ALRÍKISSTOFNUN FYRIR FISKVEIÐAR TILSKIPUN. 16. janúar 2009 Moskva 13. Um staðfestingu á Reglum um fiskveiðar á norðlægum fiskimiðum

Transkript

1 ALRÍKISSTOFNUN FYRIR FISKVEIÐAR TILSKIPUN 16. janúar 2009 Moskva 13 Um staðfestingu á Reglum um fiskveiðar á norðlægum fiskimiðum Skráð af Dómsmálaráðuneyti Rússlands hinn 16. febrúar 2009 Skráningarnúmer Í samræmi við grein 43.1 ríkislaga frá 20. desember 2004 númer 166-ФЗ Um fiskveiðar og verndun líffræðilegra auðlinda í sjó og ferskvatni (Lagasafn Rússneska Sambandsríkisins, 2004, 52 (1. hluti), grein 5270; 2006, 1, grein 10; 23, grein 2380; 52 (1. hluti), grein 5498; 2007, 1 (1. hluti), grein 23; 17, grein 1933; 50, grein 6246; 2008, 49, grein 5748), liður í reglugerð um Alríkisstofnun fyrir fiskveiðar, sem gekk í gildi með samþykkt ríkisstjórnar Rússlands númer 444 frá 11. júní 2008 (Lagasafn Rússneska Sambandsríkisins, 2008, 25, grein 2979; 42, grein 4925, 42, grein 4825; 46, grein 5337), g e f é g f y r i r m æ l i u m staðfestingu á hjálögðum Reglum um fiskveiðar á norðlægum fiskimiðum. Forstöðumaður A.A. Krajnij Samþykkt með tilskipun 13 Alríkisstofnunar fyrir fiskveiðar frá 16. janúar REGLUR um fiskveiðar á norðlægum fiskveiðisvæðum I. Almenn ákvæði 1. Reglur um fiskveiðar á norðlægum fiskveiðisvæðum (síðar nefndar Reglur um fiskveiðar) ákvarða starfsemi rússneskra lögaðila, aðila í einkarekstri og þegna, þar með talið einstaklinga sem teljast til frumbyggja Norðursins, Síberíu og Kyrrahafsstrandar Rússlands og þeirra samfélaga sem stunda veiðar á innra vatnasvæði Rússneska Sambandsríkisins, meðal annars á innhöfum Rússneska Sambandsríkisins, á hafssvæðum innan rússneskrar landhelgi, á landgrunni Rússneska Sambandsríkisins, á eigin efnahagssvæði Rússneska Sambandsríkisins á Norðlægum fiskveiðisvæðum svo og starfsemi erlendra lögaðila og þeirra þegna sem stunda fiskveiðar í samræmi við lög Rússneska Sambandsríkisins og alþjóðlega samninga Rússlands (síðar nefndir notendur). Réttur til að veiða (afla) líffræðilegar auðlindir í sjó og ferskvatni myndast á grundvelli samninga og ákvarðana í ríkislögum númer 166-ФЗ frá 20. desember 2004 Um fiskveiðar og verndun líffræðilegra auðlinda í sjó og ferskvatni, kafli 3.1 (Lagasafn

2 Rússneska Sambandsríkisins, 2004, 52 (1. hluti), grein 5270; 2006, 1, grein 10; 23, grein 2380; 52 (1. hluti), grein 5498; 2007, 1 (1. hluti), grein 23; 17, grein 1933; 50, grein 6246; 2008, 49, grein 5748). 2. Norðlæg fiskveiðisvæði ná yfir Barentshaf ásamt vatnasvæði þeirra fljóta sem renna í það, Hvítahaf ásamt vatnasvæði fljóta sem í það renna, Onega-vatn ásamt vatnasvæði fljóta sem renna í það svo og fiskveiðisvæði í lýðveldinu Karelíu (að undanskildu Ladoga-vatni ásamt vatnasvæði þeirra fljóta sem renna í það), í lýðveldinu Komi, á Néntska sjálfstjórnarsvæðinu (að meðtöldum hluta af Novaju Zemlju sem afmarkast að austanverðu af vatnaskilum), á svæðum í Arkhangelsk-, Múrmansk og Kirov-héruðum sem takmarkast af vatnasvæðum áðurgreindra fljóta, fyrir utan tjarnir og uppistöðuvötn sem eru í eigu rússneskra stjórnsýsluaðila, sveitarfélaga og einstaklinga. 3. Reglur um fiskveiðar ákvarða: 3.1. tegundir leyfilegra fiskveiða; 3.2. viðmiðunarákvæði þar með talinn staðall fyrir magn úrvinnslu úr líffræðilegum auðlindum í sjó og ferskvatni, meðal annars á hrognum, og einnig umfang og tímalengd leyfðra veiða; 3.3. takmarkanir á veiðum og annarri starfsemi sem tengist nýtingu á líffræðilegum auðlindum í sjó og ferskvatni sem teljast til afurða við fiskveiðar og fela í sér: bann við fiskveiðar á ákveðnum svæðum og tegundum; lágmarks umfang á veiddum afla; tegundir bannaðra veiðarfæra og veiðiaðferða; möskvastærð veiðarfæra, stærð og gerð veiðarfæra; leyfilegur meðafli við veiðar á einhverri annarri tegund; veiðitímabil á veiðisvæðum; aðrar takmarkanir á fiskveiðum sem settar eru í samræmi við lög um takmörkun fiskveiða; 3.4. kröfur um verndun líffræðilegra auðlinda í sjó og ferskvatni sem teljast viðfang fiskveiða, þ.m.t. skyldur notenda sem stunda veiðar, listi yfir skjöl sem notendur verða að hafa til þess að stunda fiskveiðar, kröfur til notenda sem stunda veiðar á líffræðilegum auðlindum í sjó og ferskvatni. 