RAVNEBJERGET BARNEHAGE Årsplan

Transkript

1 RAVNEBJERGET BARNEHAGE Årsplan

2 FORORD Helse Bergen Hf eig og driv 4 barnehagar som vert nytta til rekruttering av nøkkelpersonell og for å sikre stabil arbeidskraft i Helse Bergen HF. Barnehagane vert driven i samsvar med «Lov om barnehagar» og «Rammeplan for barnehagen sitt innhald og oppgåver». I følgje lova skal kvar barnehage ha ein årsplan som skal gje opplysningar om barnehagen sitt satsingsområde, mål og vurderingsområder. Den skal innehal de informasjon om barnehagen sitt arbeid med melom anna omsorg, danning, leik og læring, og er eit viktig arbeidsreiskap for personalet. Årsplanen gir informasjon til føresette, eigar, og andre interesserte og er viktig for samarbeidet med føresette. Årsplanen byggjer på Langtidsplan som er eit felles styringsdokument for barnehagane i Helse Bergen. Det er vedtatt i SU at denne blir forlenga i påvente av ny rammeplan. Langtidsplanen skal sikre progresjon og samanheng i barna si læring og opplevingar gjennom heile barnehageopphaldet, og byggjer på «Lov om barnehagar» og «Rammeplan for barnehagen sitt innhald og oppgåver». Inger Johanne Klausen Barnehagesjef

3 VÅR VISJON Ein grunnmur for livet Vår visjon ein grunnmur for livet skildrar vårt ønske om å gjere barna trygge på eigne verdiar, at dei skal få eit positivt sjølvbilde, utvikle sosial kompetanse og stå rusta til å møte utfordringar i livet. Sosial kompetanse er svært viktig i vårt arbeid med å gi barna ein grunnmur for livet. Vi arbeidar bevisst med å framheve barna sin empati, sjølvstendighet og sjølvkjensle. Vi vaksne er tydelege rollemodellar både i leiken og i kvardagssituasjonar. Vi nyttar dei pedagogiske verktøya «Kanin og Piggsvin» og «Grøne tankar Glade barn» i samlingstunder, for å tydeleggjere kor viktig det er å utvikle barna sin sosiale kompetanse. ÅRSTEMA Mennesket og livet I har vi valt å dele årstemaet Mennesket og livet inn i tre emneblokker. Dei tre emna vi har valt er: Frå jord til bord, Sjuande far i huset og Fugl og fisk. Ved å dele året inn i tre emneblokker gir vi personalet og barna anledning til å gå meir inn i kvart emne. Vi skapar samtidig større rom for barna si undring og medverking. Når vi gir barna meir tid til å arbeide med eit emne vil personalet kunne fange opp barna sine interesser og bruke dette som utgangspunkt i vidare arbeid. Gjennom arbeidet med dei tre emneblokkene vil vi også vere innom dei sju fagområda i Rammeplanen.

4 DEI TRE SATSINGSOMRÅDA Frå jord til bord Mål: I Ravnebjerget barnehage ønskjer vi å gje barna førstehandserfaring med matproduksjon der dei lærar kvar maten vi et kjem frå og korleis den dyrkast. Vi vil også gi barna kunnskap om menneskekroppen og ei forståing for kor viktig det er med gode vanar og eit sunt kosthold. Vi vil og fremme forståing og respekt for eigen og andre sin kropp, og ei forståing av att vi som menneske er ulike. Hensikt: Vi vil att barna skal få delta i heile prosessen med å dyrke grønsaker. At dei lærar kor maten kjem frå før den kjem til butikken. Vi vil at barna skal undre, utforske og lære om ulike typar mat og korleis den påverkar kroppen vår. Arbeidsmåte: Vi vil gjennom ein introduksjon av kvart tema gi barna eit grunnlag til å utforske, lære og undre seg over kvart emne vi arbeidar med. Ved å observere barna sine interesser og uttrykk, bruke barneintervju og samtalar vil vi la barna medverke arbeidet med kvart emne. Vi vil la barna sine interesser skape grunnlaget for vidare utvikling av arbeidet med emnet. Metodar og tiltak: Gjennom arbeidet med emnet vil vi: La barna plante frukt og grønsaker på avdelinga før sommaren og følgje opp dette gjennom året Dra på ekskursjonar til bondegard, meieri, fisketorg o.l for å få førstehandserfaringar med ulike matvarer og kvar dei kjem frå Lage grønsaksakshage i fellesområdet Bruke fakta frå internett og bøker til å gi personalet og barna moglegheit til å reflektere og filosofere over matproduksjon, etikk og kosthold Når: September oktober november Kven: Dei pedagogiske leiarane har ei eit særleg ansvar for planlegging og oppfølging på si avdeling Fagområda: Kropp, rørsle, mat og helse. Etikk, religion og filosofi. Nærmiljø og samfunn

