Snø, kakao og kakesau

Størrelse: px

Begynne med side:

Download "Snø, kakao og kakesau"

Niclas Pedersen
8 år siden
Visninger:

1 Snø, kakao og kakesau Til... Frå...

2 Ei ny jul og eit nytt lite julekorthefte! Før jul er det tid for kos. Og år etter år tyr eg til kakaoen for å få denne kosen. Som med kaffien min, likar eg å variera smak og korleis eg lagar kakaoen, ofte med krem og marshmallows. Eg ønskjer at dette juleheftet skal vera ein slik kopp kakao, med litt av det kjende og kanskje litt ny smak. Så her kjem ei lita helsing frå meg, Kald Kaffi Sauen og våre venner. Frå oss til dykk med ønske om ei god jul! Pappa og Kald Kaffi Sauen Osøyro Libris, Os mållag, Jernia P. M. Sælen, Cold Cat, Moberg Invest & Rental AS, Cubus AMFI Os, Café Flåten, Peppes Pizza Os og Os kommune. Snø, kakao og kakesau ISBN Tekst og teikningar av Vidar Bratlund-Mæland Gjesteforfattar og teiknar Bjørn T. Bøe Trykk: John Grieg AS, Bergen 2012 Epiphany Bøker

Eg ønskjer at dette juleheftet skal vera ein slik kopp kakao, med litt av det kjende og kanskje litt ny smak. Så her kjem ei lita helsing frå meg, Kald Kaffi Sauen og våre venner.

3 Snøen fell lett over hustaka. Alle vindaugo i den vesle gata er mørke, så nær som eitt. Her finn du ein robust mann i nissejakke, som står og ser ut. Det er natta før julaftan, og pappa står der med kakaoen og drøymer.

4 Det er mange år sidan han sist sat i nissesleden og var med på å dela ut pakkar. Han saknar det veldig. I kveld håpar han å få møta nissen, og kanskje få seg ein tur.

5 Natta er mørk, men snøen lyser opp. I det skyene skil lag og månen stikk nasen fram, ser pappa nissesleden alt før han landar på taket med eit brak.

6 Pappa gøymer seg bak sovestolen. Han ser intenst mot omnen, som i eit hav av gneistar blir til ein peis. Med eit stort brak, og i ei sky av sot og konfetti, kjem nissen rullande ut i rommet. Rett bak han kjem sekken i stor fart.

7 Sekken opnar seg i fallet. Ut skyt gåvene. Nissen grip dei, og legg i sokkar og under treet. Pappa smyg seg mot peisen så nissen ikkje skal snika seg forbi han.

8 Så kryp pappa opp i sekken. Pappa er ikkje liten og lett, men sidan sekken er magisk, er det plass nok til han likevel. Nissen beundrar verket sitt, puttar ei kake i munnen. Knøtte sette fram kaka før ho la seg, med klar melding til pappa om å halda fingrane frå fatet.

9 Nissen tek sekken med opp pipa. Han dett nesten av taket i det han slenger sekken i sleden. Det var då svært kor tung denne var blitt, sukkar han. I det sleden tek av, gløttar pappa opp av sekken. Aaaaaaa, skrik nissen. Han tek ein ufrivillig loop, og pappa må klamra seg fast. Det er berre meg, seier pappa. Ditt store fjols, ropar nissen. Kva gjer du her?

10 Pappa ser litt skamfull på nissen. Eg har berre sakna slik å vera nisse, seier han. Dela ut gåver og sånn. Nissen rettar opp sleden og ser strengt på pappa. Det er difor eg tek ditt hus om lag sist på ruta. Eg veit aldri kva du kan finna på, sukkar nissen.

11 Pappa ser trist opp på nissen. Så du er ferdig med ruta? spør han. Eitt hus att, svarer nissen. Du gir deg visst aldri du? Pappa ristar på hovudet. Du skal få vera med til siste huset, men nåde deg om du hoppar i sekken ein gong til.

12 Sleden sklir ned på taket til eit lite, vindskeivt hus. Nissen slår av rakettmotorane og hoppar lett ut av sleden. Pappa hoppar etter. Med eit svupp og eit kræsj sklir han bort i pipa. Du vekkjer heile huset, kommenterer nissen. Omforlatelse! Pappa tar tak i pipa, beina går til alle kantar og med eit svupp dett pappa opp i pipa. Der sit han fast til magen gjev etter og han rasar ned. Nissen kjem lett etter, og så hoppar sekken også ned.

Med eit svupp og eit kræsj sklir han bort i pipa. Du vekkjer heile huset, kommenterer nissen. Omforlatelse!

13 I stova sit pappa og gispar etter luft. Litt rusten? spør nissen leande. Litt oske i nasen, seier pappa og hostar. Pappa ser seg rundt. Det er liksom ikkje heilt jul her, seier han. Alle kan ikkje overdriva slik som deg, seier nissen. Eg veit det, men eg hadde liksom gløymt det litt. Nissen legg pakken under eit tre som er nesten like vindskeivt som huset.

Det er liksom ikkje heilt jul her, seier han.

