VERNEOMRÅDESTYRET FOR NÆRØYFJORDEN REFERAT FRÅ MØTE

Transkript

1 VERNEOMRÅDESTYRET FOR NÆRØYFJORDEN Nærøyfjorden landskapsverneområde Bleia - Storebotnen landskapsvernområde Bleia naturreservat Nordheimsdalen naturreservat Grånosmyrane naturreservat Til verneområdestyret i Nærøyfjorden i følgje adresseliste SAKSBEHANDLAR: TOM DYBWAD ARKIVKODE: 2012/ DATO: VERNEOMRÅDESTYRET FOR NÆRØYFJORDEN REFERAT FRÅ MØTE Tid: Tysdag 13. mars 2012 kl Stad: Kviknes Hotell i Balestrand Tilstades: Frå verneområdestyret i Nærøyfjorden: Noralv Distad Marta Finden Halset Marianne Øren Hans Erik Ringkjøb Olav Turvoll Andre: Kristoffer Ullern Hansen, SNO Aurland Nils Kvamme, SNO Stølsheimen Anbjørg Nornes, verneområdeforvaltar Øistein Aasland, Fylkesmannen i Hordaland Tom Dybwad, Fylkesmannen i Sogn og Fjordane Under pkt. 4 var i frå verneområdestyret i Stølsheimen følgjande personar tilstades (i tillegg til Marta Finden Halset, Hans Erik Ringkjøb og Olav Turvoll): Oddvar Østerbø Liv Anne Aanesen Henrik Oppen Sakliste: 1. (Sak ) Godkjenning av innkalling og dagsorden Innkalling og dagsorden vart godkjend. Marianne Øren opplyste om at ho vil møte fast i staden for Jan Geir Solheim, og bad om at det vart avklart korleis det skal formaliserast. Tom Dybwad lova å ta opp dette med Miljøverndepartementet (MD). POSTADRESSE: NJØSAVEGEN 2, 6863 LEIKANGER BESØKSADRESSE: NJØSAVEGEN 2, 6863 LEIKANGER TELEFON: SOGN OG FJORDANE: SOGN OG FJORDANE: FMSFPOST@FYLKESMANNEN.NO ORG.NR: SOGN OG FJORDANE:

2 (Etter møtet er det klarlagt med Miljøverndepartementet følgjande alternativ: - Marianne Øren og Jan Geir Solheim kan avtale seg imellom kven som møter fast - Dersom det skal formaliserast at Marianne Øren skal møte som fast representant og Jan Geir Solheim som vara ved at MD oppnemner dei slik, må i tillegg pga kjønnskvotering ein kvinneleg representant og ein mannleg vararepresentant byte. Med seks medlemmar kan fordelinga ikkje vere 4-2, den må vere 3-3.) 2. (Sak ) Konstituering av verneområdestyret i Nærøyfjorden a) Val av leiar Noralv Distad, ordførar i Aurland vart vald til leiar. b) Val av nestleiar Hans Erik Ringkjøb, ordførar i Voss, vart vald til nestleiar. 3. (Sak ) Val av arbeidsutval (AU) a) Val av to medlemmar til AU Hans Erik Ringkjøb og Marianne Øren (Lærdal kommune) vart vald til AU i tillegg til Noralv Distad som er leiar i verneområdestyret. b) Val av to vara til AU 1. vara: Marta Finden Halset, ordførar i Vik kommune 2. vara: Aslaug Hellesøy, Hordaland fylkeskommune c) Rammer for delegering av sakar til AU (jf. vedtektene) Tom Dybwad viste til MD sine vedtekter for verneområdestyra og orienterte om at saker til AU gjeld søknader om motorferdselsaker og fornying/forlenging av løyve som styret har gjeve tidlegare. Alle inngrepssaker skal handsamast av verneområdestyret. 4. (Sak ) Kompetanseprogram a) Historia, verneverdiar, prosess, verneforskrift, arbeidsområde og utfordringar. Innleiingar v/ Tom Dybwad (FM i S&Fj) og Kristoffer Ullern Hansen (SNO Nærøyfjorden) b) Forvaltningsplan og tilhøvet til bruk og vern. Innleiing v/ Tom Dybwad c) Orientering om arbeidet til Nærøyfjorden Verdsarvpark v/ Erling Oppheim, Nærøyfjorden Verdsarvpark d) Reiseliv i verdsarvområdet i Nærøyfjorden. Innleiing v/tom Dybwad e) Utfordringar og aktuelle tiltak framover. Innleiing v/ Kristoffer Ullern Hansen Styret hadde ein diskusjon under alle punkt. Lunsj kl (Sak )Orienteringssaker: a) Status forvaltningsplan og skjøtselsplanar Tom Dybwad orienterte om at gjeldande forvaltningsplan for Nærøyfjordområdet (Vestnorsk fjordlandskap delområde sør) er godkjend Planen er samkøyrd med forvaltningsplanen for Geirangerfjorden (delområde nord), og omfattar også busette område utanfor verneområda. b) Status fagleg rådgivande utval VERNEOMRÅDESTYRET FOR NÆRØYFJORDEN SIDE 2

