BRUK AV KONSESJONSKRAFTMIDLAR TIL REGIONAL UTVIKLING - SØKNAD FRÅ ULVIK HERAD OM FORLENGING AV TILSEGN TIL GNIST HARDANGER

Transkript

1 HORDALAND FYLKESKOMMUNE Strategi- og næringsavdelinga Arkivsak Arkivnr. 135 Saksh. Torgersen, Matti Saksgang Møtedato Fylkesutvalet BRUK AV KONSESJONSKRAFTMIDLAR TIL REGIONAL UTVIKLING - SØKNAD FRÅ ULVIK HERAD OM FORLENGING AV TILSEGN TIL GNIST HARDANGER SAMANDRAG Ulvik herad har i fleire år arbeida for å etablere eit rehabiliteringssenter i Ulvik. Fylkeskommunen har støtta desse planane gjennom fleire vedtak. I mai 2008 gav fylkesutvalet tilsegn om 10 mill. kr. av ordninga Bruk av konsesjonskraftmidlar til regionale utviklingstiltak. Føresetnaden var at det vart gjort vedtak om realisering i løpet av Denne framdrifta er noko forskjøvet. Dette skuldast mellom anna at den tidlegare samarbeidsparten Landsforeningen for Hjerte og lungesyke (LHL) trakk seg ut av prosjektet etter interne problem i organisasjonen. Prosjektet har no etablert eit samarbeid med Oslo Næringseiendom as, som er eit selskap som har som føremål å investere i helserelatert verksemd innanfor offentleg - privat samarbeid. Saman med dette selskapet går Ulvik herad igjennom drifts- og investeringsplanane på nytt. Fylkesrådmannen vil rå til at tilsegnet i tråd med søknad frå Ulvik herad, blir forlenga ut Fylkesrådmannen ser på dette som eit viktig prosjekt for Hardanger, og det vil vere uheldig ovanfor investorar, Helse Vest og Nav om fylkeskommunen no trekkjer seg ut. Dette inneberer at det ikkje vert noen ny utlysingsrunde for midlar på denne ordninga i inneverande år, men at neste runde blir i Det vil vere naturleg å vise til denne utlysingsrunden dersom det kjem nye søknader om midlar retta inn mot denne ordninga.

2 FORSLAG TIL VEDTAK 1. Førebels tilsegn til Ulvik herad om Gnist Hardanger blir lengja i eit år til ut Dersom det i løpet av 2009 vert teke avgjerd om realisering av senteret, vert det gitt eit endeleg tilsegn om midlane. 2. Neste utlysing av midlar for ordninga Bruk av konsesjonskraftmidlar til regionale utviklingstiltak vert i Paul M. Nilsen Jan Per Styve 2

3 FYLKESRÅDMANNEN, : Tidlegare handsaming Ulvik herad har i fleire år arbeida for å etablere eit rehabiliteringssenter i Ulvik. Fylkeskommunen har støtta desse planane gjennom fleire vedtak. M.a. løyvde fylkesutvalet 0,8 mill kr til eit forprosjekt for senteret i møte 25. august 2005, og gjorde i tillegg slikt vedtak: 1. Fylkesutvalet vil peike på at etablering av Ulvik Fjordtun rehabiliteringssenter er viktig av omsyn til vidare vekst og utvikling i området. Fylkesutvalet ønskjer difor å gi sin tilslutnad til arbeidet med å etablere senteret.. 3. Midlane vert løyvd under føresetnad av at Ulvik Fjordtun rehabiliteringssenter inngår ei intensjonsavtale med ein stor ideell organisasjon eller anna samarbeidspartnar om drift av senteret. I FU-sak 117/08 Bruk av konsesjonskraftmidlar til regionale utviklingsprosjekt - Fordeling 2008, vart det m.a gjort slikt vedtak: Det vert gitt tilsegn om inntil kr. 10 mill kr til Hardanger Rehabiliteringssenter, under føresetnad om at det vert teke avgjerd om bygging av senteret i inneverande år. Finansiering skjer ved midlar for 2009 eller 2010, avhengig av rammene som ligg føre dei einskilde åra. I saksframlegget seier ein m.a. følgjande: Ulvik herad er prosjekteigar saman med Landsforeningen for hjerte- og lungesyke (LHL). Planen er å byggje Hardanger Rehabiliteringssenter med 80 behandlingsplassar i Ulvik. Målet er å levere helsetenester med høg kvalitet for å betre funksjon og livskvalitet hos dei som får opphald ved senteret. Det vert teke sikte på å få ein sterk og tverrfagleg bemanning i moderne lokale med topp utstyr. Senteret vil bidra til å redusere underdekkinga av rehabiliteringsplassar i spesialisthelsetenesta. 10 plassar er tenkt reservert for personar som ikkje er sjølvhjelpne. Dette kan avlaste sjukehusa. Elles skal senteret vere eit tilbod både til personar etter skadar, med kroniske lidingar og funksjonshemningar. Senteret er tenkt knytt saman med ein idrettsdel med fleirbrukshall og symjeanlegg. Idrettsdelen skal kunne nyttast av bebuarane i senteret, samt av skulane i bygda, idrettslag og andre.. Ulvik herad har arbeidd godt og systematisk med prosjektet i mange år, og har fått med seg LHL, som er ein seriøs samarbeidspart med røynsle på drift av rehabiliteringsinstitusjonar fleire stader i landet. Fylkeskommunen har ved fleire høve gitt støtte til prosjektet. Prosjektet har heile tida fastholdt at det er viktig å byggje opp eit sterkt fagmiljø innan rehabilitering. Det er ein monaleg stor underdekning av rehabiliteringsplassar på Vestlandet. Dersom prosjektet blir realisert, vil det bidra positivt til å rette opp den skeivheita det er i bruk av rehabiliteringstenester mellom dei regionale helseføretaka. Utfordringa har vore at det hittil ikkje har vore lukkast med å skaffe ein avtale med Helse Vest. Det vert også vurdert anna muleg finansiering av drifta. Prosjektet ser på mulege andre samarbeidspartnarar. Prosjekteigarane vil ta stilling til realisering av prosjektet i løpet av sommaren Dersom prosjektet vert realisert, vil det bidra til ei positiv utvikling for store delar av det indre Hordaland. Prosjektet vil kunne gje mange arbeidsplassar i eit område som sliter med stagnasjon, og vil samstundes også gje positive ringverknader i et større område. 3

