Forskrift om utslepp av sanitært avlaupsvatn frå mindre avlaupsanlegg (bustadhus, hytter og liknande), Sogndal kommune, Sogn og Fjordane

Transkript

1 Forskrift om utslepp av sanitært avlaupsvatn frå mindre avlaupsanlegg (bustadhus, hytter og liknande), Sogndal kommune, Sogn og Fjordane Heimel: Fastsett av Sogndal kommunestyre xx.xx 2018 med heimel i lov 13. mars 1981 nr. 6 om vern mot forurensninger og om avfall (forurensningsloven) 9 og forskrift 1. juni 2004 nr. 931 om begrensning av forurensning (ureiningsforskrifta) Formål Kommunen er lokal ureiningsmyndigheit. Forskrifta skal: - stille krav til tekniske løysingar slik at omsynet til resipienten, drikkevassanlegg og brukarinteressene vert ivareteke. - forenkle kommunen sin sakshandsaming i samband med utslepp frå mindre avlaupsanlegg. - supplera reglane i ureiningsforskrifta kapittel 11 og 12 med nødvendige tilleggskrav for å verna vassressursane i kommunen mot ureining som kan skada andre brukarinteresser. - gje kommunen heimel for å krevje nødvendig utbetring av eksisterande utslepp. - stille krav til tekniske avlaupsløysingar som skal nyttast for etablering av nye utslepp. 2. Verkeområde Forskrifta gjeld utslepp av sanitært avlaupsvatn frå bustad, fritids- og annan busetnad med innlagt vatn i dei områda i Sogndal kommune som ikkje er kopla til offentlege avlaupsleidningar, og kor utsleppet ikkje overstig 50 pe. Krava i denne forskrifta erstattar krava i 12-7 til i den sentrale ureiningsforskrifta. Andre føresegner i ureiningsforskrifta kapittel 11 og 12, er framleis gjeldande. Ved sakshandsaming etter denne forskrifta skal ureiningslovgjevinga og plan- og bygningslovgjevinga verte lagt til grunn. Føretakssystem som omtala i forskrift om byggesak gjeld fullt ut. I tillegg skal føretaka ha tilsvarande system for ureiningslovgjevinga. Kommunane kan føre tilsyn med den delen av systemet som omfattar ureiningslovgjevinga, på lik linje som tilsyn etter plan- og bygningslovgjevinga. 3. Definisjonar Definisjonar etter ureiningsforskrifta 11-3 med tillegg: - Med innlagt vatn vert det meint vatn frå vassverk, brønn, cisterneanlegg eller liknande som gjennom leidning eller slange er ført innandørs - Med innlagt vatn vert det også meint innvendig røyropplegg som vert forsynt av vatn frå tank/behaldar eller tilsvarande (innvendig eller utvendig), og som vert leia ut av bygningen til grunnen eller oppsamlingstank. Volum inntil 25 l totalt går ikkje under denne definisjonen. - Sanitært avlaupsvatn: Avlaupsvatn som i hovudsak skriv seg frå menneskets stoffskifte og frå hushaldningsaktivitetar, medrekna avlaupsvatn frå vassklosett, kjøkken, bad, vaskerom eller liknande. - Med svartvatn vert det meint sanitært avlaupsvatn frå vassklosett, eller andre kjelder kor urin og/eller fekalier normalt vert transportert med vatn. - Med slamavskiljar vert det meint ein eller fleire kummar for avskilling av slam frå avlaupsvatn. Eit anna namn på slamavskiljar er septiktank/kum.