3 Tom Dybwad orienterte om at invitasjon til å vere med i fagleg rådgivande utval vart sendt desember 2011 etter vedtak på møtet i verneområdestyret Følgjande instansar er inviterte til å bli med (i parentes er oppgjeve kven som møtte frå dei ulike laga i det førre faglege rådgivande utvalet), og alle som er inviterte til fagleg rådgivande utval er bedne om å oppnemne ein representant): Fresvik bygdelag (v/dee Cunningham?) Nærøy Vel (v/per Ramsøy?) Bakka grendelag (v/svein Tufte?) Dyrdal grendelag (v/siv Tønder?) Styvi (v/botolv Hov?) Undredal grendelag (v/ivar Bjarne Underdal?) Flåmsdalen grendelag (v/per Dale?) Frønningen grunneigarlag (v/birger Lyngset?) Jordalen grunneigarlag (v/einar Magne Jordalen?) Aurland fjellstyre Lærdal fjellstyre (v/nils Asle Kirkevoll?) Naturvernforbundet i Sogn og Fjordane Naturvernforbundet i Hordaland Sogn og Fjordane Turlag Voss utferdslag Aurland-Lærdal reiselivslag Fjellheimen villreinutval/-villreinnemnd Nærøyfjorden Verdsarvpark Fylkesmannen i Hordaland Fylkesmannen i Sogn og Fjordane Sekretær for Verdsarvrådet I tillegg vil SNO vere representert på møta, men ikkje vere ein del av det fagleg rådgjevande utvalet. d) Status administrativt utval Tom Dybwad orienterte om at kommunane og fylkeskommunane er bedne om og oppnemna administrativ kontaktperson som vil inngår i administrativt utval. Vedkomande vil vere bisitjar for representantar i verneområdestyret ved behov. d) Verdsarvrådet for Vestnorsk fjordlandskap Tom Dybwad orienterte om Verdsarvrådet der Marta Finden Halset vart vald til leiar for to år på møtet i rådet i desember Leiar i verneområdestyret (Noralv Distad) møter i Verdsarvrådet, og kan ha med seg verneområdeforvaltaren som bisitjar (Anbjørg Nornes) e) Orientering om økonomiske midlar til tiltak (Bestillingsdialogen) i 2012 Tom Dybwad orienterte om bestilte midlar (møte i verneområdestyret ) og tildelte midlar (brev enno ikkje sendt frå SNO). Styret bad om i alt kr for 2012 til ulike tiltak, og fekk kr , som skal prioriterast av styret. I tillegg får styret ca. kr i frie midlar. Styret har også kr i frie midlar frå 2011 (på bok hos Nærøyfjorden Verdsarvpark), i alt kr Styret var samd i at prioritering av midlane vil bli gjort på neste styremøte i byrjinga av mai. I tillegg er det følgjande midlar til forvaltning i Nærøyfjorden landskapsvernområde: - kr til forbygging av elva på Styvi (frå 2011, på konto hos Nærøyfjorden Verdsarvpark). VERNEOMRÅDESTYRET FOR NÆRØYFJORDEN SIDE 3

4 - kr i skjøtsel på Styvi gjennom Fylkesmannen (avtale som gjeld ut 2012) - kr til steinmuringskurs på Styvi (lovnad frå 2011, gjennom SNO Aurland) - kr til registrering villrein (i og utanfor verneområda i Nærøyfjorden, gjennom SNO Aurland). 6. (Sak , 2012/651) Søknad om fleirårig løyve til snøskutertransport til Fessene og Flenjaeggi (sjå vedlegg) Styret gjorde vedtak i samsvar med framlegget til vedtak. 7. (Sak , 2012/892) Søknad om løyve til oppsetting av fast beitegjerde på Stigen (sjå vedlegg) Styret gjorde vedtak i samsvar med framlegget til vedtak. 8. (Sak , 2012/893) Søknad om fleirårig løyve til helikoptertransport til Stigen (sjå vedlegg) Styret gjorde vedtak i samsvar med framlegget til vedtak. 9. (Sak , 2012/599) Søknad om lågtflyging for filmopptak (sjå vedlegg) Styret gjorde vedtak i samsvar med framlegget til vedtak. 10. (Sak ) Val av to medlemmar (i tillegg til leiar) til å underskrive møteprotokollen Val blir gjort på neste styremøte. 11. (Sak ) Eventuelt Neste møte i styret blir 19. april eller 3. mai (møte i Verdsarvrådet). Deltakarane i styret sender reiserekning og krav på møtegodtgjersle til sekretær for områdestyret. Møtegodtgjersle vert betalt ut for inntil 6 timar pr. dag, og til dei som ikkje har anna godtgjersle som politikar. Med helsing frå Tom Dybwad fung. sekretær for verneområdestyret Adresseliste Verneområdestyret for Nærøyfjorden (vert sendt på e-post): Noralv Distad Hans Erik Ringkjøb Marianne Øren Marta Finden Halset Aslaug Hellesøy Eva Hage Solstad Therese Turlid Jan Geir Solheim Olav Turvoll VERNEOMRÅDESTYRET FOR NÆRØYFJORDEN SIDE 4

