Revidering av akkreditert mastergradsstudium i farmasi ved Universitetet i Tromsø fase 2

Transkript

1 Revidering av akkreditert mastergradsstudium i farmasi ved Universitetet i Tromsø fase 2 Rapporten frå den sakkunnige komiteen er eit tillegg til rapporten frå 1. juni 2007 Tillegget vart ferdigstilt den: 5. november 2009 NOKUTs rapporter ISSN [ ]

2 Forord Rapporten og vurderingane til komiteen er byggjer på sjølvevalueringsrapporten til Universitetet i Tromsø (UiT) i fase 2 av 1. november 2008 og suppleringar 19. desember 2008, 26. januar 2009 og 4. mars I utvida fase 2 byggjer vurderingane på dokumentasjon og informasjon som vart send til NOKUT 5. oktober Innstillinga frå komiteen er samrøystes. Oslo, 5. november Else-Lydia Toverud Professor Farmasøytisk institutt, Universitetet i Oslo Björn G. A. Lindeke, professor em. Apotekarsocieteten, Stockholm

3 1. Samandrag NOKUT fann at masterstudiet i farmasi ikkje fylte vilkåra under revidering av akkreditering i fase 1, av di den sakkunnige komiteen ikkje vurderte at det var eit tilstrekkeleg stabilt fagmiljø innanfor kjerneområdet samfunnsfarmasi. Etter dette fekk UiT opphavleg eitt år til å brigda tilhøva ved studiet. I fase 2 av revideringa har den sakkunnige komiteen vurdert tilhøva slik dei er komne fram gjennom UiT si sjølvevaluering og tilleggsopplysningar komiteen har funne naudsynte. Medan den sakkunnige komiteen arbeidde med rapporten i fase 2 vart Universitetet i Tromsø og Høgskolen i Tromsø slått saman. Dei opphavlege kjerneområda ved studiet vart endra i samband med dette. På grunn av dette og andre uventa omstende vart fristen for fase 2 av revideringa utvida til 5. oktober 2009, slik at den samla fristen vart 2 år. Komiteen meiner at kjerneområda for studiet fyller dei faglege og formelle krav som finst, og at det finst stabile fagmiljø innanfor alle kjerneområda. Komiteen grunngjev dette med si tolking av NOKUT si forskrift om standardar og kriterium for akkreditering av studium og kriterium for akkreditering av institusjonar i norsk høgare utdanning, 2-2 (2) nr. 2 og 2-2 (3) nr. 4. 3

4 2. Bakgrunn og grunnlag for revideringa Styret til NOKUT vedtok 20. juni 2005 å setja i gang revidering av alle akkrediterte mastergradsstudium og ph.d.-studium i farmasi. Revideringa i fase 1 vart gjennomførd i perioden mai 2006 til oktober Styret til NOKUT fatta den 5. oktober 2007 på bakgrunn av rapporten frå den sakkunnige komiteen og kommentarar frå UiT til rapporten fylgjande vedtak: Mastergradsstudiet i farmasi ved Universitetet i Tromsø (300 studiepoeng) fyller ikke kravene i NOKUTs forskrift 2-2 (3) Institusjonen skal ha et stabilt fagmiljø knyttet til studiet, 4) Institusjonen skal ha ansatte i hovedstilling innenfor studiets kjerneområde(r). For å tilfredsstille kravene til et akkreditert mastergradsstudium i farmasi må Universitetet i Tromsø ett år fra vedtaksdato dokumentere at institusjonen har et stabilt fagmiljø knyttet til studiet. I samband med samanslåinga av Universitetet i Tromsø og Høgskolen i Tromsø oppheva Universitetet i Tromsø alle kjerneområda i mastergradsstudiet i farmasi. I utvida fase 2 av revideringa skal den sakkunnige komiteen difor òg vurdera om kjerneområda fyller krava i NOKUTs forskrift om standarder og kriterier for akkreditering av studier og kriterier for akkreditering av institusjoner i norsk høyere utdanning 2-2 (2) nr. 2. Styret til NOKUT vedtok at Universitetet i Tromsø skulle få utvida frist for å senda inn ny informasjon og dokumentasjon. Den nye fristen vart sett til Fase 2 av revideringa med utsett frist vart gjennomførd i perioden oktober 2009 til desember Fase 2 er siste fase i revideringa av masterstudiet i farmasi ved Universitetet i Tromsø. Etter at den sakkunnige komiteen har gjennomført den faglige vurderinga fattar styret til NOKUT vedtak. Den sakkunnige komiteen for utsett frist i fase 2 vart oppnemnd 26. oktober 2009 og er sett saman av: Professor emeritus Björn G. A. Lindeke, Apotekarsocieteten, Stockholm Professor Else-Lydia Toverud, Universitetet i Oslo 2.2 Organisering av rapporten Dette dokumentet er eit tillegg til den sakkunnige rapporten frå med tilleggsvurdering frå Rapporten er disponert i samsvar med malen for sjølvevaluering og NOKUT si forskrift 2-2 (2) nr 2 og 2-2 (3) nr 4 i standardar og kriterium for akkreditering av studium på høgare grad. 4