5 Sjuande far i huset Mål: Med utgangspunkt i eventyret «Sjuande far i huset» skal vi arbeide med tall og teljing, utforske rom og former, og lære omgrep knytt til dette. Vi ønskjer på denne måten å legge til rette for at barna saman kan undre seg over likskapar, ulikskapar, størringar og tal. Gjennom arbeidet med dette emnet skal vi også gi barna moglegheit til å oppleve kunst og kultur, og til å sjølv uttrykke seg estetisk. (Rammeplanen 2011) Hensikt: Vi vil lære barna om omgrep i matematikken og arbeide med antal, rom og form på ein leiken og kjekk måte. Vi vil styrke barna si forståing av dette ved å la dei utrykke seg estetisk. Arbeidsmåte: Gjennom ein introduksjon av kvart emne vil vi gi barna eit grunnlag til å utforske, lære og undre seg over emna. Vi observerer barna sine interesser og uttrykk, brukar barneintervju og samtale for å la barna få medverke over dei ulike emna. Metodar og tiltak: Gjennom arbeidet med emnet vil vi: Lage «storyline» eit bilde i stadig endring, der barna sjølv heng opp kunst og prosjekt dei interesserar seg for. For inspirasjon, førstehandserfaringar og som eit grunnlag for undring Arbeide med former Legge til rette for at barna kan lage eigne karakterar og gjenstandar som skal vere med å skape ei verden/storyline, og gi barna tilknyting til prosjektet Bygge huset, roma ved bruk av papir, duplo, lego mm Dramatisere (gi barna kjennskap til prosjektet) Bruke matematiske omgrep (gjentaking i eventyr) Uttrykke oss gjennom ulike kunstforme og materiale Når: Januar februar mars Kven: Dei pedagogiske leiarane har ei eit særleg ansvar for planlegging og oppfølging på si avdeling Fagområda: Kunst, kultur og kreativitet. Antal, rom og form. Kommunikasjon, språk og tekst.

6 Fugl og fisk Mål: Vi ønskjer at arbeidet med «Fugl og fisk» skal gi barna ei begynnande forståing av berekraftig utvikling og miljøvern. Vi skal også ha fokus på naturen sitt samspel og forholdet mellom menneske og natur. Ved å støtte opp om barna sin kjærleik til naturen, legg vi grunnsteinen for framtidig naturvern. (Rammeplanen 2011) Hensikt: Vi vil gi barna grunnleggande kunnskap om naturen, berekraftig utvikling og miljø Arbeidsmåte: Gjennom ein introduksjon av kvart emne vil vi gi barna eit grunnlag til å utforske, lære og undre seg over emna. Vi observerer barna sine interesser og uttrykk, brukar barneintervju og samtale for å la barna få medverke over dei ulike emna. Metodar og tiltak: Gjennom arbeidet med emnet vil vi: Bygge fuglekasser og følgje utviklinga i desse Dra på ekskursjonar til sjøen, for å gi barna si første erfaring med livet i fjøra Bli betre kjent med ulike artar i nærmiljøet Gi barna erfaring med korleis forsøpling påverkar naturen og dyrelivet Besøke museum og akvariet Når: April mai juni Kven: Dei pedagogiske leiarane har ei eit særleg ansvar for planlegging og oppfølging på si avdeling Fagområda: Natur, miljø og teknikk. Etikk, religion og filosofi. Nærmiljø og samfunn PLANLEGGING, DOKUMENTASJON OG VURDERING Vurderingsområde: Barna si medverking Mål: Barna skal få medverke i planleggingsarbeidet i barnehagen Hensikt: Vi vil styrke barna si sjølvkjensle og tru på seg sjølv Arbeidsmetodar: Vi tek utgangspunkt i barna sine utsegn, filosofering og nysgjerrigheit rundt emne, og bygger vidare på desse i det vidare arbeidet Metode og tiltak: Vi brukar observasjon, barneintervju og pedagogisk dokumentasjon Når: Vi vil holde på med prosjektet heile barnehageåret og evaluerer dette i juni 2018

7 TRADISJONAR August Oppstart og tilvenning September Barnehagen sin bursdag 15 september Oktober FN-dagen 24 oktober Desember Langegården Nissefest Julevandring i Årstad kyrkje Lucia med foreldrekaffe Februar Samefolket sin dag Fastelavn og Temafest Mars Påskevandring i Årstad kyrkje Barnehagedagen April Langegården Mai 17 mai. Markering i barnehagen onsdag 16 mai. Juni Sommarfest Overnatting for førskulebarna Tur til Ulriken med barna 3-6 år

