HØYRINGSINSTANSANE 1. november 2016 FORSKRIFT OM VASS- OG AVLØPSGEBYR FOR FJELL KOMMUNE. HØYRING AV FORESLÅTTE ENDRINGAR. FRIST FOR HØYRINGSFRÅSEGN.

Transkript

1 HØYRINGSINSTANSANE 1. november 2016 FORSKRIFT OM VASS- OG AVLØPSGEBYR FOR FJELL KOMMUNE. HØYRING AV FORESLÅTTE ENDRINGAR. FRIST FOR HØYRINGSFRÅSEGN. 1. Innleiing Gjeldande forskrift om vass- og avløpsgebyr for Fjell kommune (kommunen) blei vedteken av kommunestyret 13. desember 2012 med heimel i lov av 16. mars 2012 nr. 12 om kommunale vassog avløpsanlegg og forskrift av 1. juni 2004 nr. 931 om begrensning av forurensing (forureiningsforskrifta) 16-1 andre ledd. FjellVAR AS sørgjer for vassforsyninga og avløpshandteringa på vegner av kommunen og krev i samband med det inn vass- og avløpsgebyr frå kommunens abonnentar i samsvar med den lokale forskrifta for vass- og avløpsgebyr. I møte 2. november 2015 vedtok kommunestyret at dei ønskte ei endring av gjeldande forskrift 3-7, 3-4 og 4-1 om betaling etter målt forbruk, ansvar for gebyra og reglane om installasjon av vassmålar. Det går fram av dagens forskrift 3-7 at vassforbruket med verknad frå 1. januar 2018 skal fastsetjast på bakgrunn av målt forbruk for alle bygg, brukseiningar, bustader og fritidseigedommar som er knytte til det kommunale VA-anlegget. Kommunestyret gav i vedtaket 2. november 2016 uttrykk for at dei ønskte ei endring i forskrifta, slik at det blei frivillig å montere vassmålarar for eksisterande bustadbygg, og slik at eigarar av bustadbygg med fleire einingar fritt kunne velje om det skulle brukast felles målar på hovudinntaket eller måling pr. eining. Det blei samtidig presisert at samarbeid om felles vassmålar ikkje burde gjelde for rekkjehus, einebustader, naust og hytter med eige gardsnummer og bruksnummer. Det blei vidare gitt uttrykk for at nye bustader som får godkjent rammeløyve etter 1. januar 2017, skal ha vassmålar. I ettertid har det vist seg å vere behov for å endre forskrifta også på enkelte andre punkt, og FjellVAR AS har med hjelp frå advokatfirmaet Guttorm Jakobsen AS innarbeidd forslag til slike endringar i det reviderte forskriftsforslaget som følgjer vedlagt. Dei foreslåtte forskriftsendringane blir med dette sende på høyring. Sjå vedlegg 1. Ein tek sikte på at kommunestyret i Fjell behandlar revidert forskriftsforslag i sitt siste møte før jul, slik at ny forskrift kan tre i kraft med verknad frå 1. januar Det er i pkt. 2 gitt ei nærmare gjennomgang av dei foreslåtte endringane i den lokale forskrifta, medan det i pkt. 3 er gitt nokre avsluttande merknader om den vidare sakshandsaminga, samt at det er sett ein frist for fråsegner. Side 1 av 8

2 2. Nærmare om dei foreslåtte endringane 2.1. Generelt I gjeldande forskrift står det FjellVAR og Fjell kommune om kvarandre. I den nye forskrifta er det foreslått at ein konsekvent viser til «Fjell kommune / kommunen». Dette skuldast at det er Fjell kommune som gjennom lov om kommunale vass- og avløpsanlegg 5 har fått heimel til å gi den nemnde forskrifta, og at vidare delegering av mynde til å handheve forskrifta avheng av den til kvar tid gjeldande avtalen mellom Fjell kommune og FjellVAR. Det er i denne avtalen lagt opp til at FjellVAR AS utøver kommunens mynde etter forskrifta, så langt det er rettsleg høve til det. Dersom det er behov for å gjere enkeltvedtak etter forskrifta, må slike vedtak formelt gjerast av Fjell kommune som førsteinstans, sidan det ikkje er høve til å delegere slik mynde til FjellVAR AS. Som det vil gå fram av dei foreslåtte