4. Ef alþjóðlegir samningar Rússneska Sambandsríkisins varðandi fiskveiðar og verndun líffræðilegra auðlinda í sjó og ferskvatni fela í sér aðrar reglur en þær sem Reglur um fiskveiðar setja, skal notast við reglur í alþjóðlegum samningum. 5. Til þess að vernda sjaldgæfar tegundir eða tegundir sem eru í útrýmingarhættu meðal líffræðilegra auðlinda skulu veiðar á þeim bannaðar. Í einstökum tilvikum er þó leyfilegt að veiða sjaldgæfar tegundir og tegundir sem eru í útrýmingarhættu á grundvelli veiðileyfis á líffræðilegar auðlindir í sjó og ferskvatni á þann hátt sem rússnesk stjórnvöld gera ráð fyrir. (Ríkislög 166-ФЗ frá 20. desember 2004 Um fiskveiðar og verndun líffræðilegra auðlinda í sjó og ferskvatni, grein 27). 6. Við fiskveiðar í vísinda - rannsóknarskyni, við framkvæmd eftirlits, við kennslu svo og í þágu fiskeldis, endurnýjunar og aðlögunar líffræðilegra auðlinda í sjó og ferskvatni kveða Reglur ekki á um nein tiltekin bannveiðisvæði, né takmarkanir á veiðitíma, veiðarfærum og veiðiaðferðum, svo og samsetningu afla að því er varðar tegundir, kyn og stærð fiska. Veiðarfæri og aðferðir við veiðar, fiskveiðisvæði og veiðitími, samsetning afla að því er varðar tegundir, kyn og stærð fiska í áðurnefndum tilvikum, eru ákveðin af vísindalegum áætlunum, af kennslu- og fræðsluskrám svo og af verkefnaáætlunum á sviði fiskeldis, endurnýjunar og aðlögunar líffræðilegra auðlinda í sjó og ferskvatni sem samþykktar hafa verið á tiltekinn hátt. 2

3 II. Reglur um veiðar á líffræðilegum auðlindum í sjó og ferskvatni í atvinnuskyni, þar með taldar strandveiðar, veiðar í innhöfum (að Hvítahafi undanskildu), á hafsvæðum innan rússneskrar handhelgi, á landgrunni og á eigin efnahagssvæði Rússneska Sambandsríkisins í Barentshafi. 1. Kröfur um verndun líffræðilegra auðlinda í sjó og ferskvatni sem eru viðfang fiskveiða 7. Þeir notendur sem stunda fiskveiðar í atvinnuskyni (þar með taldar strandveiðar) 7.1. skulu tryggja: sundurgreinda skráningu afla og skil eftir tegundum líffræðilegra auðlinda, upplýsingar um hlutföll tegunda í afla eftir þyngd, um veiðarfæri og veiðistaði (mið, hólf, veiðisvæði og svæðishluta) í veiðidagbók og í öðrum skýrslum; að um borð sé farið eftir kröfum um gerfihnattaeftirlit með staðsetningu rússneskra og erlendra skipa, sem staðfestar voru með tilskipun númer 330 af Fiskveiðinefnd Rússlands, dags. 22. nóvember 1999 (skráð af Dómsmálaráðuneyti Rússlands þann 5. janúar 2000, númer 2042) og með tilskipun númer 50, dags. 14. júlí 2008 (skráð af Dómsmálaráðuneyti Rússlands þann 24. september 2008, númer 12334) (Ríkislög 166-ФЗ frá 20. desember 2004 Um fiskveiðar og verndun líffræðilegra auðlinda í sjó og ferskvatni, grein 19); 7.2. þeir skulu hafa til umráða: tækjabúnað með tilskildum vottorðum til að vigta afla; skýringarmynd, staðfesta af skipaeiganda, um staðsetningu lestarrúma og milliþilfara fyrir afla, ásamt stærð þeirra og rúmmáli til að ákvarða á tilskilinn hátt magn afla á líffræðilegum auðlindum með því að nota áðurnefnd mál og til að reikna út magn fiskafurða sem úr þeim afla fæst; aflestur mælitækja (ef þau eru til staðar um borð í skipi), sem fylgjast með veiðum á líffræðilegum auðlindum (útprentunarstrimill úr gerfihnatta-staðsetningarbúnaði, strimill úr stefnuskrifara og sírita skulu geymdir meðan á veiðferð stendur og þeim