Møteprotokoll SAKLISTE 22/14 14/521 REGULERINGSPLAN FOR SAGBRUK OG LAGEROMRÅDE PÅ DEL AV GNR. 48 BNR.1- STAVSET - ENDELEG GODKJENNING

Transkript

1 SKODJE KOMMUNE Møteprotokoll Utval: DET FASTE PLANUTVALET Møtestad: Rådhuset - formannskapssalen Møtedato: Tid: 19:00 Møtedeltakere Kjell Haukeberg Anita Ostnes Terje Vadset Torbjørn Skodjereite Gunnar Hauge Forfall meldt fra følgende medlemmer Elise Stette Kari Grindvik Følgende varamedlemmer møtte Johan Honningdal Ole Stokke Parti AP FRP FRP H KRF Parti SP V Parti SP V SAKLISTE Sak nr. Arkivsak 20/14 14/569 GODKJENNING AV PROTOKOLL 21/14 14/569 GODKJENNING AV INNKALLING OG SAKLISTE 22/14 14/521 REGULERINGSPLAN FOR SAGBRUK OG LAGEROMRÅDE PÅ DEL AV GNR. 48 BNR.1- STAVSET - ENDELEG GODKJENNING 23/14 14/292 GNR.41 BNR ARNE DIGERNES - SØKNAD OM DISPENSASJON FRÅ KOMMUNEPLAN OG PBL FRÅDELING AV NAUSTOMT 24/14 14/569 DELEGERTE VEDTAK

2 Sak 20/14 GODKJENNING AV PROTOKOLL HANDSAMING: VEDTAK: Protokoll frå møte i det faste planutvalet vart samrøystes godkjend. Sak 21/14 GODKJENNING AV INNKALLING OG SAKLISTE HANDSAMING: VEDTAK: Innkalling og sakliste vart samrøystes godkjende. Sak 22/14 REGULERINGSPLAN FOR SAGBRUK OG LAGEROMRÅDE PÅ DEL AV GNR. 48 BNR.1- STAVSET - ENDELEG GODKJENNING HANDSAMING: Ordføraren sette fram følgjande framlegg til innstilling: Kommunestyret vedtek med heimel i plan- og bygningslova 12-12, reguleringsplan for sagbruk og lagerområde på del av gnr.48 bnr.1 på Stavset slik den ligg føre, med plankart, føresegner og planomtale etter alternativ 2, datert Grunngjeving for denne tilrådinga er at ei utbygging etter alternativ 2 medfører ein liten auke i lokal aktivitet, utan at dette medføre særlege ulemper for natur og miljø. Det er også dette alternativet som ligg nærast opp til intensjonane i gjeldande kommuneplan. Utfyllande grunngjeving går fram av vedlagt notat frå ordføraren: "Grunngjeving for eigengodkjenning av reguleringsplan for sagbruk på Stavset gnr.48 bnr.1, i møte under sak 23/12". Kjell Haukeberg sette fram følgjande framlegg til innstilling:

3 Kommunestyret vedtek med heimel i plan-og bygningslova reguleringsplan for sagbruk og lagerområde på del av gnr.48 bnr.1 på Stavset slik den ligg føre, med plankart, føresegner og planomtale etter alternativ 1, datert Grunngjeving for denne tilrådinga er at ei utbygging etter alternativ 1 medfører liten auke i lokal aktivitet, utan at dette medføre særlege ulemper for natur og miljø. Dei to framlegga vart sett opp mot kvarandre. Det vart røysta. Framlegget frå Haukeberg fekk 3 røyster, ordføraren sitt framlegg fekk 4 røyster og vart vedteke. VEDTAK: INNSTILLING: Kommunestyret vedtek med heimel i plan- og bygningslova reguleringsplan for sagbruk og lagerområde på del av gnr.48 bnr.1 på Stavset slik den ligg føre, med plankart, føresegner og planomtale etter alternativ 2, datert Grunngjeving for denne tilrådinga er at ei utbygging etter alternativ 2 medfører ein liten auke i lokal aktivitet, utan at dette medføre særlege ulemper for natur og miljø. Det er også dette alternativet som ligg nærast opp til intensjonane i gjeldande kommuneplan. Utfyllande grunngjeving går fram av vedlagt notat frå ordføraren: "Grunngjeving for eigengodkjenning av reguleringsplan for sagbruk på Stavset gnr.48 bnr.1, i møte under sak 23/12". Sak 23/14 GNR.41 BNR ARNE DIGERNES - SØKNAD OM DISPENSASJON FRÅ KOMMUNEPLAN OG PBL FRÅDELING AV NAUSTOMT HANDSAMING: Rådmannens framlegg vart samrøystes vedteke. VEDTAK: Det faste planutvalet gjev i medhald av pbl 19-2 dispensasjon frå kommuneplanen og pbl 1-8 og gjev i medhald av pbl 20-1 bokstav m løyve til frådeling av ein parsell frå gnr. 41 bnr. 1 på følgjande vilkår: 1. Storleiken på parsellen vert avgrensa til 75 m2. 2. Parsellen skal nyttast til nausttomt. 3. Utbygging av parsellen skal utførast på ein slik måte at den frie ferdselen i strandsona ikkje vert hindra. 4. Tilkomst til nausttomta vert via eksisterande sjøveg/driftsveg på hovudbruket. Det må sikrast vegrett ved tinglyst erklæring. 5. Statens vegvesen må gi løyve til utvida bruk av eksisterande avkøyrsle frå FV 110.

