Budsjett 2011 Økonomiplan Planleggingsprogram

Transkript

1 Rådmannen sitt framlegg til Budsjett 2011 Økonomiplan Planleggingsprogram Rådmannen i Luster legg med dette fram sitt framlegg til budsjett for 2011 og tilhøyrande økonomiplan og planleggingsprogram for Framlegget til budsjett og økonomiplan er utarbeidd etter om lag same struktur som for 2010/ Dei kommunale tenestene er såleis inndelte i 10 område, som alle byggjer på definerte Kostra-funksjonar. Framlegget til planleggingsprogram følgjer saman med budsjettet og økonomiplanen. Dette er avstemt med økonomiplanen. Rådmannen vil presentere nemnde framlegg for eit samla kommunestyre 28. oktober Einingsleiarane og dei hovudtillitsvalde vert orienterte dagen før. Etter nemnde framlegging tek formannskapet over ansvaret for den vidare prosessen. Jf kommunelova sine reglar. Gaupne, 28. oktober 2010 Tore Eriksen Rådmann Samandrag/kortversjon

2 SAMANDRAG Førre budsjett, økonomiplan og planleggingsprogram Luster kommunestyre vedtok i desember 2009 budsjettet for 2010 og økonomiplanen og planleggingsprogrammet for Budsjettet for 2010 var for det første prega av ein sterk utgiftsvekst for grunnskulen. Det skuldast ein kraftig auke i tal årsverk for skuleåret 2009/10, noko som slo ut på heilårsbasis i Nemnde auke var nær knytt opp mot meir ressursar til einskildelevar, ikkje til fleire elevar eller grupper/klasser. Frå skuleåret 2010/11 har kommunestyret innført ein ny budsjettmodell i skuleverket. Denne er meint å gje den einskilde skule meir å seie i høve disponeringa av eigen økonomisk ramme, samtidig som ein må vere villege til å gjere naudsynte interne prioriteringar. Budsjettet for 2010 vart balansert ved ei innsparing i pleie/omsorg på 2 mill kr, dette som ei oppfølging av kommunestyret sin nye helse- og omsorgsplanen. Denne innsparinga vart teken ut ved høgre betalingssatsar og færre årsverk. Økonomiplanen for vart balansert ved at det vart lagt inn ei rekkje innsparingskrav for åra frå Dette var knytt opp mot ei forventning om sterkare utgifts- enn inntektsvekst i kommunen. Eit element i dette var staten sin politikk andsynes kommunane, eit anna i kommunestyret sine eigne investeringsambisjonar. Kommunestyret sine innsparingar vart uttrykt ved færre ordinære sjukeheimsplassar, ei meir effektiv heimeteneste, ei effektivisering av kjøkentenesta (pleie/omsorg), sluttføring av bygdebokprosjektet, uspesifiserte innsparingar innan tenesteområda barnehage, grunnskule, pleie/omsorg, kultur og teknisk i tillegg til andre og heilt uspesifiserte innsparingar. Planleggingsprogrammet for bar særleg preg av ei tydeleg satsing på nye kommunale bustadfelt (Borhaug, Beheim, Haugane/Tandle og Bolstadmoen). På investeringssida låg det i 2010 inne prosjekt for vel 89 mill kr og for heile planperioden prosjekt for nær 210 mill kr. Dei største einskildprosjekta var Luster bad, forskotteringa av Gullringtunnelen, nye Gaupne barnehage og nye omsorgsbustader. Budsjettrevisjonar (2010) og nye føresetnader Tidleg i 2010 vart det klårt at Luster kommune kom ut med eit samla overskot på vel 11 mill kr i Kommunestyret vedtok å nytte mesteparten av dette som eigenfinansiering i alt vedtekne investeringar. Dette bidrog isolert sett til å redusere dei framtidige lånekostnadene. I budsjettrapporten pr 1.tertial 2010 vart det konstatert at kommunen kunne få meirinntekter knytt til konsesjonskraft og rammetilskot/skatt og innsparingar i renteutgiftene. Desse elementa kom rådmannen tilbake til ved rapporteringa pr 2.tertial Budsjettet for 2011 og tilhøyrande økonomiplan ( ) er avstemte med dei tal som då vart framlagde. I kommunestyret i mai 2010 opplyste rådmannen at kommuneproposisjonen for 2011 gav Luster noko betre tal enn det vår eigen økonomiplan opererte med. Det vart samtidig sagt at vi også måtte pårekne auka utgifter, t.d. til ressurskrevjande brukarar og til barnevernet. Rådmannen sin konklusjon var likevel at utsiktene då var litt betre enn i kommunestyret sin økonomiplanen for

