REGELHEFTE FOR SAMLAGSSTEMNER

REGELHEFTE FOR SAMLAGSSTEMNER Sunnhordland Skyttarsamlag INNHALD Kap. 1 SAMLAGSSTEMNE I BANESKYTING 1.1. Turnus for arrangement av samlagsstemner bane 1.2. Program 1.3. Reglar for medaljar og faste premiar 1.4. Meisterskapsomgong 1.5. Premiering elles 1.6. Like resultat - omskyting/rangering 1.7. Innbyding - innskot arrangementsavgift 1.8. Opplegg tidsplan 1.9. Tilskot Kap. 2 SAMLAGSSTEMNE I FELTSKYTING 2.1. Turnus for arrangement av samlagsstemner i feltskyting 2.2 Program 2.3. Reglar for medaljar og faste premiar 2.4. Meisterskapsomgong 2.5. Premiering elles 2.6. Like resultat - omskyting/rangering 2.7. Innbyding - innskot - arrangementsavgift 2.8. Opplegg - tidsplan 2.9. Tilskot Kap. 3 SAMLAGSSTEMNER I INNADØRS MINIATYRSKYTING 3.1. Turnus for arrangement av samlagsstemner i miniatyrskyting 3.2. Program 3.3. Reglar for medaljar og merker 3.4. Premiering elles 3.5. Like resultat - omskyting/rangering 3.6. Innbyding - innskot - arrangementsavgift 3.7. Opplegg - tidsplan 3.8. Tilskot Vandretrofè: Sjå Samlaget si nettside for Statuttar og status Sunnhordland Skyttarsamlag, Regelhefte for Samlagsstemner, Rev 18-11-2014 Side 1 av 9

1.0 Samlagsstemner i baneskyting 1.1 Turnus for arrangement av samlagsstemner bane Sunnhordland Skyttarsamlag er delt i tre krinsar, Søre, Nordre og Ytre krins. Samlagsstemnet skal arrangerast ein gong i kvar krins etter følgjande turnus: 2015 Ytre krins 2016 Søre krins 2017 Nordre krins 2018 Ytre krins Samlagstyret v/formannen fører oversyn over arrangørar av samlagsstemner. Så langt det let seg gjera, bør flest mogeleg lag få høve til å arrangera samlagsstemner om dei ønskjer det. Lag som ønskjer å arrangera samlagsstemne må gje samlagstyret melding om dette innan den frist som til ein kvar tid gjeld for innmelding av stemner som skal med på neste års terminliste. Dersom ingen lag melder seg innan denne fristen, må samlagstyret ta initiativ for å finna ein arrangør komande år. 1.2 Program Alle klassar skal skyta fullt meisterskapsprogram for vedkomande klasse slik det til ei kvar tid går fram av Skyttarboka. I tillegg skal det arrangerast følgjande ekstraskytingar: a) Lagskyting for 3-manns lag på 300/200 m. Programmet skal væra det same som vert nytta som samlagsskyting under Landsskyttarstemnet. b) Lagskyting på 100 m for rekrutteringsskyttarar. Det skal her væra 3-manns lag med ein Rekrutt eller Eldre rekrutt, ein Junior og ein valfri rekrutteringsskyttar på laget. Ankermann skal være juniorskyttar. Dersom eit skyttarlag ikkje har juniorskyttarar med på stemnet (hovudskytinga), kan ein Rekrutt eller ein Eldre rekrutt gå inn i staden og skyte juniorprogram. Laget kan derimot ikkje ha med berre juniorar. Aspirantar kan ikkje delta i lagskyting. Programmet skal væra det same som vert nytta på samlagsskyting under Landsskyttarstemnet. Den valfrie skyttaren skal skyta det program som høyrer til vedkomande sin klasse. c) Lagskyting med 3- manns lag for veteranar med 2 skyttarar frå klasse V65/V73 og ein skyttar frå klasse V55. Skyttaren frå klasse V55 skal være ankermann. Programmet skal væra det same som til ein kvar tid vert nytta som samlagsskyting for veteranar på Landsskyttarstemnet. Dersom eit lag ikkje har påmeldt skyttarar i klasse V55, kan ein skyttar frå klasse V65/ V73 skyta V55 program som ankermann. Har eit lag ikkje skyttarar i klasse V65/V73, kan det i staden stilla 3 skyttarar i klasse V55 der alle skyt klassen sitt program. For