HORDALAND FYLKESKOMMUNE

Transkript

1 HORDALAND FYLKESKOMMUNE Strategi- og næringsavdelinga SÆRUTSKRIFT Arkivsak Arkivnr. 021 Sakshandsamar Torgersen, Matti Saksgang Møtedato Saknr. Fylkesutvalet /06 SKATTEDIREKTORATET SITT FRAMLEGG TIL REORGANISERING AV SKATTEETATEN - HØYRINGSFRÅSEGN Fylkesutvalet Mette Holmefjord Olsen sette fram slikt forslag: " Fylkesutvalet ser positivt på framlegget om å leggja regionleiinga til Bergen." Røysting Fylkesrådmannen sitt forslag vart samrøystes vedteke. Holmefjord Olsen sitt forslag vart vedteke mot 1 røyst (V). VEDTAK l. Fylkesutvalet gir si støtte til framlegget til ny organisering av skatteetaten, og er samde i at skattekontor, fylkesskattekontor og skattefutkontor blir slått i saman til skattekontor som skal framstå som ei eining ut mot publikum. 2. Fylkesutvalet ser det som positivt at statlege arbeidsplassar vert flytta ut frå Oslo-området til andre delar av landet. Dette framlegget til omorganisering bør vere eit eksempel også for andre statlege etatar om at det er muleg og ønskjeleg å flytte statlege arbeidsplassar frå hovudstadsområdet til andre delar av landet. Fylkesutvalet føreset at i det vidare arbeidet vil også fleire arbeidsplassar og oppgåver bli flytta til Hordaland og elles på Vestlandet. Spesielt bør det vurderast å flytte Oljeskattekontoret til Vestlandet, som har den største kompetansen på petroleumsrelatert verksemd. 3. Hordaland fylkeskommune har ved ulike høve peika på at det er eit sterkt behov for statleg samordning av statlege regioninndelingar, og meiner difor at det er fornuftig å bruke regiongrensene til helseføretak og vegregionar som mal for statlege sektorar som organiserer seg i større regionar enn fylke. Samstundes vil fylkesutvalet peike på at når det blir etablert folkevalde regionar med større utstrekning enn dagens fylke, må ein arbeide for å få samsvar mellom regiongrensene og grensene for statlege forvaltingsregionar. 4. Fylkesutvalet ser positivt på framlegget om å leggja regionleiinga til Bergen. RETT UTSKRIFT: DATO: 16. mai 2006 FYLKESRÅDMANNEN I HORDALAND

2 HORDALAND FYLKESKOMMUNE SAKNR. 114/06 MØTEDATO Saksgang Møtedato Saknr Saksordførar Fylkesutvalet /06 Skattedirektoratet sitt framlegg til reorganisering av skatteetaten - Høyringsfråsegn Forslag til innstilling, sjå saksframlegg. 14

3 HORDALAND FYLKESKOMMUNE Strate i- o nærin savdelin a Arkivsak Arkivnr. 021 Saksh. Torgersen, Matti Saksgang Møtedato Fylkesutvalet SKATTEDIREKTORATET SITT FRAMLEGG TIL REORGANISERING AV SKATTEETATEN - HØYRINGSFRÅSEGN SAMANDRAG Finansdepartementet har sendt til høyring forslag frå Skattedirektoratet om framlegg til reorganisering av skatteetaten med frist 12. juni Skatteetaten er føreslått organisert i to nivå, Skattedirektoratet og eit regionalt nivå. Det regionale nivået blir føreslått organisert i 5 regionar, som er samanfallande med helseregionane og vegregionane. Dagens likningskontor, fylkesskattekontor, skattefutkontor vil bli slått saman i kontor som blir kalla "skattekontor". Fleire av oppgåvene i etaten blir samla i landsdekkjande funksjoner. Modellen vil føre til større spesialisering av kontora, samstundes som kontora skal gi service til brukarane. I region Vestlandet (Rogaland, Hordaland og Sogn og Fjordane) blir det gjort framlegg om at regionleiinga blir lagt til Bergen. Ein del oppgåver på nasjonalt nivå innan utenlandsproblematikk føreslått lagt til Stavanger er Det vert gjort framlegg om utflytting av ein del oppgåver frå Osloområdet til Nord-Noreg og midt- Noreg både handsaming av sjølvmeldingar og oppgåver som i dag ligg i Skattedirektoratet.

