FORSKRIFT OM VASS- OG AVLAUPSGEBYR I SUND KOMMUNE. Vedtatt i kommunestyret den 28.05.2002 i medhald av lov om kommunale vass- og kloakkavgifter 3 og forskrift om kommunale vass- og avlaupsgebyr av 10. januar 1995, sist endra 13. juli 2000. I. GENERELLE FØRESEGNER Abonnentane betaler for vass- og avlaupstenester levert av Sund vatn og avlaup AS (Sund VA). Selskapet er eigd av Sund kommune og har ansvar for drift og utbygging av offentlege vass- og avlaupsanlegg i Sund. Tilhøvet mellom abonnenten og kommunen er regulert av lover og forskrifter og av lokale reglement, føresegner, regulativ og deklarasjonar. Dei viktigaste dokumenta er lista nedanfor: 1. Lov av 31. mai 1974 nr.17 om kommunale vass- og kloakkavgifter 2. Forskrift av 10. januar 1995 nr. 70 om kommunale vass- og avlaupsgebyr, sist endra 13. juli 2000 3. Forskrift om vass- og avlaupsgebyr i Sund kommune (dette dokumentet) 4. Gjeldande gebyrregulativ for Sund kommune 5. Normalreglement for sanitæranlegg (Tekniske og administrative avgjerder) 1 FØREMÅLET MED FORSKRIFTA Forskrifta bestemmer utrekning og innbetaling av dei gebyra abonnentane skal betale for dei vass- og avlaupstenestene kommunen leverer. 2 VERKEOMRÅDET FOR FORSKRIFTA Forskrifta gjeld alle abonnentane, sjå definisjon i 3. 3 DEFINISJONAR Abonnent: Eigar/festar av eigedom som er registrert i grunnboka med eige gards- og bruksnummer, eller eige festenummer eller seksjonsnummer (under felles gards- og bruksnummer), som er tilknytt kommunal vass- og eller avlaupsleidning direkte eller gjennom felles stikkleidning. Dette gjeld fullt ut uansett avstand frå eigendomen til den kommunale leidningen. Det same gjeld festar av eigedom der festeavtalen ikkje er registrert i grunnboka (tinglyst), men der festaren eig dei bygningane som er plassert på tomta, og bruker festerett slik det går fram av lov om tomtefeste. For festeavtalar med kort festetid (feste til anna enn bustad og fritidsbustad) kan det vere avtalt at ein annan enn festaren skal vere abonnent.
Eigar/festar av eigedom, som kommunen i medhald av 65, 66 og 92 i Plan og bygningslova har kravd tilknytt kommunal vass- og avlaupsleidning. Abonnementsgebyr: Den faste delen av årsgebyret. Bruksareal (BRA) etter NS 3940 (forenkla): Forenkla kan ein seie at bruksareal omfattar: - Arealet innanfor dei omslutta veggane i bustaden og - Del av fellesareal som høyrer til bustaden, men som ligg utanfor dei omslutta veggane i bustaden. For detaljar, sjå NS 3940. Bruksendring: Med endring i bruken av eigedommen meiner ein her endring mellom ulike kategoriar, som for eksempel bustad, fritidsbustad/hytte og nærings-/offentleg verksemd. Eingongsgebyr for tilknyting: Eingongsgebyr for etablering av abonnement på vass- og/eller avlaupstenester. Felles privat stikkleidning: Privat leidning eigd i fellesskap av abonnentar som er tilknytt det kommunale leidningsnettet via den felles private stikkleidning. Forbruksgebyr: Den variable delen av årsgebyret som vert betalt etter forbruk (målt eller stipulert). Fritidsbustad/hytte: Fast eigedom med bygning(ar) regulert/godkjend til fritidsbustad/hytte. Gebyrregulativet: Gebyrregulativet er namnet på den gjeldande prisoversikta for vass- og avlaupsgebyr i kommunen. Satsane i gebyrregulativet vert oppdatert årleg gjennom vedtak i kommunestyret. Stipulert forbruk: Stipulert forbruk er forventa forbruk hos ein abonnent fastsett på basis av bygningsarealet. Tenestedeklarasjon: Eit dokument som gjer greie for rettane og pliktene til abonnentane og kommunen, kva som skjer når desse ikkje vert etterlevd og kva for høve til å klage som finst. Årsgebyr: Det samla gebyr som vert betalt årleg av abonnentar for å ha tilgang til vassog/eller avlaupstenestene i kommunen. Årsgebyret er samansett av abonnementsgebyr og forbruksgebyr.