framvísað við embættismenn eftirlitsstofnanna með veiðum á líffræðilegum auðlindum í sjó og ferskvatni að kröfu þeirra. Ofangreind tæki skulu vera starfhæf meðan á veiðum stendur; skráð gögn úr veiðiaðgerðatölvu sem lýsa starfsemi skips frá upphafi veiðiferðar (ef þess konar tölva er fyrir hendi um borð í skipi); 7.3. Notendur leggi fram upplýsingar um afla á líffræðilegum auðlindum í sjó og ferskvatni eftir veiðisvæðum hjá staðarnefnd á vegum Alríkisstofnunar fyrir fiskveiðar ekki síðar en 18. og 3. hvers mánaðar samkvæmt stöðu á 15. degi og síðasta degi mánaðar; 7.4. Notendur sjái um færslu skjala sem lýsa daglegri starfsemi við veiðar: veiðidagbók, en ef um er að ræða vinnslu sjávarafla einnig eftirlitsskýrslu varðandi vinnslu afurða (vinnsludagbók), svo og skjöl varðandi móttöku/afhendingu (kvittanir, farmskírteini) sem staðfestu afhendingu eða móttöku afla eða afurða (veiðidagbók og vinnsludagbók að færslum í þeim loknum, skjöl varðandi móttöku/afhendingu eða afrit af þeim sem staðfest hafa verið með undirskrift og/eða stimpli embættismanns sem ber ábyrgð á veiðum þessum, afrit skulu varðveitt um borð í skipi eða á veiðistað í eitt ár); 7.5. Notendur skulu hafa um borð í skipi sínu: starfshæfan eftirlitstæknibúnað, sem tryggir sjálfvirka sendingu upplýsinga um staðsetningu skips (gildir um skip með aðalvél stærri en 55 kwt og burðarmagn meira en 80 tonn) (Ríkislög 166-ФЗ frá 20. desember 2004 Um fiskveiðar og verndun líffræðilegra auðlinda í sjó og ferskvatni, grein 19); búnað til að draga sjávarardýr tafarlaust úr sjó (ef um er að ræða veiði á spendýrum); 7.6. Skipstjóri eða annar aðili sem ber ábyrgð á veiðum á líffræðilegum auðlindum í sjó og ferskvatni: 3

4 tilkynnir daglega á tilskilinn hátt sólarhringsskýrslur um veiðar (tölugildi mælinga og skyldubundinna upplýsinga, sem daglegar tilkynningar fela í sér, skulu í hvívetna vera í samræmi við skipsdagbók, veiðidagbók og vinnsludagbók. Afrit af daglegum tilkynningum sem staðfest hafa verið með undirskrift og stimpli skipstjóra skulu varðveitt um borð í skipi í eitt ár frá tímasetningu tilkynningar); sér um að gögn í tilkynningum sem skipstjórar senda til svæðisgagnabanka, séu heildstæð og fullnægi kröfum um daglegar tilkynningar. 8. Skipstjóri, vaktstjóri, flokksstjóri eða annar sá aðili sem ábyrgur er fyrir veiðum á líffræðilegum auðlindum, skulu bera á sér eða hafa um borð í skipi sínu svo og á hverju veiðisvæði (Tilskipun númer 226 ríkisstjórnar Rússneska Sambandsríkisins frá 26. febrúar 1999 Um uppbyggingu kerfis atvinnugreinar til vöktunar á líffræðilegum auðlindum í sjó og ferskvatni, til eftirfylgni og eftirlits með starfsemi veiðiskipa, málsgrein 2 (Lagasafn Rússneska Sambandsríkisins númer 10 frá 1999, grein 1243; númer 10 frá 2003, grein 3000; númer 52 frá 2006 (3. hluti), grein 5587): frumrit veiðileyfis sem gert er á tilskilinn hátt ásamt símbréfum varðandi breytingar sem gerðar hafa verið á því leyfi; veiðidagbók í samræmi við þann staðal sem ákveðinn hefur verið af Alríkisstofnun fyrir fiskveiðar; vinnsludagbók (fyrir skip þar sem fram fer vinnsla á sjávarfangi um borð); eintak af Reglum um fiskveiðar og önnur skjalfest fyrirmæli, sem stjórna veiðum á líffræðilegum auðlindum á veiðisvæði; vottorð um að eftirlitstæknibúnaður uppfylli kröfur vöktunarkerfis atvinnugreinarinnar (gildir um skip með aðalvél stærri en 55 kwt og burðarmagn yfir 80 tonn) (Ríkislög 166-ФЗ frá 20. desember 2004 Um fiskveiðar og verndun líffræðilegra auðlinda í sjó og ferskvatni, grein 19); gildandi skjöl frá Skipaskrá Rússlands eða flokkunarstofnun skipa, sem viðurkennd er af Skipaskrá Rússlands, eða skipsskírteini með staðfestingu á tækniskoðun, gefið út af Ríkiseftirlitsstofnun minni skipa við Ráðuneyti fyrir neyðaraðgerðir, fyrir skip með aðalvél minni en 55 kwt og burðarmagn undir 80 tonnum; vottorð sem staðfestir að skipaútgerð samræmist stjórnunarkerfi um öruggan rekstur á skipum og um mengunarvarnir á grundvelli alþjóðalaga um stjórnun á öryggi og forvarnir gegn mengun og sé í samræmi við tilskipun númer 165 Rússneskrar fiskveiðinefndar frá 18. október 1995 (skráð af Dómsmálaráðuneyti Rússlands þann 9. desember 1995, númer 990). 