KOMMUNEPLAN AREALDELEN

Transkript

1 KVITESEID KOMMUNE KOMMUNEPLAN AREALDELEN Arealdelen i kommuneplanen er ein overordna plan som syner langsiktig bruk av areal og forvaltning av naturressursar i kommunen. Arbeid og tiltak skal ikkje vere i strid med arealbruksføremål eller føresegner i denne planen. Planen har ikkje verknad for byggje- og anleggsverksemd knytt til tradisjonell landbruksnæring innafor «Landbruks-, Natur- og Friluftsområde» (LNF-område), sjå 81. Minst ein gong i løpet av kvar valperiode skal kommunestyret drøfte planen samla, og vurdere trongen for å gjere endringar. Dersom ikkje anna er skrive, gjeld alle paragraftilvisingar plan- og bygnings-lova. SONEINNDELING Soneinndeling og føresegner er utførleg omtala i I tillegg til soneinndeling på arealplankartet skal kommunen vedta utfyllande juridiske føresegner. Slike lokale føresegner for Kviteseid står med kursiv skrift. Anna tekst med vanlege typar er opplysningar (rutinar for sakshandsaming, informasjon o.l.) som ikkje er juridisk bindande. ELDRE PLANAR 0.1 Reguleringsplanar som er vedtekne før denne kommuneplanen, gjeld framleis. (Sjå liste) 0.2 Kommuneplanen opphevar kommunedelplanane (arealplanane frå 1991) for Vrådal og Kviteseid. 1. BYGGJEOMRÅDE ( 20-4, nr l) Dette gjeld område der det kan skje konsentrert utbygging av bustader, hytter og næringsverksemd. Det omfattar både eksisterande/godkjende og nye byggjeområde. Avgrensingane på kartet er omtrentlege. 1.1 Byggjeområde er område der arbeid og tiltak nemnt i 93 og frådeling til slike formål berre kan finne stad etter reguleringsplan. ( 20-4, nr 1, pkt a) Tilbygg eller ombygging av eksisterande bygg, mindre nybygg som uthus, garasje, bod eller liknande utløyser ikkje plankravet. 93: byggjeløyve. 1.2 Utbygging og tiltak i byggjeområde skal ikkje vere til vesentleg ulempe for landbruket og ta omsyn til kulturvern-, naturvern- og friluftsinteressene i området. 20-4, nr 1, pkt b). 1.3 I arbeidet med reguleringsplan ogutbyggjingsplan skal uteareal for born og unge bli vurdert og omtala særskilt. (Jmfr. Rikspolitiske retningsliner for å ivareta barn og unge sine interesser i planlegginga - T-2/1992) 1.4 Høgste tillate magnetfeltverdi ved bustad, skule og barnehage blir sett til 0,4 μt (mikrotesla). 2. LANDBRUKS-, NATUR- OG FRILUFTSOMRÅDE (LNF-OMRÅDE) ( 20-4, nr 2) I LNF-områda vil andre tiltak enn dei som er knytte til stadbunden næring (landbruksnæring) måtte behandlast som dispensasjonssaker etter pbl I LNF-områda kan berre utbygging som har direkte tilknyting til stadbunden næring (landbruksnæring) finne stad. Område i LNF-områda avsett til fritidsbustader. (PBL 20-4, 2. ledd bokstav b og c)

2 2.2 I tilknyting til støylsmiljø, vist på kartet som S1-S20, kan ein opne for avgrensa hyttebygging. Ved slik utbygging skal ein ta særleg omsyn til tidlegare hustufter, bygningsmasse og kulturlandskap rundt desse. Det kan ikkje bli godkjent meir enn 3 hytter pr. støyl. Dette inkluderer eksisterande hytter. Det er lov å setje opp eit felles uthus. Uthuset skal vere uisolert, og maksimalt bruttoareal (BTA) 20 m². Oppattbyggjing/ restaurering av gamle bygningar der opphavleg bruksområde blir ivareteke, er lov. Dersom slikt bygg ikkje kan reknast til stadbunden næring, tel også dette bygget med i maksimaltalet. Nye bygningar må i utforming og plassering vere tilpassa det gamle støylsmiljøet. Når verneomsyn tilseier det, kan ein plassere nye bygningar inntil 50 meter frå sentrum av støylen, men slik at dei saman med det gamle støylsmiljøet står fram som ei eining. 