HOVUDPRIORITERINGAR PETROLEUMSTILSYNET

Transkript

1 HP 2016 HOVUDPRIORITERINGAR PETROLEUMSTILSYNET

2 I dette heftet finn du ein kort presentasjon av Ptil sine fire hovudprioriteringar for 2016: SIKKER SEINFASE LEIINGA SITT ANSVAR NORD BARRIERAR Hovudprioriteringane er område vi meiner det er ekstra viktig at næringa arbeider med i året som kjem. Prioriteringane tek utgangspunkt i den kunnskapen og erfaringa vi har frå verksemda, og er tydeleg forankra i risikobiletet. Hovudprioriteringane skal utfordre, gje retning og påverke næringa i arbeidet med kontinuerleg forbetring og slik bidra til at vi når Stortinget sin ambisjon om at Noreg skal vere verdsleiande på sikkerheit i petroleumsverksemda. KONTINUERLEG FORBETRING Forskrift om styring og opplysningsplikt i petroleumsvirksomheten og på enkelte landanlegg (styringsforskriften) 23 Kontinuerlig forbedring Den ansvarlige skal kontinuerlig forbedre helse, miljø og sikkerhet ved å identifisere de prosessene, aktivitetene og produktene der det er behov for forbedring, og sette i verk nødvendige forbedringstiltak. Tiltakene skal følges opp og effekten evalueres. Det skal stimuleres til at den enkelte tar aktivt del i å identifisere svakheter og foreslå løsninger. Det skal legges til rette for at erfaringskunnskap fra egen og andres virksomhet kan bli brukt i forbedringsarbeidet.

3 SIKKER SEINFASE 4 5

4 SIKKER SEINFASE KVA MÅ NÆRINGA GJERE? Næringa må sikre at utfordringar knytt til seinfase ikkje kjem i konflikt med forsvarleg verksemd. Ein må identifisere og følgje opp utfordringar knytt til helse-, miljø- og sikkerheit i god tid før seinfase og integrere dette i alle fasar av feltplanlegginga. Næringa må sørgje for å overvake endringar i risikobiletet i seinfase og gjere naudsynte tiltak for å redusere risiko. Dei ansvarlege selskapa må sikre at eigen organisasjonen er robust nok og har nok kunnskap til å ta hand om utfordringar i seinfase. Målet med hovudprioriteringa er at felt, innretningar og anlegg i seinfase vert drive sikkert. GRUNNGJEVING: Ein stor og aukande del av norsk petroleumsverksemd er prega av marginal forteneste, som ei følgje av minka produksjon og auka kostnader. Med redusert lønsemd kan det vere utfordrande å oppretthalde sikker drift. Presset er sterkt for å halde produksjonen i gang så lenge som mogleg. Mange eldre innretningar har fått levetida forlenga ut over opphavleg plan. Seinfaseproblematikk vert forsterka av låg oljepris og ulike initiativ for å redusere kostnader. På fleire område ser vi at regelverket vert utfordra. KVA SKAL PTIL GJERE? Ptil vil fortsette arbeidet med å skaffe kunnskap om sikkerheit i seinfase som grunnlag for tilsynsaktivitetar. Vi vil klargjere grenser for forsvarleg verksemd i seinfase og vekkje aktørane til medvit om deira ansvar. I 2016 vil vi leggje særskild vekt på planleggjing og styring på feltnivå for å møte utfordringar i seinfase. Vi vil sjå på selskapa si styring av integriteten til innretningar i seinfase, både når det gjeld vedlikehald og modifikasjonar og bore- og brønnaktivitet. Vi vil også sjå nærare på korleis seinfaseproblematikk er relevant i samband med uønskte hendingar. 6 7

5 LEIINGA SITT ANSVAR 8 9

6 LEIINGA SITT ANSVAR KVA MÅ SELSKAPS- LEIINGA GJERE? Leiinga må sikre at effektar av endringar på kort og lang sikt blir handtert forsvarleg. Dette inneber mellom anna at endringar over tid styrkjer sikkerheit og arbeidsmiljø. Fleire av dei utfordringane næringa står framfor, krev samarbeid mellom aktørane og mellom partane. Selskapsleiinga må difor leggje til rette for samarbeid for å løyse felles utfordringar og vidareutvikle føremålstenlege rammetilhøve for verksemda. Målet med hovudprioriteringa er at leiinga i selskapa i petroleumsverksemda sørgjer for å oppretthalde og vidareutvikle eit høgt nivå for helse, miljø og sikkerheit også under endra rammetilhøve. GRUNNGJEVING: Pågåande endringar i næringa krev ekstra merksemd frå leiinga i selskapa. Leiinga sine initiativ og vedtak har innverknad på storulykke- og arbeidsmiljørisikoen i petroleumsverksemda. Leiarar har eit særskild ansvar for risikoreduksjon og kontinuerlig forbetring i petroleumsverksemda. KVA SKAL PTIL GJERE? Ptil skal føre tilsyn med korleis leiinga i selskapa gjennomfører endringsprosessar og korleis rettshavarane følgjer desse opp. Vi vil samle inn kunnskap om korleis kostnadseffektiviserande tiltak vert handtert i næringa, og korleis desse verkar inn på arbeids- miljø og sikkerheit. Vi vil rette merksemd mot korleis næringa styrkjer innsatsen for å løyse utfordringar knytt til sikkerheit og arbeidsmiljø. Vi kjem også til å leggje vekt på kravet om kontinuerleg forbetring og kor viktig det er at næringa arbeider i samsvar med dette