5 Tove Østlie Alf Helge Greaker Aleksander Øren Heen Kopi på e-post til: Direktoratet for naturforvaltning Fylkesmannen i Sogn og Fjordane Fylkesmannen i Hordaland Statens naturoppsyn Nærøyfjorden Nærøyfjorden Verdsarvpark Anbjørg Nornes (verneområdeforvaltar) VERNEOMRÅDESTYRET FOR NÆRØYFJORDEN SIDE 5

6 Vedlegg (sak 6 9) Sak 5 ( ) Søknad om fleirårig løyve til snøskutertransport til Fessene og Flenjaeggi Dokument i saka Søknad datert frå Nils Hjellum og Svenn Vidar Stegen Tidlegare løyve av frå Fylkesmannen i Sogn og Fjordane Søknaden vert vurdert etter Forskrift for Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden, godkjend Naturmangfaldlova av 19. juni 2009 nr. 100 Saksframlegg Vi viser til søknad av Det vert søkt om ein ny 3-årsperiode ( ) for snøskuterløyve, tilsvarande løyvet som vart gjeve for åra og åra Søknaden gjeld køyring med snøskuter frå Grindafletene til Svenn Vidar Stegen si jakthytte på Fessene og frå Grindafletene til jakthytta til Nils Hjellum på austsida av Flenjahornet. Føremålet er å frakte proviant, ved, gass og materialar til hyttene. Det vert søkt om å gjennomføre transportane ein gong i perioden kvart år. Det vert søkt om ein lang periode for å vere sikra godt vær og føre. Etter opprettinga av verneområdestyret for Nærøyfjorden i august 2011 har dette styret overteke forvaltningsansvaret for landskapsvernområdet. Heimel Søknaden må vurderast etter verneforskrifta 3, 2.1 og og etter naturmangfaldlova I Nærøyfjorden landskapsvernområde er motorferdsel forbode (verneforskrifta 3,2.1). Forvaltningsstyresmakta kan gje løyve til snøskutertransport av materialar til hytter, bruer og av brensel, utstyr og proviant til hytter og stølar (verneforskrifta pkt. IV, 2.3). Vurdering I landskapsvernområdet er det eit mål å halde motorferdsel og bruk av snøskuter på eit lågt nivå. Samstundes er det viktig at sel o.l. vert vedlikehaldne. Det er ikkje heimel i verneforskrifta for å gje løyve til bruk av snøskuter for å kunne feriere på hytte/sel. Både Fessene og Flenjahornet ligg om vinteren svært langt frå veg og busetnad. Fylkesmannen meiner difor det er grunn til å gje løyve for bruk av snøskuter for naudsynt transport av materialar, ved, gass og proviant til desse buene. Det har for periodane og vore gitt løyve til ein tur med to snøskuterar samla til kvar hytte kvart år. Vi forstår det slik at dei to søkjarane samordnar transporten både av praktiske og tryggleiksmessige grunnar. Med tanke på kor mykje som kan fraktast på ei snøskuterslede og opplysningar om transportmengd, meiner vi at 1 tur til hytta på Fessene og 1 tur til jakthytta på Flenjahornet er tilstrekkeleg og akseptabelt omfang. Vi har også forståing for at to snøskuterar køyrer saman av omsyn til tryggleiken over såpass lange avstandar. Av omsyn til helgefreden og friluftslivet i området (m.a. ligg den sjølvbetente turistforeiningshytta Grindaflethytta i nærleiken), er det ikkje aktuelt å gje løyve til bruk av snøskuter på søndagar og i påska. Nils Hjellum køyrer skuter med reg. nr. KB Svenn Vidar Stegen køyrer snøskuter med reg. nr. KC 5185, alternativt ZD Villreinen i Nordfjella villreinområde brukar år om anna delar av området der snøskutertransporten skjer, og det må då takast særleg omsyn til villreinen. Tranporten går også langs den mest brukte rute til Grindaflethytta (Voss Utferdslag), og det må difor takast særleg omsyn til folk som er på tur i området. VERNEOMRÅDESTYRET FOR NÆRØYFJORDEN SIDE 6