alle lagskytingar gjeld at kvart skyttarlag kan melda på så mange lag ein ønskjer. Alle lag vert stilt likt med omsyn til å vinna aksjar i oppsette vandrepremiar. Alle skyttarar kan meldast på som lagskyttarar sjølv om dei ikkje har løyst skytebok for stemnet. Skyttarar kan kun delta i ei lagskyting på kvart samlagsstemne. Rekrutteringsskyttarar som skyt lagskyting på 300/200 m kan ikkje på same stemnet skyta lagskyting på 100 m. Det same gjeld for veteranskyttarar. d) Dersom arrangøren ønskjer å setja opp ekstraskytingar utover det som er nemnt under a-c, må dette først godkjennast av samlagsstyret. Sunnhordland Skyttarsamlag, Regelhefte for Samlagsstemner, Rev 18-11-2014 Side 2 av 9

1.3 Medaljar og faste premiar 1.3.1 På meisterskapen for klasse 3-5 skal det nyttast samlaget sin medalje nr. 1. Det skal utdelast ei medalje for kvar påbyrja 30 skyttarar i nemnde klassar. Vinnaren får gylt medalje, dei andre medaljevinnarane får sølv medalje. 1.3.2 Beste skyttar i klasse 3, 4 og 5 skal ha gylt klassemedalje (med. nr. 5) med mindre vedkomande får medalje på meisterskapen. 1.3.3 Dersom ingen skyttar i ein klasse kjem med til meisterskapsomgangen, skal klassemedaljen delast ut på 25-skoten, (gjeld alltid for klasse 1, 2 og AG3). 1.3.4 Vinnar av klasse 1, 2, AG3, V55, V65 og V73 skal ha gylt medalje nr. 5. Er det meir enn 10 deltakarar i nokon av desse klassane, skal det og delast ut ei meisterskapsstjerne (Lohne si stjerne nr. 70935). 1.3.5 Medaljar for rekrutteringsklassane går fram av Skyttarboka. 1.3.6 Deltakarane på laget som vinn lagskyting på 300/200 m og på 100 m skal ha samlaget sin standardpremie. 1.4 Meisterskapsomgang 1.4.1 Av omsyn til konkurransen om klassemedaljane, skal talet på skyttarar som skal skyta meisterskapsomgang i klasse 3-5 avgjerast slik:15% av deltakarane skyt omgang. Alle med same poengsum som det sistemann som kjem til omgangen har, skal væra med. 1.4.2 For dei andre klassane skal følgjande gjelda: Deltaking i finalar skal følgja reglane i Skyttarboka pkt 11.252 jf. pkt. 11.242. Stemneleiinga fastset finalegrensene. 1.5 Premiering elles 1.5.1 Skyttarboka sine reglar for premiering skal følgjast. Gåvepremiar skal fordelast mellom klassane så langt råd, og i høve til deltakartalet i kvar klasse. I alle klassar utanom Aspirant skal det væra 2 premiegrupper, 15-skoten og 10-skoten. I klasse Aspirant vert alle deltakarane premiert med samlaget sitt oblat. 1.5.2 Det skal normalt ikkje delast ut gåvepremiar på meisterskapen. Vert det likevel sett opp ein premie til meisteren, må dette væra fastsett før stemnet tek til og framgå av innbydinga. På lagskytingar eller ekstraskytingar som arrangøren set opp, skal det ikkje delast ut gåvepremiar. 1.5.3 For lagskytingane trekkjer samlaget innskotet til dekning av dei faste premiane. På ekstraskytingar som arrangøren set opp, kan det trekkjast inntil 35%. 1.5.4. Det er sett opp vandrepremie til a) Samlagsmeister klasse 3-5. Må vinnast 3 gongar for varig eige. b) Lagskyting kl. 3-5. Må vinnast 5 gongar for varig eige. c) Lagskyting klasse R/ER/J. Må vinnast 5 gongar for varig eige. d) Lagskyting veteran. Må vinnast 5 gonger for varig eige. 1.6 Like resultat - omskyting/rangering 1.6.1 Meisterskapsmedaljar Reglane om rangering/omskyting slik det går fram av Skyttarboka skal gjelda. Sunnhordland Skyttarsamlag, Regelhefte for Samlagsstemner, Rev 18-11-2014 Side 3 av 9

