EIGEDOMSSKATTE- VEDTEKTER 01.01.2013 Vedteke i Kommunestyret Dato : 20.12.12 Sak : 65/2012 Dato : Dato:
Innholdsfortegnelse KAP. I - SKATTETAKSTNEMNDER... 3 KAP. II FØREBUING AV TAKSERINGA... 4 KAP. III - GJENNOMFØRING AV TAKSERINGEN... 4 KAP. IV - OMTAKSERING OG SÆRSKILT TAKSERING... 5 KAP. V - KLAGE... 5 KAP. VI - YMSE REGLAR... 7 Eigedomsskattevedtekter for Lom kommune Side 2
EIGEDOMSSKATTEVEDTEKTER - SKATTETAKSTNEMND KAP. I - SKATTETAKSTNEMNDER 1-1 Til å verdsetja faste eigedomar i kommunen etter eigedomsskattelova 8A-2, vel kommunestyret ein eller fleire skattetakstnemnder jf. eigedomsskattelova 8A-2(2). I kvar skattetakstnemnd skal det vera fire medlemmer (leiar, nestleiar og to medlem). I tillegg skal det veljast fire varamedlem. 1-2 Kommunestyret oppnemner ei felles klagenemnd til å handsame både klager over takstnemnda/-nemndene sine takstvedtak (overtakst) og klager over eigendomsskattekontoret sine utskrivingsvedtak, jf. esktl. 19 og 20. Klagenemnda skal ha fire medlemer, der éin er leiar, ein nestleiar og to medlemer. Klagenemnda sine medlemer skal ha personlege varamedlemer. Klagenemnda fattar sine vedtak i fellesskap. Usemje blir avgjort ved røysting. Ved likt røystetal har leiaren av klagenemnda dobbeltrøyst. Klagenemndleiaren har til oppgåve å planleggje og leie klagehandsaminga saman med leiaren for eigedomsskattekontoret, samt syte for ei forsvarleg framdrift i sakshandsaminga. Dersom klagenemndleiaren har forfall, overtar nestleiaren i klagenemnda oppgåvene til nemndleiaren. Som klagenemnda funger overtakstnemnda. 1-3 Valbarheit, inhabilitet og møteplikt Valbare og pliktige til å ta val som medlem av takstnemndene, er dei som er pliktige til å ta val til kommunestyret. Eit medlem er inhabil til å delta i taksta når medlemmen a) sjølv er eigar, panthavar eller leigebuar til eigedommen, b) er i slekt eller i svogerskap med ein som nemnt under a) i opp- eller nedstigande line eller sideline så nær som sysken, c) er eller har vore gift, partnar eller forlova med, eller er fosterfar eller fostermor eller er fosterbarn til eigar, d) er verje for ein person som nemnt under a), e) er styrar eller medlem av styret for eit selskap, ei foreining, Sparebank, stiftelse eller offentlig innretning som er eigar, panthavar eller leigebuar til eigedomen. f) er medlem av formannskapet. Likeeins er ein medlem inhabil når andre særeigne omstende ligg føre som er eigna til å svekke tilliten til vedkommande medlems upartiskheit. Nemnda tek sjølv avgjerd om kor vidt ein medlem er inhabil. Eigedomsskattevedtekter for Lom kommune Side 3
1-4 Medlemene i takstnemnda og klagenemnda har plikt til å møte i alle møte, med mindre vedkomande har gyldig forfall. Ved forfall skal medlem så snart som råd varsle Servicetorget (politisk sekretariat), som innkallar varamedlem. Når ein medlem ikkje møter, har varamedlem møteplikt. 1-5 Sakkyndige for takstnemndene Nemndene kan be eigedomsskattekontoret tilkalle sakkyndig hjelp til å gje rettleiande uttaler på det bygningstekniske, industrielle, maskintekniske eller andre område, når dette blir sett på som naudsynt.. Dei sakkyndige deltek ikkje i sjølve takseringa og har ikkje stemmerett. KAP. II FØREBUING AV TAKSERINGA 2-1 Støttefunksjonen fungerer som eigedomsskattekontor. Det ligg til eigedomsskattekontoret å sørgje for alt administrativt og kontormessig arbeid for takstnemndene. 2-2 Eigedomsskattekontoret utarbeider ei liste over eigedomar som takstnemnda blir invitert til å vurdere. Det blir laga eige liste over eigedomar som er fritekne etter eigedomsskatteloven 5 og 7. Eigedomar som er fritekne etter 5 skal ikkje takserast. Rådmannen bestemmer om eigedomar som er fritekne etter eigedomsskattelova 7 skal takserast. Det bør lagast eige liste over verker og bruk. 2-3 Eigedomsskattekontoret førebur takseringa ved å innhente tilgjengeleg informasjon om den enkelte eigedom. Eigaren skal gjerast kjent med dei opplysningane som kommunen har over den enkelte eigedom. Den enkelt eigar skal kunne uttale seg om eigedomen. Eigedomskattekontoret kan be eigaren utlevere opplysningar av betyding for taksta. KAP. III - GJENNOMFØRING AV TAKSERINGEN 3-1 Det ligg til takstnemnda sin leiar, i samarbeid med eigedomsskattekontoret å planleggje og leie arbeidet. Eigedomsskattekontoret sin leiar blir kalla inn til alle møter i takstnemnda/takstenemndene. 