9. Notendur líffræðilegra auðlinda í sjó og ferskvatni eiga ekki rétt á: 9.1. að stunda veiðar á líffræðilegum auðlindum í sjó og ferskvatni án veiðileyfis og án úthlutaðs veiðikvóta, nema við veiðar á: a) þeim tegundum líffræðilegra auðlinda sem veiða má frjálst í samræmi við lög Rússneska Sambandsríkisins; b) leyfilegum meðafla; að fara fram úr úthlutuðum kvóta á veiði eftir veiðisvæðum og á tegundum sjávarfangs og magni leyfilegs meðafla; að stunda veiðar á skipum né öðrum siglingatækjum, sem ekki eru skráð á tilskilinn hátt og bera ekki á hliðum greinileg auðkennimerki að tilskildum staðli; að veiða með því að nota sprengi-, eitur- og deyfiefni, rafmagn, stingandi veiðarfæri og skotvopn (að undanskildum veiðum á sjávarspendýrum), svo og önnur þau veiðarfæri sem bönnuð eru samkvæmt lögum Rússneska Sambandsríkisins; að stunda veiðar á siglingaleiðum skipa (að undanskildum þeim vatnasvæðum þar sem eftir samkomulagi við viðeigandi ríkisstofnanir veiðar trufla ekki skipaflutninga innanlands) og ekki innan 500 metra radíus frá safnbrunnum; 4

5 að veiða á banntíma og á svæðum sem lokuð eru fyrir veiðum; 9.2. að taka á móti (afhenda), hafa um borð í skipi afla af líffræðilegum auðlindum (eða vinnsluafurðir úr þeim) af ákveðinni tegund undir heiti annarrar tegundar eða án þess að tilgreina tegundir, taka á móti (afhenda) afla án vigtunar og/eða eftir stykkjatali; 9.3. að bókfæra og leggja fram skýrslur um veiðar með rangfærðum staðreyndum hvað varðar magn afla, tegundir í honum, notuð veiðarfæri, veiðitíma, nýtingu afla og veiðiaðferðir, án tilgreiningar á veiðisvæði eða með því að tilgreina rangt veiðsvæði. Við affermingu afla eru leyfileg frávik frá vigt sem skipstjóri hefur fyrirfram tilkynnt innan 5 prósenta yfir eða undir og leiðréttingar skulu færðar eftir á í vinnsludagbók og í tollskýrslu ásamt tilkynningu til viðeigandi eftirlitsstofnanna; 9.4. af hafa um borð í skipi og í öðrum flutningatækjum svo og á vinnslustöðvum afla úr líffræðilegum auðlindum (þ.m.t. hluta af þeim og/eða afurðir sem unnar eru úr þeim) sem ekki eru bókfærðar í veiðdagbók og/eða í vinnsludagbók, móttöku/afhendingarskjölum (kvittun, farmbréf); 9.5. af hafa á þilfari skips og á vinnusvæðum nothæf veiðarfæri sem bannað er að nota á því svæði og þeim tíma; 9.6. að nota lagnet eða reknet án þess að merkja staðsetningu þeirra með baujum eða einkennandi merkjum af tilskildum staðli; 9.7. að kasta brott fengnum afla úr líffræðilegum auðlindum sem leyfilegt er að veiða; 9.8. að nota veiðarfæri af stærð og útbúnað og möskvastærð sem ekki eru í samræmi við Reglur um fiskveiðar að láta viðgangast hnignun nátturulegs búsvæðis líffræðilegra auðlinda í sjó og ferskvatni. 2. Svæði þar sem veiðar á líffræðilegum auðlindum í sjó og ferskvatni eru bannaðar 10. Bannað er að nota togveiðarfæri allt árið um kring á svæðum sem afmörkuð eru með beinum línum sem tengja punkta með eftirfarandi hnitum: 71 00' n.br ' aust. lengdar; 71 00' n.br ' aust. lengdar; 71 30' n.br ' aust. lengdar; 71 30' n.br ' aust. lengdar og lengra allt til upphafspunkts. 11. Það er bannað allt árið um kring að nota botnvörpu: a) á svæði sem afmarkað er með beinum línum sem tengja eftirfarandi hnit: 68 55' n.br ' aust. lengdar; 69 25' n.br ' aust. lengdar; 69 25' n.br ' aust. lengdar; 69 50' n.br ' aust. lengdar; 69 50' n.br ' aust. lengdar; 69 10' n.br ' aust. lengdar; 69 10' n.br ' aust. lengdar; 68 40' n.br ' aust. lengdar; 68 40' n.br ' aust. lengdar; 68 30' n.br ' aust. lengdar; 68 30' n.br ' aust. lengdar og lengra allt til upphafspunkts. b) í landhelgi Rússneska Sambandsríkisins og á hafsvæði Rússneska Sambandsríkisins meðfram strandlengju Kolaskaga frá landamærum við Noreg í vestri að breiddargráðu austlægrar lengdar í austri. 5

