Saksframlegg. Saksnr Utvalg Type Dato 022/17 Plan- og. PS samfunnsutvalet

Transkript

1 Saksframlegg Saksnr Utvalg Type Dato 022/17 Plan- og PS samfunnsutvalet Sakshandsamar Arkiv ArkivsakID Heidi Dyrøy ARP , K2 - L12 16/2266 Offentleg ettersyn av detaljreguleringsplan - Sørstrand, Friluftsområde/ Veg Planid Framlegg til vedtak: 1. Plan- og samfunnsutvalet godkjenner at framlegg til Detaljreguleringsplan Sørstrand, friluftsområde/veg, planid , med planomtale og ROS-analyse, føresegner, plankart og oppsummering av merknadar sist datert vert utlagt til offentleg ettersyn i samsvar med PBL 5-2, og Administrasjonen skal før sluttbehandlinga sørgje for at innhaldet i planen og framstillinga av den blir digitalisert og kvalitetssikra, og at eventuelle mindre suppleringar og justeringar blir gjorde Ved godkjenning av Detaljreguleringsplan Sørstrand, friluftsområde/veg, planid tek ein sikte på å oppheve følgjande planar, inkludert alle seinare planendringar, delplanar og tilhøyrande føresegner: PlanID : Sørstrand, gbnr 28/154 og 712, allmennyttig/barnehage, bustad og ballbane, godkjent Planid : Utbyggingsplan for Sørstrand, del av gbnr.28/154, Bustad, godkjent Ved godkjenning av Detaljreguleringsplan Sørstrand, friluftsområde/veg, planid tek ein sikte på å tilpasse ny plan til og oppheve delar av følgjande planar, inkludert alle seinare planendringar, delplanar og tilhøyrande føresegner:

2 PlanID : Detaljreguleringsplan Kinnvegen, godkjent PlanID : Florø lufthamn, flyplass, endring, godkjent PlanID : Thor Solbergveg, gang-/sykkelveg, godkjent PlanID : Utbyggingsplan Mulelidmarka, gbnr 28/24, bustad, godkjent PlanID : Vågavegen - Thor Solbergveg, Bustader m.m., godkjent Dette dokumentet er elektronisk godkjent og har difor ingen signatur. Plan- og samfunnsutvalet - 022/17 PSUV - handsaming: Repr.Hilmar Eliasson, Samlingslista gjekk frå som ugild i denne saka. Repr.Inger Alsaker møtte. Tilrådinga vart samrøystes vedteken. PSUV - vedtak: 1. Plan- og samfunnsutvalet godkjenner at framlegg til Detaljreguleringsplan Sørstrand, friluftsområde/veg, planid , med planomtale og ROS-analyse, føresegner, plankart og oppsummering av merknadar sist datert vert utlagt til offentleg ettersyn i samsvar med PBL 5-2, og Administrasjonen skal før sluttbehandlinga sørgje for at innhaldet i planen og framstillinga av den blir digitalisert og kvalitetssikra, og at eventuelle mindre suppleringar og justeringar blir gjorde. 3. Ved godkjenning av Detaljreguleringsplan Sørstrand, friluftsområde/veg, planid tek ein sikte på å oppheve følgjande planar, inkludert alle seinare planendringar, delplanar og tilhøyrande føresegner: PlanID : Sørstrand, gbnr 28/154 og 712, allmennyttig/barnehage, bustad og ballbane, godkjent Planid : Utbyggingsplan for Sørstrand, del av gbnr.28/154, Bustad, godkjent Ved godkjenning av Detaljreguleringsplan Sørstrand, friluftsområde/veg, planid tek ein sikte på å tilpasse ny plan til og oppheve delar av følgjande planar, inkludert alle seinare planendringar, delplanar og tilhøyrande føresegner: PlanID : Detaljreguleringsplan Kinnvegen, godkjent PlanID : Florø lufthamn, flyplass, endring, godkjent PlanID : Thor Solbergveg, gang-/sykkelveg, godkjent PlanID : Utbyggingsplan Mulelidmarka, gbnr 28/24, bustad, godkjent PlanID : Vågavegen - Thor Solbergveg, Bustader m.m., godkjent