4 6. Det må ligge føre løyve til frådeling etter jordova Det skal betalast sakshandsamingsgebyr etter gjeldande regulativ, jfr pbl Dispensasjonen er grunngitt med at tiltaket i liten grad set til side dei omsyn som ligg bak kommuneplanen og pbl 1-8. Dette vedtaket kan påklagast til fylkesmannen i Møre og Romsdal innan 3 veker frå meldinga om vedtaket er motteke i samsvar med forvaltningslova 28. Eventuell klage bør grunngjevast og sendast Skodje kommune til førebuande sakshandsaming. Sak 24/14 DELEGERTE VEDTAK HANDSAMING: VEDTAK: Delegerte vedtak vart tekne til vitande. M Ø T E T S L U T T Terje Vadset Torbjørn Skodjereite Johan Honningdal Kjell Haukeberg Anita Ostnes Gunnar Hauge Ole Stokke

5 Grunngjeving for eigengodkjenning av reguleringsplan for sagbruk på Stavset gnr.48 bnr.1, i møte under sak 23/12. SAKSOPPLYSNINGAR: Vedtak i klagesak Fylkesmannen i Møre og Romsdal opphevar vedtak om godkjenning av plan. Skodje kommunestyre eigengodkjende reguleringsplan for sagbruk og lagerområde på del av gnr.48 bnr.1 på Stavset, reguleringsalternativ 2, møte , under sak 23/12. Fylkesmannen i Møre og Romsdal har i vedtak, datert , oppheva Skodje kommunestyre sitt godkjenningsvedtak. Sak 2/14 Fylkesmannen si oppheving inneber at sak om godkjenning av reguleringsplan (godkjenningsvedtaket) må handsamast på nytt i kommunen. Nytt reguleringsvedtak må vere grunngitt for å stette lovkrava(jf. føresegna i forvaltningslova og plan-og bygningslova). Fylkesmannen si oppheving inneber at saka om godkjenning av reguleringsplan må leggjast fram for det faste planutvalet og kommunestyret på nytt for å få på plass ei grunngjeving som stettar lovkrava ( jf føresegna i forvaltningslova og plan- og bygningslova) Denne saksutgreiinga vil omhandle kommunen sine vurdering av planforslaga(alt.1 og alt.2) og merknader etter 2. gongs offentleg høyring. Fylkesmannen sine merknader til kommunen si sakshandsaming, er søkt ivaretekne gjennom saksutgreiinga. Om reguleringssaka. Forslag til reguleringsplan for dette arealet på Stavset har vore til politisk drøfting og handsaming i fleire omgangar, sist ved at det faste planutvalet i Skodje gjorde vedtak om 2. gongs offentleg ettersyn i FPUsak 2/12 av For fullstendig informasjon om bakgrunn for saka, og kommunen si tidlegare handsaming visast det til saksdokumenta, og særskilt til kommunen si saksførebuing til K-sak 7/11 frå og FPU-sak 2/12 frå , som begge er vedlagde her. Forslag til reguleringsplan er utarbeidd som følgje av at området ligg som byggjeområde med reguleringsplankrav i kommuneplanen. Reguleringsforslag for sagbruk og lagerområde på Stavset omfattar plankart, reguleringsføresegner og planbeskrivelse. Denne saksutgreiinga omfattar i hovudsak dei to reguleringsalternativa(alternativ 1 og Alternativ 2), samt planarbeidet og høyring etter 2. gongs offentleg ettersyn.