3-2 Før ein byrjar den alminnelege takseringa, drøftar nemnda eller nemndene i fellesskap alminnelege retningsliner for taksering for å sikre størst mogleg einsartaheit i vurderinga. Har kommunen fleire takstnemnder, bør prøvetaksering gjerast. Takstnemnda kan vedta sjablongar til bruk ved takseringa. Sjablongane skal vera eit hjelpemiddel for å koma fram til omsetningsverdien på eigedomane, og skal ta Eigedomsskattevedtekter for Lom kommune Side 4
høgde for at eigedomane sin beskaffenheit, bruksområde og geografisk plassering kan verke inn på verdien. Det skal førast protokoll over forhandlingane i takstnemnda/mellom takstnemndene. 3-3 Eigedomen sin eigar bør varslast om at det skal haldast takst. Eigedomsskatte-kontoret fastset frist for varsel. 3-4 Eigedomane skal i alle tilfelle synfarast av takstnemnda. Takstnemndene tek stilling til om eigedomane skal fotograferast. Ved taksering av verk og bruk bør ein alltid fotografere eigedomane. Det skal avgjerast om eigedomen er innanfor eigedomsskatteområde eller skal skattleggjast som verker og bruk. Nemnda tek og stilling til om det er grunnlag for unnatak frå eigedomsskatt etter eigedomsskattelova 5. 3-5 Grunn og bygning bør takserast særskilt viss dei er eigde av forskjellige skattytarar. 3-6 Takstprotokollen må innehalde grunngjeving for taksten som må vera slik at skatteytar kan forstå korleis taksten er fastsett. Grunngjevinga skal opplyse om kva for prinsipp som er lagt til grunn for verdsettinga, samt kva for kriterie og grunnlag som er nytta for den enkelte eigedom. Grunngjevinga kan gjevast på eige skjema som syner kva som er lagt til grunn om eigedomen og kva for sjablongverdiar som er brukt. For verk og bruk vil det ofte vera behov for grundigare grunngjeving. KAP. IV - OMTAKSERING OG SÆRSKILT TAKSERING 4-1 I perioden mellom dei alminnelege takseringar kan omtaksering/særskilt taksering gjerast etter dei retningsliner og vilkår som går fram av byskattelova 4, 3. og 4. ledd. Fristen for å krevja omtaksering er 1. november i året før skatteåret. Takstnemnda tar stilling til om vilkåra for omtaksering/særskilt taksering er oppfylt. Verdsetjinga bør skje etter same prinsipp og same prisnivå som ved førre alminnelege taksering. Skattytar blir orientert om taksta ved melding om vedtak. For klage gjeld kapittel V. KAP. V - KLAGE 5-1 Klage på taksten - Klagefrist og oversitjng av klagefrist Overtakst kan krevjast av vedkommande skattytar eller formannskapet, jf. esktl. 8A-3 (3). Klage over taksten må gjevast skriftleg til eigendomsskattekontoret innan seks veker frå det seinaste tidspunktet av den dagen det var kunngjort at eigendomsskattelista blei lagt ut, eller den dagen skattesetelen blei send det året då takseringa finn stad. Eigedomsskattevedtekter for Lom kommune Side 5
Klage over taksten kan seinare setjast fram i samband med den årlege utskrivinga av eigendomsskatten, men berre dersom det ikkje er klaga på taksten tidlegare, jf. esktl. 19, første ledd tredje setning. Takstnemnda/klagenemnda kan handsame ei klage frå skattytaren jamvel om klagefristen er oversete når vedkommande ikkje kan klandrast for å ha oversete fristen, eller det har særs mykje å seie for skattytaren at klaga blir handsama. Tilsvarande kan ei klage frå formannskapet takast til følgje etter klagefristen dersom formannskapet klagar til gunst for skattytaren. Eigendomsskattekontoret eller takstnemnda kan innvilga utsett klagefrist i enkelttilfelle dersom det blir bede om det og det finst rimelege grunnar for å innvilga utsett klagefrist. 