4 FORSLAG TIL VEDTAK 1. Fylkesutvalet gir si støtte til framlegget til ny organisering av skatteetaten, og er samde i at skattekontor, fylkesskattekontor og skattefutkontor blir slått i saman til skattekontor som skal framstå som ei eining ut mot publikum. 2. Fylkesutvalet ser det som positivt at statlege arbeidsplassar vert flytta ut frå Oslo-området til andre delar av landet. Dette framlegget til omorganisering bør vere eit eksempel også for andre statlege etatar om at det er muleg og ønskjeleg å flytte statlege arbeidsplassar frå hovudstadsområdet til andre delar av landet. Fylkesutvalet føreset at i det vidare arbeidet vil også fleire arbeidsplassar og oppgåver bli flytta til Hordaland og elles på Vestlandet. Spesielt bør det vurderast å flytte Oljeskattekontoret til Vestlandet, som har den største kompetansen på petroleum.srelatert verksemd. 3. Hordaland fylkeskommune har ved ulike høve peika på at det er eit sterkt behov for statleg samordning av statlege regioninndelingar, og meiner difor at det er fornuftig å bruke regiongrensene til helseføretak og vegregionar som mal for statlege sektorar som organserar seg i større regionar enn fylker. Samstundes vil fylkesutvalet peike på at når det blir etablert folkevalde regionar med større utstrekning enn dagens fylker, må ein arbeide for å få samsvar mellom regiongrensene og grensene for statlege forvaltingsregionar. c Paul M. Nilsen L Jan er v 2

5 FYLKESRÅDMANNEN, : 1. Bakgrunn Finansdepartementet har sendt til høyring forslag frå Skattedirektoratet om framlegg til reorganisering av skatteetaten med frist 12. juni Høyringsdokumenta er lagt ut på nettsidene til Finansdepartementet no/fin, sjå under Høringer under overskrifta Dokumenter. Skatteetaten er i dag organisert med tre forvaltningsnivå med til saman 138 formelle einingar: Skattedirektoratet i Oslo på sentralt nivå, fylkesskattekontor og skattefutkontor på fylkesnivå, og på tredje nivå 98 likningskontor. I tillegg har etaten tre særskilte likningskontor: Sentralskattekontoret for storbedrifter i Moss, Sentralskattekontoret for utanlandssaker i Stavanger og Oljeskattekontoret i Oslo. I tillegg samarbeider etaten med kommunale servicekontor og med trygdeetaten for å gi service i ca. 100 kommunar der etaten ikkje har eigne tilsette. I følgje høyringsdokumentet er skatteetaten er ein desentralisert etat med mange mindre kontor med avgrensa ressursar og fagmiljø og med doble administrasjonar på fylkesnivå. Etaten er sett frå ståstaden til brukarane sterkt oppdelt og uoversiktlig. Samstundes aukar bruken av dei elektroniske tenestene blant publikum, noko som fører til vesentleg mindre oppmøte på kontora. Nye IT-baserte sakshandsamingssystem har gjort mange oppgåver uavhengig av stad. Vidare står etaten ovanfor store utfordringar når det gjelder svart arbeid og skattekriminalitet, ikkje minst grunn globalisering, auka e- handel og auka mobilitet av arbeidskraft. 2. Framlegg til ny organisering av skatteetaten For å møte desse utfordringane, ønskjer skatteetaten m.a. spesialisering av kontora gjennom ei endra oppgåvefordeling som eit viktig verkemiddel for å heve kompetansenivået i etaten I høyringsdokumentet regionalt nivå. er det framlegg om å organisere skatteetaten i to nivå: Skattedirektoratet og eit Skattedirektoratets sine strategiske og faglige funksjonar skal styrkjast, mens sakshandsaming og andre driftsoppgåver blir lagt til det regionale nivå. Det regionale nivået blir føreslått organisert i 5 regionar, som er samanfallande med helseregionane og vegregionane. Kvar region består av mange fysiske kontorstedar (jf. dagens likningskontor, fylkesskattekontor, skattefutkontor) som blir kalla "skattekontor" overfor brukarane. Alle kontora skal ha ei førsteline som gir rettleiing og tek imot henvendingar på alle oppgåveområda til etaten, Noverande fylkesskattekontor, skattefutkontor og likningskontor i same "fylkeshovudstad", blir slått saman til eit kontor. Regionleiinga blir plassert ved skattekontoret i ein av "fylkeshovudstadane". Fylkeshovudstadar som ikkje blir sete for regionleiinga, blir føreslått prioriterast ved fordelinga av landsdekkjande oppgåver. Dei kan også prioriterast i fordelinga av spesialiserte funksjoner internt i regionane. Fleire av oppgåvene i etaten blir samla i landsdekkjande funksjoner, t.d. personregisteret, reskontroføring og sentral regnskapsføring av dei store statsinntektene og etatens lønns- og regnskapsoppgåver. Slike landsdekkjande funksjonar blir lagt til regionane. Det er ikkje teke stilling til lokalisering av ei rekkje av desse funksjonane no. Arbeid som krev nærleik til skatte- og avgiftspliktige vil fortsett være stadbunden. Dette er bl.a. kontrollarbeid som stadlig kontroll og ettersyn. Omsynet til publikum som ønskjer å oppsøke etaten krev også lokal tilstadeværing. Det blir lagt opp til fleksible organisatoriske løysingar som støtter robuste miljø, også utanfor dei store byane. Eksempel på slike oppgåver er kontorkontrollane av oppgåver frå skattytarar og 3