2.3 I tilknyting til nedlagde husmannsplassar/gardstun( og tufter etter slike), vist på kartet som H1- H9, kan ein opne for avgrensa hyttebygging/bruksendring av eksisterande bygg. Ved slik utbygging skal ein ta særleg omsyn til tidlegare hustufter, bygningsmasse og kulturlandskap rundt desse. Det kan ikkje bli godkjent meir enn 2 hytter pr. plass/tun. Dette inkluderer eksisterande bygg. Det er lov å setje opp eit felles uthus. Uthuset skal vere uisolert, og maksimalt bruttoareal (BTA) 20 m². Oppattbyggjing / restaurering av gamle bygningar der opphavleg bruksområde blir ivareteke, er lov. Dersom slikt bygg ikkje kan reknast til stadbunden næring, tel også dette bygget med i maksimaltalet. Nye bygningar må i utforming og plassering vere tilpassa det gamle bumiljøet. Når verneomsyn tilseier det, kan ein plassere nye bygningar inntil 30 meter frå sentrum av plassen/tunet, men slik at dei saman med det gamle bumiljøet står fram som ei eining 2.4 Nye hytter i støylsmiljø /gamle husmannsplassar/ gamle gardstun skal utformast slik: - Maksimalt bruksareal (T-BRA) i støylsmiljø er 60 m², for husmannsplassar/gamle gardstun 120 m². - Maksimal mønehøgde i støylsmiljø 5,00 meter, for husmannsplassar/ gamle gardstun 6,50 meter. - Saltak med ein vinkel mellom grader. - Taktekking skal vere tilpassa tradisjonell byggjeskikk. - Fasadekledning bør vere i tre, ein skal som hovudregel nytte tømmervegg. Fasaden kan ein blende med naturstein. - Ein bør nytte naturfargar utvendig på hyttene. - Bygga blir elles å utforme slik at dei mest mogeleg går i eitt med omgjevnadene. 3. FELLESFØRESEGNER FOR LNF-OMRÅDE 3.1 Innafor LNF-områda gjeld 9 og 12 i jordlova. 9 i jordlova gjeld omdisponering, 12 i jordlova gjeld deling.all vegbygging i skog og utmark er meldepliktig til kommunen, jmfr. 7 i skoglova. 4. OMRÅDE FOR RÅSTOFFUTVINNING ( 20-4, nr 3) Dette gjeld område for kommersiell drift av sand-, grustak og steinbrot. Uttak berre til gards-/privat bruk er ikkje omfatta. 4.1 Denne sona gjeld for uttak av sand, grus og stein; eksisterande driftsareal og behov i planperioden. (sjå liste). 4.2 Det er krav om reguleringsplan for nye massetak i denne sona. Reguleringsplanen skal setje krav om plan for etterbruk/ tilplanting. Etter nærare vurdering kan kravet om reguleringsplan falle bort for mindre uttak, samla under m³. 5. FELLESFØRESEGNER FOR BYGGJEOMRÅDE, LNF-OMRÅDE OG OMRÅDE FOR RÅSTOFFUTVINNING 5.1 Det er eit krav til alle nye regulerings- og utbyggingsplanar at dei tiltak det vert planlagt for, ikkje skal vere til hinder for den allmenne frie ferdsel. Ein skal mellom anna sikre tilgangen til vatn og vassdrag og andre tur- og friluftsområde. 5.2 Ved utarbeiding av regulerings- eller utbyggingsplan skal ein leggje ut friluftsområde langs vatn og vassdrag, eventuelt i andre område egna til føremålet. Desse friluftsområda skal sikre allmenne interesser, mellom anna fri ferdsel til og langs aktuelle vatn og vassdrag.

