Elvecruise på Mekong 11-dagars tur med avreise 9/

Transkript

1 Elvecruise på Mekong 11-dagars tur med avreise 9/ Vi inviterer deg med på eit opplevingsrikt cruise Mekongelva, hovudpulsåra i søraust-asia. Frå den spede starten i Tibet sine snørike høgfjell til det mektige deltaet i Vietnam, skapar Mekong livsgrunnlaget for millionar av mennesker. Elva fører vatn og næringsrikt slam til jordbruket, og 40 millionar menneske lever av fisk frå Mekong. Dette er ei av dei største elvane i verda. Frå Tibet renn den gjennom Yunnan-provinsen i Kina, Myanmar, Thailand, Laos, før den munnar ut i eit enormt delta som startar i Kambodsja og breier seg meir og meir utover i breidda i Vietnam, der den munnar ut i havet. Dette er sjølve livsnerven i landa i Indokina og går gjennom vakkert landskap i fleire land, der kultur og folkeliv er prega av djup, buddhistisk religiøsitet. Her er det vakre forgylte pagoder, fantastiske buddhastatuer og overgrodde templer i jungelen. Elvecruiset startar i Vietnam, i den myldrande og fascinerande storbyen Ho Chi Minh City, som vi tidlegare kjenner som Saigon. Frå Ho Chi Minh City siglar vi på Saigon-elva, via ein kanal, til Mekong-elva som vi føl nordover. Vi gjer stogg ved små landsbyar og ser grøne og frodige rismarker, leikande småborn og flytende marknader langs elvebreiddene. Cruiset endar i Phnom Penh, hovudstaden i Kambodsja, med imponerande palass og buddhastatuer, museum og minnesmerker frå Pol Pot og Røde Khmers herjingar på 70-talet. Vidare går turen med fly til byen Siem Reap. Fra det 9. til det 14. århundre herska dei mektige khmer-kongane over eit rike som strakte seg over det som i dag er både Vietnam, Laos, Kambodsja og Thailand - og den høgt utvikla sivilisasjonen hadde ein enorm påverknad på den kulturelle og kunstneriske utviklinga over heile søraust- Asia. Siem Reap er i dag ein livleg by med mange butikkar, barar og restaurantar. Eit av høgdepunkta på turen er Angkor Wat i Siem Reap. Dette er eit enormt ruinkompleks med palass og tempel frå den tidlegare hovudstaden i khmer-riket. Her finn vi om lag 100 tempel, fleire av dei ligg langt inne i jungelen, og heile komplekset dekker eit område på 250 kvadratkilometer. Lenge var Angkor Wat nedgrodd i jungel og gløymt, nå er byggverka berga frå jungelen sitt kvelertak og fortida sine skattar kan igjen opplevast. Vi vitjar ikkje berre Angkor Wat, men og Angkor Thom, Bayan og Elefantterrassen.

2 DAG 1 09/11 Avreisedag Avreise Flesland/Bergen kl med SAS til Gardermoen og vidare med Thai Airways til Bangkok med ankomst neste morgon kl DAG 02 10/11 : Ho Chi Minh City Etter flybyte i Bangkok på morgonkvisten, landar vi på Tan Son Nhat International Airport som ligg om lag 6 km. frå sentrum av Ho Chi Minh City (Saigon) kl lokal tid. Her ventar buss som tek oss til hotellet for innsjekk og litt personleg stell etter ein lang flytur, før det er klart for rundtur i byen. Vi vitjar Reunification Palace, det tidlegare presidentpalsset som var målet for nordvietnamesiske tanks aprilmorgonen i 1975 då Saigon fall. Ein mektig bygning som er fylt med historie som framleis er i friskt minne for mange. Vi spaserer gjennom den vakre Reunification Park til det gamle postkontoret der det vert busstransport til Cholon, det kinesiske kvarteret i byen. Her finn vi mellom anna Thien Hau Pagoda som er tileigna «Sjøens gudinne». FITO Museum viser ei utruleg samling av element som er relevante for utvikling av tradisjonell vietnamesisk medisin. Etter det første fellesmåltidet på turen, lunsj på Viet Village Restaurant, er resten av dagen til fri disposisjon, fram til velkomstmiddag på restaurant om kvelden. DAG 03 11/11: Ho Chi Minh City - Cu Chi - Ho Chi Minh City Avreise med buss frå Ho Chi Minh City kl 0800 om morgonen til Cu Chi distriktet. Når vi legg storbyen bak oss, endrar landskapet seg. Vi får utsyn over rismarkene, ser landsby-buarane tørkar nudlar ved vegkanten og annan aktivitet som er typisk for det sørlege Vietnam. Ved ankomst til Cu Chi distriktet skal vi vitje dei kjende Cu Chi-tunnellane som er eit utruleg underjordisk tunnellnettverk som var konstruert av vietnamesiske motstandsmenn (Viet Cong) under både den franske og den amerikanske krigen. med mange nye og sterke inntrykk reiser vi attende til Ho Chi Minh City for ein god lunsj på Indochine Restaurant. Kl vert det transport frå hotellet til ei brygge ved elva og vi er klare for eit herleg 2-timars solnedgang-cruise gjennom trange kanalar, lokale nabolag og moderne, raskt veksande bydelar. Vi vil få oppleve dei mest interessante attraksjonane både på og ved elva. Vi ser tradisjonelle trebåtar frå Mekong Deltaet, fiskebåtar der familier lever og bur og større sjøgåande båtar. Vi avsluttar cruiset med ein vakker solnedgang over byen sin skyline. Det vert transport attende til hotellet og fellesmiddag på restaurant.