endringane, vil kommunen gå bort frå berekning av vass- og avløpsgebyr pr. «eining» innanfor eit felles gardsnummer, bruksnummer, seksjonsnummer eller festenummer, og heller basere gebyrberekninga på eigedommens/bygningas areal, berekna i samsvar med NS Dette gjeld også ved tilbygg eller påbygg av eksisterande areal Endringar i 1-2 Definisjonar Her er det foreslått ei presisering av «abonnent» i 1-2 bokstav a. Det er teke inn at seksjonsnummer fell inn under felles gards- og bruksnummer, og at eigedommar kan vere tilknytte både direkte eller gjennom felles privat stikkleidning. Dette er heilt i samsvar med lov om kommunale vass- og avløpsanlegg 3. Som følgje av endringar i berekning av bl.a. årsgebyrets fastledd i pkt. 3.2 i forskrifta er definisjonen på «næringseining» i noverande 1-2 bokstav j foreslått teken ut av forskrifta Endringar i 1-4 Arealutrekning Tilvisinga til bruksareal «slik det er registrert i matrikkelen», er foreslått teken ut av bestemminga, for å tydeleggjere at arealberekninga skal følgje berekningsreglane i NS 3940 for berekning av bruksareal. Dette skuldast at det for ein del eigedommar er skilnad mellom kva areal som pr. i dag er registrert i Fjell kommunes matrikkel, og korrekt utrekna areal basert på reglane om bruksareal i NS Sidan reglane om berekning av bruksareal basert på NS 3940 har vore nytta av mange av landets kommunar i ei årrekke, meiner ein at dette gir eit best mogeleg grunnlag for berekninga av areal Endringar i 1-5 Klage og omgjering I kommunelova 40 nr. 3 bokstav c er det bestemt følgjande: 1 NS 3940 gjeld for areal- og volumberekning av alle typar bygningar. Standarden kan brukast ved planlegging og prosjektering, byggesaksbehandling, taksering og forvalting, og i samband med avgiftsberekning, statistiske berekningar og liknande. Side 2 av 8

3 «Ved behandling av klager etter forvaltningsloven 28 andre ledd er ansatte eller folkevalgte som var med på å treffe det påklagede vedtak, eller som medvirket ved tilretteleggelsen av grunnlaget for dette, inhabile ved klageinstansens behandling av saken og ved tilretteleggelsen av saken for klageinstansen.» For å unngå konflikt med habilitetsreglane i kommunelova 40 nr. 3 bokstav c er det i 1-5 andre avsnitt andre pkt. foreslått at «Fjell kommune» skal vere underinstansen som skal handsame eventuelle klager på enkeltvedtak som er gjort i medhald av forskrifta. Kva organ som internt i kommunen vil gjere arbeidet som underinstans, vil følgje av det til kvar tid gjeldande delegeringsreglementet i Fjell kommune, og er ikkje gjenstand for forskriftsregulering Endringar i 2-1 Gebyrplikt Det er som hovudregel tidspunktet for den fysiske tilknytinga av eigedommen som er avgjerande for når gebyrplikta begynner å gjelde. Men gebyrplikta kan òg begynne å gjelde på eit tidlegare tidspunkt i samsvar med lov om kommunale vass- og avløpsanlegg 3 første ledd andre punktum, som seier at gebyrplikt også gjeld når kommunen har kravd tilknyting med heimel i plan- og bygningslova. Det er kommunen som bestemmer når gebyra forfell til betaling, men med den reservasjon at det ikkje kan stillast krav om betaling av tilknytingsgebyr før det er gitt byggjeløyve, jf. forureiningsforskrifta For å bringe forskrifta i samsvar med dei ovannemnde forholda er det i 2-1 tredje ledd andre pkt. foreslått at gebyrplikta «gjeld frå tidspunkt for gitt igangsetjingsløyve, og seinast ved fysisk tilknyting til kommunens leidningsnett». Dette vil gjelde i tillegg til noverande ordlyd om at