SJÅ FILM konfirmant.no Informasjon frå Den norske kyrkja
Finn ut meir på konfirmant.no Du er invitert til å finne ut meir om deg sjølv og trua på Gud TIL DEG SOM FYLLER 14 ÅR I ÅR Du er berre eit år frå ein høgtidsdag i livet ditt. Kyrkja du høyrer til i vil sende ut meir informasjon om påmelding. På side 15 finn du meir om dette. No er det tid for å velje korleis du vil førebu deg på dagen. Konfirmanttida i kyrkja er ikkje berre for deg som trur. Den er like mykje for deg som tvilar eller berre er nysgjerrig. I konfirmanttida får du utforske mange viktige spørsmål saman med andre. For det er nettopp det konfirmanttida handlar om å lære meir om deg sjølv og Gud. Og om å få nye opplevingar saman med vener. Konfirmasjonstida i kyrkja gir deg høve til å finne ut kva du trur på lære meir om Bibelen samtale om kristen tru bli kjend med kyrkja få nye tankar om livet engasjere deg i kyrkja sitt arbeid for miljø og solidaritet 3
KVA SKJER I KONFIRMASJONSTIDA? KONFIRMASJONSDAGEN Sjølve konfirmasjonsdagen er ein festdag for deg, familien og kyrkjelyden. Den er eit høgdepunkt i ei spennande tid der du har vore saman med andre for å snakke, lytte og lære, skape og erfare. KONFIRMASJONSTIDA Opplegget for konfirmasjonstida varierer frå stad til stad. Men denne tida vil alltid innehalde ulike opplevingar, undervisning og samtalar om kristen tru og utfordringane i livet. Du vil også bli kjend med kyrkjeromet og vere med på gudstenester. Ein viktig del av konfirmasjonstida er å dele erfaringar med andre. Difor reiser dei fleste konfirmantgrupper på turar eller arrangerer andre aktivitetar. For mange er konfirmantleiren den store opplevinga dette året. KORLEIS REGISTRERER DU DEG? Alle kyrkjelydar sender ut eigne brev som omtaler det lokale opplegget for konfirmasjonstida. Der får du også greie på korleis du kan melde deg på. Dersom du lurer på kva for ei kyrkje du høyrer til, kan du sjekke det på konfirmant.no eller kyrkja.no. Eg gleda meg til kvar konfirmantsamling. Det var et kjempegodt miljø og no er eg vorten konfirmantleiar! Anna-Lotta, konfirmant i 2013. Anna-Lotta, konfirmant i 2013 Opplevingar og fellesskap er ein viktig del av konfirmanttida. Mange reiser på leir eller helgetur i konfirmanttida. Kva handlar Bibelen eigentleg om? 4
MI KONFIRMASJONSTID DETTE ER NOKO AV DET VI JOBBAR MED I KONFIRMANT- TIDA: Vennskap og relasjonar Gudstenesta og nattverd Sorg og glede, godt og vondt Gud, Jesus og Den heilage ande Kjærleik, seksualitet og samliv Bibel og bøn Menneskeverd og menneskesyn Miljø og klima EI KONFIRMANTTID FOR ALLE Ole Martin, tidlegare konfirmant Leiren var best. Der fekk eg mange nye vener. Eg lærte å stole på Gud og meg sjølv. Eg valde å konfirmere meg i kyrkja fordi bror min hadde gjort det og han sa at det var veldig bra. Konfirmanttida har vore heilt fantastisk og leiren var høgdepunktet. Anna Kathrine, tidlegare konfirmant Alle har rett til ei god konfirmanttid. Dersom du har behov for tilrettelegging, tek du og familien kontakt med kyrkja di. Ola, tidlegare konfirmant Ei heilt spesiell konfirmanttid, som var tilrettelagt på ein fantastisk måte. Eg tek ikkje for hardt i om eg seier at konfirmasjonen var ein av dei beste dagane i Ola sitt liv, så langt. Tommy, far 6 7
