ÅRSMØTEHEFTE 2017 GLOPPEN SENTERPARTI

Transkript

1 ÅRSMØTEHEFTE 2017 GLOPPEN SENTERPARTI Fire ordførarar frå Senterpartiet på stand i valkampen Frå v. Leidulf Gloppestad, Anders Ryssdal, Olav Moritsgård og Nils R. Sandal.

2 Årsmøte i Gloppen Senterparti 2017 vert halde i Runnevang torsdag 23. november kl Sakliste: 1. Godkjenning av innkalling og sakliste 2. Konstituering Val av møteleiar Val referent Val av to representantar til å skrive under møteboka 3. Årsmelding for Gloppen Senterparti Rekneskap for Gloppen Senterparti Medlemskontingent Val etter lova 7. Aktuelle lokalpolitiske saker Innleiing ved: Gruppeleiar Per Rune Vereide Ordførar Leidulf Gloppestad 8. Arbeidsplan Open post 10. Stortingsrepresentant Jenny Klinge 2

3 Sak 1 Godkjenning av innkalling og sakliste Årsmøtet godkjenner innkalling og sakliste. Sak 2 Konstituering Møteleiar: Bjarne Bø. Referent: Kristina Tomasgard Val av to møtedeltakarar til å skrive under møteboka. Sak 3 Årsmelding 2017 Styrearbeid I arbeidsåret har det vore halde 4 styremøte. I tillegg vert styret innkalla til alle gruppemøte i kommunestyregruppa. Mange av styremedlemmane møter jamleg opp på dei. Det er nyttig både for styremedlemmane og kommunestyregruppa. I meldingsåret har styret, utanom det vanlege styrearbeid, hatt stortingsvalet som den vitigaste arbeidsoppgåva. Arbeidet i styret har vore godt og tillitsfullt. Engasjement for Senterpartiet og vår politikk er sterk både i styret og i kommunestyregruppa. Kvar einskild tillitsvald bidreg til at Gloppen Sp står fram som eit veldrive og vitalt partilag. Det største i Sogn og Fjordane! Lokallaget har stort sett vore representert på alle møte og konferansar som er avvikla i regi av Sogn og Fjordane Senterparti. Gloppen Senterparti har registrert 8 timar studiearbeid knytt til styrearbeid i Vidare er det studiearbeid registrert til valkamparbeid; om lag 10 timar. Studiearbeid knytt til kommunestyregruppa er ikkje ferdig registrert per no. Lokallaget er aktiv med utsending av informasjon til medlemmane både på sms og e-post. Laget har nettside og facebookside som jamleg vert oppdatert. Medlemstalet pr er senterungdommar, til saman 187. Stortingsvalet Som før nemnd, var stortingsvalet 11.sep. viktigaste sak i meldingsåret. Tidleg på nyåret vart alle lokallaga utfordra av fylkeslaget til å setje seg ei målsetjing for tal stemmer i kvar kommune for Senterpartiet. Ymse tal vart kasta fram i debatten. Det vart nærast ei «bodrunde» før leiar sette strek. Gloppen Senterparti la lista i høgste skåra, heile 1750 stemmer for Sp i Gloppen! 3

4 Styret valde desse til valkamputval: Bjarne Bø, leiar, Karoline Bjerkeset, Jeffrey Thomas, Vidar Sandal, Erling Sande og Håkon Fjellestad (Senterungdomen). Valkamputvalet kom tidleg i gang med sitt virke. Arbeidsoppgåvene har vore å planlegge, koordinere og gjennomføre valkampaktivitetar både knytt til standsverksemd, lesarinnlegg og samarbeid med fylkeslaget. Valkamputvalet pakkar materiell til fyrstegongsveljarar i Gloppen. Erling Sande og Bjarne Bø pakkar, mens Jeffrey Thomas held stødig kontroll på adressene. Frå våren og heilt fram til valet var vi synlege med vår stand på Sandane mange laurdagar. Dei to siste helgane og i Hyen og på Byrkjelo. I hovudsak var det kommunestyregruppa og styret som stod på stand. Siste laurdagen før valet fekk vi med alle våre tidlegare ordførarar: Olav Moritsgård, Nils R. Sandal og Anders Ryssdal som saman med ordførar Leidulf Gloppestad, stod på stand i Sandane sentrum. Ei kjekk hending som mange sette stor pris på! Undervegs i valkampen hadde vi dagsbesøk av Liv Signe Navarsete der ho og med følgje var på bedriftsbesøk hjå Brødrene Aa og SFE. På begge stadar fekk ein møte bedriftsleiinga til gode samtalar. Leiar i Senterungdomen, Ada Arnstad, vitja og Gloppen. Mellom anna var ho innom SFE og fekk god informasjon om deira virke og utfordringar. Nemnast må og at partileiar Trygve saman med Liv Signe, Steinar og Sigurd var på gjennomreise i kommunen, stogga på Kvila og såg på herjingane etter uveret 24. juli på eigedomen til Gerd og Kjell Risholm. Valresultatet for Sp i Gloppen vart heile 1691 røyster! (49%) Med dette resultatet held vi stillinga som «flaggskipet» blant lokallaga i fylket. I val på val gjer Senterpartiet kanonval i kommunen, men i år var nok særleg mange oppteken av Senterpartiet sin politikk for tenester nært folk, mot sentralisering og for ei aktiv distriktsutvikling. Det skal vi glede oss over og vere stolte av! Studietur til Oslo Gruppeleiar Per Rune tok tidleg i meldingsåret opp ein ide om studietur til Oslo for kommunestyregruppa og styret. Tanken fekk god respons. Per Rune sydde saman eit interessant program i lag med Liv Signe og Hovudorganisasjonen. 4