3 5.3 Alle nybygg skal lokaliserast slik at avkøyring kan skje i samsvar med rammeplan for avkøyringar, sjå også punkt I område med verdfullt kulturlandskap skal ein leggje særleg vekt på å tilpasse bygningar til landskap og lokal byggjeskikk. ( 20-4, nr2, pkt b, c)5.5 Langsetter vatn og/eller vassdrag i område utanfor tettstader er det, innanfor den avstandsgrensa som er sett, ikkje høve til å setje i verk tiltak etter 84 og 93, eller frådeling til slike føremål. Avstandsgrensa frå strandlina er målt i horisontalplanet ved gjennomsnittleg flaumvasstand. ( 20-4, pkt f) I område som er omfatta av «Rikspolitiske retningslinjer for verna vassdrag», er avstandsgrensa 100 m For den delen av kommunen som ikkje er omfatta av 5.5.1, er avstandsgrensa sett til 50 m For småbekkar og vatn med overflate under 10 dekar, gjeld inga avstandsgrense. Hytter må likevel ikkje liggje slik at dei er til hinder for fri ferdsel langs vassdraget. 5.6 For pkt t. o. m gjeld likevel at dersom offentleg veg går nærare vassdraget enn den avstandsgrensa som er sett, skal vegen vere avstandsgrense. 5.7 Dei avstandsgrensene som er gjevne i pkt. 5.5 t. o. m. 5.6, kan, om det faste utvalet for plansaker bestemmer det, og i samråd med Fylkesmannen, bli fråvikne i samband med reguleringsplan/utbyggingsplan. (Kap. VII / 28-2) 6. BANDLAGDE OMRÅDE ( 20-4, nr 4) 6.1 Dette gjeld område eller objekt som er verna eller skal vernast i medhald av plan- og bygningslova eller andre lover Område som er verna i medhald av naturvernlova. (Brokefjell, barskogsreservat 1994) Naturminne verna i medhald av naturvernlova. (Trefreding: Brokefjell og Slettemeås v/liervatn) Plan- og bygningslova, spesialområde bevaring, kulturvern. (Sluseanlegget på Straumsnes) Plan- og bygningslova, spesialområde bevaring, fauna. (Salamanderlokalitet på Straumsnes) og er ikkje synte på kartet, men dei ligg i reguleringsplanen Straumsnes Revskil Kråkenes frå Område/objekt som er bandlagde og aktuelle å verne: Fossilførekomst i Dalane (Telemarkites enigmatius). (Naturvern står som N1 under naturvernområde) Sundebrui. (kulturvern) Spjotsodd bryggje. (kulturvern) Kviteseid bryggje. (kulturvern) Steinkvelvingsbru, Dalane. (kulturvern) Steinkvelvingsbru, Vråliosen. (kulturvern) Steinkvelvingsbru, Skreosen. (kulturvern) Kraftstasjon, Fjågesund. (kulturvern) Hauge gard i Morgedal. (kulturvern) For alle vurderingar av bandlegging/vern gjeld ei grense for gjennomføring på 4 år frå vedteken kommuneplan. Om vern ikkje blir aktuelt, går området attende til grunnfargen på kartet.

