Skulereglement for Sogndal vidaregåande skule.

Transkript

1 Skulereglement for. 1 Innleiing a. Dette skulereglementet er ei forskrift fastsett i samsvar med Lov om grunnskolen og den vidaregåande opplæringa (Opplæringslova) og forskrifta til denne. b. Reglementet byggjer også på forskrift til ordensreglement for dei vidaregåande skulane i Sogn og Fjordane vedteke i Opplæringsutvalet (Sak 6/2007) og revidert i sak 02/09 Fråværsreglementet som er gjenteke i pkt. 8, er vedteke i hovudutval for opplæring i sak 14/12, 13.juni 2012, med heimel i forskrift til opplæringslova, c. Skulereglementet er vedteke i skuleutvalet 29. januar 2014 og gjeld frå same dato. 2 Føremål a Reglementet skal leggja til rette for god læring ved å fremja god orden og gode arbeidsvanar. b Reglementet skal gje retningsliner for utvikling av godt samarbeid, god trivsel, respekt og medansvar. 3 Verkeområde a Reglementet gjeld for alle elevar som er under opplæring ved skulen. b Reglementet gjeld og for elevar i vaksenopplæringa, lærlingar, lærekandidatar, hospitantar og andre når opplæringa går føre seg i regi av skulen. c Reglementet gjeld og utanfor skulen sitt område når skulen er ansvarleg for opplæring eller aktivitetar. d Punkt 7b gjeld også på veg til og frå skulen. e Reglementet brukar ordet elev for alle gruppene i punkt b 4 Rettar for elevane a Elevane har rett til vidaregåande opplæring i samsvar med opplæringslova, fylkeskommunale vedtak, gjeldande forskrifter og læreplanar. b Alle elevar har rett til ein arbeidsplass som er tilpassa behovet deira. c I samarbeid med klassen og lærarane i klassen har elevane rett til medverknad ved val av arbeids-, opplærings- og vurderings-former/-metodar. utarbeiding av planar, og gjennomføringa av desse. utarbeiding av reglar for godt arbeids- og læringsmiljø i klassen. d Elevane har rett til å få laupande individuell rettleiing og tilbakemelding undervegs i høve dei måla den enkelte arbeider etter. Som ein del av den individuelle rettleiinga og vurderinga skal det gjennomførast førebudde elevsamtalar med kontaktlærar minst kvart halvår. e Elevane har rett til å få vite kva som er måla for opplæringa, vite kva som vert lagt vekt på i vurderinga, å få vurdert kompetansen sin i fag, orden og åtferd, å få grunngjeven informasjon om den faglege kompetansen og korleis dei ligg an i orden og åtferd, å få informasjon om kva dei må mestre for å verte betre i faget, å vurdere eigen kompetanse, eige arbeid og eiga faglege utvikling. Elevane skal ha ein fagsamtale med faglærar minst ein gang kvart halvår. f Ved faglege, personlege eller sosiale vanskar som har innverknad på opplæringa, har elevane rett til rådgjeving, oppfølging og hjelp. g Elevane har rett til rådgjeving om utdanning og yrkesval. h Elevane har rett til å ta opp og bør ta opp med skulen tilhøve som