5 3. Grunnlag for utsett vurdering Lov om universiteter og høgskoler av 12. mai 1995, KDs forskrift om akkreditering, evaluering og godkjenning etter lov om universiteter og høgskoler av 8. september 2005, og NOKUTs forskrift om standarder og kriterier for akkreditering av studier og kriterier for akkreditering institusjoner i norsk høyre utdanning 2-2 dannar grunnlaget for komiteen si vurdering. Komiteen er vorten bedt om å vurdera om mastergradsstudiet i farmasi fyller krava i 2-2 (2) nr. 2 og 2-2 (3) nr. 4 i NOKUT si forskrift. Vurderinga til komiteen er grunna på fylgjande materiale: Den nye rapporteringa frå institusjonen med tilhøyrande dokumentasjon og anna relevant skriftleg materiale som NOKUT og/eller komiteen finn naudsynt for vurderinga Rapporten frå sakkunnig komité frå 6. juni 2007 Brev frå NOKUT til UiT av 26. juni Tilleggsvurderinga frå sakkunnig komité frå 3. oktober Vedtak frå styret til NOKUT frå 5. oktober Komiteen si forståing av mandatet Den sakkunnige komiteen har vurdert dei nye kjerneområda i studiet. Komiteen tolkar 2-2 (2) nr. 2 i NOKUT si forskrift slik at ein skal vurdera om kjerneområda til saman er dekkjande for fagområdet til studiet, og at dei er logisk avgrensa. Komiteen har berre vurdert kjerneområda, sidan fagområdet ligg fast. I vurderinga av kjerneområdet samfunnsfarmasi og klinisk farmasi meiner komiteen at informasjon og dokumentasjon frå UiT ikkje er dekkjande for å forstå korleis dette kjerneområdet er bygd opp. Likevel gjer tidligare dokumentasjon av korleis emnesområda samfunnsfarmasi og klinisk farmasi er innarbeidd i studiet eit tilstrekkeleg grunnlag for at komiteen kan gå god for at undervisninga i kjerneområdet vil vera komplett. Den sakkunnige komiteen skriv i sin rapport frå fylgjande om tolkinga av NOKUT si forskrift 2-2 (3). I samband med handsaminga av UiT sin klage på vedtaket i fase 1 vart tolkinga stadfesta i forvaltningspraksis: Komiteen tolker forskriften slik at det må være flere ansatte i hovedstilling innenfor hvert kjerneområde, og at disse må ha relevant faglig bakgrunn og høy formell akademisk kompetanse. I tillegg bør disse bidra betydelig i undervisning og veiledning i studiet. Komiteen har lagt denne tolkinga til grunn òg i fase 2 i revideringa. 3.2 Komiteen si vurdering av informasjon og dokumentasjon frå institusjonen Komiteen meiner at informasjonen og dokumentasjonen frå Universitetet i Tromsø er unøyaktig på visse område og at den på dei områda som ikkje gav utslag for vurderingane i det opphavlege rapporttillegget for fase 2 av 22. april 2009 er lite gjennomarbeidd. Komiteen meiner likevel at informasjonen og dokumentasjonen utgjer eit tilstrekkeleg grunnlag for vurderingane han er sett til å gjera. 5

6 I hovuddokumentet vert det knapt referert til vedlegga, slik at komiteen har hatt vanskar med å vurdera i kva grad og for kva tilhøve dokumenta er relevante. I tabellane som viser stillingar og fordeling av arbeidstid har komiteen funne feil som utan førehandskunne ville kunne føra til feiltolkingar. Komiteen har i sitt arbeid hatt vanskar med å nytta Institutt for farmasi sine vevsider, og vil peika på at dei ikkje verkar oppdaterte. Det same gjeld dokumentet (vedlegg 2) som beskriv undervisninga i samfunnsfarmasi. Komiteen kan difor ikkje sjå at innføringa av det nye kjerneområdet samfunnsfarmasi og klinisk farmasi, slik det vert omtalt i den nye informasjonen av 5. oktober 2009, når det kjem til stykket vert støtta av korrekte grunnlagsdokument. 6

