Utv.saksnr.: Utval: Møtedato: 31/16 Drift og arealutvalet Reguleringsplan for Horremsleira friluftsområde - 3. offentlege høyring

Transkript

1 Aukra kommune Arkivsak: 2012/22-20 Arkiv: L12 Saksbeh: Svein Rune Notøy Dato: Saksframlegg Utv.saksnr.: Utval: Møtedato: 31/16 Drift og arealutvalet Reguleringsplan for Horremsleira friluftsområde - 3. offentlege høyring Rådmannen si tilråding: Drift- og arealutvalet viser til plan- og bygningslova 12-10, og godkjenner at forslag til reguleringsplan Horremsleira friluftsområde blir lagt ut til 3. offentlege høyring. Saksprotokoll i Drift og arealutvalet Behandling Tilrådinga frå rådmannen vart samrøystes vedtatt. Vedtak Drift- og arealutvalet viser til plan- og bygningslova 12-10, og godkjenner at forslag til reguleringsplan Horremsleira friluftsområde blir lagt ut til 3. offentlege høyring. Vedlegg 1 Plankart revidert Løyve til inngrep i freda kulturminne 3 Innkomne merknader etter 2.høring 4 Føresegner revidert Planomtale revidert Særutskrift: Etter adresseliste

2 Bakgrunn: I samband med ei synfaring i Horremsleira i juni 2010, såg kommunen at det var utført arbeid som kunne vise seg å være søknadspliktige etter plan- og bygningslova. Dette gjaldt mellom anna plastring av elvebredda, og planering av eit område med tanke på oppføring av telt og sandvolleyballbane. Som eit resultat av dette tok kommunen sin saksbehandlar kontakt med tiltakshavar Horrem- og Nyjord grendalag for ei nærmare avklaring. Den mottok kommunen søknad om løyve til etablering av bru over elva, planering av underlag for telt, planering av sandvolleyballbane samt plastring av elvebredd. Kommunen har den , under delegert sak 222/10 i Drift og arealutvalet, innvilga søknaden med slikt vedtak: Med heimel i plan- og bygningslovens (PBL) 20-2 og 21-4 blir søknad om løyve godkjent på følgjande vilkår: 1) Tiltaket skal utførast i samsvar med bestemmelser gitt i, eller i medhald av, plan- og bygningslova. 2) Teikningar/ foto, beskrivingar, kart mv. som leggast til grunn for løyvet: - Situasjonsplan datert 19/ Fotomontasje av bru datert 19/ ) Utforming av elvebredd og elvebotn må skje i samarbeid med til dømes Normøre og Romsdal Friluftsråd når tiltak er gjennomført som igjen gjer elva leveleg for fisk. Den mottok kommunen klage frå nabo Lars Brogård på vedtaket i Drift- og arealutvalet (sak 222/10 den ). Klagen gikk på manglande eller feil utfylt nabovarsel, og feil eller manglar ved saksutgreiinga. Klaga var til handsaming i Drift og arealutvalet i møte , sak 25/11 med følgjande vedtak: Kommunen tek ikkje klagen til følgje, og opprettheld vedtaket i sak 222/10. Grunngjeving: det ligg ikkje føre vesentlege nye moment i saka. Den vart klagesaka oversendt Fylkesmannen i Møre og Romsdal for endeleg avgjerd. Den fikk kommunen klagesaka i retur frå Fylkesmannen i Møre og Romsdal med fylgjande vedtak: Med heimel i plan- og bygningslova 1-9, jf. forvaltningslova 34 og Fellesrundskriv T-2/09 frå Kommunaldepartementet og Miljøverndepartementet, stadfester fylkesmannen kommunens vedtak i sak 222/10 når det gjeld den omsøkte brua. Fylkesmannen finn å måtte oppheve de øvrige deler av kommunens vedtak i sak 222/10. Saka blir sendt tilbake til kommunen for ny behandling i samsvar med det som er nemnt ovanfor. Dette vedtaket er endeleg og kan ikkje påklagast vidare, jf. forvaltningslova 28. Eventuelle krav om sakskostnader må setjast fram innan 3 veker etter at dette brevet vart mottatt. Kravet skal avgjerast av fylkesmannen, jf. forvaltningslova 36. Partane er underretta om vedtaket ved kopi av dette brevet.