4 7. OMRÅDE FOR SÆRSKILT BRUK OG VERN AV SJØ OG VASSDRAG. ( 20-4, nr 5) Drikkevatn 7.1 Søknad om tiltak innafor nedslagsfelt til drikkevatn skal avklarast med lokale helsestyresmakter Verna vassdrag Kommentar: Verneplan III for vassdrag (vern mot kraftutbygging) som blei vedteken av Stortinget , med seinare suppleringar, omfattar desse nedbørsfelta der delar går inn i Kviteseid kommune; Kileåi (128 km2), Flåmelva (18 km2), Østeråa (111km2) og Bygdaråi (61 km2), til saman 318 km2. Arealforvaltinga av desse nedbørsfelta er omfatta av Rikspolitiske retningsliner (RPR) for verna vassdrag, vedtekne ved kong.res Verna vassdrag - klasse Sjølve vass-strengen i område av klasse 3: naturområde. Kjennemerke: Vassdragsbelte som er lite påverka av moderne menneskeleg aktivitet. Avgrensing: Klasse 3 gjeld område over 600 m.o.h. (verneskoggrensa + Kolltveiteggi). Fisbuknatten- Grånåfjellet over 500 m.o.h. (samanhangande urørt område). Retningsliner for forvaltning av verna vassdrag, klasse 3:7.3 Det er svært viktig å ta vare på naturen sitt preg av å vere lite påverka av moderne menneskeleg aktivitet. Ein bør unngå alle former for omdisponering av areal i vassdragsbeltet. Vasskvalitet og naturleg vassføring må haldast oppe så langt råd er, og ein må freiste å unngå alle former for inngrep som reduserer verdien av vassdraget. Verna vassdrag - klasse Sjølve vass-strengen i område 2: frilufts- og naturområde i kombinasjon. Kjennemerke: Vassdragsbelte der nærområda består av skog- og jordbruksområde med spreidd busetnad. Avgrensing: Heile det arealet som ikkje blir omfatta av klasse 3. Retningsliner for forvaltning av verna vassdrag, klasse 2: 7.5 Ein må søkje å ta vare på hovudtrekka i landskapet. Ein bør unngå inngrep som endrar tilhøva i kantvegetasjonen langs vass-strenger, og i dei områda som blir oppfatta som ein del av vassdragsnaturen. Ein bør unngå inngrep som kvar for seg eller i sum, fører til ei viss endring i sjølve vass-strengen. Leveområde for truga plante- og dyreartar og mindre område med stor verneverdi bør få særleg vern. Verna vassdrag - klasse l. Kjennemerke: Vassdragsbelte i og ved byar og tettstader. Avgrensing: Kommunen har ikkje område i klasse l. 8. VIKTIGE LEDD I KOMMUNIKASJONSSYSTEMET ( 20-4, nr 6) 8.1 Alle nybygg skal lokaliserast slik at avkøyring kan skje i samsvar med haldningsklassene på kartet. Kriteria for haldningsklassene går fram av rammeplan for avkøyrsler. 8.2 For mindre utbetringar på riks- og fylkesvegnettet er utbyggingsplan tilstrekkeleg plangrunnlag før arbeid blir sett i gang. ( 20-4, pkt g)

5 Rammeplan for avkøyrsler: Svært streng, haldningsklasse A Vegane skal i prinsippet vere avkøyrselfrie. Dette gjeld og driftsavkøyrsler. Nye avkøyrsler og utvida bruk av eksisterande avkøyrsler, utanom hovudavkøyrsla til gardsbruk, kan berre tillatast om det er i samsvar med reguleringsplan, utbyggingsplan eller godkjent detaljplan etter veglova. Streng, haldningsklasse B Talet på direkte avkøyrsler til vegen må vere svært avgrensa. Normalt vert det ikkje gjeve løyve til nye avkøyrsler utan at det er i samsvar med reguleringsplan eller utbyggingsplan. Hovudavkøyrsla til gardsbruk og reine driftsavkøyrsler er likevel unnateke. Der det ikkje finst reg.plan eller utbyggingsplan, kan det likevel, unntaksvis, bli gjeve løyve til avkøyrsle etter teknisk plan som vegsjefen godkjenner. Utvida bruk av bustadavkøyrsler bør avgrensast. Det bør vere eit visst tal brukarar av avkøyrsla frå før. Mindre streng, haldningsklasse C Talet på direkte avkøyrsler til vegen må avgrensast. Nye avkøyrsler må primært knytast til eksisterande avkøyrsler og plasserast med tanke på framtidig utvikling. Lite streng, haldningsklasse D Tekniske krav til utforming av avkøyrsle må oppfyllast. Tilkomst kan bli lagt til nærliggjande eksisterande avkøyrsle. 