1.6.2 Klassemedaljar Dersom fleire står likt om klassemedaljar, skal det rangerast etter innertiarregelen. Dette gjeld og for klasse 1, 2, AG3 og HK416. 1.6.3 Lagskyting Reglane om rangering/omskyting slik det går fram av Skyttarboka skal gjelda. 1.6.4 Gåvepremiar Er det like resultat om gåvepremiar, skal det rangerast etter innertiarregelen. Står to eller fleire framleis likt, vert det nytta omskyting. Omskyting om gåvepremiar skal kunngjerast så snart råd er. 1.6.5 Vandrepremiar Er det like resultat om vandrepremiar gjeld reglar som går fram av statuttane for vedkomande premie. 1.7 Innbyding - innskot arrangementsavgift 1.7.1 Det skal sendast ut skriftleg innbyding til alle samlagsstemner. Innbydinga, som skal være førehandsgodkjent av samlagsstyret, kan sendast alle skyttarlag som vedlegg til e-post, med kopi til samlagsleiaren på adressa; sunnhordland@samlag.no. Det skal mellom anna framgå av innbydinga kva skyteprogram som skal gjennomførast, regime for gåvepremiar, eventuell førehandspåmelding, storleik på arrangementsavgift og premieinnskot, avgift for lagskyting, kontonummer for betaling ved førehandspåmelding, eventuell om og når det vert utsending av skytetider. Vidare skal innbydinga innehalde alle praktiske opplysningar arrangøren finn kan være til hjelp for skyttarane. 1.7.2 Premieinnskot og arrangementsavgift vert fastsett av Ombodsmøtet kvart år. Dersom arrangøren krev påmeldingsavgift ved førehandspåmelding, skal denne godkjennast av samlagsstyret før innbyding vert sendt ut. 1.8 Opplegg tidsplan 1.8.1 Samlagsstemnet skal om mogeleg arrangerast over ein dag, likevel slik at skyttarane frå arrangørlaget og aktuelle nærliggjande lag kan skyta dagen før om dette er ynskjeleg. Maktar ikkje arrangøren å avvikla stemnet på ein dag, kan hovudskyting og mogelege ekstraskytingar som arrangøren set opp, avviklast første dag, medan lagskytingar og meisterskapsomgongar vert avvikla andre dag. Opplegg og tidsplan for stemnet skal godkjennast av samlagsstyret før innbydinga går ut. Ved førehandspåmelding skal nettpåmelding nyttast, men denne skal redigerast av arrangøren, slik at fastsett skytetid tek omsyn til reisetida for deltakarane. 1.9 Tilskot 1.9.1 Stemnetilskot frå samlaget vert fastsett av Ombodsmøtet kvart år. Sunnhordland Skyttarsamlag, Regelhefte for Samlagsstemner, Rev 18-11-2014 Side 4 av 9

2.0 Samlagsstemner i feltskyting 2.1 Turnus for arrangement av samlagsstemner i feltskyting For samlagsstemner i feltskyting gjeld dei same reglane som går fram under pkt. 1.1 banestemner. Turnusen går slik: 2.2 Program 2015 Søre krins 2016 Nordre krins 2017 Ytre krins 2018 Søre krins Meisterskapsprogram slik det til ei kvar tid går fram av Skyttarboka skal gjelda for alle klassar. I tillegg skal det skipast til følgjande ekstraskytingar: a) Stang-skyting for klasse 1-5, veteranar, AG3 og Junior b) Felthurtigskyting for klasse l-5, veteranar, AG3 og Junior (Klasse R og ER kan delta i Stang- og felthurtigskyting dersom arrangøren tillet det) c) Lagskyting for førehandspåmelde 3-manns lag for klasse 2-5/V55. Som program tel hovudskytinga (30 skot). d) Lagskyting for førehandspåmelde 3-manns lag for klasse R/ ER / J. På laget skal det være ein rekrutt eller eldre rekrutt, ein junior og ein valfri rekrutteringsskyttar. Aspirantar kan ikkje delta. Heller ikkje kan ein delta med tre juniorskyttarar. Som program tel hovudskytinga (30 skot). e) Lagskyting for førehandspåmelde 3-manns lag for veteranar med 2 skyttarar i klasse V65/V73 om skyt finfelt, og 1 skyttar i klasse V55 som skyt grovfelt. Programmet for lagskytinga skal være innleiande 30 skot. f) For alle lagskytingar gjeld at kvart skyttarlag kan melda på så mange lag ein ynskjer. Alle lag står likt med omsyn til å vinna aksjar i mogelege vandrepremiar. Skyttarar kan kun delta på ei lagskyting på kvart samlagsstemne. g) Dersom arrangøren ønskjer å setja opp ekstraskytingar utover det som er nemnt under a-e, må dette først godkjennast av samlagstyret. 