3 Dei omsøkte tiltaka som vart oppheva (plastring av elvebreidd, planering av underlag for telt og planering av sandvolleyballbane) kunne gjennomførast ved å søke dispensasjon frå kommuneplanen sin arealdel. Det blei ikkje søkt om dispensasjon, då kommunen i staden valgte å utarbeide ein reguleringsplan for området (reguleringsplan for Horremsleira). Drift og arealutvalet vedtok oppstart av reguleringsplan for Horremsleira i møte den , under sak 65/11 og den har seinare vore til 1. og 2. gongs offentlege høyring. Av ulike årsaker har sakshandsaminga av denne reguleringsplanen teke lang tid, men den skal no til ny handsaming i Drift- og arealutvalet, og deretter leggast ut til ny offentleg høyring med håp om endeleg vedtak innan utgangen av Utgreiing: Drift og arealutvalet vedtok oppstart av reguleringsplan for Horremsleira i møte den , under sak 65/11. Oppstartsmeldinga vart i tråd med 12-8 i plan og bygningslova sendt til rørte partar, og annonsert i Romsdals Budstikke. Frist for innspel vart sett til og det kom inn totalt 6 merknader. Melding om oppstart av reguleringsplanarbeid er seinare delegert til administrasjonen («Delegeringsreglement for Aukra kommune», vedteke i K-sak 106/12 den ). Når det er kommunen sjølv som er tiltakshavar og ansvarleg for å utarbeide eit planforslag, vert det ikkje halde oppstartsmøte, jf. plan- og bygningslova Drift- og arealutvalet vedtok i møte å leggje forslaget til reguleringsplan med tilhøyrande føresegner ut til 1. offentlege høyring. Reguleringsplanen vart lagt ut til offentleg høyring i perioda , og det kom inn totalt fire merknader. Drift- og arealutvalet vedtok i møte å leggje forslaget til reguleringsplan med tilhøyrande føresegner ut til 2. offentlege høyring. Reguleringsplanen vart lagt ut til offentleg høyring i perioda , og det kom inn totalt åtte merknader. Nedanfor er disse kort refererte og kommenterte (merknadane i si heilheit ligg som vedlegg til saka): 1) Merknad frå Istad Nett AS, datert Istad Nett orienterer om sitt nett i området, og har ikkje øvrege merknader til planforslaget. Merknaden er tatt til vitande. 2) Merknad frå Statens vegvesen Region Midt, datert Statens vegvesen viser til at deira merknader ved 1. offentlege høyring er innarbeidd i planforslaget, og har ikkje øvrege merknader. Merknaden er tatt til vitande. 3) Merknad frå Kjartan R. Busk, datert Busk viser til at det er regulert inn parkeringsareal på delar av hans eigedom gnr 3 bnr 9, og ønsker dette tatt ut av planforslaget då denne delen av eigedomen er produktivt landbruksareal.