7 Fylkesmannen har ikkje fått klage eller spørsmål om gjennomførde snøskutertransportar tidlegare år. Vi vurderer søknaden slik etter naturmangfaldlova 8-12: 8 kunnskapsgrunnlag: Vi meiner vi har eit godt kunnskapsgrunnlag i forhold til denne søknaden med gjennom løpande kunnskap om villreinbestanden og at Fylkesmennene ikkje har fått meldingar frå ålmenta om problem med gjennomførde transportar tidlegare år. 9 føre-var-prinsippet: Med omfanget av snøskutertransport vurderer vi at det ikkje vil vere risiko for vesentleg skade på naturmangfaldet, jf likevel 10 under, og det blir teke omsyn til villreinen dersom den er i nærleiken. 10 økosystemtilnærming og samla belasting: Det omsøkte området er frå Fyre til Grindaflethytta eit sårbart naturområde med noko ferdsel og aktivitet om vinteren og våren, medan det er svært liten aktivitet og ferdsel ut på Flenjaeggi, særleg om vinteren og våren. Båe delar tilseier at det difor viktig å ta omsyn til dei strenge reglane for motorferdsel slik at omfanget av uroing for folk og dyr, ikkje minst villrein, blir så lite som mogleg. 11 kostnadene ved miljøforringing skal bæres av tiltakshavar: Vi ser ikkje at det er relevant å vurdere dette då det ikkje er fare for miljøforringing utover uroinga som følgje av motorferdsla medan denne pågår under føresetnad av at det blir teke omsyn til villreinen slik det går fram av vilkåra for løyve. 12 miljøforsvarlege teknikkar og driftsmetode: Alternativet til bruk av snøskuter er helikopter. Så lenge det ikkje er påvist at snøskuter er uheldig for naturmiljøet, meiner vi at mengda (tilsvarande 1 tur/retur) som skal transporterast tilseier at snøskuter er ei betre løysing. Vi gjer merksam på at transporten må vere klarert med kommunane i høve til Lov om motorferdsel i utmark og vassdrag. Vi gjer også merksam på at grunneigar kan nekte motorferdsel i utmark over sin grunn. Det er søkjar sitt ansvar å innhente løyve frå kommune og grunneigar. Framlegg til vedtak Nils Hjellum og Svenn Vidar Stegen får kvart sitt løyve til 1 tur/retur med kvar sin snøskuter til Fessene og tilsvarande 1 tur/retur til Flenjahornet i perioden i åra 2012, 2013 og Løyvet er gitt for frakt av proviant, ved, materialar og eventuelt saltstein. Løyvet gjeld ikkje søndagar og ikkje i påska f.o.m. palmelaurdag t.o.m. 2 påskedag. Løyvet er gjeve på vilkår av at: bruken av snøskuter avgrensar seg til det som er strengt naudsynt transporten skal skje samla og planlagt slik at det vert ein transporttur (med inntil 2 snøskuterar) til kvar av hyttene ved køyring skal det alltid vere med slede dersom det er trong for transport av saltstein til området skal dette samordnast innanfor gjeldande løyve. Dette gjeld også om det er andre enn Stegen og Hjellum som treng transport av saltstein til dette området. snøskutertransporten skal meldast seinast dagen før til Statens naturoppsyn v/ Kristoffer Ullern Hansen (mob.tlf ), som kan gi pålegg om å utsetje turen av omsyn til m.a. villrein. under snøskutertransporten skal det takast omsyn slik at ein i størst mogleg grad unngår å uroe dyreliv (særleg villrein) og folk på tur i området. køyrebok med planlagd rute skal førast på førehand og takast med under transport ved køyring skal alltid dette løyvet vere med og kunne visast fram ved kontroll Det skal kvart år innan 1. juni sendast rapport om snøskuterkøyringa (dato, tidspunkt, kva som er transportert). VERNEOMRÅDESTYRET FOR NÆRØYFJORDEN SIDE 7

