Saksframlegg. Kvinnherad kommune. Behandling dispensasjon - 143/1 - søknad om deling og omlegging av tilkomstveg - Trond-Arild Frøystein - Husnes

Transkript

1 Saksframlegg Saksmappe Saksbehandlar 2017/ Anbjørn Høivik Saksgang Saksnr Utval Møtedato Forvaltningskomiteen Behandling dispensasjon - 143/1 - søknad om deling og omlegging av tilkomstveg - Trond-Arild Frøystein - Husnes Innstilling frå rådmannen: Kvinnherad forvaltningskomite gjev tilsegn om dispensasjon frå arealføremålet landbruk-, naturog friluftsområde i arealdelen til kommuneplanen slik at planlagt deling av eigedom og omlegging av veg kan omsøkjast og handsamast i samsvar med plan- og bygningslova kap. 20 og tilhøyrande bestemmelsar. Løyvet er heimla i pbl då omsyna til jord- og skogbruk, naturkvalitetar og tryggleik ikkje vert tilsidesette og fordelane for trafikktryggleik og næring er større enn eventuelle ulemper ved tiltaket. Vilkår for dispensasjonen: Ny avkøyrsle skal opparbeidast i tråd ved Statens vegvesen sine handbøker. Saka vert sendt relevante statlege/regionale myndigheiter til uttale. Rådmannen får fullmakt til å gjere endeleg vedtak, med eventuelle vilkår, om dette let seg gjere etter uttale frå høyringspartane og evt. nabouttale. Saksutgreiing: Søkjar:, Rosendalsvegen 10, 5470 Rosendal Søknad dagsett: Om søknaden og eigedommen: side 1

2 Figur over: Tiltaket si plassering i oversiktskart Figur over: Utsnitt frå søknaden. Arealet det gjeld er markert med grøn farge. Det er tidlegare gitt dispensasjon for tiltaka markert med gul farge. side 2

3 Figur over: Flyfoto av området. Det vert søkt om dispensasjon til å dela frå eit areal eigedom 143/1 i nærleiken av kommunen sin driftsbase på Helland, Husnes, samt dispensasjon for å kunne leggja om tilkomstvegen på ei strekkje på ca. 180 meter. Den frådelte tomta er tenkt nytta til bygging av ein privat barnehage. Samla areal for dei to tiltaka er snautt 5 daa. og dekka hovudsakleg av barskog med høg bonitet. Søknaden vert grunngitt med eit vilkår i kjøpeavtalen for areal til utviding av kommunen sin driftsbase, der kommunen pliktar seg til også å kosta frådeling av ei tomt til eigaren samt flytte avkøyrsla og ein del av veglina for tilkomstvegen i området. Forvaltningskomiteen gjorde vedtak om dispensasjon frå arealføremål i kommuneplanen for deling av eigedom og etablering av parkeringsplass ved sin tekniske driftsbase ved Hellandselva, Husnes. Føremålet var utviding av driftsbasen og tilrettelegging av parkeringsplass for turgåarar. Vedtaket vart gjort som følgje av søknad frå kommunen sitt eigedomskontor, og kommunen skal kjøpe arealet frå eigaren av hovudbruket. Ved ein inkurie vart ikkje frådeling av tomt til eigaren og areal til omlegging av vegen teke med i den opphavlege søknaden. Arealstatus og strandsone Området er ikkje omfatta av reguleringsplan. I gjeldande arealdel til kommuneplanen er arealføremålet landbruks-, natur- og friluftsområde (LNF i Kommunedelplan for Husnes-området, vedteken 2003). I framlegg til ny arealdel er arealføremålet offentleg eller privat tenesteyting. Planframlegget har vore på høyring og det har ikkje kome merknadar til dette føreslegne byggeområdet. Føremålet i søknaden (privat barnehage) er i tråd med forslaget til ny arealplan, men ikkje i tråd med gjeldande arealplan. Arealet sin avstand til Hellandselva er på det minste ca. 30 meter. Ved behandling av den første søknaden vart det fastsett ei breidde på kantvegetasjonen på 10 meter (jf. vassressurslova 11), så dessee tiltaket er ikkje i konflikt med slike interesser. side 3

4 Figur over: Utsnitt av gjeldande arealdel til kommuneplanen. LNF på omsøkt areal. Figur over: Utsnitt av framlegg til ny arealdel til kommuneplanen. Offentleg og privat tenesteyting på omsøkt areal. Omsynssoner for vegtrafikkstøy og flaumfarevurdering. Nabovarsel Søknaden er varsla til eigarar av tilgrensande tomter. Den eine har gitt samtykke til tiltaket, for den andre har fristen for uttale førebels ikkje gått ut. Uttale frå regionale og statlege styresmakter Saka skal sendast på høyring til følgjande: Fylkesmannen i Hordaland Hordaland fylkeskommune Statens vegvesen NVE Naturmangfaldlova Det er ikkje registrert førekomstar av raudlista artar i eller nær ved arealet. Det er heller ikkje registrert verdifulle eller prioriterte naturtypar her, og arealet er ikkje omfatta av noko verneområde. Kunnskapsgrunnlaget for området kan, til liks med store delar av kommunen elles, reknast som godt. Arealet ligg nær ved nedre del av Hellandselva, men omsøkt eigedomsgrense vert liggjande minst 30 meter frå vassyta. Elva si kantsone vil såleis ikkje koma med i den frådelte eigedomen. Rådmannen reknar at naturmangfaldlova sine krav til vurderingar og kunnskapsgrunnlag er innfridde, og at søknaden ikkje er i konflikt med dette. Kulturminne Det er ikkje registrert verna kulturminne i eller ved det omsøkte området, og rådmannen vurderer at frådelinga ikkje er i konflikt med kulturvernomsyn. side 4

