Årsmelding 2015 Sogndal Turlag

Transkript

1 Årsmelding 2015 Sogndal Turlag Styret i 2015 har vore samansett slik: Leiar, Liv Norunn Hamre Nestleiar og kasserar, Leif Longvanes Styremedlem og skrivar, Anne Skaar Styremedlem, Aleksander Loftesnes Styremedlem, Marino Ask Styremedlem, Anne Rudsengen Styremedlem, Solveig Holmøyvik Varamedlem, Marte Kviberg Varamedlem, Tom Dybwad Møteaktivitet Liv Norunn Hamre var utsending på fylkesårsmøte til Sogn og Fjordane Turlag på Skei til 31. januar-1. februar. Marino Ask deltok og på årsmøtet, men som følgje av verv/oppgåver i Sogn og Fjordane Turlag. På landsmøte i Harstad deltok Marino J. Ask som styremedlem frå Sogndal turlag, og som styreleiar i Sogn og Fjordane Turlag og medlem av Landsstyret i DNT. Liv Norunn Hamre og Marino J. Ask deltok på fellessamling i regi av Sogn og Fjordane Turlag i Selje oktober. Vi heldt turleiarmøte for 13 turleiarar på Kafè Krydder 5. februar. Vi gjekk gjennom turleiarinnstruksen, og tok mellom anna opp temaet risikovurdering av turar. I år hadde vi invitert AMK til å orientere om kva som skjer når vi som turleiarar må ringe 113, og vi fekk ein nyttig og grundig gjennomgang av AMK leiar Helene Sæterdal. Det har vore gjennomført 9 styremøte i årsmeldingsperioden. Turprogrammet er naturleg nok den saka som er mest tidkrevjande for styret.

2 Aktivitet i nemnder og grupper Hyttenemndene legg ned ein flott innsats for å gje turfolket eit flott tilbod. Hyttenemnda for Grøssete har vore Jorunn Fjermestad, Torunn Aaberge, Torbjørn Stokke og Magne Eikås. Det er i haust frakta liter sekkar ved til Grøssete med helikopter, så hytta har ved i fleire år framover. Det har i årsmeldingsperioden vore 86 overnattingar og 4 dagsbesøk på hytta, dette er ein liten tilbakegang frå førre periode då talet var 91. Hyttenemnda for Råkeneset har vore Marino Ask, Dag Digernes, Nils Bjørgo og Tor Arne Hauge. Austveggen har i sommar fått ny kledning, og sørveggen er måla med linolje. Det ligg så langt ikkje føre tal for overnattingane på Råkeneset. Turpostgruppa har i 2015 vore Reni Herland, Anne Skaar og Wenche Fjørtoft. Nytt turmål i år var Flatbrehytta i Fjærland, elles er turane som før. I 2015 vart det selt 105 kort, 65 hadde henta premie den I år var premien t-skjorte med logoane til Sogndal turlag og Tur pao stien. Intersport Sogndal har selt kort og levert ut premiar. Det er lagt informasjon om Turpostane på Sogndal turlag si nettside og facebookside. Turpostgruppa har samarbeida med merkenemnda ved Kjell Vidar Johannesen og Barnas Turlag har hatt turar til 2 av turpostane i år. Vi har hatt oppteljing av registrerte besøk på postane ved slutten av sesongen (okt/nov.) Pr var det registrert besøk. Då gjensto 5 postar å telje. Ut frå fjorårstal antek vi at desse hadde minst 2500 besøk også. Nokre av dei kortare turane har hatt ein liten nedgang i registrerte besøk, men totalt sett er dette ein vesentleg auke frå i fjor då besøkstalet var knapt Tur pao stien har i år vore lagt direkte inn under Sogndal Turlag sitt budsjett. Det er ikkje søkt om midlar eksternt på vegne av Turpostgruppa i år. Kostander har vore til premiar og trykk av hefte. Inntekter kjem frå sal av turpost-hefte. Vi har hatt oppteljing av registrerte besøkande på postane ved slutten av sesongen (okt/nov. 2015). Prisar Medlemmar av DNT Ikkje medlemmar Vaksne: 150,- 200,- Barn: 100,- 150,- Merkenemnda har vore Kjell Magne Hillestad, Kjell Vidar Johansen og Tore Sviggum. Ein lang vinter med mykje snø gjorde at det vart mykje vedlikehaldsarbeid på stinettet i vår/sommar. I tillegg gjorde dei store snømengdene at ein kom seint i gang med arbeidet. Det er rydda bra opp sjølv om det nokre stader kan ligg att store tre på stien. Nokre skilt som står høgt til fjells har fått hard medfart og må fornyast, vi må vurdere om vi kan merke på annan måte på desse stadene og greie oss utan skilta.

