SAMNANGER KOMMUNE 1 av 6 MØTEPROTOKOLL Utval: Kommunestyret Møtedato: 12.02.2013 Møtetid: 17:00-21:10 Møtestad: Kommunehuset Av 21 medlemmer møtte 21, inkludert varamedlemmer. Desse medlemene møtte ikkje: Karl Kollbotn Frp Gunnar Bruvik Frp I staden møtte: Norvald Gjerde Frp Morten Røen Frp Andre som var til stades på møtet: Rådmann Tone Ramsli Ass. Rådmann Hilde Lill Våge Politisk sekretær Magda Haugen Advokat Rolf Bech-Sørensen frå advokatfirmaet Steenstrup og Stordrange under orienteringa / drøftinga om barnevern. Merknader: Kl 17.50 vart det ein pause i møtet, og heile kommunestyret gjekk ut for å møta demonstrantane som gjekk i fakkeltog mot barnevernet. Det var ingen spørsmål / saker under utvalet sitt kvarter. Orienteringar/meldingar: Møtet vart lukka kl 17.30 Advokat Rolf Bech- Sørensen orienterte om lovverk og prosedyrar ved akuttvedtak i barnevernssaker. Orienteringa omfatta og avgrensa innsikt i den konkrete barnevernssaka som utløyste kritikken mot barneverntenesta. I forlenginga av advokaten si orientering drøfta kommunestyret den svekka tilliten til barneverntenesta. Det vart sett fram eit fellesframlegg. Kommunestyre gjorde følgjande vedtak: Samnanger kommunestyre tek den framkomne kritikken mot barnevernet på høgste alvor. Rådmannen får i oppdrag å utarbeida ei sak til kommunestyret den 6.3.2013 som skal danna
2 av 6 grunnlag for kommunestyret sitt vedtak om ein gjennomgang av barnevernet i kommunen. I saka skal ulike modellar for gjennomgangen vurderast forvaltningskontroll, internkontroll m.m. Organisering av barnevernet interkommunalt samarbeid, fortsett eige barnevern -skal vera del av gjennomgangen. Organisering av eining for sosial og helse vil vera del av dette arbeidet. Spørsmål/interpellasjonar: Dokument utlevert i møtet:.. Marit Aksnes Aase Brigt Olav Gåsdal Øyvind Røen Evt. merknader til protokollen må sendast Samnanger kommune innan 3 dagar. Tysse, 19.02.2013
3 av 6 Desse sakene vart handsama: SAKLISTE Saker til handsaming på møtet Sak nr. Arkivsak Sakstittel Merknad 001/13 13/91 Faste saker 002/13 09/635 Utbygging ved Samnangerheimen - avklaring i høve til framtidig utviding
4 av 6 SAKNR. 001/13 FASTE SAKER Rådmannen sitt framlegg til vedtak: Møteinnkallinga og saklista vert godkjent Protokollen frå førre møte vert godkjent Delegerte vedtak/referatsaker vert tekne til orientering 12.02.2013 KOMMUNESTYRET Handsaming i møtet: Ordføraren orienterte om at ho ynskjer å avbryta møtet ca kl. 17.50 for å møta ei demonstrasjonsgruppe. Kommunestyret slutta seg til dette og det var semje om at alle kommunestyremedlemmene skulle møta demonstrantane. KS-001/13 VEDTAK: Møteinnkallinga og saklista vert godkjent Protokollen frå førre møte vert godkjent Delegerte vedtak/referatsaker vert tekne til orientering Val av tre representantar som skal underteikna protokollen: Marit Aksnes Aase Krf, Brigt Olav Gåsdal Ap, Øyvind Røen Sp. SAKNR. 002/13 UTBYGGING VED SAMNANGERHEIMEN - AVKLARING I HØVE TIL FRAMTIDIG UTVIDING 12.02.2013 KOMMUNESTYRET Handsaming i møtet: Brigt Olav Gåsdal Ap sette fram følgjande framlegg til vedtak: Med grunnlag i ny informasjon slik det går fram av saksutgreiinga, godkjenner kommunestyret at framtidige sjukeheimsplassar / omsorgsbustader ikkje skal byggjast på toppen i ei ny høgd på sjukeheimsbygget som er under prosjektering. Prosjektgruppa skal greia ut alternativ til erstatning for bortfallet med å byggja framtidige sjukeheimsplassar / omsorgsbustader i høgda. Framlegget skal fremjast for kommunestyret til godkjenning. Monica Tjønna Sp sette fram følgjande framlegg til vedtak: Samnanger kommune vil vere førebudd på best mogleg måte i forkant av den førestående eldrebølgja etter 2030. Me vil ha moglegheit for utbygging og utviding på eksisterande bygg. Om kommunen i framtida vil stå med for mange plasser kontra behovet i kommunen, så er det mogeleg for kommunen å tene penger på å leige ut plasser. Det er ein vinn-vinn situasjon for kommunen
5 av 6 Me vil at det skal prosjekterast for utbygging/utviding for å sikre innbyggjarane i kommunen. Røysting: 16 røysta for Brigt Olav Gåsdal sitt framlegg og 5 røysta for Monica Tjønna sitt framlegg. KS-002/13 VEDTAK: Med grunnlag i ny informasjon slik det går fram av saksutgreiinga, godkjenner kommunestyret at framtidige sjukeheimsplassar / omsorgsbustader ikkje skal byggjast på toppen i ei ny høgd på sjukeheimsbygget som er under prosjektering. Prosjektgruppa skal greia ut alternativ til erstatning for bortfallet med å byggja framtidige sjukeheimsplassar / omsorgsbustader i høgda. Framlegget skal fremjast for kommunestyret til godkjenning.
6 av 6 6