5 Desse deltok på turen: Leidulf Gloppestad, Magni Aa Berge, Marit Straume, Jeffrey Thomas, Per Rune Vereide, Jostein Arne Røyrvik, Ola Henning Ommedal, Einar Duvold, Håkon Fjellestad, Magnus Eide og Bjarne Bø. Programmet fredag starta med omvising i Stortinget. Liv Signe fortalde engasjert og interessant om huset på Løvebakken. I stortingssalen kom partileiar Trygve innom og fortalde humørfylt og grundig om den ærverdige stortingssalen. Etter omvisinga samlast vi i kjellarstova på Stortinget. Liv Signe og Aleksander Øren Heen orienterte om aktuelle politiske saker og situasjonen i partiet etter stortingsvalet. Avslutta seansen med lunsj. Neste stopp var besøk på hovedkontoret til Senterpartiet. Leiar i Senterungdomen, Ada Arnstad, orienterte om aktuelle politiske saker dei er opptekne av. Informasjonsrådgjevar Ragnar Kvåle fortalde om arbeidet i Hovudorganisasjonen til partiet. Til slutt fekk gruppa eit lynkurs i sosiale media med Karl Kristian Langeland. Oppsummert vart dagen både interessant, lærerik og nyttig for følgjet! Gruppa avslutta dagen med eit besøk på den vidgjetne Restaurant Lorry. Maten smaka fortreffeleg. Dei som valde lutefisk med tilbehøyr, fekk i alle fall ein gastronomisk oppleving, som dei vil «leve» lenge på! Då leiar fortalde om turen på gruppemøte, kom det lakonisk frå Arvid: «Lorry er vel ikkje nokon typisk restaurant senterpartifolk vankar på..» Tja, vårt besøk på Lorry viser i alle fall at Senterpartiet inntek og gjer seg gjeldane på stadig nye arenaer..:-) Økonomi Økonomien i laget er stabil og under god kontroll. Resultatet i år er etter styret si meining tilfredsstillande, sett i høve til at det har vore eit valår. Viser elles til rekneskap. Gloppen Senterungdom 2017 Aktivitet i 2017 Gloppen SUL heldt i byrjinga av året eit ope møte med fokus på rekruttering. Om lag 20 møtte fram. Lokallagsleiaren har delteke på styremøte og gruppemøte i Gloppen Sp og vore med i valkamputvalet, samt delteke på fylkesårsmøte for både Senterpartiet og Senterungdomen i Sogn og Fjordane. Vi har hatt representantar på nokre arrangement på fylkesplan som skuleringskurs i Førde og sikkerheitspolitisk seminar på Eid. To vart med Gloppen Sp på studietur til Oslo med vitjing på Stortinget og Senterpartiet sin hovudorganisasjon. Ein av medlemane i Gloppen Sul deltok på landsmøtet. To gongar har vi vore med på å ha stand på Firda Vgs, der den eine var i samband med skulevalet og debatt mellom ungdomspartia. Senterpartiet fekk størst oppslutnad på skulevalet på Firda vgs. med 23,9% av stemmene. 5

