FØRESEGN VASS- OG AVLAUPSGEBYR I. GENERELT... 1 1 FØREMÅLET MED FØRESEGNA... 2 2 VERKEOMRÅDET FOR FØRESEGNA... 2 3 DEFINISJONAR... 2 II. VASS- OG AVLAUPSGEBYR... 3 4 GEBYRTYPER... 3 5 EINGONGSGEBYR FOR TILKNYTING... 4 6 ÅRLEG GEBYR... 4 7 LEIGE AV VASSMÅLAR... 5 8 AVVIK I DET ÅRLEGE GEBYRET... 5 9 MELLOMBELS TILKNYTING... 5 10 PÅLEGG OM UTBETRING... 5 11 FEITTAVSKILJARAR.... 6 12 OLJEAVSKILJARAR.... 6 13 INNBETALING AV GEBYR... 6 III. AVSLUTTANDE FØRESEGNER... 7 14 INNKREVJING AV GEBYR... 7 15 Tidlegare særavtaler... 7 16 VEDTAKSMAKT... 7 17 KLAGE... 7 18 IVERKSETJING... 7 I. GENERELT Abonnentane betalar for vass- og avlaupstenester levert av Tokke kommune. Tilhøvet mellom abonnenten og kommunen er regulert av sentrale lovar og føresegner og av lokale reglement/føresegner, regulativ og deklarasjonar. Dei viktigaste dokumenta er lista nedanfor: 1. Lov av 31. mai 1974 nr.17 om kommunale vass- og kloakkavgifter. 2. Føresegn av 10. januar 1995 nr. 70 om kommunale vass- og avlaupsgebyr, sist endra 13. juli 2000. 3. Føresegn om vass- og avlaupsgebyr i Tokke kommune (dette dokumentet). 4. Andre dokument. - Gebyrregulativ
- Sanitærreglement for Tokke kommune. - Vedtekter for bruk av vassmålar. 1 FØREMÅLET MED FØRESEGNA Føresegna bestemmer utrekning og innbetaling av dei gebyra abonnentane skal betale for dei vass- og avlaupstenestene kommunen leverer. 2 VERKEOMRÅDET FOR FØRESEGNA Føresegna gjeld alle abonnentane i kommunen, sjå definisjon i 3. 3 DEFINISJONAR Abonnent: - Eigar/festar av eigedom som er registrert i grunnboka med eige gards- og bruksnummer, eller eige festenummer eller seksjonsnummer (under felles gards- og bruksnummer), som er tilknytt kommunal vassog/eller avlaupsleidning/avlaupsreinseanlegg direkte eller gjennom felles stikkleidning. - Det same gjeld festar av eigedom der festeavtalen ikkje er registrert i grunnboka (tinglyst), men der festaren eig dei bygningane som er plassert på tomta, og brukar festerett slik det går fram av lov om tomtefeste. - For festeavtaler med kort festetid (feste til anna enn bustad og fritidsbustad) kan det vere avtalt at ein annan enn festaren skal vere abonnent. - Eigar/festar av eigedom, som kommunen i medhald av 65, 66 og 92 i Plan og bygningslova har kravd tilknytt kommunal vass- og avlaupsleidning. Abonnementsgebyr (fast del): Den faste delen av det årlege gebyret, som skal dekke ein del av dei faste utgiftene til kommunen for vassog/eller avlaupstenester. Forbruksgebyr (variabel del): Den variable delen av det årlege gebyret som blir betalt etter forbruk (målt eller stipulert). Bruksareal (BRA) etter NS 3940 (forenkla): Forenkla kan ein seie at bruksareal omfattar: - Arealet innanfor dei omslutta veggane i bustaden og - del av fellesareal som høyrer til bustaden, men som ligg utanfor dei omslutta veggane i bustaden. For detaljar, sjå NS 3940. Bruksendring: Med endring i bruken av eigedomen meiner ein her endring mellom ulike kategoriar, som for eksempel bustad, fritidshytte og nærings-/offentleg verksemd. Eingongsgebyr for tilknyting: Eingongsgebyr for etablering av abonnement på vass- og/eller avlaupstenester.