3 5.oktober 2010 kom regjeringa med sitt framlegg til statsbudsjett for Her stadfesta ein langt på veg signala i kommuneproposisjonen. På inntektssida kom Luster noko betre ut enn forventa, dels pga folketalsvekst fram mot det offisielle målinga og dels pga omlegginga av barnehagefinansieringa. Når det gjeld nemnde finansieringsomlegging er det usikkert om denne vil ha effekt i åra framover. Det vil langt på veg bli avgjort av den lokale etterspurnaden etter barnehageplassar. På utgiftssida var siste del av 2010 prega av sterk vekst i utgiftene innan barnevernet, dette med bakgrunn i fleire tunge overtakingssaker i kommunen. Budsjettet for 2011 og økonomiplanen for Rådmannen har i 2010 arbeidd med å følgje opp kommunestyret sine innsparingsambisjonar for åra To aktuelle saker vart avgjorde i I sak 44/10 gjorde kommunestyret vedtak om den framtidige skulestrukturen og konkluderte med at kommunestyret vil balansere neste budsjett og økonomiplan utan å endre på skulestrukturen. På dette punktet følgde ein altså ikkje opp eigen økonomiplan. I sak 55/10 gjorde ein vedtak om å redusere tal representantar i kommunestyret frå 29 til 25 frå Dette var i samsvar med økonomiplanen sin føresetnad. Ein del andre innsparingstiltak er no utgreidde og innarbeidde i budsjettet for 2011 og tilhøyrande økonomiplan. Luster kommune vil, trass i visse utfordringar/innsparingar, framleis vil kunne yte tenester på eit høgt nivå. Budsjettet og økonomiplanen er balansert for alle år frå Dei to første åra er det etablert balanse ved hjelp av tiltak kommunestyret alt har prioritert. For ligg det inne uspesifiserte innsparingskrav på 3,8 mill kr, respektive 5,8 mill kr. Desse må kommunestyret konkretisere i sitt vidare arbeid. Drifta vil bli vidareført på om lag same nivå som i Ein del endringar vil likevel kome og nokre av desse er lista opp i dette samandraget. Opplistinga omfattar og ein del aktuelle tiltak og aktivitetar, samt nokre investeringstiltak. Det vil i 4-års perioden bli investert for 174 mill kr og lånegjelda vil auke med 40 mill kr til 339 mill kr. Planleggingsprogrammet for byggjer på kommunestyret sin arealplan frå årsskiftet 2008/09. Den prioriterte oppgåva dei første åra vert å følgje opp denne planen og elles utføre dei oppgåver som skal ha prioritet etter plan- og bygningslova sine reglar. Nyvald kommunestyre vil i 2011 starte arbeidet med å vurdere den kommunale planstrategien, jf dei nye lovreglane. Folkevalde: a) Kommune- og fylkestingsvalet, med tilhøyrande konstituering, val og opplæring, vil bli gjennomført (2011/12). I Luster vil 16- og 17-åringane kunne røyste (lokalt). b) Prosjektet Utstillingsvindu for kvinner i lokalpolitikken vil bli avslutta (2011). c) Drifts- og organisasjonsmodellen for Luster bad vil bli vedteken (2011). d) Arbeidet med ny kommunal planstrategi vil bli påbegynt (2011). e) Det vil bli avgjort korleis kommunen skal følgje opp ny lov om krisesentertilbod. f) Arbeidet med ny ruspolitisk handlingsplan ( ) vil bli påbegynt (2011).

