Fjell kommune Arkiv: 504 Saksmappe: 2005/ /2006 Sakshandsamar: Ida Hermansen Dato: SAKSDOKUMENT

Transkript

1 Fjell kommune Arkiv: 504 Saksmappe: 2005/ /2006 Sakshandsamar: Ida Hermansen Dato: SAKSDOKUMENT Utvalsaksnr Utval Møtedato 486/06 Komité for plan og utvikling /06 Kommunestyret Reguleringsplan for utbetring av Fv 209 Grunnavågen - Foldnes Slutthandsaming Tiltakshavar: Statens vegvesen og Fjell kommune Samandrag av saka: Framlegg til reguleringsplan for utviding av fylkesveg 209 mellom Grunnavågen og Foldnes legg til rette for køyreveg med to felt og fortau. Planen har vore til offentleg ettersyn i samsvar med reglane i plan- og bygningslova, og det er kome inn fleire merknader. Merknadane går stort sett ut på skepsis til at vegen kjem nære bustadane og tilhøve til avkøyrsle. Rådmannen meiner planen, med nokre mindre endringar, gjev ei tilfredsstillande løysing og rår til at planen vert lagt fram for kommunestyret for godkjenning. Innstilling: Det faste utval for plansaker tilrår: Kommunestyret godkjenner i medhald av 27-2 i plan- og bygningslova reguleringsplan for utviding av Fv 209 Grunnavågen Foldnes med tilhøyrande føresegner, sist revidert , med dei justeringane som går fram av saksutgreiinga. Straume, den Steinar Nesse Rådmann Willy Sørensen Plan- og utbyggingssjef Handsama i Komité for plan og utvikling :

2 Innstillinga vart samrøystes vedteken. Tilråding i Komité for plan og utvikling : Det faste utval for plansaker tilrår: Kommunestyret godkjenner i medhald av 27-2 i plan- og bygningslova reguleringsplan for utviding av Fv 209 Grunnavågen Foldnes med tilhøyrande føresegner, sist revidert , med dei justeringane som går fram av saksutgreiinga. Handsama i Kommunestyret : Tilråding gjort i komite for plan og utvikling vart samrøystes vedteke. Vedtak i Kommunestyret : Kommunestyret godkjenner i medhald av 27-2 i plan- og bygningslova reguleringsplan for utviding av Fv 209 Grunnavågen Foldnes med tilhøyrande føresegner, sist revidert , med dei justeringane som går fram av saksutgreiinga. Dokument vedlagt saka: Oversiktskart M 1:5000 Framlegg til reguleringsplan Framlegg til reguleringsføresegner Merknader Saksopplysningar: Opticonsult AS har på vegne av Statens vegvesen og Fjell kommune utarbeidd framlegg til reguleringsplan for utviding av fylkesveg 209 mellom Grunnavågen og Foldnes. Planen går ut på at fylkesvegen vert utvida til to køyrefelt og fortau. I tillegg er det synt busslommer og avkøyrsler. Bakgrunn for plan Mellom Grunnavågvegen og Vågo er det mange og trafikkfarlege avkøyrslar til fylkesvegen. Det er heller ikkje fortau på den om lag 0,66 km lange strekninga. Vegen treng opprustning til to køyrebanar og fortau. Det ligg føre ein avtale mellom Statens vegvesen og Fjell kommune. Med bakgrunn i dette har Opticonsult på vegne av Fjell kommune utarbeidd framlegg til reguleringsplan for utvidinga av den aktuelle vegstrekninga.