Felles privat stikkleidning: Leidning eigd i fellesskap av abonnentar som er knytt til kommunalt leidningsnett Fritidshytte: Fast eigedom med bygning(ar) regulert/godkjend til fritidsbustad/hytte, eller fritidsbustad som berre har innlagt vatn via sommarvassleidning. Gebyrregulativet: Gebyrregulativet er namnet på den gjeldande prisoversikta for vass- og avlaupsgebyr i kommunen. Satsane i gebyrregulativet blir oppdatert årleg gjennom vedtak i kommunestyret. Næringsverksemd: Forretningsverksemd / Forsamlingslokale Kombinert næringsverksemd bustad: Ei eining i denne føresegna betyr ei bueining eller ei næringseining. Bueining er ein bustad med eit eller fleire rom, med separat inngang, bad/wc og kjøkkendel. Ei næringseining er sjølvstendige lokal (eigen eining som er utleigd til næringsverksemd). Offentleg verksemd: Verksemd driven av staten, fylket eller kommunen. Stipulert forbruk: Stipulert forbruk er forventa forbruk hos ein abonnent fastsett på basis av bygningsarealet. Leveringsvilkår: Jfr kommunen sitt sanitærreglement. Eit dokument som gjer greie for rettane og pliktene til abonnentane og kommunen, kva som skjer når desse ikkje blir etterlevd og kva for høve til å klage som finns. Årleg gebyr: Gebyr som blir betalt årleg av abonnentar for å ha tilgang til vass- og/eller avlaupstenestene i kommunen. Gebyret er samansett av abonnementsgebyr og forbruksgebyr. II. VASS- OG AVLAUPSGEBYR 4 GEBYRTYPER Følgjande gebyrtyper gjeld for både vass- og avlaupstenester: Eingongsgebyr for tilknyting. Årleg gebyr. Gebyr for leige av vassmålar.
Gebyr for mellombels tilknyting. 5 EINGONGSGEBYR FOR TILKNYTING Lov om kommunale vass- og avlaupstenester krev at det blir betalt eingongsgebyr for tilknyting til desse tenestene. Eingongsgebyret blir betalt for eigedom der det står bygg, eller ved oppføring første gong av bygg på eigedom, som blir tilknytt offentleg vass- og/eller avlaupsnett. Eingongsgebyret skal vere likt for alle abonnentar innanfor Tokke kommune utanom Hallbjønnsekken som omfattar fritidshusområde med servicebygg og evt andre framtidige hytteområder med kommunalt vass- og avlaupsteneste, jfr gebyrregulativet. Gebyret skal betalast ved tilknyting fyrste gong. Storleiken på gebyret blir fastsett årleg av kommunestyret og går fram av Gebyrregulativet. Ein kan inngå særavtaler med næringsverksemder i hytteområder om avvikande eingongsgebyr for tilknyting dersom det blir ekstra høge eller låge kostnader ved etablering av tenesta. Avtala må godkjennast i teknisk utval. 6 ÅRLEG GEBYR Gebyret skal betalast av alle abonnentar og er samansett av to delar: Abonnementsgebyr (fast del). Forbruksgebyr (variabel del). Samla abonnementsgebyr for kommunale vasstenester skal dekkje ein fast del av dei forventa årsinntektene knytt til vasstenester i kommunen. Resten blir dekt gjennom forbruksgebyret. Kapitalkostnader ved investering vert rekna som faste kostnader. Variable kostnader er øvrige kostnader. Samla abonnementsgebyr for kommunale avlaupstenester skal dekkje ein fast del av dei forventa årsinntektene knytt til avlaupstenester i kommunen. Resten blir dekt gjennom forbruksgebyret. Gebyret skal reknast frå og med den næraste termin etter at eigedomen er tilknytt kommunalt leidningsnett. Storleiken på abonnementsgebyr og forbruksgebyr blir fastsett årleg av kommunestyret og går fram av Gebyrregulativet. ABONNEMENTSGEBYR Abonnementsgebyr blir differensiert etter brukarkategori. Alle abonnentar i ein brukarkategori betalar ein like stor fast sum som går fram av Gebyrregulativet. Abonnementsgebyr for næring. Vert betalt av næringsverksemder, offentlege verksemder. Abonnementsgebyr for bustad. Vert betalt av abonnentar. Abonnementsgebyr for kombinert næring- og bustadbygg. Abonnent med maks ei utleigeeining eller ei næringsverksemd betalar eit gebyr. Øvrige betalar pr eining. FORBRUKSGEBYR