4 Administrasjon: a) Vedtaket om eigen risikostrategi i høve konsesjonskrafta vil bli følgd opp. b) Vedtaket om vidareutvikle dei kommunale styringsmåla vil bli følgd opp. c) Vedtaket om finansforvaltninga vil bli følgd opp. d) Nytt løns-, personal- og økonomisystem vil bli teke i bruk (interkommunalt, ). e) Ei større ikt-omlegging mot felles plattform vil bli gjennomført. f) Ein pålagt tilstandsrapport for arkivlokala vil bli utarbeidd. g) Det vil bli lagt på plass ei utvida og lovpålagt bedriftshelseteneste. Tilhøyrande kostnader er ukjende og førebels ikkje budsjetterte. h) Dei nye kommunale internett-/heimesidene vil bli utvikla (oppstart november 2010). i) Vedtaket om å vurdere ledige stillingar hos rådmannen vil bli følgd opp. j) Vedtaket om etablering av oppvekstsenter i fem bygdelag vil bli følgd opp. k) Det vil bli gjort ei ny medarbeidarundersøking (2010/11), nye brukarundersøkingar for skule og pleie/omsorg (2011) og ev også ei større innbyggjarundersøking (2011). l) Det vil bli gjennomført ei fasaderenovering av rådhuset ( ). Barnehage: a) Frå 2011/12 vil det bli plasstorleikar i barnehagane på 60%, 80% og 100%. b) Det vert løyvd 1 mill kr til meirutgifter ved ev auke i barnetalet og/eller plasstorleikar ved supplerings- og hovudinntaket til barnehagane i Jf ny finansieringsordning. c) Nye Gaupne barnehage (28 mill kr) opnar hausten 2011 (108 plassar). Det vil gje ei årleg innsparing i barnehagedrifta på kr. Jf innsparingskrav i øk.plan d) Det vert frå 2011 innført to veker fellesferie i alle barnehagane. Innsparing vel kr pr år. Jf innsparingskrav kommunestyret sin øk.plan e) Som lekk i prosjektet Sats på skulen - snu Sogn blir det frå gjennomført ei stor satsing på leiarutdanning for barnehagestilsette i regionen. f) Vedtaket om etablering av oppvekstsenter vil bli følgd opp og vil omfatte 5 barnehagar. g) Påtenkt kapasitetsauke ved Hafslo barnehage vil bli realisert i barnehageåret 2012/13. Grunnskule: a) Kommunestyret sitt vedtak om å balansere budsjett 2011 og øk.plan utan å endre skulestrukturen vert følgd opp. Tidlegare k-vedtak er såleis ikkje følgd opp. b) Aktiviteten ved den einskilde skule vil bli tilpassa elevtalet. Dette kan bety færre/fleire grupper ( klassar ) ved kvar skule i høve skuleåret 2010/11. c) Det vil bli arbeidd vidare med Sats på skulen - snu Sogn på områda: Kommunen som skuleeigar, leiarutdanning, entreprenørskap og fagnettverk. d) Det vil bli arbeidd vidare med det nasjonale prosjektet Vurdering for læring. e) Inn på Tunet-prosjekt (3) vil bli vidareførte dersom skulane vel å prioritere desse. f) Haldningsskapande arbeid mot mobbing/antisosial åtferd og for auka sosial kompetanse held fram, jf Olweusprogrammet. Det vert arbeid for sertifisering i g) Ordninga med heile og halve SFO-plassar vert vidareført. Leksehjelpa skal vere gratis. h) Vedtaket om etablering av oppvekstsenter vil bli følgd opp og vil omfatte 5 skular. i) Det er reservert ombyggingsmidlar ved Hafslo barne- og ungdomsskule i 2013/14, dvs etter barnehageutbygginga.