8 Vedtak i verneområdestyret Verneområdestyret gjorde på møtet vedtak i samsvar med framlegget til vedtak. Klage Denne avgjerda kan klagast inn for Miljøverndepartementet av partar i saka og andre som har rettsleg klageinteresse, med ein frist på 3 veker. Klagen skal sendast til verneområdestyret v/ sekretariatet, som også kan gi nærare opplysningar om klagerett og rett til å sjå saksdokument. Sak 7 ( ) Søknad om oppsetting av beitegjerde på Stigen Dokument i saka Søknad datert , vedlagt kart, etter alternativ 2 Søknaden vert vurdert etter Forskrift for Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden, godkjend Skjøtselsplan for Stigen, godkjend Naturmangfaldlova av 19. juni 2009 nr. 100 Saksframlegg Søknaden gjeld oppsetting av eit fast gjerde rundt innmarka på båe bruka på Stigen (øvre og nedre). Brukar på øvste Stigen er også positiv. Bakgrunnen for prosjektet er å kunne halde sauene nede frå fjellet og å kunne styre beitinga til saueflokken betre i tråd med skjøtselsplanen. For å auke beitepresset på nokre av teigane vil det i tillegg, som før, bli nytta flyttbare elektriske gjerde. Det må ogås setjast opp nokre sperregjerde under Mørkvollen og i Koldagjelet for å unngå at dyra kjem inn på utilgjengelege og farleg bratte område. Prosjektet vil auke opplevingsverdien både historisk og landskapsmessig. For heilskapen er det viktig å beite både øvste og nedste Stigen (alternativ 2) i staden for berre nedste Stigen (alternativ 1) som er garden dykkar. Arbeidet vil ta i 2012 og ferdigstillast i De søkjer og om tilskot til gjerdeprosjektet, som har eit kostnadsoverslag på kr ,-. Frå før har det frå SNO-Aurland og Aurland kommune (SMIL-midlar) fått kr ,- til gjerdeprosjektet. Gjerdet som det vert søkt om er i stolp (25% i stål (vil bli bora i fjell) og 75% i tre) med sauenetting mellom stolpane. Heimel VERNEOMRÅDESTYRET FOR NÆRØYFJORDEN SIDE 8

9 Søknaden må vurderast etter verneforskrifta 3, 1.1 og 3, 1.3f og etter naturmangfaldlova I Nærøyfjorden landskapsvernområde er området verna mot alle inngrep eller tiltak som vesentleg kan endre eller verke inn på landskapets art eller karakter, t.d. oppføring av anlegg og faste innretningar (verneforskrifta 3, 1.1). Forvaltningsstyresmakta kan gi løyve til oppsetting av nye gjerde (utover stenging av skorfeste og oppsetting av kve som er tillate etter verneforskrifta 3.1.2c) (verneforskrifta 3.1.3f). Vurdering Stigen er slik det går fram av forvaltningsplanen eit av dei høgast prioriterte kulturlandskapsområda i Nærøyfjorden landskapsvernområde. Dette er då også grunnen til at det blei utarbeidd ein eigen skjøtselslan for Stigen. Sekretariatet for verneområdestyret for Nærøyfjorden vurderer at det omsøkte beitegjerdet vil vere eit svært godt tiltak for å følgje opp forvaltningplanen og skjøtselsplanen for Stigen. Det er eit viktig poeng at gjerdet kan flyttast eller takast ned dersom det likevel skulle syne seg at det vil vere best for å ivareta kulturlandskapet og naturmiljøet. Vi meiner for å redusere omfanget i av varige inngrep bør omfanget av stålstolp som borast i fjell vere så lågt som mogleg. Vi vurderer søknaden om oppsetting av beitegjerdet slik etter naturmangfaldlova 8-12: 8 kunnskapsgrunnlaget: Vi har gjennom forvaltningsplan, skjøtselsplan og mange synfaringar til Stigen svært god kunnskap om området. 9 føre- var- prinsippet: Vi meiner tiltaket vil styrke det biologiske mangfaldet ved at eit gamalt kulturlandskap vil vere i hevd. 10 økosystemtilnærming og samla belasting: Løysinga med beitegjerde kring innmarka på båe gardane på Stigen er løysinga som best ivaretak eit heilskapleg kulturlandskap. Omfanget av stålstolp som vert bora i fjell bør vere så lite som praktisk mogleg. 11 kostnadene ved miljøforringing skal berast av tiltakshavar: Vi ser ikkje at det er relevant å vurdere dette. 12 miljøforsvarlege teknikkar og driftsmetode: Vi vurderer som eit fast gjerde kring innmarka som den beste løysinga over tid. Det vil vere positivt å bruke flyttbare elektriske gjerde på utvalde teigar som treng hardare beitepress. Økonomisk medverknad til prosjektet må takast opp med Statens naturoppsyn. Framlegg til vedtak Hege Strømme og Dee Cunningham får løyve til å setje opp eit fast beitegjerde som omsøkt. Løyvet er gjeve på vilkår av at Gjerdetrasèen blir tilpassa slik at omfanget av stålstolp vert så lågt som mogleg. Dersom det syner seg at gjerdinga bør endrast, kan det skje etter avtale med forvaltningsstyresmakta Forvaltningsstyresmakta kan, etter samråd med søkjaren, påleggje at inngjerdinga vert endra av omsyn til det biologiske mangfaldet eller verneformålet. VERNEOMRÅDESTYRET FOR NÆRØYFJORDEN SIDE 9