4 Parkeringsarealet som er inntegna på Busk sin eigedom vert teke ut av planforslaget. Noverande parkeringsareal ved toalettbygget vert i staden utvida austover mot friluftsområdet som vist i plankart revidert , og som tilrådd i merknaden. 4) Merknad frå Asbjørn Windstad, datert Parkering Windstad bemerker at eksisterande parkeringsplass ved toalettbygget er føreslege erstatta av eit kombinert reguleringsformål som vist i plankart og omtalt i føresegner, og ein mindre parkeringsplass ved stien til kvernhuset, og meiner dette vil føre til store parkeringsproblemer i området. I plandokument revidert er det kombinerte føremålet fjena og erstatta med eit friluftsområde i tilknytning til gapahuken for å leggje til rette for leik og friluftsaktivitetar innanfor dette området. Parkeringsplassen er samstundes utvida mot aust for å dekkje eit auka behov for parkering i området. Parkeringsplassen vil ha ein kapasitet på om lag 30 bilar, noko som antas å være tilstrekkelig for noverande og framtidig bruk av området. Parkeringsplassen ved stien til kvernhuset er foreslått for å lette tilkomst til kvernhuset ved nødvendig skjøtsel og vedlikehald i området. Parkeringsarealet som var regulert inn på delar av naboeigedom gnr 3 bnr 9 er fjerna for å unngå negative konsekvensar for landbruksareal. Manglande synfaring og mangel på kommunikasjon med grunneigarar Det er oppført skilt ved parkeringsplassen med uriktig informasjon om offentlig badeplass. Betre kommunikasjon og synfaring i området kunne gjort at grunneigarar og andre rørte partar fikk høve til å gjere greie for mellom anna eksisterande avtalar mellom kommunen og grunneigarar om bruk av veg og parkeringsplass, konsekvensar av foreslått fjerning av eksisterande parkering, og eigedomstilhøva for stranda og dertil eksisterande tinglyste rettar for bruk av denne for 5 grunneigarar (dette gjeld mellom anna uttak av sand og henting av tang og tare). Det vert stilt spørsmål til teksten på skiltet som er oppført i enden av parkeringspassen. «Bålbrenning og bruk av open ild er ikkje tillate» står det på skiltet. I følgje uttale frå Molde brannvesen er dette eit forbod som er strengare enn det generelle regelverket, og det finst ikkje nokon heimel for å ha dette forbodet. Molde brannvesen foreslår at teksten vert endra, og at det i staden for blir vist til det generelle forbodet mot bålbrenning og bruk av eld i skog og mark som gjeld i perioda 15. april 15. september. Dersom det vert lagt til rette for bålbrenning på særskilt tillaga bålplassar som ivaretek krav til tryggleik og avstandar, kan bålbrenning i form av kaffibål og liknande også skje i den perioda det generelle forbodet gjeld. Slik informasjon kan takast inn i skiltet. Tilsette i administrasjonen har i samband med klargjering til ny høyring vore fleire gonger i Horremsleira, og er godt kjent med eksisterande situasjon. Ønsket om synfaring kan i tillegg leggast fram for medlemmane i drift- og arealutvalet for nærmare vurdering. Formelle feil og manglar i planarbeidet Grunneigarane av stranda er ikkje kontakta eller informert om planen sjølv om administrasjonen har fått namn på dei 5 grunneigarane. Det er ikkje teke med forslag om vern av sjeldne, eksisterande planter, t.d. østersurt som er registrerte i strandsona.

5 Det er ikkje teke med tiltak for vern og bevaring av aukren i Bakkelva. Grave- og plastringsarbeid er allereie utført i og ved elva som har gjort det vanskelig for auren å ta seg opp elva for gyting. Det var gyteaure i elva før arbeidet vart utført, men det er ikkje sett aure sidan. Vegetasjonsskjerm er feilaktig teikna inn på plankart, eksisterande tre består stort sett av sitkagran og skal etter planen fjernast. Vegvesenet krev i tillegg frisiktsoner på 4 x 100 meter, og avkøyrsla ned til stranda er i dag svært trafikkfarlig. Reguleringsplanen manglar informasjon om kven som skal ha ansvar for vedlikehald, skjøtsel, reinhald, skilting etc. og korleis dette skal finansierast. Det er merkeleg at plankartet viser eit område der ein ikkje kan bade, når dette er tillatt etter friluftsloven. Kommunen seier seg leie for at dei nemnte grunneigarane ikkje har blitt varsla i høve høyringa, varslingslista er oppdatert slik at dette ikkje skjer igjen. I plankart med tilhøyrande føresegner revidert er dette området regulert med føremåla «H560 (omsynssone for bevaring av naturmiljø) og «bruk og vern av sjø og vassdrag med tilhøyrande strandsone». Føremåla skal sikre berekraftig bruk og vern av stranda og strandsona i Horremsbukta, og det er nedfelt i føresegnene at det ikkje er tillatt å utføre tiltak som er permanente, eller på nokon annan måte til skade for dei registrerte naturverdiane i området. Bakkelva er karakterisert som moderat forureina på grunn av avrenning frå beite og eng (jf. det er derfor mindre truleg det vil gå fisk i den slik situasjonen er no. Dersom forureiningssituasjonen i framtida vert utbetra, kan det vurderast å utføre tiltak ved elvebreidda og i elvebotnen slik at det igjen vert leveleg for fisk i elva. Elva er regulert med føremålet «bruk og vern av sjø og vassdrag med tilhøyrande strandsone», og tilhøyrande tekst i føresegnene. Føremålet «vegetasjonsskjerm» er tatt ut av plankartet og erstatta med føremålet «naturområde», med tilhøyrande tekst i føresegnene som seier at eksisterande sitkagran kan fjernast for å oppretthalde krava til fri sikt. Ein reguleringsplan er eit plankart med tilhøyrande føresegner som angir bruk, vern og utforming av areal og fysiske omgivnadar, jfr. plan- og bygningsloven Det er ikkje vanleg å ta med detaljar knytt til kven som skal være ansvarleg for skjøtsel, vedlikehald, skilting etc. i ein reguleringsplan, dette må i staden regulerast gjennom avtaler med lokale grendalag eller andre aktuelle partar. Føremålet «naturområde i vann» med tilhøyrende tekst i føresegnene som seier at det ikkje er tillatt med bading innanfor dette området, er tatt ut av planen. Dette området er no regulert med føremålet «bruk og vern av sjø og vassdrag med tilhøyrande strandsone», jf. plankart og føresegner revidert ) Merknad frå Fylkesmannen i Møre og Romsdal, datert Fylkesmannen saknar ei nærare vurdering av moglege verknader for den registrerte naturtypelokaliteten sand- og grusstrand. Etter 7 i naturmangfaldlova skal kommunen legge prinsippa i 8-12 til grunn som retningsliner ved utøving av offentleg mynde. Det må derfor gå