Næringsverksemder/eigedomar og offentlege verksemder betalar forbruksgebyr basert på faktisk (målt) vassforbruk og pris pr. m3. Forbruket blir målt med installert vassmålar. Andre abonnentar betalar etter stipulert forbruk basert på utrekning av bruksareal i samsvar med NS 3940 eller etter faktisk (målt) vassforbruk og pris pr. m3, Kombinasjon næring/bustad skal betale som vanleg næringsabonnent, jfr pkt 3.5 og 3.6 i gebyrregulativet. For alle abonnentar gjeld at avlaupsmengda blir rekna lik vassmengda, sjå likevel 8. Både kommunen og abonnenten kan krevje at forbruksgebyret blir fastsett ut frå målt forbruk. Jfr Gebyrregulativet. 7 LEIGE AV VASSMÅLAR For installasjon, bruk og leige av vassmålar gjeld vedtektene i kommunen. Kostnader for installasjon, drift, avlesing m.m. skal betalast av abonnenten. Pris for leige av vassmålar går fram av Gebyrregulativet. 8 AVVIK I DET ÅRLEGE GEBYRET Dersom avlaupsmengda frå ein abonnent er vesentleg større eller mindre enn det målte vassforbruket, kan forbruksgebyret for avlaup bli basert på målt eller stipulert/utrekna avlaupsmengde (utslepp). For næringsverksemd og offentleg verksemd der samansetjinga av avlaupsvatnet skil seg ut frå vanleg hushaldningsavlaup og verkar enten fordyrande eller innsparande på drift og vedlikehald av avlaupsanlegget i kommunen, kan ein rekne ut eit påslag/frådrag i forbruksgebyret for avlaup basert på dei forventa ekstrautgiftene/innsparingane. Restriksjonar for vassforbruk eller kortare avbrot i leveranse eller mottak av avlaup gjev ikkje grunnlag for reduksjon i gebyra. 9 MELLOMBELS TILKNYTING Mellombels tilknyting gjeld for arbeidsbrakker og andre bygningar av mellombels art med innlagt vatn, som berre skal brukast i ein avgrensa periode. Eigar/festar av eigedomen skal betale abonnementsgebyr og forbruksgebyr etter gjeldande reglar for næringsverksemd, med avrekning i samsvar med den tida til- knytinga er operativ. Ein skal ikkje betale eingongsgebyr for tilknyting, men alle kostnader ved tilknyting og fråkopling blir belasta eigar/festar av eigedomen. Mellombels tilknyting gjeld for opp til eitt år, med høve til å søkje om forlenging. Elles gjeld Tekniske og administrative avgjerder i kommunen. 10 PÅLEGG OM UTBETRING Kommunen kan gje abonnenten(ane) pålegg om å utbetre eigne avlaupsanlegg innan ein gjeven frist, jfr forureiningslova 7. I medhald til 73 i forureiningslova kan kommunen gje eit ureiningsgebyr dersom tilhøvet ikkje er utbetra når fristen har gått ut. Dersom den ansvarlege ikkje utfører pålegget kan kommunen iverksetje tiltak, jfr 74, forureiningslova
Kommunen kan be abonnenten om å utbetre eigne drikkevassanlegg innan ein oppgjeven frist som grunnlag for å kunne fastsette vassforbruket. Dersom tilhøvet ikkje er utbetra når fristen har gått ut, vert årsforbruket stipulert. 11 FEITTAVSKILJARAR. Tømminga av avskiljarane ligg inne som rutine på tømming av det kommunale frittliggande septiktankanlegget. Frå 01.01.2004 vil Renovest overta denne tømminga. Antall tømmingar av avskiljaren, jfr sanitærreglementet.. 12 OLJEAVSKILJARAR. Tømming av desse avskiljarane, jfr sanitærreglementet. 