Herdis Kvamme Repp

Transkript

1 Lom Kommune Kvalitetsmelding Lomsskulen 2016 Herdis Kvamme Repp

2 1. INNLEIING SAMANDRAG ELEVAR OG UNDERVISNINGSPERSONALE LÆRINGSMILJØ LÆRINGSRESULTAT ELEVAR OG UNDERVISNINGSPERSONALE ELEVTAL OG LÆRARÅRSVERK LÆRARTETTLEIK OG ASSISTENTBRUK LÆRINGSMILJØ LÆRINGSRESULTAT NASJONALE PRØVER Lesing Rekning Engelsk KARAKTERAR Matematikk Engelsk Norsk GRUNNSKULEPOENG FRÅFALL I VIDAREGÅANDE OPPLÆRING TILTAK OPPSUMMERING OG KONKLUSJON

3 1. INNLEIING Opplæringslova pålegg kommunane å utarbeide årleg rapport om tilstanden og kvaliteten i opplæringa. Rapporten skal drøftast av kommunestyret. Rapporten skal som eit minimum omtale læringsresultat, fråfall og læringsmiljø. Rapporten for Lom omfattar i tillegg elevtalsutvikling og lærartettleik. Den som ynskjer meir informasjon, kan gå inn på 2. SAMANDRAG 2.1 Elevar og undervisningspersonale Låge fødselstal og lita tilflytting gjer at elevtalet går jamt og trutt nedover. Dei siste seks åra har elevtalet gått ned med 43 elevar. Det er nær fem færre lærarårsverk enn året før. Assistentårsverka har auka i forhold til lærarårsverk. Det er i gjennomsnitt litt større elevgrupper enn året før, men begge skulane har betre lærardekning enn nasjonalt. 2.2 Læringsmiljø Loar har dårlegare resultat enn dei plar ha. Dei er på eller under snitt på alle område, med unntak av mobbing der dei ligg godt over. Ungdomskulen ligg på eller over landssnitt på alle område med unntak av mobbing og elevdemokrati. Det gjev grunn til uro at skulen for andre året på rad har dårleg resultat på mobbing. 2.3 Læringsresultat Nasjonale prøver lesing Godt resultat i 5.klasse. Nedslåande i 8.kl og middels i 9.kl. Nasjonale prøver rekning Bra i 8.kl. Ikkje fullt så bra i 5.kl. På landssnitt i 9.kl. Nasjonale prøver engelsk: Godt resultat i 5.kl, særs dårleg i 8.kl. Eksamen Særdeles godt resultat i matematikk. Middels i engelsk. (Som var dei to faga 10.kl var oppe i.) Grunnskulepoeng Positiv utvikling. Over landssnitt. Gjennomføring i vidaregåande Best i Oppland 2

4 3. ELEVAR OG UNDERVISNINGSPERSONALE 3.1 Elevtal og lærarårsverk Skuleår Talet på elevar Årsverk undervisn. 32,1 34,7 34,0 35,2 32,1 31,0 30,9 30,2 32,1 35,4 30,0 Årsverk u.v. Loar 15,1 15,3 16,2 18,4 18,6 Årsverk u.v. ungd.s ,2 11,3 12,3 11,4 Elevtalet er stabilt fram til Dei siste ti åra har elevtalet gått ned med 55 elevar. Det ser ut til at den negative utviklinga berre vil halde fram. Slik det ser ut, kan vi vere nede i 220 elevar i Det er nær 50 færre elevar enn i dag. Auka busetting av flyktningar kan hjelpe på situasjonen. Den store reduksjonen av lærarårsverk skuldast fyrst og fremst nedlegging av Garmo skule. Men også ungdomsskulen har redusert med nær eitt årsverk. Loar har auka med 20% stilling. 3.2 Lærartettleik og assistentbruk Lærertettleik gir informasjon om kor store elevgrupper ein lærar har i gjennomsnitt. År Loar 12,9 11,7 11,5 11,1 9,2 10 Nasj ,1 13,0 13,1 13,3 13,4 13,4 Ungd.skulen ,7 11,4 12,3 10,9 11,9 Nasj ,4 14,5 14,6 14,3 14,3 14,2 Antal assistentårsverk pr 100 lærarårsverk År Loar 14,8 20,9 23, ,9 Ungdomsskulen 14,5 15,7 14,2 14,4 28 Nasjonalt (1-10) 14,8 14,2 14,3 14,2 14,6 Begge skular har betre lærartettleik enn landssnitt, men ikkje fullt så god som året før. Av dei 26 kommunane i Oppland er det berre sju som har betre lærardekning enn Lom, med utgangspunkt i timar til ordinær undervisning kl. Vi må derfor seie at vi har bra lærardekning i Lom, samanlikna med dei fleste. Det Lom skil seg mest ut på er assistentbruk. Her har Lom, begge skulane sett under eitt, 21 assistentårsverk pr 100 lærarårsverk. Både nasjonalt og for eiga kommunegruppe er det14 assistentårsverk pr 100 lærarårsverk. Talet har auka frå 17 i til 21 i Her må det undersøkast nærare kva som ligg bak tala. 3

