Dette skjedde 2. halvår Her kan du lesa om litt av det som har skjedd det siste halvåret i arbeidet med å byggja den nye kommunen.

Transkript

1 Dette skjedde 2. halvår 2018 Her kan du lesa om litt av det som har skjedd det siste halvåret i arbeidet med å byggja den nye kommunen.

2 14.08.: 11 søkte kommunalsjefstillingane Då fristen for å søkja dei fire kommunalsjefstillingane i Nye Øygarden kommune gjekk ut den 6. august, hadde det meldt seg 11 søkjarar (interne). To av dei hadde søkt på to av stillingane. I slutten av august/tidleg i september vart det avklart at fire av kommunalsjefstillingane skulle lysast ut eksternt : Gav oppdatert informasjon om Nye Øygarden kommune Det første møtet i fellesnemnda etter ferien var prega av ei rekkje orienteringar. På møtet vart det også gjort eitt politisk vedtak. Det vart valt ni medlemer til valstyre for Nye Øygarden. Valstyret får ansvaret med å gjennomføra kommunevalet i september Prosjektrådmann Rune Lid gav ei omfattande orientering om status for arbeidet med å byggja den nye kommunen. - Dette vert arbeidskrevjande, men vi er ved godt mot. Dette får vi til, sa Rune Lid : Undersøking: Innbyggjarane er opptekne av lokal tilhøyrsle Ei undersøking gjennomført i Sund, Fjell og Øygarden like før ferien viser at fleirtalet av innbyggjarane identifiserer seg med kyst- og strilekulturen. Eit klart fleirtal er også stolte av si lokale tilhøyrsle. Innbyggjarane er også opptekne av at den lokale bygdeidentiteten ikkje må verta svekka ved bygging av ein ny kommune. Undersøkinga viser at 52 prosent av innbyggjarane identifiserer seg med kyst- og strilekulturen. Eit klart fleirtal (61 prosent) er opptekne av at den lokale bygdeidentiteten ikkje skal verta svekka. Biletet er frå møtet i fellesnemnda den 10. september der leiar av utval for lokaldemokrati og identitet, Tom Georg Indrevik presenterte undersøkinga : 12 søkte stillinga som rådmann Då fristen for å søkja stillinga som rådmann i Nye Øygarden kommune gjekk ut den 12. september, hadde det meldt seg 12 søkjarar. Fire av søkjarane var unnatekne offentlegheit. Seks av dei oppgjevne søkjarane kjem frå Bergen.

3 08.10.: - Overordna styringsgruppe er hjernen i prosjektet Prosjektrådmann Rune Lid har ved fleire høve understreka at overordna styringsgruppe er hjernen i prosjektet med å byggja den nye kommunen. Denne gruppa er samansett av rådmennene i dei tre kommunane, leiarane i dei fem hovudprosjekta og representantar frå tillitsvalde/vernetenesta. Biletet viser møtet i overordna styringsgruppe den 8. oktober : 62 søkte på fire kommunalsjefstillingar Dei endelege søkjarlistene til dei fire kommunalsjefstillingane i Nye Øygarden var klare i midten av oktober. 62 søkte på kommunalsjefstillingane for Helse og velferd, Oppvekst, Kultur og samfunn og Organisasjon og digitalisering. 23 av søkjarane var kvinner : Arbeidet i prosjektgruppene er i gang I andre halvdel av oktober starta arbeidet i prosjektgruppene i Nye Øygarden kommune. Biletet er frå det første møtet i prosjektgruppa for Oppvekst. Prosjektleiarar i dei fem gruppene er Jon Erik Egeland (Oppvekst), Åse Vik (Helse og velferd), Lennart Fjell (Kultur og samfunn), Svend-Fredrik Untiedt (Økonomi) og Lillian Torsvik (Organisasjon og digitalisering) : Arbeidsverkstad for den nye kommunen: - Vi er privilegerte! Prosjektrådmann Rune Lid peika på at medarbeidarane får vera med på noko stort då han ønskte dei 45 deltakarane på arbeidsverkstaden på Panorama Hotell & Resort i Sund velkomen den 22. oktober. På samlinga var leiarar, hovudtillitsvalde, hovudverneombod og andre administrativt tilsette samla. - Vi er privilegerte som får vera med på denne reisa. I hovudet mitt er det ikkje Sund, men Nye Øygarden kommune vi er på veg til, sa Rune Lid som ikkje la skjul på at prosjektet gjekk inn i ein hektisk og spennande periode : Rune Lid vert rådmann i Nye Øygarden kommune Fellesnemnda vedtok på i slutten av oktober å tilsetja Rune Lid (51) som rådmann i Nye Øygarden kommune. Vedtaket vart gjort samrøystes. Rune Lid hadde sidan april vore prosjektrådmann for Nye Øygarden kommune og rådmann i Sund. - Eg takkar for tilliten. Vi står framfor ein krevjande jobb. Eg skal gjera alt det som står i mi makt for å byggja den nye kommunen, sa Rune Lid. Leiar av fellesnemnda, Børge Haugetun, sa at Rune Lid leverte to knallsterke intervju. Han har personlege eigenskapar, gode referansar og fagleg tyngde med høgare utdanning.

