GLOPPEN KOMMUNE ADMINISTRASJONSUTVALET

Transkript

1 GLOPPEN KOMMUNE ADMINISTRASJONSUTVALET MØTEINNKALLING Møtedato: Møtestad: Heradshuset Møtetid: Kl. 09:00 Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 26. mai 2016 Bjarte Gangeskar utvalsleiar Rita Lilletvedt personalsjef

2 SAKLISTE: Sak nr. Sakstittel 005/16 Godkjenning av møtebok, innkalling og sakliste 006/16 Referat og orienteringssaker 007/16 Orientering om tariffoppgjeret /16 Orientering om arbeidet med løysing av ikt-problema i kommunen 009/16 Digitaliseringsstrategi for Nordfjordkommunane /16 Felles landbruksforvaltning for kommunane Eid og Gloppen

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Administrasjonsutvalet /16 Avgjerd av: Administrasjonsutvalet Saksbehandlar: Jan Kåre Fure Arkiv: 033 Objekt: Arkivsaknr.: 16/743-1 Godkjenning av møtebok, innkalling og sakliste Møteboka frå adminisatrasjonsutvalet sitt møte den 14. april i år blir lagt fram til godkjenning. Samstundes ber leiaren i utvalet om godkjenning av innkallinga og saklista til dette møtet. UTVALSLEIAREN SI TILRÅDING: 1. Administrasjonsutvalet godkjenner møteboka frå sitt møte den 14. april Administrasjonsutvalet godkjenner innkallinga og saklista til møtet den 2. juni 2016.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Administrasjonsutvalet /16 Avgjerd av: Administrasjonsutvalet Saksbehandlar: Rita Arlen Lilletvedt Referat og orienteringssaker Arkiv: 033 Objekt: Arkivsaknr.: 16/742 Refererte skriv og meldingar: Det er så langt ingen referat eller orienteringssaker. Ordet fritt RÅDMANNEN SI TILRÅDING: Rådmannen legg ikkje fram tilråding i saka.

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Administrasjonsutvalet /16 Avgjerd av: Administrasjonsutvalet Saksbehandlar: Rita Arlen Lilletvedt Orientering om tariffoppgjeret 2016 Ingen vedlegg. Objekt: Arkiv: 512 Arkivsaknr.: 15/ Bakgrunn for saka: KS og forhandlingssamanslutningane har etter forhandlingar kome fram til ei løysing ved tariffrevisjonen Alle partar, henholdsvis KS, LO Kommune, Unio, YS Kommune og Akademikerne Kommune har anbefalt forslaget, og resultatet er no sendt ut til uravstemming med frist måndag 30.mai kl Det er formannskapet som avgir Gloppen kommune si røyst. Dei behandla saka i møte 23.mai, med vedtak om å godkjenne forslaget. Innhaldet i forslag til løysing: Forslaget har ei økonomisk ramme på 2,4% for 2016 og 2,2% for Dette er det same som anslaget for årslønnsveksten i frontfaget. Partane er enige om sentrale tillegg både for 2016 og Tillegga blir gitt med verknad frå og Det blir vidare avsett midlar til lokale forhandlingar på 0,9% pr Storleiken på lønnstillegga vil variere avhengig av stillingsgruppe og ansiennitet. Leiarar i kapittel 4 blir gitt eit lønnstillegg på 2,4% pr og 2,0% pr I tillegg er leiarlønnsreglane i kapittel 3.4 utvida med ein ny forhandlingsregel for mellomleiarar. Partane er einige om å samordne stillingsgruppene med krav til høgskule- og universitetsutdanning. Vidare er det oppretta ei ny stillingsgruppe for fagarbeidarstillingar med ytterlegare eitt års relevant fagskuleutdanning. Det blir innført ansiennitetstillegg ved 16-års ansiennitet i alle stillingsgrupper. Innfasinga skjer over to år. Den G-regulerte lønnsgarantien for 20-års ansiennitet er erstatta med ein sikringsregel partane sjølv regulerer. Partane vil arbeide vidare med framtidig tenestepensjon i tariffområdet. Det er også semje om tiltak som skal bidra til heiltidskultur. I tillegg er delar av sjukelønnsreglane blitt noko forenkla og klargjort.