6 Det faste planutvalet gjorde , sak 2/12, følgjande vedtak: Det faste planutvalet vedtek med heimel i plan-og bygningslova 12-10, å legge forslag til reguleringsplan for del av gnr. 48 bnr.1- Sagbruk og lagerområde på Stavset, ut til 2. gongs offentleg ettersyn i 2 alternativ. Alternativ 1. Sak 2/14 Forslag til reguleringsplan for Sagbruk og lagerområde, datert , vert lagt ut til offentleg ettersyn med følgjande endringar: Industri og lager i reguleringsføresegnene, skal endrast til 3-3 Sagbruk og lager, i samsvar med føresegnene for øvrig. 2. Omfang og plassering av framtidige bygg i sagbruks og lagerområde 1, 2 og 3 skal illustrerast i plankartet. Føresegnene skal sikre at området får ei heilskapleg utforming i farge, materialval og takvinkel. 3. Reguleringsplan skal vise område for utelagring nord for sagbruket, eventuelt på den syd vestre delen av området. 4. Veg 2 skal takast ut av planen. 5. Frisiktsone vert auka slik Statens vegvesen foreslår, og endringa skal takast inn i plankart og reguleringsføresegner Sagbruk og lager. Bestemmelse om utrekningsgrunnlaget for be bygd areal(bya) skal endrast til at : grad av utnytting skal beregnast ut frå krava i teknisk forskrift(tek 10). Be bygd areal beregnes etter Norsk Standard NS 3940 Areal- og volumberegninger av bygningar, men slik at parkeringsarealet inngår i beregningsgrunnlaget etter Parkeringsareal på sagbruks, og lagerområde 1, 2 og 3, vert fastsett til minimum 5% av det totale arealet. 8. Lagerområde 3 skal avsluttast 25 m frå plangrense i sør. Arealet skal inngå i buffersone og skråningsareal, og det skal setjast særskilt krav om at arealet berre kan revegeterast med stadeigen vegetasjon.(tillegg til føresegnene 5-1). Alternativ 2. Forslag til reguleringsplan for Sagbruk og lagerområde, datert , vert lagt ut til offentleg ettersyn med følgjande endringar:

7 Industri og lager i reguleringsføresegnene, skal endrast til 3-3 Sagbruk og lager, i samsvar med føresegnene for øvrig. 2. Areal som ligg mellom veg 1 og plangrense i aust og sør, skal regulerast til LNFområde i samsvar med PBL 12-5 nr.5. Dette inneber at lagerområde 2 og 3 vert teke ut av planen, saman med veg 2 og buffersone mot nord og aust. Det skal gjennom reguleringsføresegnene setjast krav om at LNF-området skal revegeterast med stadeigen vegetasjon Sagbruk og lager. Bestemmelse om utrekningsgrunnlaget for be bygd areal(bya) skal endrast til at : grad av utnytting skal beregnast ut frå krava i teknisk forskrift(tek 10). Be bygd areal beregnes etter Norsk Standard NS 3940 Areal- og volumberegningar av bygningar, men slik at parkeringsarealet inngår i beregningsgrunnlaget etter Reguleringsplan skal vise område for utelagring nord for sagbruket, eventuelt på den syd vestre delen av området. 5. Frisiktsone vert auka slik Statens vegvesen foreslår, og endringa skal takast inn i plankart og reguleringsføresegner. Om innhaldet i det to reguleringsalternativa. Her er innhaldet i dei to planalternativa gjort nærare greie for. Alternativ 1. Sak 2/14 Alternativ 1 legg til rette for utbygging og utvikling av alle delområda, vist i plan som sagbruk- og lager, område 1, 2 og 3. Sagbruk- og lager, område 1, har ein storleik på 9.4 daa. I dette området er det i dag oppført 3 bygningar. Plankartet viser den gamle saga, eit nyare lagerbygg og eit eldre mindre materiallager på område 1. Arealet til dei eksisterande bygga er totalt om lag 730 m2. Lager område 2 og 3 er ikkje utbygd. Omfang og plassering av framtidige bygg i sagbruks og lagerområde 1, 2 og 3 er illustrert i plankartet. Føresegnene sikrar at området får ei heilskapleg utforming i farge, materialval og takvinkel. Utelagring skal hovudsakleg skje nord for sagbruket, eventuelt på den syd vestre delen av området. Parkeringsareal på sagbruks, og lagerområde 2 og 3, er fastsett til minimum 5% av det totale arealet.

