INFOHEFTE SANDO BARNEHAGE. Revidert Sando barnehage

Transkript

1 INFOHEFTE SANDO BARNEHAGE Revidert Sando barnehage

2 INNHALD Side Kontaktinformasjon 3 Presentasjon av barnehagen 4 Personalet 5 Bli kjend i barnehagen 6 Dagsrytme 7 Barnegruppene 8 Å vere foreldre i barnehagen 9 Vennskap i barnehagen 10 Råd og utval 11 Plan for foreldresamarbeid 12 Samarbeid med andre Overgang barnehage skule 17 Årshjul overgang barnehage skule 18 Mål for det siste året i barnehagen 19 Ferie for barnehagebarn 20 Barn og sjukdom 20 Politiattest og teieplikt 20 Fyrstehjelpskurs 20 Forventningar 21 Praktisk informasjon

3 KONTAKTINFO Postadresse: Sando barnehage Torget Ål Adresse: Opsatavegen Ål Hovudnummer: Styrar: Styrar mobil: Vesleberg: Satakroken: Bernt Ivar Hjelmsø ( Styrar ): bernt-ivar.hjelmso@aal.kommune.no Sando barnehage: Sando.barnehage@aal.kommune.no Ål kommune: Kontaktinformasjon til dei pedagogiske leiarane finn du på barnehagen sin It`s Learning side 3

4 PRESENTASJON AV BARNEHAGEN Sando barnehage er ein kommunal heiltidsbarnehage med barn i alderen 10 mnd 6 år. Barnehagen vart opna 19. august 2013 og heldt til i grenda Sando på Ål. Barnehagen har store, lyse og trivelege nyoppussa rom. Vi har ein felles garderobe, eit stort kjøkken samt tilgang til både gymsal og sløydsal. Avdelingane våre heiter Vesleberg og Satakroken, og namna har tilknyting til grenda. Ute har vi eit stort leikeområde og ein stor fotballbane. Vi har gangavstand til fleire fine turområde og brukar dei ofte. Her hos oss legg vi vekt på å skape gode kvardagar for barna der tryggheit, fellesskap, omsorg og det å bry seg om kvarandre står sentralt. Vi vil vera tydelege og nærverande vaksne for barna, og gje dei trygge rammer KVAR DAG. Sando barnehage skal vera ein god stad å vera både for små og store. Barna skal oppleve glede, føle seg betydningsfulle og velkomne hos oss. Vi vil skape gode barndomsminne ved å bry oss om kvarandre, vera ein del av eit fellesskap og føle at «eg er verdt noko» uavhengig av prestasjonar. Vi legg vekt på gode naturopplevingar året rundt. 4

5 PERSONALET Alle i personalet skal kunne seie: «Dette er den beste arbeidsplassen eg har hatt!». Vi har lyst til å «smitte» kvarandre med livsglede og meistring. To viktige ting som vi har fokus på er «inspirasjon» (få utanfrå) og «motivasjon» (må kome frå oss sjølve ein eigeninnsats krevst). Det blir sagt at god og open kommunikasjon kan vera det som får ei verksemd som er god på innsida til å skine på utsida. Det er noko vi arbeider mot! Vi må alle ta ansvar for eigen deltaking og førebuing. Personalgruppa er sentral for kvaliteten på tilbodet i barnehagen vår. Det betyr at vi må leggje stor vekt på at vi stadig er i utvikling. Vi gjer kvarandre rettleiing og tek ansvar, som fremmar eiga meistring. Det å ha eit positivt fokus kan vera med på å halde sjukefråveret nede. Vi er ei lita personalgruppe som verdset kvarandre. Alle kan, og vi bruker tid på å diskutere og reflektere over kva barnehagearbeidet betyr for kvar enkelt av oss m.a.(barnesyn, interesser og haldningar ). Vi er viktige personar og modellar i barna sin kvardag. Vi VIL VERE EI PERSONALGRUPPE SOM LYTTAR, STØTTAR OG UTFORDRAR KVARANDRE. 5