6 12. Bannað er að flytja út fyrir ytri mörk eigin efnahagssvæðis Rússneska Sambandsríkisins lifandi kamtsjatka-krabba sem veiddur hefur verið á innhöfum Rússneska Sambandsríkisins, á hafssvæðum innan rússneskrar landhelgi, á eigin efnahagssvæði Rússneska Sambandsríkisins svo og á landgrunni Rússneska Sambandsríkisins. 3. Tímabil þegar bannað er að veiða líffræðilegar auðlindir í sjó og ferskvatni 13. Bannað er að nota togveiðarfæri: frá 1. janúar til 30. júní á svæði sem afmarkast af beinum línum sem tengja eftirfarandi hnit: 68 35' n.br ' aust. lengdar; 69 30' n.br ' aust. lengdar; 69 30' n.br ' aust. lengdar; 68 35' n.br ' aust. lengdar og lengra allt til upphafspunkts frá 1. janúar til 15. apríl á svæði sem afmarkast af beinum línum sem tengja eftirfarandi hnit: 70 00' с.ш ' aust. lengdar; 71 30' с.ш ' aust. lengdar; 71 30' с.ш ' aust. lengdar; 71 00' с.ш ' aust. lengdar; 71 00' с.ш ' aust. lengdar; 70 00' с.ш ' aust. lengdar og lengra allt til upphafspunkts. 14. Bannað er að veiða: allar tegundir líffræðilegra auðlinda með netveiðarfærum frá Kanin Nos allt að ánni Promoj (þorpið Varandej) meðan á göngu atlantshafslax stendur frá 1. júlí til 31. október; kamtsjatka-krabba á hrygningar- og hamskiptatíma frá 15. febrúar til 31. ágúst; hörpudisk frá 1. apríl til 31. júlí; grænlandssel á þeim tímabilum sem ákveðnir eru á árlegum fundum sameiginlegrar fiskveiðinefndar Rússlands og Noregs; hringanóra: a) í net frá 1. apríl til 31. ágúst; b) með skotvopni frá 16. apríl til 30. september. 4. Tegundir líffræðilegra auðlinda í sjó og ferskvatni sem bannað er að veiða 15. Bannað er að veiða mjaldur sem er yngri en eins árs. 5. Tegundir af bönnuðum veiðarfærum og veiðiaðferðum 16. Bannað er: að veiða sjávarspendýr: með rifflum ef spendýr er á sundi; með skotvopni með sléttu hlaupi; með bænvænum efnum og eitri; að veiða mjaldur með hvers konar veiðarfærum öðrum en neti, nót, skutli með línu; að nota: botnvörpur sem ætlaðar eru til að veiða þorsk, ýsu og rækju, án skilju af veiðiskipum sem eru lengri en 24 m lóðlína á milli, að síðutogurum undanskildum; 6

7 hvers konar veiðarfæri til að veiða kamtsjatka-krabba, nema gildrur með hliðarnetplötu ekki minna en 350 mm á breidd og 400 mm á hæð sem svo er fest við aðalnet gildrunnar með jurtatágum 2-3 mm í þvermál, ekki meðhöndluðum með neinum efnum sem koma í veg fyrir fúa, eða gildrur með streng 2-3 mm í þvermál sem festir netið við grindina og ekki er meðhöndlaður með neinum efnum sem koma í veg fyrir fúa; nætur lagðar með minna en 1 km millibili; laxanet á úthafsveiðum lögð með minna en 200 m millibili; plóg til að safna þaragróðri á finni og grófari malarbotni, þar með talinn dreki (steinakkeri); troll og önnur veiðarfæri með búnaði sem getur lokað möskvum eða minnkað þá svo og með öðrum búndaði sem ekki er gert ráð fyrir í tæknilýsingu á veiðarfærum. Til þess að koma í veg fyrir ótímabært slit á netagarni sem troll eru búin til úr, er leyfilegt: a) að festa segldúk, netdúk eða önnur efni á neðra borð trollpoka; en svuntur úr þessum efnum skulu vera festar aðeins við fram- og hliðarkanta; b) að nota netklæðningu á trollpoka úr einu lagi við veiðar á loðnu, pólarþorski, petsjora-síld, en klæðningin er gerð úr efnisdúk með þráðum þykkri en í trollinu sjálfu með lágmarksstærð möskva að innan ekki minna en 80 