6 RÅDMANNEN SI TILRÅDING: Administrasjonsutvalet tar saka til orientering.

7 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet Kommunestyret Administrasjonsutvalet /16 Avgjerd av: Kommunestyret Saksbehandlar: Geir Liavåg Strand Objekt: Arkiv: 056 Arkivsaknr.: 14/ Orientering om arbeidet med løysing av ikt-problema i kommunen Ingen vedlegg. Bakgrunn for saka Hausten 2014 starta rådmannen arbeidet med å rette opp ikt-problema i kommunen. Dette var etter ei klar bestilling frå dei folkevalde og dei tilsette. Rådmannen har orientert om framdrifta i arbeidet i kommunestyresakene 070/14 og 028/15. Dette er ei oppfølging av desse to orienteringane og viser status i arbeidet per mai Status for arbeidet per mai 2016 Arbeidet med å klargjere ansvarsdelinga mellom Nordfjordnett og kommunane er starta opp og ny tenesteleveranseavtale vil vere klar hausten I denne avtalen vil det vere opning for at kommunane kjøper tenester på ulikt nivå frå Nordfjordnett. Avtalen kjem til politisk behandling i kommunestyra i Nordfjord hausten Bygging av fibernett til alle kommunale einingar er fullført og nettet sett i drift. Oppgradering av det lokale nettet (både trådlaust og med tråd) i alle kommunale einingar er fullført og sett i drift. Dei dårlegast pc-ane i kommunen er skifta ut med nye pc-ar slik at tilsette no kan nytte seg av dei ikt-løysingane vi har i drift. I er det investert 10,4 mill kroner til dette arbeidet. Etterslepet på utskifting av ikt-utstyr er dermed lukka. Rådmannen vil likevel peike på at behovet for utskifting av ikt-utstyr er konstant sjølv om kommunen no har dekka etterslepet som hadde oppstått fram til Dette fordi ikt-løysingane mot innbyggjarar og internt i kommunen stadig vert meir avanserte og krev meir datakraft. Hovudfokuset framover vert kompetanseheving på bruk av ikt-verktøy. Kommunen har fått kr i støtte til ikt-opplæring for alle tilsette innan helse og omsorg. Denne opplæringa startar opp i september 2016 i regi av Folkeuniversitet i Sogn og Fjordane. Arbeidet med ein felles datatryggleiksplan for Nordfjord er starta opp og planen er forventa ferdig hausten Oppsummering Kommunen har sluttført arbeidet med utbygging av datanettverk og har lukka etterslepet på utskifting av gammalt ikt-utstyr. Rådmannen vil halde fram arbeidet med kompetanseheving innan ikt for alle tilsette i kommunen. Rådmannen vil peike på at behovet for utskifting av iktutstyr er konstant.