2 i j dårleg læringsmiljø, t. d. ulike former for mobbing. Det er spesielt viktig at elevar som vert utsette for det dei oppfattar som rasistisk motivert psykisk eller fysisk vald, eller som meiner at andre elevar vert utsette for det, tek kontakt med kontaktlærar, anna pedagogisk personale, rådgjevar eller skulehelsetenesta. at læreplanane ikkje blir følgde. at eleven ikkje får den hjelpa han/ho har rett til. manglar ved utstyret som blir nytta i undervisninga. manglande medverknad i planlegginga, jamfør punkt c. Elevane har rett og plikt til å oppretta elevråd. Skulen skal leggja til rette for best moglege arbeidstilhøve for elevane og elevorganisasjonane sine tillitsvalde. Elevrådsrepresentantar har rett til regelmessige møte med skuleleiinga. Etter avtale med rektor kan elev- og ungdomsorganisasjonar, inkludert politiske parti, drive organisasjonsarbeid og politisk aktivitet på skulen, i og utanom skuletida. Aktivitetane skal gjennomførast på tilvist plass, og dei skal ikkje gå ut over undervisninga. Skulen skal og leggja tilhøva til rette for at elevane blir engasjerte til medvit og aktivitet i politiske og samfunnsmessige spørsmål. 5 Plikter for elevane a Elevane skal møte opp og delta aktivt i opplæringa i den form ho blir avtalt. Dersom eleven har stort fråvær og ikkje deltek i planlagde vurderingssituasjonar, vil det kanskje ikkje vere grunnlag for å gje halvårsvurdering med karakter eller standpunktkarakter. b Elevane har plikt til å retta seg etter reglane i lov, forskrift og reglement som til kvar tid gjeld. c Elevane skal snarast mogleg ta kontakt med faglærar dersom han/ho ikkje kan følgje opp arbeid til avtalt tid. d Elevane skal følgja gjeldande verne- og sikringsreglar og bruka arbeidstøyet og verneutstyret som blir kravd i læreplanar eller som er påbode av arbeidstilsynet, departementet eller skulen. e Elevane skal ta med seg nødvendig læremiddel til undervisninga og ta vare på og levere inn utlånt læremiddel ved skuleårets slutt i tråd med signert avtale. Elevane må skaffe seg personleg utstyr som vert kravd i opplæringa. f Elevar som gjennom arbeidet sitt, oppdrag eller verv i samband med vidaregåande opplæring blir kjende med opplysningar som er underlagt teieplikt, har teieplikt etter reglane i 13 i forvaltningslova. Teieplikta gjeld og etter at eleven har avslutta vidaregåande opplæring. g Elevane har plikt å ta del i skulevurdering. 6 Orden a Elevane pliktar å møta presis til opplæringa. b Arbeidsvanane skal vere prega av ansvar, orden og det å vera ryddig, punktleg og påliteleg. c Elevane pliktar å ta med nødvendige læremiddel og utstyr til opplæringa. d Alle pliktar å halda god orden på heile skulen, både ute og inne. e Russen ved skulen får ikkje nytte russekle i skuletida utanom den tidsperioden som rektor har bestemt i samråd med russen. 7 Åtferd a Eit godt arbeids- og læringsmiljø er grunnleggjande for god opplæring. Det skal difor leggjast vekt på å skapa eit godt miljø prega av engasjement, aktiv deltaking og gode

3 samarbeidsformer. Det er viktig å visa respekt, leggja til rette for medansvar og hindra åtferd som har negativ innverknad på miljøet. b Alle må visa omsyn og ha ei real og høfleg framferd i høve til andre. Mobbing, vald, diskriminering, rasisme, seksuell trakassering, krenkjande ord eller handlingar på grunn av utsjånad, funksjonshemming, religion eller livssyn blir ikkje aksepterte, og alle skal arbeida for å hindra dette. c Skulen sin eigedom og utstyr skal behandlast med varsemd og omtanke. d Det er forbode å ha våpen eller andre farlege gjenstandar på skulen sitt område. e Bruk eller oppbevaring av rusmiddel er forbode på skulen sitt område. f Det er forbode å vera påverka av rusmiddel i skuletida uavhengig av om opplæringa går føre seg på eller utanfor skulen sitt område. g Ingen har løyve til å bruka tobakk i skulebygningane, på skuleområdet eller lokale som skulen leiger. h Mobiltelefon og anna personleg elektronisk utstyr skal ikkje vere i bruk i opplæringstida. Faglærar kan gje dispensasjon frå regelen. i Følgjande blir rekna som fusk: bruk av hjelpemiddel som ikkje er tillate. kommunikasjon med andre under prøver når det ikkje er tillate. avskrift av andre sitt arbeid som blir innlevert som eige produkt. j Fusk eller forsøk på fusk blir sett på som ei uærleg handling, eit tillitsbrot og eit brot på gjeldande forskrifter og reglement. Karakteren på den prøven/innleveringa dette gjeld, blir annullert. Fusk fører normalt til nedsett karakter i åtferd. 8 Fråvær Teksten er likelydande med felles fråværsreglement for skulane i Sogn og Fjordane, vedteke i hovudutval for opplæring. 1 Eleven skal møte presis til opplæringa 2 Eleven skal melde frå til kontaktlærar/faglærar dersom han/ho må forlate opplæringa i løpet av skuledagen 3 Eleven skal melde frå om fråvær frå første fråværsdag. Ved gjenteke fråvær og forseintkomming skal skulen følgje opp eleven det gjeld. Ved fråvær meir enn ein dag utan å gje melding skal kontaktlærar kontakte eleven. Ved fråvær meir enn to dagar utan melding skal foreldre/føresette kontaktast dersom eleven er umyndig. Hybelbuarar skal følgjast opp særskilt. 4 Alt fråvær skal førast på vitnemålet og kompetansebeviset. Fråvær skal førast i dagar og enkelttimar. Enkelttimar kan ikkje konverterast til dagar. Rektor kan avgjere om fråvær for den som er deltidselev, skal førast i dagar og timar eller berre i timar. For elevar som skal ha kompetansebevis, skal fråvær førast på kompetansebeviset. Eleven kan krevje at årsaka til fråværet blir ført på eit vedlegg til vitnemålet eller kompetansebeviset, dersom han eller ho legg fram dokumentasjon på årsaka til fråværet. Dersom det er mogleg, skal eleven leggje fram dokumentasjon av fråværet frå opplæringa på førehand. For inntil samanlagt 10 skoledagar i eit opplæringsår kan ein elev krevje at følgjande fråvær ikkje blir ført på vitnemålet/kompetansebeviset dersom det kan dokumenterast at fråværet skuldast: a) helse- og velferdsgrunnar b) arbeid som tillitsvald c) politisk arbeid