6 klart fram av planomtale og saksutgreiing korleis desse prinsippa er tatt omsyn til og vektlagt i vurderinga av saka. Manglande vurderingar etter naturmangfaldlova vil være ein saksbehandlingsfeil. I planomtalen punkt 3.6 og 5.2 er den registrerte naturtypelokaliteten i Horremsbukta beskrive, og vurdert etter 8-12 i naturmangfoldlova. I plankartet er dette området regulert med føremåla «H560 (omsynssone for bevaring av naturmiljø) og «bruk og vern av sjø og vassdrag med tilhøyrande strandsone». Føremåla skal sikre berekraftig bruk og vern av stranda og strandsona i Horremsbukta, og det er nedfelt i føresegnene at det ikkje er tillatt å utføre tiltak som er permanente, eller på nokon annan måte til skade for dei registrerte naturverdiane i området. 6) Merknad frå Karstein Breivik, datert Breivik viser til at det frå eldre tider har vore felles eie av stranda frå grense småge til grense Hjertvik, og at desse rettigheitene vart vidareført gjennom skifteforretning av 11. juni 1874 og stadfesta i skifteforretning av 23. oktober Nyere skifteforretning av 14. november 1960, og vedtak i frå Romsdal jordskifterett i 1980 viderefører denen rettigheita. Han ønsker svar på om denne rettigheita på nokon måte vert berørt av den planlagte reguleringa. Eigedomsforholda vert ikkje på nokon måte berørt av det pågåande reguleringasrbeidet, men bruken av stranda og strandsona kan verte berørt gjennom bruken av reguleringsføremåla i plankartet. Det er registrert ein viktig naturtypelokalitet i Horremsbukta, og det er gjort observasjonar av artar av særleg stor forvaltningsinteresse, jfr. planomtalen punkt 3.6 og 5.2. I plankartet er dette området regulert med føremåla «H560 (omsynssone for bevaring av naturmiljø) og «bruk og vern av sjø og vassdrag med tilhøyrande strandsone». Føremåla skal sikre berekraftig bruk og vern av stranda og strandsona i Horremsbukta, og det er nedfelt i føresegnene at det ikkje er tillatt å utføre tiltak som er permanente, eller på nokon annan måte til skade for dei registrerte naturverdiane i området. 7) Merknad frå Lars Brogård, datert Knytt til sakshandsaming Ser ikkje behovet for ein reguleringsplan når friluftsloven og eksisterende avtaler med grunneiere sikrer bruk av området som har LNF-status. Ønsker at det blir informert om bakgrunnen for at det vart starta opp reguleringsarbeid. Etterspør referat frå oppstartsmøte av reguleringsplanen Meiner kommunen bruker reguleringsplanen bevist for å «lovliggjere» tiltak som allereie er utført i planområdet, og som var i strid med LNF-føremålet, jf. vedlagte klagesak frå Fylkesmanen i Møre og Romsdal, mottatt Knytt til plankart og planomtale Reguleringsplanen og plankartet er ikkje oppdatert med revisjonsnummer Det er feil i basiskartet FKB/Norge digitalt. Kartet er truleg oppdatert på bakgrunn av flyfoto, og ved en feil har eit partytelt blitt inntegnet i område KG. I planomtalen står det feilaktig at det er plastra 6 meter av Bakkelva, medan det faktiske er nærmare 40 meter, dessuten er ikkje steinane i nærheita å være dekka av vegetasjon som vist til i planomtalen.

