STYRET: MØTEDATO: STYRESAK: Styret i Helse Førde HF /2021

Transkript

1 STYRESAK GÅR TIL: FØRETAK: Styremedlemmer Helse Førde HF DATO: SAKSHANDSAMAR: Arve Varden, Tom Guldhav, Vidar Vie SAKA GJELD: Prehospitale tenester fase 3 - høyringsdokument ARKIVSAK: 2020/1988 STYRET: MØTEDATO: STYRESAK: Styret i Helse Førde HF /2021 FORSLAG TIL VEDTAK 1. Styret meiner at høyringsdokumenta svarar ut tidlegare bestillingar. 2. Styret ser at det har vore ein grundig prosess som har leia fram til høyringsutkastet, og ber administrerande direktør sende det på høyring til kommunar, legevakter og andre interessentar.

2 Oppsummering Saka omhandlar tre ekstra utgreiingar, knytt til prehospital plan, som styret har bede om. Utgreiingane gjeld Lavik, Ytre Bremanger og Hornindal/Volda, og det vert rådd til å sende dei på høyring til aktuelle interessentar. Fakta Prehospital plan i Helse Førde omfattar tre fasar: Fase 1 (haust 2017): Etablere prosjekt, forankring internt og eksternt. Avklare prinsipp, premissar og rammevilkår. Forankring/ høyring Fase 2 (haust 2018-haust 2019): Detaljering av modellar. Fase 3 (vår 2020-vår 2023): Implementering av vald modell. Styret i Helse Førde gjorde følgjande vedtak 24. januar 2020: Styret er godt nøgd med prosessen og saksgrunnlaget som ligg føre. Plan for prehospitale tenester blir vedteken med desse presiseringane: 1. Endringane som gjeld døgnbilen i Lavik skal utgreiast vidare, og det skal vurderast alternative modellar. Kommunar, tilsetteorganisasjonar og verneteneste skal takast med i prosessen. Saka vert lagt fram for styret til endeleg avgjerd. 2. Administrerande direktør får i oppdrag å arbeide vidare med omgjering av døgnbil i Ytre Bremanger til einmannsbetent ambulanseressurs, alternativt redusere til ein ambulanse i Bremanger kommune. Kommunar, tilsetteorganisasjonar og verneteneste skal takast med i prosessen. Saka vert lagt fram for styret til endeleg avgjerd. 3. Det skal gjennomførast ein prøveperiode på tolv månader med flytting av dagbil frå Luster til Sogndal, slik det er omtala i sakstilfanget. Vedtak om endeleg flytting etter prøveperioden ligg til administrerande direktør. 4. Det blir gjennomført ei vurdering av kva for konsekvensar det vil ha for dei prehospitale tenestene at Hornindal kommune er slegen saman med Volda kommune og ikkje lenger er Helse Førde sitt ansvarsområde. Saka blir lagd fram for styret til endeleg avgjerd. 5. Dei andre endringane i tilrådingspunkta, jamfør saksutgreiinga, vert tekne til orientering og ligg til administrerande direktør å følgje opp. 6. Utsetting av tiltaka i punkt 1, 2 og 4 må sjåast i samanheng med gjennomføring av dei andre tiltakspunkta. Det skal leggast vekt på ei innføringsrekkefølgje som ikkje utfordrar budsjettmålet. 2