6 BLI KJEND I BARNEHAGEN Det første møtet med barnehagen legg grunnlaget for at barnet skal trivast. Saman gir foreldra og personalet barnet den beste starten i barnehagen. Ved oppstart i barnehagen starter ei bli-kjend periode for dei nye barna. Barnet treng tid til å bli kjent med ute- og inneområdet i barnehagen, slik at det veit kvar det skal leike, ete og evt. sove. Barnet har behov for både faste rutinar og spennande inntrykk, slik at det kan glede seg til å komme i barnehagen. Når de kjem i barnehagen fyrste dagen, blir alle nye barn møtt av ein primærkontakt. Den som er primærkontakt har ansvar for å vise dykk barnehagen. Primærkontakten følgjer barnet opp i kvardagen den fyrste tida og gjer seg godt kjend med vanar og rutinar frå heimen. Barn er forskjellige, og tida dei treng for å bli trygg er individuell. Det er viktig at foreldra set av god tid til å vere saman med barnet i oppstarten. Når barnet skal leverast er det viktig å ta seg god nok tid slik at det blir klart for å skiljast frå foreldrene. Det er viktig å skape gode leveringsrutinar. Det vert gjort avtalar om kor lange dagar som trengst dei fyrste dagane. Vi er heile tida tilgjengeleg på telefon i barnehagen og vi gjer tilbakemelding på korleis det går. Leiar på avdelinga har ei oppstartsamtale med kvar familie. «Det finst berre to varige gåver vi kan håpe å gi barna våre. Den eine er røter, den andre er vengjer» Astrid Lindgren 6

7 DAGSRYTME Tidspunkt Kva skjer? Barnehagen opnar Frukost på kjøkkenet Leik inne / ute. Prosjektarbeid. Matlaging inne / ute Samlingar. Aktivitetar inne / ute Tur (nokre gong er vi på ein lengre tur og kjem attende til kl 14.00) Rydding og vask av hender Ca Lunsj / frukt Vesleberg. Ca Lunsj / frukt Satakroken Ca Påkledning Aktivitetar inne / ute Fruktmåltid. Ekstra mat frå matboksen/ youghurt for dei som ynskjer det Leik inne / ute Barnehagen stenger Info om måltid: Vi har tilbod om tre måltid dagleg. Barna har med matpakke heimanfrå og matboksar leggast i kjøleskåpet. Ein dag i veka har vi matdag, men matpakke kan vera lurt å ha med likevel. Barna får lettmjølk og frukt i barnehagen. Frukt, mjølk og matdag blir betalt med kostpengar på foreldrebetalinga. Barna får vatn når dei er tørste. Alle må ha med namna flaske i barnehagen til bruk inne og ute. Vassflaskene har eiga plass på avdelinga. Hugs å ta med flaska heim for vask 7

8 BARNEGRUPPENE Sando barnehage har eit hovedfokus på friluftsliv og fysisk aktivitet. Med utgangspunkt i det har alle aldersgruppene dyrenavn. Skulestartarar Elg Rev Hare Ekorn Mus 8