8 RÅDMANNEN SI TILRÅDING: Kommunestyret tek saka til orientering.

9 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Administrasjonsutvalet /16 Formannskapet Kommunestyret Avgjerd av: Kommunestyret Saksbehandlar: Geir Liavåg Strand Objekt: Arkiv: 056 Arkivsaknr.: 15/770-5 Digitaliseringsstrategi for Nordfjordkommunane Vedlegg: Dok.nr Tittel på vedlegg Framlegg til revidert digitaliseringsstrategi for Nordfjordkommunane Framlegg til revidert IKT-strategi for Nordfjordkommunane Bakgrunn for saka: Nordfjordkommunane har samarbeidd tett om digitalisering dei siste åra. Strategien for dette arbeidet har vore politisk forankra i alle kommunane. Det er no utarbeidd ein revidert digitaliseringsstrategi og ein revidert IKT-strategi for som med dette vert lagt fram til politisk behandling i dei sju Nordfjordkommunane. Digitaliseringsstrategien vert lagt fram for politisk behandling, medan IKT-strategien er lagt ved til orientering. Saksutgreiing: Digitaliseringsstrategien viser Nordfjord-kommunane sine mål og strategiar på korleis tenester og informasjon skal vere tilgjengeleg digitalt for både innbyggjarar og tilsette i kommunane. Strategien er basert på godkjente kommuneplanar og andre føringar frå kommunane, myndigheiter og andre offentlege instansar. Basert på Digitaliseringsstrategien er det utarbeida ein IKT-strategi med dei teknologiske tilhøve knytt til IKT. IKT-strategien er strukturert med skildringar av dei teknologiske områda med tilhøyrande konkretisering av mål og strategiske aktivitetar for gjeldande strategiperiode. Det er viktig å skilje mellom digitaliseringsstrategi og IKT-strategi. Ein digitaliseringsstrategi har fokus på korleis IKT kan gjere tilgangen til tenester og informasjon lettare - og slik bidra til at vi arbeider smartare - medan ein IKT-strategi legg vekt på teknologiske føringar og kompetansebehov innanfor IKT området. Digitaliseringsstrategien er det overordna og politiske styringsdokumentet, medan IKTstrategien skal vere det operative styringsdokumentet, og IKT-handlingsplanane skal dekke dei operative tiltaka. For å sikre samanheng gjennom dei ulike nivåa i strategidokumenta er det sett referansar i IKT-strategien til Digitaliseringsstrategien, og i IKT-handlingsplanane til IKT-strategien. Basert på IKT-strategien skal det utarbeidast IKT-handlingsplanar for gjennomføring av definerte prosjekt, og andre ikkje-prosjektrelaterte tiltak. Digitaliseringsstrategien for baserer seg på "Digitaliseringsprogram for Nordfjordkommunane " og erstattar attverande gyldigheitstid for denne, samt ei

10 utviding til år Strategien skal bygge på dei gjeldande kommuneplanane og andre føringar og behov som er kome fram gjennom strategiarbeidet. I tillegg gjeld alle relevante lover, reglar og forskrifter relatert til datahandsaming. Digitaliseringsstrategien dannar grunnlaget for vidare utvikling av IKT-strategien og IKT-handlingsplanar. Digitaliseringsstrategien innrettar seg også etter behovet for eit meir samlande grep om IKTutviklinga i kommunesektoren. Ein viktig faktor her er å kunne legge til rette for betre samordning ovanfor staten og mellom kommunane. Ei rekkje sentrale dokument peikar på dette: Regjeringa sitt digitaliseringsprogram lagt fram i april 2012, i NOU 2013:2 "Hindre for digital verdiskaping", Stortingsmelding 23: "Digital agenda for Norge" og KS sine vedtak knytt til oppretting av Program for IKT-samordning i kommunesektoren (KommIT). Økonomiske konsekvensar for kommunen: På lang sikt skal digitalisering føre til betre og billegare tenester, men på kort sikt vil det koste pengar å etablere nye løysingar. Rådmannen si vurdering: Kommune-Noreg står overfor store oppgåver når det gjeld digitalisering av dei kommunale tenestene. Digitaliseringsstrategien som no blir lagt fram til godkjenning, er etter rådmannen si vurdering eit godt utgangspunkt for arbeidet som vi er i gang med, men som det framleis står mykje att av. Skal vi følgje opp dei sentrale føringane for digitalisering av det offentlege, må det settast av ressursar til dette både på mannskapssida og når det gjeld løyvingar. Det same gjeld for oppfølginga av IKT-strategien. Desse løyvingane må avklarast i dei årlege budsjetta. --- Rådmannen legg opp til politisk godkjenning av digitaliseringsstrategien, medan IKTstrategien blir godkjent administrativt. RÅDMANNEN SI TILRÅDING: Kommunestyret godkjenner «Digitaliseringsstrategi for Nordfjordkommunane » slik den ligg føre. Kommunestyret tar IKT-strategien for Nordfjordkommunane til orientering.