5 4. LÆRINGSMILJØ Elevar i 7. og 10. kl. må ein gong i året svare på Udir si elevundersøking om korleis dei opplever læringsmiljøet. I diagrammet under ser ein kva område skuleeigar er pålagt å vurdere i den årlege tilstandsrapporten. Elevane svarar på ein skala frå 1-5, der 5 er best. Undersøkinga vart revidert i 12-13, ein kan derfor ikkje samanlikne direkte med resultat før den tid. 7. klasse Resultatet for 7.klasse er svakare enn det plar vere. I fjor var resultatet over landssnitt på alle område med unntak av meistring der skulen var på landssnitt. Spesielt godt resultat var det på læringskultur. Også året før hadde skulen godt resultat, da dei låg over nasjonalt snitt på alle område. Såleis er resultatet i år litt spesielt. Men det er positivt at mobbetalet er såpass lågt. Går ein nærare inn i statistikken, er det ingen som opplever å ha blitt mobba 2-3 gonger i månaden eller oftare. Støtte frå lærar omfattar både fagleg og emosjonell støtte. Vi veit at relasjon elev-lærar er viktig for læring. Derfor er dette ein viktig kvalitetsindikator. 4

6 På vurdering for læring ligg skulen på landssnitt. Det er ikkje direkte dårleg, men Lom var med i den første pulja i den nasjonale satsinga VFL og har arbeidd etter prinsippa sidan Derfor kunne ein forvente eit høgre tal. Elevane seier dei får attendemelding på kva som er bra og kva dei kan gjere for å bli betre, og dei får vere med å vurdere arbeidet sitt. Men dei melder også attende at dei ikkje alltid forstår måla, og at dei ikkje får godt nok forklart kva det blir lagt vekt på i når arbeidet blir vurdert. Framover vil lærarane bli meir bevisste på korleis dei forklarar måla på vekeplanen, og generelt vil leiinga ved skulen skjerpe kravet til å arbeide etter prinsippa i vurdering for læring. Indeksen læringskultur består av spørsmåla : Det er god arbeidsro i timane - I klassa mi synest vi det er viktig å jobbe godt med skulearbeidet Lærarane mine synest det er greitt at vi elevar gjer feil fordi vi kan lære av det. Tidlegare år har Loar skåra godt på dette området, derfor er ikkje resultatet i år uttrykk for generelt dårleg læringskultur på skulen, men like fullt er det viktig at det blir gjort tiltak i denne klassa. Mellom anna har det vore arbeidd mykje med arbeidsro og elevane sine haldningar etter at resultatet kom, i samarbeid med heimen. Når det gjeld meistring, er resultatet på landssnitt i år som i fjor. Med utgangspunkt i at ein del elevar ikkje er tilfredse korkje med støtte frå lærar eller læringskulturen, er det positivt at dei svarar såpass positivt på meistring. Elevdemokrati og medverknad skårar dårleg. Det er berre tredje året indeksen er med i tilstandsrapporten, så det er eit snevert samanlikningsgrunnlag. Men vi ser av tidlegare elevundersøkingar at dette er eit område Lom ikkje er spesielt gode på, korkje i barne- eller ungdomsskulen. Skulen vil framover ha eit ekstra fokus på elevrådsarbeid. Mellom anna vil elevane få tydelegare attendemeldingar på saker dei tek opp og som blir behandla i leiinga, og dei må få god informasjon om kva dei faktisk kan vere med å påverke. 5