gebyrplikta gjeld frå ein eventuell tidsfrist for tilkopling til kommunens leidningsnett gitt i pålegg om tilknyting. Som følgje av at gebyrberekninga skal basere seg på eigedommens/bygningas areal, berekna i samsvar med NS 3940, er det i 2-1 femte ledd bokstav e foreslått at det skal betalast eingongsgebyr for tilknyting «dersom areal på eksisterande bygningsmasse i form av tilbygg eller påbygg aukar med meir enn 50 kvadratmeter. Dersom arealet overstig 50 kvadratmeter, skal det betalast for heile arealauken. Dette gjeld også der arealauken skjer gradvis, fordelt på fleire utbyggingsetappar.» Denne formuleringa erstattar då ordlyden om at det skal betalast tilknytingsgebyr «dersom talet på gards- og bruksnummer, festenummer, seksjonsnummer og bu- eller næringseiningar aukar.» Det forhold at ein eigedom seinare blir endra slik at det oppstår fleire bu- eller næringseiningar i denne, får dermed ingen betydning for plikta til å betale tilknytingsgebyr til kommunen, viss ikkje dette samtidig medfører ein arealauke av eksisterande bruksareal på meir enn 50 kvadratmeter. Det er vidare foreslått at ein tek inn eit nytt sjette ledd: «Faktura kan sendast til utbyggjar av eit bustads-/næringsprosjekt i samband med at det blir gitt igangsetjingsløyve til tiltaket. Eigaren av den enkelte eigedommen er i alle tilfelle ansvarleg for at tilknytingsgebyret blir betalt til FjellVAR.» Side 3 av 8

4 Grunngivinga for den foreslåtte bestemminga er at det i praksis er utbyggjar som får igangsetjingsløyvet for tiltaket. Dette fordi det er utbyggjar som i praksis sender søknad om igangsetjingsløyve for nye bustads- og/eller næringsprosjekt, og at kjøparane av desse eigedommane ikkje alltid er kjende for kommunen på det tidspunktet ein gir igangsetjingsløyve. Det er derfor praktisk å få inn ein uttrykkeleg heimel til å sende tilknytingsgebyret til utbyggjar. Når det er presisert i lovkommentarane til lov om kommunale vass- og avløpsanlegg 3 at tilknytingsgebyr kan krevjast samtidig med at igangsetjingsløyve blir gitt, er det ryddig at denne ordninga òg blir presisert i den lokale forskrifta. Samtidig er det nødvendig å presisere at det er «eigar av den enkelte eigedommen» som i alle tilfelle er ansvarleg for at tilknytingsgebyret blir betalt til kommunen. Dette er i samsvar med ordlyden i lov om kommunale vass- og avløpsanlegg 3 og får sjølvstendig betydning dersom utbyggjar ikkje kan eller vil betale tilsendt faktura, f.eks. fordi han går konkurs eller protesterer mot kravet. I nytt sjuande avsnitt opnar ein for unntak frå plikta til å betale tilknytingsgebyr i dei tilfella som er beskrivne i bokstav a og b. Det er berre foreslått endringar i bokstav a: For det første er perioden for mellombels tilkopling foreslått utvida frå eitt til to år. For det andre er det foreslått at det skal betalast vanleg tilknytingsgebyr for tilknyting ut over 2 år. Som tidlegare skal alle kostnader for tilknyting og fråkopling betalast av abonnenten Endringar i 2-2 Utforming av gebyret I bokstav a er det i siste pkt. foreslått ei endring frå «< 60 m²» til «< 75 kvadratmeter». Det inneber at for nybygg som er mindre enn 75 kvadratmeter, skal eingongsgebyret for tilknyting av vatn og avløp betalast med eit fast grunnbeløp som går fram av kommunens gebyrregulativ. I bokstav c foreslår ein å ta inn følgjande formulering: «For nybygg som skal nyttast til næringsformål, skal det betalast ein fast sum pr. kvadratmeter BRA i medhald av gjeldande gebyrregulativ. Bruksarealet blir berekna i