Samandrag av høyringsuttaler

Transkript

1 HORDALAND FYLKESKOMMUNE Opplæringsavdelinga NOTAT Til: Fylkesordføraren Dato: 23. november 2012 Frå: Ziem, Øydis Rydland Arkivsak: /OYDRYD Kopi til: Arkivnr.: 52.T07 Vedlegg til fylkestingssak «SKOLEBRUKSPLAN FOR HORDALAND FYLKESKOMMUNE DEL 1; SKOLESTRUKTUR PÅ VOSS OG I DELAR AV BERGEN SENTRUM Samandrag av høyringsuttaler Del 1; Høyringsuttaler vedkomande sak i desember 2012 Samandraga er laga for å gi oversikt over tema og argumentasjon. Heile argumentasjonsrekker er ikkje referert. A. Uttaler vedkomande Bergen sentrum 17. Bergen Handelsgymnasium (BHG) v/ Rune Dolvik, rektor BHG tilrår at tilbodet ved BHG i si heilheit vert flytta til Amalie Skram vgs frå hausten Medier og kommunikasjon, som eir ein del av tilbodet ved BHG, må og takast med i det nye fagtilbodet ved Amalie Skram vgs. Alle skolar vinn på å ha eit kreativt fagtilbod. Medier og kommunikasjon verkar samlande på skolen sine elevar og er med på å skape fellesskap og identitet. Dette har BHG erfart. 2/3 av personalet er positive til planane om flytting til Amalie Skram vgs. Eit mindretal meiner at tilbodet ved BHG bør halde fram, men føreset då rehabilitering av bygningen. Mindretalet ser behov for både små og store skolar i sentrum. Skolebygningen til BHG tilfredsstiller ikkje dagens standard og er heller ikkje universelt utforma. Skolen leiger i tillegg klasserom i andre bygg, og dette er ikkje ei god løysing. Dei bygningsmessige tilhøva, med mangel på hensiktsmessige undervisningsareal, hensiktsmessige rom og fellesareal er den viktigaste grunnen til skolen si tilråding. Besøksadresse: Agnes Mowinckels gate 5 - Postadresse: Postboks Bergen - Telefon Telefaks E-postadresse: opplering@hfk.no Bankgironr Foretaksnr. NO mva.

2 Fleirtalet i personalet ved BHG ser mange moglegheiter i ein ny, flott skole; gode romløysingar som kan gi pedagogisk vinst og større fagmiljø med moglegheiter for ein samarbeids- og delingskultur. Personalet ved BHG føreset at personala ved alle skolane som skal inn i Amalie Skram vgs vert likestilt og involvert i planleggingsprosessar i god tid før oppstart. Målet for den nye skolen må vere å samle det beste frå fleire kulturar. Erfaringar frå andre samanslåingar viser at dette er ei krevjande oppgåve som ikkje går av seg sjølv. 18. Bergen Katedralskole (BKS) v/ Bjørn Kr Jæger, rektor, Knut kr Andersen, tillitsvald UDF, Andreas Hellesøy, tillitsvald NL og Hallgeir Utne Hatlevik, tillitsvald SL BKS er oppteken av at vedtaka i skolebruksplanen både må sørgje for vidare utvikling av BKS sin vidaregåande/studiespesialiserande verksemd, og sikre ein vidare eksistens av det unike fagmiljøet som skolen over år har utvikla i vaksenopplæringa. Skolebruksplanen sitt framlegg om å auke frå 4 til 7 parallellar på den ordinære Studiespesialiserande utdanninga, som inneber 8-9 parallellar medrekna innføringsklassar og Baccalaureate-elevane, er heilt i tråd med skolen sine eigne ønskjer. Dette meiner skolen vil muliggjere ei ønska utviding av fagtilbod, som er naudsynt for å møta den aukande konkurransen frå private tilbod. BKS peikar på fleire negative konsekvensar ved å flytte vaksenopplæringa til eit eige VOsenter ved BHG: eksisterande fagmiljø vil bli redusert og svekka (lærarar kan ikkje jobbe i begge tilboda lenger og lærarar på vaksenopplæringa vil nytte seg av retten til å bli verande ved BKS). I tillegg vil skolen sin spisskompetanse innan kompetansekartlegging og spesialpedagogikk for minoritetsspråklege stå i fare for å gå tapt for vaksenopplæringa. Heile 43 av skolen sine 73 lærarar er i dag engasjert i delar av vaksenopplæringa sine 18 årsverk. Eit eventuelt eige vaksenopplæringssenter i sentrum må, slik BKS ser det, ha heilt andre dimensjonar enn det senteret som det er framlegg om på BHG. Med meir enn 700 elevar ville det faglege og pedagogiske tilbodet kunne ha vore på line med dagens tilbod ved BKS. Alternativt må senteret samlokaliserast med ein vidaregåande/studiespesialiserande skole med minst 50 lærarårsverk. For å unngå at dagens godt fungerande vaksenopplæring skal gå tapt, gjer BKS framlegg om ei utbygging av skolen med 3 parallellar i , på ledig areal mot/langs Kong Oscarsgate. Brakkar på skoleplassen må då og erstattast med nye kontorarbeidsplassar for lærarane. Eit areal på 2000 m 2 til ein investeringskostnad på ca. 80 mill. kr. vil vere tilstrekkeleg. Sal av BHG vil med ,- kr pr. m 2 kunne gi ei salsinntekt på 52,5 mill. Dette vil samla sett kunne bli rimelegare enn skolebruksplanen sitt framlegg om 35 mill. til oppgradering av BHG og 18 mill. til nye lærararbeidsplassar ved BKS. 19. Bergen Katedralskole (BKS) Vaksenopplæringa v/ Atle J. Steinsland, avdelingsleder Ein sjølvstendig skole må ha fleire fag enn dei 7 som vaksenopplæringa ved BKS har i dag for å ivareta og vidareutvikle eit forsvarleg høgt fagleg og pedagogisk nivå. Skolen må og ha fleire enn 20 undervisningsstillingar, som tilfellet vil vere om vaksenopplæringa ved BKS vert skild ut som eigen driftseining i eit eige bygg. 2