7 10.klasse Lom ungdomsskule har i alle år hatt gode resultat på elevundersøkinga. Dei har lege på eller over snitt på alle områda. Men i fjor hadde dei dårleg resultat på mobbing, med 1,3, og dei har enda dårlegare i år. Samtidig opplever 8,8% at dei blir mobba 2-3 gonger i månaden eller oftare. I fjor var talet 9,1%. Dette er eit resultat skulen ikkje er tilfredse med. Resultatet kom overraskande. I elevsamtaler og foreldresamtaler har det ikkje kome fram noko som kan forklare tala. Frå i år har skulen teke i bruk eit nytt skjema der det er eigne spørsmål om mobbing og trivsel. Skjemaet har to formål, å kvalitetssikre data i elevundersøkinga og som dokumentasjon i evt seinare klagesaker. For å undersøkje nærare, vil helsesyster framover våren ta samtaler med elevane for å prøve å finne ut kva som skjuler seg bak tala. Også på elevdemokrati og medverknad er resultatet under landssnitt, Som nemnt tidlegare er dette eit område Lom ikkje har skåra spesielt godt på nokon gong. I fjor var ungdomsskulen så vidt over landssnitt, i år så vidt under. Støtte frå lærar plar ha høgt score på ungdomsskulen. Både i fjor og året før var resultatet høgt over landssnitt. I år det det likt. Lom var med i fyrste pulje i den nasjonale satsinga vurdering for læring og har arbeidd etter prinsippa sidan Dei forventar derfor resultat godt over landssnitt. I fjor var resultatet 3,6. Skulen er ikkje tilfredse med å ligge så vidt over snitt og håpar satsinga «Ungdomstrinn i utvikling», som dei skal starte opp med hausten 2016, vil bidra til forsterka fokus på vurderingsarbeidet. Vurdering for læring er ein viktig del av «Ungdomstrinn i utvikling». Det er tredje året indeksen læringskultur er med. Dei to førre åra har skulen lege godt over landssnitt, medan dei også i år ligg så vidt over. Dette indikerer ein positiv læringskultur. 6

8 I år som i fjor er skulen på landsnivå på meistring. Alle år før har skulen lege over. Meistringskjensle er ein viktig faktor for eleven si utvikling. Det er ei kjent sak at prestasjonspresset kan bli så stort at det går utover den psykiske helsa. Ungdataundersøkinga som vart gjennomført i ungdomsskulen i fjor viser at det også gjeld elevar ved Lom ungdomsskule, særleg blant jentene. Ein for stor del av elevane gav uttrykk for dårleg sjølvbilde og uro for framtida. Derfor må vi ha auka fokus på korleis vi betre kan møte elevane sine behov og ivareta deira psykiske helse. 5. LÆRINGSRESULTAT 5.1 Nasjonale prøver Resultata for 5.kl. blir presentert på ein skala med tre meistringsnivå, der meistringsnivå 1 er dårlegast. Det er prosentdel elevar på nivå 1 det i fyrste rekke bli lagt vekt på ved vurdering av resultat. Grunnen er at elevar på lågaste nivå ikkje har gode nok grunnleggjande ferdigheiter. Derfor er det fyrst og fremst mot denne gruppa vi bør rette fokus og sette inn tiltak.. Resultata for 8.kl. og 9.kl. blir presentert på ein skala med fem meistringsnivå. Her er det prosentdel elevar på dei to lågaste nivå det i fyrste rekke blir lagt vekt på ved vurdering av resultat Lesing 5.klasse Prosentdel på lågaste nivå er langt betre enn både land og fylke. Lom har i seinare år hatt lesing som satsingsområde. Fleire lærarar har gjennom ei treårig satsing blitt skolerte i lesing og læringsstrategiar. Det er utarbeidd felles leseplan og tilsett leserettleiarar. Vi vel å tru at det er ei medverkande årsak til den positive utviklinga. Arbeidet med lesing og læringsstrategiar vil halde fram med same fokus. Mellom anna vil skulen frå hausten 2016 ha ein leserettleiar til. Dermed har skulen tre utdanna leserettleiarar. 7