5 Helsetenester: a) Det vil bli gjort ei vurdering og oppfølging av folkehelsearbeidet, jf plan for b) Prosjektet Saman for barn og unge (BUFA) vil bli vidareført i 2011 (samhandling). c) Helse- og omsorgsplanen vil bli følgd opp vidare. Dette får konsekvensar for m.a. kommunal fysioterapi,jf satsing på førebygging, korttidsavdeling og samhandling. d) Plan for rehabilitering og plan for psykisk helse vil bli reviderte og integrerte i helse- og omsorgsplanen. e) Prosjekt- og utviklingsarbeid innan rusfeltet vil bli vidareført. f) Det vil bli innført eit nytt fagprogram ved helsestasjonen. g) Legetenesta vil framleis ha fokus på internkontroll, kvalitetsarbeid, elektroniske løysingar, rekruttering og vidareutvikling av akuttmedisinske utrykkingsteam. h) Ved ei påbygging av helsesenteret (2.etg), samt ved eit mindre tilbygg, vil det i 2011 bli tilrettelagt for ei ny ambulanseløysing i Gaupne (leigeavtale, Helse Førde). Tiltaket vil og gje eit kommunalt tilleggsareal. Det vil samtidig bli gjort ei renovering av det tekniske anlegget og visse bygningsmessige oppgraderingar ved helsesenteret. Pleie og omsorg: a) Helse- og omsorgsplanen vil bli følgd vidare opp. b) I 2010 er det etablert ei heimeteneste, ei sjukeheimsteneste, ei samlokalisert leiing, ei styrking av rådmannsnivået, ei utvikling av demensomsorga (Luster, Gaupne), ei nedtrapping til 16 langtidsplassar og ei styrking av mellomnivået (omsorgsplassar) på Hafslo. Leiarutvikling er starta og det vert arbeidd med å utvikla ei korttidsavdeling i Gaupne. c) Inntakssystema vil bli vurderte. Dette gjeld system, prosedyrar og vedtak ved tildeling av tenester innan helse, pleie, omsorg og ATS. Det er oppretta tenestekontor i Gaupne for all sakshandsaming. Arbeidet er starta og vil bli vidareført i d) I 2011 vil det bli arbeidd med nye kvalitetsstandardar, førebyggjande tiltak, samarbeid med frivillige lag og organisasjonar og ein samla informasjonsstrategi. e) Nye omsorgsbustadar i Gaupne (14,5 mill kr) vil bli tekne i bruk 1.halvår For å få ein god overgang til ny korttidseining same stad, må tildelinga av desse bustadene byggje på strenge kriterium i høve funksjonsnivå. f) Behovet for ressurskrevjande tenester er aukande. I 2011 ligg det inne 3 nye stillingar, der noko vert dekka ved statleg refusjon. Slik refusjon fell vekk for dei over 67 år. For Luster gjev dette eit bortfall på 3 mill kr i Dette er ikkje innarbeidd i øk.plan , men er no budsjettert. g) Kommunestyret har vedteke at vi skal spare 6 mill kr i 2011 (helse/pleie/omsorg). Førebels realisert og planlagt driftsinnsparing er på 5,9 mill kr: Færre langtidsplassar/organisasjonsendringar: 3,2 mill kr pr år. Nye omsorgsplassar. Auka inntekter: 0,7 mill kr pr år. Nye betalingssatsar. Auka inntekter: 1,1 mill kr pr år. Ny kjøkkenorganisering: 0,9 mill kr pr år (heilårseffekt). I ny økonomiplan er det lagt inn ei ytterlegare innsparing på 2,5 mill kr frå 2012/13. h) Den nye kjøkkenorganiseringa er i budsjettet (2011) gitt ein grundig omtale. Modellen byggjer på gode erfaringar frå Høyanger kommune. Det er lagt inn investeringsmidlar i høve kjøkkenreforma (kjøleromskapasitet og utstyr, 2011). i) Det er lagt inn midlar til utskifting av 1 vaskemaskin ved vaskeriet i Luster (2011). j) Etter 2011/12 vil det bli arbeidd med nye tiltak, jf helse- og omsorgsplanen. Det vil dessutan bli arbeidd med oppfølging av den varsla samhandlingsreforma (frå 2012).