9 Å VERE FORELDRE/FØRESETTE I BARNEHAGEN Når foreldra og personalet har ein open, tillitsfull og varm kommunikasjon, fører det til at barnet trivst betre i barnehagen. Positive foreldre gir positive barn. Hels på og prat med barn, foreldre og tilsette. Tenk på korleis de omtaler andre familiar og barnehagen heime. Foreldre treng ikkje å vite alt, men engasjement påverkar trivselen og utviklinga til barnet positivt. Ver interessert i og nysgjerrig på korleis barnet har hatt det i barnehagen. La barnet få tid til å fortelje på sin eigen måte, og snakk om barnehagen heime. Foreldra er dei som kjenner barnet best, og dei må ha tru på si eiga rolle. Foreldra må «lese» korleis barnet har det, og ta omsyn til at barnet blir sliten i barneghagen. God dialog skaper tillit mellom foreldra og personalet. Når saker oppstår, skal ein ta dei opp på ein open og ærleg måte. Kritikk er eit lite eigna verktøy for samarbeid. Bruk foreldrerådet og samarbeidsutvalet aktivt. Foreldra må engasjere seg i barnehagespørsmål og diskutere seg imellom. Rammeplanen seier: «Foreldre og barnehagepersonale har eit felles ansvar for barnas trivsel og utvikling. Det daglege samarbeidet mellom heim og barnehage må byggje på gjensidig openheit og tillit». Med samarbeid meinast regelmessig kontakt der informasjon og opplevingar utvekslast. Å arbeide godt, tett og opent med foreldra er heilt avgjerande for at barnehagen vår skal bli eit bra tilbod til barna. Vi ynskjer at foreldra skal vere synlege og tydelege, og gje oss tilbakemelding på kva dei ynskjer for sitt barn. «Å vite at du er der anten det er nært eller langt unna betyr at eg aldri er heilt åleine» Marion C. Garretey 9

10 VENNSKAP I BARNEHAGEN Å få ein venn og vere ein venn er noko av det viktigaste i livet til eit barn. Foreldra og personalet i barnehagen fremjar vennskap mellom små barn. Vennskap Hels på og prat med barna og foreldra du møter i barnehagen. Støtt opp under barns vennskap. Vis at du liker vennene til barnet, prat med dei og inviter dei med heim eller på aktivitetar. Rollemodell Snakk fordelaktig og positivt om dei andre i barnehagen. Vèr bevisst på at oppfordringar til barnet skal speglast i eigen praksis. Kjensler for andre Hjelp barnet til å snakke om kjensler og om korleis det kjennest å bli halden utanfor og bli forskjellsbehandla. Oppmuntre barnet til å dele og vere raust. Turtaking Oppmuntre barnet til å vente på tur, gi og få og byte på å bestemme i leiken. Lær barnet å løyse konfliktar på ein god måte. Avklaring av roller og forventningar Foreldra og personalet samarbeider om korleis dei skal gå fram for å hindre at enkeltbarn blir haldne utanfor eller blir plaga. «Ingen ville vel ønskje å leve utan venner; sjølv om han hadde alle andre goder» Aristoteles 10

11 RÅD OG UTVAL SU I lov om barnehagar 4. «Foreldreråd og samarbeidsutval», er oppnevnelse og praktisering av samarbeidsutval heimla. Samarbeidsutval skal sikre samarbeidet mellom barnas heim og barnehagen. (Samarbeidsutvalet) tek avgjersler som er viktige for heile barnehagen. Der er både foreldre, personale og kommuna representert. FAU Foreldrenes arbeidsutval (FAU) er eit arbeidsutval for foreldrerådet. FAU har ansvar for ulike arrangement og kan innkalle til foreldrerådsmøte dersom dei ynskjer å drøfte saker med heile foreldregruppa. 11

12 PLAN FOR FORELDRESAMARBEID Månad August Kva Informasjonsmøte for nye foreldre. Oppstartsamtale for nye foreldre. September Foreldrerådsmøte og val av representantar til dei ulike råda. Foreldremøte på avdelingane. SU-møte konstituering FAU konstituering Oktober Foreldresamtalar. November Desember Januar Foreldresamtalar forts SU møte. Julegrantenning. Nissedag og grautfest. SU møte. Februar Mars April Mai Juni Foreldremøte. Foreldresamtalar SU møte. Foreldresamtalar forts.. Dugnad. SU-møte. Sommaravslutning. Gommo og goffa dag. Besøksdag nye barn. SU møta er annankvar månad. Om det kjem opp saker som må avgjerast mellom dei oppsette møta, kallast det inn til ekstra møte. 12

