Årsmelding for Støttegruppa etter 22. juli, Sogn og Fjordane (Årsmeldinga er frå då gruppa vart etablert 4. desember 2011 til og med 2012)

Transkript

1 Sogn og Fjordane Årsmelding for Støttegruppa etter 22. juli, Sogn og Fjordane (Årsmeldinga er frå då gruppa vart etablert 4. desember 2011 til og med 2012) Støttegruppa vart skipa 4. desember 2011 i Stryn Kulturhus. Det var møtt opp vel 30 personar som melde seg inn. Medlemskapen var gratis jf. gruppa sine vedtekter som vart vedtekne på møtet. Namnet vart: Støttegruppa etter 22. juli, Nordvest, noko som seinare på årsmøtet 2012 vart endra til Støttegruppa etter 22. juli, Sogn og Fjordane. Ved skipinga vart namnet Nordvest valt då vi opna opp for å ha felles gruppe med Møre og Romsdal. Dei skipa si eiga støttegruppe seinare. Interimstyret: Sigmund Vereide leiar Thor Mehammer Inge Sveen Torild Flåte Ingrid Heggø Kolbein Fridtun (observatør) Vara: 1.Fred Ove Løtuft 2.Ragnhild Lunde 3.Ingrid Fridtun Vereide Valnemnd: Nordfjord: Kjetil Netland Sunnfjord: Åshild Kjelsnes Møre: Bjarte Bjørkavåg Arbeidsoppgåvene til interimstyret vart å utarbeide ein handlingsplan, registrere gruppa i Brønnøysund registeret, samarbeide med nettverket i den nasjonale støttegruppa og førebu årsmøte Interimstyret Interimstyret hadde 4 styremøter og arrangerte og ei «Romjulssamling» 5. dag jul i Stryn.

2 Årsmøte 2012 vart halde på Høgskulen i Førde 24. mars. Etter årsmøtesakene orienterte Per Bj. Ørjansen, Bufetat Region Vest, om den komande rettsaka som startar den 16. april. Styret som vart valt var: Leiar: Sigmund Vereide, Gloppen Nestleiar: Maria Hovland Faye, Flora. Styremedlem: Fred Ove Løtuft, Gloppen Ingrid Fridtun Vereide, Eid Inge Sveen, Stryn Vara medlem: Ragnhild Lunde, Stryn Thor Mehammer, Flora Revisorar: Valnemnd: Per Eilert Ommedal, Stryn Morten Breidablik, Stryn Eva Overå Fridtun, Stryn Helge Løtuft, Gloppen Åshild Kjelsnes, Flora Styret har hatt 5 møter i Kolbein Fridtun har vore kalla inn som observatør og har og sete i styret for den nasjonale støttegruppa. Han har på denne måten vore eit naturleg bindeledd mot den nasjonale gruppa. Leiar og styremedlem Thor Mehammer deltok på fylkesleiarsamling i Oslo januar. Leiar deltok på årsmøtet til den nasjonale støttegruppe i Oslo 16. mars. Der deltok og Kolbein Fridtun som vart valt som styremedlem i den nasjonale støttegruppa. Maria Hovland Faye og Thor Mehammer deltok på den andre fylkesleiarsamlinga i Oslo 26. og 27. oktober. Flybillettar og opphald til desse samlingane vart dekka av den nasjonale støttegruppe. Viktige saker i 2012 var å planlegge arrangement, sjå eige punkt om dette. Det har og vore lagt ned mykje arbeid med å skrive søknader til ulike instansar for å få eitt godt økonomisk driftsgrunnlag for drift i åra som kjem. Med dette arbeidet har det vore ulike møter med partane for presentere/drøfte arbeidsplan og aktivitetar. Rettsaka i var ei stor belastning for alle pårørande og involverte. Første halvåret innebar mykje fokus på kva som venta oss under rettsaka og korleis den skulle gjennomførast, jf ynskje om deltaking frå berørte partar. Det var og mange hendvendingar frå media til berørte partar og leiar for støttegruppa. Økonomi Støttegruppa fekk etter godkjent registrering i Brønnøysund registeret høve til å opprette eigen bankkonto. Vi søkte om kr til Sogn og Fjordane fylkeskommune og fekk søknaden raskt innvilga. Dette gjorde til at vi hadde ein høveleg startkapital. Dei 4 berørte kommunane i fylket (Florø, Sogndal (student), Gloppen og Stryn har fått skjønsmidlar frå Fylkesmannen i Sogn og

3 Fjordane knytt opp til oppfølgingsarbeidet mot berørte partar. Det var derfor naturleg og søkje dei om midlar til gruppa sitt arbeid. Gruppa søkte desse om tilskot (budsjett over 3 år) og fekk tildelt slik: Stryn kommune: kr (med høve til å søkje lik sum 2. og 3. året) Gloppen kommune: kr Sogndal kommune: kr (med høve til å søkje lik sum 2. og 3. året) Florø kommune: kr Støttegruppa takkar alle dei som har støtta oss økonomisk. Nasjonale støttegruppe tildelte utan søknad kr til alle fylkeslaga. Dette gjer at økonomien i gruppa frå sommar 2012 vart god, og vi kan bygge ein langsiktig bufferkapital til vidare drift i åra som kjem. Då gruppa ikkje hadde tilgjenge midlar første halvåret, kunne vi heller ikkje legge opp til aktivitetar som kosta pengar. Dei mest nødvendige kostnadane vart lagt ut av styreleiar og refundert når vi fekk det første etableringstilskotet frå fylkeskommunen på plass. Arrangement Støttegrupa inviterte til opa Romjulsamlinga i Stryn 5. dag jul. Mange, både unge og eldre, nytta høvet til å kome på denne første samlinga vår. Stryn Røde Kors stilte opp og serverte nysteikte vaflar og kaffi under samlinga i Betania. Mange ungdomar nytta høve til å vere med. Støttegruppa var i samarbeid med Stryn kommune, Oppstryn sokneråd, Stranda kommune og Sunnylven sokneråd med og arrangerte Minnesmerkeavduking den 11. august med påfølgande flott Minnekonsert i Stryn Kulturhus. Mange møtte opp på denne flotte markeringa der fylkesmann Anne Karin Hamre stod for den formelle avdukinga. Statsråd Anne-Grethe Strøm Eriksen var sjølvinvitert og