6 Sosiale tenester: a) Prosjektet Saman for barn og unge (BUFA) vil gå fram til 2012 (samhandling; alle tenester til barn, unge og pårørande). Både Sogn barnevern og Nav Luster deltek. b) Frå 2011 vert Sogn barnevern styrka med 50% psykologstilling. Luster kommune sin kostnadsdel vert vel kr, eller 1/3 av totalkostnaden. c) Sogn barnevern vil vurdere om bruken av tiltaksmidlar skal endrast, og om ein skal prøve eit prosjekt med å tilsetje nokon som kan drive meir tiltaksretta arbeid. d) Luster kommune tek i 2010/11 imot inntil 15 flyktningar, pluss familiesameiningar. Ytterlegare mottak kan bli vurdert. Det vil bli arbeidd med ulike integreringstiltak. e) Kvalifiseringsmidlane til NAV Luster inngår i rammetilskotet frå Tekniske tenester: a) Det vil bli arbeidd for å få ned energibruken og betre utnyttinga av SD-anlegga, jf kommunal enøk-plan. Innsparing kr. Jf innsparingskrav i øk.plan b) Nye reglar for energimerking av bygg vil bli følgde opp. Bygg over 1000m2 og større anlegg skal ha ein grundig gjennomgang av energistatus. c) Ei stilling i utedrifta (100%) + ei vaktmeistarstilling (80%) vert inndregne. Innsparing: 0,5 mill kr i Jf innsparingskrav i øk.plan d) Det vil bli gjennomført naudsynte rekrutteringstiltak innan VA-drift. e) Behovet for og organiseringa av kommunale bustader vil bli vurdert. Omorganiseringa av Skåråkeren burettslag til sjølveigarhusvære vert fullført (2011). f) Det vert lagd til reguleringsplanar for å følgje opp arealdelen. Bustadområda Borhaug, Beheim 2, Haugane/Tandle og Bolstadmoen skal ha høgste prioritet med tanke på planlegging og oppfølging. g) Det vil bli auka satsing på tilsyn i byggesaker (nye lovkrav). Interkommunal ordning er utgreidd og det er aktuelt å kople oppgåva til det nye brannsamarbeidet. h) Det vil bli lagt opp til auka aktivitet i bruken av geodata, jf også regionalt samarbeid. Dette vil på sikt gje vinstar på fleire forvaltningsområde. i) Det vil bli starta eit adresseprosjekt for heile kommunen (2011). j) Tilskot private vegar vil bli redusert med kr til kr (frå 2011). Jf innsparingskrav i kommunestyret sin øk.plan k) Det vert innført sommarslukking veglys og tal servicerundar vert redusert frå 2 til 1 (frå 2011). Innsparing kr. Jf innsparingskrav i kommunestyret sin øk.plan. l) Øvste del av vegen til Harastølen vil bli vurdert nedlagt og sommarvedlikehaldet i Dalsdalen vil bli vurdert avvikla. Ev budsjettverknad frå m) Det vil bli utarbeidd ny trafikktryggingsplan i Luster (2011). n) Sogn brann og redning IKS vert skipa tidleg i IKS et vert basert på eit 5- kommune samarbeid. o) Luster kommune vil planleggje og byggje ny brannstasjon i Gaupne ( ). Kostnaden er usikker. p) Det vidare ROS- og beredskapsarbeidet bør løysast i eit samvirke med det nye IKS et. q) Det vil frå 2011 bli arbeidd meir med planlegging og oppfølging innan VA-området. Dette vil kunne utløyse effektivseringstiltak og styrke dokumentasjons- og kvalitetssikringsarbeidet. Hovudplan for vassforsyning vil bli sluttført (2010/11) og følgd opp. Lekkasjesøk og sikring av vasskvalitet får prioritet. Drift av dei minste vassverka må avklarast. r) Handlingsplan for avløpstiltak vil bli rullert (2011) og nokre tidlegare prioriterte tiltak vil samtidig bli gjennomført. s) Det vil bli gjort ei evaluering av den ny VA-forskrifta, med sikte på ei eiga sak i 2011.