8 BARNA SI MEDVERKNAD I barnehageåret ynskjer vi å ha barna si medverking som fokusområde. Ved å velja årstemaet «Mennesket og livet» meiner vi at vi har eit godt utgangspunkt for arbeidet med barna si medverknad. Vi tek utgangspunkt i barna sine tankar, filosofering og nysgjerrighet rundt årstemaet og bygger aktivitetar rundt desse. Ved å høyre på barna sine initiativ og ved å sjå kva dei er opptekne av tek vi dei med i planlegging og evaluering av aktivitetar. Dette trur vi styrkar barna si sjølvkjensle og gir dei meir tru på seg sjølve. OMSORG For oss er omsorg at vi bryr oss om kvarandre, være empatisk, syne vilje og evne til samspel. Vi legg vekt på at dei vaksne ser kvart enkelt barn og verdset barna sine skilnadar. Personalet syner omsorg ved å delta og engasjere seg i kvardagsaktivitetar og leik saman med barna. For at barna skal få ein grunnmur for livet er det avgjerande for oss å syne omsorg slik at kvart barn skal kjenne seg sett, trygg og verdifull. Når barnet byrjar i barnehagen vil ei primærkontakt ha ekstra ansvar slik at barnet kjenner tryggheit i den nye kvardagen i barnehagen. LIKESTILLING, INKLUDERING OG LIKEVERD Vi arbeider kontinuerleg for å skape eit inkluderande fellesskap der det er plass til kvart enkelt barn, uansett funksjonsnivå, alder, kjønn og familiebakgrunn. Vi arbeider bevisst for at barna skal bli sjølvstendige og at dei skal ha tru på seg sjølve. Helse Bergen har produsert ein handlingsplan mot mobbing, den inneheld to sjekklister som vi skal bruke til kartlegging to gongar i året. Handlingsplanen seier og at barnehagane i Helse Bergen har nulltoleranse mot mobbing. Personalet arbeidar dagleg aktivt for å oppretthalde eit venleg og inkluderande oppvekstmiljø i barnehagen. Alle ansatte skal heve eigen kompeanse på leik, vennskap og sosial kompetanse for å styrke gode relasjonar i barnehagen. LEIK Leiken har eigenverdi og er ei viktig side ved barnekulturen. Vi ønskjer å legge til rette for mykje god leik, både barnestyrt og inspirert frå dei vaksne. Vi vaksne er bevisst vår avgjerande rolle i barna sin leik og fungerer som støttande stillas der vi gir tid og rom for leik. Vi meiner at barna sin leik er viktig fordi det er her ein dannar vennskap og gjennom leik utviklar barna sine sosiale ferdigheiter. Dei lærer å samarbeide, vente på tur og å bry seg om kvarandre. At barna utviklar sosial kompetanse er ein viktig grunnmur å ha seinare i livet. I leiken blir barna kreative og oppfinnsame og dei trenar opp evna til fantasi og lærar å tolke situasjonar på ulike måtar. Gjennom leik kan barnet øve, prøve, uttrykke seg og lære å meistre kjenslene sine. Ein annan viktig del av leiken er den språklege kompetansen, det er i leiken barnet utviklar språket mest.

9 LÆRING Barn er nysgjerrige, søkande, skapande og kreative. Vi tek utgangspunkt i barna si nysgjerrigheit og skapar tilpassa læringssituasjonar. I barnehagen har vi både formelle læringssituasjonar dei som er planlagd og leda av personalet (samlingstunder, prosjekt, temaarbeid, aktivitetsgrupper og aldersinndelte grupper) og uformelle læringssituasjonar («her-og-no-situasjonar», kvardagsaktivitetar, leik og annan samhandling). Vi er gode, tydelege rollemodellar og rettleiarar for barna. MILJØARBEID Ravnebjerget barnehage er miljøsertifisert etter ISO I barnehagen er vi opptatt av miljø og berekraftig utvikling. Vi brukar naturen og nærmiljøet rundt oss, og målet er at når barna ferdast i naturen så vil dei bli glad i den og dermed ynskjer å ta vare på den i framtida. Vi sorterer avfall og barna blir opplærde i dette frå dei er små. Vi har ulike bærbuskar og frukttre i barnehagen, og barna får vere med å hauste frukta kvar haust. På denne måten får barna lære og forstå kvar maten kjem frå. SAMARBEIDSPARTNARAR Banehagen og heimen - Til barnet sitt beste Vi meiner det viktigaste grunnlaget for samarbeid leggast i den daglege kontakta når barna bringast og hentast i barnehagen. Openheit mellom barnehagen og heimen skapar ei kjensle av trygghet, det gir større utviklingsmoglegheiter og gjer barna tilfreds. Vi tek i bruk ulike metodar som saman dannar grunnlag for samarbeid: Foreldremøte for nye barn (juni kvart år). Velkomst- og informasjonsskriv til alle nye foreldre Foreldremøte for alle foreldre i løpet av hausten. Invitasjon til foreldresamtale minimum to gangar i året, med moglegheit for fleire på initiativ frå foreldre eller personale. Foreldrerepresentantar i Samarbeidsutvalet Referat frå FAU- og SU-møter skal ut til alle foreldre Foreldra sin medverknad: Brukar undersøking utførast som utgangspunkt for vidareutvikling og forbetringsområder