3

4 Saksopplysingar: Kva saka gjeld: Prosessen med opparbeiding av badeplassen og friluftsområdet Sørstrand har pågått nokre år. Parallelt med opparbeiding har ein jobba med ein reguleringsplan for området. Tidleg i prosessen vurderte ein det som viktig å ta med eit større område for å få ein god heilskapleg vurdering og gode løysingar for fleire turstiar og bustadområde. Men konfliktnivået har ført til at prosessen har stoppa opp. Planområdet er difor redusert, men ein har beholdt Vågavegen då ein ser på tilkomsten som kritisk viktig for området. Planen legg til rette for opparbeiding av stiar, servicebygg og aktivitetsområde innanfor friluftsområdet, samt utbetring av Vågavegen og Sørstrandvegen for å betre trafikktryggleiken. Planen legg til grunn at det i hovudsak vil verte fleire syklande og gåande som besøkjer friluftsområdet, og opparbeiding av fortau langs Vågavegen vil derfor vere viktig for å sikre trygg tilgang til friluftsområdet. Fortauet vil og gje betre trafikktryggleik for dei som bur i området og gjennom kantstopp til fortauet personar som nyttar bybussen som går via Vågavegen ha betre trafikktryggleik. Då planframlegget og vil medføre noko auke i trafikk for køyrande er det og lagt til rette for utbetring av parkeringsarealet ved friluftsområdet, slik at ein får ein parkeringsdekning på totalt parkeringsplassar. Det vert også lagt til rette for sykkelparkering innanfor friluftsområdet, ved badeområdet. Planarbeidet utløyser ikkje krav om konsekvensutgreiing Planforslaget Forslag til Detaljreguleringsplan Sørstrand, friluftsområde/veg, planid utarbeidd i regi av Flora kommune. ivest Consult AS har på oppdrag frå kommunen utarbeidd planomtalen, medan kommunen har utarbeidd dei andre dokumenta. Planforslaget som skal behandlast, består av: Planomtale Eit plankart i målestokk 1:1500 i A0, datert Reguleringsføresegner datert med kartvedlegg datert Oppsummering av merknadar, datert Formålet med reguleringa Hovudformålet med planarbeidet er tilrettelegging for friluftsføremål på Sørstrand og utbetring av Vågavegen og Sørstrandvegen. Friluftsområdet på Sørstrand er nytta til folkepark/friluftsområde, og for å til rette legge dette området slik gjeldande kommunedelplan for Florelandet-Brandsøy legg til rette for må det gjerast som ei heilskapleg tilrettelegging av området til friluftslivføremål. I tilknyting til folkeparken er det også behov for areal avsett til parkering. Ny detaljreguleringsplan vil gje avklaringar rundt dette.

5 Vågavegen og Sørstrandvegen er tilkomstvegar til planområdet. Desse går igjennom bustadområdet, dei er generelt smale og trafikktryggleiken er dårleg. Vegane er utan skilje mellom biltrafikk og gåande og syklande og til dels er uoversiktlege. Florø er ein sykkel-by og betre tilrettelegging for å kunne nytte sykkel som framkomstmiddel til eit av dei viktigaste friluftsområda i byen er viktig. Etter etablering av barnehage og folkepark i området har trafikkmengda auka og dette og gjev behov for å utbetre vegane. Eigedomsforhold Arealet som skal opparbeidast som friluftsområde er eigd av Flora kommune. Vegarealet er og i hovudsak eigd av kommunen, men sidan planframlegget legg til rette for ei utviding av vegen vil det og være naudsynt å erverve privat grunn, totalt ca 2,5 da for utbetring av heile veganlegget. Forhold til overordna planar Planforslaget er i tråd med gjeldande kommunedelplan for Florelandet_Brandsøy. Aktuelt område er i kommunedelplan sett av til LNF-område, friluftsområde i sjø, bustadområde og friområde. I tekstdel av kommuneplanen er området Sørstrand skildra som det største sjønære friluftområdet innanfor kommuneplanområdet med unike kvalitetar i lokal samanheng. I teksten vert det vist til at det er utarbeidd ein eigen iderapport, og at området skal utviklast i tråd med dei ideane som rapporten syner. Planframlegget vil og være i samsvar med ny kommunedelplan for gåande og syklande då utbetring av Vågavegen og Sørstrandvegen vil betre forholda for gåande og syklande. Gjeldande reguleringsplan I gjeldande reguleringsplanar/utbyggingsplanar er planområde avsett til restriksjonsområde flyplass, friluftsområde, barnehage, leik, bustad og veg. Innkomne merknader til planoppstart I samsvar med reglane i plan- og bygningslova varsla ivest Consult AS på vegne av Flora kommune alle partar som planarbeidet påverkar, om oppstarten av planarbeidet i brev og kunngjorde det i Firdaposten Det kom inn 12 merknadar og innspel til planarbeidet. Dei følgjer saka som utrykte vedlegg. Hovudtrekka i merknadene er refererte og vurdert i eige vedlegg. Vurdering:

6 Byggjeplanane Eksisterande utbygde areal bustadar, barnehage og naust Areala regulert til bustadar og barnehage vert i planframlegget vidareført slik dei ligg i eksisterande planar, men det vert gjort justeringar eigedomane for utbetring av Vågavegen og Sørstrandvegen, vurdering av inngrep i private eigedomar er vurdert under vegareal. Det er og lagt inn ei auke i utnyttingsgrad på bustadeigedomane for å tilpasse denne til dagens utnytting. Vidare er det i planframlegget sett krav i høve støy. Naustområda er vidareført slik dei ligg i dag. Etter administrasjonen si vurdering vil endringane som er gjort i høve gjeldane planar ikkje føre til vesentleg endring av utnyttingsmoglegheitene for eksisterande utbygde areal. Veg Planen legg til rette for utbetring av Vågavegen (o_skv1) og Sørstrandvegen (o_skv2) fram til parkeringsplassen o_spp3. Vågavegen skal utvidast med breidde for to køyrefelt og fortau på sør/aust sida (o_sf2). Den delen av vegen som ligg mellom krysset mot Mulelidmarka/Nordalsmarka og Sørstrandvegen vil berre ha ei køyrebane og skal være einvegskøyrd frå vest mot aust. Denne vegstrekninga er den som er smalast og som har bustadar tettast inntil vegen på begge sider. Einvegskøyringa er lagt inn for å redusere inngrep i tilgrensande eigedomar på denne strekka, samstundes som ein beheld samanhengande fortau og gjev. Einvegskøyringa gjer det og mogleg å behalde bybussruta gjennom Vågavegen som i dag, med kantstopp ved fortauet. Traseen til Sørstrandvegen vert justert og utvida til ei breidde på 4 m, samt ei større utviding i svingen ved barnehagen, slik at ein får betre sikt. Ved utviding av vegen vil uthus som tilhøyrar Sørstrand Maritime Barnehage måtte rivast, og for gbnr. 28/222 vil det vere behov for å rive ein carport. Kryss og avkøyrsler skal hovudsakleg bestå slik som i dag. Krysset frå Vågavegen til Sørstrand, samt krysset frå Vågavegen til Austvikvegen (o_skv6) og krysset til Brendøyvegen (o_skv8) skal

7 utformast slik det kjem fram i plankartet. Krysset mot Mulelidmarka mot aust (o_skv5) kan utbetrast for å få større svingradius. Avkøyrsler til enkelt-eigedomar skal utformast slik at dei har tilfredsstillande sikt. Det er innarbeidd fleksibilitet i føresegnene til planen som gjev rom for justeringar mellom dei ulike føremåla til vegareal i detaljprosjekteringsfasen, slik at ein sikrar best mogleg løysingar. Ved val av trase og vegløysingar det vore ei målsetjing å avgrense påverknaden utbetringa vil ha på privat grunn i størst mogleg grad, men eigedomane langs vegane vil likevel ville verte noko påverka i varierande grad. Totalt vil det vere om lag 2,4 daa av privat grunn som må ervervast. Og utvidinga av Sørstrandvegen fører til at uthus som tilhøyrar Sørstrand Maritime Barnehage må rivast, og for gbnr. 28/222 vil det vere behov for å rive ein carport. Langs vegarealet er det merka av areal for anlegg- og riggområde (#1-13) som kan nyttast ved utbetring av vegen. Når anleggsperioden er over skal dette arealet tilbakeførast og avmerking på plankartet og punkt i føresegnene vil falle bort. Etter administrasjonen si vurdering vil utbetring av Vågavegen og Sørstrandvegen slik planframlegget legg opp til gje ein monaleg betre trafikktryggleik enn dagens situasjon. Tilrettelegginga med fortau gjev eit samanhengande fortau frå sentrum og fram til Thor Solberg veg langs Vågavegen. Dette vil være ei løysing som er i samsvar med kommunen si sykkelby-satsing, og det vil og gjere at trafikken til friluftsområdet truleg vert redusert fordi fleire vil nytte sykkel eller gå. Samstundes er inngrepa i private eigedomar redusert i så stor grad som mogleg. Parkering Planframlegget har to parkeringsplassar knytt til friområdet. o_spp2 skal ligge slik den er i dag, men med ei meir trafikksikker avkøyring. o_spp3 er delvis opparbeidd, men skal utvidast til 58 parkeringsplassar, der 6 av plassane skal vere utforma for HC-parkering. I tillegg skal det opparbeidast 40 plassar for sykkelparkering innanfor o_btf2 /o_gb. Etter administrasjonen si vurdering vil denne løysinga gjere det attraktivt å sykle til området, då sykkelparkeringa er knytt til badeområde, medan det vil være eit stykke å gå frå parkeringsplassane. Friluftsområde I friluftsområdet er det lagt vekt på å behalde av dagens grønstruktur, samstundes som det innanfor mindre areal er opna for tilrettelegging. Det er og lagt vekt på universell utforming, slik området skal kunne nyttast av dei fleste brukargrupper. Planen legg og til rette for å ta vare på kringsminna innanfor

