Fylkesrådet for funksjonshemma i Hordaland vart etter vedtak i fylkesutvalet oppretta som ei friviljug ordning frå

Transkript

1 HORDALAND FYLKESKOMMUNE Organisasjonsavdelinga Personalseksjonen Arkivsak Arkivnr. 015 Saksh. Hillestad, Dagmar Reutz Saksgang Rådet for menneske med nedsett funksjonsevne Møtedato ÅRSMELDING 2008 Innleiing Fylkesrådet for funksjonshemma i Hordaland vart etter vedtak i fylkesutvalet oppretta som ei friviljug ordning frå Frå vart kommunar og fylkeskommunar ved lov av 17. juni 2005 pålagt å oppretta råd eller anna representasjonsordning for menneske med nedsett funksjonsevne. Fylkestinget vedtok under tingseta 16. oktober 2007 at fylkeskommunen skal ha eige råd for menneske med nedsett funksjonsevne. Det vart også i same møte gjort vedtak om å endre namnet til Rådet for menneske med nedsett funksjonsevne i Hordaland. Lova opna også for ein del endringar sett i høve til tidlegare veiledande retningsliner. Fylkestinget vedtok i sak 59/07 fylgjande reglement for rådet: gi fråsegn til forslag til økonomiplan og årsbudsjett gi fråsegn til fylkesplan og til fylkesdelplanar med verknad for menneske med nedsett funksjonsevne gi fråsegn til saker som fylkeskommunale organ legg fram for rådet ta del i arbeid med planprogram og konsekvensutgreiingar etter plan- og bygningslova, som gjeld fylkeskommunal verksemd

2 ta del i planprosessar vedkomande fylkeskommunale bygg (nybygg og ombygging) Rådet kan på eige initiativ ta opp saker som er relatert til fylkeskommunal verksemd. Rådet skal ikkje handsama saker som gjeld enkeltpersonar. Rådet skal kvart år leggja fram for fylkestinget melding om verksemda si, jfr. lova 8 jfr. 7. Funksjonstida for rådet er 4 år og fylgjer fylkestingsperioden. For valperioden har rådet 7 medlemar - 3 politiske representantar frå dei tre hovedutvala samferdsle, kultur og ressurs og opplærings- og helseutvalet. 4 representantar kjem frå organisasjonane for funksjonshemma der FFO er representert med 3 og SAFO med 1 medlem. Medlemane i rådet har personlege varamedlemar. For valperioden har rådet slik samansetjing: Leiar: Anita Garlid Johannessen, Frp Nestleiar: Kjell Søvik, FFO Faste medlemar: Frå fylkeskommunen: 1. Anita Garlid Johannessen Frp 2. Cathrine Elisabeth Schjelderup H 3. Benthe Bondhus Sp Frå organisasjonane: 1. Kjell Søvik FFO 2. Olav Aag FFO 3 Anne-Britt H. Johannessen FFO 4. Harald Norheim SAFO Varamedlemar: Frå fylkeskommunen: 1. Ottar Tangen Frp 2. Ingebjørg Winjum V 3. Aud Karin Oen SV Frå organisasjonane: 1. Elna Lappegård FFO 1. Britt Ervik Bruland FFO 1. Paul Magne Mariussen FFO 1. Tore Eugen Hansen SAFO 2