13 SAMARBEID MED ANDRE Tverrfagleg team Tverrfagleg team er eit førebyggande initiativ som skal gripe inn raskt og ha ein rådgjevandeog rettleiande funksjon. Føremålet med tverrfagleg team er tidleg innsats i høve barn/unge og familiane deira, og byggjer på ideen om at me saman får til nødvendig endring ogutvikling. Tverrfagleg team er sett saman av kontaktpersonar frå pedagogisk-psykologisk teneste (PPT), barneverntenesta, helsestasjonen og psykisk helse. PPT, helsestasjonen og psykisk helse møter fast i tverrfaglege møter saman med representantar frå den einskilde barnehage og skule. Representanten frå barnevern deltek ved innkalling. Andre instansar kan inviterast etter behov. Tverrfagleg møte skal vere eit lågterskeltilbod til barnehage, skule og føresette. Målet med møta er å gje fagleg støtte så tidleg som mogleg. Med fleire instansar til stades kan ein hjelpe raskare og gjere arbeidet meir effektivt. Føresette som ynskjer hjelp i tverrfagleg møte, kan ta kontakt med eigen barnehage eller skule. Når tilsette ynskjer å drøfte tilhøve kring eit barn skal føresette få høve til å vere med på møtet eller gje samtykke til ope drøfting. Eit anna alternativ er anonym drøfting. Primærkontaktmøte med PPT Vi har jamlege drøftingsmøte med PPT. Dette er eit uformelt møte der saker og undringar drøftast på eit så tidleg stadium som rå, slik at det kan settast inn nødvendige tiltak. Om styrar eller pedagogisk leiar ynskje å drøfte forhold rundt einskildbarn med namn med PPT, skal foreldra alltid informerast og gje samtykke. Studentar og elevar Vi samarbeider med Ål ungdomsskule, Ål vidaregåande skule og høgskular om utplassering av elevar. Vi meiner at det er viktig med dyktige tilsette i barnehagen og då må elevane ha praksisplassar, noko vi stiller med. 13

14 PPT for Ål og Hol Pedagogisk-psykologisk teneste (PPT) er ei interkommunal teneste for kommunane Ål oghol. PPT skal mellom anna gi barnehagar rettleiing om å leggje til rette for barn som treng det. PPT skal hjelpe barnehagar i å leggje tilbodet betre til rette for barn med særskilde behov. Korleis kan du som forelder kontakte PPT: Før du tek kontakt med PPT, bør du prate med barnehagen / helsestasjon om di uro for barnet ditt. PPT har primærkontaktar som har faste møter med barnehagen. Primærkontakten kan saman med barnehagen gje deg råd i høve til ditt barn. Dersom det er behov for meir bistand frå PPT, kan barnet tilvisast til PPT. Tilvising skjer på eige tilvisingsskjema, som barnehagen har. Kontakt barnehagen for hjelp med utfylling av skjemaet. Barnehagen utformer ein pedagogisk rapport som blir sendt saman med tilvisinga. Tilvisinga skal gjerast i samarbeid med barnhagen/skulen og foreldre, og skal underteiknast av foreldre og styrar. Kven kan kontakte PPT: Foreldre kan tilvise eigne barn på eige initiativ. - Elevar over 15 år kan ta kontakt med PPT på eige initiativ. - Barnehage og skule. Kontaktinformasjon: Telefon: Besøksadresse: Familiens Hus, Sundrevegen 95 A, 3570 Ål Postadresse: Torget 1, 3570 Ål Internett: 14