ER DU IKKJE DØYPT? KVA ER KONFIRMASJON? Bibelen fortel at dåpen er Guds gåve til oss. Dåpen er eit synleg teikn på Guds kjærleik, og på at den døypte er ein del av kyrkja. I Den norske kyrkja er konfirmasjonen ei forbønshandling. Ordet konfirmere tyder å stadfeste eller styrke. Det er ikkje ein føresetnad for konfirmasjonen at konfirmanten skal stadfeste noko, det er Gud som stadfestar lovnadene sine slik dei første gongen vart gitt i dåpen. Konfirmasjonstida gir deg eit høve til å bli kjend med trua. Konfirmasjonsgudstenesta er høgtideleg, og alle konfirmantane kjem fram og kneler ved alterringen. Presten eller konfirmantleiaren din ber for deg. På konfirmasjonsdagen går du ut av kyrkja med Guds velsigning over deg og over livet som ligg framfor. Berit Roald/NTB Scanpix Mine kjære, lat oss elska kvarandre, for kjærleiken er frå Gud og kvar den som elskar, er fødd av Gud og kjenner Gud. Johannes fyrste brev 4,7 Om lag 43 000 ungdomar blir konfirmerte i Den norske kyrkja kvart år. 1400 av desse blir døypte under konfirmasjonstida. Alle kan delta i konfirmasjonstida. Dåpen er ein føresetnad for å ta del i den avsluttande forbønsgudstenesta. Dersom du ikkje er døypt, kan du vere med i konfirmasjonstida, bli kjend med trua og velje om du vil bli døypt undervegs. 8 9
VI OG VERDA Jesus lærte oss mykje om korleis vi menneske skal leve saman, og korleis vi skal ta vare på kvarandre og den verda vi lever i. Dette tek vi på alvor i konfirmasjonstida. Solidaritet og nestekjærleik, engasjement og omsorg er viktige tema. Omsorg for andre, fredsarbeid og vern av klima og miljø er mellom oppgåvene våre. Desse utfordringane treng engasjerte unge som kan jobbe for å skape ei meir rettferdig verd lokalt og globalt. Othilia, tidlegare konfirmant OM KIRKENS NØDHJELP I konfirmanttida er det mogleg å vere med på fasteaksjonen til Kirkens Nødhjelp, både med å samle inn pengar og å støtte kampanjar for rettferd i verda. Kirkens Nødhjelp gir naudhjelp i katastrofar og jobbar på lang sikt for utvikling i lokalsamfunn. Kirkens Nødhjelp påverkar styresmakter, næringsliv og religiøse leiarar for å fjerne grunnar til fattigdom. KIRKENS NØDHJELP SIN FASTEAKSJON Møte med ungdom som driv radio i ein bydel i Nairobi viste oss at vi er meir lik kvarandre enn vi trur, seier Mari (15). Ja, det er så tilfeldig kor vi blir fødde, legg Nora (15) til. Dei to har vitja Kirkens Nødhjelp sitt arbeid i Kenya og oppmodar norske ungdomar til å engasjere seg: Vi må lære av dei kenyanske ungdomane. Dei trur dei kan gjere ein forskjell. Og det gjer dei. Det kan vi også! Ved sida av å lære om Gud, Jesus og Bibelen, lærte vi om menneskerettane og om rettferd i verda. Vi hadde og ein fasteaksjon. Noko av det finaste med konfirmanttida var fellesskapet. Kirkens Nødhjelp er ein felleskyrkjeleg diakonal organisasjon for global rettferd. Vi kjemper saman med menneske over heile verda for å avskaffe fattigdom og urett. www.kirkensnodhjelp.no 10 11