8 området, slik at desse kan vere ein del av opplevingsverdien til friområdet. Innanfor område LF2 er det opna for å etablere eit aktivitetsområde, der det kan oppførast mindre bygg og installasjonar. Dette området har i dag preg av å være eit attgrodd kulturlandskap. Aktivitetsområdet vil kunne være med å tilbakeføre kulturlandskapet. I område o_bft1 er det i dag oppført ei grillhytte, og i og inntil dette området er det gamle kulturlandskapet opna opp att. Det er her opna opp for ein gapahuk og utemøblering. Innanfor byggegrensa i LF3 kan det etablerast ein platting som utsiktspunkt. I område for badeplass o_gb er det lagt opp til høg grad av tilrettelegging, og det kan byggjast eit servicebygg innanfor område o_bft2. Delar av badeområdet er tilrettelagt i dag, men planen opnar for ytterlegare tilrettelegging, mellom anna gjennom sykkelparkering, fleire grillplassar, baderampe og bossoppsamling. Servicebygget i område o_bft2 er planlagt med høg arkitektonisk standard. I tillegg til servicebygg-funksjonar kan bygget og innehalde rom for lagring og opphald, og ha overbygd areal med sitteplassar. Utforming i samsvar med planen vil gje eit funksjonelt bygg med moglegheiter for fleirbruk, noko som igjen vil styrkje området sin verdi som folkepark/opplevingsområde. Administrasjonen vurderar tilrettelegginga innanfor friluftsområdet som naudsynt for området sin funksjon som folkepark/bystrand. Innkomne merknader Vurderinga av dei enkelte innkomne merknadar og innspel kjem fram av eige vedlegg. Merknadane er så langt det let seg gjere innarbeidd i planframlegget. Infrastruktur I tillegg til utbetring av Vågavegen og Sørstrandvegen opnar planen for utbetring av eksisterande kommunale VA-anlegg. Det vil være naturleg at ei slik utbetring vert samkjørt med utbetring av vegane. Planen opnar og for framlegging av VA-løysing til service-bygget i o_bft2 og etablering av naudsynt anlegg for el-tilførsel.

9 Konsekvensutgreiing Planforslaget er vurdert i samsvar med plan- og bygningslova kapittel VII «Konsekvensutredninger», med tilhøyrande forskrift. Tiltaket fell ikkje inn under oppfangskriteria i forskrifta og skal derfor ikkje konsekvensutgreiast. Naturmangfaldslova Planframlegget er vurdert i forhold til kapittel 2 i naturmangfaldslova i planomtalen. Administrasjonen finn denne vurderinga som tilfredstillande og har ikkje ytterlegare merknad til den. Samla vurdering: Det er ein interessemotsetnad mellom grunneigarane sine ønskjer om å ivareta sine eigedomar og samfunnsinteressene trafikktryggleik, tilrettelegging for gåande og syklande og tilrettelegging for eit sentrumsnært friluftsområde (folkehelse). I arbeidet med vegtraseane er det lagt stor vekt på å redusere inngrepa i private eigedomar (ca 2,4 daa og to uthus må innløysast), samstundes som ei får ei vegløysing som gjev vesentleg betring i trafikktryggleiken og som gjev god tilkomst for gåande og syklande. Etter administrasjonen si vurdering bør desse samfunnsinteressene vektleggjast høgare enn dei ulempene tiltaka påfører tilgrensande eigedomar. Med bakgrunn i utgreiinga ovanfor tilrår derfor administrasjonen å sende planforslaget Detaljreguleringsplan Sørstrand, friluftsområde/veg, planid på høyring og leggje det ut til offentleg ettersyn. Økonomiske konsekvensar: Vågavegen og Sørstrandvegen er kommunale vegar, og utbetring av vegane vil måtte finansierast av kommunen. Kommunen vil kunne bygge veg og erverve grunn innanfor ein 10- år periode etter at planen er vedteken. Miljømessige konsekvensar: Miljømessige konsekvensar av planframlegget er vurdert i planomtalen. Aktuelle lover, forskrifter, avtalar mm: Plan- og bygningslova med tilhøyrande forskrifter. Vedlegg: _Sørstrand_PLANOMTALE_

10 _Sørstrand_09.06_A0 føresegner_sørstrand_ Sørstrand_Avinor_vedlegg føresegn Innkomne merknadar oppstart Dokumentliste