SØKNAD OM UTVIDA JAKTTID PÅ HJORT I KVINNHERAD

Transkript

1 HORDALAND FYLKESKOMMUNE Regionalavdelinga Klima- og naturressursseksjonen Arkivsak Arkivnr. 310 Saksh. Ragnhildstveit, Jomar Saksgang Møtedato Fylkesutvalet SØKNAD OM UTVIDA JAKTTID PÅ HJORT I KVINNHERAD SAMANDRAG Kvinnherad kommune fremja søknad om utvida jakttid på hjort i delar av kommunen i 2010 og Dette etter opphavleg søknad frå Hjortefot jaktvald (Omvikedalen), og ein søknad frå Åkrafjorden Jakt ans, for jaktarealet deira i Åkra. Fylkeskommunen kan fastsetje forskrift om utvida jakttid når det føreligg særlege behov, føresett at det er gjennomført høyring. Frist for høyringa er sett til Men det vart også gjennomført ei breiare høyring i 2009, då kommunen, etter vedtak i kommunestyret, unnlet å fremje ein søknad om utvida jakttid i heile kommunen. I år er det, som ei prøveordning, berre søkt om utvida jakttid på dyrka mark og innmarksbeite, til Ei slik utviding er strengt tatt ikkje i samsvar med jakttidsforskrifta og tilhøyrande retningsliner. Arealet med utvida jakttid bør i følgje jakttidsforskrifta omfatte heile kommunen, og i retningslinene er det litt uklare unntak. I følgje Direktoratet for naturforvalting, vil det vere uaktuelt å opne for utvida jakttid berre på innmark ved neste revisjon av jakttidsforskrifta (i 2012). På jaktutleigeområdet til Åkrafjorden Jakt i Åkra, har kommunen gått inn for utvida jakt på heile området til Fylkesutvalet vedtok utvida jakt i 8 kommunar på møtet i august. Fylkesrådmannen meinar Kvinnherad høyrer til dei kommunane som kan seiast å ha behov for utvida jakttid, blant anna ut frå skadar på dyrka mark og skog, som følgje av stor bestandstettleik. Når kommunen har vore restriktiv til utvida jakttid, synest det å vere ut frå omsynet til andre brukarar av naturen, og kanskje innspela om at hjorten treng fred og ro etter brunsttida. Det er vanskeleg å sjå at det kan kome andre tungtvegande argument under høyringa i år, men i tilfelle vert ny tilråding lagt fram på møtet Fylkesrådmannen ville i utgangspunktet ha rådd til utvida jakttid i heile kommunen, ut frå vilt- og landbruksinteresser, og ut frå at valda lokalt vil tilpasse seg til ulike behov og omsyn frå område til område. Utvida jakt på delar av området vil vere betre enn inga utviding. Det vert rådd til at Åkrafjorden Jakt berre får utviding til og med 6. desember i skog og anna utmark, for ikkje å ha for mange ulike jakttider i forskrifta.

2 FORSLAG TIL VEDTAK 1. I medhald av forskrift om jakt- og fangsttider 3, vedtek fylkesutvalet at det vert utvida jakttid på hjort i delar av Kvinnherad kommune frå og med til og med Med delar av Kvinnherad vert å forstå i denne samanheng: Dyrka mark og innmarksbeite. Den utvida jakttida gjeld for inneverande år og På tre vald i Åkra; Fatland, Hillesdal og Lio jaktvald, vert det utvida jakttid på hjort også utanfor dyrka mark og innmarksbeite frå og med til og med 6.12., i 2010 og Fylkesutvalet vedtek at forskrift om utvida jakttid elles vert i samsvar med fylkesrådmannen sitt utkast til forskrift (jf. tilrådinga i saka). Paul M. Nilsen Jan Per Styve Vedlegg: Søknad om utvida jakttid. Uprenta vedlegg: Retningsliner for fylkeskommunen sitt mynde til å fastsetje forskrift. 2