13 INNBETALING AV GEBYR Abonnenten er ansvarleg for betaling av gebyra. Kommunen sender faktura for eingongsgebyr for tilknyting til abonnenten samstundes som igangsettingsløyve (byggeløyve) blir gjeve eller når eksisterande bygg blir tilknytt kommunal leidning. Eingongsgebyret må vere innbetalt før tilknyting skjer. Abonnementsgebyr og forbruksgebyr blir kravd inn på felles faktura og blir fordelt over 2 terminar pr år. Eingongsgebyr, mellombels tilknyting blir fakturert særskilt. Avlesing av målt vassforbruk blir gjort ein gong i året. Forbruksgebyret blir betalt à konto fordelt over 2 terminar basert på forbruket for fjoråret. Avrekning skjer i hovudsak på 1. termin (faktura) året etter. Dersom vassforbruket til abonnenten har endra seg vesentleg frå siste målaravlesing, avtalast ny à konto sum. Basert på søknad til kommunen kan abonnenten få fritak for det årlege gebyret, når eigedomen fysisk blir kopla frå leidningsnettet. Abonnementet opphøyrer når meldinga er motteken om når anborings- eller påkoplingspunktet er plombert. Ny tilknyting av eigedomen krev ikkje ny betaling av eingongsgebyr. Både fråkopling og ny tilknyting føreset ein blir utført for abonnenten sin kostnad og etter tilvising frå kommunen. Tillegg vedteke i kommunestyremøte den 07. november 2006 K-sak 06/073: 1. Føresegna for vass- og avlaupsgebyr i Tokke kommune 13 vert ikkje å endre. 2. Det er berre høve til å dispensere frå kravet om fysisk fråkopling i inntil to år. Tillegg vedteke i kommunestyremøte den 15. juni 2004 K-sak 04/039: Teknisk utval får mynde til å gje fritak for årlege kommunale VA-gebyr i ein periode frå 1-2 år. Det skal nyttast skjønn ved handsaminga av søknaden og utvalet skal vurdere om stoppekrana skal plomberast eller om stikkleidningane skal koplast frå hovudleidningen. Plomberinga av stoppekrana og kontroll om det er lekkasje må utførast av ein godkjent røyrleggar. Røyrleggaren må sende melding til kommunen om når arbeidet er utført. Abonnenten må dekke desse utgiftene. Fritaket gjeld frå den neste terminen, d v s 01.01 eller 01.07 kvart år. Kostnaden med plombering og evt. utbetring av den private stikkleidningen må abonnenten dekke.
Vil eigaren ta i bruk bygningen før fritaksperioden går ut må det skriftleg meldast frå til teknisk etat. Før plomberinga vert broten skal teknisk etat kontrollere denne. Årleg VA-gebyr skal betalast frå næraste termin rekna bakover. Dersom plomberinga er broten i løpet av kalenderåret skal det betalast vanleg årleg VA-gebyr for heile året. Ordningen skal evaluerast etter 2 år. III. AVSLUTTANDE FØRESEGNER 14 INNKREVJING AV GEBYR Forfalt krav på dei årlege gebyra er sikra med pant i eigedomen etter 6-1 i pantelova. Gebyra med kostnader og renter kan krevjast inn av kommunen etter reglar for innkrevjing av skatt. 15 Tidlegare særavtaler Gamle særavtaler mellom kommunen og den einskilde abonnent opphøyrer frå 01.01.2003. 16 VEDTAKSMAKT Vedtak etter denne føresegna blir fatta av teknisk etat. 17 KLAGE Når det blir fatta einskildvedtak etter denne føresegna, skal den/dei dette vedtaket gjeld, bli informert om den klageretten som er bestemt i Forvaltningslova og det kommunale delegasjonsreglementet. Klaga skal sendast til den instansen som har fatta vedtaket. Vedtak om gebyras storleik, som går fram av Gebyrregulativet, reknast som føresegn, jf. 2 fyrste ledd c) i Forvaltningslova. Dette er ikkje einskildvedtak og kan ikkje påklagast. 18 IVERKSETJING Føresegna trer i kraft frå 01.01.2003.