II. VASS- OG AVLAUPSGEBYR 4 GEBYRTYPAR Følgjande gebyrtypar gjeld for både vass- og avlaupstenester: Eingongsgebyr for tilknyting Årsgebyr (abonnementsgebyr og forbruksgebyr) Gebyr for eventuell leige av vassmålar Gebyr for mellombels tilknyting Stengingsgebyr 5 EINGONGSGEBYR FOR TILKNYTING Eingongsgebyr ved tilknyting til offentleg vatn og/eller avlaup skal betalast: Ved nybygg. Ved utviding av eksisterande bygg Når bebygd eigedom vert tilknytt offentleg vass- eller avlaupsleidning Når eksisterande bygg tilknytt offentleg vatn og/eller avlaup vert rive, skal ein ved berekning av eingongsgebyr for nybygg leggja det overskytande bruksareal til grunn. Eingongsgebyret vert fastsett i steg etter m2 bruksareal (BRA) berekna med grunnlag i NS 3940 eller eksisterande arealdata sjå 6. Storleiken på gebyret vert fastsett årleg av kommunestyret og går fram av gebyrregulativet. 6 ÅRSGEBYR Årsgebyret for både vass- og avlaupstenester vert å betala av alle abonnentar og er samansett av to delar: abonnementsgebyr forbruksgebyr Gebyra for eigedommen vert berekna for heile eigedommen samla. For bustadhus og fritidseigedomar og liknande kan det likevel bereknast gebyr for det einskilde bygg og/eller bueining. For gebyr som vert berekna etter areal, eventuelt stegvis, vert dette berekna med grunnlag i NS 3930, bruksareal (BRA). For eksisterande eigedom kan tidlegare registrerte arealdata leggjast til grunn inntil ny arealberekning etter NS 3940 ligg føre. Krev eigar av fast eigedom at arealet skal bereknast etter NS 3940 skal kostnaden med ny oppmåling dekkast av eigar. Storleiken på abonnementsgebyr og forbruksgebyr vert fastsett årleg av kommunestyret og går fram av gebyrregulativet.
ABONNEMENTSGEBYR Abonnementsgebyr vert differensiert etter ulike brukarkategoriar. Nokre kategoriar vert rekna ut etter areal, eventuelt stegvis, slik det går fram av gebyrregulativet. FORBRUKSGEBYR Næringseigedommar og offentlege verksemder betaler forbruksgebyr basert på faktisk (målt) vassforbruk og pris pr. m 3. Forbruket vert målt med installert vassmålar. For mindre verksemder kan forbruket stipulerast etter areal. Andre abonnentar betaler forbruksgebyr etter stipulert vassforbruk basert på utrekning etter NS 3940 - bruksareal (BRA), eller etter målt vassforbruk. For alle abonnentar gjeld at avlaupsmengd vert rekna lik vassmengda, sjå likevel 8. Om forskrifta ikkje krev installering av vassmålar kan både Sund VA og abonnenten krevje at forbruksgebyret vert fastsett ut frå målt forbruk. 7 REGLAR FOR INSTALLASJON OG BRUK AV VASSMÅLAR For eigedommar med installert vassmålar gjeld fylgjande: Til måling av vassforbruk som skal reknast etter målar, pliktar abonnenten å koste og halde vedlike vassmålar av ein slik konstruksjon som Sund VA kan godkjenne. For installasjon og bruk av vassmålar gjeld elles Normalreglement for sanitæranlegg og nærare reglar gitt av Sund VA. Avlesing av vassmålar skal utførast i samsvar med reglar fastsette av Sund VA. Går ein målar i sund eller synar feil resultat, skal avgifta justerast for den perioden det er tvil om etter gjennomsnittet av næraste avlesingsperiode før feilen er oppstått og etter han er retta. Plombert måler kan bare opnast av personell frå Sund VA eller av personell godkjent av Sund VA. Er plomberinga broten vil Sund VA kunne fastsette vassforbruket for heile perioden ved skjønn. 8 AVVIK I ÅRSGEBYRET Dersom avlaupsmengda frå ein abonnent er vesentleg større eller mindre enn det målte vassforbruket, kan etter avtale forbruksgebyret for avlaup bli basert på målt eller stipulert/utrekna avlaupsmengd (utslepp). For næringsverksemd og offentleg verksemd der samansetjinga av avlaupsvatnet skil seg ut frå vanleg hushaldsavlaup og verkar anten fordyrande eller innsparande på drift og vedlikehald av avlaupsanlegg i kommunen, kan ein etter avtale rekne ut eit påslag/frådrag i forbruksgebyret for avlaup basert på dei forventa ekstrautgiftene/innsparingane.