3 FYLKESRÅDMANNEN, : 1. Bakgrunn Kvinnherad kommune har fremja søknad om utvida jakttid på hjort i delar av kommunen i 2010 og Søknaden er datert 4.10., etter vedtak i kommunestyret Frå 2010 er myndet til å fastsetje forskrift om utvida jakttid på hjort delegert til fylkeskommunen. Ordinær jakttid er , jf. 2 i jakttidsforskrifta for perioden Kvinnherad er den 10. kommunen i Hordaland som søkjer om utvida jakttid på hjort i år. Fylkesutvalet utvida jakttida i 8 andre kommunar på møtet i august (sak 176/10), etter følgjande vedtak: 1. I medhald av forskrift om jakt- og fangsttider 3, vedtek fylkesutvalet at kommunane Granvin, Ulvik og Ullensvang får utvida jakttid på hjort frå og med til og med 23.12, og at kommunane Eidfjord, Odda, Jondal, Voss og Masfjorden får utvida jakttid frå og med til og med Dei utvida jakttidene gjeld for inneverande år og For Masfjorden kommune vert utvida jakttid gitt med atterhald om at det ikkje kjem innvendingar under høyringa av utvida jakttid, i regi av kommunen, som tilseier at utviding ikkje bør gjevast. 3. Fylkesutvalet vedtek at forskrift om utvida jakttid elles vert i samsvar med fylkesrådmannen sitt utkast til forskrift (jf. tilråding i saka). I tillegg søkte Sund kommune om utvida jakttid på hjort i kommunen. Søknaden vart avslått administrativt ut frå vurdering av at det mangla grunnlag for å høyre på endring av jakttid, jf. fullmakt gitt til fylkesrådmannen, sjå nedanfor. For ein breiare bakgrunn og generelle vurderingar, vert det vist til fylkesutvalssaka i august (sak 176/10), men følgjande vert likevel teke med her. Regelverkt og retningsliner ved søknadshandsaming Det er berre kommunane som kan fremje søknad om utvida jakttid, jf. følgjande utdrag frå jakttidsforskrifta 3: Fylkeskommunen kan etter søknad fra kommunen utvide jakttiden for elg og hjort til 23. desember når det foreligger særlige bestands-, forvaltnings- eller næringsmessige behov. Det skal framgå av søknaden hvilke hensyn som ønskes ivaretatt, hvilke deler av arealet som omfattes av driftsplaner, tiltak for samjakt og hensyn til øvrig friluftsliv. Kommunen skal også søke samarbeid med nabokommuner før søknad fremmes for fylkeskommunen. Arealet med utvidet jakttid bør omfatte hele kommunen. Fylkeskommunen kan av hensyn til andre brukere av utmarka innskrenke jakttiden for elg og hjort som for eksempel utsette starttidspunkt, framskyve avslutningstidspunkt og innføre opphold i jakta. Dette kan gjelde hele eller deler av kommunen. Endring av jakttid skal gjerast ved fastsetjing av forskrift. Etter forvaltingslovas kapittel VII Om forskrifter, skal forvaltingsorganet sjå til at saka er så godt opplyst som råd før vedtak vert fatta, samt at dei det gjeld skal gjevast høve til uttale. Forskrift skal kunngjerast i Norsk Lovtidend. Det er ikkje høve til å klage på forskrifter fastsett med heimel i lov og etter lovleg høyring. Direktoratet for naturforvalting (DN) har utarbeidd retningsliner (vedlagt) for fylkeskommunane sitt mynde til å fastsetje forskrift om utvida jakttid. Eventuell forskrift bør omfatte heile kommunen, og bør i tillegg omfatte vesentlege delar av bestanden sitt årsleveområde. Ved søknader om utvida jakttid bør det føreliggje ein bestandsplan, grunngjeving for utvidinga, og skildring av verkemidlar i bestandsforvaltinga. Søknad om utvida jakttid skal innehalde dokumentasjon på at det er tillatt med samjakt (småviltjakt saman med hjortejakt) og anna utøving av friluftsliv i området. Søknad skal fremjast av kommunen, men kan vere initiert av rettshavar(ar)/grunneigarlag. Kommunen skal då vurdere om søknaden tilfredsstiller føresegner gitt i jakttidsforskrifta og i gitte retningsliner. Kommunen kan unnlate å fremje ein søknad. Ordninga med kommunal søknad er av administrativ 3

