INFOHEFTE ØYRA SKULEFRIDTIDSORDNING 2011/2012

Transkript

1 INFOHEFTE ØYRA SKULEFRIDTIDSORDNING 2011/2012 Aktive gutar på SFO

2 Personalet 11/12: Leiar: Oddveig Bjørdal Assistentar: 1.kl basen. Ingunn Olsen (baseleiar) Sissel Thorvik Liliana Følsvik Jan Erik Riksheim Bente Bratten Lorenza Marie Sæth 2.kl basen. Else Kullsveen Gjersdal (baseleiar) Uthman Abu Harbid Meseret Tedla Sigvor Bjørkedal Øvregård Ulrika Marth 3.og 4.kl basen. Hilde-Bjørg Løset (baseleiar) Veronica Grønmo Ajdinovic (permisjon) Maren Horne Theresa Kornberg Bjørn-Henning Sundal Ingrid Marie Løfoll Anja Malec (Kantine) Morgon SFO: Meseret Tedla Uthman Abu Harbid Hilde-Bjørg Løset (1dg) Bjørn-Henning Sundal (1dg) Turid Søvik

3 Barnegruppa: Vi har 145 barn som er inne i SFO-ordninga i løpet av veka. Det er 46 nye barn på SFO i år. Fordelinga på klassetrinna er: 1 kl 2 kl 3 kl 4 kl Fysisk miljø ute /inne Vi er inndelt i 3 baser. 1.kl har base på 1a og 2a sine klasserom. Basen til 2.kl er på 1b sitt klasserom og tilhøyrande grupperom. Basen til 3.og 4.kl held til nede på kantina. Morgon SFO er også på kantina, dette fordi lærarane kjem tidlig og skal ordne til klasseromma. Uteområdet vårt er stort og flott, sidan vi får gjere oss nytte av høgskulen sitt område. Vi har fotballbanar, volleyballbanar, klatrevegg, sandkasser og skogen/elva. Alt dette vert nytta i kreativ og utfordrande leik.

4 Opningstid: Vi har morgontilbod frå kl Dei som ynskjer å nytte dette må ha meldt frå på søknadsskjemaet. Barna skal helst bli fylgt ned om morgonen, dersom det er vanskeleg å få til så gi beskjed til leiar slik at vi veit kven som kjem åleine. Det er viktig at dei barna som kjem åleine går ned på kantina, og ikkje oppheld seg i gangane oppe. Personalet som har morgon SFO rekk ikkje å vere både oppe og nede på same tid! Opningtidene på ettermiddagen er 12.15/ Det er viktig å merke seg at vi låser dørene kl Det er 3 alternativer til SFO plass: 1-3 dagars tilbod, pris 1200,4 dagars tilbod, pris 1600,5 dagars tilbod, pris 2000,I tilegg kjem matpengar på 80,-/110,-/140,- pr. månad. Det blir gitt syskenmoderasjon som i barnehagane. Frå Vedtektene: Skulefridtidsordningane i sentrum held ope kvardagar frå mandag til fredag heile året med følgjande unnatak: 3 veker om sommaren Jule og nyttårsaften og onsdag før skjærtorsdag 5 planleggingsdager pr. SFO år. Desse er: 12. august 2011., 2. januar 2012, 2. april 2012, 3. april 2012 og 18. mai 2012 I haustferien, juleferien, påska og vinterferien har vi oftast komprimert opningtidene etter ynskje frå foreldra. Vi har då heildagstilbod nokre dagar og stengt nokre dagar. Informasjon om opningstidene vert sendt ut god tid før feriane. Barna må ta ut 4 veker ferie innan utgangen av veke 31 kvart år. I sommarferien ( veke 26 og 27 ) har skulefritidsordningane i sentrum ofte slått seg saman og hatt heildagsope. Ein har då høve til å kjøpe ekstra timar dersom ein treng tilbod utover det ein elles

5 har. For barn med redusert plass kan det vere høve til å kjøpe ekstra timar elles i året, så langt som SFO har kapasitet. Prisen er 50 kroner pr. time. (det må avtalast med personalet på førehand) Foreldrebetaling er 11 mnd i året, med juli som betalingsfri. Oppseiingstida er 1 mnd, det må seiast opp innan den 1. i påfølgande mnd. Dersom ein seier opp plassen etter 1.april må ein betale ut juni. Dei som skal nytte SFO ut året treng ikkje seie opp plassen SFO plass må søkast på nytt kvart år. -Dagsrytme: Personalet henter klassane på klasseromma kvar dag, krysser dei inn på frammøtelistene, tek imot beskjedar og meldingar. Korleis SFO dagen vert lagt opp er avhengig av ver, årstid og kva dei har gjort på skulen tidlegare av dagen. Vi startar dagen med måltid i kantina, deretter går vi ut. Vi er mykje ute vi har ei god utestund kvar dag uansett ver. Er inne på slutten av dagen og driv med ulike aktivitatar. Vi legg opp til mykje frileik/frie aktivitetar både inne og ute, men vi delar og inn i grupper og har ulike organiserte aktivitetar. Matordning: Matpengar betalast inn ilag med foreldrebetalinga, barna får eit måltid på SFO kvar dag. Vi har eit godt norsk kosthold med brød /knekkebrød, kornblanding, frukt og mjølk til måltida.