3 Tilhøvet til andre planar Planområdet grensar til plan for Fv 209 Foldnes Vågo i vest, og vil erstatta delar av plan for Grunnavågen (Foldnes 1) og Larslia som gjeld fylkesvegen. Planframlegg Planen strekk seg om lag 0,66 km frå avkøyrsel til Grunnavågsvegen og fram til om lag 100 m aust for Foldneskrysset. Vegen er planlagd som samleveg etter klasse S1, med tofelts køyreveg og fortau på nordsida av vegen. Køyrebreidde er synt med 2,75 m pr felt, og fortau er synt med 2,5 m. Luftleidningsnett for el.forsyning og telekommunikasjon Luftleidingsnettet for lågspent el-forsyning, telefon og veglys på sørsida av vegtrasèen mellom profil 150 og 590 må flyttast som fylgje av vegutvidinga evt. leggjast i kabelgrøft. Vegtrasèen på sørsida av vegen, forbi høgspentmasta og nettstasjonen ved profil 150, vert uendra og ein reknar ikkje med at desse anlegga må flyttast. Planen har vore til offentleg ettersyn i tidsrommet , og det er kome fylgjande merknadar til planframlegget: Fylkesmannen i Hordaland, Landbruksavdelinga, : Landbruksdirektøren har ingen merknader til planen. Fylkesmannen i Hordaland, miljøvernavdelinga, : Fylkesmannen er positiv til tiltak som gjev born og unge tryggare skuleveg, og som generelt sett fører til ein tryggare trafikksituasjon for både gåande og køyrande. Planframlegget gjev ikkje haldepunkt for at overordna miljøvernomsyn som høyrer under fylkesmannen sitt ansvarsområde vert skadelidande i nemneverdig grad. Det vert vidare peika på at utberinga av vegen bør skje med vekt på universell utforming. Dette inneber mellom anna at fortauet vert utforma slik at alle menneske kan bruke det på ein likestilt måte, så langt som det er mogleg utan spesielle tilpassingar. Kommentar: Rådmannen rår til at det i føresegnene vert stilt krav om at det skal leggjast til rette universell utforming for dei områda som vert nytta av mjuke trafikantar. Hordaland Fylkeskommune, kultur og idrettsavdelinga, : Fylkeskommunen har i dag ikkje kjennskap til automatisk freda kulturminne eller andre verneverdige kulturminne i det aktuelle planområdet. Har derfor ingen avgjerande merknader, utover at ein under opparbeiding av feltet søkjer å unngå skade på eventuelle landskapstrekk som steingardar, eldre vegar/stia, bakkemurar, tufter m.m. Gjer elles merksam på at tiltakshavar har plikt til å visa aktsemd og melda frå dersom ein skulle støyte frå automatisk freda kulturminne. Statens vegvesen, : Statens vegvesen har ingen vesentlege merknader til planframlegget slik det no ligg føre. Berit og Rolf Henriksen, , eigar av gnr 36/382 og 26/584: Eigedomane går over tre parsellar langs Foldnesveien. Dei uttrykker misnøye med at det i planen er valt å fjerne ein betydelig del av gnr 36/584. Berit og Rolf Henriksen skjønner ikkje kvifor det er naudsynt å sprenge for å få plass til ny veg. Dei meiner dette vil føra til støy inn på deira eigedom og ønskjer vidare å behalde fjellknausen som støyskjerm. Dei forventar auka støy på grunn av høgare skjering på andre sida av vegen, og meiner at kommunen/vegvesenet må setje opp ein 2 meter høg støyskjerm langs deira eigedom.