5 Støy Arealet for ny tomt ligg ca. 80 meter frå fv.48. Den tiltenkte bruken som barnehage må reknast som støyfølsom, men arealet ligg utafor gul støysone. Naturfare og klimatilpassing Arealet er ikkje faresonekartlagt for skred, men det ligg ikkje innafor aktsemdsone for korkje snøskred, steinsprang eller jord- og flaumskred. NVE har tidlegare kravd utgreiing av flaum- og erosjonsfare før det kan gjevast løyve til tiltak i dette området. Ei slik utgreiing er gjennomført av firmaet Norconsult i rapporten «200-årsflom i Hellandselva ved Madalen». Som tittelen seier er berre 200-årsflaumen berekna, og rapporten viser at det omsøkte arealet ikkje utsatt for slik flaumfare. Bygningar og anlegg i tryggleiksklasse 2 (dei fleste bygg berekna for personopphald og dermed det som er aktuelt i dette området) må liggja på tygg grunn i høve til 200-årsflaum. Begge tiltak i søknaden ligg utanfor den kartlagde flaumfaresona. Figuren over viser korleis planlagt utbyggingsområde, markert i raudt, vert utsett for 200-årsflaum. side 5

6 Figuren over viser korleis ulike jordartar vert utsett for erosjon ved 200-årsflaum. Veg, vatn og avløp Den eine delen av søknaden gjeld dispensasjon for areal til opparbeiding av ny avkøyrsle frå fv. 48. Inntil denne er bygd må den eksisterande avkøyrsla nyttast. Det er tidlegare stilt krav om at siktsonene for denne må haldast opne. Det ligg til rette for tilfredsstillande løysingar for vatn og avløp for den omsøkte tomta. Aktuelle lovheimlar Den planlagde frådelinga krev dispensasjon etter pbl frå formålet landbruk- natur- og friluftsområde i arealdelen til kommuneplanen (Kommunedelplan for Husnes-området, vedteken 2003). Dersom det skal gjevast dispensasjon må omsyna bak reglane det vert dispensert frå, eller omsyna i føremåla til lova, ikkje verta vesentleg sette til side. I tillegg må fordelane ved å gi dispensasjon vere klart større enn ulempene etter ei samla vurdering. Vurdering Arealformål: Strandsoneverdiar: Arealet får etter alt å døme status som område for offentleg eller privat tenesteyting i ny arealdel til kommuneplanen. Søknaden er i tråd med dette arealføremålet. Arealet ligg ikkje til eller i nærleiken av sjø. Kantvegetasjon langs vassdraget vert ikkje råka. Naturmangfaldlova: Det er ikkje registrerte artar, naturtypar eller fenomen som kjem i konflikt med frådeling og omlegging av vegen. Kunnskapsgrunnlaget vert vurdert som tilstrekkeleg. Kulturminne: Støy: Det er ikkje registrert kulturminne som kjem i konflikt med frådeling og omlegging av vegen. Ein barnehage kan reknast som støyfølsom, men tiltaket ligg utanfor berekna støysone. side 6

7 Klimatilpassing: Omsøkt frådeling og vegomlegging vert vurdert til ikkje å vere sårbart for naturfare slik tilhøva er på staden. Ved ein dispensasjon skal det leggjast spesiell vekt på konsekvensar for helse, miljø, jordvern, tryggleik og tilgjenge. Det går ikkje med dyrka eller dyrkbar mark, og tiltaket er såleis ikkje i konflikt med jordvernet. Dei viktigaste miljøomsyna på staden er knytt til elva som renn forbi, men her er avstanden så stor at det ikkje vert konflikt med kantsone e.a. Med omsyn til trafikkfare vil ny avkøyrsle gi tilfredsstillande løysing. Så lenge den noverande avkøyrsla er i bruk er det tidlegare stilt krav om god sikt. Naturfare er spesielt utgreidd for flaum med tilfredsstillande resultat. Grunngjeving Tiltaket sett ikkje vesentleg til side omsyna bak arealføremålet i kommuneplanen eller føremåla til plan- og bygningslova. Dei negative konsekvensane er særs små, og tiltaket har positive konsekvensar for samfunnsutviklinga. Økonomisk konsekvens: Tiltaka er vilkår for ein plan for utviding av den kommunale driftsbasen. Om dette ikkje let seg gjennomføre vil dette ha negativ økonomisk konsekvens, men dette let seg ikkje talfesta no. Miljømessig konsekvens: Ikkje vesentleg negativ påverknad i høve til naturmangfald, forureining eller klimapåverknad. Vedlegg: - Søknad side 7