6 Gloppen Senterungdom har stand på Firda vgs. skule i lag med Sogn og Fjordane Senterungdom. Rekneskap Gloppen Senterungdom har eigen økonomi og konto. Det har ikkje vore inntekter i 2017, men der vart ca kroner i utgifter knytt til ope møte der det vart spandert pizza. Det er pr. dags dato 8366 kroner på konto. Øvrig Vi er 20 medlemmar i Gloppen Senterungdom per dags dato. Vi kjem til å samordne aktivitet med Gloppen Senterparti framover, samtidig som vi vil prøve å ha fleire eigne arrangement med fokus på Firda Vgs. Vi satsar på meir aktivitet i laget i året som kjem og vil prøve å få fleire til å delta på arrangement på fylkesplan. Medlemmar av Gloppen Sp som har tillitsverv/stillingar Anders Ryssdal er medlem av fylkestinget og medlem i hovudutval for opplæring Karoline Bjerkeset er nestleiar i fylkesstyret i Sogn og Fjordane Senterparti. Ho sit i kontrollutvalet i fylkeskommunen. Ho er også 2. vara til Sp sitt sentralstyre. Per Rune Vereide er fylkessekretær for Senterpartiet i Sogn og Fjordane. Han har delteke på ei rekke arrangement i Senterpartiet (sentralt/fylket) i kraft av si stilling. Elise Eide Dvergsdal er organisasjonssekretær for Senterpartiet i Sogn og Fjordane. Ho deltek på ei rekke arrangement i Senterpartiet (fylket) i kraft av si stilling. Ordførar Leidulf Gloppestad er valt til leiar i Nordfjordrådet og er nestleiar i KS Sogn og Fjordane. 6

7 Kommunestyregruppa Leidulf Gloppestad ordførar / formannskapet Magni Aa Berge varaordførar / formannskapet Bernt Reed leiar i oppvekst / formannskapet Jeffery Thomas Kent Øystein Hjelle Olav Sigurd Gundersen Marit Straume Solveig Lien Gusdal Jostein Arne Rørvik Per Rune Vereide - gruppeleiar Vidar Sandal Styret i 2017 har vore: Neste valår Leiar: Bjarne Bø, Breim 2017 Nestleiar: Jeffrey Thomas, Sandane 2018 Studieleiar: Karoline Bjerkeset, Sandane 2017 Kasserar: Arvid Gimmestad, Sandane 2018 Styremedlem: Olin Astrid Austrheim, Sandane 2017 Styremedlem: Marit Straume, Hyen 2018 Styremedlem: Kristina Tomasgard, Sandane 2018 Styremedlem: Einar Duvold, Hestenesøyra 2017 Varamedlemmer: 1. varamedlem Oddvar Bjørlo, Sandane varamedlem Bernt Reed, Breim varamedlem Jon Elling Vereide, Sandane 2017 Senterkvinnekontakt: Olin Astrid Austerheim 2017 Senterungdomen: Håkon Fjellestad I tillegg er gruppeleiar medlem i styret. Ordførar møter i styret som observatør. Revisorar: Jon Gimmestad, Sandane 2018 Ingebrigt Øvreseth, Sandane 2018 Valnemnd 2017: Liss Bergum, leiar 2017 Ola Henning Ommedal 2018 Kent Øystein Hjelle

8 Årsmøtet godkjenner årsmeldinga for Gloppen Senterparti har hatt eit særs aktivt standsår. Her frå Sandane-dagane. Frå v: Ola Henning Ommedal, Einar Duvold, Per Rune Vereide, Jofrid Rye Hestenes (frå stortingslista). Kristina Thomasgard stikk innom gode partikollegaer og ein framtidig senterpartist har fått ballong. 8

9 Sak 4 Rekneskap 2017 Den framlagde rekneskapen for 2017 vert vedteken. 9

10 Sak 5 Medlemskontingent for 2018 Landstyret vedtek denne for kvart år, slik at den skal være lik for alle lokallaga. For 2018 er kontingenten kr 500,-. Denne fordelar seg slik: Hovudorganisasjonen kr 325,- Fylkeslaget kr 125,- Lokallaget kr 50,- Årsmøtet tek kontingentsatsen til vitande. Sak 6 Val for 2018 Valnemnda sitt framlegg er: Utsendingar til fylkesårsmøte: Årsmøtet gjev styret fullmakt til å velje utsendingar og vara til fylkesårsmøtet, samt andre møter det vert kalla inn til. Sak 7 Aktuelle lokalpolitiske saker Innleiing ved: Gruppeleiar Per Rune Vereide Ordførar Leidulf Gloppestad Sak 8 Arbeidsplan 2018 Viktige saker som Gloppen Senterparti skal arbeide vidare med i komande år: Næringspolitikk i Gloppen Gloppen som tilflyttingskommune nr. 1 Medlemsverving 10

11 Medlemsaktivitet Gloppen Senterparti skal ha medlemsmøter i komande år om aktuelle saker. Informasjonsarbeid Gloppen Senterparti skal kommunisere med medlemmane ved å: Nytte aktivt sms og e-post til utsending av informasjon til medlemmane. Medlemsregisteret skal vere oppdatert med telefon og e-post for dei som har dette. Styret og kommunestyregruppa får eit felles ansvar for å kome med innhald og oppdateringar på laget si heimeside. Bruke facebooksida til publisering av laget sin aktivitet. Årsmøtet vedtek arbeidsplanen for Sak 9 Sak 10 Open post Stortingsrepresentant Jenny Klinge Stortingsrepresentant for Senterpartiet, Jenny Klinge (Møre og Romsdal) 11