3 Arbeidsutval Rådet for menneske med nedsett funksjonsevne har valt å å videreføre ordninga med arbeidsutval for valperioden Utvalet er samansett av leiar og nestleiar, og frå administrasjonen møter rådet sin møtesekretær. Arbeidsutvalet har sine møter mellom dei ordinære møta i rådet, etter ein fastsett møteplan. Budsjett Rådet sitt budsjett for 2008 var kr ,- Innafor dette budsjettet har rådet gjennomført rådsmøter, arbeidsutvalsmøter og delteke på den årlege landskonferansen for fylkeskommunale råd. Rådet sin økonomi gjer det mogeleg å arrangera samlingar og høve til å kunne delta på eksterne konferansar og møter, noko som gjev gode innspel og som har ein svært positiv effekt på arbeidet. Informasjonsutveksling i slike fòra er også ein viktig del av arbeidet i rådet. Sekretariat Rådet sitt sekretariat er administrativt knytta til organisasjonsavdelinga. i fylkeskommunen. Løns- og personalkostnader for sekretariatet er lagt inn i personalseksjonen sitt budsjett og vert ikkje belasta rådet sine budsjettmidlar. Rådet har felles sekretariat med fylkeseldrerådet. Budsjettansvar for rådet er lagt til økonomiavdelinga. Møter og saker i rådet Vanlege møter: Det vart i 2008 halde 7 ordinære møter januar, 11. mars, 14. april, 20. mai, 9. september, 9. oktober og 10. november. På dei ordinære møta har rådet behandla 26 saker og 47 meldingar. Rådet sine møter vert lagt inn på den fylkeskommunale møtekalendaren med møtesaker og møtebøker tilsvarande dei politiske utvala i fylkeskommunen. Nettside for rådet for menneske med nedsett funksjonsevne under fylkeskommunen sin nettportal Det er oppretta ei eiga nettside med opplysningar om rådet under fylkesportalen og med linkar bl.a. til Statens råd for likestilling av funksjonshemma, Delta-senteret, ulike departement og organisasjonar som FFO og SAFO. Her vil ein også finna rapportar utarbeida av rådet, årsmeldingar m.m. Konferansar og seminar Opplæringskonferanse for fylkeskommunalt og kommunale råd i fylket Rådet har i fleire år invitert til samling for dei kommunale råda i fylket. Det vart i 2008 invitert til ei oppstartsamling for nye råd i Bergen 1. april. Vel 80 representantar frå kommunale råd, administrativt tilsette og politikarar frå 20 av kommunane i fylket deltok. I tillegg til Lov om råd for menneske med nedsett funksjonsevne var forvaltningslov, offentleglov, kommunelov og plan- og bygningslova viktige tema. Arbeidet med universell utforming i kommunar og fylkeskommunar og kva dette inneber for rådet sitt arbeide var hovudtema. 3

4 Årskonferansen for fylkesråda for funksjonshemma Rådet for menneske med nedsett funksjonsevne i Hordaland deltok på landskonferanse for dei fylkeskommunale råda i Drammen i tida april. Dette er ein årleg konferanse der Statens råd for likestilling av funksjonshemma (tidlegare Statens råd for funksjonshemma) samarbeider med ein fylkeskommune om arrangementet. Buskerud var vertskapsfylke i Ei slik samling er eit viktig møtepunkt for rådsmedlemane for å utveksla informasjon og delta i drøftingar kring arbeidet i fylkesråda. Rådet ser det såleis som særs nyttig at flest mogleg av representantane har høve til å delta. Frå Hordaland deltok Anita Garlid Johannessen, Kjell Søvik, Harald Norheim, Olav Aag, Anne-Britt H. Johannessen, Cathrine Elisabeth Schjelderup og Dagmar Reutz Hillestad. Andre møter/samlingar Arbeidsseminar og samlingar - vidaregåande skular i Hordaland Rådet for menneske med nedsett funksjonsevne har gjennom 2008 hatt eit nært og godt samarbeid med eigedomsseksjonen i fylkeskommunen i samband med planprosessar vedkomane fylkeskommunale bygg nybygg og ombyggingar. Samarbeidet har særleg vore retta mot Helleren/Amalie Skram, Nordahl Grieg, Kvinnherad, Osterøy og Austevoll vidaregåande skular. Det har vore fleire møter mellom seksjonen og rådet/arbeidsutvalet. På eit arbeidsseminar 22. mai som særleg var retta mot Helleren, den nye vidaregåande skulen og hovedanlegget for svømme- og stupeanlegg i Bergen sentrum, møtte Kjell Søvik, Cathrine Elisabeth Schjelderup, Tore Eugen Hansen og Dagmar Reutz Hillestad. Eit tilsvarande seminar vart arrangert 19. november på Olsvikåsen vidaregåande skule. Arbeidsseminar og samlingar - samferdsle I samband med oppgradering av bussterminalane i Åsane, Loddefjord og Knarvik vart det arrangert arbeidsseminar i Åsane 23. september. Frå rådet deltok Harald Norheim, Kjell Søvik og Tore Eugen Hansen. I tillegg deltok Dagmar Reutz Hillestad frå sekretariatet. Elektronisk billettering I samband med nytt elektronisk billetteringssystem for kollektivtrafikken som er under utarbeiding, vart det opprette delprosjekt m.a. for Internett. Helen Aareskjold og Christian Jensen har vore rådet sine representantar i dette prosjektet. Dette arbeidet vart avslutta til 1. juli Samarbeid med Statens Vegvesen Representanten Harald Norheim har vore rådet sin superbrukar ved befaring/evaluering av Statens Vegvesen, Bergen distrikt, sitt arbeid med universell utforming av gangfelt. Kulturløype eit samarbeidsprosjekt mellom Fjell kommune og fylkeskommunen Representanten Olav Aag har møtt som rådet sin representant i prosjektgruppa. Dette arbeidet vert truleg vidareført i