4 karakter, for å effektivisere fylkeskommunen si sakshandsaming. Vert søknaden fremja av kommunen, skal fylkeskommunen først vurdere om det er grunnlag for å endre jakttid, og kan avstå frå å høyre på slik endring dersom grunnlag ikkje finst. Fylkesrådmannen har fått fullmakt til å avstå frå å høyre på slik endring. Fullmakt vart gitt av fylkestinget på møtet i oktober i år, i delegasjonssak 48/ Søknaden frå Kvinnherad kommune Søknaden som er fremja av kommunen er datert 4.10., og er ei oversending av saksdokumenta som vart lagt fram for kommunestyret på møtet 23.9 og vedtaket der. I vedtaket vart det gått inn for følgjande to punkt: Som ein prøveordning vert det opna for hjortejakt på tre vald i Åkra; Fatland, Hillesdal og Lio jaktvald, fram til I5. desember Som ein prøveordning vert det opna for utvida jakt på hjort i deler av Kvinnherad fram til 23. desember Med deler av Kvinnherad vert å forstå i denne samanheng: dyrka mark og innmarksbeite (kulturbeite). Dei to punkta ovanfor har bakgrunn i kvar sin uavhengige søknad, frå høvesvis Åkrafjorden Jakt ans (datert ), og frå Hjortefot jaktvald (datert ). Søknaden frå Åkrafjorden Jakt ans er grunngjeven med at hjorten i dei omsøkte område trekkjer bort tidleg på hausten og gjerne kjem attende når snøen legg seg i fjellet i desember. Det står mykje hjort i området fram mot jakta. Firmaet har dreve med utleige av hjortejakt i 5 år, og omsøkte område er kjerneområde for Åkrafjorden Jakt, og viktig for økonomien til selskapet. Åkrafjorden Jakt har i følgje søknaden ca 120 hjorteløyve i Kvinnherad og Etne i 2010, og har i løpet av hausten ca 200 gjestejegerar på besøk. Under jakta er det mange personar involvert, som kjentmenn, kokkar, vaskehjelp m.m., og firmaet er med på å danne næringsgrunnlag for desse. Søknaden frå Hjortefot jaktvald (i Omvikedalen) er grunngjeven slik: Grunna stadig aukende skadepress, målsetting om reduksjon av hjortestamma og aukande tildelingar, ber me Kvinnherad kommune med dette om å søkje Fylkeskommunen om utvida jakt på hjort i deler av kommunen. Med deler av kommunen mener vi at i den utvida perioden blir det berre lov å jakte på innmark og innmarksbeite (kulturbeite). Dette vil ha minimal innverknad på andre sine aktivitetar, slik kommunestyret la vekt på i 2009, som turgåarar, andre naturbrukarar, ettersøkslaget og småviltjegrar. Det er ulike meiningar i fagmiljøet om utvida jakt. I juliutgåva av Jakt og fiske har veterinær Halvard Dahle eit innlegg der han går mot utvida jakt. Etter å ha sett forslaget om å begrensa jakta til innmark og beite, sier han at med dette forslaget går vi et steg i rett retning, då dyra vil bli minimalt stressa og få den ro og fred dei treng i utmarka på denne årstida. Samtidig kan vi drive ei meir selektiv jakt på einslege kalvar og skrapdyr som ofte kan ha problem med å overleve vinteren. I følgje saksutgreiinga til kommunen, har Hjortefot jaktvald dei seinare åra hatt stadig aukande skadepress av hjort. I 2009 vart minstearealet i kommunen redusert til 350 dekar, mellom anna etter stort trykk frå bondelag og aktive bønder i området. Dei seinare åra er det gjort stor skade på skogen, i delar av planteskogen er mellom 70 og 90 % av stammene skadd i rotstokken. Mykje av skadane skuldast at hjortestamma i området er for stor. For å få skote ut rette dyr; kalv som går åleine og små dyr, vil det hjelpe med lengre jakttid. Desse dyra er ofte dei første som kjem ut på bakkane og dei som går sist. I tilfelle det er grunnlag for endring av jakttid, kan fylkeskommunen sjølv gjennomføre høyringa eller be kommunen gjennomføre høyringa. Kommunen gjennomførte ei høyring i 2009, og er bedt om å gjennomføre høyringa i år. Frist for høyringa er sett til