3 Det er viktig at eit vaksenopplæringssenter har samdrift og samlokalisering med ein vanleg vidaregåande skole med ressursgrunnlag tilsvarande minst 50 undervisningsstillingar. Senter for vaksenopplæring ved BKS må difor og i framtida vere samlokalisert og i samdrift med ein «vanleg» vidaregåande skole med studiespesialisering. Det kan ventast auka søking til vaksenopplæring dei næraste åra. I dag har BKS ledig romkapasitet på kveldstid, men ikkje på dagtid som dei fleste søkjarane ønskjer. Vaksenopplæringa på BKS har skaffa seg god kompetanse på å kartleggje kompetanse til minoritetsspråklege søkjarar og å leggja til rette tilbodet til desse. Denne kompetansen er svært viktig å ha med seg inn i ein ny situasjon. I eit nytt opplæringssenter vil det vere ei føremon å samle fleire sentre for å få betre samarbeid omkring informasjon og rådgjeving og betre utnytting av merkantil hjelp (som er for lita i dag). Tilsette i fylkesadministrasjonen som arbeidar med vaksenopplæring kunne gjerne vore ein del av eit slikt senter. Eit felles vaksenopplæringssenter for Bergen må ha ei sentral plassering med nærleik til gode kommunikasjonar for å kunne lukkast i konkurransen med private skolar. 20. Bergen kommune v/bystyret Bergen kommune har følgjande kommentarar til konkrete strukturalternativ i sentrum: Bergen Handelsgymnasium (BHG) representerer eit kvalitativt godt skoletilbod i Bergen. Skolen har aukande søkjartal, har ein unik kombinasjon av fag og opplæringstilbod og kan vise til gode resultat. Bystyret i Bergen ønskjer at drifta ved BHG vert ført vidare. Bergen kommune viser til at bygging av ny skole og svømmeanlegg på Nygårdstangen (Amalie Skram vgs) er i tråd med fortettingsstrategien i kommuneplanen sin arealdel. Resten av uttalen vert summert opp i mars. 22. Bergen tekniske fagskole (BTF) v/ Torbjørn Tvedt, rektor Samandrag på innspel vedkomande Fagskolen kjem i saka i mars. BTF har følgjande innspel som vedkjem saka i desember: Om skolen vert flytta til høgskoleanlegget i Haugeveien vil BTF framleis kunne ivareta det vidaregåande skoletilbodet i særskild tilrettelagt opplæring (STO) i Margaretastredet 2. Her er gode lokalar for elevgruppa og avstanden til skoleanlegget i Haugeveien er kort. 23. Bjørgvin videregående skole v/ Kristen Stormark, rektor Bjørgvin vgs er i all hovedsak positiv til skolebruksplanen for Bergen sentrum. Framlegget om overføring av Stusp og SS til Amalie Skram vgs er gledeleg. Skolen skulle og helst ha sett at helsefaga hadde vore ivaretatt med ei sentrumslokalisering i denne store omorganiseringa. 3

4 Rektor ber om at Kyrre skole må ivaretakast som eit tilbod i fylkeskommunen, med nye og betre lokalitetar, noko det er stor behov for. Uttalen viser til eigne uttaler frå avdelingane (ref. uttale 24, 25 og 82) 24. Bjørgvin videregående skole, SS og STUSP v/ Berit Østerbø Brekke, ass. rektor og avd.leiar realfag, og Astrid Hjellbakk, avdelingsleiar SS og STUSP Dersom Bjørgvin vgs vert overførd til Amalie Skram vgs er det ønskjeleg at tilbodet på SS; 3 klassar på Vg1, 2 klassar på Vg2 Sal, service og sikkerheit, 2 klassar IKT servicefag og 2 grupper på HT vert vidareført. Ved ein eventuell reduksjon i SS-tilbodet på den nye skolen er det viktig at denne blir fordelt mellom BHG og Bjørgvin vgs. Tilbod på Sal, service og sikkerheit er det spesielt med omsyn til praksis-perioden gunstig å ha sentrum. Her er nærleik til læreplassar og områder som ein samarbeider med. IKT-servicefag har stor søknad og elevane er ettertrakta som lærlingar. Amalie Skram vgs kunne gjerne ha vorte ein skole der lærlingane innan IKT frå heile fylket kunne tatt den formelle fagprøven i IKT servicefag. HT-klassane har no fått eit miljø og eit godt samarbeid med dei ordinære klassane på SS. Tilbodet må fortsette som eit tilbod innan SS ved Amalie Skram vgs. Ein ny skole i sentrum bør ha tilbod til alle elevgrupper. Transport mellom heim og skole er og lettare når skolen er i sentrum. 3 parallellar på Stusp gir eit snevert tilbod innan programfaga. Kollegiet er positive til å bli ein del av ein stor skole med mange parallellar og godt tilbod på dei ulike fagområda. Bjørgvin vgs har eit særs godt tilbod innan samfunnsfaga som ein vonar å kunne vidareføre ved den nye skolen. Nokre negative erfaringar frå tidlegare samanslåingar tilseier at prosessen må starte tidleg slik at overføring til ny skole og nytt kollegium blir god og positiv. 25. Bjørgvin videregående skole, HS v/ Eli Smith Egeland, avd.leiar HS HS v/bjørgvin vgs meiner at lokalisering og tiltrekkjande omgivnader vil vere viktig om fylket vil satse på helsefaga. Amalie Skram vgs vil kunne tiltrekkje seg god elevsøknad, både når det gjeld helseservice- og helsesekretærfaget, og ikkje minst for hudpleiefaget. Begge programområda treng store areal. Ein stor del av elevane si praktiske læring går ut på å jobbe med kundar i «klinikken». Ei sentral plassering i nærleiken av bykjerna/bystasjonen vil då kunne trekke til seg kundar. Ei heilskapleg, moderne utdanning for hudpleiefaget tilseier at ein tek inn helse, ernæring, trening og kroppspleie i utdanninga. Symjebassenget ved Amalie Skram vgs vil vere eit flott tilbod i samband med SPA-behandling. Helsefaga ønskjer å vere attraktive for å kunne knyte til seg lærarar med spesialistutdanning. Det er behov for lærarar med variert kompetanse, t.d. kompetanse på bedriftslære, entreprenørskap og økonomi. Samlokalisering med tannpleie er og ein god tanke. 4

5 Fleire av HS-lærarane har vore med på samanslåing av skolar tidlegare og veit at det er ein slitsam prosess å bygge opp igjen eit godt arbeidsmiljø. 29. Business Region Bergen (BRB) v/ Asbjørn Algrøy, adm. dir og Vidar Totland, næringspolitisk leder Samandrag på innspela frå BRB kjem i saka i mars, men følgjande innspel vedkjem saka i desember: BRB er oppteken av at regionen må ha tilbod om internasjonal skole på alle nivå. Tilbodet ved Bergen Katedralskole må difor vidareførast. 30. Bygningsgruppen Bergen v/ Kenneth Nilsen, formann Bygningsgruppen, Magnus Thunestvedt, styreformann NELFO Bergen og omegn, Finn Tore Nilsen, styreformann Bergen Murmesterforening, Gunnar Størksen, Oldermann Bergen Byggmesterlaug, Odd Strand, stilasentreprenørene, Tore Knudsen, styreformann Maler- og byggtapetsermestrenes Foreining i Bergen og Thomas Jørs, styreformann NRL avd. Vest Bygningsgruppen er den største tverrfaglege samanslutninga av handverksfag med 11 faggrupper og 300 medlemsbedrifter i kommunane Bergen, Askøy, Fjell, Sund, Øygarden, Os, Lindås, Osterøy, Radøy og Meland. Bygningsgruppen er oppteken av konsekvensane for Bygg og anleggsfag (BA) og Elektrofag (EL). Ein sluttar seg til det overordna målet om å styrke fagmiljøa, men for nokre utdanningsprogram er det naudsynt å leggje større vekt på nærleik og samarbeid mellom næringsliv og skolar. Med eit uttalt mål om å styrke og legge til rette for kompetansesenter finn ein det underleg at BA-tilbodet ved Årstad vgs vert fjerna. Årstad vgs har godt fagmiljø, kapasitet på verkstader og ligg sentralt til. Kvifor må ein bygge opp fagmiljøa på Slåtthaug vgs og Askøy vgs når ein har eit godt fagmiljø på Årstad vgs? Nedlegging av BA på Årstad vgs og Åsane vgs vil konkret resultere i at ingen sentrumsnære skolar vil ha tilbod om undervisning i rørleggarfaget som desse to skolane har hatt frå før Reform 94. (VG2 Klima, Energi og Miljø). Stor-Bergen har behov for nye lærlingar i rørleggarfaget kvart år. Samandrag av synspunkt på situasjonen for Elektrofaget ved andre skolar, vert presentert i saka i mars. 40. Elevorganisasjonen i Hordaland v/ Guro Sivertsen Prestegard Heile uttalen vert summert opp i saka i mars, men punktet nedafor er og relevant for Bergen sentrum: Elevorganisasjonen er kritisk til at so mange skolar er foreslått lagt ned/slått saman. Spesielt er dei kritiske til dei høva der allereie store skolar vart større, til dømes Årstad vgs og Knarvik vgs. Innføring av store skolar kan svekke elevdemokratiet og hindre at elevane får den tilpassa opplæringa som dei har krav på. Det er vanskeleg for den einskilde eleven å bli høyrt. Det vert og vist til 9-5 i opplæringslova der det står at det «til vanleg ikkje bør skipast grunnskoler med meir enn 450 elevar». Forskjellen på skoleanlegg for grunnskole og vidaregåande skole er ikkje så stor. 44. Elevrådet Bergen Handelsgymnasium (BHG) v/ Eirik Økland, elevrådsleiar 5