5 Folkehelsekonferanse i Bergen mars Leiar Anita Garlid Johannessen og nestleiar Kell Søvik deltok på folkehelsekonferansen som Fylkesmannen i Hordaland og fylkeskommunen inviterte til i Magnus Barfot-senteret. Tettstadkonferansen april Nestleiar Kjell Søvik og rådgjevar Dagmar Reutz Hillestad deltok på samlinga Den inkluderande staden i Eidfjord. Inneklimakonferanse på Beitostølen Nestleiar Kjell Søvik deltok på inneklimakonferansen som Norges Astma- og Allergiforbund arrangerte på Beistostølen. Universell utforming og statsforvaltningen Anita Garlid Johannessen, Kjell Søvik og Dagmar Reutz Hillestad deltok på konferansen i Oslo 10. oktober. Rådet har gjeve fråsegner i fylgjande saker: Årsbudsjettet for fylkeskommunen Prioritering av søknader av BRA-midlar i Hordaland Fylkesdelplan fysisk aktivitet, idrett og friluftsliv Nasjonal Transportplan Utkast til rikspolitiske retningslinjer for universell utforming Forskrift om universell utforming av transportmidlar på veg Plan for tilpassa opplæring og spesialpedagogiske tiltak Transport for funksjonshemma tilbaketrekkingav ubrukt kvote 1. halvår Rådet har motteke informasjon frå ulike avdelingar i fylkeskommunen i aktuelle rådssaker m.a. om partnarskap for folkehelse, konkurranseutsetjing av bussruteproduksjon, elektronisk billettering, samferdsle og universell utforming. Møte med Skyss -Oddmund Sylta og Karl Inge Nygård der rådet fekk ei generell orientering om selskapet, billetteringssystemet og dei like rutepakkane som er tildelt, framtidige rutepakkar, rutestruktur m.m. Orientering om retningslinjene i transportordninga for funksjonshemma v/merete H. Nordnes. Informasjon frå samferdselsavdelinga når det gjeld status og framdrift i arbeidet med oppgradering av Åsane terminal og terminalområdet på Nonneseter/Bystasjonen. Representantar frå rådet har i tillegg delteke i arbeidsgrupper i omtala prosjekt. Universell utforming som regional utfordring og moglegheit for fylkeskommunen til å søke om status som pilotfylke v/guidrun Mathisen 5

6 Presentasjon av det registreringsarbeidet som eigedomsseksjonen har gjennomført ved dei vidaregåande skulane i fylket med omsyn til tilgjenge, inneklima m.m. Eigedomssjef Helge Haavardtun, prosjektleiar Ragnhild Aak Skajaa og overarkitekt Kjell Johan Brun orienterte. Saker som særleg opptek rådet for menneske med nedsett funksjonsevne Fylkesdelplan Deltaking for alle - universell utforming - igangsetting, oppfølgjing av tiltak i planen, arbeid med universell utforming generelt Tilgjenge ved fylkeskommunale bygg/vidaregåande skular i fylket Følgjekort/ledsagerbevis for funksjonshemma ved kultur- og fritidsarrangement Transportordninga for funksjonshemma Sluttord Året 2008 har vore eit godt arbeidsår for Rådet for menneske med nedsett funksjonsevne i Hordaland. Ein har handsama saker på ei rekkje område, særleg viktig er oppfølging av fylkeskommunale saker, og ein ser at ein etter kvart vinn igjennom med innspel og fråsegner. Korte tidfristar er framleis eit problem for å få sakene tidsnok behandla i rådet. Mange av sakene som er handsama i 2008 vil bli følgde opp i 2009, og rådet har stor breidde i dei sakene ein engasjerer seg i. Rådet for menneske med nedsett funksjonsevne ynskjer å ha nær kontakt med den politiske og administrative leiinga i fylkeskommunen. Rådet er oppretta av fylkestinget som eit rådgjevande organ og har eit klart mandat for sitt arbeide. Rådet innehar brei erfaringskompetanse og kan med fordel nyttast i endå større grad som eit rådgjevande organ i saksførebuingar. FORSLAG TIL AVGJERD Det framlagde forslag til årsmelding frå sekretariatet vert godkjent som rådet for menneske med nedsett funksjonsevne i Hordaland si årsmelding for Dagmar Reutz Hillestad 6