4 Ved at utkøyrselen frå eigedomen vert flytta, meiner dei at det vert 40 meter å brøyte for å komme ut på hovudvegen. Dei ønskjer ein garanti for at dette vært rydda før klokken Alternativt vil dei behalde noverande utkjøring. Dei reknar med at den parkeringsplassen dei mistar vil verte kompensert med utfylling bak garasjen deira slik at dei kan parkera der. Dei er positive til vegutbetringa, men peiker på at det vil føre til auka støy og at det vert naudsynt med støyskjerm. Aller helst håper dei at lecamuren som dei har fått løyve til å setje opp kan verte ståande som støyskjerm. Kommentar: Inngrepet må sjåast på som minimalt, og ikkje som eit betydelig inngrep. Det er snakk ca 50 m2 av den ubebygde eigedomen 36/584 som vert råka. Vegen forbi gnr 36/382 vert i realiteten flytta lenger sør og bort i frå eigedomen. Støyskjerm kan likevel bli vurdert i forbindelse med byggeplanane for vegen. Planen er ikkje til hinder for at kompenserande tiltak for tap av biloppstellingsplass kan vurderast som ein del av gjennomføringa. Drift av vegen må vurderast som ein eigen sak av eigedomssjefen. Marlene Foldnes Vestbø, , eigar av gnr 26/249: Då ho ser at det vert gjort eit inngrep i 36/249 vil ho be om at det vert laga ei innkøyrsle til eigedomen hennar i same avkøyrsle som 277 og 110. Kommentar: På plankartet er det vist avkøyrsel til eigedomen i kombinasjon med gnr 36/277 og 110 og dette er såleis ivareteke i planen. Marita Kristiansen og Svein Olav Sørensen, , eigar av 36/464: Plankartet og flyfoto stemmer ikkje overeins når det gjeldt plassering av bygg i høve til vegen. Dei meiner at deira hus i realiteten har mindre avstand til vegen enn det som går fram av planen. Dei er derfor usikre på om planen visar konsekvensane for deira eigedom korrekt. Dei vil på bakgrunn av det ovannemnte be om at det vert gjort ein synfaring/oppmåling. Gjennom dette vil dei vite korleis dei vert råka av planen og om vegbanens plassering eventuelt må vurderast på nytt. Om det vert naudsynt å leggje beslag på areal av deira tomt ber dei om at dette vert gjort i minst mulig grad og at ein heller tar på andre sida av vegen og at eventuelle inngrep vert skjerma med gjerde og støyskjerming. Dei ber om kompensasjon i høve til verditap knytt til redusert areal og at vegbana kjem nærare og gjer eigedomen mindre attraktiv for sal. Ved at det vert lagt beslag av eigedom fryktar dei at det er nokre få grunneigarar som må avgi areal og som kan komme til å betale ein langt høgare pris for vegen enn andre brukarar. Dei forstår vidare ikkje kvifor det leggjast opp til 60- km standard på strekninga. Standarden vil truleg leggje beslag på eit større areal enn 50- km veg og skape fleire misfornøyde grunneigarar. Kommentar: Huset ligg ca.2, 5 meter lenger nord enn kargrunnlaget syner. Huset ligg likevel utanfor planområdet og vil såleis ikkje verte direkte råka. Men hagearealet framfor huset mot vegen vert smalare. Rådmannen vil rå til eit tillegg i føresegnene om dokumentasjon av grunntilhøva for vurdering av eventuelle sikringstiltak i vegskjeringa. Når det gjeldt gjerde og støyskjerming er dette noko som vert teke til orientering og vil bli vurdert i samband med gjennomføringa av planen. Det har vore eit mål å gjere minst mogleg inngrep i eksisterande eigedomar.