11 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr MULTEK-utvalet /16 Administrasjonsutvalet /16 Kommunestyret Avgjerd av: Kommunestyret Saksbehandlar: Trine Alme Objekt: Arkiv: 002 Arkivsaknr.: 16/563-6 Felles landbruksforvaltning for kommunane Eid og Gloppen Vedlegg: Dok.nr Tittel på vedlegg Avtaleframlegg felles landbrukskontor Eid og Gloppen Bakgrunn for saka: 21. januar i år fekk Gloppen kommune førespurnad frå Eid kommune om utgreiing av felles landbruksteneste for Eid og Gloppen kommunar. Spørsmålet kom opp etter at kommunestyret i Eid på sitt møte den 17. desember 2015 bad om å få utgreidd felles landbruksteneste med t.d. Gloppen, Hornindal og Stryn som alternativ til å styrke eigen organisasjon på landbruk. Saksutgreiing: Saka er no utgreidd og eit utkast til avtale om administrativt vertskommunesamarbeid på landbruksområdet er klart. Det er tenkt at kommunane skal få eit felles landbrukskontor med tenester innan jord- og skogbruk, viltforvalting og miljø. Gloppen kommune er vertskommune og Eid kommune er samarbeidskommune. Avtalen er heimla i Kommunelova 28-1b om administrativt vertskommunesamarbeid: 1. En kommune (samarbeidskommune) kan avtale med en annen kommune (vertskommune) at vertskommunen skal utføre oppgaver og treffe avgjørelser etter delegert myndighet fra samarbeidskommunen i enkeltsaker eller typer av saker som ikke er av prinsipiell betydning. 2. Bestemmelsen i nr. 1 gjelder tilsvarende for vertskommunesamarbeid mellom fylkeskommuner. 3. Delegasjon av myndighet som nevnt i nr. 1 skjer ved at kommunestyret eller fylkestinget selv gir instruks til egen administrasjonssjef om delegasjon til administrasjonssjefen i vertskommunen. 4. Folkevalgte organer i vertskommunen har ikke instruksjons- eller omgjøringsmyndighet der delegasjon er skjedd i samsvar med nr. 3.

12 5. En samarbeidskommune kan gi vertskommunen instruks om utøvelsen av den delegerte myndighet i saker som alene gjelder samarbeidskommunen eller berørte innbyggere. 6. For vedtak vertskommunen treffer etter delegasjon fra en samarbeidskommune, har samarbeidskommunen samme omgjøringsmyndighet som etter forvaltningsloven 35 første ledd. Namnet på samarbeidet er Landbrukskontoret for Eid og Gloppen. Føremålet er å skape eit sterkt landbruksfagleg miljø, og eit framtidsretta næringskontor til beste for landbruket og samfunnet. Landbrukskontoret for Eid og Gloppen skal vere lokalisert på heradshuset i Gloppen, og landbrukskontoret skal ha inntil to faste kontordagar i veka på rådhuset på Eid. Elles vert det kontordagar etter behov i Eid. På avtaletidspunktet bidreg Eid kommune med 1,5 årsverk, medan Gloppen kommune bidreg med 3,8 årsverk inn i vertskommunesamarbeidet. Landbrukssjefen i Gloppen skal ha det administrative og faglege ansvaret for landbrukskontoret. Plan- og utviklingssjefen i Eid skal framleis ha ansvar for landbruksområdet i Eid kommune. Ved nytilsetting skal stillinga leggast til Gloppen kommune. Landbrukskontoret skal utføre oppgåver og treffe avgjersler i dei sakene som inngår i avtalen. Saker av prinsipiell karakter må behandlast i den kommunen saka gjeld. Av prinsipiell karakter er meint mellom anna avgjersler som har økonomiske følgjer for deltakarkommunane og vedtak av overordna planar av strategisk karakter. Oppgåver som ligg til landbrukskontoret er rådgjeving, rettleiing og informasjon til brukarane, delta i planprosessar, gje uttale, behandle og ta avgjerd i saker innanfor landbrukskontoret sitt ansvars- og arbeidsområde. Regelverksforvaltning innan følgjande lover med forskrifter er lagt til landbrukskontoret: konsesjonslova, jordlova, skogbrukslova, viltlova, hundelova, forureiningslova, motorferdselslova, naturmangfaldslova, lov om forpakting og lov om ymse beitespørsmål. Samt saker som gjeld landbruksfaglege spørsmål etter vassressurslova, plan- og bygningslova, lakse- og innlandsfiskelova og odelslova. Landbrukskontoret skal behandle dei til ei kvar tid gjeldande sentrale og lokale tilskotsordningane for landbruket. I dag gjeld dette produksjonstilskot, regionalt miljøprogram, velferdsordningar i jordbruket, tilskotsordningar i landbruket frå Innovasjon Noreg, spesielle miljøtiltak i landbruket, nærings- og miljøtiltak i skogbruket, organisert beitebruk, viltfondsmidlar, utviklingsfondet (Førde, Gloppen, Jølster og Naustdal) og andre tilskotsordningar. Det skal årleg utarbeidast eit budsjett for landbruksforvaltninga som skal leggast fram til godkjenning etter vanlege budsjettprosedyrar i begge kommunane. Fordelingsnøkkelen for felleskostnader: Eid 40 %, Gloppen 60 %. Det skal gjerast ei evaluering av fordelingsnøkkelen etter eitt år. Administrative og politiske vedtak som gjeld kvar einskild samarbeidskommune skal handsamast og arkiverast i den kommunen saka gjeld. Vedtak, annan informasjon,