3 7. Styret ber om å få framlagt mandat for fase 3 til styremøtet i mars, saman med eit første utkast til innføringsplan. 8. Prehospital plan er ein del av utviklingsplanen til Helse Førde. Den skal evaluerast og rullerast i samsvar med den. I mars same år vart mandatet for arbeidet i fase 3 godkjent. I tillegg til implementering av dei ulike tiltaka i planen, så inneheld fase 3 også gjennomføring av dei ekstra utgreiingane som styret bad om i januar Prosessen i fase 3 I etterkant av styret sitt vedtak om å sette i gang fase 3 våren 2020, så vart det sett ned ei prosjektgruppe og fire arbeidsgrupper. Prosjektgruppa har vore leia av direktør for kirurgisk klinikk, Tom Guldhav, medan avdelingssjef for avdeling for akuttmedisin, Robert Brennersted, og seksjonsleiar for ambulansetenesta, Stian Sægrov, har leia arbeidsgruppene. Arbeidsgruppene sitt mandat var å gjennomføre utgreiingar knytt til Lavik, Ytre Bremanger og Hornindal/Volda. I alle gruppene vart det presisert at leiar for gruppa skal stå for tilrådinga, samstundes som synet til alle deltakane skal kome fram i utgreiinga. Det same vart avklara i prosjektgruppa. Den fjerde arbeidsgruppa skulle arbeide med samhandlingsspørsmål. Grunna pandemien kom aldri den gruppa i gang, og oppgåvene der er no overførte til akuttmedisinsk samhandlingsforum. Arbeidet i dei tre andre arbeidsgruppene vart sett i gang hausten Gruppa som skulle utgreie Hornindal/Volda leverte si utgreiing før nyttår. Oppgåvene til arbeidsgruppene for Lavik og Ytre Bremanger var meir komplekse og kravde meir tid. Det vart vurdert som tenleg å gjennomføre fysiske møter, og på grunn av pandemien vart fleire av møta avlyste etter nyttår. Til sist vart det avgjort å gjennomføre møta digitalt, og i april, mai og juni vart det gjennomført fleire møter både i prosjekt- og arbeidsgruppene. Siste prosjektgruppemøte så langt vart halde 26. august. Det har vore lagt vekt på brei involvering frå kommunar, brukarar, verneteneste og tillitsvalde både i prosjekt- og arbeidsgrupper. Prosjektet har fått gode tilbakemeldingar på involveringa og dei prosessane som er gjennomførte. Lavik Den største endringa i framlegget til prehospital plan hausten 2019 var å ta vekk ambulansen i Lavik. Det var også den endringa prosjektet ønskte å reversere først, viss det hadde vore økonomi til det. Framlegget møtte sterk motstand, og styret bad om ytterlegare utgreiingar. Arbeidsgruppa i Lavik har vore sett saman av representantar frå kommunane Høyanger, Hyllestad og Fjaler, brukarar, verneteneste, tillitsvalte og leiinga i Helse Førde. Gruppa har 3

4 gjennomført seks møter og 11 ulike alternativ er vurderte. Alternativa er knytte til stasjonane Høyanger, Lavik og Dale, som til saman har fire døgnbilar og ein dagbil. Representantane frå kommunane, brukarar, tillitsvalde og vernetenesta i arbeidsgruppa ønskjer å behalde alle bilane som i dag. Viss det ikkje var for dei budsjettmessige konsekvensane, så hadde også arbeidsgjevarsida i Helse Førde gått for dette alternativet. Tilrådinga er å behalde døgnbilen i Lavik, og å redusere den eine døgnbilen i Dale til ein dagbil. Det medfører ein ekstra kostnad i høve til prehospital plan med om lag fire millionar kroner. Ytre Bremanger Ytre Bremanger har ein døgnambulanse, bemanna med heimevakt store delar av døgnet. Oppdraget i fase 3 var å greie ut ein einmannsbetent ambulanseressurs i området, alternativt å redusere til ein ambulanseressurs i heile kommunen. Arbeidsgruppa for Ytre Bremanger har vore sett saman av representantar frå kommunane Bremanger og Kinn, brukarar, verneteneste, tillitsvalte og leiinga i Helse Førde. Gruppa har gjennomført fem møter, og vurdert fleire sider ved ein einmannsbetent ambulanseressurs som skulle samarbeide med kommunale ressursar. I tillegg er det vurdert fleire andre alternativ. Framlegget er å flytte ressursen som var tiltenkt det einmannsbetente prehospitale tilbodet i Ytre Bremanger til Florø, og å knyte ressursen til den nye ambulansebåten som kjem der i mai Det vil gje ein fullverdig ambulansebåt i Florø-bassenget som også kan rykke ut til Ytre Bremanger. Modellen inneber ein ambulansebil i Kalvåg som kan nyttast vidare ved oppdrag på land. Båten kan også ta med lege til Ytre Bremanger, dersom eit legevaktsamarbeid mellom Kinn og Bremanger vert realisert. Brukarrepresentant frå Helse Førde ønskjer å behalde dagens ambulanse i Ytre Bremanger. Elles er det semje om tilrådinga. Alternativet er også positivt for beredskapen i sjølve Florø, og for øyane i nabokommunen Askvoll. Kostnaden med å flytte personellressursen til båten i Florø er om lag lik kostnaden for ein einmannsbetent ambulanseressurs. Hornindal/Volda Frå og med 1. januar 2020 vart Hornindal, med om lag 1150 innbyggjarar, slegen saman med Volda kommune og dermed ein del av Helse Møre og Romsdal sitt ansvarsområde. Oppdraget til arbeidsgruppa var å vurdere kva konsekvensar det har for dei prehospitale tenestene. Gruppa har vore sett saman av representant frå Stryn kommune, legevakta i Nordfjord, tillitsvalde og verneteneste og leiinga i Helse Førde. Framlegget i prehospital plan var å auke aktiv tid på dagbil både i Stryn og Eid, noko som betydde tilførsel av 1,5 årsverk begge stadar. 4