3 DAG 04 12/11: Saigon - My Tho - Cai Be Vi seier farvel til kjas og mas i storbyen og tek plass i bussen for transport til My Tho (70km.) for å starte eit opplevingsrikt cruise på Mekong. Vi får tildelt lugar og finn oss til rette på båten før det vert servert forfriskninger og lett lunsj medan båten kastar loss. Det vert informasjonsmøte i salongen og etterpå nyt vi dei vakre omgjevnadane og ein vakker solnedgang, før det er tid for velkomstmiddag om bord. Djupt inne i hjartet av mekongdeltaet kjem vi til byen Cai Be som er kjent for sin flytande marknad.. Her legg skipet seg for anker og vi går til ro for natta. DAG 05 13/11 Cai Be Sadec Tan Chau Etter ein god frukost i vakre omgjevnader skal vi oppleve den flytande marknaden og dagleglivet på floden og langs dei smale kanalane. Om ettermiddagen siglar vi til Sa Dec. Her går vi om bord i ein tradisjonell sampan, ein brei og flatbotna robåt som tek oss til Bihn Thanh Island for å vitje ein liten landsby der. Her er kvar landsbybuar involvert i prosessen med å lage rotting matter og dette gjev oss høve til å møte lokalbefolkninga i sitt rette element. Attende på skipet for ein god middag og ein roleg kveld medan vi stemner mot Tan Chau, ein liten og avsidesliggande landsby ved elvebreidda og ankrar opp for natta her.

4 DAG 06 14/11: Tan Chau - grenseovergangen - Phnom Penh Vi startar dagen med ein solid frukost før vi tek ei kort utflukt i den hyggjelege småbyen Tan Chau som ikkje ligg langt frå den Kambodsjanske grensa og har store kinesiske, Kinh- og Khmersamfunn. I mindre båtar tek vi oss inn gjennom mindre kanalar til «eviggrønne øyer» der innbyggarane bur i hus som står på høge pælar i vatnet. Vi kjem tett på lokalbefolkninga som lever av lokalt handverk og fiskeoppdrett. Vi vitjar eit av oppdrettsanlegga som er bygd opp med flytande hus på kanalen. Attende i Tan Chau vitjar vi den lokale marknaden med lokale produkt før turen går attende til cruiseskipet. Vi inntek lunsj og middag ombord medan vi siglar vidare og skal snart krysse grensa mot Kambodsja. Om kvelden ankrar vi opp i nærleiken av hovudstaden Phnom Penh. DAG 07 15/11: Phnom Penh Cruiset på Mekong er slutt, men opplevingane vil leve i minnet. Vi går i land i Phnom Penh kl og her ventar engelsktalande guide som er med oss til hotellet for innsjekk. Litt tid til disposisjon før vi skal på byrundtur og startar med å vitje Nasjonalmuseet som vart oppført i tradisjonell Khmer-stil tidleg på 1900-talet. I museet finn vi over 5000 gamle Khmer arkeologisk, religiøse og kunstneriske gjenstandar frå det 4. til det13. århundre. Ein stor kulturell rikdom. Vi held fram byrundturen til fots og går til slottet, eit palass som vert datert attende til midt på 1800-talet og som er det siste palass som vart bygd under den franske kolonitida. Her finn vi også Silver Pagoda som er oppkalla etter dei over 5000 tunge sølvflisane so dekker golvet. Her er også ei samling av Buddhaer i gull, sølv, krystall og bronse. Lunsj og middag inkludert.