13 førespurnader skal sendast kontaktpersonen i deltakarkommunane. Rådmannen, eller den rådmannen peikar ut, er kontaktperson i kommunen. Post og arkivrutinar: Innkomen post registrerast i den einskilde kommune. Saksbehandlar skal ha til gang til og nytte nødvendig saksbehandlingsverkty for begge kommunane. Oppseiingsfrist 1 år mellom partane. Ved misleghald opphøyrer samarbeidet straks. Samarbeidsordninga skal evaluerast årleg på møte ved utgongen av året. Vertskommunen har ansvar for at slike møte vert arrangert. Framlegg til avtale har vore ute til fagorganisasjonane Naturvitarane og Fagforbundet. Fagforbundet ser det som viktig at avtalen blir evaluert etter eitt år, og at det er eit ønskje om å kunne vere med å påverke innhaldet i avtalen undervegs dersom det skulle oppstå ting som ikkje fungerer. Naturvitarane trur at avtalen vil gje eit sterkt, fagleg miljø. Dei peikar på at dersom arbeidstakarane vert pålagt oppmøtestad ein anna stad enn dei er tilsett, er det rimeleg at dette vert kompensert med at reise kan gjerast i arbeidstida, samt dekking av reisekostnader. Økonomiske konsekvensar for kommunen: I avtalen er det skissert ei fordeling av kostnader mellom Eid og Gloppen med 40:60. Det skal i utgangspunktet ikkje føre til meir kostnader for Gloppen kommune. Rådmannen si vurdering: Det vil, så langt rådmannen ser det, føre til ei styrking av landbrukskontoret ved å inngå eit samarbeid med Eid kommune. Samarbeidet vil gi eit større fagmiljø, der det kan vere høve til meir spesialisering enn i dag og auka kompetanse på området. I tillegg vil ein vere mindre sårbar ved sjukdom og permisjonar, dette under føresetnad av at ein har noko overlapping mellom dei tilsette. Fagorganisasjonane er positive til eit samarbeid. Avtalen har ikkje vore ute til faglaga for uttale. Ved eit felles landbrukskontor kan det bli trong for ei styrking av staben som arbeider på landbrukskontoret, fordi det blir fleire søkjarar og fleire saker innanfor området. Dette ut frå at Eid kommune har hatt lite folk på området i ein periode. RÅDMANNEN SI TILRÅDING: Gloppen kommunestyre godkjenner for sin del vedlagde avtale med Eid kommune om felles landbruksforvaltning for kommunane Eid og Gloppen MULTEK-UTVALET 075/16 VEDTAK: MULTEK-utvalet er samd i tilrådinga.

14 Vedtaket var samrøystes.

15 side 1