8 Alternativ 2. Alternativ 2 legg til rette for utbygging og utvikling av sagbruk- og lager område 1. Sagbruk- og lager, område 1, har ein storleik på 9.4 daa. I dette området er det i dag oppført 3 bygningar. Plankartet viser den gamle saga, eit nyare lagerbygg og eit eldre mindre materiallager på område 1. Arealet til dei eksisterande bygga er totalt om lag 730 m2. Areal som ligg mellom veg 1 og plangrense i aust og sør, er regulert til LNF-område i samsvar med PBL 12-5 nr.5. Det er gjennom reguleringsføresegnene sett krav om at LNF-området skal revegeterast med stadeigen vegetasjon. Omfang og plassering av framtidige bygg i sagbruks og lagerområde 1 er illustrert i plankartet. Føresegnene sikrar at området får ei heilskapleg utforming i farge, materialval og takvinkel. Utelagring skal hovudsakleg skje nord for sagbruket, eventuelt på den syd vestre delen av området. Reguleringsforslag til 2. gongs offentleg høyring. Forslag til reguleringsplan låg ute til 2. gongs offentleg høyring i perioden frå til I perioden er det kome inn uttalar til saka, som er samanfatta her. For utfyllande opplysningar om innhaldet, visast det til vedlagde saksdokument. Rådmannen si vurdering følgjer fortløpande. Statens vegvesen Region midt har i sin uttale, datert , ingen merknad til reguleringsframlegga. Fylkesmannen i Møre og Romsdal har i sin uttale, datert , ut frå sine ansvarsområder ikkje merknader til planforslaga, og kommunen kan såleis godkjenne plan. Ørnulf Rasmussen representerer naboar til tiltakseigedomen. Adv. Rasmussen viser i brev, datert , til dei utlagde planforslaga og slutter seg til alternativ 2. Ein bed om følgjande presisering i føresegnene: Det kan etablerast lagerverksemd for sagbruksverksemda. Linda Stavset er tiltakshavar og uttalar seg til saksgangen og planalternativa i brev, datert Uttalen frå Stavset er samanfatta. For fullstendig oversikt over innhaldet i denne, visast det til vedlagt uttale. Stavset har frå sin ståstad opp summert saka, og kome med slike merknader til dei to planalternativa:

9 Alternativ 1: Linda Kristin Stavset påpeikar i sin høyringsuttale, datert ,at dei som tiltakshavarar er mest tent med det planalternativet som vart utlagt til offentleg ettersyn av Kommunestyret i sak7/11,frå Dette plan alternativet vart justert noko i samband med at det vart sett vilkår for 2. gongs offentleg ettersyn i FPUsak2/12. Alternativ 1 med endringar(jf.fpu-sak2/12),reduserer tomtearealet og regulerer buffersoner. Samstundes som verknadene på natur, miljø og omgjevnadane vert mindre enn i planforslaget til tiltakshavar, vil dette alternativet få vesentlege følgjer for grunneigar. Konsekvensen av alternativ 1 er mindre aktivitet og færre bygningar. Dette vil få ein redusert lokal aktivitet, som for tiltakshavar vil få ein økonomisk verknad. Sjølv om reguleringsalternativ 1, slik det ligg føre her vil få ein økonomisk verknad for tiltakshavar sett i høve til tiltakshavar sitt opprinnelege ønskje, meiner rådmannen at vil dette reguleringsalternativet vil vere meir i samsvar med intensjonen i kommuneplanen, som legg til grunn ein avgrensa bruk av det aktuelle området. Alternativ 2: Alternativ 2 gjev i praksis berre rom for eksisterande sagbruksverksemd i området og skil seg slik i stor grad frå tiltakshavar sitt opprinnelege forslag om utviding. Sjølv om forslaget illustrerer eit mogeleg lagerbygg til, er om lag halve planområdet lagt ut til LNF-område som skal revegeterast med stadeigen vegetasjon. Med bakgrunn i at dette er eit område der det er tatt ut fjell- og steinmassar, tyder forslaget at området etter kvart vil bli tilbakeført til eit skogsområde med moderat produksjonsevne. Følgjene av alternativet blir at området vert mindre synleg i landskapet på sikt, og verknadene av aktiviteten vert mindre. Ei korrigering av alternativ 2, med ei presisering om at det berre kan etablerast lagerverksemd for sagbruksverksemda, vil avgrense bruken av området ytterlegare for tiltakshavar. Konsekvensane av alternativ 2, vil for tiltakshavar vere ein reguleringsplan som ikkje gjev rom for næringsutvikling i planområde 2 og 3. Alternativet vil få større økonomiske konsekvensar for tiltakshavar enn det alternativ 1 representerer. Dersom reguleringsalternativ 2 skal veljast framføre alternativ 1, må kommunen grunngi kvifor. Linda Stavset viser til kravet om at lager område 2 og 3 i følgje reguleringsalternativ 2 er sett til LNF-område. Alternativ 2 set i følgje tiltakshavar ein stoppar for utviklinga i området og strir mot kommunensine tidlegare vedtak og planar for området.

10 Linda Stavset ønskjer at planforslaget som vart utlagt til offentleg høyring i perioden frå til , skal vere eit alternativ vidare. Rådmannen må i denne saka vurdere om reguleringsalternativ 1 slik dette ligg føre , vil medføre vesentleg større ulempe for naboar i området, enn det regulerings altenativ 2 gjer. Alternativ 1 inneber ei utbygging av delområde 2 og 3, i tillegg til den verksemda som er på delområde 1 i dag. Planforslaget opnar for oppføring av 2 nye lagebygg. Det er sett krav om utnyttingsgrad på 25 %BYA, der 5% av det totale arealet skal nyttast til parkeringsareal. Rådmannen har i saksutgreiinga til sak 2/12 vedkommande 2. gongs offentleg høyring, påpeika at Veg 2 bør takast ut av planen, då vegutløysinga til lagerområde 2 kan løysast gjennom ein felles tilkomst til lager område 3 og lagerområde 2. Jf. pkt. 4 i vedtak i FPU-sak 2/12 frå Spørsmålet om buffersone er nære drøfta i FPU sak 2/12 frå Det er ikkje uvanleg at det vert sett krav om buffer mellom ulike arealføremål. Kravet om buffersone mellom gnr.48 bnr.1 og lagerområde 3 er i samsvar med pkt. 8 i vedtaket. Vedtaket er også i tråd med tilrådinga frå fylkesmyndigheitene. Alt areal kan omsetjast. Reguleringsplan fastset juridisk bindande arealbruk for areal, uavhengig av kven som til ei kvar tid er eigarar. I bestemmelsane til planen er det sett krav om at terreng og vegetasjon skal oppretthaldast som ei skjerming mot området, både for innsyn og evt. støyulemper. Terrenget skal utformast slik at det kan tilbakeførast vekstlag for tilgroing. Når det gjeld spørsmålet om utnyttingsgrad, er dette også drøfta i rådmannen si saksutgreiing til FPU sak 2/12 frå Kommunestyret fatta vedtak om utnyttingsgrad inntil 25 % BYA. I tiltakshavar sitt forslag til reguleringsplan som vart utlagt til offentleg høyring var BYA = 25%. Når det gjeld krav om areal til parkering på sagbruk - og lagerområde 2 og 3, bør dette fastsetjast i føresegnene til planen. Skodje kommune har ikkje særskilde bestemmelsar for omfang av parkeringsareal knytt til lagerføremålet. Gjennom FPU-sak 2/12 er det difor til at andel parkeringsareal i område 2 og 3 vert fastsett til minimum 5% av det totale arealet. Møre og Romsdal fylkeskommune har uttala seg til saka gjennom to brev, datert og I brevet av heiter mellom anna: «Mens det i alternativ 1 blir føreslått ei utviding mot aust, blir det i alternativ 2 føreslått ein arealbruk som i stor grad er i samsvar med gjeldande kommuneplan.