15 Helsestasjonen Helsestasjonen er organisert under oppvekstsektoren. Leiar for helsestasjonen er helsesøster. Helsestasjon er eit tilbod til alle barn i kommunen og skal ivareta heilskapen i det førebyggande og helsefremjande arbeidet: - Fremje psykisk og fysisk helse. - Fremje gode sosiale og miljømessige tilhøve. - Førebygge sjukdom og skade. Kontaktinformasjon: Telefon: Besøksadresse: Familiens Hus, Sundrevegen Postadresse: Torget 1, 3570 Ål Internett: Hallingdal barneverntjeneste Barneverntenesta skal sikre at barn og unge som lev under tilhøve som kan skade utviklinga og helsa til barnet, får nødvendig hjelp og omsorg til rett tid. I tillegg skal vi vere med og sjåtil at barn og unge får trygge oppvekstvilkår. Barneverntenesta har fokus på førebyggjande tiltak for einskildbarn, deira familiar og nettverk. Vidare arbeider vi også med saker der barn og unge, for kortare eller lengre tid,treng å bu hos andre enn sine biologiske foreldre. I alle saker jobbar barneverntenesta etter fire overordna prinsipp: - Omsynet til barns beste - Det biologiske prinsipp - Rett hjelp til rett tid - Minste inngreps prinsipp Tenesta er organisert i fire team, for å kunne handsame sakene best mogleg: 1. Mottak- og undersøkingsteam - Informasjon, førebygging og mottak av nye meldingar. 2. Tiltaksteam - Frivillige hjelpetiltak. 3. Omsorgsteam - Oppfølging av plasserte barn i fosterheimar og institusjonar. 4. Familieteam - Arbeider med hjelpetiltak i familiar. Barneverntenesta er ein del av tverrfagleg team for barnehagar og skular i Ål kommune. Dei deltek ikkje med fast representant i møta, men blir kontakta etter behov. 15

16 Kven kan kontakte barneverntenesta: - Foreldre kan søkje om tiltak for sitt barn. - Foreldre kan be om råd/rettleiing. - Barn/ungdom kan be om hjelp. - Andre offentlege instansar har meldeplikt viss dei er bekymra for eit barn. - Privatpersonar som er bekymra for eit barn kan melde frå om dette. Kontaktinformasjon: Telefon: (kl ) Besøksadresse: Familiens Hus, Sundrevegen 95 A, 3570 Ål Postadresse: Torget 1, 3570 Ål E-post: barnevern@aal.kommune.no Internett: Psykisk Helse Psykisk helse har kvalifisert personell som er lett tilgjengeleg utan tilvising. Deira fordel er at dei er tilgjengeleg på kort varsel, kan gi «førstehjelp», og vil alltid søkje å løyse utfordinga der den har oppstått saman med andre. Avdelinga er representert i alle tverrfaglege møte i skular og barnehagar og samarbeider med foreldre og andre hjelpeinstansar. Dei tilpassar tiltaket og nyttar t.d. leik, gruppesamtaler og nettverksmøte, alltid på barnet sine premissar. Kven kan kontakte psykisk helse: Foreldre og tilsette i barnehagen kan ta direkte kontakt med avdelinga når det er bekymringar knytt til einskild barn, mobbing, samhandling med foreldre m.m. Kontaktinformasjon: Avd.leiar: Maj-Britt Svartveit tlf.nr: mbs@aal.kommune.no Besøksadresse: Helsetunvegen 3 (Gamle helsestasjonen) Postadresse: Torget 1, 3570 Ål. Internett: 16