2 - Med avlaupsanlegg er meint eitkvart anlegg for handtering av sanitært avlaupsvatn som består av ein eller fleire av følgjande hovudkomponentar: avlaupsnett, reinseanlegg og utsleppsanordning. - Med avlaupsnett er meint eit transportsystem som samlar opp og transporterer avlaupsvatn frå bustadhus eller andre bygningar med innlagt vatn. - Med reinseløysing vert det meint eit anlegg som vert installert med det formålet å reinse avlaupsvatn. - Med resipient er det meint vassførekomst som mottar ureining frå avlaupsanlegg. Resipient for infiltrasjonsanlegg er grunnvatn. Resipient for alle andre typar anlegg er overflatevatn (bekk, elv, sjø, innsjø, tjern). - Med tot-p vert det meint total fosfor. Analysemetoden følger NS-EN ISO 6878, eller til kvar tid gjeldande standard. - Med BOF5 vert det meint eit biokjemisk oksygenforbruk over fem døgn. Dette er eit mål på innhald av organisk stoff i vatn. Analysemetoden følgjer NS-EN eller NS-EN , eller til kvar tid gjeldande standard. - Med heilårs vassføring vert det meint vassføring som ved middeltemperatur over frysepunktet ikkje tørker ut av naturlege årsaker oftare enn kvart tiande år i gjennomsnitt. - Med personekvivalentar (pe) vert det meint den mengde organisk stoff som vert brote ned biologisk med eit biokjemisk oksygenforbruk målt over fem døgn, BOF5, på 60 g oksygen per døgn (NS 9426, eller til kvar tid gjeldande standard). Storleiken på avlaupsanlegget i pe vert utrekna på grunnlag av største vekevis mengde som går til reinseanlegg eller utslippspunkt i løpet av året, med unnatak av uvanlege tilhøve som for eksempel skuldast kraftig nedbør. 1 pe svarar til utslepp frå 1 person. - Med god badevasskvalitet vert det meint at kvaliteten på badevatnet skal tilfredsstilla krava til god badevasskvalitet i Folkehelseinstituttets «Vannkvalitetsnormer for friluftsbad.» - Med områdeplan vert det meint ein plan for vassforsyning og avlaup for eit avgrensa område. - Med ADK-1 er meint det sertifikat som dokumenterer nødvendig kompetanse til praktisk utføring av leidningsanlegg innan vatn og avlaup i samsvar med dei krav lover, forskrifter, normer og standardar som vert stilt til eit moderne leidningsanlegg. 4. Utsleppskrav Avlaupsanlegga skal tilfredsstilla følgjande reinsekrav, rekna om til årleg middelverdi av det som blir tilført reinseanlegget: Parameter: Utslippskonsentrasjon: Reinseeffekt: Tot-P < 1,0 mg/l > 90 % BOF 5 < 25 mg/l > 90 % Unntak: Utslepp frå tiltak på eigedomar langs Fjærlandsfjorden, Sogndalsfjorden og Amlabukti, kan søkje godkjenning for utslepp etter 12-9 (utslepp til mindre følsamt område). Alle eldre anlegg som ikkje oppfyller desse krava kan verte kravd rehabilitert, ev. at det vert bygd nytt anlegg eller at eigedomen vert tilknytt offentleg/privat avlaupsanlegg, dersom slikt finst i rimeleg nærleik. Dette i samsvar med ureiningsforskrifta 12-16, andre ledd siste setning. Analyser skal verte utført av laboratoria som er akkreditert for dei aktuelle analysane. Kommunen kan stille krav om at anleggseigar regelmessig tek prøver av restutsleppet. Unntatt er infiltrasjonsanlegg og tette tankar, der det normalt ikkje vert teke prøver Ved utslepp til lokale resipientar som har særlege brukarinteresser, som badevatn, drikkevatn og vatning i jordbruk, eller vassresipientar med liten vassføring, kan det verte satt strengare krav. 5. Avlaupsnett Avlaupsnettet skal, utan at det leiar til urimeleg store kostnader, verte dimensjonert, bygd, drivast og verte vedlikehalde med utgangspunkt i den beste tilgjengelege teknologi og fagkunnskap, særleg med omsyn til: - mengde og eigenskapar til avlaupsvatnet, - førebygging av lekkasjar, og - avgrensing av ureining av resipienten som følger av overløp.