Dersom avtale ikkje kjem i stand vert storleiken på avgifta fastsett av Sund VA. Selskapet sitt vedtak kan påklagast til Sund kommune sitt klageorgan Forvaltningsstyret. Restriksjonar på vassleveranse, kvalitetsavvik på vatnet eller kortare avbrot i vassleveranse eller mottak av avlaup gjev ikkje grunnlag for reduksjon i gebyra. For avvik i årsgebyr knytt til pålegg om utbetring av manglar sjå 10. 9 MELLOMBELS TILKNYTING Med mellombels tilknyting meiner ein bygg/anlegg som har innlagt vatn, men kor bygget/anlegget ikkje er i permanent bruk, og/eller berre skal brukast i ei avgrensa periode. Eit eksempel på slikt anlegg er anleggsbrakker. Eigar/festar av eigedommen skal betale abonnementsgebyr og forbruksgebyr etter gjeldande reglar for næringsverksemd, med avrekning i samsvar med den tida tilknytinga er operativ. Sund VA kan eventuelt fråvike krav om vassmålar. Ein skal ikkje betale eingongsgebyr for tilknyting, men alle kostnader ved tilknyting og fråkopling vert belasta eigar/festar av eigedommen. Mellombels tilknyting gjeld for opp til eitt år, med høve til å søkje om vidareføring. 10 PÅLEGG OM UTBETRING Forureiningslova vert forvalta av Sund kommune som kan gje abonnenten eit pålegg om utbetring av eigne avlaupsanlegg innan ein gjeven frist, jfr. Forureiningslova 7. Etter Forureiningslova 73 kan ein gje forureiningsgebyr om forholdet ikkje er utbetra når fristen har gått ut. Om den ansvarlege ikkje etterkjem pålegget kan kommunen sørgje for iverksetjing av tiltaka, jfr. Forureiningslova 74. Avgiftspliktig som unnlet å fylgja pålegg om å fjerna eller kortslutta privat septiktank eller avslammingstank skal betala eit tillegg til kloakkavgifta. Tilleggsavgifta reknar ein frå 6 månader etter at pålegget er gitt, dersom arbeidet til den tid ikkje er utført tilfredsstillande. Tillegget utgjer 100% av eigedommen sitt ordinære kloakkavgift, og avgifta vert rekna for kvart påbyrja kvartal. Avgifta vert rekna til pålegget er oppfylt. Abonnent som unnlet å etterkoma pålegg om å utbetra lekkasjar på vass- eller kloakkleidning til eigedommen eller andre manglar ved kloakkanlegg eller sanitærutstyr som fører med seg auka belastning på leidningar eller reinseanlegg, skal betala eit tillegg til vass eller kloakkavgifta. Tillegget utgjer ein auke i forbruksgebyret som tilsvarar auka vassmengde, men minimum 100% av eigedommen sitt ordinære forbruksgebyr. Tillegget tek til å gjelda ein månad etter at pålegget er gitt og skal reknast for kvart påbyrja kvartal til pålegget er oppfylt. For nye tilknytingar er det berre tillate å knyte avlaup frå sanitærutstyr og industriproduksjon (spillvatn) til offentleg avlaupsleidning. Tak drens- og overvatn skal handsamast lokalt eller ledast til overvassleidning. Abonnent som ikkje stettar krav om å installera vassmålar kan få sitt forbruk stipulert ved skjønn.