17 OVERGANG BARNEHAGE SKULE Ål kommune har utarbeidd eigen plan for overgang mellom barnehage og skule. Den gjeld alle barn i kommunen. Plan for overgang skal sikre samanheng i læringsløpet til barn og unge i Ål kommune. Barn og unge med føresette skal føle seg trygg på at alle blir møtt av ein barnehage og skule som kjenner dei og legg til rette for tidleg innsats og ein god start. Overgangsplanen skal sikre: Gode rutinar, lik praksis og systematisk samarbeid mellom einingane. Ein meiningsfull samanheng i læringsløpet. Tidleg innsats for barn med særskilte behov. Ein trygg skulestart for barn som byrjar i 1. klasse og for dei føresette. For barn med spesielle behov startar førebuingane 2-3 år før overgangen for å sikre at tilhøva blir lagt til rette på best mogleg måte ved skulestart. For barn med fleirspråkleg bakgrunn har barnehagen ekstra merksemd kring språkutvikling og meistring hos barnet i samarbeid med føresette. Skulen har ekstra fokus kring dette i oppstart på skulen for å kartlegge det språklege nivået. Kva kan du som føresett bidra med heime før skulestart: Prat og les mykje med barnet ditt. La barnet få erfaring med: Kle på seg. Knyte skolisser,klyppe,lime, teikne osb. Pakke sekken sin og bære den sjølv. Kva trafikk og trafikkreglar er. Gå gjerne skulevegen fleire gonger og leik i skulegarden om de har moglegheit for det. Treffe barn i nærmiljøet som går på eller skal byrje på same skule. Få ansvar. Ta i mot og utføre beskjedar. Gå aleine på toalettet / reinslegheit. Gje barnet gode vanar ved matbordet. Halde orden og ta vare på sakene sine. Ta omsyn til andre / utsette eigne behov og vente på tur. Spele og følgje reglar i spel og leik. Lær dei òg å bli ein «god tapar». 17

18 ÅRSHJUL OVERGANG BARNEHAGE SKULE NÅR TILTAK ANSVAR August August/ september Oktober/ November Oppstart for siste året i barnehagen før skulestart Etablere gruppe for skulestartarar i barnehagen Barnehagen Felles foreldremøte for skulestartarar. 1. klasse besøker barnehagen. Foreldresamtale med føresette til skulestartarar. Oppvekstkontoret Skulen Barnehagen 1 desember Siste frist for elektronisk innskriving i 1.klasse Føresette Januar/ Informasjon om skulestartarar med spesielle behov. Barnehagen Februar 1.mars Siste frist for søkje om SFO-plass Føresette Mars/ Barnesamtale i barnehagen med skulestartarar. april Oppstart individuell konsultasjon med skulestartarar og føresette på helsestasjonen. Siste individuelle foreldresamtale i barnehagen Mai/ Juni Overføringsmøte frå barnehagen til barneskulen Skulestartarar møter faddergruppe. Foreldremøte for skulestartarar på skulen. Besøksdag på skulen for skulestartarar. Barnehagen Helsestasjonen Barnehagen Barnehagen Skulen Skulen Skulen August Oppstart i 1.klasse Oktober Velkomstbrev til 1.klassingen med invitasjon til fyrste skuledag og oppstartsperiode i 1.klasse. Skulen Oktober Skulehelsetenesta besøker 1.klasse Januar Attendemeldingsmøte til barnehagen om elevene i 1.klasse Skulen 18

19 MÅL FOR DET SISTE ÅRET I BARNEHAGEN Mål for skulestartarane i Ål kommune er å sikre at alle skulestartarar grunnleggande ferdigheiter som er avgjerande for ein god overgang til skulen. Barnehagen nyttar «Mål for skulestartarane i Ål kommune». Mål og kjenneteikn er styrande for tiltak i skulerstartargruppa i barnehagen. Mål: - Barna syner evne til sjølvhevding. - Barna syner evne til sjølvregulering. - Barna syner evne til felles merksemd. - Barnet er sjølvstendig i det daglege. - Barna har grunnleggande motoriske ferdigheiter. - Barna har eit forventa språkleg medvit. - Barna kjenner til grunnleggande ord og over / underbegrep.. - Barnet er på førskjemastadiet i teikneutvikling. 19