4 d) hjelpearbeid e) lovpålagt oppmøte f) representasjon i arrangement på nasjonalt og internasjonalt nivå For at fråvær som skyldast helsegrunnar etter bokstav a ikkje skal førast på vitnemålet eller på kompetansebeviset, må eleven leggje fram ei legeerklæring som dokumenterer dette. Fråvær som skyldast helsegrunnar må vare meir enn tre dagar, og det er berre fråvær frå og med fjerde dagen som kan strykast. Ved dokumentert risiko for fråvær etter bokstav a på grunn av funksjonshemming eller kronisk sjukdom, kan fråvær strykast frå og med første fråværsdag. Organisert studiearbeid og skoleadministrative gjeremål etter avtale med faglæraren eller rektor, skal ikkje reknast som fråvær. Innanfor ramma av 10 skoledagar kan elevar som er medlemmer av andre trussamfunn enn Den norske kyrkja, krevje at inntil to dagar fråvær som er knytt opp mot ei religiøs høgtid, ikkje blir ført på vitnemålet eller kompetansebeviset Det skal nyttast eit felles skjema som grunnlag for krav om at fråvær ikkje skal førast på vitnemål/kompetansebevis. Skjema og dokumentasjon skal leverast til kontaktlærar fortløpande, det vil seie etter kvar gong eleven krev at fråvær ikkje skal førast etter reglane i forskrift til opplæringslova. Det er berre rektor som har mynde til å godkjenne om kravet skal takast til følgje. 5 Eleven kan krevje at årsakene til anna fråvær enn det som går fram av punkt 4 vert ført på vitnemål eller kompetansebevis. Eleven har sjølv plikt til å dokumentere årsakene til fråværet. 6 Avtalar med rådgjevar, helsesøster og pedagogisk-psykologisk teneste skal ikkje førast som fråvær. Eleven har plikt til å dokumentere også dette fråværet. 7 Ein privatist som er elev ved skulen skal ha fri eksamensdagen/eksamenstida utan at det vert ført fråvær. Dette gjeld både skriftleg og munnleg eksamen. Dersom førebuingstida er del av eksamen skal det ikkje førast fråvær for denne. Det vert ikkje gitt fri til ordinær lesedag før privatisteksamen. Dersom eleven likevel vel å ta ein lesedag skal det førast fråvær for denne. 8 Høgt fråvær, uavhengig av om reglane i punkt 4 er følgde eller om fråværet er dokumentert eller ikkje, kan føre til at det ikkje er mogeleg å gje standpunktkarakter. Avgjerdsmyndet her ligg til faglærar. Reglane om varsling i 3-7 i forskrift til opplæringslova gjeld. 9 Fråværsreglementet for dei vidaregåande skulane i Sogn og Fjordane gjeld frå Fråværsreglementet er vedteke i hovudutval for opplæring i sak 14/12, 13.juni 2012, med heimel i forskrift til opplæringslova, Ekskursjonar/studieturar a Elevane skal normalt ikkje vera ansvarlege for transportoppdrag under ekskursjonar eller andre turar skulen er ansvarleg for. b På ekskursjonar gjeld eige ekskursjonsreglement 10 Internettbruk og bruk av datamaskiner a Det er faglærar som bestemmer bruken av datamaskin og internett i eigne timar. b Det er ikkje tillate å lasta ned, lesa eller spreia rasistisk, pornografisk eller anna materiale som kan oppfattast som krenkjande eller som er i strid med norsk lov. c Det er ikkje tillate å installera program på skulen sine maskiner utan løyve frå faglærar

