Originaltittel: Storia della bambina perduta Edizioni E/O, Roma 2014 norsk utgåve: Det Norske Samlaget 2016

Transkript

1

2 Originaltittel: Storia della bambina perduta Edizioni E/O, Roma 2014 norsk utgåve: Det Norske Samlaget Omslag: Egil Haraldsen & Ellen Lindeberg Exil design Omslagsfoto: F. Scianni/Magnum Photo/Scanpix Epub-produksjon: Specialtrykkeriet Viborg A/S ISBN Hendingar og personar i dette verket, saman med namn og innhald i dialogar, er produkt av forfattarens fantasi og frie skaparkraft som kunstnar. All referanse til reelle hendingar, personar, namn og stader er tilfeldig og brukt fiktivt.

3 Om denne boka Dette er den fengslande historia om to kvinner, den briljante, boklærde Elena og den lidenskaplege, ubereknelege Lila. Begge slost ein gong for å komme seg vekk frå strøket der dei vaks opp eit nabolag prega av vald og ufridom. Elena har gifta seg, flytta til Firenze, stifta familie og gitt ut fleire kritikarroste bøker. Men no har ho komme tilbake til Napoli for å vere saman med mannen ho alltid har elska. Lila, derimot, har aldri lykkast med å frigjere seg frå Napoli. Ho har blitt ein suksessrik bedriftseigar, men nærkontakten med den verda ho alltid har teke avstand frå, set ho på prøve. Men Lila er ustoppeleg, uregjerleg, uforgløymeleg! Med Napoli som bakteppe, ein by like forførande som han er farleg, i ei verd i dramatisk endring, er historia om eit livslangt vennskap fortald djupt ærleg og med ein briljans som saknar sidestykke. Frå italiensk ved Kristin Sørsdal. «Ein av dei aller beste romanforfattarane i vår tid.» The New York Times Book Review «Elena Ferrante vil ta pusten frå deg.» Alice Sebold, forfattar av Alle mine kjære «Et moderne storverk Lesningen av romanene ender

4 opp som en besettelse.» Aftenposten

5 Elena Ferrante HISTORIA OM DET TAPTE BARNET Napoli-kvartetten. Bok 4 Moden alder Alderdom Roman Frå italiensk ved Kristin Sørsdal Oslo 2016

6 INNHALD Liste over personar Moden alder Alderdom Epilog

7 LISTE OVER PERSONAR Familien Cerullo (familien til skomakaren) Fernando Cerullo, skomakar, far til Lila. Nunzia Cerullo, mor til Lila. Raffaella Cerullo, kalla Lina eller Lila. Ho er fødd i august 1944 og er sekstiseks år då ho forsvinn sporlaust frå Napoli. Ho giftar seg svært ung med Stefano Carracci, men i løpet av ein ferie på Ischia forelskar ho seg i Nino Sarratore og går frå ektemannen. Etter at samlivet med Nino har forlist og sonen Gennaro er fødd, bryt Lila definitivt med ektemannen då ho oppdagar at han skal ha barn med Ada Cappuccio. Saman med Enzo Scanno flyttar ho til San Giovanni a Teduccio og bur der inntil ho etter nokre år vender tilbake til bydelen saman med Enzo og Gennaro. Rino Cerullo, storebror til Lila. Han er gift med Pinuccia Carracci, søster til Stefano, og har to barn med henne. Lilas første barn, Gennaro, blir kalla det same som han, altså Rino. Andre barn. Familien Greco (familien til portnaren): Elena Greco, kalla Veslelena eller Lenù. Fødd i august 1944 og forteljaren bak den lange historia som vi held på å lese. Etter folkeskolen går Elena vidare med stadig

8 større framgang i studiane, noko som blir krona med laud på universitetet i Pisa. Der møter ho Pietro Airota, dei giftar seg etter nokre år og flyttar til Firenze. Saman har dei to døtrer, Adele, kalla Dede, og Elsa, men Elena, skuffa over ekteskapet, endar opp med å forlate døtrene og Pietro då ei kjærleikshistorie med Nino Sarratore, som ho har elska sidan barndommen, tar til. Peppe, Gianni og Elisa, yngre søsken. Trass i sterk motstand frå Elena går Elisa inn i eit samliv med Marcello Solara. Faren, portnar i rådhuset. Mora, husmor. Familien Carracci (familien til don Achille): Don Achille Carracci, svartebørshandlar og utsugar. Er blitt drepen. Maria Carracci, kona til don Achille, mor til Stefano, Pinuccia og Alfonso. Dottera til Ada Cappuccio og Stefano har fått same namn som henne. Stefano Carracci, son til den avlidne don Achille. Kjøpmann og Lilas første ektemann. Misnøgd med det turbulente ekteskapet med Lila går han inn i eit forhold med Ada Cappuccio og startar eit samliv med henne. Han er far til Gennaro, som han fekk med Lila, og Maria, som han har med Ada.

9 Pinuccia, dotter til don Achille. Ho er gift med bror til Lila, Rino, og har to barn med han. Alfonso, son til don Achille. Gir etter og giftar seg med Marisa Sarratore etter ein lang forlovingsperiode. Familien Peluso (familien til snikkaren): Alfredo Peluso, snikkar og kommunist, døyr i fengsel. Giuseppina Peluso, kona til Alfredo, som ho er inderleg glad i. Tar livet sitt då han døyr. Pasquale Peluso, eldste son til Alfredo og Giuseppina, murar og militant kommunist. Carmela Peluso, kalla Carmen. Søster til Pasquale og lenge forlova med Enzo Scanno. Seinare giftar ho seg med han som driv bensinpumpa langs storvegen, og får to barn med han. Andre barn. Familien Cappuccio (familien til den galne enka): Melina, enke og i slekt med Nunzia Cerullo. Ho har nesten gått frå forstanden etter at forholdet til Donato Sarratore, som ho var elskarinna til, tok slutt. Mannen til Melina, død under uvisse omstende. Ada Cappuccio, dotter til Melina. Er lenge forlova med Pasquale Peluso, blir elskarinna til Stefano Carracci, som

10 ho så flyttar saman med. Dei får eit barn, Maria. Antonio Cappuccio, bror hennar, mekanikar, har vore kjærasten til Elena. Andre barn. Familien Sarratore (familien til jernbanemann og poet): Donato Sarratore, svermar for kvinner og var elskaren til Melina Cappuccio. Også Elena overgir seg til han svært ung på ei strand på Ischia, fortvilt over forholdet mellom Nino og Lila. Lidia Sarratore, kona til Donato. Nino Sarratore, den førstefødde til Donato og Lidia. Han har eit langt forhold med Lila i det skjulte. Er gift med Eleonora, som han har fått Albertino med, og begynner ei historie med Elena, også ho gift med barn. Marisa Sarratore, søster til Nino. Gift med Alfonso Carracci. Blir elskarinna til Michele Solara, som ho har to barn med. Pino, Clelia og Ciro Sarratore, dei yngste barna til Donato og Lidia. Familien Scanno (familien til frukt- og grønsakhandlaren): Nicola Scanno, frukt- og grønsakhandlar, død av lungebetennelse.