråd med selskapsavtalen frå 2014 basert på innbyggjartal. Saka blir avgjort av:. Fellesnemda Ullensvang kommune Aktuelle lover, forskrifter, avtalar m.m. Lov om interkommunale selskap Kommunelova 17-1 Interkommunalt samarbeid Gjeldande selskapsavtale Hardangerrådet av 2014 Saksopplysningar: Eigarskapet i Hardangerrådet IKS vert endra frå med bakgrunn i kommunesamanslåing. Det har vore arbeidd med selskapsavtalen i rådet, og det er fatta slik vedtak (HR-sak 10/19): "Hardangerrådet tilrår at rådet vert vidareført slik det er i dag for året Ullensvang kommune og Voss herad overtek eigarskapet i Hardangerrådet som Jondal, Odda, Ullensvang og Granvin har i dag. Det vert sett ned eit interimstyre som har som oppgåve å utgreia samarbeid/samarbeidsform i regionen etter Interimstyret skal invitera til eit breitt samarbeid med regionane kring oss. Hardangerrådet ber om at fellesnemnda i Voss herad og Ullensvang kommune gjer vedtak om å overta dei tidlegare kommunane sine rettar og plikter i Hardangerrådet for Oppseiingsfrist frå Hardangerrådet iks vert endra frå 8 mnd til 6 mnd." Vurdering: Hardangerrådet IKS vart oppretta i Rådet si oppgåve er å vera supplement og støtte til kommunane si eiga verksemd. Selskapsavtalen legg til grunn at alle deltakarkommunane skal vera likeverdige partar. Slik er og økonomien i selskapet lagt opp. Kvar eigarkommune svarar for ein prosentandel basert på folketal etter 2014-avtalen: Side 34 av 36

35 Kommune: Eigardel: Eidfjord 10% Granvin 8% Jondal 8% Kvam 26% Odda 26% Ullensvang 14% Ulvik 8% Kommunane sin eigar- og ansvarsdel i selskapet er fastlagd slik: 20% av total kontingent vert fordelt likt mellom medlemskommunane. Resterande 80% vert fordelt i samsvar med folketal. Dei juridiske partane i Hardangerrådet IKS vert endra frå Det gjev slik fordeling mellom eigarkommunane frå basert på gjeldande selskapsavtale av 2014: Kommune: Eigardel: Eidfjord kommune 6% Kvam herad 22% Ullensvang kommune 28% Ulvik kommune 7% Voss herad 37% Når Ullensvang kommune og Voss herad trer i kraft frå er dei bedne om å overta rettar og plikter til dei gamle kommunane Jondal, Odda, Ullensvang og Granvin. For Ullensvang kommune inneber dette at ein vil ha den same eigarandelen og plikter som dei tre gamle kommunane hadde. Fellesnemda Voss herad har takka nei til den nye selskapsavtalen av 2018, og har vedtatt å gå inn i selskapet berre med Granvin sin del og pliktar, utan å svara for folketalet slik det var då selskapet i si tid vart oppretta. Prosjektleiar meiner dette ikkje er i tråd med selskapsavtalen slik han ligg føre, den er klar og tydeleg på at kommunane sin eigardel vert rekna utifrå innbyggjartalet. Folketalet for nye Voss herad vil liggja rundt 15600, klart størst i rådet. For å vera likeverdige deltakarkommunar må det gylne prinsipp vera at det og gjeld dei økonomiske tilhøva Dette oppgåvefellesskapet er eit viktig regionsamarbeid for dei deltakande kommunane, og eit talerør inn mot regionale og nasjonale mynde. Grunntanken i Hardangerrådet har vore likeverdige partar, det må då etter prosjektleiar si vurdering gjelda rettar og pliktar i selskapet og. Økonomiske konsekvensar: a. Driftskonsekvensar b. Investeringskostnader c. Finansiering Side 35 av 36