UNG I KYRKJA Du vel korleis du skal engasjere deg i kyrkjelyden etter konfirmasjonen. Du høyrer alltid til i kyrkja enten du vel å bli med i ungdomsarbeidet, eller du vel å kome til kyrkja ved dei store høgtidene. Dei fleste stader finst tilbod til unge i kyrkja og i organisasjonar som driv kristent ungdomsarbeid. Vi håper det du får oppleve i konfirmasjonstida kan hjelpe deg når du gjer viktige val i livet. Velkomen som konfirmant! KVA ER CHANGEMAKER? - Ungdom som påverkar dei som har makt til å gjere verda meir rettferdig - Kreative kampanjar om mellom anna handel, klima og fred - Leir tre gongar i året der vi diskuterer utviklingspolitikk, lærer, leiker og forandrer verda - Lokalgrupper over heile landet Vil du forandre verda? Sjekk changemaker.no/intro Synest du verda er urettferdig? Bli med i Kirkens Nødhjelp sin ungdomsorganisasjon, Changemaker! www.changemaker.no 12 Når du fyller femten år, er du religiøst myndig. Då kan du mellom anna bruke den kyrkjelege stemmeretten din ved kyrkjeval. Dette er ein av måtane du kan nytte for å påverke det som skjer i kyrkja. 13
KJÆRLEIK «Kjærlighet vakreste ord på jord», trudde eg ho song, og eg var heilt einig. Kjærleik det eine ordet som summerer opp heile Bibelen. Ordet som fortel om det å vere elska. For det er nettopp det Bibelen handlar om. Ei kjærleiksforteljing som er heilt annleis enn dei vi møter andre stader. Ei forteljing om at han elskar oss heilt utan vilkår. Ei forteljing om at Gud har gjort alt for at vi kan få leve i nærkontakt med han. Om døden på ein kross. Der Jesus vart forlaten av Gud for at vi aldri skal bli det. Ei forteljing om det å få høyre til i eit fellesskap som tek livet på alvor og vite oss elska. «Kjærlighet varmeste ord på jord. Kjærlighet når det slår rot og gror. Spres det lys midt i et mørke som inn til vår verden kom og skapte hat og grenser.» Det høyrest nesten ut som ein salme. Venleg helsing Ingeborg Midttømme biskop i Møre bispedømme LURER DU PÅ KVEN DU SKAL TA KONTAKT MED? Kyrkja der du høyrer til sender òg ut informasjon om konfirmantopplegget. Her finn du telefonnummeret til kyrkjekontoret der du bur. Der vil dei også kunne svare deg på når og kvar du kan melde deg inn. Dersom du ikkje veit kva for kyrkjelyd du høyrer til i, kan du gå inn på konfirmant.no eller kyrkja.no og søkje under «Finn menighet». Aukra 71 17 15 40 Aure 71 64 62 51 Austefjord 70 07 40 90 Bolsøy 71 11 15 90 Borgund 70 16 56 00 Brattvær 71 54 46 27 Brattvåg 70 20 93 70 Bremsnes 71 51 33 88 Bud 71 26 66 70 Dalsfjord 70 07 40 90 Edøy 71 54 46 27 Eid og Holm 71 22 74 70 Eide 71 29 61 84 Eikesdal 71 23 14 50 Ellingsøy 70 16 53 00 Eresfjord 71 23 14 50 Fiksdal 71 18 42 32 Fjørtoft 70 20 93 70 Frei 71 57 51 80 Fræna 71 26 66 70 Geiranger 70 26 52 30 Giske 70 18 80 40 Gjemnes 71 29 39 00 