3 I tillegg til vedlikehalds arbeidet er det merka og skilta ferdig sti frå Hølsete via Kjørdalen til Bjellastølen, og det er sett opp eit gjerde der stien går forbi Ljøtaholet. Vidare er stien frå Hølsete via Imesdal og Ølnesstølen til England merka og skilta. Stien frå Laugi og fram til Laugavatnet er grovmerka og det er sett opp skilt framme ved vatnet. Vidare er det sett opp att skilt på stien som går frå Avsølevegen og opp til Slakkafjellet. Vegen som er laga i området går rett nok gjennom stien på to stader, men vi tykkjer at stien er eit betre alternativ for dei som vil opp på Slakkafjellet enn å følge vegen opp. Det er kjøpt inn ein del skilt i løpet av året, men tilgang på SMIL midlar gjer at det meste av utgiftene til desse er dekka inn. Merkenemnda har også samarbeid med turpostgruppa. Valnemd har vore Tordis Uglum Henjum. Barnas Turlag Sogndal Barnas turlag har i 2015 vore organisert av Rita Bjelde (leiar) og Liv Norunn Hamre. Vi starta 2015 sesongen i mars med «Supersøndag 2015», der vi arrangerte aktivitetar med programslepp og hadde loddtrekking på loddane ungane hadde samla gjennom sesongen. Nytt av året var at vi har delteke på eit fellesarrangement mellom DNT og Riksteateret, der BT Sogndal stod for pinnebrødsteiking og natursti i forkant av førestillinga Per du lyver. Vi har også hatt ein fellestur med Barnas turlag i Leikanger. Turleiarar i 2015 har vore Dag Endre Stedje, John Anton Gladsø, Kjell Vidar Johansen, Eli Heiberg, Guri England, Johannes Gunvordal, Torbjørn Hasund, Liv Norunn Hamre og Rita Bjelde. Vi har framleis eit godt samarbeid med Speidaren, som har stilt med mannskap og dugnadsånd både på Kom deg ut dagen i Rindabotn i februar og hovudlyktturen i november. Vi vil fortsetje dette samarbeidet. I tillegg har vi samarbeida med Norsk Botanisk forening og Hodlekve skisenter. Utpå nyåret vert det «Supersøndag 2016» med programslepp og loddtrekking på loddane frå 2015 turane. I tillegg til annonsering i Sogn avis annonserer vi turane på BT Sogndal si Facebook side (med 210 medlemar per no) og har eiga e-post liste til dei som vil ha påminning om turar. Barnas Turlag Leikanger Barnas turlag i Leikanger har vore leia av Torbjørn Hasund. Det mestvellukka arrangementet var Kom deg ut dagen på Kleppa med supert vêr og god stemning. Lommelyktturen står att som siste tur i Vi har hatt ein fellestur med BT Sogndal. BT Leikanger har eiga facebookside for sine medlemar.

4 UNG Sogndal Turlag har vore koordinert av Marino Ask saman med ei gruppe ungdomar. Turprogrammet og gjennomføring av turane Turprogrammen blir sendt til alle hustandane i Sogndal og Leikanger Det var lagt opp til 22 fellesturar i turprogrammet. I tillegg arrangerte vi i høve 60 års jubileum for den første Flatbrehytta i Fjærland ein jubileumstur ilag med vertskapet på Øygard som driv hytta i dag. Vi arrangerte også ein fellestur med Barnas turlag. Ein skitur vart avlyst grunna dårleg vêr, medan tre fotturar vart avlyst på grunn av store snømengder i fjellet i sommar. Skitur til Vangsen står att på programmet i november. På dei 8 gjennomførte skiturane var det totalt 76 deltakarar, og på dei 8 sommarturane 126 deltakarar. I 2014 var tala 51 personar på skiturar og 176 på fotturar, men då fordelt på litt fleire turar enn i år. I tillegg har det vore arrangert onsdagspadling, og 7 av 8 turar vart gjennomført med 2-5 deltakarar. Barnas Turlag Sogndal har hatt 9 arrangement, og lommelykttur (18. nov) og nissemarsj (29. nov) står att. Alle planlagde turar er gjennomført, og på dei 7 turane så langt har vi hatt nær 100 ungar og 80 vaksne med på tur. I tillegg var det over 200 personar innom Kom deg ut arrangementet i Rindabotn i februar, og det var om lag 25 (15 ungar, 10 vaksne) innom arrangementet vi hadde ilag med Riksteateret. Vi opprettheld dei gode deltakartala frå tidlegare år. Barnas Turlag Leikanger hadde 12 arrangement på programmet, 4 av desse vart avlyst grunna vêrforhold og store snømengder i fjellet i sommar. På dei 8 gjennomførte arrangementa har det totalt vore 156 deltakarar (83 born og 76 vaksne), der Kom deg ut dagen på Kleppa samla flest med 40 deltakarar. DNT Ung Sogndal Turåret 2015 for DNT ung- laget var prega av fleire avlyste turar. Kom- deg-ut dagen i februar gjekk turen til Kambafjell i Sogndalsdalen. 7 deltakarar fekk oppleve krevjande snøtilhøve i Sogndalsdalen berre nokre dagar etter «skredlaurdagen». Kitekurset i samarbeid med Årdal Turlag si ung-gruppe hadde 2 deltakarar frå Sogndal. Fotturen til Skogadalsbøen i august hadde og 2 deltakarar frå Sogndal. Også denne ein samarbeidstur. 3 turar/ arrangement vart avlyste grunna liten eller ingen deltaking. Styret vil også i 2016 halde fram arbeidet med å tilrettelegge for ung- turar. Dette vil krevje betre marknadsføring og betre «metodar» for å engasjere og å få med ungdom ut på tur med turlaget i Sogndal og Leikanger. Auka samarbeid med andre lokale turlag, S&F Turlag og andre er aktuelt. Opptur: I tillegg til desse turane vart det gjennomført Oppturdag for 8. klasse på Kvåle skule med om lag 90 deltakarar. I år vart det også for fyrste gong arrangert Oppturdag for 8. klasse på Leikanger ungdomsskule med 51 deltakarar. Målet er å få med også Kaupanger ungdomsskule i 2016, slik at vi får med alle 8. klassar som geografisk høyrer

5 til Sogndal turlag. HMS Sogndal turlag prøver så langt det let seg gjere å organisere samkøyring når vi skal på tur. Vi har i år hatt større fokus på risikovurdering av turane våre, og dette skal vi jobbe vidare med i Vi har fokus på tryggleik på turane, og har ikkje hatt uhell så langt. Medlemstal Medlemstalet i laget er 864 per , ei auke på 16 frå Vi er det nest største turlaget i fylket etter Indre Sunnfjord turlag. Liv Norunn Hamre, Leiar.