6 Elevrådet ved BHG reagerer sterkt på framlegget om å leggje ned skolen og ser på framlegget som uakseptabelt. BHG er populær, har mange søkjarar og fungerer godt både fagleg og sosialt. Nye skolar vil ikkje kunne erstatte tilbodet ved BHG. Å vidareføre BHG er naudsynt for at elevmassen i Bergen og Hordaland skal kunne ha eit godt og breitt utdanningstilbod. Interessa og engasjementet for å bevare drifta ved BHG er stort og det vert vist til at bystyret i Bergen med eit overveldande fleirtal gjekk inn for at BHG bør bevarast. I samarbeid med Bergen Katedralskole og Tanks vgs har BHG tilbod i mange språkfag som gjer det mogleg med prosjekt i internasjonalisering. Internasjonalisering, tverrfaglegheit og differensiering er tematikk for prosjekt på BHG som det vil vere vanskeleg å vidareføre ved flytting av drifta. Skolestorleiken skapar tryggleik for elevane. BHG har eit opent og inkluderande miljø og elevane har ein respekt for kvarandre, bygget og historia ved skolen som det er verdt å bevare. Skolen samlar elevar med gode karakterar frå alle bydelar i Bergen og dette er for mange viktigare enn bygg og utstyr for val av skole. BHG er ein skole kor «det er lov å vere flink» Elevrådet er oppteken av at det er viktig å behalde gode undervisningstilbod med bruk av meir tradisjonelle læringsmetodar som ein i dag har på BHG. Opne klasserom og stor bruk av teknologiske verkemidlar passar ikkje for alle. Elevrådet er kritisk til at skolebruksplanen legg meir vekt på økonomi enn kvaliteten og breidda i tilboda for vidaregåande utdanning i fylket. Den offentlege skolen skal gje tryggheit for at elevane ikkje skal frykte ein påtvinga radikal endring i skolekvardagen. 46. Elevrådet Fusa vidaregåande skule v/ Anne Ljones, elevrådsleiar Det bør vere tilbod om vaksenopplæring i distriktet. Lang køyretid til Bergen vil føre til at fleire ikkje vil eller får tid til å ta den utdanninga dei vil eller bør ha. Dette vil gi fleire ufaglærte i bedriftene og bryt med måla om lik rett til utdanning og at alle skal ha eit utdanningstilbod. Det er lettare for dei vaksne å koma inn i miljøet i ei mindre gruppe på ein litt mindre skole. Uttalen omhandlar i hovudsak tema som ein kjem tilbake til i mars, men punktet om vaksenopplæring er relevant her sidan Fusa vgs er ein del av Bergensregionen, der senteret er tenkt plassert i Bergen 47. Elevrådet Lønborg videregående skole v/ Roy Mattson, leiar Elevane på Lønborg vgs meiner at Lønborg vgs er ein god skole sidan talet på elevar ikkje er så høgt, og som då igjen gir ein større sjanse for at elevane ikkje vert oversett. Dersom U. Pihl vgs og Åsane vgs skal slå seg saman med Lønborg vgs vil det bli ein skole med estimert 836 elever (403 på Åsane vgs, 131 på Lønborg vgs og 332 på U. Pihl vgs). Elevane ved Lønborg vgs meiner at dette ikkje er eit spørsmål om optimal kvalitet på skolane, men eit spørsmål om kvantitet og ein enklare økonomisk tilstand for fylkeskommunen, med nesten ikkje nokon pedagogiske argument. 6

7 Vi meiner det hadde vore betre viss fylkeskommunen vurderte Lønborg vgs skulle saman med Amalie Skram vgs, ettersom Lønborg vgs blei lova plassen først. Lønborg vgs består av berre Helse og oppvekstfag som akkurat no står i eit halvveis øydelagt skolebygg når det gjeld lufta, og som ikkje vil bli fiksa på, sidan skolen skal stengjast uansett. Lønborg vgs treng Amalie Skram vgs meir enn det Bjørgvin vgs gjer. 59. Fagforbundet Hordaland v/ Roger H. Heimli, fylkesleiar Fagforbundet er einig i at omfanget av vaksenopplæring vil auke. Sjølv om ein etablerer tre opplæringssentra må praksisen med å tilby opplæring på skolar med ønskje og behov vidareførast. Fagforbundet meiner vedtaket om lokalisering av helsefagarbeidarlinja frå Lønborg vgs på Amalie Skram vgs var både rett og viktig. Signaleffekten med å plassere linja midt i Bergen sentrum bør vidareførast. Resten av uttalen vert summert opp i saka i mars. 61. FAU - Formgivingsfag Hordaland v/anita Bertheussen FAU les skolebruksplanen slik at det ikkje er forståing for skilnaden mellom "Design og handverk" og "Studiespesialiserande formgjeving". Intensjonen med å leggje formgjeving under Studiespesialiserande fag var at elevane skulle kunne velje programfag til val på lik line med elevane på ordinært løp. Elevar utan formgjeving skulle og kunne velje programfag frå formgjevingsfag. Ein stiller seg difor uforståande til framlegget om å leggje ned Studiespesialiserande formgjeving ved skolane i og rundt Bergen, for så å ta opp at/fortsette med faget ved Årstad vgs. FAU uttaler at situasjonen for formgjevingsfaget i Hordaland er dramatisk. Samandrag av synspunkt på situasjonen ved andre skolar vert presentert i saka i mars. 65. FAU - Design og handverk v/ Wenche Skonseng, Nestleder FAU DH Heile uttalen vert summert opp i saka i mars, men her er medteke nokre punkt som er relevante for Årstad. Fagleg arbeidsutval i Design og handverk (DH) stiller seg uforståande til framlegget om å legge ned dette studietilbodet på skolar rundt Bergen, for så å samle tilbodet til færre skolar i fylket. Samarbeid med ulike aktørar i lokalsamfunna står så sentralt i faget at det vil vere særs øydeleggande for miljøet i dei bydelane der DH vert borte. Ein klasse frå eller til på ein stor skole betyr lite, medan tilsvarande nedlegging i ein bydel er katastrofal. Det bør vere tilbod i praktisk/estetiske fag i alle bydelar. Store fagmiljø kan sjølvsagt vere ein rett tanke, men erfaring viser at det og går bra å drive undervisning på skolar med få klassar. Sentralisering av tilbodet vil ikkje hjelpe på søkjartala; dess mindre tilgang og vanskelegare reise dess mindre blir søkjartalet. 7