11 INNBETALING AV GEBYR Abonnenten er ansvarleg for betaling av gebyra. Eingongsgebyr. Kommunen sender faktura for eingongsgebyr for tilknyting til abonnenten samstundes som igangsettingsløyve (byggeløyve) vert gitt eller når eksisterande bygg vert tilknytt offentleg leidning. Eingongsgebyret må vere innbetalt før tilknyting skjer eller seinast 2 månader etter at det er gitt løyve til igangsetting av tiltak, eller melding om tiltak er godkjent. Dersom det offentlege leidningsnettet ikkje kan nyttast fram til tilknytningsstaden på dette tidspunktet, vert betalingsfristen utsett til det offentlege leidningsnettet kan nyttast. Årsgebyr. Abonnementsgebyr og forbruksgebyr skal reknast frå og med månaden etter at eigedommen er tilknytt kommunalt leidningsnett, eller seinast 6 månader etter at det er gitt løyve til igangsetting av tiltak, eller melding om tiltak er godkjent. For eigedom kommunen har kravd tilknytt i medhald av plan og bygningslova forfell eingongsgebyr til betaling ved tilknyting eller seinast frå vedteke frist for tilknyting. Årsgebyr skal reknast frå same dato Abonnementsgebyr og forbruksgebyr vert kravd inn på felles faktura og vert fordelt over terminar slik det går fram av gebyrregulativet. Gebyr for mellombels tilknyting og tilleggsgebyr vert fakturert særskilt. Avrekning av målt vassforbruk vert gjort ein gong i året. Forbruksgebyret vert betalt à konto fordelt over terminar basert på forbruket i føregåande år. Avrekning skjer i hovudsak på 1. termin (faktura) året etter forbruksåret. Dersom vassforbruket til abonnenten har endra seg vesentleg frå siste målaravlesing, kan Sund VA endre à konto beløpet. Abonnenten skal varslast før slik endring finn stad. Etter søknad kan Sund VA gjere vedtak om tidsavgrensa fritak for årsgebyr når gebyrpliktig bustadeigedom ikkje vert nytta i det heile for ein periode som overstig tre månader. Fritak kan gjevast for inntil eit år. Fritak utover dette føreset permanent fråkopling frå offentleg nett, (sjå neste avsnitt). Ved innvilga søknad om fritak gjeld fritaket frå og med månaden etter at melding om plombering av hovudkran eller tilsvarande avstenging / fråkopling er motteke frå autorisert røyrleggjar. Arbeidet skal utførast etter tilvising frå Sund VA. Kostnader ved plombering eller liknande skal dekkjast fullt ut av abonnenten. Abonnenten må i tillegg betale eit stengegebyr. Etter søknad kan Sund VA gjere vedtak om at eigedom blir friteken for gebyrplikt når den vert permanent kopla frå offentleg leidningsnett, og det elles er grunnlag for å godkjenne permanent fråkopling frå offentleg vatn og/eller avlaup. Ved innvilga søknad om fråkopling opphøyrar abonnementet frå og med månaden etter at melding om at tilknytingspunkt / påboring til fellesleidning eller til offentleg leidning er permanent plombert / plugga. Arbeidet skal utførast etter tilvising frå Sund VA. Ny tilknyting av eigedommen gjev ikkje krav om ny betaling av eingongsgebyr for tilknyting. Kostnader ved fråkopling og eventuell ny tilknyting dekkjast fullt ut av abonnenten. Abonnenten må i tillegg betale eit stengegebyr.
III. AVSLUTTANDE FØRESEGNER 12 INNKREVJING AV GEBYR Forfalle krav på årsgebyr er sikra med pant i eigedommen etter Lov om pant 6-1. Gebyra kan krevjast inn av kommunen etter reglar for innkrevjing av skatt. Dersom årsavgifta ikkje er betalt innan 1 månad etter at den avgiftspliktige har motteke andre gongs varsel om innbetaling kan Sund VA - etter avklaring med kommunelegen, stengje den offentlege vassforsyninga til eigedommen. For oppmøte i samband med avstenging og påsetting av vassforsyning skal den avgiftspliktige betale ei tilleggsavgift, slik det går frem av gebyrregulativet for frammøte i samband med stenging og eventuell ny opning av vassforsyninga. 13 VEDTAKSMAKT Vedtak etter denne forskrifta vert fatta av Sund vatn og avlaup AS 14 KLAGE Vedtak etter forskrifta er einskildvedtak i samsvar med kap. IV-VI i forvaltningslova, og kan påklagast. Klaga skal sendast til den instansen som har fatta vedtaket. Sund kommune sitt klageorgan - Forvaltningsstyret er klageinstans for avgjerd teke av Sund VA. Fastsetting av storleiken på gebyrsatsane vert handsama som forskrift og vedtak vert fatta av kommunestyret, jfr. kap. VII i Forvaltningslova. Innkravd gebyr må betalast fullt ut, sjølv om det er klaga på utrekninga. 15 IVERKSETJING Forskrifta trer i kraft frå 01.07.2002