10 Verneområdestyret vil på eit seinare tidspunkt når vi kjenner budsjettet for 2012 vurdere å støtte tiltaket økonomisk i samarbeid med Statens naturoppsyn. Vedtak i verneområdestyret Verneområdestyret gjorde på møtet vedtak i samsvar med framlegget til vedtak. Klage Denne avgjerda kan klagast inn for Miljøverndepartementet av partar i saka og andre som har rettsleg klageinteresse, med ein frist på 3 veker. Klagen skal sendast til verneområdestyret v/ sekretariatet, som også kan gje nærare opplysningar om klagerett og rett til å sjå saksdokument. Sak 8 ( ) Søknad om fleirårig løyve til helikoptertransport til Stigen Dokument i saka Søknad datert Søknaden vert vurdert etter Forskrift for Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden, godkjend Naturmangfaldlova av 19. juni 2009 nr. 100 Saksframlegg Vi viser til søknad av Her vert det søkt om eit 4-årig løyve til helikoptertransport av material og utstyr gjennomføring av gjerdeprosjekt, restaurering av bygningar og nybygg på Stigen. Det vert søkt om løyve over 2 dagar i sommarhalvåret, hovudsakleg frå Fresvikåsen, men i nokre tilfelle kan Undredal vere aktuelt i staden. Vi viser og til tlf der Dee Cunningham informerer om at dei har spesielt høgt behov (inntil 35 hiv) for helikopterfrakt i 2013 når dei skal setje opp den nye løa på Stigen, medan dei andre åra vil behovet truleg liggje på færre enn 12 hiv. Søkjaren gjev uttrykk for at dei ønskjer å halde helikoptertransport på eit så lågt omfang som mogleg. Heimel Søknaden må vurderast etter verneforskrifta 3, 2.1 og og etter naturmangfaldlova I Nærøyfjorden landskapsvernområde er motorferdsel forbode (verneforskrifta 3,2.1). Forvaltningsstyresmakta kan gje løyve til lufttransport av materialar til hytter, bruer og av brensel, utstyr og proviant til hytter og stølar (verneforskrifta pkt. IV, 2.3). VERNEOMRÅDESTYRET FOR NÆRØYFJORDEN SIDE 10

11 Vurdering Sekretariatet er godt kjend på Stigen og tilhøva kring drifta (overnatting og servering) gjennom fleire synfaringar gjennom mange år. Vi ser at det er behov for eit ståande løyve til helikopterfrakt for gjennomføring av drifta på Stigen og for dei prosjekta ein no står framfor med nybygg av løe med serveringsstad, restaurering og gjerd3prosjekt (sak ). Vi meiner at det er viktig å konsentrere helikoptertransporten til nokre få dagar. Sjølv om det kan vere vanskeleg å fastslå omfanget av transport kvar dag, synest vi at behovet verkar realistisk, og vi meiner det er positivt at omfanget vert avgrensa til det som er naudsynt. 8 kunnskapsgrunnlag: Vi meiner vi har eit godt kunnskapsgrunnlag i forhold til denne søknaden med gjennom mange synfaringar i området. 9 føre-var-prinsippet: Med omfanget av helikoptertransport vurderer vi at det ikkje vil vere risiko for vesentleg skade på naturmangfaldet når denne vert avgrensa til to dagar. 10 økosystemtilnærming og samla belasting: Det omsøkte området er eit sårbart naturområde for rovfugl, men har også ein del ferdsel og aktivitet vår og sommar gjennom turistverksemda som vert driven. Det er viktig å ta omsyn til dei strenge reglane for motorferdsel slik at omfanget av uroing for folk og dyr, ikke minst fuglelivet, blir så lite som mogleg. 11 kostnadene ved miljøforringing skal bæres av tiltakshavar: Vi ser ikkje at det er relevant å vurdere dette då det ikkje er fare for miljøforringing utover uroinga som følgje av motorferdsla medan denne pågår. 