Program for Gulen Venstre

Transkript

1 Program for Gulen Venstre

2 Å bu i Gulen Vi satsar på nytt med den yngste lista nokonsinne! Sidan det er dei unge som skal bu i Gulen i framtida, trur vi at unge er dei som best kjenner kvar skoen trykker. Gulen er ein draum for mange, men som ein utkantkommune vil det ofte vere vanskeleg å gjere draumen verkeleg. Vi treng ein kommune som arbeider offensivt for at folk kan flytte til Gulen. Venstre vil ta i bruk dei verkemidla vi kan. For å synleggjere dette, vil lansere Gulenpakken! Gulenpakken: i etablerertilskot! Velkomstmøte med kake og kaffi med ordføraren. Veiledning og hjelp i byggesaksprosessen. Prioritert byggjesakshandsaming (Garantert svar innan 2 veker). Gratis breiband fyrste året. Gratis utkantbillettar til familien. Fritak for eigedomsskatt i 20 år. Slik vi ser det er det to praktiske utfordringar vi må arbeide med. Den eine er å ha bustadtomter tilgjengeleg til ei kvar tid, den andre er å gjere det langt lettare for dei som vil byggje huset sitt utanfor eit regulert byggjefelt. For mange er det nettopp på heimegarden eller i grenda ein kjenner ein høyrer til. Då må ein og kunne få bygge hus nett der. Gulen er stort, og Venstre vil bruke heile! Venstre vil: Syte for byggjeklare tomter i alle delar av kommunen Leggje til rette for bustadbygging utanfor etablerte byggjefelt Hjelpe folk gjennom «papirmølla» ved byggesøknadar Ha nok gjennomgangsbustadar i kommunen for folk som vil «prøvebu»

3 Kunnskap og like muligheter Skule, oppvekst - Ung Å vekse opp i Gulen kan gi oss noko heilt unikt. I vår oppvekstpolitikk ønskjer vi å legge til rette for nokon verdiar vi set høgt. Tryggleik både reint konkret, og med omsyn til kven ein er, eit naturleg forhold til å bruke naturen, ei praktisk og skapande innstilling til livet og ei kjensle av å høyre til i grenda si. I ei tid der stadig fleire flyttar til Gulen, heilt frå andre land, ser vi dette som viktige verdiar å vidareføre. Venstre vil: Vidareføre Hordalandsavtalen. Arbeide offensivt for å rekruttere nok lærarar og fagfolk i skulen og barnehagane. Syte for tilstrekkeleg midlar til norskopplæring. Jobbe for å realisere eit basseng i kommunen. Borna våre treng symjeopplæring. Stoppe dei pågåande kutta i skulesektoren. Desse byggjer på mykje lågare elevtal enn det som er røyndomen. Innføre gratis kjernetid i barnehagen, for born i familiar med låg inntekt. Gje ungdomsrådet meir makt.

4 Utvikling Gulen har eit levande og variert næringsliv. Sløvåg-Skipavikområdet har utvikla seg til å bli eit regionalt tyngdepunkt for industri, medan vi rundt i Gulen finn ei mengd mindre verksemder. Alle er viktige, fordi dei er med å gjere det mogleg å skaffe seg eit levebrød i kommunen vår. Venstre vil føre ein politikk som har auge for alle, og som nyttar heile kommunen. Venstre vil leggje til rette for næringsutvikling i heile kommunen ved å : Syte for god infrastruktur i allereie etablerte næringsområder. Leggje til rette for næringsareal i alle delar i kommunen. Få til breiband i alle grender og øyar. Skaffe mobildekning i heile kommunen. Gjennom tidleg planarbeid legge til rette for vidare industrivekst i Sløvåg. Samferdsle: Arbeide for gul midtstripe Sløvåg Rutedal Få rassikra vegen Brekke Instefjord Asfaltere dei kommunale vegane Gå aktivt inn for å bevare matjorda i kommunen Miljøet Vi lever i ei tid der vi endeleg har fått augene opp for at klimaendringane er den største utfordringa vi står overfor. Dette må også vi vere med og gjere noko med. Vi lever også i ei tid der økosystema i havet er truga. Også dette er eit globalt problem, men noko som er særs relevant for oss gulingar, sidan vi i så stor grad lever av det som kjem opp av havet. Ei tredje utfordring handlar om at urørd natur blir sjeldnare og sjeldnare. Venstre vil arbeide for rein luft, ein levande sjø og for at born som veks opp i Gulen også i framtida skal kunne får eit naturleg forhold til å ferdast i urørd natur.