8 67. Løvås oppveksttun FAU v/ Sonja Tefre, leiar Uttalen omhandlar framtida for Fyllingsdalen vgs, som ein kjem tilbake til i saka i mars, men: FAU stiller seg i uttalen undrande til at MMD-tilbodet for elevar i heile Hordaland ikkje er tenkt som ein naturleg del av Amalie Skram vgs, som er under oppføring og som dessutan er lokalisert rett ved sentrale trafikknutepunkt som jernbanen og bystasjonen. 82. Kyrre skole (avdeling under Bjørgvin vgs) Kyrre skole er eit viktig tilskot for å nå HFK si hovudmålsetting om at fleire skal fullføre vidaregåande opplæring. Det er godt grunnlag for vidare drift av skolen. Tala på søkjarar er høge og mange elevar fullfører høgare utdanning etter å ha gått på skolen. Det er god samfunnsøkonomi. Skolen har ikkje noko i mot å vere ei avdeling under Bergen Katedralskole. Sidan skolen i stor grad er sjølvdriven ser ein det likevel som meir rasjonelt og organisatorisk ryddig om skolen kunne ha vore ei sjølvstendig eining. Skolen er einig i vurderingane av dei bygningsmessige tilhøva. Skolen har behov for nye lokalar. Bygningen er for liten og har for dårleg standard til å fungere som eit skolebygg. Eit nytt skolebygg bør av omsyn til reisevegen til elevane ligge i Bergen sentrum. Skolebygget bør ha eigen inngang og differensierte undervisningsrom tilpassa måla i Kunnskapsløftet. Bygget bør ikkje vere for stort og elevtalet ikkje særleg større enn i dag. Av omsyn til elevar og tilsette ber ein om at det vert teke stilling til framtida for Kyrre skole under handsaminga av skolebruksplanen. 87. Fusa vidaregåande skule/fusa fagskule v/ Annbjørg Laupsa, rektor Vaksenopplæring bør gå føre seg der dei vaksne elevane bur og arbeidar. Elevane er i hovudsak kvinner med deltidsjobb og omsorgsoppgåver. Flytting av all vaksenopplæring til Bergen vil føre til at kvinner i distriktet ikkje vil kunne ta denne type utdanning. Uttalen omhandlar i hovudsak tema som ein kjem tilbake til i mars, men punktet om vaksenopplæring er relevant her sidan Fusa vgs er ein del av Bergensregionen, der senteret er tenkt plassert i Bergen 88. Fyllingsdalen videregående skole. Helse og oppvekstseksjonen v/ faglærar og 89. Fyllingsdalen videregående skole v/ Per Morten Nordbotn, rektor Uttalane omhandlar i hovudsak tema som ein kjem tilbake til i mars. Når det gjeld HO påpeikar begge uttalane at tilbodet i sentrum vert radert vekk om tilboda ved Bjørgvin vgs og Lønborg vgs vert flytta til Åsane vgs og Årstad vgs og ikkje til Amalie Skram vgs. Dette vil ikkje gjere HO-fag meir attraktive og vil gi private aktørar som Danielsen vgs gode tider utan konkurranse. 99. Hordaland Lektorlag v/ Hanne S. Rundhovde, fylkesleiar Følgjande punkt i uttalen er relevant for saka i desember: (resten vert summert opp i mars) 8

9 Lektorlaget støttar prinsippet om større fagmiljø konsentrert på færre skolar. Dette gir fleire val for elevane, moglegheit for meir fagleg samarbeid og utvikling for tilsette og meir effektiv ressursutnytting. Skolane vil då kunne tåle variasjonar i søkjartal og det vert mindre overtalige. Lektorlaget støttar forslaget om å legge ned Bjørgvin vgs og overføre det meste av verksemda til Amalie Skram vgs. Når det gjeld BHG ønskjer Lektorlaget primært å vidareføre skolen slik den er i dag. Overføring til Amalie Skram vgs kan vere ei akseptabel løysing, men då må medielina, på grunn av samarbeidet med andre fag og klassar og høg kvalitet, følgje med til Amalie Skram vgs slik den er i dag. For å lukkast med samanslåing av skolar, og oppretting av nye skolar, som Amalie Skram vgs, er det viktig at dei tilsette allereie tidleg i prosessen får vere med å utforme ein ny felles plattform, både fagleg og på andre måtar. Det må vere eit grunnleggande prinsipp at ingen skal bli oppsagd som følgje av skolebruksplanen. Det er viktig at fylkeskommunen sine omstillingsreglar vert følgd. Lektorlaget støttar målsettinga om å redusere omfanget av påbygg og å samle tilbodet på færre skolar Lektorlaget Bjørgvin videregående skole v/ Dag Chr. Halvorsen, skoletillitsvald Det lokale Lektorlaget stiller seg udelt positivt til at Bjørgvin vgs vert lagt ned frå august 2014 og at mesteparten av verksemda (Stusp og SS) vert flytta til Amalie Skram vgs. Kontorbygningen som Bjørgvin vgs er plassert i er mindre egna som skole. Færre parallellar på Stusp avgrensar talet på programfag og reduserer fagmiljøa, medan 10 parallellar gir store moglegheiter for fagleg utvikling og samarbeid og eit rikt og variert programfagtilbod til elevane. Synergieffekten mellom Stusp og SS for lærarar som underviser i merkantile og administrative fag er stor. Det er difor bra at begge studieretningane vert flytta. For å unngå personalkonfliktar ved samanslåing av skolar bør personala på skolane få moglegheit til å verte kjent med kvarandre både sosialt og fagleg Lektorlaget Bergen Handelsgymnasium (BHG) v/ Sissel Solberg-Johansen, atv Lokallaget ser at bygget er gammalt og treng oppussing, men tilbodet ved skolen har kvalitetar som det er vanskeleg å sjå føre seg nedlagt. Medlemmene har delte meiningar om skolen si framtid, men lokallaget er primært i mot nedlegging av BHG. Ei overføring til Amalie Skram vgs kan likevel vere akseptabelt under gitte føresetnader. Dersom BHG vert overført til Amalie Skam vgs, ønskjer personalet å få innverke og ta del i prosessen som skal vere med å forme det nye utdanningstilbodet. Prosessen fram til no 9