mm; c) að nota netklæðningu á troll úr einu lagi við veiðar á rækju með innri stærð möskva ekki minna en 120 mm; d) að nota á trollum viðbótar innra byrði út neti gert úr kapron við veiðar á loðnu, pólarþorski og síld með innri stærð möskva ekki minna en 200 mm; að stunda töku á brúnþörungum á þeim veiðisvæðum þar sem nú þegar var búið að nota vélknúin tæki: á breiðum af beltisþara eða í blönduðum þarabreiðum með þessari tegund að megin hluta innan þriggja ára þar á eftir; á breiðum af hrossaþara eða í blönduðum þarabreiðum með þessari tegund að megin hluta innan fimm ára þar á eftir: með því að nota plóg á smágerðum og stórgerðari malarbotni, þar með talinn dreki (steinakkeri). 6. Möskvastærð veiðarfæra, stærð og gerð veiðarfæra til notkunar á líffræðilegum auðlindum í sjó og ferskvatni 17. Við atvinnuveiðar er notast við stöðluð veiðarfæri sem framleidd eru í samræmi við tæknigögn. Bannað er að nota veiðarfæri með innri stærð möskva og rimlabil (í mm) minni en það sem fram kemur í Töflu 1: Tafla 1 Innri möskvastærð, rimlabil fyrir veiðarfæri sem notuð eru til veiða á sjávarauðlindum í Barentshafi Veiðarfæri með trolli Tegund auðlinda Efni veiðarfæra Innri möskvastærð (mm) Þorskur, ýsa, ufsi, rauðspretta, steinbítur, blágóma, keila, grálúða Bómull, hampur, garn úr poliamid, poliolefin og poliester 125 Þorskur, ýsa, ufsi, rauðspretta, steinbítur, Hvers kyns önnur efni 135 7

8 blágóma, keila, grálúða Karfi Hvers kyns efni 100 Úthafsrækja Hvers kyns efni 35 Pólarþorskur Hvers kyns efni 24 Loðna Hvers kyns efni 16 Petsjora-síld Hvers kyns efni 16 Sandsíli Hvers kyns efni 8 Grásleppa Hvers kyns efni 250 Aðrar fisktegundir Hvers kyns efni 120 Gildrur Kamtsjatka-krabbi - 70 Nót, gildrur, lagnet og reknet (rimlabil í mm) Tegundir líffræðilegra auðlinda í sjó og vatni Nót og gildrur Net Belgur, poki Hliðar Vængir Netdúkur Rússakóð Síld Silfurloðna Pólarþorskur Loðna Norsk-íslensk síld Sandsíli Lágmarksstærð veiddra líffræðilegra auðlinda í sjó og ferskvatni (veiðistærð) 18. Við veiðar í atvinnuskyni er eftirfarandi veiðistærð ákvörðuð (tafla 2): Veiðistærð sjávarfengs við veiðar í atvinnuskyni í Barentshafi Tafla 2 Tegundir sjávarfengs Veiðistærð ekki minna en (sm) Hörpudiskur (fyrir sunnan 69 n. br.) 8 Skarkoli 25 8

9 Rauðspretta 14 Silfurloðna 16 Kamtsjatka-krabbi 15 Loðna 11 Rússakóð 18 Ýsa 39 Ufsi 35 Pólþorskur 13 Norsk-íslensk síld 25 Petsjora-síld 15 Þorskur Samsvörun stærðar sjávarafengs við löglega veiðistærð er sannreynd á ferskum afurðum: á fiski lengd er mæld frá hæsta punkti á haus (með lokuðum kjafti) að lengsta enda á sporði, við lágmarkshorn milli efri og neðri sporðsblöðku; á hörpdiski með því að mæla hæð skeljar frá samskeytum efri og neðri hluta skeljar að rúnnaðri frambrún á móti; á kamtsjatka-krabba með því að mæla breiðasta hluta krabbaskeljar að göddum frátöldum. 20. Meðafli sjávarfangs af stærð minni en veiðistærð (ungviði) sem gefin er upp í töflu 2 í Reglum um fiskveiðar er þó leyfilegur við veiðar: á loðnu ekki meira en 10 prósent; á pólarþorski ekki meira en 20 prósent; á þorski ekki meira en 15 prósent; á petsjora síld ekki meira en 15 prósent; á norsk-íslenskri síld ekki meira en10 prósent; á öðrum sjávarfangi ekki meira en 20 prósent. Við veiðar á loðnu skal fjöldi af ungum þorski, ýsu, norsk-íslenskri síld og grálúðu ekki vera meira en 300 stk. af hverri tegund í 1 tonni af loðnu. Við veiðar á úthafsrækju: a) skal samanlagður fjöldi af ungum þorski og ýsu ekki fara yfir 800 stk. í 1 tonni af rækju. b) skal fjöldi af ungri gráluðu ekki fara yfir 300 stk. í 1 tonni af úthafsrækju; c) skal fjöldi karfa minni en 15 sm á lengd ekki vera meira en 1000 stk. í 1 tonni af úthafsrækju. 