4 var med oss både laurdag og søndag. Mange personar gjorde ein flott innsats og eg tek med det formelle programmet her: Avduking av minnesmerke i Stryn sentrum, Parken sør for omsorg senteret. Fylkesmann Anne Karin Hamre, ordførar Sven Flo og Khamshajiny Gunaratnam frå AUF Ordførar Sven Flo og Fylkesmann Anne Karin Hamre etter avduking og nedlegging av krans. Fjelljom spelte vakker musikk etter avdukinga av minnesmerket. Ca : Minnekonsert og enkel servering i Stryn kulturhus. 1.) Musikalsk opning v/sissel Marie og band 2.) Konferansier Tor-Øyvind Rand ønskjer velkomen 3.) Appell v/statsråd Anne Grete Strøm-Erichsen 4.) Fjelljom spelar 3 slåttar

5 5.) Diktlesing v/tor-øyvind Rand 6.) Musikalsk innslag v/inge Sveen 7.) Musikalsk innslag v/ketil Rasmussen 8.) Presentasjonar v/tor Øyvind Rand 9.) Musikalsk innslag v/linda Gytri 10.) Musikalsk innslag v/øyvind Seljeset 11.) Informasjon v/tor-øvind Rand 12.) Appell v/fylkesordførar Åshild Kjelsnes 13.) Musikalsk avslutting Minnesmarsjen den 12. august gjekk frå Volset og over Flofjellet og det var stor tilslutning til arrangementet frå båe sider av fylkesgrensa. Det var sett opp bussar frå Stryn sentrum til Volset og det var ein lett og fin tur i eit nydeleg sommarver over fjellet. Her frå Volset der marsjen starta.

6 Kjetil Netland heldt minnegudsteneste for om lag 300 oppmøtte på Flosetra. Etter gudstenesta på Flosetra serverte støttegruppa med god hjelp frå Oppstryn Sokneråd grillmat til om lag 300 personar. Nordfjord Kjøtt m fleire stilte sporty opp og sponsa oss med råvarer. Flott oppmøte, sol og nydeleg turver gav ei fin ramme på 22. juli markeringane denne helga. Mange munnar å mette, og grillmaten fall i god smak.

7 Samling for nære venner av Hanne etter invitasjon. På denne samlinga vart det invitert venner av Hanne. Fokus på samlinga var positive minner og sosiale aktiviteter som gav som oppmuntring og styrke. Samlinga var på Smak Kafé i Stryn og 20 ungdomar deltok. Andre aktivitetar Støttegruppa for Møre og Romsdal har vi hatt eit spesielt godt samarbeid med, vi har invitert kvarandre på ulike arrangement og hatt ein open og god dialog om samarbeid. Den 18. august deltok fleire frå vår gruppe på eit flott arrangement som dei hadde i Ålesund på Rica Park Hotell. Det har i tillegg vore forsøkt å legge til rette og gjennomføre ei samling samling for foreldra til ungdomane som kom heim frå Utøya, men av ulike årsaker har dette til no ikkje passa for foreldra. Det var i januar ei samling på Skei for foreldre og sysken som Ressurssenter om vald, traumatisk stress og sjølvmordsførebygging, Region vest organiserte. Der var mange ulike hjelpeetatar representert. Den 23. januar var Kolbein Fridtun og Thor Mehammer og orienterter om støttegruppa sitt arbeid for elevar på Høgskulen i Førde, avd. institutt for sjukepleieutdanning, avd. for helsefag. Styret har skrive uttale om framtidig bruk av Utøya, der styret gav støtte til AUF for vidare oppbygging og bruk av Øya. Vi takkar alle gode samarbeidspartar for god støtte og hjelp, ikkje minst ei stor takk til Kjetil Netland som har stilt opp og gjeve ei støttande hand. Arbeidet vidare Mange stiller oss spørsmålet om kor lenge skal støttegruppa virke og kva gruppa skal gjere? Til dette spørsmålet har vi ikkje noko eintydig svar, men vi trur dessverre at det i mange år framover framleis vil vere trong for ei gruppe som legge til rette og støttar pårørande, slekt og vener. Kor lenge, er det i dag ikkje råd å svare på. Gruppa er innstilt på å tilpasse aktivitet etter trong og etterspurnad frå dei som ynskjer det. Følg oss og våre aktivitetar på vår eiga face book-gruppe (du må ytre ynskje om å bli invitert inn av nokon av dei 154 medlemmene). Her legg vi jamleg ut informasjon frå det som skjer både nasjonalt og lokalt. Vi legg også ut litt informasjon om årsmøter mm. på den nasjonale støttegruppa si heimeside under For styret Sigmund Vereide - Leiar -