5 Når det gjeldt dimensjonerande fart vert det synt til samla vurdering. Resten av punkta vert teken til etterretning. Ove Foldnes, eigar av gnr 36/ 213, 453, 627, 949 og 955. Meiner at gnr 36/ 453 og 955 må takast med i opplisting over eigedomar som skal ha avkjørsel ved profil 190. Bnr 955 er skilt ut frå bnr 213. Dersom gnr 36/213 ikkje får avkøyrsel ved profil 190, må dette sikrast ved avkjørsel frå profil 30. Kommentar: Bnr 453 og 955 er tilleggsareal og ikkje regulert til sjølvstendige byggjetomter. Det er då ikkje grunn til at dei skal ha avkøyrsel den vegen. Avkøyrsel til 213 er sikra. Det finst to løysingar til avkøyrsle til 213. Begge er mogleg slik planen er. Det eine alternativet, avkøyrsle ved profil 190, er teikna inn i planen. Det andre alternativet er avhengig av privat avtale med eigar av gnr 36/124. Rådmannen meiner at teikna løysing er best fordi gnr 36/562 ikkje skal nyttast til bustadtomt, men til parkering/snuplass for biler, og fordi dette er den mest naturlege plassen å leggja avkøyrsla i høve til terrengforholda. Vidare er dette den mest naturlege tilkomsten frå Straume. Hans Foldnes, , eigar av gnr 36/124. I avkøyrsel ved profil 30 er siktforholda lite tilfredstillande og Foldnes meiner derfor at det bør vurderast om avkøyrsla skal trekkjast mot aust, eksempelvis mot profil 40. Avkøyrsel og veg som fører inn mot bnr 946 bør endrast for å unngå bakken. Ny tilkomstveg til bnr 124 må ha jamn stigning frå profil 30, evt 40, og frem til dagen garasje. Vegen skal førast heilt fram til grenselinje mellom 213 og 124 til kote Tilkomstveg vert det rekna med opparbeidast utan kostnad for eigar av bnr 124. Vegen skal ha rekkverk mot fylkesveg og det skal takast omsyn til kryssande leidningar for vatn og kloakk til bnr 124. Foldnes meiner at det vil liggje tilbake ein smal tarm mellom ny tilkomstveg gråsteinsmur ved bustad på bnr 124. han krev at dette arealet fylles opp og opparbeidast til plen. Kommentar: Planen sikrar naudsynt frisikt mot vest. Bnr 213 er sikra tilkomst frå aust i planen. Det er derfor ikkje aktuelt å leggja tilkomstveg til bnr 213 over bnr 124. Audun Myksvoll, og , eigar av 36/642: Har tidlegare uttrykt ønskje om å setje opp ein støttemur mellom eigedomen hans og Fv 209 for å få utnytta eigedomen mot vegen til større parkeringsplass/snuplass framfor huset/garasjen. Myksvoll meiner at planframlegget øydelegg desse planane og minskar verdien av eigedomen hans. Spesielt meiner han det er busskur ved profil 320 som vert problematisk. Han meiner at busskuret vil føre til at han får problem med å få snudd ein bil framfor garasjen. Myksvoll påpeiker i at det er store myrareal på den andre sida av vegen å ta av. Myksvoll ønskjer at busskuret vert felt inn i muren. Dette inneber at vegbane, busslomme og fortau kan plasserast tilnærma likt som i planutkastet. Det regulerte området mot eigedomen hans må trekkjast lengre vekk frå huset/garasjen. Han ønskjer framleis at støttemuren skal verte oppført som ein del av prosjektet. Myksvoll meiner til slutt at opprustning av gangvegen mellom Foldnesvegen og Grunnavågsveien bør inngå som ein del av prosjektet då denne er i dårleg forfatning. I brev gjer Audun Myksvoll uttrykk for at han har tenkt å byggje ein støttemur mot FV 209 langs hans eigedom (Foldnesvegen 36/642). Om det i reguleringsplanen er føreslått å