10 OVERGANG MELLOM BARNEHAGE OG SKULE Minna har vi saman Barna i Ravnebjerget barnehage kjem får ulike bydelar og soknar dermed til ulike skular. Vi har diverre ikkje moglegheit til å besøke alle skulane som barna skal begynne på, men vi er så heldige å ha eit godt samarbeid med Haukeland skule. Her ønskjast våre barn velkomen til ulike samlingar slik at barna skal få eit trygt og godt første møte med skulen. Siste året i barnehagen samlast dei eldste på avdeling Ole Brumm. Vi vil framheve at barna framleis går i barnehagen og vi verdsett framleis leiken sine verdiar. Vi vil inspirere barna til å glede seg til skulestart, slik at barnet møter skulen med nysgjerrigheit. Det vil bli fokus på praktiske ting som å knyte sko, ta att glidelås, skrive namnet sitt sjølv, ta imot ein kollektiv beskjed, ta ansvar for sine eigne ting etc. Dette ynskjer vi å fokusere på sidan vi veit at i skulekvardagen er det færre vaksne til å hjelpe barna, og vi ynskjer at barna skal utvikle ei kjensle av meistring og få sjølvtillit til å klare ting sjølv. PRAKSISBARNEHAGE Barnehagen tek i mot studentar frå barnehagelærarlinja ved Høgskulen i Bergen. Dette er lærerikt og inspirerande for både oss og studentane. Det kan mellom anna være aktuelt at studentane deltek på foreldremøte og tek observasjonar til bruk i skuleoppgåver. Barna blir då anonymisert. Vi tek også imot lærlingar. ANDRE SAMARBEIDSPARTNAR Barnehagen samarbeider med blant andre Pedagogisk Psykologisk Teneste (PPT), helsestasjonen og barnevernet. I dette samarbeidet gjelder lov om tausheit- og opplysningsplikt. I tilfelle der vi eller foreldra er usikre på om barnet utviklar seg som forventa har vi ulike observasjonsverktøy som vi brukar. Dette er: TRAS (Tidleg registrering av språkutvikling) ALLE MED (observasjonsskjema) Kartlegging med nemnde verktøy gjerast i samråd med foreldra. KOMPETANSEUTVIKLING Barnehagane i Helse Bergen har fokus på kompetanseutvikling. Kvaliteten i barnehagane avhenger av personalet sin kunnskap og erfaring. Vi legg vekt på fagleg utvikling gjennom intern opplæring og rettleiing, deltaking på eksterne kurs, fagutviklingsdagar og foredrag. Dei fem planleggingsdagane brukast primært til planlegging og kompetanseutvikling for heile personalgruppa.

11 PLANLEGGINGSDAGAR Planleggingsdagane for barnehageåret er no fastsatt. Dei blir som følgjer: 22. september 10. Oktober 02. Februar 20. April 18. Mai Kontaktinfo Avdelingene: Bukkene Bruse / / Askeladden / / Bikuben / / Ole Brumm / / Lilleputtene / / Styrer: Ragnhild S Åsheim / / E-post: ravnebjerget.barnehage@helse-bergen.no Layot Torun Hunnes Foto Ansatte ved Ravnebjerget Barnehage Teikning forside Tuva Ansatte Styrer: Ragnhild S. Åsheim Bukkene Bruse: Linn, Synnøve, Harald, Helene Askeladden: Bente, Oddveig, Anette, Lorenzo Bikuben: Karoline, Maria, May Hilde Ole Brumm: Heine, Hilde-Mari, Åse Lilleputtene: Espen, Annbjørg, Christin, Camilla C