2.3 Reglar for medaljar og faste premiar 2.3.1 På meisterskapen for grovfelten skal det nyttast samlaget sin medalje nr. 2. Det skal utdelast ein medalje for kvar påbyrja 30 skyttarar. Vinnaren skal ha gylt medalje, dei andre medaljevinnarane skal ha sølvmedalje. 2.3.2 Beste skyttar i kvar av klassane 1-5 skal ha gylt klassemedalje (samlaget si medalje nr. 6) såframt vedkomande ikkje står til meisterskapsmedalje. Dersom ingen skyttar i ein klasse kjem til omgangen, vert medaljen delt ut på 30 skot. 2.3.3 Vinnaren av klasse V55, V65, V73 og AG3 skal ha gylt medalje nr. 6. Er det fleire enn 10 deltakarar i nokon av desse klassane, skal det delast ut ei meisterskapsstjerne (Lohne si stjerne nr. 70935). Vinnar av klasse V55 skal ha gylt medalje nr. 6 sjølv om vedkomande står til Meisterskapsmedalje nr 2. 2.3.4 Medaljereglar for rekrutteringsklassane går fram av Skyttarboka. 2.3.5 Beste skyttar uansett klasse på Stangskyting skal ha gylt samlagsmedalje nr. 8 m/gravyr Stang + årstal. 2.3.6 Beste skyttar uansett klasse på felthurtigskyting skal ha gylt samlagsmedalje nr.8 m/gravyr Stupar + årstal. 2.3.7 Deltakarane på dei laga som vinn lagskytinga skal ha samlaget sin standardpremie. Sunnhordland Skyttarsamlag, Regelhefte for Samlagsstemner, Rev 18-11-2014 Side 5 av 9

2.4 Meisterskapsomgang 2.4.1 Av omsyn til konkurransen om klassemedaljane på grovfelten, skal talet på skyttarar som får delta på meisterskapsomgangen avgjerast slik: 15% av deltakarane skyt omgang. Alle med like mange treff som det sistemann som kjem til omgangen har, skal væra med. 2.4.2 Då det er eige meisterskap for klasse V55, jfr. Skyttarboka, skal minimum 15% av deltakarane i denne klassen, og alle med inntil 1 treff frå beste resultat i hovudskytinga for klasse V55 òg skyta finale uavhengig av om dei er kvalifiserte etter pkt. 2.4.1. Jf. regelen i Skyttarboka pkt.11.240 og pkt. 11.250. Også her gjeld det at alle med like mange treff som det sistemann som kjem til omgangen har, skal væra med. 2.4.3 Det er ikkje eigen meisterskapsomgang for klasse 1 og AG3. Dersom opplegget er det same for AG3 som for klasse 2-5/V55, kvalifiserer AG3 klassen seg til finalen saman med dei andre klassane. 2.4.4 For øvrige klassar skal følgjande gjelda: Deltaking i finalen skal følgja reglane i Skyttarboka pkt. 11.252 jf. pkt. 11.242. Stemneleiinga fastset finalegrensene. 2.5 Premiering elles 2.5.1 Skyttarboka sine reglar for premiering skal følgjast. Sjå elles reglar for premiering under kap. 1.5 så langt dei høver. 2.5.2 Det er sett opp vandrepremie til e) Samlagsmeister klasse 3-5, må vinnast 3 gongar for varig eige. f) Vinnar av lagskyting kl. 3-5. Må vinnast 5 gongar for varig eige. g) Vinnar av lagskyting klasse R/ER/J. Må vinnast 5 gongar for varig eige. h) Vinnar av lagskyting veteran. Må vinnast 5 gonger for varig eige. 2.6 Like resultat - omskyting/rangering 2.6.1 Meisterskapsmedaljar Som meisterskapsmedaljar vert rekna dei medaljane som vert delt ut i klasse 3-5 samla, samt medalje til klasse V55, V65, V73 og rekrutteringsklassane. Reglane om rangering/omskyting slik dei går fram av Skyttarboka skal gjelde. 