6 utvide vegen mot hans eigedom har han ønskje om at støttemuren vert oppført samstundes med vegutvidinga, blant anna av estetiske omsyn. Kommentar: Rådmannen kan ikkje sjå at planen er til hinder for oppføring av mur slik han ønskjer seg. Myksvoll vil ikkje, etter rådmannens vurdering, ha problem med å kjøre inn til garasjen. Opprustning av gangvegen mellom Foldnesvegen og Grunnavågsvegen er ei sak for seg, då dette ligg utanfor planområdet. Arvid Zachariassen, , eigar av gnr 26/563. Peikar på at han og naboeigedomen 36/292vert råka av ny, felles, avkøyrsel. Han meiner at den viste avkøyrsla er ei komplisert løysing. Zachariassen meiner at reguleringa vil medføra tap på hans eigedom sidan den i dag er fullt opparbeida. Råka areal utgjer om lag 1/6 av eigedomen. Han meiner at reguleringsplanen må endrast vesentleg og føreslår difor ei identisk løysing på motsatt side av vegen. Vidare at han får disponere gangveg til kjøring til sin eigedom. Ein slik gangveg meiner han kan førast frem til kryss Grunnavågen. Zachariassen ønskjer vidare å forskyve hele Foldnesvegen meir mot nord/aust. Viser til skisser med alternativ 1, 2 og 3. Dersom reguleringsplanen vert realisert slik den ligg føre i dag meiner Zachariassen at dette vil medføre verditap og verte gjenstand for erstatning. Han hevdar til slutt at endringa kan verte problematisk i høve til kommunale krav om uteopphaldsareal som utgjer 20% av eigedomen. Kommentar: Ein identisk løysing på andre sida av vegen vil ikkje løyse problemstillingane her. Av omsyn til linjeføring og tilkomst til dei andre eigedomene må det gjerast som vist på plankartet. Dette har med avkøyrslesanering og trafikksikring å gjere. Verditap og erstatning er forhold som vert løyst som eigen sak i samband med gjennomføringa av planen. Larslia Velforening v/arne Olsen, : Referer til møte i Larslia Velforening der alle vart einige om at det bør etablerast ein fotgjengarovergang over hovudvegen ved Larslia. Kommentar: Fotgjengarovergang er noko som vert vurdert av vegvesenet uavhengig av reguleringsplanen. Eldbjørg Foldnes Finne, eigar av gnr 36/386. I samband med siste reguleringa vart det frå hennar tomt bygd veg og avkøyrsle av Vegvesenet. Vegen har felles avkøyrsle med naboeigedomen. På kartet over ny reguleringsplan som syner planlagt felles avkøyrsle, er denne vegen/ avkøyrsla ikkje teikna inn. Finne ber om at dette vert retta opp og at vegen til hennar eigedom vert regulert saman med den nye planlagde felles avkøyrsla. Ho ber om tilbakemelding med korrigert kart og at all vidare informasjon vedkommande prosjektet vert sendt ho til orientering. Kommentar: Rådmannen rår til at avkøyrsla vert synt på plankartet i samsvar med merknaden. Bernt Emil Våge, : Han meiner at planforslaget syner ei stor endring i avkøyrsla frå hans eigedom 36/275. Avkøyrsla hans er kombinert med vegen og avkøyrsla frå 36/386, men denne avkøyrsla er ikkje teken med på plankartet. Han meiner at denne avkøyrsla må regulerast saman med den nye felles avkøyrsla. Elles reknar han med at han vil få godtgjersle på alle inngrep på han eigedom, også på 36/471 langs vegen.

7 Kommentar: Sjå kommentar til gnr 36/386. Avkøyrsla vert vist på plankartet. Espen Hanuren, eigar av gnr 36/210. Han er allereie råka av planen då det er satt eit busstopp på tomta hans samstundes som det går ei gangveg til busskuret langs med tomta hans. Hanuren meiner det vil er naturleg at gangvegen langs med tomta vil verta oppjustert ved eit slikt arbeid. Vidare forventar han at planane inneheldt høge murar langs fylkesvegen, både bak busstopp og langs hans eigedom. Kommentar: Busstoppet vedkjem ikkje planen då det ligg utanfor planområdet. Rekkehus Foldnesvegen 194: Kjellaug og Rolf Sture (36/574), Liv Rasmussen (36/573), Tove M. og Johnny Nilsen (36/575), Reidun Hittun(selt til Elin Milde ), Fellesareal(36/562), Brev : Bebuarane i rekkjehuset meiner dei i så stor grad vert råka i negativ grad av planen at dei ikkje kan akseptera det. Dei aksepterer ikkje at det vert bygd veg på fellesarealet. Dei meiner vidare at den planlagde utbetringa vil føre til at vegen vert liggjande svært nær deira bustader. Noko som vil føre til ein auke i støynivå. Dei ønskjer