21. Ef við veiðar með skipi á vissu sjávarfangi sem á ákveðnu svæði og án tillits til prósentuhlutfalls annarra tegunda tryggja ávallt hámarksafla af viðkomandi tegund með því að nota sértæk veiðarfæri eða sérstækar veiðiaðferðir (síðar sértækar veiðar) og fari þá meðafli af ungviði fram úr því magni sem Reglur um fiskveiðar leyfa, þá skal allt það ungviði sem veiðst hefur (af kamtjsatka-krabba-ungviði frátöldu sem á að sleppa að viðhöfðu lágmarkshnjaski á vistsvæði þess án tillits til ástands ungkrabbana) tekið til vinnslu og viðeigandi skráningar skulu færðar í veiði- og/eða vinnsludagbók. Við þannig aðstæður skal notandi: 9

10 skipta um staðsetningu veiða (stefna næsta togs eða staðsetning næsta kasts, lagnir veiðarfæra skulu ekki vera nær en 5 sjómílur frá öllum staðsetningapunktum fyrra togs, kasts eða lagnar); gera grein fyrir sínum gerðum í skipsskjölum, í veiðidagbók og senda upplýsingar um athafnir sínar til svæðis-útibús Alríkisnefndar fyrir fiskveiðar. Hafi því svæði þar sem sértækar veiðar fóru fram ekki verið lokað fyrir veiðum innan þriggja sólarhringa eftir að upplýsingar hafa verið sendar þá getur notandinn snúið aftur á upprunalegt svæði. Ef sértækar veiðar á líffræðilegum auðlindum eru ekki stundaðar á skipum og meðafli af ungviði fer fram úr því magni sem Reglur um fiskveiðar leyfa, þá skal allt það ungviði sem veiðst hefur tekið til vinnslu og viðeigandi skráningar færðar í veiði- og/eða vinnsludagbók. Við þannig aðstæður skal notandi: skipta um veiðarfæri með stærri möskva, en fari meðafli þá aftur yfir leyfilegt magn skal hætta veiðum (fjarlægja veiðarfæri eða gera þau óvirk) á þeim tiltekna stað eða á því tiltekna veiðisvæði; senda upplýsingar um athafnir sínar til svæðis-útibús Alríkisnefndar fyrir fiskveiðar. Aðeins er unnt að hefja veiðar á nýjan leik á þeim tiltekna stað á grundvelli leyfis frá þeim yfirvöldum sem áður hafa veitt það veiðileyfi. 23. Við sértækar veiðar á kamtsjatka-krabba: skal öllum meðafli af ungviði og kvendýrum krabba sleppt að viðhöfðu lágmarkshnjaski á vistsvæði þeirra án tillits til ástands þeirra. Til þess að koma ungviði og kvendýrum kamtsjatka-krabba að viðhöfðu lágmarkshnjaski aftur lifandi á vistsvæði sitt skulu sérstök kör vera til staðar um borð í skipi; sé samanlagður meðafli af ungviði og kamtsjatka-kvenkröbbum meiri en 25 prósent að stykkjatali í hverju togi, skal skipstjóri skipta um staðsetningu veiða (stefna næstu lagna veiðarfæra skal ekki vera nær en tvær sjómílur frá öllum staðsetningapunktum fyrra lagnar), gera grein fyrir sínum gerðum í veiðidagbók og senda upplýsingar um athafnir sínar til svæðis-útibús Alríkisnefndar fyrir fiskveiðar. 8. Meðafli af annars konar sjávarfangi við veiðar á öðrum tegundum 24. Við veiðar á líffræðilegum auðlindum er bannað að veiða og halda eftir um borð eða á veiðisvæði meðafla af kamtsjatka-krabba og sjávarspendýrum. Allur meðafli af kamtsjatka-kröbbum og sjávarspendýrum, sem ekki eru talin upp í veiðileyfi, skal, án tillits til þeirra ástands, umsvifalaust sleppt aftur á vistsvæði þeirra að viðhöfðu lágmarkshnjaski. Sé meðafli af kamtsjatka-krabba meiri en 10 stk (af hvoru kyni og stærð sem er) í 1 tonni af afla í hverju togi (kasti) skal notandi skipta um staðsetningu veiða (stefna næsta togs eða staðsetning næsta kasts, lagnir veiðarfæra skulu ekki vera nær en 5 sjómílur frá öllum staðsetningapunktum fyrra togs, kasts eða lagnar) og gera grein fyrir sínum gerðum í skipsskjölum, í veiðidagbók. 25. Komi aftur til meðafla af kamtsjatka-krabba meiri en 10 stk (af hvoru kyni og stærð sem er) í 1 tonni af afla í hverju togi (kasti) skal notandi, í viðbót við þær aðgerðir sem gert er ráð fyrir í 24. málsgrein í Reglum um fiskveiðar, senda upplýsingar um athafnir sínar til svæðis-útibús Alríkisnefndar fyrir fiskveiðar. 26. Við sértækar veiðar (að undanskildum línuveiðum) á þeim tegundum líffræðilegra auðlinda sem taldar eru upp í veiðleyfi má meðafli af tegundum sem ekki eru taldar upp í veiðileyfi en eru þó hluti af leyfilegum meðafla ekki vera meiri en 10 prósent að þyngd af hverri tegund meðafla í einu togi og ekki meira en samanlagt 10 prósent af öllum tegundum meðafla við löndun samanborið við heildarþyngd aflans (að frátöldum sjávarspendýrum og kamtsjatka-kröbbum). 10