5 Gruppa har vurdert tre alternativ, og det er semje om tilrådinga som er i samsvar med prehospital plan. Dette er hovudårsakene til konklusjonen: Den samla aktiviteten for ambulansane i Nordfjord er i liten grad redusert som følgje av at Hornindal og Volda vart slegne saman. Heimevakt vert teke vekk i heile tenesta, og det vil vere unaturleg å halde fram med det på ein stasjon. Aktiviteten til dagbilen i Stryn i helgane er rett nok liten, men den er viktig i ein beredskapssamanheng både i Stryn og for Nordfjord samla. Handsaminga i prosjektgruppa Prosjektgruppa har hatt seks møter frå hausten 2020 og fram til no, og har gått gjennom og handsama rapportane frå arbeidsgruppene. Prosjektgruppa støttar konklusjonen i arbeidsgrupperapporten for Lavik. Av kvalitetsomsyn ser gruppa det som ønskjeleg å halde på dagens struktur, men grunna budsjettmessige konsekvensane er det forståing for at alternativ to vert valt. Vernetenesta og tillitsvalde ønskjer tett oppfølging av konsekvensane av å gjere ein døgnbil i Fjaler om til dagbil, og er også opptekne av Helse Førde arbeider vidare med å legge til rette for gode beredskapspunkt generelt i tenesta. Prosjektgruppa støttar tilrådingane frå arbeidsgruppene i Ytre Bremanger og Volda/Hornindal. Kommentarar Arbeidet med prehospital plan har vore omfattande og har gått over fleire år. Dei tre utgreiingane som no skal ut på høyring, er dei siste elementa i heilskapen. Det er lagt vekt på brei involvering i arbeidet, og at synspunkta til deltakarane skal kome til uttrykk i arbeidsgrupperapportane. Samstundes har det vore semje om at leiarane av gruppene er dei som skal legge fram tilrådingane. Prosjektleiar og administrerande direktør si tilråding samsvarer med tilrådingane frå arbeidsgruppeleiarane. Når det gjeld Lavik er tilrådinga å gjere ein døgnbil i Fjaler om til dagambulanse. Dette inneber ein vidare prosess med kommunane Askvoll og Fjaler, knytt til stasjonen i Dale. I Ytre Bremanger var hovudoppdraget å etablere ein ny type tilbod; einmannsbetent ambulanseressurs. Undervegs i arbeidet kom det opp eit nytt alternativ som no vert tilrådd; å flytte ressursen til den nye ambulansebåten som kjem i Florø. 5

6 Hornindal/Volda gjeld ein tredje type problemstilling; var det såpass mange oppdrag knytt til Hornindal at Helse Førde no kan redusere det prehospitale tilbodet i Indre Nordfjord? Det er konsensus i arbeids- og prosjektgruppe om at det ikkje er tilfelle. Vedlegget gjer greie for arbeidet som har vore utført, og dei vurderingane som er gjort undervegs. Utgreiingane vert no sende ut på høyring til interessentane, og det vert lagt opp til høyringsfrist 29. september, med endeleg vedtak i Helse Førde sitt styre i oktober. Konklusjon Administrerande direktør støttar tilrådingane frå prosjektleiar og arbeidsgruppeleiarane. Utgreiingane knytt til det prehospitale tilbodet i Lavik, Ytre Bremanger og Hornindal/Volda vert sende på høyring med frist 29. september Vedlegg: Høyringsdokument; Prehospitale tenester Lavik, Ytre Bremanger og Hornindal/Volda 6