5 Venstre vil: Ha ladestasjon for el-bilar i Sløvågen. Stille oss kritisk til nye utsleppsløyver til sjøen. Stille oss sterkt kritisk til vedtaket om gruveutslepp i Førdefjorden. Opprette gjenvinningsstasjon i Sløvågområdet. Spesielt med tanke på farleg avfall. Dette for å unngå at fastbuande og hytteturistar «slengjer» boss alle plassar. Terskelen for å køyre med tilhengar til Sløvåg er mindre enn for å ta ferja over og køyre til Litlås eller Kjevikdalen. Gjere kommunale bygg meir energieffektive. Jobbe aktivt for å få Kystverket sin nye nasjonale oljevernberedskap lagt til Gulen. Dette vil vere positivt for med tanke på responstid på eit eventuelt oljeutslepp i skipsleia, Mongstad eller Lutelandet. For å ikkje snakke om arbeidsplassane denne basen medfører! Kultur Kulturen er det vi er, og uttrykket for det samfunnet vi leverer vidare til neste generasjon. I Gulen er det meste av kulturlivet bygt på frivillig arbeid. Meir og meir er kulturen i Gulen også ein arena der stadig nye gulingar blir inkludert og integrert. Vi ønskjer å støtte opp om dette. Venstre vil: Oppretthalde støtta til Gulen Fiskarbondemuseum. Støtte Gulatinget, og freiste å realisere kai i parken. Støtte Utkantfestivalen. Auke støtta til frivillige lag og organisasjonar.

6 Helse og Omsorg Innan helse- og omsorgssektoren er eldreomsorga den største posten. Vi ser verdien av å ha nattevakter på eldresentera. Samtidig ser vi kritisk på dei kutta det noverande fleirtalet har gjort for å få dette til. Kutt både i utekontora til lekjarane og i plassar på sjukeheimen går først og fremst ut over dei sjukaste. Vi ser at ungdom i dag veks opp under eit større press enn nokon sinne. Vi ønskjer å styrke det psykiske helsevernet for ungdom. Venstre vil: Reversere kutta som er gjort for legekontora på Byrknes og Brekke Reversere kutta i tal plassar på Sjukeheimen. Vi treng dei! Jobbe aktivt med rekruttering av ny(e) doktor(ar), samt utgreie moglegheitar for legevaktsamarbeid med Masfjorden og Solund. Ambulansebåt stasjonert i Gulen Styrke ordninga med helsesøster i skulen Eit framlegg: Hamnevesen: Venstre ynskjer at Gulen kommune skal drøfte å innføre eit kommunalt hamnevesen. Hamnevesenet kan krevje inn anløpsavgifter for farty som har anløp i Gulen, og kan krevje inn kaiavgifter for kaier kommunen sjølv eig. Kommunane sør for Fensfjorden og nord for Sognefjorden har alle skjønt korleis dei skal spe på kommunebudsjettet, ved at dei har innført anløpsavgift i sitt område. Dette er spesielt aktuelt med tanke på at det årleg er fleire tusen skipsanløp på Gulensida av Fensfjorden. Gulen kommune kan nytte anløps- og kaiavgiftene til syte for trygge farleier gjennom kommunen for skipstrafikken, vedlikehalde dei kommunale kaieigedommane og til å satse vidare saman med industrien mot å gjere Gulen til ei føretrekt hamn for skipsfarten.

7 Styring Venstre: Kommunesamanslåing Uansett korleis ein framtidig kommunestruktur ser ut, vil Venstre jobbe for eit godt tenestetilbod, ei effektiv drift og eit levande lokaldemokrati. Gulen Venstre ser i dag ikkje vinsten kommunesamanslåing. Vi vil likevel arbeide konstruktivt vidare med dei ulike alternativa før vi tek endeleg stilling. Spørsmålet må avgjerast ved folkerøysting! Stiller seg kritisk til kommunesamanslåing. Krev at dette må avgjerast ved folkeavrøysting.

8 Venstre sine kandidatar i Gulen 1. Bjarte Undertun (f. 1982) Bjarte er lærar og musikant. Han bur i Eivindvik og har Bjørnstjerne Bjørnson som politisk førebilete. 2. Margrethe Thune Trædal (f. 1982) Margrethe er radiograf, helsesekretær og gründer. Ho har tre born, og bur på Hantveita. 3. Daniel Olai Kvernøy (f. 1984) Daniel er driftsleiar i Gulen- Skyss og elles svært interessert i det maritime. Han er gift og har eit born, bur i Eivindvik. 6. Jarle Nordgulen (f. 1957, Nordulen) 7. Linn Dyveke Wilberg (f. 1980), Mjømna 8. Anne Hauge (f. 1976), Dalsøyra 9. Njål Hansen Wilberg (f. 1976), Mjømna 10. Elise Leite Midtun (f. 1995), Eivindvik 11. Øystein Lihaug (f. 1988), Dalsøyra 12. Veslemøy Dingen (f. 1976), Eivindvik 13. Adam Reginald Salim Drew-Owen (f. 1981), Brekke 14. Ernesta Bogdawoviciene (f. 1987), Eivindvik 15. Hilde Kristin Sande (f. 1987), Sande 16. Aslak Nyhammer (f. 1952), Nyhammer 4. Herold Kråkenes (f. 1978) Herold er lærar, bakar og idrettsmann. Han har slått seg ned på Koksøyna og arbeider på Byrknes. 5.Ingvild Høydal Ingvild er utdanna statsvitar og arbeider med kultur i Gulen. Ho bur på Takle, saman med mann og eit barn. Les mer om vår politikk og våre kandidatar på facebook!