Fjellkonfirmant 2017 Interessegrupper I tillegg til undervisningsgruppa du er tildelt skal du og få ønskje deg ei interessegruppe som du får delta i. Vi har mange grupper å velge i, og i dette heftet er alle presenterte. Eit godt tips er å ta deg tid til å lese om alle gruppene før du bestemmer deg for kva gruppe du velger. Her er det mykje kjekt å være med på! Hugs fristen på registrering av gruppeønskje, søndag 18. september! Kva er ei interessegruppe? Ei interessegruppe er ei aktivitetsgruppe som kjem i tillegg til undervisningsgruppa. Alle konfirmantar får ei gruppe som dei skal følgje gjennom konfirmantåret. I desse gruppene får konfirmantane vera ein del av ungdomsarbeidet eller andre aktivitetar i kyrkja. www.kyrkja.no/fjell/konfirmant På www.kyrkja.no/fjell/konfirmant får konfirmantane registrere kva grupper dei ønskjer å vera med i, og kvifor dei ønskjer desse gruppene. Frist for registrering er søndag 18.sept. Ved registrering etter fristen eller manglande registrering, vil konfirmantane bli fordelte på dei gruppene der det er ledig plass.
Økonomi Alle konfirmantane betalar ein kontingent på kr. 750,-. Dette dekkjer utgifter i samband med undervisning og arrangement. Mange av interessegruppene har òg ekstrakostnadar. Desse utgiftene er presisert i dette heftet. Ved avmelding frå leir seinare enn tre veker før, må halve leiravgifta betalast. Rekninga for konfirmantåret blir sendt ut i mars/april. Fordeling av interessegruppene Konfirmantadministratoren fordeler konfirmantane i dei ulike interessegruppene. I denne fordelinga er grunngjevinga til konfirmanten ein viktig faktor. Alle som melder seg på innan fristen stiller likt. Mange av gruppene har dessverre begrensa plass, derfor vil ikkje alle konfirmantane få den gruppa dei ønskjer seg mest. Vi håpar likevel at konfirmantane vil trivast i den gruppa dei hamnar i. Dei fleste vil få beskjed om kva gruppe dei har fått innan 20.sept. Byting av grupper All byting av grupper skal skje via konfirmantadministratoren. Dette gjeld gjennom heile året. Får konfirmanten tildelt ei gruppe han/ho ikkje ønskjer, kan de søke om byting av gruppe innan 26.sept. Dette skjer via e-post til konfirmantadministratoren (beate.sorhus@fjell.kommune.no), med ei grunngjeving for kvifor konfirmanten ønskjer å byte. Vi vil prøve så godt vi kan at alle konfirmantane får ei av dei gruppene dei ønskjer, men ber om forståing for at dette ikkje alltid vil vera mogleg.
TenSing Lukas TenSing Lukas er eit kor som har øvingar i Foldnes kyrkje måndagar kl. 18.30-21.00 Her er det song, musikk, dans og drama som står i fokus! Med i opplegget er to øvingsweekendar (leir) og konsertar før jul og til våren. Som TenSing-konfirmant vil du òg få tilbod om å bli med på Vinterfestivalen og Spekter (sommarfestival) Dette er frivillig, og derfor ikkje inkludert i prisen TenSing er eit samarbeid mellom kyrkja og Fjell KFUK-KFUM og du må betale 850,- for øvingshelg og medlemsskap i KFUK/KFUM. PRIS: KONFIRMANTKONTINGENT 750.- TENSING 850,- SUM: 1 600,- Landroklubben Landroklubben har samlingar i Landro kyrkje annankvar fredag kl. 18.30-22.30. På klubbkveldane er det kiosk, sosialt, bordtennis, biljard, airhockey og brettspill. Nokre kveldar er det andre aktivitetar som gymsal, curling og bowling Ein gong i året reiser Landroklubben på Blåtur. Landroklubben har ingen ekstra betaling. Basement Ungdomsklubb på Fjell-ly måndagar kl. 19.00-21.30. Basement er ein ungdomsklubb for deg som går i frå 8.klasse og oppover. Her blir det kafé, andakt, sosialt, bowling, biljard og gymsal. Basement blir drive av Midthordland Indremisjon, og konfirmantane betaler medlemsavgift på 50 kr. PRIS: KONFIRMANTKONTINGENT 750.- MEDLEMSAVGIFT 50,- SUM: 800,-
KRIK Fjell Samlingar i gymsalen til Fjell ungdomsskule, annankvar tysdag kl.19.00-20.30. Her blir det ballspel, sportsleikar, andakt og sosialt. I tillegg til konfirmantkontingenten kjem betaling for medlemsskap i KRIK. PRIS: KONFIRMANTKONTINGENT 750.- MEDLEMSAVGIFT 100,- SUM: 850,- KRIK-gruppene er ein del av arbeidet til KRIK Sotra Tweens+ Bli med som hjelpeleiar på Tweensklubben i Fjell kyrkje annankvar fredag kl. 19.00-21.00 På klubbkvelden hjelper Tweens+ med å registrere, vere med på gruppene (gymsal, hobby, bordtennis, leik, song og musikk eller FIFA), selje i kiosken og ha ein quiz. Etter at tweens ene har gått heim, er det klubb for Tweens+ fram til 22.00. Tweens+ har ingen ekstra betaling, men du vil få tilbod om å vere med på leir i juni. Dette er frivillig, og derfor ikkje inkludert i prisen. Lydgruppa Dette er gruppa for deg som er interessert i lyd og teknikk! I lydgruppa vil du få opplæring i korleis lydanlegga i kyrkjene fungerer, rigging av anlegg og styring av lyd. Som medlem i gruppa er du med og styrer lyden på Ung Messe og andre arrangement og konsertar i kyrkjene. Gruppa har 8-10 samlingar i løpet av året, og har ingen ekstra betaling.