20 FERIE FOR BARNEHAGEBARN Ein barnehageplass vert gjeve for eit barnehageår og fakturert for 11 månadar. Dei som ikkje tek ut ferie i 1 månad (4 veker) innanfor gjeldande barnehageår, må betale ekstra for opphald i barnehagen utover dei 11 månadene. Følgjande reglar gjeld: Ferien skal vere planlagt og avtalt med personalet på førehand. Berre heile veker vert rekna som ferieveker. Ei heil ferieveke er det same dagtal som barnet sin barnehageplass. Dei fire vekene treng ikkje takast i samanheng, men må vere heile veker. Dei kommunale barnehagane er stengd jul og påske og vert rekna som ei ferieveke. Dei kommunale barnehagane er stengd dei to siste vekene i juli. Om barna brukar barnehagen noko i ei oppsett ferieveke, vert ikkje denne veka rekna som ferie. Barn som har byrja i barnehagen før nyttår, skal ha 4 veker ferie (evt. betale for ekstra veker.) Barn som byrjar i barnehagen etter nyttår, må ta ut 2 veker ferie (evt. betale for ekstra veker.) Nokre periodar av barnehageåret kan det vere aktuelt med innskrenka opningstid. Dette gjeld dagar som ligg tett inn til feriar. ( jul/påske og sommar ) BARN OG SJUKDOM Barnehagen rettar seg etter retningslinjer og faglege råd frå folkehelseinstituttet («Barnehagar og smittevern»). Sjå for øvrig heftet «Kan eg gå i barnehagen i dag?» for info om barnet kan gå i barnehagen. POLITIATTEST OG TEIEPLIKT Alle tilsette og vikarar må ha levert politiattest om at dei kan jobbe med barn. Dei må òg skrive under på teieplikt. FYRSTEHJELPSKURS Alle tilsette er med på fyrstehjelpskurs med hovudfokus på barn, annan kvart år. 20

21 FORVENTNINGAR Dei ansatte i barnehagen: Personalet skal prioritere ute-tida. Dei vaksne skal vere rollemodellar, skape nysgjerrigheit og gje opplevingar. Me skal undre oss saman med barna og bruke kunnskapen me har. Det er viktig at det tileignast ny kunnskap for å gje barna erfaring med naturen. Dei vaksne skal vere positive og oppmuntrande til å vere ute, kunne sjå behovet til det enkelte barn og ynskjer og gje barna utfordringar ut ifrå eigne forut setningar. Foreldre: Sende med funksjonelle sko/klede til all slags vêr. Passe på at det er nok skiftekler til enhver tid. Pakke tursekk på turdagar og gjerne legge fram det du meiner barnet skal ha på seg denne dagen. Ha ei positiv haldning til det å vere ute. Vere førebilete for sine barn i forhold til natur og miljøspørsmål. Blant anna ved å stoppe motoren ved levering og henting i barnehagen. Påkledning: Trelagsprinsippet: Ull innerst (superundertøy om barnet reagerer på ull) og fleace som mellomlag. Ytterbekledning bør bestå av dress som tåler vêr og vind, samt at den skal vere lett å bevege seg i. Tørre og varme barn leiker best, difor er det viktig at barna er riktig og godt kledd. Informasjon: Alle foreldre må følgje med på: Månadsplan. Barnehagen sin It`s Learning side. Oppslag i barnehagen. Barnehagen sin heimeside. Månadsplan blir hengt opp i barnehagen og lagt ut på It`s Learning. Ved henting: Viktig informasjon om ditt barn får du av personalet. Om du ynskjer meir utfyllande informasjon om noko, ta kontakt med personalet. 21