6 oppgåvepliktige. Slik organisering av oppgåvene gir mulegheit for å sikre bemanning i deler av landet der nedgang i skattytarmasse og oppgåvemengde elles skulle tilseie redusert bemanning. Oljeskattekontoret er faglig underlagt Finansdepartementet, mens Skattedirektoratet har det administrative ansvaret. Det bør blir gjort framlegg om ei eiga vurdering om denne ansvarsdelinga fortsett er føremålstenleg. Denne saka blir ikkje fremma no. Høyringsnotatet har også framlegg til endringar i klage- og nemndstrukturen for skatteetaten. Omorganiseringa skal gå over ein periode på 3 år. 3. Organisering på Vestlandet I region Vestlandet (Rogaland, Hordaland og Sogn og Fjordane) blir det gjort framlegg om at regionleiinga blir lagt til Bergen. Stavanger vil etter framlegget vere et tungt fagmiljø i regionen og på landsbasis når det gjeld utanlandsproblematikk. T.d. har dei sentralskattekontoret for utanlandssaker i dag, og bistand ved innkrevjing av skattar og avgift til og frå utlandet som i dag utføres i Oslo, blir føreslått lagt til Stavanger. 4. Utflytting av statlege arbeidsplassar frå Oslo -området Handsaminga av ca sjølvmeldingar blir føreslått flytta frå Oslo og Akershus til Nord-Noreg og Midt-Noreg. Dette svarar til om lag 60 årsverk. Etter kvart kan fleire av sjølvmeldingar i området bli flytta til andre delar av landet. Høyringsnotatet seier også at det er eit stort potensial for flytting av andre oppgåver som kontorkontroll av næringsdrivande og oppgåver knytt til meirverdiavgift. Vidare blir det gjort framlegg om at flest mulege operative oppgåver blir overført frå Skattedirektoratet til regionane. Kor mange stillingar dette vil kunne omfatte er ikkje omtalt, ut over at vil dreie seg om monaleg med ressursoverføring frå Skattedirektoratet i Oslo til andre delar av landet. 5. Fylkesrådmannen sine vurderingar Det er grunn til å tru at den føreslåtte omorganiseringa av etaten vil truleg gje meir publikumsvennlege tenester til publikum og betre fagleg kvalitet på tenestene i etaten gjennom at etaten står fram med eitt kontor til brukarane, ikkje fleire som i dag. Framlegget til omorganisering av skatteetaten er interessant på fleire måtar. Ein så omfattande modell med delvis spesialisering og delvis lokal tilstadeværing er på mange måtar ein ny modell i offentleg forvalting. Dette er muleggjort gjennom moderne it-basert sakshandsamingssystem som lettar samhandling over fysiske avstandar. Dette er styringsmessig ein utfordrande modell, men samtidig ein modell som kan gi rom for sterkare fagmiljø. Dette gjer det også muleg å etablere spisskompetanse i ulike delar av landet. Ikkje minst i høve til den pågåande debatten om nye.større folkevalde regionar er dette ein interessant modell å følgje med på. Den viser at det kan vere muleg å spesialisere administrasjonane, ha kompetanse på alle organisasjonen sine områder lokalt og samstundes oppretthalde talet på arbeidsplassar ved dei einskilde kontora. Høyringsnotatet viser at utflytting av arbeidsplassar frå Oslo-området krev ikkje nødvendigvis utflytting av heile etatar (slik som tilfellet var med t.d. Konkurransetilsynet), men kan også skje gjennom ei systematisk vurdering av kva for einskildoppgåver som kan flyttast gjennom omorganiseringar i større etatar. Dette skaper mulegheiter for å skape fleire gode og attraktive arbeidsplassar i heile landet. Når dette er lagt over fleire år, kan dette i stor mon skje gjennom naturleg avgang. 4

7 I denne omgang vil utflytting av arbeidsplassar skje til Midt-Noreg og Nord-Noreg. Samstundes er det lagt opp til ei vidareføring av utflytting av arbeidsplassar. Eg meiner Vestlandet bør prioriterast i neste omgang. Eg finn det t.d. naturleg at oljeskattekontoret blir vurdert lagt til Vestlandet, der vi har dei sterkaste fagmiljøa innan oljerelatert verksemd. Vi ser at fleire statlege etatar organiserer seg i statlege regionar som er større enn dagens fylker. Skatteetaten har vald å følgje inndelinga som er brukt til helseregionar og til vegregionar. Det kan synast fornuftig at statlege etatar som av ulike årsaker bør organiserast i større område enn fylker, har ein einskapleg geografisk organisering. Samstundes er det grunn til å peike på at når det blir etablert nye folkevalde regionar med større geografisk utstrekning enn dagens fylker, må det verte arbeidd for at også statlege etatar tilpasse seg desse grensene. Dette vil vere meir oversiktleg for publikum, og vil lette samhandling mellom statlege regionale organ og dei nye regionane. 5