5 eller IKT-ansvarleg. d Det er ikkje tillate å gje andre enn foreldre/føresette informasjon om eige brukarnamn og passord du har fått tildelt på skulen. e Elevar skal rette seg etter IKT regelement for fylkeskommunen som ein godtek ved FEIDE registrering. 11 Brot på skulereglementet Brot på reglementet kan resultera i: a refsingstiltak mot eleven b nedsett karakter i orden og /eller åtferd. c beslag av farlege og ulovlege gjenstandar. Ulovlege gjenstandar vert overlevert til politiet. d pålegg om å retta opp skade gjort på skulen, for eksempel rydda søppel, vaska golv, fjerna tagging mm økonomisk erstatningsansvar jfr skadeerstatningslov 1og 2 e Mellombels eller fast klassebyte f Melding av straffbare forhold 12 Refsingstiltak a Refsingstiltak er: Munnleg påtale frå ein av dei tilsette ved skulen. Skriftleg påtale frå faglærar, kontaktlærar og leiing. Utestenging frå klasse/gruppe for resten av timen/opplæringsøkta avgrensa til to klokketimar etter avgjerd teken av faglærar. Utestenging frå opplæringa for resten av skuledagen etter avgjerd teken av avdelingsleiar. Bortvising i inntil fem skuledagar etter avgjerd teken av rektor. Bortvising for resten av skuleåret. Vedtak blir gjort av fylkesrådmannen. Dette kan føre til at eleven i tillegg taper retten sin til vidaregåande opplæring etter avgjerd teke av hovudutval for opplæring b Kontaktlærar skal seinast senda skriftleg påtale eller varsel om nedsett karakter i orden eller åtferd når det er kome inn 5 merknader per termin i Skolearena. 13 Sakshandsamingsreglar a Før det vert teke avgjerd om refsingstiltak, skal eleven ha høve til å forklara seg. b Ved refsingstiltak skal det skrivast notat som gjer greie for brotet på reglementet, forklaringa til eleven og korleis saka er handsama. Den som tek avgjerd om refsingstiltak, er ansvarleg for notatet. c Ved alvorlege eller gjentekne brot på reglementet skal alltid lærarane i klassen kallast inn for å drøfta kva tiltak som skal setjast i verk. d Vedtak om bortvising blir rekna som enkeltvedtak etter forvaltningslova. Eleven har såleis rett til dokumentinnsyn, partsuttale og klage på vedtak om bortvising. Eleven har krav på rettleiing om partsrettar og framgangsmåte ved klage. Klageinstans er eiga klagenemnd på tre personar som utgår frå fylkesutvalet. e Klageinstans for vedtak om tap av rett til vidaregåande opplæring er Fylkesmannen. For vedtaka om bortvising er ei eiga klagenemnd nedsett av fylkesutvalet, klageinstans. f Elev som vert vist bort for resten av skuleåret, kjem under oppfølgingstenesta sitt ansvarsområde. 14 Særskilde tilleggsreglar

6 a For spesielle tilhøve som ikkje blir dekka av reglementet eller felles reglar gjevne av departementet eller fylkeskommunen, vert fullmakta til å vedta eigne reglar delegert til rektor. Dette gjeld mellom anna: Retningslinjer for ekskursjonar Heildagsprøver Eksamen 15 Samarbeid mellom skule og heim/føresette a Det skal leggjast vekt på å skapa gode samarbeidsforhold mellom skule og heim, med eleven i fokus for å bidra til eleven sin faglege og sosiale utvikling. b Skulen skal i starten i opplæringsåret på Vg1 og Vg2 halde eit foreldremøte der foreldra skal informerast om skulen, innhaldet i opplæringa, medverkinga til foreldra, rutinar og anna som er relevandt for foreldra. Foreldra til ikkje myndige elevar på Vg1 og Vg2 skal kallast inn til minst ein planlagd og strukturert samtale med kontaktlæraren om korleis eleven arbeider dagleg og eleven sin kompetanse, den generelle utviklinga til eleven og prinsipp for opplæringa i læreplan. Samtalen skall klargjere korleis eleven, skulen og foreldra skal samarbeide for å legge til rette for læringa og utviklinga til eleven. Eleven har rett til å vere med på samtalen og den kan sjåast i samanheng med elevsamtalen. c Elevar og føresette til umyndig elevar har rett til følgjande: Tilgang til termin- og standpunktkarakterar. Munnleg eller skriftleg varsel om eleven sitt fråvær. Ved fråvær meir enn to dagar utan melding skal føresette varslast. Varsling dersom det er fare for at det ikkje er grunnlag for vurdering i fag, orden og åtferd, eller fare for at eleven kan få karakteren nokså god eller lite god i orden eller åtferd. Melding om refsingstiltak, med unntak av munnleg påtale. Informasjon om ekskursjonar, turar og liknande og reglane som gjeld for desse Informasjon om særlege problem i forhold til opplæring/skulegang og behov for spesialundervisning. Informasjon om tilhøve ved skulen/verksemda som kan ha negativ innverknad på helsa. Informasjon om eleven og foreldra sine rettar etter opplæringslova og forskrifta Nærmare informasjon dersom ein vesentleg eller spesielt risikofylt del av opplæringa/aktivitetar skal gå føre seg utanom skulen sitt område. Partsrettar i samband med saksførebuing, melding og klage. Anna viktig informasjon om eleven, med mindre denne er underlagt teieplikt etter anna lovgjeving.