10 er opplevd som opprivande og utan rettigheiter for arbeidstakarane, som no ønskjer kontraktfesta rettigheiter. Ved ei eventuell overføring til Amalie Skram vgs ser lokallaget det som viktig at Media og kommunikasjon (MK), som er ein integrert og naturleg del av mangfaldet ved skolen, følgjer med i si noverande form. MK ved BHG gir studiekompetanse etter 3 år, med yrkesfag og påbyggingsfag jamt fordelt over alle tre åra. MK er populær, har stor søkning og gode resultat. Elevane på MK samarbeider med andre elevar om prosjekt og elevbedrifter, og er med på å skape eit godt fellesskap på skolen. Det samla fagtilbodet og kompetansen ved BHG er noko som lokallaget er stolte over og vil kjempe for at vert ført vidare Lektorlaget Olsvikåsen videregående skole Lektorlaget er kritisk til om flytting av Studiespesialiserande med formgjevingsfag frå Olsvikåsen vgs til Årstad vgs er med på å skape større fagmiljø, når Årstad vgs ikkje har studiespesialiserande. Olsvikåsen vgs har eit godt fagmiljø og gode verkstadslokale for faget. Lektorlaget ynskjer ikkje at innføringsklassen skal flyttast til sentrum. Dette bør framleis vere eit tilbod på Olsvikåsen vgs. Innføringsklasse utanfor sentrum vil styrke minoritetsspråklege sin lokale forankring og opne for større integrering. Det vil og vere synd å bygge ned den kompetansen som skolen gjennom åra har opparbeidd seg. Resten av uttalen vert summert opp i saka i mars Hordaland Raud ungdom Raud Ungdom er generelt mot nedlegging av skoletilbod i distrikta. Desse synspunkta kjem vi tilbake til i saka i mars. Når det gjelde skolestorleik er Raud ungdom særs skeptisk til så store skolar som skolebruksplanen i stor grad legg opp til. Svært mange elevar tener på små og oversiktlege miljø der kvar enkelt vert sett. Kravet om 4 parallellar på studiespesialisering og VG1 yrkesfag meiner Raud Ungdom er feil. Eit breitt tilbod på dei fleste skolar vil sikre elevane kortast mogleg reiseveg Knarvik vidaregåande skule (KNV) v/ Øyvind H. Oddekalv, rektor Flytting av senter for vaksenopplæring ved KNV til Bergen sentrum vil bety eit dårlegare opplæringstilbod for dei vaksne i regionen. Det er vel kjent at utdanningsnivået er lågare på bygda enn i byane, og det vil bli mykje vanskelegare å nå dei vaksne i Nordhordlandsregionen med råd, rettleiing og opplæringstiltak dersom dei må reise frå nordre delar av Nordhordland til Bergen, i staden for til Knarvik. Det vil og bli vanskelegare for skolen å setje i gong kompetansehevande kurs for lokalt næringsliv dersom vaksenopplæringssenteret ved KNV blir lagt ned Laksevåg videregående skole v/ Jens-Petter Storheim, rektor 10

11 Uttalen omhandlar i hovudsak tema som ein kjem tilbake til i mars. Når det gjeld TO vert det presisert at det er viktig med ei rask utbygging av tilbod grunna auke i talet på søkjarar. På grunn av multihandikappa sine omfattande behov for fysisk tilrettelegging, må utbygginga primært skje ved nybygg, noko som tilseier at Amalie Skram vgs bør ha ein stor TOavdeling Langhaugen videregående skole v/ Marit Tokheim, rektor Uttaler m.a. at det er viktig for fylkeskommunen å ha relativt mange skolar med Studiespesialiserande utdanningsprogram i Bergen. Få og store fagmiljø vil redusere mangfaldet og valmoglegheitene for elevane og privatskoletilboda vil kunne auke. Punktet over er relevant for handsaminga av strukturen i Bergen sentrum, men resten av skolen sin uttale vert handsama i saka i mars Lønborg videregående skole v/ Helene Systad, rektor Fylkestinget 29. mars 2007: «Fylkestinget godkjenner at Lønborg vgs og Tanks vgs vert flytta til det nye skoleanlegget i Bergen sentrum (Nygårdstangen) frå det tidspunktet nybygget står ferdig». Vi ynskjer at Fylkestinget står fast ved opphavlege vedtak om at Lønborg vgs vert ein del av Amalie Skram vgs. Lønborg vgs har vore med i prosessen mot Amalie Skram vgs frå første dag. Dei tilsette har gjennom dette arbeidet fått ei sterk tilknyting til den nye skolen og representantar frå dei tilsette har vore med i diverse utval undervegs. Amalie Skram vgs er teikna og lagt til rette for helse- og oppvekstfag, og bygget legg til rette for å skape eit nasjonalt fyrtårn innan helse- og oppvekstfaga gjennom samarbeid med dei andre tiltenkte fagtilboda på Amalie Skram vgs. Vi trur at helse- og oppvekstfag saman med vaksenopplæringa vil vere med å skape eit kreativt og positivt mangfald på Amalie Skram vgs. Fysisk nærleik til aktuelle samarbeidsaktørar i utdanningssektoren på høgskole- og universitetsnivå samt nærleik til samarbeidsaktørar i Bergen kommune vil gi optimale utviklingshøve til eit fagområdet som vil vere avgjerande for helse-, velferd og oppvekstvilkåra til innbyggjarane i Hordaland fylkeskommune i framtida Musikernes fellesorganisasjon Hordaland v/ Tore Johannessen Uttalen er kritisk til ein kreativ skole i Fyllingsdalen. Eitt argument som er relevant for sentrum er at det vert hevda at mange elevar vil velje ein privat aktør i Bergen sentrum (BPG) dersom musikklina blir flytta frå Langhaugen vgs til Fyllingsdalen vgs. Skulle ein anbefale ei flytting av Musikk og dans frå Langhaugen, burde det i så fall vere til Bergen sentrum. Dei andre argumenta i uttalen vert summert opp i saka i mars Norsk Sykepleierforbund Lønborg videregående skole v/ Inger Høy Lønning, plasstillitsvald 11

12 I utkast til skolebruksplan er det foreslått at Helse- og oppvekstfag/helse- og oppvekstfag ved Lønborg vgs ikkje skal flyttast til Amalie Skram vgs slik det opphaveleg var planlagt. Vi som underviser i disse faga ved Lønborg vgs er bekymra for kva følgje dette vil ha for framtidig rekruttering til helsefagarbeidarfaget. Det har i mange år vore eit stort problem å få nok ungdom til å søkje helsefagarbeidarutdanninga. Vi trur at ein av årsakene er låg status. Fritt skoleval har ført til at mange skoleflinke elevar søkjer seg til sentrumsskolane (høg status). Å tilby helsefag på den nye skolen i sentrum vil være eit sterkt signal på at dette er eit viktig fag som Hordaland fylkeskommune vil satse på. Vi oppfomar til å satse på dette viktige faget. Bruk denne unike mogelegheita til å høgne status og auke rekruttering Olsvikåsen videregående skole v/ Inger Lise Thorstensen, rektor Skolen tek til etterretning at innføringsklassen vert lagt ned og at næraste tilbod vert i sentrum. Skolen meiner likevel at minoritetsspråklege elevar som bur i bydelen vert betre integrert når dei har eit tilbod nær der dei bur. Skolen har kompetanse og areal til å behalde klassen fram til endringane trer i kraft på dei andre programområda. Resten av uttalen omhandlar tema som ein kjem tilbake til i mars Opplæringskontoret Nordhordland v/ Lilian Vabø Mongstad, dagleg leiar Opplæringskontoret Nordhordland stiller spørsmål ved formålet med å leggja vaksenopplæringssenteret til Bergen, så lenge all statistikk viser at det er i distrikta det er lågast utdanningsnivå i befolkninga. Det er økonomisk og praktisk meir krevjande for innbyggjarar i distrikta å ta utdanning, nettopp på grunn av store geografiske avstandar. Dersom målet er å heve utdanningsnivået, bør vaksenopplæringssentra byggjast opp utanfor Bergen. Avstanden frå Knarvik til Bergen er mindre enn frå ytre delar av Nordhordland til Knarvik. Resten av uttalen vert summert opp i hovudsaka i mars Radøy kommune v/ Leif Taule, ass. Rådmann Vaksenopplæringssenteret ved Knarvik vgs er viktig for Nordhordland. Det vil bli mykje vanskelegare å nå dei vaksne i regionen når alt tilbodet vert lagt til Bergen. Senteret er også viktig for å få sett i gong ulike kompetansehevande kurs for lokalt næringsliv. Resten av uttalen vert summert opp i hovudsaka i mars Regionrådet Nordhordland v/ Jon Askeland, leiar Regionrådet Nordhordland og Rune Heradstveit, dagleg leiar Nordhordland Utviklingsselskap IKS Regionrådet Nordhordland krev at Senter for Vaksenopplæring vert verande på Knarvik vgs og går sterkt imot at tilbodet vert flytta til Bergen. Resten av uttalen vert summert opp i hovudsaka i mars. 12