12 miljøforsvarlege teknikkar og driftsmetode: Alternativet til bruk av helikopterer er transport med taubane. Vi er godt informert om at denne blir brukt til det aller meste av transporten, slik at helikopter er meint å ta av for dei store og konsentrerte (i tid) løfta. For desse store og tunge transportane er helikopter einaste aktuelle transportmetode i det bratte terrenget, med fjord under. Sekretariatet gjer merksam på at transporten må vere klarert med kommunane i høve til Lov om motorferdsel i utmark og vassdrag. Vi gjer også merksam på at grunneigar kan nekte motorferdsel i utmark over sin grunn. Det er søkjar sitt ansvar å innhente løyve frå kommune og grunneigar. Framlegg til vedtak Stigen gard v/ Hege Strømme og Dee Cunningham før løyve til helikoptertransport av materialar og utstyr til Stigen gard. Løyvet gjeld 2 dagar i perioden 1. mai til 30. september med unntak av heilagdagar og søndagar i åra 2012 t.o.m I 2012, 2014 og 2015 gjeld løyvet for inntil 12 helikopterhiv, for 2013 inntil 35 helikopterhiv i året. Løyvet er gjeve på vilkår av at: bruken av helikopter avgrensar seg til det som er strengt naudsynt helikoptertransporten skal meldast seinast dagen før til Statens naturoppsyn v/ Kristoffer Ullern Hansen (mob.tlf ), som kan gi pålegg om å utsetje turen av omsyn til fugle- og dyreliv eller folk si ferdsel i området under helikoptertransporten skal det takast omsyn slik at ein i størst mogleg grad unngår å uroe dyre- og fugleliv og folk på tur i området. ved køyring skal alltid dette løyvet vere med og kunne visast fram ved kontroll det skal kvart år innan 1. desember sendast rapport om bruken av helikopter (dato, tidspunkt, tal hiv, kva som er transportert). Vedtak i verneområdestyret Verneområdestyret gjorde på møtet vedtak i samsvar med framlegget til vedtak. VERNEOMRÅDESTYRET FOR NÆRØYFJORDEN SIDE 11

12 Klage Denne avgjerda kan klagast inn for Miljøverndepartementet av partar i saka og andre som har rettsleg klageinteresse, med ein frist på 3 veker. Klagen skal sendast til verneområdestyret v/ sekretariatet, som også kan gje nærare opplysningar om klagerett og rett til å sjå saksdokument. Sak 9 ( , 2012/599) Søknad om lågtflyging for filmopptak Dokument i saka Søknad av Søknaden vert vurdert etter Forskrift for Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden, godkjend Naturmangfaldlova av 19. juni 2009 nr. 100 Saksframlegg Vi viser til søknad av Her vert det søkt om eit løyve til å flyget lågt med helikopter for opptak av eit TV-program om familien Cunningham/Strømme, som driv gardane «Fjordstien» i Fresvik og Nedre Stigen i Aurlandsfjorden. Programmet omhandlar familien sin aktivitet i området, både som turarrangørar, gardbrukarar og meir til. Sentralt i programmet står oppattbygginga av låven på Stigen og skjøtsel som familien driv i verdsarvområdet. I samband med programmet søkjer de difor om å kunne filme frå lufta, dvs. helikopter, helst den dagen Dee fraktar villsauene sin frå Fresvik til Stigen. NRK opplyser at dei ikkje treng å lande med helikopter i verdsarvområdet. Filmopptaka frå helikopter er planlagt til ein kvardag i mai. Heimel Søknaden må vurderast både etter verneforskrifta og etter naturmangfaldlova. I Nærøyfjorden landskapsvernområde er lågtflyging under 300 m over bakken forbode (verneforskrifta 3, 2.1). Søknaden må handsamast etter den generelle dispensasjonsheimelen i 4 i verneforskrifta. Denne er endra med lov av 19. juni 2009 nr. 100 naturmangfaldlova 48, som seier at det kan gjevast dispensasjon dersom det ikkje strider mot vernevedtakets formål og ikke kan påvirke vernevedtaket nevneverdig. Verneformålet for Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter (verneforskrifta 2). Vurdering Sekretariatet vurderer at filmen om familien Cunningham/Strømme og deira aktivitet på Stigen og i verdsarvområdet vil formidle mange av natur- og opplevingskvalitetane knytte til verdsarvområdet i Nærøyfjorden og Nærøyfjorden landskapsvernområde. Filmen vil også formidle mange av dei oppgåvene og tiltaka som må til for å ta vare på verdsarven og kvalitetane i natur- og kulturlandskapet. Formålet med filmen ligg såleis ligg innafor verneformålet for landskapsvernområdet. Av forvaltningsplanen går det fram VERNEOMRÅDESTYRET FOR NÆRØYFJORDEN SIDE 12