7 t) Det vil bli lagt til rette for at Simas kan overta ajourføring av abonnementsordningane innan renovasjon og slam. u) Det vil bli arbeidd med tanke på revisjon av ordninga for renovasjon av fritidshus. v) Det vil bli gjort ein gjennomgang i høve offentlege toalett (2011), jf utvidinga i 2010 (Krossen, Veitastrond). w) I 2012 skal det sparast 1 mill kr i høve Dette vil krevje nokre nye tiltak ved sida av heilårsverknader av 2011-tiltaka. Jf kommunestyret sin økonomiplan x) Ev utvida samarbeid med nabokommunane vil bli vurdert ( ), jf k-sak 81/09. y) Betalingssatsane vil bli løpande vurderte ( ). Satsane for 2011 kjem i eiga sak. z) Til mindre investeringstiltak bygg og anlegg er det ført opp nær 10 mill kr for heile 4- årsperioden (sekkepostar). Røneidsvegen har prioritet som anleggstiltak i æ) I Solvorn vil det pga verneverdiane bli planlagt og utført brannsikringstiltak( ). Næringsutvikling og naturforvaltning: a) K-vedtak i sak 51/09 om kommunen sin næringspolitikk (lån, tilskot) vert vidareført. b) Det vil bli arbeidd med felles kompetanseutvikling for næringslivet (temamøte). c) Aktivitetsplan reiseliv, i hovudsak via Reisemål Sogndal og Luster AS, vert vidareført. d) Prosjektet Mat langs nasjonale turistvegar (starta i 2010) vert vidareført. e) Cruisesatsinga i Skjolden vert vidareført. 2011; kr (avtalefesta). f) Prisen på næringsareal på Gaupne- og Røneidsgrandane vert auka til 150 kr/m2. g) På Hafslo næringsområde arbeider kommunen med å leggje til rette for 2 tomter nedst i feltet. I 2012 vil ein ta stilling til kva som skal skje med resten av feltet. h) Det 2-årige bustad- og gardsformidlingsprosjektet (starta i 2010) vert vidareført. i) Prosjektet Naturarven som verdiskapar vert ei ny satsing i perioden j) Det vil bli etablert god samhandling med nye statlege grøne stillingar innan oppsyn, naturforvaltning og næringsutvikling. k) Det vert sett av ein tilskotssum (frå 2011) til utskifting av ureinande vedomnar med nye reintbrennande omnar, jf ny miljøplan. l) Det vil bli arbeidd for at alle tilsette skal vere miljømedvitne i det daglege arbeidet. Kultur: a) Det er lagt inn ein mindre auke til oppgradering av databasen ved Luster bibliotek. b) Grunn-/aktivitetstilskot vert redusert med kr (frå 2011). Løyvinga må difor spissast slik at ho kjem flest mogleg til nytte. Jf innsparingskrav i øk.plan c) Tilskotsordninga til drift og vedlikehald av private idrettsanlegg vert redusert med kr (frå 2011). Jf innsparingskrav i øk.plan d) Sogn kulturskule er budsjettert som i Dersom vertskommunen (Leikanger) kjem med eit opplegg for ev endringar, vil dette bli vurdert. e) Det er ikkje budsjettert med særskilde midlar til freding av Ormelid og/eller Hesteskår. Tilskotsposten til kulturvern kan likevel nyttast til dette. f) Tilskotet til andre kulturaktivitetar/prosjektretta tiltak vil bli redusert med kr (frå 2011). Løyvinga må difor spissast mot noko færre tiltak. Jf økonomiplan g) Tilskotet til kyrkja vert redusert med kr (ca 4%). Jf økonomiplan h) Bygdebokprosjektet skulle, ut frå kommunen sine vedtak, ha vore avslutta for fleire år sidan. Det vert no arbeidd med mogleg modell for å få sluttført arbeidet. Denne vil kunne krevje ei ytterlegare løyving. Det er ikkje budsjettert driftsmidlar til dette. i) Kommunen vil følgje opp eigen plan for idrett og fysisk aktivitet ( /19). j) Luster bad vert realisert frå Kommunestyret vil i 2011 ta stilling til drifts- og organisasjonsmodellen for anlegget. Det er lagt inn eit driftstilskot på 1,0 mill kr i 2012 og 2,1 mill kr frå 2013, alt slik kommunestyret har føresett (k-sak 60/09).