13 167. Skolenes Landsforbund (SL), forening Hordaland vg skole SL uttaler m.a. at det i ein prosess med samanslåing av vaksenopplæringa er viktig at ein tek vare på den kompetansen som er bygd opp gjennom fleire år og at ein legg opp til ei lokalisering som er høveleg plassert med tanke på tilkomst. Det er ein fordel for eit vaksenopplæringssenter å ha samdrift og samlokalisering med ein vanleg vidaregåande skole som har eit ressursgrunnlag tilsvarande minst 50 undervisningsstillingar. Resten av uttalen vert summert opp i hovudsaka i mars Skolenes Landsforbund, avd. Bjørgvin videregående skole v/ Sigrid Alvestad SL v/bjørgvin vgs meiner at helseservice- og helsesekretærutdanninga samt hudpleiarutdanninga som no held til ved Bjørgvin vgs, bør flyttast til Amalie Skram vgs. Dette er dei einaste tilboda på desse faga i Hordaland. For å auke rekrutteringa og statusen på helsefaga vil lokalisering i eit nytt, markant bygg vere eit viktig signal. Satsing på typiske jentefag vil passe på Amalie Skram vgs. Sentral plassering ved transporttilbod (for elevane) og ved Bergen storsenter (for å trekke kundar til klinikkane) vil vere svært gunstig. Krava til store areal og spesialutrusta rom (m.a. laboratorium og moderne, lyse og tiltrekkande klinikkar) vil vere enklast å oppfylle i eit nytt bygg. Ei heilskapleg og moderne utdanning for hudpleiefaget tilseier at ein tek inn helse, ernæring, trening og kroppspleie i utdanninga. Symjebassenget ved Amalie Skram vgs vil vere eit flott tilbod i samband med SPA-behandling. Lærarar med kompetanse på bedriftslære, entreprenørskap og økonomi, som ein vil ha på Amalie Skram vgs, er viktig for at hudpleieelevane skal kunne starte småbedrifter etter gjennomført utdanning Tanks videregående skole v/ Marit Vibeke Berntzen, rektor Tanks vgs tek til etterretning at den opphavlege planen om at Lønborg vgs skulle flytte inn i nybygget på Nygårdstangen saman med Tanks vgs ikkje lenger er aktuell. Skolen stiller seg positiv til at både Bjørgvin vgs og BHG er med i dei nye alternativa. Skolen ser fram til eit godt samarbeid med dei aktuelle skolane. Dei tillitsvalde ved skolen har ingen kommentarar til innhaldet i uttalen Tertnes videregående skole v/ Stig Stordal, rektor Uttalen har mykje innhald som ein kjem tilbake til saka i mars. Her er berre synspunkta på toppidrett tatt med sidan dette er relevant i høve til Amalie Skram vgs: Tertnes vgs ønskjer å halde fram med tilbod om studiespesialisering med toppidrett. Toppidrett symjing vert flytta til Amalie Skram vgs. Skolen har godt egna idrettsanlegg som ligg nær skolen. 13

14 Som ein framtidig stor skole innan studiespesialisering, er det ønskjeleg med eit breitt og mangfaldig undervisningstilbod innan studiespesialisering. Eit tilbod med studiespesialisering med toppidrett er verdifull for skolen og skolemiljøet. Det gir og god ressursutnytting (personale/økonomi) for skolen. Det vil vere kapasitet for studiespesialisering med toppidrett innafor det skolen er foreslått dimensjonert til (8 parallellar) Ungdommens bystyre (Bergen) v/ Lisa Landsverk Engervik, rådgivar Ungdommens bystyre (UB) meiner at avgjersler om skolestruktur bør gjerast på eit pedagogisk grunnlag. UB ser dei økonomiske ulempene ved dagens struktur, men vil og peike på at strukturen har fleire fordelar for elevane. Å prioritere økonomi framfor det beste for elevane viser ein manglande interesse for «dagens unge». Uttaler om konkrete strukturframlegg i Bergen sentrum: UB er i mot at Bergen Handelsgymnasium (BHG) skal leggjast ned og fagmiljø overførast til Amalie Skram vgs. Dette er grunna i at skolen har eit godt miljø, har den sosiale tryggleiken som ein liten skole har og har faglege læringsmetodar som elevane likar. På grunn av auke i elevtal vil det vere behov for fleire Studiespesialiserande skolar i Bergen sentrum vidare fram mot UB er klar over at det vil koste å behalde skolen, men meiner at elevane er verdt det. Konkurranse mellom naboskolar gjer at nivået på skolen og læringa heile tida må hevast. Skolar som ligg nær kvarandre kan og samarbeide om eit breiare fagtilbod. UB meiner at den nye vidaregåande skolen på Nygårdstangen skal heite Tanks vgs og ikkje Amalie Skram vgs. Uttaler om andre delar av kommunen vert summert opp i saka i mars Utdanningsforbundet Bergen Handelgymnasium (BHG) v/ Per Christian Strøm Utdanningsforbundet ved BHG er positiv til overføring av verksemda ved BHG til Amalie Skram vgs, på følgjande vilkår: o o o Alle tilsette ved BHG følgjer med til Amalie Skram vgs (forpliktande avtale) Medier og kommunikasjon (MK) frå BHG følgjer med til Amalie Skram vgs. MKtilbodet ved BHG er laga spesielt for å rette opp svakheitene ved det normale MKløpet, og er best i fylket. Programmet er samkjørt med det Studiespesialiserande programmet. Opplegget til BHG tek omsyn til at tilsette i mediefaget må kunne fleire framandspråk enn engelsk og at ein finn igjen elevane på MK i mange ulike yrke, på same måte som Studiespesialiserande program som Idrett, og Musikk, dans og drama. Verdien av eit kreativt tilbod i synergi med Stusp og SS er større enn verdien av mindre konkurranse mellom naboskolar (Årstad vgs og Amalie Skram vgs). Mangfald er og robust. Omstillinga må gå føre seg i tråd med kapittel 9; med naudsynte ressursar og start av prosess straks planen er vedteken. Personalet ønskjer å bidra, men ventar at Personal- og opplæringsavdelinga initierer og legg til rette for dette arbeidet, både før, under og etter samanslåinga. 14