11 Vi vil i utgangspunktet anbefale at ein legg alternativ 2, som er i samsvar med overordna plan, til grunn for vidare planarbeid og eigengodkjenning». Fylkeskommunen har motsegn til planen inntil referanse til Norsk standard er teke ut av føresegnene og erstatta med ein konkret definisjon. I brevet peikar fylkeskommunen også på at ein frå kommunen si side har konsentrert utgreiinga berre av alternativ 1, og at ein må vurdere begge planane si verknad på reguleringsnivå. Og vidare heiter det at når ein skal vurdere verknadane av dei ulike alternativa,»rår vi i tillegg til at ein vurderer ei eventuell tilbakeføring til LNF for delar av arealet (0-alternativ)» Konklusjon frå brev av «Vi vil i utgangspunktet anbefale at ein legg planforslag 2, som er i samsvar med overordna plan, til grunn for vidare planarbeid og eigengodkjenning». I nytt brev nokre dagar seinare den , seier fylkeskommunen seg lei for at dei peikte på det eine alternativet framfor det andre, då begge alternativa avvik frå kommuneplanen. «Når det gjeld planomtalen, er vårt poeng at begge alternativa må utgreias som reelle alternativ med dei verknader dette utløyser». Møre og Romsdal fylkeskommune påpeikar i sin uttale at begge planalternativa avvik frå kommuneplanen. I samband med utarbeiding av kommuneplan for Skodje vart byggjeområdet teke inn, som følgje av eit grunneigarinnspel. Området fekk status som lagerområde og ikkje eit fullverdig næringsområde forretning/industri/lager). Det er ikkje framført tekniske anlegg til planområdet på Stavset. Området manglar offentleg vassforsyning og offentleg avlaupsanlegg. Manglande tilgang til sikker brannvassforsyning var eit vektig argument i samband med val av arealbruksføremål for det aktuelle arealet i kommuneplanarbeidet. I kommuneplanen er det ikkje lagt spesielle føringar for arealutnyttinga innanfor lagerområdet, ut over at det er sett eit generelt plankrav for byggjeområdet. Planområdet er ikkje nemnt i tekstdelen til kommuneplanen sin arealdel. Området har likevel status som lagerområde i plankartet, utan at innhaldet i lagerbegrepet er nærare gjort greie for.

12 Kommuneplanen er utarbeidd i målestokk 1: Planen er grovmaska, noko som inneber at det er gjennom reguleringsplanarbeidet, at kommunestyret og det faste planutvalet skal fastleggje detaljerte føringar for den framtidige arealutnyttinga i byggjeområdet. Planomtalen som fylkeskommunen her viser til, er no endra, og vurdering av verknader av alternativ 2 er teke inn. Når det gjeld motsegn, er reviderte føresegner til begge reguleringsalternativa endra slik at dei oppfyller krava. Møre og Romsdal fylkeskommunen har i brev, datert , trekt si motsegn, og fylkeskommunen, og heller ikkje andre sentrale fagmyndigheiter har no merknader til saka, og samtykkjer i at kommunen kan eigengodkjenne reguleringsplan for del av gnr.48 bnr.1-sagbruk og lagerområde på Stavset slik den ligg føre. Dette gjeld uavhengig av kommunen sitt val av alternativ for arealbruk. Utdrag av gjeldande arealplan Arealbrukskonflikter. Ei av kommunen sine målsetjingar, er å legge til rette for eit betre miljø. Eit tiltak i dette arbeidet, vil vere å sikre at buområda vert planlagt med tanke på å unngå støy, støvplager, forureinsing og interessekonflikter. I forslag til arealplan har ein forsøkt å unngå arealbrukskonflikter gjennom samlokalisering av arealinteresser Næringsareal. Det er godkjend etablering av 2 nye næringsområder på Digernes. Totalt er det planlagt 420 daa næringsareal nord for europaveg 39/136. Arealet er regulert, og opparbeiding av områda er i gang. Skodje kommune ønskjer å prioritere desse områda til verksemd. Aktiviteten er av stor verdi for utviklinga i kommunen, og vil m.a. vere med på å auke talet på arbeidsplassar samt å styrke Skodje sentrum/skodjebygda som attraktivt oppvekst og buområde. Det er så langt kommunen ser det, ikkje behov for å legge til rette for nye områder for næring, i nokon del av kommunen, i denne planperioden Industriareal. I Skodje kommune er det i dag, ledige opparbeidde industritomter m.a. på Håhjem og Stette. Desse områda er regulerte og ein ser ikkje grunn for å utvide desse områda i denne kommuneplanperioden.