4 Det er grunn til å tru at fylkeskommunen må bidra dersom prosjektet skal realiserast. Grunna at prosjektet nærmar seg tidspunktet for å ta avgjerd for om det skal realiserast, vil eg rå til at det vert gitt eit tilsegn om å støtte prosjektet med 10 mill kr. i 2010, eventuelt i 2009 dersom rammene til ordninga vert auka. Dersom prosjektet ikkje vert realisert, vil tilsegnet bli trekt attende og bli omfordelt i neste runde. Dette krev at det blir sett ein dato for avgjerd om realisering av prosjektet. Dette bør gjerast saman med Ulvik herad, men det kan vere naturleg å forsøke å setje den til utgangen av Dersom prosjektet ikkje vert realisert, kan midlane bli lyst ut på nytt. Status for prosjektet Ulvik herad har i brev datert 3.desember varsla om at dei ikkje har lukkast i å ta ei endeleg avgjerd om realisering innan utgangen av 2008, som føreset. Dei søkjer om lenging av fristen for tilsegnet med eit år, dvs. ut Ulvik avslutta samarbeidet med LHL (Landsforeningen for hjerte- og lungesyke) i august 2008, etter at dei saman med LHL hadde gjennomført forprosjektering. LHL trakk seg ut etter interne problem i organisasjonen. Ulvik Herad eig alt som er produsert i samarbeidet, og har kjøpt LHL sine aksjar i Hardanger rehabiliteringssenter AS. Forretningsplanen vart utvikla våren 2008, og i denne prosessen tok ein i bruk merkenamnet "Gnist Hardanger". Prosjektet har hatt kontakt med fleire investormiljø, og søkt fleire aktørar som yter stønad til allmennyttige føremål. Frå juni 2008 har prosjektet hatt samarbeid med ein stor investor, Oslo Næringseiendom AS, som er eit selskap som har som føremål å investere i helserelatert verksemd innanfor offentleg - privat samarbeid. Dei er m.a. engasjerte i Oslo Cancer Cluster (næringspark og forskningsenter) og er i ferd med å utvikla ein helseprosjekt utanfor Stockholm. Dagleg leiar Steinar Stokke har vore departementsråd i Helsedepartementet, direktør for Helse Sør, og var med på å etablere Apo-kjeden (som eig Apotek1). Dette selskapet er interesserte i å vidareutvikla og gjennomføra Gnist Hardanger, og har både økonomiske og faglege ressursar til det både fagleg og økonomisk. Det vert teke sikte på å inngå ei forpliktande avtale med dette selskapet, og dette selskapet vil kjøpe seg inn i Gnist Hardanger as. Saman med Oslo Næringseiendom as, vert det arbeidd med drifts- og investeringsplanar, og med å etablere avtalar for driftsgrunnlaget. I forretningsplanen er det føresett at Helse Vest kjøper halvparten av plassane, og at resten må seljast til Nav, store arbeidsgjevarar, forsikringsselskap og private kundar. Det vert arbeidd med fysisk tilrettelegging av tomta i 2009, m.a. skal massar frå tunellbygging i samband med Hardangerbrua nyttast på tomta. Ulvik herad har gjort vedtak om å vidareføre prosjektet i enno eit år. Økonomiske rammer på ordninga Bruk av konsesjonskraftmidlar til regionale utviklingstiltak Ordninga med konsesjonskraftmidlar til regionale utviklingstiltak skal gå til regionale prosjekt der målet er å skape noko unikt for heile eller delar av fylket, eller til prosjekt som verkar til å skape attraktive og konkurransedyktige regionar. Midlane skal primært gå til investeringstiltak. 4

