Årsmelding 2013 Bø Turlag

Transkript

1 1 Årsmelding 2013 Bø Turlag Styret 2013 Arne Hjeltnes (leiar) Ingrid Askildt (kasserar) Tor O. Sisjord Margit Ryen Steen Tor Lønnestad (skrivar) Revisor: Jan Lepperød Varamedlemmer: Torgeir Fredly Aase Aaland Ingrid Bergane Thorvald Amundsen Nemnder, representantar i andre lag og valkomité 2013 Turstinemnd: Inge Bø, leiar og turområdeansvarleg Turknappnemnd: Tor Sisjord Arne Baugerud Arne Myhre Turlagets representantar i Bø Løypelag: Jan Roar Åkvik og Per Holtung Valkomité: Margit Helga Thoen Gunleiv Brukås Turid R. Gåra Styreaktivitet, medlemstal Årsmøtet i 2013 blei halde på Sandvin tysdag 26. februar. Styret har hatt fem møte i Laget har nå om lag 300 medlemmer. Turprogrammet 2013 Familiedag på Vihus sundag 10. februar Turleiarar Tor Sisjord og Arne Hjeltnes. Dårleg ver, kaldt. Ca 35 deltakarar, av desse 10 barn. Måneskinstur Stavsholt måndag 25. februar Turleiarar Live Semb Vestgarden og Turid L. Gåra. 6 deltakarar, ingen barn/unge. Litt overskya, men månen dukka opp utpå myra. Kaldt og fint føre. Lifjell på Langs sundag 17. mars Turleiar Gunleiv Brukås. 33 deltakarar, ingen barn. Buss frå Jønnbu parkering kl Tåka var så tett at me måtte springe rundt om på dei to parkeringsplassane for å finne deltakarane. Vidare til Seljord der me måtte bytte til ei "fjellgeit" av ein buss med kjetting. Etter noko strev i dei bratte svingane kom me til Grimås kl.11. Tett tåke, snøver og snøfokk fyrste del av turen. Med godt stikka løype og ein snoskuter som kjørte til Hollane før oss, så gjekk det bra. Dei fleste hadde ei god rast på «Høllen» med kaffe og vaflar, før ein tok siste etappe i sol og silkeføre over fjellet til Jønnbu.

2 2 Lunde sentrum og kanalen tysdag 9. april I samarbeid med Midt-Telemark Seniorlæring. Kulturhistorisk rusletur i Lunde sentrum, innom bygdetunet, og langs kanalen til slusa. Gudmund Kyrkjebø var kjentmann og forteljar. 13 deltakarar. Kulturstien langs Bøelva onsdag 17. april Turleiar Elin Mæland Skogen. 16 deltakarar, av dette 2 barn/unge. Ein fin tur på delvis snødekt sti. Turen blei arrangert i samarbeid mellom Bø Museum og Bø Turlag. Asbjørn Storesund og Leif Krosshaug orienterte om kulturminna og hendingar som knytte seg til desse. Etter turen var det servering og godprat på Bø Museum. Steingardsnuten Vreim tysdag 23. april Turleiar Tor Sisjord. Ca 15 deltakarar, ingen barn/unge. Fuglevandring måndag 13. mai Turleiar Øyvind Steifetten. I samarbeid med Naturvernforbundet Midt-Telemark og Norsk Ornitologisk Foreining. Ca 15 deltakarar, ingen barn/unge. Vandring frå Evju bygdetun ned til og langs elva. Gråver. Kanotur på Bøelva tysdag 14. mai Turleiar Arne Hjeltnes. 6 deltakarar, av dette 2 barn/unge. Me bruka 3 kanoar. Det var mykje vatn i elva. Rast ved Eriksteintjønna. To beverar vart observert på nært hald, som normalt for turen. Vi slapp regn. Kyststien i Bamble sundag 26. mai Ansvarleg frå Bø Turlag Ingrid Bergane, samarbeid med Skien Turlag. 18 deltakarar frå Bø, ingen barn/unge. Gjekk frå Hydrostranda til Kongshavn. Matpause på Rognstranda. Enkelte prøva også badevatnet. Turen gjekk langs sjøen og inne i skogen i nydeleg sommarver. Breisås på tvers tysdag 11. juni Turleiarar Torgeir Fredly og Inge Bø. Seks deltakarar, ingen barn/unge. Turen gjekk i varmt fint vær til Torstveit, opp Sandbakkdalen mot hogstfeltet i Petterskås med matpause med fin utsikt over bygda. Her blei det reflektert over forskjellige måtar å gå i naturen på med ulike opplevingar ein får når ein gjeng åleine, saman med andre, på smal sti, brei sti, merka og umerka sti. Så tok me vegen mot Steinsrud og bortom den nye stadnamntavla til Eikjabygda Vel på Roehaugen, forbi Staurheim gjennom Håsårudhåtten og deler av Kulturminneområdet og på Bordvegen tilbake til P-plassen. Under turen vart det fortalt litt om plassar og stiar. Anundsteinen og Forbergåsen tysdag 18. juni Turleiarar Åste Ulvenes, Kirsten Bruserud og Arne Storhaug. Ei vandring Forbergåsen på langs, i samarbeid med Midt-Telemark Seniorlæring. 14 deltakarar. Falkefjell frå Lienstulen tysdag 18. juni Turleiar Halvor R. Gåra. 14 deltakarar, ingen barn/unge. Parkerte ved Lislestulvaet. Følgte merka sti til Nybu og Hellerdalen. 12 krabba gjennom Hellerdalskyrkja. Matrast ved toppen av Falkefjell. To gjekk direkte til Klokksteintjønna. Grei rundtur vidare ned Valjuvet og tilbake til bilane. Bryggefjell sundag 18. august Turleiar Arne Baugerud, i samarbeid med Skien Turlag. Sletteli Treskeberget Kolahuset Slåtta Bryggefjellvarden Skjentjønn med rast og bading tilbake til varden, jettegryta og retur.