22 PRAKTISK INFORMASJON Klede / utstyr For at vi i barnehagen skal kunne halde orden på klede og utstyr til barna, må alt vere namna. (Dette gjeld også sko, yttertøy, sekk, vassflaske, matboks, frukt eller anna barna har med.) Bruk merkelapp eller tusj/merkepenn. Barna bør ha minst eit klesskift i barnehagen tilpassa årstid. Klesskift kan ligge i sekken eller i garderobehylla. Barna må ha med ekstra vottar og sokkar m.m. vinterstid. Bleier blir lagt i hyller på stellerommet, hugs å namne bleiepakka. Vi ynskjer ikkje up and go-bleier. Regntøy og støvlar bør vere i barnehagen. Barna treng gode inne sko (vi anbefalar sandalar som gir god støtte til små føter). Sandalar / innesko skal stå i skohylla på garderobeplassen etter henting p.g.a. reinhald. Skitne klede (også yttertøy og regntøy) må de ta med heim til vask. (Skittent yttertøy heng på knaggane ute når vi har gått inn). Det er ikkje høve til å ha med eigne leiker eller småting til barnehagen. Vi ber alle om å ta av yttersko i vindfanget før de går inn i avdelinga om det er veldig skitne sko. Dette gjeld både vaksne og barn. Soving Barn som søv i barnehagen, søv ute i eigen vogn eller i reiseseng/flatseng inne. Ta med teppe, smukk eller kosedyr om det trengst. Dei som har med vogn, plasserer denne etter avtale med personalet på avdelinga. Informasjon Informasjon blir hengt på oppslagstavla i garderoba. Vi ber dykk følge med på den kvar dag. Det heng ei tavle ute ved hovudinngangen som foreldre og andre kan bruke. Brev og infoskriv som skal heim, blir lagt i garderobehylla. På barnehagen sin heimeside ligg all informasjon som er viktig. Bruk sida aktivt. Spør oss om det er noko de lurar på. 22

23 Henting, fråver m.m Det er viktig å nytte tida ved levering/henting til informasjon, og samtale mellom foreldre og personale (beskjedar, info om dagsform, spesielle hendingar, m.m.) Ver sikker på at dei vaksne i barnehagen veit at barnet ditt har kome/vorte henta for dagen. Vi ynskjer å møte barna i garderoba når dei kjem, men må også ta oss av barn som et frukost eller er på avd. Følg barnet inn på kjøkkenet/avdelinga om morgonen om personalet ikkje har høve til å møte i garderoba. Då får vi ynskt velkomen og teke i mot alle. Blir barna henta av andre enn foreldra, må vi ha beskjed om dette på førehand! Gi oss beskjed seinast om morgonen om barna ikkje kjem i barnehagen. Det er ein fordel om barna er i barnehagen mellom kl og p.g.a. turar eller andre felles opplegg. Gje beskjed i god tid om barna kjem seinare/blir henta før. La ikkje barnet gå ut av portane og ut på parkeringsplassen åleine når det blir henta. Hjelp oss å halde portane stengt, også etter at barna har gått inn. Helse Barnehagen må bli informert dersom barna har allergiar, kroniske sjukdomar eller liknande (sjå eige skjema ). Det er viktig for oss å få beskjed om t.d. brannkoppar, augekatarr eller smittsame barnesjukdommar. Medisinering i barnehagen skal avtalast skriftleg på eige skjema. Gebursdagsfeiring Gebursdagar blir feira med eiga gebursdagssamling. Barnehagen ynskjer å vektlegge opplevingar i staden for kaker. Gebursdagsbarnet får vere med og bestemme innhaldet i samlinga: velje ut sang, rim/regle, leik eller eventyr. Siste gong barnet feirar gebursdag i barnehagen (skulestartarane) får dei velja mellom bollar, sjokoladekake, lappar eller muffins. Gebursdagsbarnet deltek i arbeidet. Invitasjonar til private selskap skal ikkje delast ut i barnehagen. Kjøp / bytte av dagar Det er mogleg å kjøpe ekstra dagar dersom det er ledig kapasitet. Dette må avtalast på førehand med personalet, de må dessutan fylle ut skjema om kjøp av dag. Pris pr. dags dato er kr 200. Er det ledig plass, går det òg an å bytte dagar innanfor same veke. Kontakt barnehagen i god tid. 23

24 KREATIVE barn og vaksne skal UT på fargesprakande EVENTYR! «I kreative barnehagar møtast undring og nysgjerrigheit med glede, tid og openheit. Vi lyttar,skapar og leiker kvar dag» 24