9 8.klasse Trass i den store satsinga på lesing, ser vi ikkje den same positive utviklinga som i 5.kl. Det var svakt resultat i 8.kl. i 14-15, og det er enda svakare i Nær halvparten av åttandeklassingane ligg på dei to lågaste nivåa, medan det nasjonalt er ca 30%. Da dei same elevane tok nasjonal prøve i lesing i 5.kl, var 43% på nivå 1. Slik sett er kanskje ikkje resultatet overraskande. Men samtidig må vi stille spørsmål ved tiltak som har vore gjort etter 5.klasse. Å prestere på dei lågaste nivåa betyr å mangle grunnleggjande ferdigheiter i lesing. Det vil alltid vere elevar på lågaste nivå, men vi kan ikkje leve med at så mange er i denne kategorien når vi veit kor viktig lesing er for å greie seg seinare i livet, både i skule og arbeidsliv. Eitt viktig tiltak er god dialog mellom barne- og ungdomsskulen. Vi har gjennom fleire år sett at det er ein tendens til at mange elevar hevar seg frå 8. til 9.kl. Dette er erfaringar skulane må dele. Skulane har sett i verk tiltak som: - Dialog/refleksjon barneskule-ungdomsskule, fast rutine etter publisering av resultat. - Samarbeid med ppt - Leserettleiar har kjørt lesekurs - Auka bruk av digitale hjelpemidlar - Gruppedeling 8

10 9.klasse Det er omtrent like stor prosentdel på dei to lågaste nivåa som på landsbasis. Det mest positive er at klassa har hatt ei positiv utvikling siste året. I 8.kl. låg ein tredjedel av elevane dei to lågaste nivåa. Mange av elevane har såleis gått opp eit nivå. Spesielt mange heva seg frå nivå 4 til 5. Grunnen er stort fokus og målretta innsats Rekning 5.klasse Delskår Loar skule Oppland fylke Nasjonalt Mestringsnivå 1 31,8 24,0 23,4 Mestringsnivå 2 40,9 54,6 51,1 Mestringsnivå 3 27,3 21,4 25,5 Med 32% på nivå 1 ligg Lom under landssnitt. Men det er positivt at såpass mange er på nivå tre. Dei same elevane skårar langt betre i lesing og engelsk. Det er grunn til å stille spørsmål ved kvifor dei same elevane presterer så ujamt. Det same spørsmålet vart reist i fjor. Har det ei naturleg forklaring, eller er det noko skulen kan gjere noko med? Som eitt tiltak vil Loar arbeide for å få på plass reknerettleiar etter same modell som leserettleiar 9