samsvar med NS 3940, med det unntak at det for bygningar med etasjehøgder over 3 meter ikkje blir berekna bruksareal som om det var lagt eit horisontalplan for kvar tredje meter.» Bokstav c har i alt vesentleg fått ny ordlyd med dei foreslåtte endringane. Til samanlikning har bokstav c følgjande ordlyd i dag: «For nybygg som skal nyttast til næringsformål, skal det betalast ein fast sats, jf. gjeldande gebyrregulativ.» Den foreslåtte endringa i bokstav c er grunngitt i kommunens ønske om å berekne gebyr basert på eigedommens/bygningas areal, berekna i samsvar med NS 3940, men med det unntak at merknad 2 til pkt om målereglar for bruksareal i NS 3940:2012, om at det for bygningar med etasjehøgder over 3 m skal bereknast bruksareal som om det var lagt eit horisontalplan for kvar tredje meter, dersom ikkje anna er fastsett i bestemmingane for arealplan, ikkje gjeld ved berekninga av bruksarealet som grunnlag for gebyrberekninga. Dette skuldast at det kan verke urimeleg at det ved oppføring av høge næringsbygg, f.eks. på 12 meters høgd, skal bereknast bruksareal for nye etasjar basert på etasjehøgder på 3 meter med den Side 4 av 8

5 følgje at det skal betalast gebyr for slike etasjar, dersom det i samband med oppføringa reint faktisk ikkje blir etablert eit slikt horisontalplan for kvar tredje meter. Først dersom det på eit seinare tidspunkt blir etablert slike horisontalplan, verkar det rimeleg å krevje avgifter for det bruksarealet som oppstår som følgje av dette. For å fange opp slike etterfølgjande endringar er det derfor foreslått at bokstav d får følgjande formulering: «For eksisterande bygg skal det betalast tilknytingsgebyr for arealauke som angitt ovanfor under pkt. 2.1 bokstav e. Dersom eksisterande næringsbygg på eit seinare tidspunkt legg inn horisontalplan som nemnt under bokstav c, kan ein krevje tilknytingsgebyr for den arealauken dette medfører i bygget.» Dette vil erstatte følgjande formulering i dagens bokstav d: «For eksisterande bygg skal det betalast tilknytingsgebyr pr. brukseining, jf. gjeldande gebyrregulativ.» 2.7. Endringar i 2-3 Gebyrsats Som følgje av dei foreslåtte endringane om gebyrplikt i 2-1 tredje ledd andre pkt. er det nødvendig å presisere/utfylle bestemmingane om gebyrsats. Dei tre avsnitta har i alt vesentleg fått ny ordlyd, og vi viser derfor til heile dei nye formuleringane under denne bestemminga Endringar i 2-4 Ansvar og betalingsfrist I andre pkt. er det foreslått å ta inn at eingongsgebyret for tilknyting skal vere betalt «i samsvar med angitt forfallstidspunkt på motteken faktura, og dersom slikt tidspunkt ikkje er angitt, seinast før tilknytinga finn stad.» Dette er i samsvar med dei foreslåtte endringane om gebyrplikt i 2-1 tredje ledd andre pkt., og vi viser til grunngivinga som er gitt der Endringar i 3-1 Gebyrplikt og iverksetjing I gjeldande forskrift er det bestemt at «alle bygg, brukseiningar, næringseiningar, bustader og fritidsbustader,» skal betale årsgebyr. Det er foreslått at ordlyden blir forenkla og endra til «Alle eigedommar/bygg» Endringar i 3-2 Utforming av gebyra Som nemnt vil kommunen gå bort frå berekning av vass- og avløpsgebyr pr. «eining» innanfor eitt og same gardsnummer og bruksnummer, seksjonsnummer og/eller festenummer, og heller basere gebyrberekninga på eigedommens/bygningas areal, berekna i samsvar med NS Dette er bakgrunnen for dei foreslåtte endringane i denne bestemminga. Det er foreslått at alle eigedommar/bygg får berekna fastleddet etter registrert bruksareal i samsvar med NS 3940, samt presisert at dette gjeld uavhengig av om eigedommen/bygget blir brukt til fritidsbustad, heilårsbustad og/eller næringsverksemd. Side 5 av 8