5-2 Handsaming av klage på taksten Eigendomsskattekontoret skal sende klage over takseringa til takstnemnda, som så granskar det som klaga gir grunn til. Takstnemnda kan oppheve eller endre vedtaket dersom ho finn at klaga er grunngjeve. Dersom takstnemnda ikkje gir klagar medhald, skal alle dokumenta i saka straks sendast over til klagenemnda. Dersom klagenemnda held det nødvendig, kan det hentast inn fråsegner frå sakkunnige. Klagenemnda må gjennomføre synfaring. Klagenemnda kan prøve alle sider av taksten, og kan også endre taksten til skattytar sin ugunst. Dersom klaga ikkje blir handsama innan ein månad, skal klagaren få eit førebels svar, jf. fvl. 11 a. 5-3 Omgjering Klagenemnda sine vedtak er endelege og kan ikke ankast 1. Skattytaren kan be klagenemnda å gjere om eige vedtak. Klagenemnda har i slike tilfelle ingen plikt til å vurdere vedtaket på nytt, men det kan gjerast dersom nemnda finn det rimeleg. For det tilfellet at klagenemnda finn å ville avvise ei oppmoding om omgjering, bør det presiserast at vedtaket ikkje er eit nytt realitetsvedtak som gir grunnlag for ny søksmålsfrist. 5-4 Klage på utskrivninga - Klagefrist og oversitjing av klagefrist Klage over utskrivninga må gjerast skriftleg til eigendomsskattekontoret innan seks veker frå det seinaste tidspunktet av den dagen det var kunngjort at eigendomsskattelista blei lagt ut, eller den dagen skattesetelen blei sendt, jf. esktl. 19. 1 Dette gjeld også dersom klaga blir sett fram i samband med utskrivinga i seinare år, jf. esktl. 19. Eigedomsskattevedtekter for Lom kommune Side 6
Eigendomsskattekontoret/klagenemnda kan handsame ei klage frå skattytaren jamvel om klagefristen er oversete når vedkommande ikkje kan klandrast for oversitjing av fristen, eller det er har svært mykje å seie for skattytaren at klaga blir handsama. Eigendomsskattekontoret eller takstnemnda kan innvilga utsett klagefrist i einskildhøve dersom det vert oppmoda om det, og det er rimelege grunnar for å innvilga utsett klagefrist. 5-5 Handsaming av klage over utskrivinga Gjeld klaga utskrivinga, skal eigendomsskattekontoret sjølv gjere dei undersøkingane som klaga gir grunn til. Eigendomsskattekontoret kan oppheve eller endre vedtaket dersom det finn klaga grunngjeve. Dersom eigendomsskattekontoret ikkje finn grunn til å gi klagaren medhald, skal dokumenta i saka straks sendast over til klagenemnda. 5 6 Protokoll frå klagenemnda Klagenemnda skal føra protokoll frå møta i klagenemnda. I protokollen skal det gå fram kva som er grunnlaget for at vedtaket er halde oppe eller endra. Protokollen skal gjere greie for kva for fakta og rettspraksis klagenemnda byggjer på, og kva for verdsetjingsprinsipp som er lagt til grunn for dei einskilde eigendomane. I protokollen må det takast stilling til eigaren eller formannskapet sine klagegrunnar. KAP. VI - YMSE REGLAR 6-1 Godtgjersle til takstnemndene og sakkunnige Kommunestyret/formannskapet fastset godtgjersla til nemndmedlemane. Eigendomsskattekontoret fastset godtgjersla til sakkunnige. Eigendomsskattekontoret syter for utbetalinga av godtgjersla. 6-2 Frist for utskriving av eigendomsskatt Eigendomsskatten skal vere utskriven og skattelistene gjort offentlege innan 1. mars i skatteåret. Ved første gongs utskriving skal den alminnelege takseringa vere avslutta innan utgangen av juni i skatteåret. Ved utviding av skatteområdet og/eller innføring av botnfrådrag gjeld eigne overgangsordningar, sjå notar i eigendomsskattelova. 6 3 Eigendomsskattelistene Eigendomsskattelista skal liggje ute til offentleg gjennomsyn i minst tre veker etter at det er kunngjort at lista er lagd ut, jf. esktl. 15. I kunngjeringa skal det opplysast om fristen for klage og kven klaga skal sendast til. Eigedomsskattevedtekter for Lom kommune Side 7
Samstundes med at eigendomsskattelista blir lagt ut, blir skattesetelen send til skattytaren. 6-4 Skatteterminar Eigendomsskatten forfell til betaling etter dei terminane som kommunestyret fastset. 6 5 Klage eller søksmål på takst eller utskriving har ikkje utsetjande verknad Eigendomsskatten skal betalast til fastsett tid og med dei beløpa som først er fastsette, sjølv om det er sendt inn klage over utskrivinga eller utskrivingsgrunnlaget, eller dei står til prøving for ein klageinstans eller domstolane, jf. esktl. 25 (3). Eigedomsskattevedtekter for Lom kommune Side 8