13 Krinsane. Prinsippet om at utbygging i størst mogleg grad skal lokaliserast til eksisterande grender, er lagt til grunn. Ein har lagt tilrette for spreidd bustadbygging innafor nokre av LNF-områda. Det er i planen sett av areal til framtidige bustadområde. Stafset 7 nye hus. Konklusjon Det er gjennomført høyring av reguleringsalternativ 1 og 2. Statleg mynde, berørte partar og naboar til planområdet har uttala seg til reguleringsforslaga. Planomtalen er omarbeidd, slik at verknader av dei ulike alternativa er teke med. Dette er i samsvar med Møre og Romsdal fylkeskommune sitt krav. Etter høyring og etter avklaring av motsegnsspørsmålet, er det no opp til Skodje kommunestyre som øvste planmynde, å vedta reguleringsplan. Forvaltningslova og plan og bygningslova set krav til den kommunale sakshandsaminga. Saksutgreiinga skal klargjere kva omsyn og vurderingar kommunen har lagt vekt på, og korleis desse er vekta. Det må kome klart fram at kommunen har utført ei interesseavveging og vurdert konsekvensar, fordeler og ulemper på ein tilstrekkeleg god og relevant måte. Rådmannen pliktar i denne saka å vurdere ulemper av begge reguleringsalternativa. Tiltakshavar vil ha fordel av ei utnytting jf. alternativ 1, medan naboar i området ikkje ønskjer ytterlegare etableringar i området. På den andre sida vil alt. 2, som legg opp til mindre aktivitet og færre bygningar, vere meir i samsvar med naboane si interesse, medan dette alternativet vil få vesentlege konsekvensar for tiltakshavar. I gjeldande kommuneplan - arealdelen, er det om søkte planområdet avsett til utbyggingsområde for lager. I kommunal planstrategi er det m.a. uttrykt at kommunen bør arbeide for ei utvikling av næringslivet, for å medverke til vekst og ei auke i talet på arbeidsplassar. Ei utbygging av lagerbygg på det om søkte området, vil vere med på utvikle næringslivet ved at det kan etablerast eit tilbod om tilgjengeleg lagerareal i kommunen. Ingen av reguleringsalternativa opnar for særleg auke i talet på arbeidsplassar, og opnar heller ikkje for publikumsretta verksemder.

14 I kommuneplanen er det vidare lagt til rette for etablering av nye bustader innanfor LNF-B området. Det aktuelle bustadarealet ligg nord for fylkesvegen, og såleis rett nord for omtalte område, og vidare i tilknyting til eksisterande bustader på Stavset. I saksutgreiinga ovanfor, er det forsøkt å gjere nærare greie for konsekvensane av dei ulike reguleringsalternativa, og ei vurdering av dei ulike alternativa ut frå omsynet til tiltakshavar, naboar og partar i området og kommunen sjølv. Sakshandsamingsreglane i forvaltningslova og plan og bygningslova krev m.a. at det skal kome fram av saksutgreiinga kva omsyn kommunen har lagt vekt på og kva vekt dei ulike omsyna har fått. Alternativ 1 er ei korrigering av tiltakshavar sitt første forslag, og legg til rette for utbygging og utvikling av 3 delområder, vist i plan som sagbruk- og lager, område 1, 2 og 3, medan Alternativ 2 berre opnar for utbygging og utvikling av sagbruk- og lager område 1. Reguleringsforslaget har vore gjennom omfattande omarbeiding i høve til forslagstillaren sitt opprinnelege forslag. I saksutgreiinga ovanfor er verknadene av dei to reguleringsalternativa sett opp mot kvarande. Rådmannen konkluderer i denne saka med at alternativ 1 med endringar(jf. FPU-sak 2/12), er tomtearealet og utnyttingsgraden redusert og det er innarbeidd buffersoner til tilgrensande areal. Reguleringsforslaget medfører etter alt å dømme liten auke i lokal aktivitet, og har ikkje særlege verknader for natur og miljø. Dette reguleringsalternativet er ikkje i samsvar med naboane si tilråding, og heller ikkje i samsvar med grunneigar sitt ønskje for området. Rådmannen held likevel fast at forslag til reguleringsplan for Sagbruk og lagerområde bør vedtakast av Skodje kommunestyre i samsvar med alternativ 1: Rådmannen tilrår med heimel i plan og bygningslova 12-12, at reguleringsplan for Sagbruk og lagerområde på del av gnr.48 bnr.1 på Stavset slik den ligg føre, med plankart, føresegner og planomtale etter alternativ 1, datert Grunngjeving for denne tilrådinga er at ei utbygging etter alternativ 1 medfører liten auke i lokal aktivitet, utan at dette medføre særlege ulemper for natur og miljø. Rådmannen har innstillingsrett og ikkje innstillingsplikt i reguleringssaker. Rådmannen vel her å legge dei to planalternativa fram for endeleg handsaming i politisk utval utan innstilling.