3 6. Krav til planlegging 1. Grunnundersøking skal alltid gjennomførast og danne grunnlag for val av avlaupsløysing og dimensjonering av anlegg. 2. Der vakumtoalett med tett tank er godkjent som avlaupsløysing i 8.1, er det ikkje krav om grunnundersøking ved søknad om utsleppsløyve for etablering av tett tank for svartvatn. 3. Ved etablering av nye utslepp skal prosjekterande foreta ei samla vurdering av ureiningssituasjonen i nærområdet/nabolaget. Dvs. foreta ei samla vurdering av den avlaupsmessige belastning nye tiltak i eit område vil gje i grunn, ev. resipient. Ved utarbeiding av plan for byggeområder (detaljregulering i områdeplan og reguleringsplan) skal det verte utarbeida områdeplan for vassforsyning og avlaup. Kommunen avgjer avgrensinga av aktuelt område så tidleg i planprosessen som mogeleg. I reguleringssamanheng rettar kravet om utarbeiding av områdeplan seg mot tiltakshavar. Inngår nye byggeområder berre i områdeplan rettar kravet seg mot kommunen med mindre anna ikkje er bestemt. 4. Det skal alltid verte innhenta opplysningar om tilstanden for drikkevasskjelder som kan tenkast vil verte påverka av utsleppet. Drikkevasskjeldene skal merkast på kart. Det skal vurderast om drikkevatnet vil verte påverka av utsleppet. 5. Resipientundersøking må gjennomførast før det vert etablert avlaupsanlegg med utslepp til overflatevatn. Resipienten skal ha heilårleg vassføring, og utsleppet skal ikkje påverke eller forverre vasskvaliteten i nemneverdig grad ved minstevassføring. Med dette vert det meint at vatnet skal ha god badevasskvalitet 25 meter nedstraums utsleppet. 6. Alle tankar som medfører slamtømming, som slamavskiljar, minireinseanlegg eller tette tankar, skal plasserast slik at den kan verte tømd heile året med tankbil. Vegen fram til kum skal ha fri bredde på minimum 3 meter og fri høgde på 4 meter. Avstand frå bilveg til slamavskiljar skal ikkje vere større enn 30 meter og løftehøgda frå botn tank skal maks vere 7 meter. Kravet om heilårsveg kan fråvikast for fritidsbustad dersom forsvarleg slamtømming likevel kan ivaretakast. 7. Ved anlegg på annan manns grunn skal eigar av anlegget tinglysa erklæring frå grunneigar om løyve til dette. Dette gjeld både for leidningsanlegg og reinseanlegg. Kopi av tinglyst erklæring skal verte vedlagd søknad om ferdigattest. 8. Utsleppsløyve vert ikkje gjeve dersom pålegg om tilknyting til offentleg avlaupsnett kan bli gitt med heimel i plan- og bygningsloven og/eller ureiningslova, eller dersom omsøkt tiltak ligg i område for offentleg avlaup. Tiltaket er også søknadspliktig i høve plan- og bygningslova Krav til kompetanse Føretak som utfører planlegging og bygging av mindre avlaupsanlegg, skal ha ansvarsrett på sine godkjenningsområder i samsvar med plan- og bygningslova. Kommunen vil krevje følgande kompetanse: - Prosjekterande for infiltrasjonsanlegg skal ha tilstrekkeleg hydrologisk og avlaupsteknisk kompetanse, minimum kurs i prosjektering/bygging av mindre avlaupsanlegg eller tilsvarande kompetanse. - Prosjekterande for avlaupsanlegg med utslepp til overflatevatn skal minimum ha kurs i prosjektering/bygging av mindre avlaupsanlegg eller tilsvarande kompetanse. Resipientundersøkinga krev fagkunnskap innan geologi, hydrologi og vasskjemi på høgskulenivå. Undersøkinga og vurderinga skal vere vedlegg til prosjekteringa. - Utførande for alle typar anlegg skal minimum ha utdanning som maskinentreprenør/røyrleggjar, samt tilleggsutdanning på ADK1-kurs eller tilsvarande. 8. Godkjente reinseløysingar Reinseanlegget skal dimensjonerast, byggast, drivast- og vedlikehaldast slik at det har tilstrekkelig yteevne under alle klimatiske forhold der det ligg. Ved utforming av anlegget skal det takast omsyn til variasjonar i