8 LUSTER KOMMUNE - ORGANISASJONSMODELL Politiske organ Kontrollutval Formannskapet/ næringsutvalet Kommunestyret Mellombelse komitear Plan- og forvaltningsstyret Kommunestyret (29 representantar) er kommunen sitt øvste politiske organ. Alle store/viktige saker vert avgjorde her, etter tilråding frå formannskapet/næringsutvalet (7) eller plan- og forvaltningsstyret (7). Dei to sistnemnde organ avgjer sjølv ein del saker etter fullmakt frå kommunestyret. I tillegg får kommunestyret også nokre saker frå eige kontrollutval (5) og frå mellombelse komitear (særskilde saker). Alle val til faste politiske organ er for 4 år. Ordføraren er kommunen sin fremste politiske representant. Han leiar møta i kommunestyret og formannskapet/ næringsutvalet. Rådmannen Rådmann Rådmannen leiar administrasjonen, har tilrådingsrett i alle saker til politiske organ og har ein overordna oppfølgings- og støttefunksjon for alle underliggjande tenesteeiningar. Rådmannen avgjer sjølv ein del saker etter fullmakt frå kommunestyret. Rådmannen har 8 ulike stabseiningar til å hjelpe seg i dette arbeidet. Dette er personal/ organisasjon, økonomi, eigedom, oppvekst, pleie/omsorg, plan, næring og servicetorget. Rådmannen har, blant sine stabsleiarar, peika ut primære kontaktpersonar for alle tenesteeiningar. Tenesteeiningane 10 grunnskular 10 grunnskular 9 grunnskular 1) 10 grunnskular 10 barnehagar 2) Pedagogisk psykologisk teneste (PPT) Sogn kulturskule 3) Bibliotek Teknisk drift Landbruk og naturforvaltning Helse Luster heimeteneste Luster sjukeheimsteneste Arbeids- og treningssenteret (ATS) Sogn barnevern 4) NAV Luster 5) Kommunen har 29 tenesteeiningar som primært yter tenester til innbyggjarane. Kvar eining har ein eigen leiar som rapporterer til rådmannen, då primært til ovannemnde kontaktperson. Desse leiarane arbeider med grunnlag i eit eige administrativt delegeringsreglement, fastsett av rådmannen. 1) Kommunen har følgjande 9 skular: Dale skule, Gaupne skule, Hafslo barne- og ungdomsskule, Indre Hafslo skule, Jostedal skule, Luster ungdomsskule, Skjolden skule, Solvorn skule og Veitastrond skule. 2) Kommunen har følgjande 10 barnehagar: Gamlestova barnehage, Gaupne barnehage, Grandmo barnehage, Hafslo barnehage, Indre Hafslo barnehage, Jostedal barnehage, Luster barnehage, Skjolden barnehage, Veitastrond barnehage og Solvorn barnehage. 3) Kulturskulen er interkommunal. Leikanger er vertskommune. 4) Sogn barnevern er interkommunalt. Sogndal er vertskommune. 5) NAV Luster er leia i ein partnarskap mellom stat og kommune. Budsjett Økonomiplan Planleggingsprogram