15 I arbeidet fram mot vedteken kommuneplan vart det halde folkemøte i krinsane. Slik også på Stette. Der kom det fram tankar om rorbuer og hytteområder på Stavset, noko som også fekk plass i den vedtekne planen. Innspel frå innbyggjarar og grunneigarar er viktige for å skape utvikling i kommunen. Politikarane si oppgåve er å lage forutseielege planar, der dei ulike interessene vert balanserte og sjå til at det vert sett av nok areal til både bustadbygging, industri og rekreasjon- utan at det vert interessekonflikter. Når det gjeld sagbruket på Stavset vert det frå alle hald hevda at det er viktig at sagbruket får bestå og utvikle seg vidare. I kommuneplanen sin arealdel er det også sett av eit område rundt saga på Stavset for å gi rom for naturleg utvikling av sagbruket. Som kjent er det ymse bokstavkodar for å vise kva arealet skal nyttast til, og det aktuelle området har fått ein L. I samfunnsdelen er ikkje dette området omtala. Derimot er det omtala kvar i Skodje vi skal ha næringsareal og i pkt står det : «Det er så langt kommunen ser det ikkje behov for å legge til rette for nye områder for næring i nokon del av kommunen». At det i tekstdelen ikkje er omtala kva tanken bak L-en på Stavset saga var, er uheldig og det vitnar denne saka om. Når kommuneplanen vart vedteken, meinte kommunestyret og ha sikra at Stavsetsaga hadde areal til å bestå og utvikle seg vidare. Med andre ord, ein forutseieleg plan både for grunneigar og innbyggarar på Stavset. I same området har det og vore masseuttak i lang tid. Fristen for å stelle til området har vore utvida fleire gonger. I mars 2008 vart det sendt nabovarsel i samband med at grunneigar ønskte å setje opp lager for ved og trelast. I samband med oppføring av lager vart det søkt om dispensasjon frå kommuneplanen. Møre og Romsdal Fylke anbefalte den gong kommunen å vurdere om det skulle gjevast fritak frå krav til regulering av området og eventuelt når eit slikt plankrav skulle utløysast. Det vart vidare nemnt moglegheitene for framtidige ønskjer om bruksendringar, noko som utifrå planfaglege vurdering kunne føre til uheldige konsekvensar for omgjevnadane. Lagerbygget som er reist, vart reist på dispensasjon og utløyste krav om reguleringsplan for området, inklusiv området for masseuttak.

16 Framlegg til innstilling: Det faste planutvalet tilrår med heimel i plan-og bygningslova 12-12, at reguleringsplan for Sagbruk og lagerområde på del av gnr.48 bnr.1 på Stavset slik den ligg føre, med plankart, føresegner og planomtale etter alternativ 2, datert Grunngjeving for denne tilrådinga er at ei utbygging etter alternativ 2 medfører ein liten auke i lokal aktivitet, utan at dette medføre særlege ulemper for natur og miljø. Det er også dette alternativet som ligg nærast opp til intensjonane i gjeldande kommuneplan.