7 4. Sakkunnig vurdering i samsvar med NOKUT si forskrift 2-2 (2) Det skal foreligge en plan for studiet 2. Av planen skal det fremgå hva som er studiets fagområde(r) og kjerneområde(r) Omtale Fagområdet for studiet er framleis farmasi. Etter at UiT i brev av 7. april 2009 opplyste at kjerneområda for mastergradsstudiet i farmasi var oppheva, har institusjonen i ny informasjon og dokumentasjon, send til NOKUT 5. oktober 2009, meldt at dei nye kjerneområda for studiet er: - Farmakologi - Legemiddelkjemi (naturstoffkjemi og analytisk kjemi) - Legemiddelteknologi og biofarmasi (galenisk farmasi) - Mikrobiologi - Samfunnsfarmasi og klinisk farmasi Vurdering Komiteen meiner at kjerneområda dekkjer det eit mastergradsstudium i farmasi lyt innehalda. Kjerneområda svarar til dei områda som er vanlege internasjonalt og fyller dei krava som er stilte i Directive 2005/36/EC of the European Parliament and the Council of 7 September 2005 on the recognition of professional qualification. Section 7. Article 44. Training as a pharmacist. Komiteen meiner òg at kjerneområda, slik dei er formulerte, er logisk avgrensa. Komiteen saknar jamvel at det vert gjort tydelegare reie for i kva grad klinisk farmasi inngår i det nye kjerneområdet samfunnsfarmasi og klinisk farmasi, og meiner at det ikkje er vist i kva grad emne og/eller deira innhald er flytta frå eitt kjerneområde til eit anna, eller kva nytt som er kome til. Det er difor ikkje mogleg å gje ei komplett vurdering av i kva grad det faglege innhaldet speglar den logiske avgrensinga av kjerneområda. Komiteen meiner jamvel at dokumentasjonen er tilstrekkeleg til å slå fast at det finst ein plan der kjerneområda i studiet går fram. Konklusjon Den sakkunnige komiteen meiner at mastergradsstudiet i farmasi ved Institutt for farmasi, Universitetet i Oslo, no fyller dei krava som vert stilde i NOKUT si forskrift. Tilråding Komiteen spør seg kor mykje klinisk farmasi som inngår i kjerneområdet samfunnsfarmasi og klinisk farmasi, og meiner at UiT bør gjera dette tydelegare i sine plandokument. UiT bør grunngje emnefordelinga mellom desse kjerneområda. Det er naudsynt med ei vesentleg forbetring av omtala av korleis studiet er organisert på vevsidene, med særskilt vekt på dei endringane som nyleg er vortne gjort. 7

8 2-2 (3) Institusjonen skal ha et stabilt fagmiljø knyttet til studiet. 4. Institusjonen skal ha ansatte i hovedstilling innenfor studiets kjerneområde(r). Omtale På bakgrunn av den tolkinga den sakkunnige komiteen gjorde i fase 1 i revideringa har UiT gjort reie for kva fagpersonale som høyrer til under dei ulike kjerneområda (sjå òg kapittel 3.1 Komiteen si forståing av mandatet). I informasjonen og dokumentasjonen av 5. oktober 2009 gjer UiT reie for korleis personalressursane er fordelt mellom og innanfor dei ulike kjerneområda. Vurdering Den sakkunnige komiteen meiner at UiT si redegjering viser at det no er tilsette med hovudstilling ved institusjonen, som har høg formell akademisk kompetanse, relevant fagleg bakgrunn og yt vesentlige bidrag i undervisning og rettleiing innanfor alle kjerneområda. Konklusjon Mastergradsstudiet i farmasi ved Universitetet i Tromsø fyller krava som vert stilde i NOKUT si forskrift. 8

9 5. Konklusjon Ved revidering i fase 2 med utvida frist har den sakkunnige komiteen funne at krava i forskrifta til NOKUT 2-2 (2) nr. 2 og 2-2 (3) nr. 2 er fylde. 9

10 6. Appendiks 5.1 Mandat for den sakkunnige komiteen Revidering av akkrediterte mastergradsstudium i farmasi, oppfølging av vedtak Oppgåva til den sakkunnige komiteen er heimla i Lov om universiteter og høyskoler av 1. april 2005 og Kunnskapsdepartementet si forskrift om akkreditering, evaluering og godkjenning etter Lov om universiteter og høyskoler av 8. september 2005 å: 1) Vurdera om mastergradsstudiet i farmasi ved Universitetet i Tromsø tilfredsstiller NOKUT sine standardar og kriterier i samsvar med styret til NOKUT sitt vedtak av 5. oktober ) Gje rapport til NOKUT. Det formelle vurderingsgrunnlaget til komiteen er: Forskrift om standarder og kriterier for akkreditering av studier og kriterier for akkreditering av institusjoner i norsk høgre utdanning vedtatt av NOKUT 25. januar Vurderinga til komiteen finn grunnlag i fylgjande materiale: Den nye rapporteringa frå institusjonen med tilhøyrande dokumentasjon, og anna relevant skriftleg materiale som NOKUT og/eller komiteen finn naudsynt for vurderinga Rapporten frå sakkunnig komité frå 6. juni 2007 Tilleggsvurderinga frå sakkunnig komité frå 3. oktober Vedtak frå styret til NOKUT frå 5. oktober Oppdraget er avslutta når NOKUT har fatta vedtak. 10