4 15.11.: Engasjement på Bjorøyna Dei 27 personane som møtte opp på folkemøtet på Bjorøyna i midten av november, viste stort engasjement. Prosjektrådmann, Rune Lid som vert rådmann i den nye kommunen frå 1. januar 2020, innleia og gav status for arbeidet så langt. Også ordførar i Sund, Kari-Anne Landro og Fjell-ordførar Marianne Sandahl Bjorøy, var til stades på folkemøtet og deltok med innlegg : Slik ser Øygardsgenseren ut Spenninga var stor den 17. november då ordførar i Fjell, Marianne Sandahl Bjorøy, på julemessa til Sotra Husflidslag skulle kåra Øygardsgenseren. Det stod mellom seks alternativ. Det er utkastet til Mary-Ann Foldnes Fiske som no får tittelen Øygardsgenseren. - Lilla farge symboliserer lyng. Vrangborden er fletta og gråfargen symboliserer berg. Fletta symboliserer også at berga er fletta saman. Vi treng også å verta fletta saman som kommunar og menneske, forklarte Mary-Ann Foldnes Fiske. Ut på nyåret er mønsteret tilgjengeleg. Då er det berrer å setja i gang! : - Ungdomspolitikarane må oppleva reell medverknad Den 20. november var 15 ungdomspolitikarar samla til fellessamling for ungdommens kommunestyre og ungdomsråda i dei tre kommunane i regionen. Vertskap i år var Øygarden kommune, og ungdomane let seg imponera av den nye idrettshallen Hjeltefjorden Arena der møtet vart halde. Prosjektrådmann Rune Lid i Nye Øygarden kommune innleia med å gje informasjon om status i arbeidet med Nye Øygarden kommune. - Ungdommens kommunestyre og ungdomsråda må oppleva å ha reell medverknad i arbeidet med å byggja den nye kommunen, sa Lid : Rosa regionen for handlekraft Kommunal- og moderniseringsminister Monica Mæland rosa kommunane for handlekraft under oljekrisa, då ho var første føredragshaldar på Øygardenkonferansen i slutten av november. Vel 200 deltakarar frå næringslivet, kommunane og andre aktørar var samla på Panorama Hotel & Resort. - Kommunane handterte oljekrisa på ein skikkeleg og grundig måte. Denne regionen er svært handlekraftig og brukte verkemiddelapparatet. Det er grunn til å gje ros til dei tre kommunane som stod på slik at de kom gjennom den utfordrande situasjonen, sa statsråden men minna likevel om at det vert trongare tider og stramare handlingsrom.

5 30.11.: Fire kommunalsjefar er tilsette i Nye Øygarden kommune Frå venstre; Anne-Merete Vabø Haugane, Råmund Skjold, Line Barmen og Sissel Iren Nesse. I slutten av november og tidleg desember takka fire kandidatar ja til stillingane som kommunalsjef i Nye Øygarden kommune. Line Barmen vert kommunalsjef for Helse og velferd, Anne-Merete Vabø Haugane vert kommunalsjef for Oppvekst, medan Råmund Skjold får stillinga som kommunalsjef for Kultur og samfunn. Sissel Iren Nesse vert kommunalsjef for Organisasjon og digitalisering. Prosjektrådmann Rune Lid gler seg over at han har fått på plass fire av fem kommunalsjefar i leiarteamet. Det er gledeleg at dei tre stillingane no er på plass. På vegner av Nye Øygarden er eg glad for og stolt over at våre eigne folk har nådd opp trass i sterk konkurranse frå eksterne søkjarar : Fellesnemnda vedtok pensjonsløysing med forsikra løysing i KLP På det siste møtet i fellesnemnda før jul, vart det samrøystes vedteke at dei tilsette i Nye Øygarden kommune skal ha forsikra løysing i KLP. Vedtaket samsvarar med innstillinga frå prosjektrådmannen og partsamansett utval. Det vart lagt til i vedtaket at det skal undersøkast om det er lovleg å gjennomføra forsikra løysing med KLP (Kommunal Landspensjonskasse) utan anbod. Prosjektrådmannen skal koma tilbake med konkrete framlegg til vedtak i dei respektive kommunestyra og orientering om vidare prosessar. Informasjonshefte til innbyggjarane Den første veka i desember fekk innbyggjarane i Sund, Fjell og Øygarden eit informasjonshefte frå Nye Øygarden i postkassen. I dette heftet kan dei lesa om arbeidet med å byggja den nye kommunen. Det er intervju med leiar av fellesnemnda, Børge Haugetun, og prosjektrådmann, Rune Lid, som tek over som rådmann i Nye Øygarden kommune 1. januar Det er presentasjon av Øygardsgenseren, prosjektorganiseringa, den politiske organiseringa og mykje anna.