9. ANDRE OPPLYSNINGAR OG KARTINFORMASJON Desse symbola har ikkje rettsverknad, men er tekne med fordi dei inneheld viktig informasjon i arealplansamanheng og for sakshandsaming. Viktige sand- og grusførekomstar (sjå liste)(oversynet tek ikkje stilling problematikken drivverdig/ikkje drivverdig. Kjelde: Grusregisteret i Telemark) Viktige naturvernområde (sjå liste) Viktige tur-/friluftsområde (sjå liste) Viktige kulturlandskap (sjå liste) Samanhangande urørte område (Definisjon: område som ligg meir enn l km frå: 1) offentleg veg, 2) skogsbilveg, 3) kraftleidning >22 kv, 4) vassdragsregulering m. reg.høgde >2m, 5) hyttesamling på >5 hytter). Inntak vassverk (sjå liste) Grense nedslagsfelt for drikkevatn

6 Framtidig grunnvassverk (sjå liste) Sikringssone framtidig grunnvassverk(endelege grenser og innhald i restriksjonar må fastleggjast etter vidare prøvetaking.) Støysone 65 db, skytebane Støysone 75 db, skytebaneskytebanegolfbane (Fossøy, Roholt)Badeplass (sjå liste) Skiheis m. nedfartsløyper.planlagd trasé for jernbane (NB: skil ikkje mellom trasé i dagen og i tunnel) Kommunegrense Grense Våmur - Roan villreinområde Vatn Framtidig minikraftverk Privat veg Høgdekurve Kraftline >= 22kV 10. RETNINGSLINER FOR SAKSHANDSAMING Søknad om arbeid eller tiltak etter 84 og 93 i område som er: a) avmerkt som verdifullt kulturlandskap, skal til kulturetaten i Fylkes- kommunen til uttale, b) avmerkt som naturvernområde, skal til miljøvernavdelinga ved Fylkesmannen til uttale. Utbyggingstiltak skal leggjast fram for Vegvesenet for godkjenning. 11. RETNINGSLINER FOR UTARBEIDING AV REGULERINGS- ELLER UTBYGGINGSPLAN Plankart for regulerings- eller utbyggingsplanar skal syne alle eksisterande og planlagde traséar for skiløyper og turløyper/turvegar, og det skal synleggjerast korleis desse heng saman med resten av løypenettet i kommuneplanområdet Alle forslag til planar innanfor området, skal sendast fylkeskommunen til fråsegn, jf. kulturminneloven For område lagt ut til byggjeområde, skal det takast omsyn til geologiske ressursareal og biologisk mangfaldverdiar For område lagt ut til byggjeområde, skal det dokumenterast med undersøkingar at området ikkje har radon-stråling over tilrådde verdiar for byggjegrunn. Eller det skal i reguleringsføresegnene krevjast kompenserande tiltak, radonsperre etc For område lagt ut til byggjeområde, skal det gjennomførast risikovurdering for skred, ras og flaum Det er krav om å opparbeide vegar og minimum 2,0 parkeringsplassar pr. fritidshus.

7 12. RETNINGSLINER FOR DISPENSASJON FOR UTBYGGINGSTILTAK I LNF- OMRÅDA. (Retningslinene er av rettleiande karakter og kan ikkje nyttast som heimel for vedtak.) Generelt. Dispensasjon for byggjetiltak i LNF-områda kan berre gjevast når tiltaket ikkje vil kome i konflikt med målsetjingane i kommuneplanen, eller i sterk konflikt med ulike sektorinteresser. Kommunen sitt faste utval for plansaker kan ikkje gje dispensasjon før saka er lagd fram for statlege og fylkeskommunale faginstansar for uttale der saka kan ha regional eller nasjonal interesse. Kommunen skal ha ei positiv haldning til spreidd bygging av heilårsbustader. Eksisterande hytter kan ein utvide til maksimalt 90 m2 bruksareal (T-BRA). Det kan førast opp eit uthus / bod pr. eksisterande fritidsbustad. Uthus/bod skal vere uisolert. Det er ein føresetnad at uthuset / boden vert plassert i nær tilknyting til hytta, høgst 5 meter ifrå, med maksimalt bruttoareal (BTA) 15 m2. Kommunen kan gje løyve til utleige, og ombyggingar i samband med dette, av bygningar i landbruket ( gardsturisme). Slikt løyve kan ein gje til bruk / driftseiningar der det er fast busetjing. Bumiljø Det skal visast ei svært streng haldning til tiltak som kan føre til negative konsekvensar for bumiljøet, slik