6 For næringsbygg med etasjehøgder over 3 meter er det foreslått å ta inn at det ikkje skal bereknast bruksareal som om det var lagt horisontalplan for kvar tredje meter, så langt slikt horisontalplan reint faktisk ikkje har blitt etablert. Dersom slike horisontalplan blir etablert, skal det nye arealet desse medfører, takast med i gebyrberekninga for årsgebyret. Dei til kvar tid gjeldande satsar for fastleddet vil gå fram av gebyrregulativet. Forbruksleddet skal som tidlegare betalast etter forbruk (målt eller stipulert), men det er foreslått nokre presiseringar når det gjeld kva eigedommar/bygg som har plikt til å betale etter målt forbruk, og kva eigedommar/bygg som ikkje har slik plikt. Dette blir kommentert nærmare under pkt om endringar i 3-7 og pkt om endringar i 3-8, som kvar for seg regulerer betaling etter høvesvis målt og stipulert forbruk Endringar i 3-4 Ansvar for gebyra Det er innleiingsvis presisert at det er den til kvar tid gjeldande eigar av eigedommen som er ansvarleg for betaling av gebyret. Dette vil normalt vere samanfallande med den som reknast som abonnent. Det er gjort endringar i denne bestemminga for å bringe ho i samsvar med kommunestyrets vedtak frå 17. desember 2015 om å opne for samarbeid om felles vassmålar for visse typar eigedommar, men slik at dette ikkje skal gjelde for «rekkjehus, einebustader, naust og hytter med eige gards- og bruksnummer.» Det er vidare foreslått følgjande: «Dersom fleire eigarar av eigarseksjonar, eller eigarar i eit sameige, samarbeider om felles vassmålar, skal det vere teikna abonnement for kvar abonnent. Målt forbruk blir fordelt mellom kvar av abonnentane ut frå abonnentens eigarbrøk. Fordelinga av gebyret mellom abonnentane skal gå fram av søknaden om samarbeid om felles vassmålar, der det også skal opplysast om abonnentanes sameigebrøk i bygget/bygga.» Dei foreslåtte endringane har samanheng med at viss det skal vere eit samarbeid om felles vassmålar, må kommunen/fjellvar på førehand få opplysningar om abonnentens eigarbrøk i eigarseksjonssameiget eller sameigebrøk i sameiget, slik at forbruksgebyret målt gjennom felles målar kan fordelast korrekt på tal seksjonseigarar/sameigarar. I tillegg er det teke med ei presisering om at kvar enkelt abonnent, jf. definisjonen i 1-2 bokstav c av kven som skal reknast som abonnent, skal betale eit fastledd ut frå eigarbrøk i byggets totale areal, slik at det ikkje skal vere tvil om dette. Dersom samarbeidet gjeld eit burettslag, er det foreslått ei presisering om at det er burettslaget som blir rekna som abonnement, og som derfor er ansvarleg for gebyra Endringar i 3-7 Betaling etter målt forbruk På same måte som noverande forskrift seier første avsnitt noko om kva type eigedommar/bygg som «skal» betale etter målt forbruk. Det er foreslått at «naust» blir teke ut av oppramsinga. Side 6 av 8