15 Eit mindretal i klubben ønskjer at bygningsmassen i Kalfaret vert rehabilitert og at BHG vert vidareført for meir enn 300 elevar med tilbod innan Stusp, MK og SS. Det vert m.a. vist til skolen sin lange tradisjon, attraktive studietilbod og gode resultat. Klubben er sterkt i mot å legge ned tilbod i distrikta som svekker nærleiken mellom lærestader og næringar Utdanningsforbundet Hordaland v/ John G. Torsvik, utdanningsforbundet Hordaland og Turid Strømmen, leiar medlemsråd VGO Uttale som vedkjem skolane i Bergen sentrum som skal handsamast i denne saka: Dei tillitsvalde ved skolane i sentrum ser svært positivt på moglegheitene for å flytte i moderne og eigna lokale. I sentrum er det i ein annan grad enn i distrikta mogleg å skape stor og robuste fagmiljø. Det er viktig at det fagtilbodet som skolane representerer, blir bevart i regionen. Dei tillitsvalde meiner det er større fagleg samsvar mellom faga på Studiespesialiserande og Service og samferdsel enn mellom Studiespesialiserande og Helse og oppvekst. Det første alternativet vil sikre eit breiare miljø innan økonomiske fag. BHG ønskjer at MK-tilbodet bør følgje med resten av skolen til Amalie Skram vgs fordi tilbodet ikkje er kompatibelt med den tradisjonelle mediefagmodellen som er på Årstad vgs. Region Nord meiner at Amalie Skram vgs bør ha breidde i tilbodet og tilby fleire utdanningsprogram slik at skolen ikkje konkurrerer med tilbodet i Arna. Helse- og oppvekstsektoren har særs stort behov for arbeidskraft. Desse faga må handsamast særskilt for å sikra både naudsynt rekruttering og statusheving av fagfeltet. I 2007 vart det vedteke at helsefagarbeidarutdanninga ved Lønborg vgs skulle lokaliserast i Amalie Skram vgs, som skulle bli eit "helsefagleg fyrtårn". Sjølv om dette kunne tenkjast å auka rekrutteringa til faget meiner Utdanningsforbundet at det likevel er viktig at ein ikkje sentraliserer fagtilbodet for mykje, slik at ein mister elevgrunnlaget på skolar i bydelane og distrikta. Etablerte relasjonar til offentlege tenestetilbod og næringsliv som desse skolane har bygd opp over tid, må ein ta vare på. Framlegget om å flytta ST-FO frå region vest til Årstad vgs er uheldig. Tilbodet må ligge på skolar med studiespesialisering. Utdanningsforbundet legg m.a. til grunn følgjande prinsipp for skolebruksplanen, som og er understreka i sentrum: Ingen tilsette i fylkeskommunen skal miste jobben som direkte konsekvens av strukturendringane Ein må følgje fylkeskommunen sine omstillingsreglar. Utdanningsforbundet sine synspunkt på skolane på Voss står i del B i vedlegget. Resten av den omfattande uttalen til Utdanningsforbudet kjem vi tilbake til i saka i mars. 15

16 208. Klubben Knarvik vidaregåande skule v/ Jo Magnar Drønen, atv Det bør vere VO-tilbod i utkanten. Det vert for langt for folk å reise heilt inn til Bergen. Fleire vil la være å ta vaksenopplæring i distrikta Utdanningsforbundet Lønborg videregående skole v/ Linda Vågenes, atv Vi ønskjer at Fylkestingsvedtaket frå 2007 der det blei vedtatt at Lønborg vgs vert flytta til Amalie Skram vgs, vert vidareført. For å auke rekrutteringa av framtidig arbeidskraft i helsevesenet, planla fylkespolitikarane (i Fylkestingsvedtaket frå 2007) at helsefagarbeidarutdanninga ved Lønborg vgs skulle verte plassert i Amalie Skram vgs Skolen skulle bli eit helsefagleg fyrtårn. Å prioritere helsefagarbeidarutdanninga i den nye skolen vil, slik vi ser det, være eit sterkt signal til unge menneskjer at å velje helsefagutdanning er både viktig og verdifullt og plasseringa av utdanningstilbodet på ein ny skole i sentrum vil utvilsamt auke rekrutteringa til denne utdanninga heilt i tråd med politikaranes lovnader. Dersom forslaget om ein rein Studiespesialiserande skole går gjennom, viser det tydeleg kva fag politikarane gjev status og verdi, og kva fag dei vil satse på sjølv om skolebruksplanen erkjenner at helsefagutdanninga er det som det burde satsast på. Det bør være plass til Lønborg vgs på Amalie Skram vgs Årstad videregående skole v/ Inger Morken, rektor Årstad vgs støtter skolebruksplanen sin tanke om å sørgje for sterke, robuste fagmiljø på skolane. Skolen har få kommentarar til planen, som vidarefører Årstad vgs si rolle som ein tung og viktig aktør i yrkesopplæringa i Hordaland, men har likevel nokre kommentarar til dei enkelte programområda: Det vil vere eit tap for skolen å miste bygg- og anleggsfag (BA). Avdelinga har brei og godt fungerande fagkompetanse, og har og eit godt samarbeid med skolen si avdeling for tilrettelagt opplæring (TO). Denne avdelinga vert og skadelidande om BA vert flytta. BA har hatt fall i søkjartala dei siste åra, men dette har vore ein nasjonal trend. Det er viktig med sterke fagmiljø og Årstad vgs har allereie dette. Det ideelle hadde vore å gjort BA på Årstad vgs større. Årstad vgs si plassering i sentrum og nær Bybanen er eit fortrinn. Det vert lang veg for elevar frå motsett side av sentrum om BA-tilbodet vert flytta til ein av skolane i utkanten av sentrum eller omkring. Skolen er glad for at tilbodet på Restaurant og matfag (RM) vert vidareført, men det kunne og gjerne ha vore styrka. RM er viktig som eit godt fagmiljø og som miljøskapande element. Vidareføring av RM passar og godt til framlegget om å vidareføre satsinga på helse- og oppvektsfag (HO) på Årstad vgs. Ein ser for seg å utvikle samarbeidet mellom RM, HO og TO. Kapasiteten på teknologifag og elektro kan gjerne aukast. 16

17 Skolen har i dag 150 vaksne på ulike kurs innafor yrkesfaga. Dette er ei stor føremon for miljøet på skolen, og det vil vere eit tap for skolen om VO-senteret forsvinn. Ved å lokalisere VO til ein skole får ein utnytta lærarkreftene på best mogleg måte. Nærleik til kompetansemiljø og verkstader for konkretisering av faga, er argument for å behalde VOsenteret på Årstad vgs. Det faglege og administrative samarbeidet med tilbodet til lærlingar med full opplæring i bedrift, som det er framlegg om å auke, er eit anna argument Medier og kommunikasjon (MK) ved Bergen Handelsgymnasium (BHG) v/ Lill V. Simonsen MK på BHG er eit spesielt godt MK-tilbod som ikkje kan innlemmast i det eksisterande MK-opplegget på nokon annan skole i Hordaland. Å flytte tilbodet til ein annan skole er det same som å legge det ned. Det kan ikkje vere rett å legge ned det beste og mest søkte MK-tilbodet i fylket. Høyringsutkastet synest å oversjå vesentlege faktorar som vedkjem BHG, t.d.: Trivsel og tryggheit for elevane, søking til skolen, stabilitet, verdien i eit eldre skolebygg og kvaliteten på ein liten skole vs. storskole. I uttalen vert det m.a. peika på samarbeidsproblem og mistrivnad på store og samanslåtte skolar. MK tilbodet ved BHG er samkjørt med det Studiespesialiserande programmet. Prosjekt til fordjuping er erstatta med fag frå VG3 og 2. framandspråk. Mediefaga er fordelt likt på dei 3 åra og MK- elevane kan dermed følgje det Studiespesialiserande opplegget både i norsk, matematikk og framandspråk. Dette er ei betre ordning pedagogisk sett og kan og vere ressursbesparande. Slik situasjonen er bør MK-tilbodet overførast til Amalie Skram vgs. Om utstyret frå BHG vert flytta dit, vert ikkje investeringane så store. Som ein framtidsretta skole bør Amalie Skram vgs ha eit samfunnsfag, ikkje berre MK, men og som fag i det Studiespesialiserande programmet. Skolen bør og ha eigen tv-kanal. Hjertesukk: Amalie Skram vgs gjev dårlege assosiasjonar. Kvifor ikkje kalle skolen Bergen vgs eller BHG, med Kalfarbygget som filial. Bygget i Kalfarveien er eit av Bergens vakraste bygg. Fordi BHG mister leide eksterne lokale kan det vere hensiktsmessig å flytte brorparten av drifta ved skolen til Amalie Skram vgs. Framlegg til framtidig bruk av skolebygget til BHG kan vere: 1) ein fireparallell vidaregåande Studiespesialiserande kvalitetskole, eller 2) starte opp igjen postgymnasial utdanning innan økonomiske/merkantile fag opphavleg studentfagkurs og sekretærskole - som vart lagt ned med skolereforma i Mediefaget ved Bergen Handelsgymnasium (BHG) v/ Kari Birkeland, Jo Bjørnar Hausnes, Lill Vibe Simonsen, Tove Slettebakken og Sissel Solberg-Johansen Mediefaget ved BHG har hatt særs gode resultat til tross for avgrensa økonomiske og tekniske ressursar. Skolen sine få klassar har markert seg nasjonalt og internasjonalt (CV for medielina er vedlagt uttalen). 17