4 mengde sanitært avlaupsvatn i løpet av året. 8.1 Heilårsbustadar, bustadar i sporadisk bruk, fritidsbusetnad, andre bygningar og verksemder: - Det skal prioriterast at avlaup vert kopla til offentleg avlaupsnett jf. plan- og bygningslova Dersom tilkoplinga til offentleg avlaupsnett ikkje er mogeleg, skal avlaup fortrinnsvis skje som infiltrasjon i stadlege jordmassar dersom tilhøva tilet dette. Lukka infiltrasjonsanlegg skal då utførast i samsvar med VA/Miljø-blad nr. 59 (bransjenorm). - Der grunnforholda ikkje tilet infiltrasjon av alt eller deler av avlaupsvatnet, kan det tillatast våtmarksfilter, typegodkjent minireinseanlegg klasse 1 eller tett tank. Følgjande avlaupsløysningar kan nyttast (valfritt alternativ): Alternativ 1: - Minireinseanlegg skal vere typegodkjent og skal utførast i samsvar med VA/Miljø-blad nr Utslepp frå minireinseanlegg skal vere i samsvar med i Forskrift om begrensning av forureining (ureiningsforskrifta). Alternativ 2: - Tett tank for svartvatn (Må tilfredsstilla krava i NS 1545) - eventuelt i kombinasjon med - Biologisk filter for gråvatn (Utført i samsvar med VA/Miljø-blad nr. 60). Følgjande vilkår må vere oppfylt for tett tank: - Dersom valt toalettløysing brukar maksimum 0,5 liter pr. nedspyling skal tanken vere minimum 2 m³ for fritidsbustad. I andre tilfelle og for bustadhus vert det krav om at tanken skal vere minimum 6 m³. - Det skal monterast nivåvarslar m/alarm som varslar om behov for tømming i god tid. - Tett tank er ei løysning som berre vil bli godkjent for eksisterande bustader godkjent, og der det ikkje er tilhøve som tilseier at andre løysingar enn tett tank vil kunne nyttast. - Svartvatn og gråvatn til same tank: Det er ikkje tillate med tett tank for både svartvatn og gråvatn. Alle andre teknisk moglege løysingar skal vere vurdert før søknad om tett tank vert utarbeidd. Kommunen vil vurdere å tillate tett tank i spesielle tilfelle. Ved bruk av tett tank skal det nyttast vakuumtoalett, lågtspylande toalett eller tilsvarande. Ved søknad om utsleppsløyve for tett tank er det krav om grunngjeving frå søkjar kvifor det ikkje kan nyttast andre løysingar. - Vilkår til utsleppsløyve der det vert godkjent svartvatn til tett tank: Det er krav om grunnundersøking ved etablering av utslepp for gråvatn jf Tiltaket medfører søknad om utsleppsløyve for gråvatn. - For alle anlegg gjeld krav til utføring, drift, vedlikehald og funksjon jf Driftsbygningar i landbruket - Det er tillate å føre avlaup frå wc i driftsbygning til lager for husdyrgjødsel dvs. blautgjødsel. Det same gjeld for spillvatn frå til dømes mjølkeproduksjon. Bruken av wc er avgrensa til dei som har sitt arbeid i bygningen. Gjødsellager må ved slike høver oppfylle dei generelle funksjonskrav til landbruksmyndigheitene. Hygieniske tilhøve ved slike avlaupsløysingar må ikkje vere i strid med reglane til Helsemyndigheitene eller Mattilsynet. Dersom avlaupet vert leia vekk frå driftsbygningen skal dette gjerast i samsvar med 8.1 i denne forskrift. 8.3 Biologiske, avlaupsfrie toalett - Bruk av utedo, biodo, forbrenningstoalett eller anna type tørrklosett krev ikkje utsleppløyve, men det må takast omsyn til drikkevasskjelder i området. 8.4 Andre anleggstyper/reinseløysingar Kommunen kan godkjenna andre anleggstyper/reinseløysingar som ikkje er nemnd her dersom det vert vist til: - Dokumenterte driftserfaringar frå uavhengige og seriøse instansar. - Nøytral dokumentasjon på at utslippskrav jf. 4 i denne forskrift, vil bli følgd. - Skriftleg serviceavtale med produsent/leverandør for anlegg som krev dette.

5 - Krav til utføring, drift, vedlikehald og funksjon. 9. Utsleppsstad Utsleppsstad for avlaupsvatn skal etablerast på følgjande måtar: - Utslepp til innsjø minimum 2 m under lågaste vasstand. - Utslepp til elv/bekk skal berre etablerast til vassdrag med heilårs vassføring, jf. 3 definisjonar, eller til leidning for jordbruksdrenasje dersom den munnar ut i resipient med heilårs vassføring. - Etablering av utslepp til stadlege lausmassar. Utsleppsstad for avlaupsvatn frå avlaupsanlegg skal elles lokaliserast og utformast slik at verknadane av utsleppet på resipienten og inngrep i naturen blir minst mogleg, samt at konflikt med andre interesser vert unngått. Krav utover minimumskrav kan settast i enkeltsaker etter vurdering av lokale forhold. 10. Lukt Avlaupsanlegget skal verte dimensjonert, byggast, drive og vedlikehalde på ein slik måte at omgjevnadane ikkje vert utsett for sjenerande lukt. 11. Oppmalt matavfall (Avfallskvern) Det er ikkje tillate å montere avfallskvern til røyropplegg som vert tilknytt private avlaupsanlegg. 