3 3 Helsing frå Skien Turlag: «Om ikke været var strålende, ble turen strålende! Naturen rundt oss fikk vi skimte tidvis i tåke og regn. Og det skuet vi da fikk, var imponerende! Vår guide og turleder var fantastisk hyggelig, kunnskapsrik og fysisk veldig sprek!» Store Trytetjønn på Folkestadåsane sundag 25. august Turleiar Birgitte Broshaug. 10 deltakarar, av desse 6 barn/unge. Flott tur i godt ver med bading i Trytetjønna. Bømarsjen Nordbøåsane/Høyslass sundag 22. september Turansvarleg Arne Hjeltnes/Tor Sisjord. 105 deltakarar, 70 i lang løype og 35 i kort. Fin tur i godt ver. Start frå tråvbanen, lang løype gjekk mot Stadskleivvegen, vidare til Eikjarudkollen og snudde så mot Høyslass og kom inn på kort løype som gjekk rett opp frå tråvbanen. Så ned frå Høyslass og langs vegen tilbake til start. Matstasjon på Høyslass med orientering om planar for Nordbøåsen både bustadfelt, lysløype og asfaltert bane med skytebane for skiskyting. 39 gjekk Bømarsjen for fyrste gong grønt merke, fire gjekk for 10. gong keramikkplatte, og ein person gjekk for 30. gong og skal ha keramikkbilete. Sopptur måndag 23. september Turleiar Bjørn Steen. 17 deltakarar, ingen barn/unge. Trass i eit dårlig soppår fann vi ein god del matsopp. Dei vanlegaste artane var rimsopp, lys piggsopp og traktkantarell. Så seint på hausten var dei farlegaste giftsoppene borte. Soppane vart kontrollert, og vi snakka litt om korleis vi kan stelle dei til. Avlyste turar Geocaching ved Hellos sundag 21. april vart avlyst mellom anna grunna snøtilhøva. Klatring i Espedalen tysdag 10. september vart avlyst. Det regna denne dagen, og det var ikkje aktuelt å klatre. Trilleturar Turane har vore rundt i Bøbygda og nokre gonger på Hørte. Det har vore frå 4 til 14 personar, pluss barn på tur. Totalt har det blitt ca 40 turar kvar tysdag! Det har stort sett vore veldig fint ver, men til og med når det regna og blåste i haust møtte det opp 4 turglade jenter. Siste turen til Vihus trilla vi overraskande i 5 cm snø. Ungane koser seg i vogna, eller i bæremeis. Nokre gonger går vi på kafé etterpå slik at ungane får leike litt. Trilleturane er ein fin måte å kome seg ut i naturen på og bli kjent med nye folk. Ruth Hogstad-Erikstein organiserte turane på våren, Kristine Haugen og Marthe Haugerud har tatt over i sommar/haust. Formiddagsturar I regi av Bø Turlag har det kvar onsdag kl. 11 vore tilbod om å gå tur saman med andre i vel ein time. Gruppa har starta frå Gullbring og gått ulike rundar. Deretter har det vore kaffi og hyggeleg prat på kaféen i Gullbring. Turane starta i januar, og kvar einaste onsdag, unnateke i feriar, har det vore mellom 8 og 14 personer med på turane. Siste del av året var det berre damer som var med, men det er ynskjeleg også å få med menn. Onsdagsturane held fram i Gågruppa er sjølgåande(!), og det er ingen leiar. Kontaktperson er Walborg Krosshaug.