7 NORD 12 13

8 NORD KVA MÅ NÆRINGA GJERE? Næringa må handtere dei viktigaste bidragsytarane til risiko for storulykker, skader på det ytre miljøet og arbeidsmiljø i nord. Merksemd må rettast mot tetting av kunnskapshól. Selskapa må vere proaktive og systematiske i kunnskapsutvikling og læring frå forsking, utvikling og erfaring frå operasjonar i nordområda. Dette kan gjerast saman, og resultata bør delast. Næringa må utvikle og vidare- utvikle robuste tekniske og operasjonelle løysingar for å oppretthalde eit forsvarleg sikkerheitsnivå. Kvar enkelt aktør og næringa samla - må arbeide for eit trygt arbeidsliv. Samarbeid er ein føresetnad for forsvarlege operasjonar i nord. Forpliktande og konkret samarbeid mellom selskapa må vidareutviklast. Aktørane må gjennom bransjeorganisasjonane arbeide for felles løysingar. Partane må bidra til eit godt trepartsamarbeid om utfordringane. Målet med hovudprioriteringa er at petroleumsverksemda i nordleg del av norsk sokkel skal skje forsvarleg og ta vare på sikkerheita for menneske, miljø og økonomiske verdiar. GRUNNGJEVING: Nordlege farvatn av norsk sokkel er sensitive og krevjande område som introduserer nye og fleire risikoforhold. Dette må handterast for å drive forsvarleg verksemd. Dei naturgjevne tilhøva på den nordlege delen av sokkelen byr på utfordringar knytt til teknologiske og operasjonelle løysingar, beredskap, logistikk, personleg utstyr og klede, geografi, istilhøve og tilgang på eigna innretningar og utstyr. Petroleumsverksemd i nordområda er ei viktig langsiktig satsing på norsk og utanlandsk sokkel. Viktige vedtak skal takast om aktivitet i nord i tida som kjem, og Ptil har ei avgjerande rolle i dette. KVA SKAL PTIL GJERE? Ptil vil bidra til at næringa arbeider for ei heilskapleg og robust tilnærming til utfordringane i nord. Vi stiller strenge krav og har store forventningar til selskapa som skal operere i dei klimatisk og geografisk utfordrande nordområda. Vi vil følgje opp at aktørane bidreg til utvikling av ny kunnskap og betre løysingar for sikkerheit, beredskap, arbeidsmiljø og meteorologiske/oseanografiske forhold. Vi vil vidareutvikle samarbeidet innanfor vårt myndigheitsområde i nord med andre relevante myndigheiter. Vi vil også vidareutvikle samarbeidet med myndigheitene i andre arktiske land. I 2016 vil vi vurdere om det trengst tilpassingar eller oppdateringar i regelverket og følgje opp næringa sitt arbeid med standardar for arktiske operasjonar

9 BARRIERAR 16 17

10 BARRIERAR KVA MÅ NÆRINGA GJERE? Næringa må sørgje for at samanhengar mellom risikovurderingar og barrierestyring vert tydelege, og at desse har ein sentral plass i styringa av verksemda. Det må utviklast robuste og spesifikke barrierestrategiar og krav til yting. Ein må synliggjera operasjonelle, organisatoriske og tekniske barriereelement i risikovurderingane. Målet med hovudprioriteringa er at tekniske, operasjonelle og organisatoriske barriereelement vert skjøtta på ein heilsleg og konsistent måte, slik at risiko vert redusert så langt som mogleg. GRUNNGJEVING: Svikt og svekking i barrierar er ein gjennomgåande årsak ved uønskte hendingar. I samband med brønnintegritet og gasslekkasjar er barrierar ei gjentakande utfordring. Stadig fleire aldrande innretningar og anlegg tilseier òg at dette området får ekstra merksemd i tida som kjem. Ptil ser at det trengst betre forståing for samspelet mellom operasjonelle, organisatoriske og tekniske element i barrierar. Det er òg naudsynt med betre forståing av samanhengen mellom risikostyring og barrierestyring. KVA SKAL PTIL GJERE? Ptil vil fortsetje å bidra til samarbeid og erfaringsoverføring i næringa og mellom aktørane. Vi vil vidareutvikle regelverk og standardar ut frå dei erfaringane vi gjer oss og bidra til å styrke næringa sitt arbeid med levetidsforlenging. I 2016 vil vi spesielt følgje opp operasjonelle og organisatoriske element i barrierar, brønnintegritet og brønnkontroll, hydrokarbonlekkasjar, usikkerheits- og kunnskapsdimensjonen i risikovurderingane, vedlikehald av sikkerheitskritisk utstyr og barrierar og implementering av barrierestyring i næringa

11 FOR MEIR INFORMASJON OM PTIL OG ELEKTRONISK VERSJON AV DETTE HEFTET: ptil.no/hp2016 ENGLISH VERSION: psa.no/mp2016