Grytten 71 22 74 70 Gursken 70 02 64 80 Halsa 71 55 96 39 Hamnsund 70 20 93 70 Haram 70 20 93 70 Hareid 70 09 51 30 Hen 71 22 74 70 Herøy 70 08 02 60 Hjørundfjord 70 04 86 40 Hopen 71 54 46 29 Hov 71 69 23 00 Hustad 71 26 66 70 Ikornnes 70 24 69 00 Indre Herøy 70 08 02 60 Kilsfjord 70 07 40 90 Kleive 71 11 15 90 Kornstad 71 51 33 88 Kors 71 22 74 70 Kristiansund 71 57 52 80 Kvernes 71 51 33 88 Leikanger 70 08 02 60 Liabygda 70 26 03 33 Midsund 71 27 02 50 Mo 71 65 70 60 Molde domkirke 71 11 14 70 Myrbostad 71 26 66 70 Nesset 71 23 14 50 Norddal 70 25 88 95 Nordlandet 71 58 07 10 Rindal 71 66 47 55 Romfo 71 69 23 00 Rovde 70 02 21 60 Røvik og Veøy 71 11 15 90 Sande 70 02 64 80 Sandøy 71 27 75 11 Sekken 71 11 15 90 Skodje 70 27 54 65 Spjelkavik 70 16 53 70 Stangvik 71 65 70 60 Stemshaug 71 64 62 51 Stordal 70 27 27 50 Storfjorden 70 04 86 40 Stranda 70 26 03 33 Straumsnes 71 53 01 23 Sula 70 19 96 00 Sunndal 71 69 23 00 Sunnylven 70 26 52 30 Surnadal 71 65 70 60 Sykkylven 70 24 69 00 Syvde 70 02 21 60 Tingvoll 71 53 01 23 Todalen 71 65 70 60 Tresfjord 71 18 42 32 Tustna 71 64 62 51 Ulstein 70 01 76 80 Valderøy 70 18 80 40 Vanylven 70 02 21 60 Vartdal 70 04 86 40 Påmelding Vatne 70 20 93 70 Vestnes 71 18 42 32 Vigra 70 18 80 40 Vike 71 18 42 32 Vistdal 71 23 14 50 Volda 70 07 40 90 Voll 71 22 74 70 Volsdalen 70 16 53 00 Vågstranda 71 22 74 70 Vågøy 71 26 66 70 Øksendal 71 69 23 00 Øre 71 29 39 00 Ørskog 70 27 27 50 Ørsta 70 04 86 40 Øverdalen 71 22 74 70 Øye og Ranes 71 65 70 60 Ålesund 70 16 53 00 Ålvundeid 71 69 23 00 Åram 70 02 21 60 Åsskard 71 65 70 60 Døves menighet i Møre 70 16 53 26 Teksttelefon 70 16 53 27 Telefaks 70 16 53 39 SMS 95 07 83 62 14
NORDISK MILJØMÆRKNING DØVEKYRKJELYDANE Døvekyrkjelydane har eige konfirmanttilbod. KONTAKTINFORMASJON Døves menighet i Møre: Telefon: 70 16 53 26 SMS: 95 07 83 62 www.dovekirken.no/more Avsendar: Den norske kyrkja, Kyrkjerådet Returadresse: Møre bispedøme, Moldetrappa 1, 6415 Molde, tlf. 71 25 06 70, e-post: moere.bdr@kirken.no, www.kyrkja.no/more Løyve til at dette heftet kan sendast til alle som er fødde i 2000 og adresseopplysningar er gitt av Staten ved Skattedirektoratet/Folkeregisteret. Konfirmant 2015 er utgitt av Kyrkjerådet og bispedøma i Den norske kyrkja, i samarbeid med og med støtte frå Kirkens Nødhjelp. UTANLANDS NESTE ÅR? Du kan vere knytta opp til ei av sjømannskyrkjene rundt om i verda og ha konfirmasjon der eller i eigen kyrkjelyd i Noreg. Det er også mogleg å vere «nettkonfirmant». Sjå sjomannskirken.no eller nettkirken.no. ANNA KYRKJESAMFUNN? Tilhøyrer du eit anna kyrkjesamfunn enn Den norske kyrkja? Dei fleste kyrkjesamfunn tilbyr opplæring for deg som er i konfirmantalderen. Ta kontakt med den kyrkja/kyrkjelyden du tilhøyrer, og spør om informasjon. Utgjevar: Den norske kyrkja, Kyrkjerådet. Design: Burson-Marsteller. Trykk: Scanprint as. Foto: Tommy Normann, Torstein Ihle, Øivind Haug, Sveinung Bråthen, Robert Dreier Holand, Lillian Grumsgård. 541 006 Tryksag 12MbdNN