som auka trafikk, støy, støv, lukt m.m. Ved bygging skal bygningane ha utforming, materialbruk og farge som er tilpassa omgjevnader og byggjeskikk på staden. Det skal ikkje byggjast hytter i eller i direkte tilknyting til buområde. Jordvern Utbygging til heilårs bustadføremål og til næringsverksemd bør ikkje finne stad på god dyrka mark. Slik utbygging må òg ta omsyn til arrondering av innmarksareal og til driftsforholda for skog som ligg inntil. Det skal ikkje byggjast hytter/fritidsbustadar på dyrka eller dyrkbar mark, eller på skogmark av høg bonitet. Utbygging av utleigehytter som ein del av landbruksnæring skal ha mindre strenge krav til arealbruk. Kulturlandskap/kulturminne Levande kulturlandskap skal takast vare på og fokuserast særleg på ved byggetiltak i eller nær slike område. Det skal ikkje byggjast hytter inn i eksisterande kulturlandskap, unnateke støylsmiljø og nedlagde husmannsplassar/gardstun (sjå kartfesting av og føresegnene for desse). Det skal visast ei streng haldning til sterke inngrep i kulturlandskapet i buområda og til inngrep som kjem i konflikt med verdifulle kulturminne. Rekreasjons- og friluftsområde Restaurering/oppattbygging av tidlegare hytter, støylsbuer o.l. innanfor byggjeforbods-område skal kunne tillatast.

8 Utleigehytter av stor næringsmessig verdi vil ein kunne vurdere å godkjenne, eventuelt med krav om utbygging på grunnlag av reguleringsplan. Byggjetiltak i område nær vassdrag område kan berre tillatast der tiltaket ikkje kjem i konflikt med kjende friluftsinteresser som turområde, badeplass, fiske m.m. Ved frådeling av tomt eller ved plassering av bygg nær vatn og vassdrag skal det leggjast inn grøne korridorar i utmarksområde for å sikre fri ferdsel langs vatn og vassdrag. Rekreasjons- og friluftsområde i nærområda til buområde, skule og barnehage skal i størst mogleg grad haldast fri for utbygging og inngrep som kan skade desse. Natur og miljø Utbyggingstiltak skal vurderast mot konsekvensar for område avmerkte i temakart frå Fylkesmannen innan; Inngrepsfrie område, naturvernområde og verneverdige naturområde, friluftsliv, truga planteartar, truga dyreartar, spelplassar for orrfugl og storfugl og andre viktige viltområde. Trafikktryggleik Det skal visast ei streng haldning til nye avkøyrsler frå riksveg. Tilkomst til nye bygg/anlegg skal søkast løyst ved tilknyting til eksisterande avkøyrsler frå fylkesveg og kommunal veg der det ligg til rette for det. Massetak For opning av nye massetak skal det setjast krav til inngrepet, der natur- og miljøinteresser vert tekne omsyn til både i driftsfasen og ved avsluttinga av uttaket. 13. RETNINGSLINER FOR BYGGJESKIKK/ ESTETIKK. I nært samarbeid med næringa kan det utarbeidast retningsliner for bruk av areal rundt campingvogner på godkjende campingplassar. For fritidsbustader: Det er ikkje lov å: Gjerde inn tomtene. Montere flaggstong. Setje opp portalar. Badestampar skal primært koplast til avlaupsnett der dette er mogleg. Der utslepp skjer direkte til terreng, skal dette avklarast med naboar som ligg lågare i terrenget enn utsleppspunktet. Alle bygningar skal ha saltak. Tilleggsbygg, bod, uthus, garasje m.v., skal ha same takvinkel som hovudbygning. Taktekking skal vere torv, tretak eller papp/shingel.

9 Kledning skal primært vere i tre. Anna materiale skal forblendast med naturstein. Bygningar skal ha jordfargar. Lik farge der det er fleire bygg på tomta. Vindaugstype skal vurderast i høve til vald hyttetype og taktekking. Hytter med torvtak bør primært ha småruta glas. For hytter på skogs- og fjelltomter bør ein unngå store glasflater. Bygningar skal plasserast slik at mest mogleg vegetasjon og terreng vert ivareteke. Bygningar bør ikkje leggjast på lett synlege plassar i terrenget, som t.d. øvst på toppar og høgdedrag.