11 Leyfilegur meðafli af steinbít og hlýra er allt að 45 prósent af heildarþyngd af hverjum feng og af lönduðum afla. Leyfilegur meðafli af ufsa er allt að 49 prósent af hverjum feng og af lönduðum afla. Leyfilegur meðafli af grálúðu er allt að 12 prósent að þyngd í hverjum feng og allt að 7 prósent um borð í skipi við lok veiða og við löndun heildarafla. Leyfilegur meðafli af karfa er allt að 15 prósent af heildarþyngd í hverjum feng og af lönduðum afla. 27. Við sértækar línuveiðar á þeim tegundum sem taldar eru upp í veiðileyfi má meðafli af tegundum sem ekki eru taldar upp í veiðileyfi en eru þó hluti af leyfilegum meðafla ekki vera meiri en 10 prósent að þyngd af hverri tegund meðafla (að frátöldum steinbít og hlýra) í hverjum línudrætti og ekki meiri en 10 prósent af öllum tegundum meðafla við löndun samanborið við heildarþyndgd aflans (að frátöldum kamtjsatka-kröbbum). Leyfilegur meðafli af steinbít er allt að 45 prósent að þyngd við löndun samanborið við heildarþyngd í hverjum feng og af lönduðum afla. Leyfilegur meðafli af ufsa er allt að 49 prósent af heildarþyngd í hverjum feng og af lönduðum afla. Leyfilegur meðafli af grálúðu er allt að 12 prósent að þyngd í hverjum feng og allt að 7 prósent um borð í skipi við lok veiða og af lönduðum afla. Leyfilegur meðafli af karfa er allt að 15 prósent af heildarþyngd í hverjum feng og af lönduðum afla. 28. Hafi notendur nýtt til fulls útdeildan heildarafla af líffræðilegum auðlindum í sjó og ferskvatni er frekari veiði á þessum auðlindum ekki leyfð og öllum meðafla með þeim tegundum skal umsvifalaust sleppt aftur á vistsvæði þeirra að viðhöfðu lágmarkshnjaski. 29. Ef við veiðar á líffræðilegum auðlindum í sjó og ferskvatni er farið yfir leyfilegt magn meðafla sem tiltekið er í málsgreinum 26 og 27 í Reglum um fiskveiðar, skal öllum meðafla umsvifalaust sleppt aftur að viðhöfðu lágmarkshnjaski á vistsvæði þeirra án tillits til ástands hans og viðeigandi færslur gerðar í veiðidagbók. Við þannig aðstæður skal notandi: sé skip notað við veiðar: skipta um staðsetningu veiða (stefna næsta togs eða staðsetning næsta kasts, lagnir veiðarfæra skulu ekki vera nær en 5 sjómilur frá öllum staðsetningapunktum fyrra togs, kasts eða lagnar); gera grein fyrir sínum gerðum í skipsskjölum, í veiðidagbók og senda upplýsingar um athafnir sínar til svæðis-útibús Alríkisnefndar fyrir fiskveiðar. Hafi því svæði þar sem sértækar veiðar fóru fram ekki verið lokað fyrir veiðum innan þriggja sólarhringa eftir að upplýsingar hafa verið sendar þá getur notandinn snúið aftur á upprunalegt svæði sé ekki veitt af skipi: hætta veiðum (fjarlægja veiðarfæri eða gera þau óvirk) á þeim tiltekna stað eða á því tiltekna veiðisvæði; senda upplýsingar um athafnir sínar til svæðis-útibús Alríkisnefndar fyrir fiskveiðar. Aðeins er unnt að hefja veiðar á nýjan leik á þeim tiltekna stað á grundvelli leyfis frá þeim yfirvöldum sem áður hafa veitt það veiðileyfi. 30. Meðafli af líffræðilegum auðlindum í sjó og ferskvatni sem ekki hefur verið ákveðinn að magni til (að frátöldum þeim tegundum sem bannað er að veiða algjörlega, tímabundið eða á vissu veiðitímabili) er leyfður allt að 49 prósentum af heildarþyngd aflans. 31. Allur afli eftir tegundum og magni skal skráður í veiðidagbók og sendur til frekari úrvinnslu. 11