14 Pappa rettar seg strengt opp. Dette held ikkje, seier han. Så ropar han på sekken. Han set seg på huk framfor sekken og ser strengt på han. Eg treng litt hjelp, seier han. Sekken nikkar. Nissen ristar på hovudet med eit flir om munnen. Sekken spyttar ut eit fullt pynta tre, og jafsar i seg det gamle. Så spyttar han ut pynt til alle vindaugo, det kjem raude løparar på borda og eit glas med julekaker. No tek det til å likna på noko, seier pappa. Men det er litt lite glitter og fuskesnø.

Nissen ristar på hovudet med eit flir om munnen. Sekken spyttar ut eit fullt pynta tre, og jafsar i seg det gamle.

15 Det er berre ein måte å ordna det på, seier han. Nissen hevar på eit augebryn. Pappa tek ein liten termos ut av jakken sin og skrur av korken. Det dei færraste veit... seier pappa og tømmer julekaffi i koppen. Er at natt til julaftan vert Kald Kaffi Sauen sine frostfisar til glitter og kald pyntesnø. Pappa luktar drøymande på kaffien i koppen. Så ser han lurt på nissen og løftar koppen mot munnen. Før han får tatt ein einaste sup, kjem sauen fykande, og over alt i rommet glinsar det frå glitter opplyst av julelys og fuskesnø. Nissen måpar. Pappa ser på nissen og smiler. Kva sa eg? ler han, og ser seg nøgd rundt. Eg trur me kan gå heim no.

Pappa luktar drøymande på kaffien i koppen. Så ser han lurt på nissen og løftar koppen mot munnen.

16 Opp pipa fer dei. Rakettmotorane på sleden startar, og nissen køyrer pappa heim. Månen speglar seg i istappar som dryp. I den vesle gata er ungane i ferd med å vakna. Når Veslegutt og Knøtte kjem ned i stova den julaftan, finn dei pappa godt samankrølla mellom pakkane under treet. Han har ei stor sløyfe rundt magen, og han snorkar høgt slik ordentleg store julegåver skal. Rundt han lagar mamma og ungane julefrukost. No er det ikkje lenge før julefeiringa i heimen er i gang.

Når Veslegutt og Knøtte kjem ned i stova den julaftan, finn dei pappa godt samankrølla mellom pakkane under treet.

17 Årets julegjester

21 Pappa sin kakaokos Oppskrift varm sjokolade 6 dl mjølk 1 plate kokesjokolade 1 klype kanel 1/2 ts vaniljesukker Bryt sjokoladen i bitar. Varm opp mjølka med sjokoladen. Ha i kanel og vaniljesukker. Varm til sjokoladen er løyst opp. Tøm i koppar. Oppskrift kakao 1l mjølk 5 ss kakao 4 ss sukker 1 klype kanel 1/2 ss vaniljesukker Ha i kakao og sukker i mjølka, rør godt. Ha i kanel og vaniljesukker. Varm opp kakaoen. Tøm i koppar. Visp gjerne krem å ha i. Iskuler og marshmallows er óg godt å ha i. Alt er klart for litt kveldskos i vintermørkret.

22 Julekakemannsau Oppskrift 100 g smør 3 1/2 dl sukker 1 ts hornsalt 2 1/2 dl mjølk ca. 12 dl kveitemjøl Smelt og avkjøl smøret. Bland alt det tørre. Rør inn det smelta smøret og mjølk. Etter bearbeiding, la deigen stå kjøleg i 1-2 timar. Elt deigen og kjevl ut. Trykk eller skjer ut figurar. Steik på 200º C i 7-10 min.

23 Bøkene om Kald Kaffi Sauen Pappa møter kald kaffi sauen Min pappa er stor, godsleg og glad i kaffi! Veldig glad i kaffi. Pappa seier at kaffien ikkje vert kald av seg sjølv. Mamma seier han blir det. Kva om pappa har rett? Kva om det er nokon der ute som har det gøy med å gjera kaffien kald. Ein sau, kanskje? Kald Kaffi Sauen på stranda Pappa blir tvinga til å bli med ein tur på stranda. Han tar alle forholdsreglar for å verna sin dyrebare kaffi frå Kald Kaffi Sauen. Korleis skal dette gå på ei strand full av folk? Når Kald Kaffi Sauen søv, dansar pappa på kjøkkenet Om natta søv Kald Kaffi Sauen, seier pappa. Då snik han seg ned på kjøkkenet for å ta sin magiske tryllekaffi. Kan pappa klara å få laga kaffien sin og unngå å vekkja Kald Kaffi Sauen? Kald Kaffi sauen på Slottet Pappa er invitert til slottsmiddag. Men over alt der pappa går, kjem Kald Kaffi Sauen etter. Klarer pappa og Kald Kaffi Sauen å ta seg saman ved kongens bord? Epiphany Bøker 2012

24 Med ønske om ei god jul frå oss ISBN Pappa og Kald Kaffi Sauen ISBN > Epiphany Bøker >

Like dokumenter

Til... Frå... God Jul, Kald Kaffi Sauen!

Til... Frå... God Jul, Kald Kaffi Sauen! Eit lite julekorthefte! Eg gleder meg til jul. Kanskje er eg ikkje aleine om det. Famile, julefilmar, julebrus, kakemenn og ikkje minst julehefte. Eg har i ei årrekkje