13 at løyve til transportoppdrag for mediaformål må vurderast konkret, dvs, om formålet med film o.a. kan knytast saman med innhaldet i formålet med vernet. Føresetnaden er at det ikkje påverkar verneverdiane nemnande. Rovfugl lever i området, og det er viktig å unngå å uroe dei. Vi vurderer at ei avgrensa flyging i låg høgd utan landing i området kring Stigen vil ha liten skadeverknad for vernet, dersom det vert teke omsyn til rovfugl ein observerer undervegs. og ein unngår område der ein veit at dei oppheld seg. Ferdsla i området er klart størst på helgedagar, og det er difor ønskjeleg å unngå (lågt-)flyging i området då, for å unngå å uroe folk i området. Vi vurderer søknaden om helikoptertransport etter 8-12 i naturmangfaldlova slik: 8 kunnskapsgrunnlag: Fylkesmannen meiner vi har eit relativt godt kunnskapsgrunnlag i høve til denne søknaden, ut frå røynsle med tidlegare helikoptersaker, og at vi veit kva for naturelement som er mest sårbare. 9 føre-var-prinsippet: Vi kjenner tilhøva så godt av det ikkje er grunn til fare for at den omsøkte motorferdsla vil ha store negative konsekvensar for verneverdiane, når naudsynte omsyn vert tekne. Rovfugl utgjer dei mest sårbare verneverdiane. For å unngå uroing, legg sekratiatet vekt på at Statens naturoppsyn sin lokalkunnskap skal nyttast. Kontakt med Statens naturoppsyn er såleis vesentleg. 10 økosystemtilnærming og samla belastning: Forvaltingsstyresmakta ønskjer å praktisere reglane i landskapsvernområdet på ein måte som held motorferdsla på eit nivå som ikkje er til skade for naturmangfaldet. Vi meiner at den samla belastninga av motorferdsel i landskapsverneområdet pr. i dag ikkje er større enn at den omsøkte flyginga er akseptabel. 11 kostnadene ved miljøforringing skal berast av tiltakshavar: Tiltaket skal ikkje føre til miljøforringing ut over den kortvarige uroinga medan flyging og landing pågår, og difor trengst ikkje avbøtande tiltak. 12 miljøforsvarlege teknikkar og driftsmetode: Vi vurderer helikopter som den mest tenlege måten å utføre oppdraget. Det er då viktig at løyvehavaren planlegg helikopterflyginga slik at verknaden av motorferdsla vert kortvarig. Vi meiner òg det er ein føremon om flyginga skjer vekedagar og ikkje i ei helg; dette av omsyn til friluftsliv og folk i området. Framlegg til vedtak På bakgrunn av det som er sagt over, får NRK løyve til lågtflyging med helikopter for filmopptak kring familien Cunningham/Stigen sin aktivitet på Stigen. Løyvet gjeld ein kvardag (ikkje søndagar og helgedagar) i tida mai Løyvet er gjeve på vilkår av at lågtflyginga avgrensar seg til det som er strengt naudsynt under flyginga skal ein i størst mogleg grad unngå å uroe folk og fugle- og dyreliv Statens naturoppsyn v/ Kristoffer Ullern Hansen (mob.tlf ) skal kontaktast før flyging tek til for å avklare om det er spesielle omsyn som skal takast. Verneområdestyret v/ sekretariatet får ein rapport i ettertid om tidsbruk og flygerute innteikna på kart. Vedtak Verneområdestyret gjorde på møtet vedtak i samsvar med framlegget til vedtak. Klage Avgjerda i dette brevet kan klagast inn for Direktoratet for naturforvaltning av partar i saka eller andre som har rettsleg klageinteresse med ein frist på 3 veker. Eventuell klage skal sendast til Fylkesmannen, som og kan gje nærare opplysningar om klagerett og rett til å sjå saksdokument. VERNEOMRÅDESTYRET FOR NÆRØYFJORDEN SIDE 13