11 8. klasse Delskår Lom ungdomsskule Nasjonalt Mestringsnivå 1 4,0 7,6 Mestringsnivå 2 24,0 21,9 Mestringsnivå 3 48,0 37,5 Mestringsnivå 4 20,0 22,0 Mestringsnivå 5 4,0 11,0 Resultatet er litt betre enn nasjonalt. Lom har 4% på lågaste nivå, medan det året før var 21%. Til saman ligg 28% på dei to lågaste nivåa mot 30% på landsbasis. Rekneresultatet for 8.kl. er langt betre enn i engelsk og lesing. Dei same elevane presterte også over landssnitt i rekning da dei gjekk i 5.klasse. Også den gongen var dei betre i rekning enn i lesing og engelsk. 9.klasse Delskår Lom ungdomsskule Nasjonalt Mestringsnivå 1 9,1 4,4 Mestringsnivå 2 9,1 14,7 Mestringsnivå 3 18,2 33,7 Mestringsnivå 4 31,8 27,2 Mestringsnivå 5 31,8 19,9 Det er omtrent like mange prosent på dei to lågaste nivåa som nasjonalt. Men det som kanskje er meir interessant er at av desse elevane låg 33% på dei to lågaste nivåa i 8.kl. Talet er nå redusert til 18%. Det betyr at mange av elevane har heva seg eit hakk Engelsk 5.klasse Delskår Loar skule Oppland fylke Mestringsnivå 1 9,1 28,2 25,3 Mestringsnivå 2 72,7 53,5 50,6 Mestringsnivå 3 18,2 18,3 24,1 Nasjonalt Med berre 9% på nivå 1 er dette resultatet det nestbeste Lom har hatt på nasjonale prøver i engelsk for 5.kl. Til samanlikning var 27% på lågaste nivå førre året. Etter fleire år med svake resultat, har Loar hatt eit sterkt fokus på faget og har gjennomført fleire tiltak. Skulen meiner sjølv at fagkompetanse er avgjerande, og at mykje av suksessen skuldast at kontaktlærar, som også er engelsklærar, har vore bevisst på å få inn faget i små drypp, også utanom engelsktimane. Det har elles vore arrangert møte mellom engelsklærarane i barne- og ungdomsskulen for felles refleksjon og erfaringsdeling. Slike møte vil bli ein fast rutine minst ein gong i året. Frå skuleeigar si side blir engelsk prioritert ved søknad om vidareutdanning. Ein lærar vart utdanna i fjor, ein er ferdig med 30stp våren 2016, men det er likevel behov for fleire. 10

12 8.klasse Delskår Lom ungdomssku le Mestringsnivå 1 20,0 8,5 Mestringsnivå 2 28,0 19,2 Mestringsnivå 3 44,0 42,2 Mestringsnivå 4 0,0 19,2 Mestringsnivå 5 8,0 10,8 Nasjonalt Resultatet er eitt av mange dårlege resultat i engelsk. Nær halvparten av klassa er på dei to lågaste nivåa. Og attpåtil er det så å seie ingen på dei to høgste. Det har vore oppsiktsvekkjande dårlege engelskresultat også tidlegare, noko som har ført til at det har vore gjennomført ein del tiltak. Det gjer at resultatet i år kom litt uventa. Klassa presterte langt betre i 5.kl. Etter at klassa kom i ungdomsskulen, har dei blitt delt i grupper slik at dei kan få ei betre tilpassa opplæring. Det er elles prøvd ut nye undervisningsmetodar. 5.2 Karakterar kl.var våren 2015 oppe til skriftleg eksamen i engelsk og matematikk Matematikk Matematikkresultatet er særdeles bra med snittkarakter på 3,3. Til samanlikning er landssnitt 2,9, opplandssnitt 2,8 og kommunegruppe 2,7. Ifølgje Utdanningsdirektoratet er dette det dårlegaste eksamensresultat i matematikk i 10.kl. nokon gong. Det er ulike årsaker til at lomselevane gjer det så bra, men ei medverkande årsak kan vere godt kavlifiserte lærarar og at Lom ungdomsskule er inne i sitt tredje år med Mattelyst, eit regionalt kompetanseutviklingstiltak gjennom Matematikksentret ved NTNU Engelsk Engelskresultatet ligg litt under landssnittet som er 3,7. Det er sjølvsagt ikkje bra å vere under landssnitt, men med tanke på at Lom generelt har hatt dårlege resultat på nasjonale prøver i engelsk, er det ikkje uventa. Dei same elvane gjennomførte nasjonal prøve i engelsk i 5. og 8.kl og hadde da langt svakare resultat enn ved eksamen i 10.kl. Såleis kan ein seie klassa likevel har hatt ei positiv utvikling. 11