Turgruppe Turgruppa møtest etter gudstenesta i Foldnes, om lag ein søndag i månaden. Turgruppa går tur i lokalområdet rundt Foldnes kyrkje, og avsluttar turen med mat, enten laga på primus eller på ein kafé i nærleiken. I tillegg til konfirmantkontingenten kjem utgifter til mat. UTGIFTER TIL MAT 150,- SUM: 900,- Brettspel Brettspelgruppa har samlingar i Foldnes kyrkje ein måndag i månaden kl. 19.00-21.00. Om du likar strategi, flaks, hurtighet eller fantasi, så er dette gruppa for deg! I tillegg til konfirmantkontingenten kjem utgifter til litt knask på samlingane. MAT 50,- SUM: 800,- Golfgruppe Vil du lære å spele golf? På golfkurset vil du lære alt du treng av teori og praksis for å ta «Golfkortet» (Green card) Golfgruppa har 6 samlingar i løpet av året på Golfbanen på Kolltveit. I haust blir det 3 onsdagar Golfkurset kostar 500,- i tillegg til konfirmantkontingenten. Golfkortet + medlemsskap i Sotra golfklubb ut 2016 er frivillig og kostar 300,- ekstra. Golfgruppa er eit samarbeid mellom kyrkja og Sotra golfklubb. GOLFKURS 500,- SUM: 1250,-
Diakoni "Actions speak louder than words". Er det ein samanheng mellom det me trur på og korleis me lever? Kva er diakoni? Treng me å bry oss om andre? Dette er nokre av dei spørsmåla konfirmantane vil finne svar på i denne gruppa. Opplegget går ut på nokre temasamlingar og praksis i deler av diakoniarbeidet i kyrkjelyden. Det blir 5-6 samlingar i løpet av året, og gruppa har ingen ekstra betaling. Lysmesse og gudsteneste 4. desember er det lysmesse i alle kyrkjene i Fjell. På denne gruppa er konfirmantane med på å førebu og gjennomføre lysmessa i adventstida i den kyrkja dei høyrer til. Gjennom tekstlesing, lystenning, praktiske oppgåver og drama er det konfirmantane som set saman gudstenesta. I tillegg til lysmessa, blir konfirmantane delt inn i grupper på 3-4 konfirmantar som deltek med praktiske oppgåver på ei gudsteneste til våren. Ungdomsalpha Vil du bli kjent med Bibelen? Vil du lære meir om å vere kristen? Ønskjer du å lære meir om Gud? Ungdomsalpha er kveldssamlingar som består av eit måltid, god undervisning knytt til det heilt grunnleggjande i den kristne trua, og eit sosialt fellesskap. Ungdomsalpha har samlingar i Foldnes kyrkje ein onsdag i månaden kl.18.30-21.00 Denne gruppa har ingen ekstra kostnadar.
Sjømannskyrkjegruppe med London-leir Opplegget inneheld: 3 samlingar før leiren med førebuing til London-turen I denne gruppa vil du bli kjent med Sjømannskyrkja sitt arbeid, både i Norge og i utlandet. Inkludert i opplegget er ein 5-dagars leir til Sjømannskyrkja i London. Dette er ei gruppe for deg som likar å vera aktiv og sosial, og har lyst til å bli kjent med nye konfirmantar. 5-dagars leir i London 8.-12. februar (onsdag-søndag) med omvising i Westminster Abbey, musikalen Les Miserables, byvandring og mykje meir. Gudstenesteverkstad og sjømannskyrkjegudsteneste i Foldnes etter leiren Prisen inkluderer alle utgiftene i samband med London-leiren; som flyreise, overnatting, transport, måltid og billettar til musikalen. Ved avmelding frå leiren etter 1.november må ein rekne med å betale deler av leiren. LONDON-LEIR 4500,- SUM: 5250,- Haustleir Haustleiren blir 28.-30. oktober på Skjergardheimen (Øygarden) Her får du mellom anna vere med på leikar, friluftsaktivitetar, Ung Messe, undervisning, leirkveld og rangling. Her blir det både gøy og seriøst, og alt ein leir har å by på! LEIR 1200,- SUM: 1950,-
Hugs fristen for registrering søndag 18.sept! www.kyrkja.no/fjell/konfirmant