2.6.2 Klassemedaljar Som klassemedaljar vert rekna medalje til klasse 1-5 som klassevinnaren får dersom vedkomande ikkje står til medalje på meisterskapen. Ved like resultat vert desse delt ut etter rangering slik det går fram av Skyttarboka. 2.6.3 Medalje på Stang- og feltsnøggskyting Ved like resultat skal vinnaren kårast etter omskyting. 2.6.4 Gåvepremiar Er det like resultat om gåvepremiar gjeld rangering iflg. Skyttarboka. 2.7 Innbyding - innskot arrangementsavgift 2.7.1 Det skal sendast ut skriftleg innbyding til alle samlagsstemner. Innbydinga, som skal være førehandsgodkjent av samlagsstyret, kan sendast alle skyttarlag som vedlegg til e-post, med kopi til samlagsleiaren på adressa; sunnhordland@samlag.no. Det skal mellom anna framgå av innbydinga kva skyteprogram som skal gjennomførast, regime for gåvepremiar, eventuell førehandspåmelding, storleik Sunnhordland Skyttarsamlag, Regelhefte for Samlagsstemner, Rev 18-11-2014 Side 6 av 9

på arrangementsavgift og premieinnskot, avgift for lagskyting, kontonummer for betaling ved førehandspåmelding, eventuell om og når det vert utsending av skytetider. Vidare skal innbydinga innehalde alle praktiske opplysningar arrangøren finn kan være til hjelp for skyttarane. 2.7.2 Premieinnskot og arrangementsavgift vert fastsett av Ombodsmøtet kvart år. Dersom arrangøren krev påmeldingsavgift ved førehandspåmelding, skal denne godkjennast av samlagsstyret før innbyding vert sendt ut. 2.8 Opplegg - Tidsplan 2.8.1 Samlagsstemnet i feltskyting skal arrangerast over ein dag, likevel slik at skyttarane frå arrangørlaget skyt dagen før om dette er ynskjeleg. 2.8.2 I samsvar med sentralt fastsette reglar skal det ikkje blandast figurar med poenginndeling og innertreff i same stemnet. 2.8.3 Reglar om maks/minimumsavstandar, eige opplegg for AG3 mv. skal følgje Skyttarboka. 2.8.4 Opplegg og tidsplan for stemnet skal godkjennast av samlagsstyret før innbydinga vert sendt ut. Sjå elles pkt. 1.8.1 under banestemner. 2.9 Tilskot 2.9.1 Stemnetilskot vert fastsett av Ombodsmøtet kvart år. 3.0 Samlagsstemner 15 m miniatyr innandørs. Sunnhordland Skyttarsamlag, Regelhefte for Samlagsstemner, Rev 18-11-2014 Side 7 av 9

3.1 Turnus for arrangement av samlagsstemner miniatyr 15 m For samlagsstemner i miniatyrskyting 15 m gjeld dei same reglane om turnus som går fram under pkt. 1.1 baneskyting. Turnusen går slik: 2015 Nordre krins 2016 Ytre krins 2017 Søre krins 2018 Nordre krins 3.2 Program Alle klassar skal skyta fullt meisterskapsprogram for vedkomande klasse slik det går fram av Skyttarboka. I tillegg skal det arrangerast følgjande ekstraskytingar: a) Lagskyting for førehandspåmelde 3-manns lag for klasse 3-5 med 25 skoten som program. b) Lagskyting for førehandspåmelde 3-manns lag for rekrutteringsklassane. Her deltek ein Rekrutt/Eldre rekrutt, ein Junior og ein valfri rekrutteringsskyttar på laget med standard 25 skots program. Det er ikkje høve for aspirantar å delta på lagskytinga, heller ikkje er det høve til å delta med tre juniorskyttarar. c) Lagskyting for veteranklassane med 3-manns lag der to skyttarar er i klassane V65/V73 og ein skyttar i klasse V55. Programmet er 25-skoten for dei respektive klassane slik det vert nytta på det aktuelle stemnet. d) For alle lagskytingar gjeld at kvart skyttarlag kan melda på så mange lag dei ønskjer. Dersom arrangøren ønskjer å setja