5 3. Høyring av forskrift om utvida jakttid i 2009 I og med at søknaden frå kommunen i år kjem seint i forhold til høyring av forskrift, er det interessant at det vart gjennomført ei breiare høyring av forskrift om utvida jakttid i kommunen i Då var det på høyring forskrift om utvida jakttid i heile kommunen fram til og med 23. desember for åra Søknaden i 2009 kom opphavleg frå Ænes og Skarsteigen hjortevald. Etter høyringa vart saka lagt fram for kommunestyret på møtet , med tilråding frå rådmannen om utvida jakt i heile kommunen til og med 1. desember. Kommunestyret fremja likevel ikkje søknad om utvida jakttid. Det framgår av saksførelegget til kommunestyret i 2009 at det kom 7 merknader til høyringa. I tillegg gav Hjorterådet i kommunen uttale. Kommunen la også ut spørjeundersøking på kommunen si nettside, der formålet var å klarleggje kor stort behov det var for å utvide jakttida. I tillegg var det rom for å kome med eigne synspunkt på forslag til utviding. Det kom 67 svar på undersøkinga. Av dei 7 merknadane som kom inn var det ingen som var for utviding. Av dei 67 som svarte på undersøkinga ønskte 33,8 % utviding til 23. desember, 30,8 % til 10. desember, og 35,4 % ønskte ikkje utviding. Bondeorganisasjonane og skogeigarlaga kom ikkje med merknader. Ettersøkslaget var kritisk til utviding av jakta. Kvinnherad Turlag og fleire av dei som kom med merknader viste til at dei følte seg uønska i skog og mark i jakttida. Fleire av merknadane gjekk på at hjorten treng kvile og ro etter brunstperioden og før vinteren set inn for fullt. Frå fleire vart det vist til at anna bruk av utmarka vert skadelidande om jakta vert utvida, småviltjakta er ein aktivitet som fleire viste til. Frå fleire vart det vist til at hjortestamma i kommunen er svært stor og at det vert gjort omfattande skadar på innmark og skog. Fleire viste til at for å få teke ut dyra der dei gjer stor skade om vinteren, er det ønskjeleg å forlenge jakta. Følgjande uttale vart gitt frå Hjorterådet (repr. frå vald, ettersøkslag, bondeorg., skogeigarlag): 1. Hjorterådet har ikkje noko prinsipielt mot utvida jakttid. 2. Vi ser likevel, både ut frå fellingsprosenten tidlegare år og ut frå omsynet til andre som brukar utmarka, ikkje ei utvida jakttid som den viktigaste løysinga på dei problem ei vaksande hjortestamme fører med seg. 3. I enkelte deler av Kvinnherad (frå Enes og nordover) fortel det vi så langt veit om trekkmønsteret til hjorten at jakta bør vara lenger utover hausten. 4. Hjorterådet tilrår difor at jakttida vert utvida til 10. desember i dette området. 5. Ordninga må evaluerast etter kvart, og alt etter første sesongen. 4. Vurdering Føreligg det særlege behov? Kvinnherad er ein kommune som kan seiast å ha særlege bestandsmessige behov for utvida jakttid, ut frå bestandstettleik, bestandskondisjon, og store skadar på innmark og skog mange stader. I følgje kommunen er store område i Kvinnherad uaktuelle å drive skogplanting på i dag. Kvinnherad er den einaste kommunen i fylket som er med i NINA sitt overvakingsprogram for hjortevilt, som kjem ut med årlege rapportar. For å unngå ytterlegare fall i bestandskondisjonen trur NINA i årsrapport for 2009 at det er nødvendig å hindre ytterlegare bestandsvekst og redusere tettleiken i enkelte område, og at dei hjelpemidla ein har til rådvelde bør utnyttast for å få ei best mogeleg bestandsforvalting. Kommunen har under utvikling ein ny Hjorteviltplan for Kvinnherad, der NINA t.d. vurderer at det vil vere ei fornuftig løysing å prøve å ta ut toppen av hjortestamma i komande 3-års bolk for å unngå å redusere beitegrunnlaget og for å få større og sunnare dyr på lang sikt, slik ein hadde tidleg på 90-talet. Bestandstettleiken av hjort i Kvinnherad er høg i forhold til dei fleste andre bestandane i Hordaland og i landet. I snitt dei siste 3 åra er det felt om lag 2 hjort per. km2 teljande areal i kommunen, mot 1,18 i Hordaland. I tal felte hjort har kommunen vore den største i landet dei siste (9) åra, og hausten