13 5.2.3 Norsk 10.kl var ikkje oppe til norsk eksamen dette året. Vi har derfor berre standpunkt å vurdere ut frå. I norsk hovudmål ligg snitt for standpunkt på 3,9, litt betre enn nasjonalt snitt på 3,8. I sidemål er sandpunkt 4,0, som er høgt over både land, kommunegruppe og fylke, som alle har 3,6. Det er viktig at skular vurderer nivået på standpunkt når resultatet avvik såpass frå land og fylke. Men det kan vere at nivået faktisk ligg så høgt i Lom, tidlegare eksamensresultat i sidemål kan tyde på det. Det er elles greitt å vere klar over at resultata for elevar som har bokmål som sidemål er betre enn hos elevar med nynorsk som sidemål. 5.3 Grunnskulepoeng 2014 Grunnskulepoenga omfattar eksamens- og standpunktkarakterar Grunnskolepoeng, gj.snitt, Lom 39,6 39,6 37,4 41,3 40,5 41,4 Grunnskolepoeng, gj.snitt, nasj. 39,9 39,9 40,0 40,1 40,4 40,7 Grunnskolepoeng, gj.snitt, Oppland 39,0 39,5 39,6 39,6 39,7 40,2 Grunnskulepoeng omfattar både standpunkt- og eksamenskarakterar. Standpunktkarakterar blir sette av lærarar ved skulen og ikkje ein ekstern sensor. Variasjonar mellom kommunar kan derfor skuldast andre årsaker enn elevane sine prestasjonar og er derfor etter vår meining ein usikker kvalitetsindikator. Men når det er sagt, har Lom hatt ei positiv utvikling og ligg over både land og fylke. Aldri før har skulen lege så høgt. 6. FRÅFALL I VIDAREGÅANDE OPPLÆRING Lom har framleis den lågaste fråfallsprosenten i Oppland. Gjennomføringsbarometeret (Udir) viser kor stor del av elevane som tok til i vidaregående skule i perioden som ikkje hadde fullført og bestått vidaregående opplæring etter fem år. For Oppland er det 27% av desse tre kulla som ikkje fullførte og bestod i løpet av fem år. Tala varierer frå 17% i Lom til 32 % i Sør-Fron. På landsbasis er talet 24,6%. 7. TILTAK a) Lesing: Satsinga på lesing må halde fram. Lom har søkt direktoratet om å bli språkkommune, dvs at kommunen får midlar til ressursperson(ar) mot at dei forpliktar seg på å arbeide heilheitleg og systematisk. Det er heller tvilsomt om kommunen når fram med søknaden, men målsetting er uansett: - utvikle forum og arenaer for dialog og samhandling, betre samarbeidsrutinar barnehagebarneskule og barneskule-ungdomsskule - betre utnytting av kompetansen som finst i organisasjonen, (spesielt kompetansen til leserettleiarane) 12

14 - meir arbeid med analyseverktøy i nasjonale prøver - auka kompetanse på minoritetsspråklege - styrka implementeringsevne med kollektiv praksis som mål - tilpasse lokal strategi til nasjonal strategi (pedagogisk praksis skal vere i tråd med ny forskning) b) Treårig matematikksatsing i samarbeid med Matematikksentret ved NTNU Implementere Mattelyst-kunnskapen. Mattelyst har pågått i tre år og blir avslutta våren 16. c) Delta i den statlege vidareutdanningsordninga Kompetanse for kvalitet Det er framleis eit mål å ha med minst to lærarar årleg. I år har to lærarar søkt. Skuleeigar har godkjent begge søknadene. d) «Den gode skoleeier» Vidareføre arbeidet som vart starta opp gjennom deltaking i «Den gode skoleeier», der målet er meir aktivt skuleeigarskap, både politisk og administartivt. e) Meir systematisk samarbeid mellom barne- og ungdomsskule Det er etablert samarbeid innan engelskfaget og lesing. Ungdomsskulen skal frå hausten 2016 delta i den statlege satsinga «Ungdomstrinn i utvikling», med skriving som tema. Planen er at også barneskulen skal ta del i satsinga. f) Meir systematisk samarbeid mellom barnehage og barneskule Planen for samarbeid er revidert. Så langt har samarbeid stort sett handla om overgangen til 1.klasse. Dei nye rutinane omfattar samarbeid utover dette, særleg gjeld det innan fagområde som språk/lesing og matematikk. g) Samarbeid skule-heim I samband med at kvalitetsmeldinga vart lagt fram i fjor, vart det gjort vedtak om å opprette eit kommunalt foreldreutval, KFU. Kick-off var i november da FAU i skule og barnehage hadde felles samling med inspirerande foredrag av Kjersti Falck i FUG. Etter den tid har KFU konstituert seg. Skuleeigar må legge til rette for systematisk samarbeid og vere i god dialog med KFU i saker det er aktuelt å samarbeide om. 13