6 Vi har kafeordning når vi et, det vil seie at vi dekker på eit bord på kjøkkenet og barna forsyner seg og smører maten sin sjølv. Klede: Alle barna må ha skifteklede liggande på skulen/sfo (det bør vere 2-3 skift) Uhell kan lett skje og det er utruleg kva som kan kome innafor regnkleda i ivrig leik. Vi har ikkje kapasitet til å tørke klede som vert våte kanskje allereie i skuletida.. Veret skiftar fort, og barna skal ha regnklede og støvlar på SFO/skulen. Vi er ute kvar dag uansett ver, alle klede og sko må vere merka. Sjukdom: Dersom barna ikkje kan vere ute på grunn av sjukdom, kan dei ikkje vere på SFO. Vi har ikkje kapasitet til å ha tilsyn med sjuke barn. Skulle barna blir sjuke i SFO tida, tek vi kontakt med heimen. Foreldresamarbeid. Skal barna gå sjølv må det avtalast med personalet kva tid barna skal gå. (svarslipp, melding, telefon...) Dersom det vert endringar MÅ vi ha skriftleg melding/telefon frå foresatte. Barna har ikkje høve til å ringe foreldra frå SFO for å lage nye avtalar, slike avtalar må vere gjort på førehand. Vi må også ha skriftleg melding/telefon dersom barna skal ha fri frå SFO. Hugs å gi oss beskjed dersom de henter barna når skulen sluttar. De kan nytte same meldeboka som i skulen.

7 På SFO har det ikkje vore vanleg med foreldresamtalar med alle foreldre, men foreldre som ynskjer det må gjerne ta kontakt med leiar for å avtale samtale. Dersom personalet føler behov for ein samtale om barnet tek vi kontakt. Siste åra har vi slått saman sfo-foreldremøte med skulen sitt 1. klasse foreldremøte. Det syner seg at det er 1.klasse foreldre som har størst behov for informasjon om sfo. NB! Svarfristar: I løpet av året sender SFO ut brev/ info/ påmelding til feriar o.l. Mange er flinke å returnere påmeldingar/ svarslippar innan fristane, men personalet har ein god del ekstraarbeid med å purre på/ innhente dei som ikkje held fristane. SFO er no blitt strengare med å overhalde svarfristar som er sette. Dersom svarslippane ikkje vert leverte innan fristane vil barnet ikkje kunne nytte SFO-tilbodet den aktuelle perioden (t.d. haustferien, jula, vinterferien og på sommar-sfo). Mykje av informasjonen frå SFO blir sendt ut på e-post!!! Leik: Leik er naturleg for barna. I leiken får barna høve til varierte aktivitetar og utfalde seg ut frå eigne forutsetningar. Barnet får stetta viktige behov som spenning, nyskjerrigheit og sosial læring. Leiken er viktig for vidareføring av den omfattande barnekulturen. Samarbeid er naudsynt for at leiken skal fungere, og barna lærar normer og regler for sosial atferd. Dei yngste opplever dei eldste som rollemodeller og ser opp til dei, dei eldste er flinke til å vise omsorg og initiativ overfor dei yngste. Barna får utfordringar i eit trygt miljø. Dei opplever å lukkast med ting og får positive tilbakemeldingar frå omgjevnadane. Dette er viktig for at barnet skal utvikle sjølvtillit og få eit positivt sjølvbilete. Organiserte aktivitetar: I vedtektene for SFO står det at «barna sine behov for leik, kulturaktivitetar og sosial læring må vere kjerna i innhaldet for tilbodet» Dette er utgangspunktet for arbeidet vårt på SFO. Venskap, samarbeid og konfliktløysning er viktige stikkord.

8 Frå oppstart i august set vi fokus på at barna skal verte trygge, både ihøve til barn-barn og barn-vaksen. Vi vil innarbeide gode rutiner og dei reglane vi har på SFO blir godt innarbedde frå første dag. Vi arbeider spesielt med ro og orden, inne vil vi ha ein roleg atmosfære, springing og roping er lov ute! Vi vil at barna skal halde orden på garderobeplassen sin, og rydde etter seg etter leik og måltid. Vi arbeider med spesielle tema iløpet av året, spesielt i høve høgtidene som jul og påske. Reglar på SFO: Vi har nokre få, faste og viktige reglar på SFO. Desse jobber vi med frå 1. SFO dag. Det er fint om de kunne snakke med barna om reglane også heime Det er ikkje lov å gå utafor skulen sitt område det er ikkje lov å gå heim før ein har sagt frå til ein vaksen på SFO Vi er snille med og hjelper kvarandre Springing og roping gjer vi ute Vi heng opp kleda og held orden på tinga våre Vi ryddar etter oss

9 Vidare arbeid: Tema som omsorg, venskap, samarbeid og fellesskap er kjerna i det vi arbeider med. SFO er eit omsorgstilbod, og vi har tid for trøyst og kos til dei som treng det. Vi er her for å hjelpe barna tilrette, hjelpe dei å kome igong med og inn i leiken og hjelpe dei med å løyse eventuelle konflikter. Vi vaksne fordeler oss på dei stadene barna er, både inne og ute. På den måten får vi med oss det meste som skjer. Vi kan såleis vere i forkant ev ein del konflikter. Likevel kan det skje ting vi vaksne ikkje ser eller høyrer. Skulle de foreldre eller barna dykkar oppleve det er det viktig at vi får tilbakemelding. Dette gjeld også dersom det skulle skje noko på veg til - eller heim frå skulen / SFO. Skulle det ellers vere noko de lurer på eller vil formidle til oss så er det berre å ta kontakt med SFO/leiar. Tlf 1. og 2. kl base: Tlf base nede: Tlf kontor: e-post sfo.oyra@voldaskulen.no