ikkje trafikken så nært, dei meiner det er ille nok som det er. Møte med representantar frå planavdelinga vart halde Der vart det forklart at hagane deira ikkje ville verte råka av vegutbetringane. I brev frå huseigarane datert peiker dei på at den planlagde utkøyrselen framfor garasjen til 36/573 vil gjere garasjen ubrukeleg. Eigar av garasjen ber om at felles utkøyrsel leggjast lenger nord. Dei ber vidare om at parkeringsplass ved sida av garasjen (eigd av 36/574) kan nyttast som før etter at utbetringa er ferdig. Dei protesterer også mot at tilkomst for 36/213 er lagt over deira felles parkeringsplass (36/562), fordi det då bl.a. vil verte umogleg å byggje garasjar. Kommentar: Vegen vert flytta vekk ifrå huset og ikkje nærmare. Vert innkøyrsla flytta vil krav til svingradius medføre at garasjen ikkje lenger kan nyttast. Rådmannen kan vanskeleg tru at dette er ønskjeleg. Vidare er det framleis plass til biloppstillingsplass/garasjar til to bilar per bustadeining. Desse treng eit areal på 6 m framfor garasje for å rygge ut. Det arealet kan òg brukast som tilkomst til 36/213. Syner elles til kommentar til 36/213. Edvard Winter Johansen m/familie, er eigar av gnr 36/278. Viser til at prosjektkonsulentane føresett farten oppjustert frå km/ t. Johansen gjev uttrykk for at 60- sone vil ha fleire negative konsekvensar. Johansen stiller seg spørjande til at prosjektet ikkje startar lengre sør, mot nye Åttringen, sidan vegen her er smal og problematisk. Vidare peiker Johansen på at det ser ut til at dei mister oppstillingsplassen til campingvognen og båten sin. Han lurar i den samanhengen på om kommunen vil gjennomføre ei utbetring lenger inne på tomta eller om dette skal reknast inn i pengekompensasjon seinare. Han lurar også på når prosjektet er ferdig. Kommentar: Kompensasjon og sluttføring vurderast som del av gjennomføring av planen. Når det gjeldt dimensjonerande fart vert det synt til samla vurdering.

8 Elly Marie Slaatten, eigar av gnr 36/248 og 292: Føresett at ho vert tildelt kompensasjon, har Slaatten ingen innvendingar mot at det vert gått tre meter inn på eigedomen hennar. Ho aksepterer ikkje stenging av utkøyrselen sin sidan det då vert tre gonger så langt, frå 50 til 160 meter, å gå frå huset og ned til fylkesvegen, og endå lengre til busstopp. Ho køyrer ikkje bil og har jobb i byen og det vert difor slitsamt. Ho seier vidare at stoppekrana til hennar kloakk og vassleidning kryssar hovudvegen slik at stoppekrana for vatn må flyttast. Slaatten ber også om at det vert satt opp gjerde langs vegen kor eigedomen hennar grensar til. Kommentar: Vegen vil verte stengt for køyring, men planen er ikkje til hinder for ein gangtilkomst i byggeplanen. Vurdering: Dimensjonerande fart At vegen vert dimensjonert for 60- kilometer i timen er ikkje det same som at det vert 60- kilometers sone på strekninga. Dimensjoneringa er knytt til kvaliteten på vegen, linjeføring og trafikktryggleiken. Det er ikkje planar om å endre fartsgrensa. Generell vurdering Planen legg til rette for ei vesentlig betring av vegstandarden på strekninga når det gjeldt både køyrande og gåande/syklande. Den inneber òg ei vesentleg betring av trafikktryggleiken knytt til avkøyrsle til eigedomane langs vegen. Rådmannen vil difor rå til at planen vert godkjent med dei justeringane som kjem fram i saksutgreiinga for å imøtekomme innkomne merknader til planen: - Ny 4.3 i føresegnene: Det skal leggjast til rette for mjuke trafikantar gjennom universell utforming. - Tillegg til 4.1 i føresegnene: Grunntilhøva skal dokumenterast for vurdering av eventuelle sikringstiltak i vegskjeringar. - Endring i plankartet: Det vert teikna inn ein innkøyrsel til 36/286 via innkøyrsel til 36/275 ved profil nr. 8. Føresegnene skal rettast i samsvar med dette.