15 8. OPPSUMMERING OG KONKLUSJON Resultata svingar frå svært bra til svært dårlege. Som det er påpeikt i tidlegare rapportar, er det normalt at resultat svingar i ein så liten kommune som Lom. Derfor må det på nytt understrekast at det er bruken av resultata som er det viktigaste, at skulen analyserer og reflekterer over kva som er bra og kva som kan gjerast betre. Det blir stadig utvikla nye verktøy for å hjelpe skulane i dette arbeidet. Men sjølv om tala svingar, kan ein likevel sjå tendensar som må undersøkast nærare. Mellom anna bør skulene stille spørsmål ved kvifor dei same elevgruppene presterer såpass ulikt frå prøve til prøve. I år som tidlegare år ser vi tendensen til at elevar kjem i 8.klasse med svakt resultat. Det er fleire eksempel på at ungdomsskulen har lykkast i å heve mange av elevane både eitt og to hakk innan dei kjem i 9.klasse. Ein må da stille spørsmål ved kvifor dei ikkje har fått denne hjelpa tidlegare. Kan det t.d. ha noko med ressursar på barneskulen å gjere? Eller har det meir med kartlegging og oppfølging å gjere? Eller er det andre grunnar? Det er uansett svært viktig at barneskulen får attendemelding på resultata i 8.klasse. Derfor er det innført som ny rutine at rektor på ungdomsskulen gjennomgår resultata med barneskulen for felles diskusjon og refleksjon. Når det gjeld læringsmiljøet, er resultatet også her meir ujamt enn tidegare år. Skulane arbeider systematisk med førebygging, og det er klare rutinar på korleis uheldige situasjonar skal handterast. Likevel ser vi at fleire elevar på ungdomsskulen opplever å kjenne seg mobba. Vi veit også at mange av ungdomsskuleelevane strevar med dårleg sjølvbilde og lita tru på framtida, det ser vi m.a. i Ungdata-undersøkinga som er gjennomført for fyrste gong i ungdomsskulen i Lom. For å møte desse problema, ser vi at det er behov for annan kompetanse i skulen, noko FAU tidlegare har spelt inn til politikarane. Vi har i fleire år hatt eit ekstra fokus på engelskfaget, og er godt i gang med tiltak. Det er derfor ekstra gledeleg at 5.klasse har det nestbeste engelskresultatet kommunen nokon gong har hatt. Lesing har vi arbeidd systematisk med i fleire år, vi har utvikla eigen plan og har m.a. utdanna tre (snart fire) leserettleiarar. Likevel får vi historisk dårleg resultat i 8.klasse. Fleire tiltak er på gang her, jf punktet over. Skulebasert vurdering er eit krav i opplæringslova og noko vi må arbeide enda meir systematisk med i åra som kjem, både på kommunenivå og skulenivå. Vi må ha fokus på kvalitetsvurdering og kvalitetsutvikling innan område der vi ser vi har utfordringar. Det handlar om å vende blikket mot seg sjølv og sin eigen praksis. Det gjeld både på klassenivå, skulenivå og kommunenivå. 14