4 4 Turstiar - hovudarbeid i 2013 Jønnbu/Lifjellprosjektet Etter vedtak sist år, tok Turlaget over ansvar for sommarløypene frå Jønnbu. Dette har vore eit stort prosjekt for Turlaget i Hovudsakleg gjeld det stiane: Jønnbu-Anebudalen-Osklegrinda-Oksladalen-Skardtjønn-Mjeltetjønn-Høllen med grein Skardtjønn- Dyrdalen- Høllen Jønnbu-Krintokleiva-Glekse-Skåråfjellholmen-Øysteinsnatten-Dyrdalen med grein frå Glekse mellom Sandtjønn og Snotjønn til møte med stien frå Øysteinnatten til Dyrdalen I tillegg vert dette gjennomført i løpet av : Umerka/varda sti Skåråfjellhomen- Okslenut (Gleksenuten) og til Bøkstulnatten. Ny raudmerka sti frå Mjelten til Småholmen som møter vår sti frå Jøronnatten. Ny raudmerka sti over Krintofjellet og frå Oksladalen- Sandtjønn- Snotjønn til nord for Skåråfjellholmen. Ny varda /raudmerka sti frå Kloppsteintjønna til Falkefjell. Mange av stiane nærast Jønnbu er rydda, grusa, drenert, lagt ut bruer over myrer m.m. Me har hatt fokus på å skifte ut gamle skilt med nye som då skal vere like over heile Lifjellområdet. Fleire stader har me også sett opp nye stolpar. I området frå Røksbu, Langetjønn, Åstul, Jørunatten, Holmen, Valjuvet, Kloppsteintjønn og Nybu er det hengt opp til saman 35 nye skilt. Mange gamle er bytta ut med nye og nokre stader har me i år sett opp skilt der det ikkje har vore skilta før. Gygrestolen Rydding ved trefall, og sett opp infoplakat om parkeringa. For 2014 jobbast det med utviding av parkeringsplassen. Breisås Generell rydding, m.a. i hogstfelt i Petterskås og i stien mot Gamle Steinsrud husmannsplass. Noko herverk på skilt, og slitasje på stiane grunna mykje sykling. Håsårudhåtten kulturminneområde Det har vore mykje trafikk, turgåarar, born, familiar, bygdefolk og turistar som har gått Spinnestien. Det har blitt ein fin sti i eit lett terreng der du kan kombinere turgåing og interessante kulturminne i eit nærområde i bygda. Turlaget har rydda vindfall, slått gras i Bordvegen, fjerna nokre busker og små røter. Ein infoplakat og eit retningskilt er blitt rive ned og var ikkje å finne igjen. Dei er blitt erstatta med nye. Dei siste 3 gravhaugane er truleg funne. Dei har blitt GPS registrert av arkeologar frå Telemark Fylkeskommune i sommar. Høyslass-Bruskor Generell rydding, lite å gjera. Sett opp skilt og merke ved det nye idrettsanlegget. Bryggefjell Vedlikehaldsrydding frå Breskelia til Ånto og det same frå Innleggen til kryss med skogsvegen. Elles er det på tale om å legga om stien slik at ein slepp dei brattaste svaa som både er tunge å gå og heller farlege når det er vått. Traséen er gått opp, men det er ikkje rydda eller merka.