6 vart det felt 1184 hjort i kommunen. I perioden var den årlege veksten i hjortebestanden i Kvinnherad i snitt på 6,9 % (jf. NINA-rapport 571, 2010). Tal fellingsløyve vart auka med 9,4 % frå 2008 til 2009, og ytterlegare med 10 % frå 2009 til Fellingsprosenten i kommunen i 2009 var på 87 %, som var høgare enn nokon gong. Kommunen har sett ned minstearealet for fellingsløyve to gonger på kort tid, både i 2008 og 2009, sist til 350 dekar, noko som er svært lågt. Slaktevektene på kalv og åringsdyr i kommunen er relativt låge. Kommunestyret gjorde i 2009 vedtak om fri avskyting av kalv i Kvinnherad frå i haust (2010), men kommunen manglar heimel for gjennomføring av vedtaket, som difor ikkje er følgt opp i tildelinga av løyve for i år. Kvinnherad har som dei fleste kommunane meir å gjere når det gjeld valdorganisering. Det er 24 vald med eigen bestandsplan, som utgjer 59 % av jaktarealet, og 74 vald utan plan. Fellingsprosenten i planvalda i 2009 var på heile 96 %, mot berre 74 % i vald utan plan. Kommunen må seiast å ha utnytta dei ordinære verkemidla for bestandsregulering godt (t.d. fastsetjing av lågt minsteareal og utstrakt bruk av 50 % regelen). Regelverk og retningsliner Ser ein på det formelle, er søknaden frå Kvinnherad kommune strengt teke ikkje i samsvar med jakttidsforskrifta om at arealet med utvida jakttid bør omfatte heile kommunen. I retningslinene frå DN er dette nærare utdjupa: Fastsetting av forskrift bør omfatte hele kommunen. Utvidet jakttid bør i tillegg omfatte vesentlige deler av bestandens årsleveområde. Dersom ikke hele kommunen omfattes av forskriften, bør den gjelde en vesentlig og klart avgrenset del av kommunen. Dette av hensyn til andre brukergrupper. Etter retningslinene frå DN, skal først kommunen vurdere om søknaden tilfredsstiller føresegnene i jakttidsforskrifta og i gitte retningsliner. Søknaden om at utvida jakt som ei prøveordning skal omfatte dyrka mark og innmarksbeite (kulturbeite), kan tyde på at både opphavleg søkjar og kommunen er klar over at omsøkte arealavgrensing er problematisk i forhold til regelverk og retningsliner. Før noverande jakttidsforskrift kom i 2002, opna direktoratet for ulike prøveordningar med utvida jakt i enkelte kommunar, som grunnlag for dei reglar og retningsliner ein no har. Men utviding avgrensa til arealkategoriane dyrka mark og innmarksbeite er ikkje prøvd og truleg ikkje brukt andre stader. Til dømes vil skadeskyting på dyrka mark gjerne måtte medføre ettersøk i utmark, som ein del av jakta. I følgje DN sine retningsliner (over), er det omsynet til andre brukargrupper som gjer at den utvida jakttida bør gjelde ein vesentleg og klart avgrensa del av kommunen. Folk flest vil vel oppfatte dyrka mark og innmarksbeite som klart avgrensa frå skog og anna utmark. På er det gode, interaktive kart som viser avgrensing av arealkategoriane dyrka mark (full- og overflatedyrka) og innmarksbeite, til saman kalla jordbruksareal. Spørsmålet om utvida jakt berre på jordbruksareal (dyrka mark + innmarksbeite), er under søknadshandsaminga stillt til Direktoratet for naturforvaltning, som kategorisk slår fast at det vil vere uaktuelt å opne for slik avgrensing i neste jakttidsforskrift for perioden Fylkesrådmannen meinar at det beste ut frå hjorteviltforvalting og landbruksinteresser ville vere å opne for utvida jakt i heile kommunen. Då ville det vere opp til valda å vurdere, ut frå situasjonen frå stad til stad, kvar jakta skulle føregå og kva jaktformer som skulle tillatast. For det er jaktrettshavarane, oftast grunneigarar, som gjennom eit forpliktande grunneigarsamarbeid og vedtekne bestandsplanar, har stilt seg i spissen for gjennomføring av ei langsiktig og berekraftig hjorteviltforvalting. Utvida jakttid betyr ikkje at ein må jakte i heile perioden. Det meste av jakta vil vere ferdig innan ordinær jakttid. Slik saka står, vil det ikkje vere aktuelt med utvida jakt i heile kommunen. Fylkesrådmannen meinar då, at utvida jakttid avgrensa til dyrka mark og innmarksbeite, vil vere eit betre alternativ enn inga utviding. Slik utviding vil gjere det lettare å ta ut dei rette dyra, redusere skadeomfanget på innmark, og til ein viss grad på skog, sidan mange dyr trekkjer ned frå skogen i skumringa. Kommunen vil sleppe å skrive ut så mange skadefellingsløyve, og bønder/grunneigarar får sjølve behalde hjortekjøtet. 6