7 Det er vidare foreslått å skilje mellom nye og eksisterande bustader mv. når det gjeld plikta til å betale forbruksgebyret etter målt forbruk. Bakgrunnen for dette går fram av saksframstillinga til kommunestyrets vedtak i møte 17. desember Her går det fram at det ikkje er lagt til rette for montering av vassmålar for eit stor fleirtal av bustadene i kommunen, og at det vil føre til bygningsmessige inngrep og kostnader som ikkje står i forhold til nytteverdien av montering av vassmålar for desse bustadene mv., dersom desse bustadene skulle få plikt til å betale etter målt vassforbruk. Dette gjeld for alle typar bustader, blokker som er organiserte som sameige eller burettslag, rekkjehus og einebustader. Det er derfor foreslått å ta inn at alle nybygg der rammeløyve er gitt innan 1. januar 2017, kan velje om forbruksdelen av gebyret skal betalast etter målt forbruk eller stipulert forbruk. Men for alle nybygg og brukseiningar der rammeløyve er gitt frå og med 1. januar 2017, er det foreslått at desse «skal» få vassforbruket fastsett etter målt forbruk. Når det gjeld eksisterande «bustader, naust og fritidsbustader», er det foreslått å ta inn at eigarane av desse kan velje om forbruksdelen av gebyret skal betalast etter målt forbruk eller stipulert forbruk. Vi viser her til grunngivinga over Endringar i 3-8 Betaling etter stipulert forbruk I noverande forskrift går det fram at «bustader» som ikkje har montert vassmålar, skal betale gebyr etter stipulert forbruk. Sjølv om nokre eigedommar/bygg har ei plikt til å betale etter målt forbruk, jf. 3-7, vil eigarane av desse, på same måte som dei eigarane som vel å ikkje installere vassmålar, jf. valfridomen om dette i 3-7, nødvendigvis måtte betale etter stipulert forbruk dersom vassmålar ikkje blir montert. Det er derfor foreslått at «eigedommar/bygg som ikkje har montert vassmålar, skal betale gebyr etter stipulert forbruk». Dette for å tydeleggjere konsekvensen av å ikkje installere vassmålar, anten ein har plikt til det eller ikkje. På same måte som tidlegare skal stipuleringa av forbruket baserast på eigedommens/bygningas bruksareal, men på same måte som i endringane som er foreslått i 1-4, er tilvisinga til bruksareal «slik det er registrert i matrikkelen», foreslått teken ut av bestemminga, for å tydeleggjere at arealberekninga til kvar tid skal følgje berekningsreglane i NS Som tidlegare er det presisert at dersom BRA etter NS 3940 ikkje er kjent, kan andre registrerte arealdata nyttast inntil BRA-berekninga er gjort Endringar i 4-1 Installasjon Samarbeid om vassmålar er foreslått regulert i 3-4, og det er derfor ikkje nødvendig å regulere dette i andre avsnitt også i denne bestemminga. Heile andre avsnitt er derfor teke bort. Side 7 av 8

8 2.15. Endringar i 4-4 Avlesing av vassmålar Ein ønskjer at fristen for å sende inn vassmålarstand blir konkretisert og synleggjort i forskrifta. Det er foreslått at fristen for å sende inn målarstand til kommunen blir sett til 1. november i det enkelte år. Dette tydeleggjer abonnentens ansvar for innsending av målarstand, samtidig som bestemminga gir abonnenten ein klar frist. Dette vil gjere situasjonen føreseieleg for både kommunen og abonnentane. Dersom abonnenten ikkje gjer avlesing som føresett, er det foreslått at kommunen kan fastsetje årsgebyret «skjønsmessig på grunnlag av tidlegare forbruk eller med grunnlag i stipulert forbruk i samsvar med 3-8.» Dette for å tydeleggjere konsekvensane av å ikkje sende inn målaravlesing Iverksetjing og oppheving av tidlegare forskrift Som nemnt innleiingsvis ønskjer og foreslår ein at den nye forskrifta trer i kraft 1. januar Frå same tidspunkt vil dagens forskrift, vedteken av kommunestyret 13. desember 2012, bli oppheva. 3. Avsluttande merknader frist for fråsegner Fjell kommune og FjellVAR AS sender med dette dei foreslåtte forskriftsendringane på høyring og ber om innspel frå høyringsinstansane. Frist for høyringsfråsegn blir sett til 22. november Beste helsing Fjell kommune Side 8 av 8