12. Krav til utføring, drift, vedlikehald, og funksjon 12.1 Eigars ansvar og plikter: - Anlegget skal verte drive og vedlikehalde slik at alle krav vert etterfylgt. Anlegget skal til ei kvar tid fungere etter hensikta. Dersom dette ikkje er oppfylt kan anlegget krevjast oppgradert. - Kumlokk skal alltid vere utildekt og lett tilgjengeleg for inspeksjon slik at kontroll av anlegg kan verte utført. Pga. tryggleiksårsaker må alle kumlokk vere tunge eller verte sikra på annan forsvarleg måte. - Alle anlegg som har pumper samt anlegg med tett tank, skal ha alarm Serviceavtaler: - Gjeld 12.4 og 12.5, samt andre anlegg som krev dette. - Ein serviceavtale skal gjelde inntil oppseiing. - Ved eventuell oppseiing av avtalen skal kopi sendast kommunen, og ny serviceavtale må vere underskive dersom anlegget framleis skal vere i drift. - Ved sal av bustad/fritidshus skal avtalen overførast til ny eigar slik at anlegget vert sikra tilstrekkeleg oppfølging. Kontaktinformasjon på ny eigar skal sendast til kommunen Lukka infiltrasjonsanlegg: Utføring og dokumentasjon: - Grunnundersøkingar skal gjennomførast i samsvar med Norsk Vann rapport 178 «Grunnundersøkelser for infiltrasjon mindre avlaupsanlegg.» - Infiltrasjonsanlegg skal utførast i samsvar med VA/Miljøblad nr Slamavskiljar dimensjonerast i samsvar med VA-miljøblad nr. 48. Drift og vedlikehald: - Eigaren av avlaupsanlegget er ansvarleg for at anlegget vert drive og vedlikehalde slik at krava i lokal forskrift vert følgt. Kommunen fører tilsyn med at denne forskrifta vert følgt Minireinseanlegg (klasse 1):

6 Utføring og dokumentasjon: Skal utførast i samsvar med VA/Miljøblad nr. 52 og ha dokumentasjon som tilfredsstiller «NS-EN » eller tilsvarande standard for reinsegrad, slamproduksjon og gjennomsnittleg lufttemperatur. Drift og vedlikehald: - Anlegg skal tømmast i samsvar med dei krav leverandøren eller kommunen har gjeve. - Anlegget skal verte drive og vedlikehalde i samsvar med skriftleg drifts- og vedlikehaldsavtale med reinseanleggleverandør eller annan fagkyndig verksemd, jf. vedlegg 2 punkt 2.3 til kapittel 11 i den sentrale forskrifta. Som ein del av serviceavtalen skal anlegget ha eksternt tilsyn og utarbeide årsrapport kvart år. Ein kopi av denne skal sendast kommunen. - Kvart 5. år, eller når kommunen krev det, skal det takast utlaupsprøver ved anlegga. Desse skal analyserast på tot-p, BOF5 og E.coli. Prøvene skal analyserast av akkreditert laboratorium for dei aktuelle prøvene. Analysane skal kostast av abonnent. - Innomhusanlegg skal tømmast av den leverandør/fagkyndig verksemd som det er inngått serviceavtale med, medan slam frå slamavskiljarar skal tøymast av kommunal renovatør. Slammet skal leverast på godkjent mottak. - Det vert sett krav til drifts- og serviceavtale. Kopi skal sendes kommunen før ferdigattest vert utstedt. - Serviceintervall: utførast i samsvar med produsentens tilvising, men minimum 1 gang/år. - Dersom bygningar i sporadisk bruk skal ha minireinseanlegg, skal det kunne visast til dokumenterte driftserfaringar frå uavhengige og seriøse instansar, jf Biologisk filter (berre for gråvatn): Utføring og dokumentasjon: - Skal utførast i samsvar med VA/Miljøblad nr Slamavskiljar: Skal utførast i samsvar med VA/Miljøblad nr. 48, og ha dokumentasjon i samsvar med NS-EN Er berre tillate som handsaming før hovudreinsetrinn eller ved utløp til godkjent sjøresipient. Drift og vedlikehald: - Kvart 5. år, eller når kommunen krev det, skal det takast utlaupsprøver ved anlegga. Desse skal analyserast på tot-p, BOF5 og E.coli. Prøvene skal analyserast av akkreditert laboratorium for dei aktuelle prøvene. Analysane skal kostast av abonnent. - Filtermassen skal skiftast ut når prøveresultata ikkje overheld krava. - Serviceintervall: skal utførast i samsvar til tilvisingar frå produsent, men minimum 1 gang/år. 13. Klage Vedtak som er vedteke av kommunen eller den kommunen har delegert myndigheit til i medhald av denne forskrift, kan klagast på iht. forvaltningslova Gebyr Gebyrregulativ for saksbehandling og kontroll etter denne forskrifta vert fastsett av kommunestyret i medhald av forureiningsforskrifta Ikrafttreden Forskrifta trer i kraft straks og gjeld for Sogndal kommune, Sogn og Fjordane.