7 Åkrafjorden Jakt ans Reduserte inntekter i tradisjonelt landbruk dei siste åra har gjort at ein blant anna ønskjer større utnytting av utmarksressursane. Etter jakttidsforskrifta, kan næringsmessige behov gje grunn for utvida jakttid. I retningslinene frå DN vert det stilt spesielle krav til dokumentasjon ved søknader som er grunngjevne med særlege næringsmessige behov, t.d. gjennom ein fullverdig driftsplan (bestandsplan, delplan for næring og rekreasjon og ein økonomisk delplan). Der driftsplan føreligg bør ein forretningsplan for drifta leggjast ved søknaden. Det er ikkje opplyst i søknaden om det føreligg slike planar. I følgje Hjorteviltregisteret er det ikkje bestandsplan i dei tre omsøkte og samanhengande valda. Generelt er det òg krav om at søknad om utvida jakttid skal innehalde dokumentasjon på at det er tillate med samjakt (småviltjakt saman med hjortejakt). Åkrafjorden Jakt hevdar i søknaden at det ikkje er konflikt med andre viltinteresser (småvilt). Det vil det til dømes ikkje vere dersom Åkrafjorden Jakt/grunneigarane i området ikkje har gitt løyve til slik jakt på området sitt. I følgje retningslinene frå DN bør arealet vere på minimum dekar, eller samla gjelde minst 25 fellingsløyve dersom bakgrunnen for søknaden er næringsutvikling. Arealet til dei tre områda i Kvinnherad er i følgje hjorteviltregisteret berre på dekar. Åkrafjorden Jakt hevdar i søknaden sin at dei for hausten 2010 har om lag 120 hjorteløyver i Kvinnherad og Etne. I følgje Hjorteviltregisteret er det i 2010 gitt til saman 30 hjorteløyve i dei tre omsøkt områda deira i Kvinnherad (Fatland, Hillesdal og Lio vald), mot 25 løyve i Følgjeleg er søknaden frå Åkrafjorden Jakt ein heilt marginal søknad ut frå retningslinene til DN. I følgje retningslinene er det kommunen som skal vurdere om søknaden tilfredsstiller føresegnene i jakttidsforskrifta og i gitte retningsliner. Av søknaden frå kommunen går det i alle fall ikkje fram at dette er vurdert. Åkrafjorden Jakt har søkt om utviding til 23. desember. Kommunen har søkt om utviding til og med 15. desember. Åkrafjoren jakt gav uttale under høyringa i 2009, og gjekk då inn for ei utviding fram mot 10. desember. Vert det gitt utvida jakt på det omsøkte området Åkra, vil det lett danne presedens for liknande søknader. Grunneigarar, med jaktrett, oftast bønder, driv også næringsverksemd og kan drive jaktutleige. Slik fylkesrådmannen har fått innspel om, kan det gjerne verke urettferdig for bønder frå kommunen med jaktrett, som må avfinne seg med utvida jakt på dyrka mark og innmarksbeite, mens folk frå kvar-somhelst kan leige-jakte overalt i området til Åkrafjorden Jakt. No bør ikkje omsynet til likehandsaming vere noko som Åkrafjorden Jakt ans vert lasta for. Fylkesrådmannen meinar som nemnt at det beste ut frå hjorteviltforvalting og landbruksinteresser ville vere å opne for utvida jakt i heile kommunen. Då vert det også naturleg å gå inn for utvida jakt i området ved Åkra, slik også kommunen har gjort. Høyring av forskrift I forhold til forvaltingslovas kapittel VII Om forskrifter, bør høyringa i 2009 vere dekkande for det som er omsøkt i 2010, i og med at høyringa i 2009 