5 DAY 08 16/11 Phnom Penh - Siem Reap Transfer til flyplassen for avreise med fly til Siem Reap. Siem Reap er inngangsporten til dei majestetiske templa i ruinbyen Angkor som ligg nokre kilometer nord for byen. Etter innsjekk på hotellet er føremiddagen til fri disposisjon. Slapp av på hotellet etter flyturen, eller ta ein spasertur til vakre pagoder og det fargerike markedet på eiga hand. Om ettermiddagen skal vi vitje vidkjende Angkor Wat. Dei storslagne templa vart bygd under regimet til kong Suryavarman II i byrjinga av 1200-tallet og er skapt etter modell av fjellet Mount Meru som i følgje hinduismen er heimen til gudane. Inne i tempelet, er veggene dekka med helleristningar og relieffar som viser hinduistisk mytologi og krigane som Suryavarman II kjempa under hans regjeringstid. Ein reknar med at bygginga tok om lag 30 år. Kambodsja brukar tempelet som symbol for landet, det opptrer i flagget og er den største turistattraksjonen i landet. Etter ein minneverdig ettermiddag i Angkor, reiser vi attende til Siem Reap og hotellet vårt. Middag på hotellet. DAG 09 17/11: Siem Reap Etter frukost skal vi vitje den gamle byen Angkor Thom som er den sentrale delen av ruinbyen Angkor og var den siste hovudstaden i Khmerriket. Byen ligg ved breidda av Siem Reap-elva om lag 7 km. frå Siem Reap. Området som er 9 km2 stort, er kvadratisk og omringa av ein 8m høg mur og vollgrav. Muren er 3 km. lang og har portar mot alle himmelretningane. Gjennom desse portane går det gater som alle leier rett inn til Bayontempelet som ligg nøyaktig i sentrum av byen. Templet vart bygd av kong Jayavarman VII på 1200talet. Det mest spesielle med byggverket er dei mange tårna som er pryda med store, gåtefulle steinandlet. Templet har også to steinrelieffar der motiva er uvanlege kombinasjonar av mytologiske, historiske og verdslege hendingar. På vår veg attende til hotellet vil vi vitje tempel i Small Circuit. Det mest unike av desse er Ta Prohm som vart bygd i det 12. og 13. århundre og har sidan stått slik det vart funne, nedgrodd av jungeltre og vinrankar. Vi vitjar også Banteay Kdei, eit buddhistisk kloster frå slutten av 12-hundretalet. Om kvelden skal vi sjå ei forestilling med «Phare, the Cambodian Circus» kl Her vil vi sjå ei forestilling, framført av profesjonelle kunstnarar, som vart sett opp i 1994 av unge kambodsjanarar som vende attende frå flyktningleirane og som lærte om å bruke kunst som eit middel til å takle traumer. Det timelange showet blandar tradisjonelt og moderne teater, musikk, dans, akrobatikk og sjonglering, utført i ei historie om kambodsjansk liv og samfunn. Lunsj og middag inkludert. Attende på hotellet for overnatting.

6 DAG 10 18/11 Siem Reap Bangkok og flyavgang til Norge. Frukost på hotellet og utsjekk frå rommet. Ellers er dagen til fri disposisjon fram til avreise til flyplassen der det er flyavgang kl til Bangkok med ankomst kl Her vert det litt ventetid før Thai Airways har avgang rett over midnatt og set kursen mot Gardermoen. DAG 11 19/11 Heimreise Flyankomst Gardermoen kl Vidare med SAS til Bergen. Avgang kl og ankomst kl Reisefakta: Avreisedato 09/ Returdato 19/ Turlengde 11 dagar Turpris: Kr Tillegg for enkeltrom på førespurnad Irekna i turprisen : Flyreise Bergen Saigon /-Siem Reap Bergen Flyskattar pr januar 2016 Reiserute og transfer iflg programmet Måltider iflg program ( 8 frukost,7 lunsj, 8 middag) Cruise på Mekong ( 3 netter/4 dagar ) Inngangsbillettar iflg program Hamneavgifter Lokal engelsktalande guide Norsk reiseleiar med på heile reisa Ikkje irekna i turprisen : Visa for Kambodia USD 37 Tips Reiseforsikring Personlege utgifter (eks, telefon, drikke osv. ) Nyttig informasjon: Visum : Frå 01.januar 2015 kan norske statsborgarar opphalde seg i Vietnam opptil 14 dagar utan visum. Passet må vere gyldig minimum 6 månader frå innreisedato, og returbillett må kunne leggast fram. Alle må ha gyldig reise og avbodsforsikring Vaksiner: Snakk med legen din. Meir info : Meir om cruisebåten her : TLF , fjordane@travelnet.no