7 Viser til tinglyste rettigheiter til vei, vatn og strøm for eigedom gnr 3 bnr 10 over gnr 3 bnr 8 fram til naust sør-vest for planområdet, det vil si over området som er under regulering. Ønsker å koble strøm og vatn på toalettbygget ved stranda i Horremsleira. Kommunen må gå inn å styre driften av området så det ikkje vert brukt til telting og uvettig festing. Det har til tider vore observert mykje festing og drikking i området, også av mindreårige. Det bør legges inn bruksvegrensninger utover vanlige politivedtekter. Kommentar (sakshandsaming): Horremsleira er prega av viktige natur- og kulturlandskapsmessige interesser, i tillegg til at det er ein viktig og mykje brukt rekreasjonsstad i kommunen. Gjennom utarbeiding av ein reguleringsplan for dette området er ein med på å sikre desse verdiane for framtida (ein reguleringsplan gjeld til den vert oppheva ved vedtak, eller erstatta av ein ny plan). Ein vedteken reguleringsplan er og eit godt verktøy dersom ein ønsker å søke om støtte til ulike tiltak innanfor planområdet. Planen skal ikkje føre til vesentleg endring av dagens områdebruk, og skal heller ikkje legge til rette for nye, permanente byggeføremål i strid med LNF-føremålet. I stranda og strandsona i Horremsbukta ligg det ein viktig naturtype,og fleire artsobservasjonar av særleg stor forvaltningsinteresse som vert sikra berekraftig bruk og vern gjennom planforslaget, det same gjeld for kvernhuset i Bakkelva. Årsaken til at det vart starta arbeid med reguleringsplan er beskrive i punktet «bakgrunn» i saksframlegget. Når det er kommunen sjølv som er tiltakshavar og ansvarleg for å utarbeide eit planforslag, vert det ikkje halde oppstartsmøte, jf. plan- og bygningslova At kommunen bruker ein reguleringsplan for å «lovleggjere» allereie utførte tiltak som var i strid med LNFføremålet er feil, sjå og første avsnittet i denne komentaren der litt av hensikta med utarbeiding av planforslaget er gjengitt. Kommentar (plankart og planomtale) : Plankart er revidert med revisjonsnummer og dato (revisjon 3, ). I utarbeidinga av plankart revidert er det nytta nyaste tilgjengelege FKB-data, lasta ned august 2016, og partyteltet som det blir vist til er ikkje lengre med på kartet. Kommunen beklager at det står feil i planomtalen, etter ei synfaring i området såg ein at omfanget var større enn først antatt, og planomtalen er endra tilsvarande for å reflektere dette. Det er og korrekt at steinane ikkje er dekt med vegetasjon, og denne teksten er teke ut frå planomtalen. Omsynssona som var teikna inn rundt Bakkelva er forøvreg tatt ut frå plankartet revidert og erstatta med føremålet «bruk og vern av sjø og vassdrag med tilhøyrande strandsone» (BVV), jf. planomtale revidert Reguleringsplanen skal ikkje medføre negative konsekvenser for tinglyste rettigheter innenfor området. For ytterlegare spørsmål rundt tilknytning av vatn og straum kan ein kontakte kommunen for nærare avklaring. Forhold knytt til områdets bruk til festing og telting er forhold som ikkje vedkjem reguleringsplanen. Hvis problemet er vedvarande kan ein kontakte kommunen for nærare avklaring. 8) Merknad frå Møre og Romsdal fylkeskommune, datert Automatisk freda kulturminner er vist som bestemmelsesområde og det er teke inn føresegner som refererer til løyve om inngrep utan vilkår om vidare undersøking, vidare er kvernhuset sikra

8 vern gjennom eige verneføremål med føresegner. Dette er i tråd med tilrådingar frå Riksantikvaren, og fylkeskommunen har ikkje ytterlegare merknader utover dette. Merknaden er tatt til vitande Konklusjon: Innkomne merknader er så langt det let seg gjere tekne til vitande og innarbeidd i planforslaget, reguleringsplanen vert derfor tilrådd lagt ut til 3. offentlege høyring. Økonomiske og administrative konsekvensar: Planarbeidet inneber nokre økonomiske og administrative konsekvensar: - Kostnader knytt til sakshandsaming og annonsering - Tilskudd til vedlikehald i planområdet - Eventuelle leigeavtaler Ingrid Husøy Rimstad Rådmann Kjell Lode Plansjef Rett utskrift, Martina S. Böttcher Politisk sekretær