5 Med dei vedtak som er gjort,, ser fordelinga av midlar slik ut:: Prosjekt Os kunst- og kultursenter 2,5 Kompetansesenter for avansert maskinering 2,0 Historisk grunn Onarheim 1,5 Trallebana Skjeggedal 2,0 Kunstnarhus i Fartein Valen sitt landskap 0,5 Vestnorsk utvandringssenter museums- og infosenter 2,0 Utbetring av Fylkesveg 381 Matre-Stordalen 4,0 4,0 Prosjektstøtte Business Region Bergen (BRB) 2,5 2,5 2,5 Gnist Hardanger 6,5 3,5 Sum tilsegn 15,0 15,0 6,0 Ramme, gitt uendra løyvingsnivå 15,0 15,0 15,0 Til fordeling 0 0 9,0 Dette oversynet føreset at rammene for ordninga vert uendra på 15 mill kr pr år. I vedtak i fylkestinget i juni 2007 vart det lagt opp til å auke posten for desse midlane til 20 mill. kr. pr år. Grunna den økonomiske stoda, har ikkje løyvingsnivået blitt auka. Vidare føreset tabellen ovanfor at prosjektstøtte til BRB fortsett blir finansiert over denne posten med 2,5 mill. kr. pr år. Det vart i samband med siste fordeling av midlar på ordninga, også gjort følgjande vedtak: Restfinansiering for Os kunst- og kultursenter vert vurdert opp mot midlar for 2010 når desse vert lyst ut. Fylkesrådmannen vil kome attende til ev. løyving til fleirbrukshall i Vaksdal kommune når prosjektet er planavklart, tidlegast i Fylkesrådmannen si vurdering Det er eit stort press på ordninga med bruk av konsesjonskraftmidlar til regionale utviklingstiltak. Ordninga har i så måte vore ein stor suksess. Vi veit også om fleire andre prosjekt som ønskjer å søkje om midlar ved seinare tildelingar. Det ligg også føre ein søknad frå Voss kommune på 10 mill. kr. til ordninga knytt til Voss kulturhus. Dersom tilsegnet til Gnist Hardanger vert opprettholdt, vil dette bety at det ikkje er grunnlag for ein ny tildelingsrunde i år. Dette er det også varsla om i Budsjettgrunnlaget Dersom tilsegnet ikkje vert lengja, kan det bli ei tildelingsrunde der resten av ramma for 2009 vert lyst ut., dvs. 6,5 mill. kr. Eg vil likevel rå til å oppretthalde tilsegnet til Gnist Hardanger ytterlegare eitt år, dvs. til utgangen av Hovudgrunnen til dette er at prosjektet no er i ein positiv fase, og det er etablert kontakt med ein stor og seriøs aktør som har økonomiske og faglege ressursar til å kunne gjennomføre. Det vil vere eit veldig uheldig signal både i høve til offentlege styresmakter som Helse Vest og Nav om fylkeskommunen no trekkjer seg ut av prosjektet. Fylkeskommunen har vore engasjert i dette prosjektet i lang tid, og det er naturleg å fullføre dette. Dersom Gnist Hardanger vert realisert, vil det kunne gje gode og solide kompetansearbeidsplassar i eit område som sårt treng dette. Det er også grunn til å peike på at Vestlandet har eit stort underforbruk i høve til resten av landet innan rehabiliteringstenester. Eit rehabiliteringssenter i Ulvik vil kunne bidra til å betre dette. Dette inneber at det ikkje vert noen ny utlysingsrunde for midlar i inneverande år, men at neste runde blir i Det vil vere naturleg å vise til denne utlysingsrunden dersom det kjem nye søknader om midlar retta inn mot denne ordninga. 5