gjaldt utvida jakttid i heile kommunen fram til 23. desember, for åra Skulle det likevel kome tungtvegande argument mot utviding under høyringa i år, vil fylkesrådmannen leggje fram endra tilråding på møtet i fylkesutvalet Ut frå høyringa i 2009, synest det i Kvinnherad å vere sterkare motførestillingar til utvida jakt frå andre brukarar av naturen enn det ein har sett i andre kommunar i fylket som har fått utvida jakt. Kvinnherad er dessutan den einaste kommunen av dei som har søkt utvida jakt, der innspel om hjorten sitt behov for kvile og ro etter brunsttida, for å ha betre føresetnader for å greie seg gjennom vinteren, kan synast å vere eit tungtvegande argument. Innspelet er nok reelt, og jakt etter brunsttida bør skje så skånsamt som råd, dvs ikkje jaging, men posteringsjakt og evt forsiktig smygjakt. Ved jakting berre på dyrka mark og innmarksbeite, vil hjorten bli minimalt forstyrra. Elles kan ein merke at grunneigarorganisasjonane var lite på banen i høyringa i 2009, men at dei ikkje var negative til utvida jakt. Det kan virke noko spedt når søknad om utvida jakt berre kjem frå nokre få vald, all den tid det er om lag 100 vald i kommunen. Søknadane i andre kommunar som har fått utvida jakt har vore meir koordinert. Til uttalen frå Kvinnherad Turlag m.m., om at dei føler seg uønska i skog og mark i jakttida, må ein ikkje gløyme at det er fri ferdsel i utmark. Til uttalen frå ettersøkslaget, kan ein seie at det er dei enkelte valda som er ansvarlege for at dei har tilgang på ettersøkshund. 7

8 5. Tilråding Jakttidsforskrifta 3, seier at fylkeskommunen etter søknad frå kommunen kan utvide jakttida dersom det føreligg særlege behov. Alternativa, slik fylkesrådmannen ser det, er enten å gå for omsøkte utvidingar, eller gjere innskrenkingar i forhold til søknaden. Då fylkesutvalet i august (sak 176/10) vedtok utvida jakttider i 8 kommunar, føreslo fylkesrådmannen i saksførelegget å berre ha éi forskrift i Hordaland, og ikkje ha for mange ulike jakttider å forhalde seg til. Sett i forhold til saka i august, rår fylkesrådmannen til å gje utvida jakttid som ømsøkt, med unntak av dei tre valda i Åkra, der det vert rådd til utviding til og med 6. desember, mot omsøkt 15. desember. Tilrådinga er med atterhald om at det ikkje kjem fram ting under høyringa i år, som tilseier endra tilråding. Fylkesrådmannen vil i tilfelle leggje fram endra tilråding på møtet i fylkesutvalet Tilrådd forskrift er etter dette som vist nedanfor. Forskrift om utvida jakttid på hjort i kommunane Eidfjord, Granvin, Jondal, Kvinnherad, Masfjorden, Odda, Ullensvang, Ulvik og Voss, Hordaland fylke Heimel: Fastsett av Hordaland fylkeskommune, jf. vedtak i fylkesutvalet sak 176/10 og sak xxx/10, med heimel i Forskrift 1. februar 2007 nr. 112 om jakt- og fangsttider samt sanking av egg og dun for jaktsesongene fra 1. april 2007 til og med 31. mars , jf. Lov 29. mai 1981 nr. 38 om jakt og fangst av vilt (viltloven). 1. Formål Formålet med utvida jakttid på hjort er å imøtekome særlege bestands-, forvaltings- eller næringsmessige behov. 2. Utvida jakttid Følgjande kommunar, eller delar av kommunar har utvida jakttid på hjort Kommune/ Utvida jakttid på hjort - Del av kommune Eidfjord Granvin Jondal Kvinnherad - På dyrka mark og innmarksbeite På følgjande tre jaktvald i Åkra: Fatland, Hillesdal og Lio jaktvald Masfjorden Odda Ullensvang Ulvik Voss Vilkår Brot på denne forskrifta er straffbart, jf. viltlova 56. Fylkeskommunen kan oppheve eller endre forskrifta dersom tilhøva i hjortebestanden tilseier det, eller dersom forskrifta viser seg å medføre særlege ulemper for andre brukarar av utmarka. 4. Iverksetjing Forskrifta gjeld for inneverande jaktår 2010 og for jaktåret