18 Viktige institusjonar i sentrum vender seg ofte til skolen med spørsmål om samarbeid og produktutvikling. Skolen sit no i startgropa for eit stort Comenius medieprosjekt. Medielærarar ved BHG produserer mykje materiale til Landskonferanse for medielærarar. Medielærarane ber om at mediefaget ved BHG vert flytta til Amalie Skram vgs for å vidareføre det gode tilbodet og for ikkje å risikere at privatskolane tek over tilbodet. Dette vil og vere eit fortrinn i marknadsføring av den nye skolen. 18

19 B. Uttaler vedkomande Voss Gymnas og skolestrukturen på Voss 40. Elevorganisasjonen i Hordaland v/ Guro Sivertsen Prestegaard Elevorganisasjonen i Hordaland stiller seg kritisk til at liner og skolar i distrikta vert lagt ned. Dette grunna at det innverkar på fritt skoleval, gratisprinsippet (høge leigeprisar i bustadmarknaden) og elevane si helse (elevar som bur på hybel har større tendensar til rusproblem, dårleg helse og mindre fysisk aktivitet). Uttalen er generell og eit større samandrag vil bli tatt med i saka i mars. 97-a. Hjeltnes vidaregåande skule v/gunnbjørg Øyre, rektor Synspunkt vedkomande framtida for eigen skole og skoletilbodet i Hardanger vert summert opp i saka i mars. Når det gjeld strukturen på Voss støttar skolen det opphavlege vedtaket frå 2007 om samlokalisering i to nye skolar og fordeling av programfaga mellom dei og utbygging parallelt. Høyringsframlegget vil gi eit mykje dårlegare tilbod til dei yrkesfaglege utdanningsprogramma i lang tid framover Kvam Næringsråd v/ Torleiv Ljones, dagleg leiar Næringsrådet sin uttale vedkomande Hardanger vert summert opp i saka i mars. Når det gjeld Voss uttaler rådet at det er viktig at Voss vert behandla samtidig med resten av skolebruksplanen. Kommentar: Ved å vente med å gjere vedtak om dimensjonering av yrkesfagtilboda på Voss til saka i mars, skulle denne innvendinga vere tatt i vare. 134-a. Musikernes fellesorganisasjon v/ Tore Johannessen Uttale vedkomande Voss: Voss er og har lenge vore eit kulturelt sentrum både i Hordaland og nasjonalt. Bygda har klart å forene tradisjon og nyskaping på mange kulturelle felt, ikkje minst musikk. Musikklina har eit unikt samarbeid med Ole Bull-akademiet, Vossa Jazz og det lokale musikkmiljøet generelt. Ved å legge ned musikklina vil ein kaste vrak på livskraftige tradisjonar både innanfor og utanfor den vidaregåande opplæringa i regionen. Tilbod i Bergen eller på Stord vil ikkje være eit reelt tilbod til elevane frå Voss og omkringliggande områder. Talet plasser totalt vil og verte vesentleg redusert. MFO er bekymra for at nedlegging kan føre til mange overtalige i ein gruppe tilsette som er svært vanskeleg å omplassere. Dersom dei overtalige skal verte omplassert til Stord eller Bergen vil dei fortrenge tilsette som allereie arbeidar på desse stadane. MFO vil be om at musikklina vert vidareført Norheimsund vidaregåande skule v/vidar Ask, rektor 19

20 Skolen sine synspunkt vedkomande skolestrukturen i Hardanger vert summert opp til saka i mars. Når det gjeld planlegging av storleik og tilbod på Voss uttaler skolen at dette vil ha innverknad på tilbodsstrukturen i Hardanger, og ber difor om at heile tilbodsstrukturen for Voss/Hardanger vert handsama samtidig som det totale tilbodet på vidaregåande opplæring i Hordaland. Kommentar: Ved å vente med å gjere vedtak om dimensjonering av yrkesfagtilboda på Voss til saka i mars, skulle denne innvendinga vere tatt i vare. 189-a. Ullensvang Herad v/ Solfrid Borge, ordfører og Sveinung Dukstad, kst. rådmann Uttale vedkomande skolestruktur i Ulvik og Odda er summert opp i saka i mars. Vedkomande skolestrukturen på Voss har heradet følgjande uttale: Det er avgjerande at utbygginga av dei vidaregåande skolane på Voss kjem i gang i høve til den tidsplanen som er vedteken. Fylkestingsvedtaket frå 2007 og vedtaket i fylkesutvalet frå 2010 må vidareførast. Utsetting av samlokalisering er i motstrid med det som gjeld samlokalisering i skolestrukturplanen. Musikklina er av overordna betyding for heile fylket og må ikkje leggast ned 204. Utdanningsforbundet Fyllingsdalen videregående skole v/ Jon Opedal Hove, atv Utdanningsforbundet brukar ulempene for ungdommar frå Hardanger og Voss, som til no har hatt musikktilbod på Voss, som eit av fleire argument mot eit samla MDD-tilbod ved skolen. Sjølve uttalen vert summert opp i saka i mars. 206-a. Utdanningsforbundet Hordaland v/ John G. Torsvik, utdanningsforbundet Hordaland og Turid Strømmen, leiar medlemsråd VGO Utdanningsforbudet har levert ein omfattande uttale. Forbundet uttaler dette om skolestrukturen på Voss: Utdanningsforbundet er sterkt kritiske til dei nye planane på Voss. Utbyggingsvedtaka gjort av politikarane i 2007 og 2010 må stå ved lag! Utbygginga av dei to vidaregåande skolane på Skulehaugen og i Skulestadmoen må ta til snarast og ferdigstillast seinast hausten 2016 Vossaregionen må ha alle utdanningsprogram. Musikklina må halda fram! Reisevegen for elevane vert lang til Bergen og det friviljuge musikklivet i regionen vil lida om tilbodet forsvinn. Faglege og pedagogiske argument tilseier at EL må lokaliserast saman med dei andre tekniske yrkesfaga TIP og BA på Nye Voss vgs. Det er viktig at faga vert samlokalisert på ein skolestad for å unngå faren for å svekke fagtilboda. 20