opp ekstraskytingar utover det som er nemnt under a-c, må dette først godkjennast av samlagsstyret. Alle lag står likt med omsyn til å vinna aksjar i oppsette vandrepremiar. Skyttar som er ført opp som lagskyttar kan ikkje samstundes væra reserve på andre lag. 3.3 Reglar for medaljar og faste premiar 3.3.1 På meisterskapen for klasse 3-5 skal det nyttast samlaget si medalje nr. 9. Det skal delast ut ei medalje for kvar påbyrja 30 skyttarar. Vinnaren får gylt medalje, dei øvrige medaljevinnarane får sølvmedalje. 3.3.2 Beste skyttar i klasse 3, 4 og 5 skal ha gylt klassemedalje (samlagsmedalje nr. 10) dersom vedkomande ikkje står til meisterskapsmedalje. 3.3.3 Vinnar av klasse 1, 2, V55, V65, V73 og AG3 skal ha gylt samlagsmedalje nr. 10. Er det meir enn 10 deltakarar i nokon av desse klassane, skal det og delast ut ei meisterskapsstjerne (Lohne si stjerne nr. 70935). 3.3.4 Medaljereglar for rekrutteringsklassane går fram av Skyttarboka. 3.3.5 Deltakarane på dei laga som vinn lagskytinga skal ha samlaget sin standardpremie. 3.4 Premiering elles 3.4.1 Skyttarboka sine reglar for premiering skal følgjast. (2 premiegrupper i alle klassar; 15-skoten og 10- skoten). I klasse Aspirant vert alle deltakarar tildelt samlaget sitt oblat. Sjå elles kap. 1.5 under reglane for baneskyting. 3.4.2 Det er sett opp vandrepremie til Sunnhordland Skyttarsamlag, Regelhefte for Samlagsstemner, Rev 18-11-2014 Side 8 av 9

a. Samlagsmeister klasse 3-5, må vinnast 3 gongar for varig eige. b. Lagskyting kl. 3-5. Må vinnast 5 gongar for varig eige. c. Lagskyting klasse R/ER/J. Må vinnast 5 gongar for varig eige. d. Lagskyting veteran. Må vinnast 5 gonger for varig eige. 3.5 Like resultat - omskyting/rangering 3.5.1 Meisterskapsmedaljar Meisterskap i alle klassar vert avgjort etter 25-skoten. Ved like resultat vert rekkefølgja avgjort etter rangering iflg. Skyttarboka. 3.5.2 Klassemedaljar Sjå pkt. 3.5.1 3.5.3 Gåvepremiar Ved like resultat om gåvepremiar vert rekkefølgja avgjort ved rangering iflg. Skyttarboka. 3.5.4 Lagskyting Ved like resultat i lagskyting vert rekkefølgja avgjort ved rangering iflg. Skyttarboka 3.6 Innbyding - innskot - arrangementsavgift 3.6.1 Det skal sendast ut skriftleg innbyding til alle samlagsstemner. Innbydinga, som skal være førehandsgodkjent av samlagsstyret, kan sendast alle skyttarlag som vedlegg til e-post, med kopi til samlagsleiaren på adressa; sunnhordland@samlag.no. Det skal mellom anna framgå av innbydinga kva skyteprogram som skal gjennomførast, regime for gåvepremiar, eventuell førehandspåmelding, storleik på arrangementsavgift og premieinnskot, avgift for lagskyting, kontonummer for betaling ved førehandspåmelding, eventuell om og når det vert utsending av skytetider. Vidare skal innbydinga innehalde alle praktiske opplysningar arrangøren finn kan være til hjelp for skyttarane. 3.6.2 Premieinnskot og arrangementsavgift vert fastsett av Ombodsmøtet kvart år. Dersom arrangøren krev påmeldingsavgift ved førehandspåmelding, skal denne godkjennast av samlagsstyret før innbyding vert sendt ut. 3.7 Opplegg - tidplan Den einskilde arrangør avgjer om stemnet skal gå over ein eller fleire dagar. Opplegg og tidplan for stemnet skal godkjennast av samlagsstyret før innbyding vert sendt ut. Jfr. elles pkt. 1.8.1 under baneskyting. 3.8 Tilskot 3.8.1 Stemnetilskot frå Samlaget vert fastsett av Ombodsmøtet kvart år. Sunnhordland Skyttarsamlag, Regelhefte for Samlagsstemner, Rev 18-11-2014 Side 9 av 9