5 5 Bøelva Det er rydda, klypt, laga ny klopp v/klekkeriet, lagt nye plankar på stien og reparert rekkverket på brua over Hellebekk. Har også rydda husmannsplassane. Retningskilt ved Folkestadbrua til Oterholt er sett opp. Frå Folkestadbrua og til første motbakken på nordsida blei det brukt kantryddar. Årmotdalen Har rydda langs stigen frå Årmotgvølven og opp mot Kroktjønn. Sett opp ny plansje på rundkjøring (parkering) Røysland. Rydda stien opp i frå Kleivstul mot Trolltjønn. Hadde ein ryddesjau mot Kroktjønn etter at vi sette ut fisk der. Gledeleg å sjå at området er i bruk, det toppa seg i moltesesongen. Økterstien Bø Turlag har etter avtale med Notodden Turlag ansvar for stien frå Grønnbygil Økterngvolven Økteren Høllenfossen, med avstikkar opp til Øysteinnatten. Ny bru har kome opp ved Grønbygil og herifrå er det nymerka/varda opp til Øysteinnatten. På Øysteinnatten er det rydda opp på topp-punktet. Her var det to postkasser, men den eine var øydelagt og er teke vekk. Stolpen er retta opp. Ref. Lifjellprosjektet. Grøne gangar Vanleg vedlikehald med rydding av ein del kvist. Nå er jordet ved Brukåsa sådd, men det viser seg at folk går på jordet likevel. Det er aktuelt å flytte løypa litt unna. Ølsbru-Vermelia- Lauvtjønn Det har ikkje vore nødvendig med vedlikehald i år. Folkestadåsane Generelt er stiane mykje oppkjørt av syklistar. Det har vore fleire kraftige regnskyll i år, og det har stått mykje vatn i overflata. Dei få stiane som ikkje er oppkjørte av syklar er greie. Styret vil rette ein stor takk til alle som har vore turområdeansvarlege og til skiltmakarane! Samarbeid med andre turlag om stinettet Notodden Turlag og Seljord Turlag Ansvarsområde og samarbeide på Lifjell og i Årmotdalen er avklart. Gvarv Turlag Samarbeid i øvre Breisås og Maskatområdet. Telemark Turistforening Viser til Lifjellprosjektet Digitalt informasjonsarbeid På tur i Midt-Telemark 11 lag i Bø og Sauherad samarbeider nå om å informere om turstiar, skiløyper, fiskevatn, klatrefelt og O-kart. Ingen lag i Nome kommune deltar. På heimesidene til laga prøver vi tre ulike digitale kart. Ei studentgruppe på høgskulen vil lage utkast til ny heimeside til Bø Turlag i Ei anna gruppe vil prøve å vise dei digitale karta våre på ein «tur-app» på smarttelefonar og nettbrett. I samarbeid med Kartverket i Skien kan vi nå levere merka turstiar

6 6 frå Bø og Sauherad - som du snart kan finne på alle offentlege kart. Vi har også starta jobben med å levere stiane til Den Norske Turistforening. Bø Målarklubb (Margit Helga Thoen) har lage illustrasjonar av viktige kulturminne. Fotogruppa til Bø Turlag (10 personar) leverer mange bilde som vi kan bruke på digitale kart, trykksaker og på heimesida vår. Turknappen har levert inn turpostskjema for 2013, ein auke på 10 frå har gått for fyrste gong og skal ha bronsemerke. Mari Stenstad har tatt turknappen for 20. gong plakett. Turlagets heimeside På turlaget sine heimesider finn ein kart og omtale av turområda samt informasjon om og annonsering av turane. Vi erfarer at heimesida blir meir og meir brukt. Lagets økonomi Rekneskap for 2013 kjem som eiga sak, men styret meiner at Bø Turlag har god økonomi. Konklusjon 2013 har vore eit aktivt og godt år for Bø Turlag, der det som sto på planane stort sett har blitt gjennomført med god oppslutning. Det har vore spesielt stor aktivitet i løypenettet på Jønnbu, og planlegging av parkeringsplass ved Gygrestolen. Bø, 25. februar 2014 Styret i Bø Turlag v/skrivar Tor Lønnestad