Innkalling til rådsmøte

Transkript

1 Til ordførarane og rådmennene i kommunane: Fyresdal, Kviteseid, Nissedal, Seljord, Tokke og Vinje. 6. november 2017 Innkalling til rådsmøte Stad: Best Western Karl Johan Hotell, Oslo (Karl Johans gt 33) Dato: Tysdag 14. november 2017 Kl. slett: Rådsmøtet finn denne gongen stad på Best Western Karl Johan Hotell i forkant av avtalt møte med Telemarksbenken på Stortinget. Rådet vil ha ein gjennomgang av dei oppsette sakene til Telemarksbenken samt drøfte forslag til sakliste for det komande møtet i Vest-Telemarktinget 5. desember. Det er vidare utarbeidd forslag til delegeringsreglement for Vest-Telemarkrådet. Vi minner også om representantskapsmøte i Vest-Telemark PPT IKS rett i etterkant av rådsmøtet, samt møtet med KLP neste dag. For ordens skuld viser vi også til den tidlegare utsendte invitasjonen gjeldande møtet med Telemarksbenken 14. november kl Vi ynskjer velkomen til gode møter i Oslo! Venleg helsing Vest-Telemarkrådet Erik Skjervagen (sign) Regionordførar Mobil: Kjell Gunnar Heggenes Regionrådsleiar E-post: kgh@vest-telemark.no Web: Bank: Adresse: Kviteseidgata KVITESEID

2 Vest-Telemarkrådet Rådsmøte 14. november 2017 Sakliste til rådsmøte 14. november 2017 Sak 45/2017 Referat frå rådsmøte 10. oktober 2017 Sak 46/2017 Forslag til delegeringsreglement Vest-Telemarkrådet Sak 47/2017 Saker til møte med Telemarksbenken, gjennomgang Sak 48/2017 Forslag til sakliste for møtet i Tinget 5. desember Sak 49/2017 Orienteringssaker/Ymse

3 Vest-Telemarkrådet - Referat frå rådsmøte 10. oktober Tilstades: Regionordførar Erik Skjervagen, John Rikard Kleven, Halvor Homme, Halfdan Haugan, Tarjei Gjelstad, Jarand Felland, Ketil Kiland, Sverre Sæter og Øystein Tveit. Frå adm møtte Ole Dalen og Kjell Gunnar Heggenes. Møteinnkalling og sakliste vart samrøystes godkjent. Sak 29/2017. Referat frå rådsmøte 22. august Vedtak: Referat frå rådsmøte 22. august 2017 vart samrøystes godkjent. Sak 30/2017. Barnehageplass i andre kommunar, tilbakemelding frå Rådmannsutvalet. I tråd med tidlegare vedtak låg det føre forslag til avtaler for både barnehage og skule. Leiar av rådmannsutvalet, Sverre Sæter, orienterte nærare om saken. Etter drøfting vart det klårlagt at ikkje alle kommunane finn grunnlag for å slutte seg til avtalene, og at dette må vera opp til kvar enkelt kommune. Vedtak: Vest-Telemarkrådet tek orienteringa til vitande. Sak 31/2017. Oppretting av valnemnd i brannvernsamarbeidet - oppmoding frå Rådmannsutvalet. Rådmannsutvalet hadde meldt inn sak om oppretting av valnemnd i Brannvernsamarbeidet. Ketil Kiland orienterte nærare om bakgrunnen for saken der han mellom anna viste til at heile noverande styre har trekt seg frå styreverva i selskapet. Det vart imidlertid opplyst at det noverande styret blir sitjande til nytt styre er valt. I samband med drøftinga av saken vart det vist til rådsmøtet i mars i år der ein vedtok at ordførarane skal fungere som valkomite for fylgjande 3 selskap: Renovest, Vest-Telemark kraftlag og Vest- Telemark Brannvesen, samt at leiar av rådmannsutvalet skal vera sekretær for valkomitèen. Vedtak: Vest-Telemarkrådet viser til vedtaket gjort 14. mars 2017, og legg opp til at ordførarane møtest for nærare drøftingar omkring nytt styre i brannvernsamarbeidet. Sak 32/2017. Telemark Næringshage, orientering v/styreleiar og dagleg leiar. Dagleg leiar Eirik Håskoll Næss var tilstades og orienterte nærare om Telemark Næringshage. Næringshagen er i dag på nivå 2 i SIVA-systemet og ein ynskjer opprykk til nivå 3, noko som krev kr ,- i auka aksjekapital. Næringshagen arbeider for å bli aktør med levereranser til heile Telemark, og har i dag 33 målbedrifter. Generalforsamlinga har bedt dagleg leiar sette igang ein prosess for å identifisere moglege strategiske eigarar. Både kommunar og private vil bli invitert til å gå inn i selskapet, der grensa er 49% offentleg eigarskap. Fylkesvaraordførar Hans Edvard Askje, som var tilstades i møtet, signaliserte at han oppfattar dette som eit viktig grep for å samle meir krefter i næringshagane. Det kom tydelege signal i møtet om at selskapet bør rette direkte invitasjon til kvar enkelt kommune. Vedtak: Vest-Telemarkrådet tek orienteringa til vitande.

4 Sak. 33/2017 Justert budsjett Det låg føre forslag til justert budsjett 2017, og Ole Dalen orienterte nærare om forslaget. Det ordinære driftsbudsjettet er på kr Totalt budsjett inklusiv prosjektfinansiering er , noko som er mindre enn opprinneleg budsjett. Etter eit kort ordskifte vart det gjort slikt vedtak: Vest-Telemarkrådet godkjenner det framlagte forslaget til justert budsjett Samrøystes vedtak. 2 Sak 34/2017. Forslag til arbeidsprogram Det låg føre forslag til arbeidsprogram for perioden Forslaget vidarefører dei 4 målsettingane med nokre mindre endringar innafor tiltak. Forslaget inneheld også ei overordna målsetting om å auke nettverksbygginga og påverknadsarbeidet i høve til regionens interesser. Etter ordskifte vart det gjort slikt vedtak: Vest-Telemarkrådet godkjenner det framlagte forslaget til arbeidsprogram for 2-årsperioden Forslaget leggast fram for endeleg handsaming i Vest-Telemarktinget 5. desember Samrøystes vedtak. Sak 35/2017. Forslag til møtekalender Det låg føre forslag til møtekalender 2018 for Vest-Telemarkrådet med tysdag som møtedag og same antal møte pr år. Etter ordskifte vart det gjort fylgjande endringar: - Vest-Telemarkkonferansen 2018 vert lagt til onsdag 31. januar. - Datoen for mai-møtet rettast frå 21. til 22. mai - For å unngå kollisjon med haustferien vert alle møta frå og med september og til og med Tingmøtet i desember flutt ei veke. Vedtak: Vest-Telemarkrådet godkjenner det framlagte forslaget til møtekalender for 2018 med dei endringane som er nemnt ovanfor. Samrøystes vedtak. Sak 36/2017 Vest-Telemarkkonferansen 2018 innspel Vest-Telemarkkonferansen 2018 er planlagt å gå av stabelen 31. januar. Etter at mangeårig leiar Karl Torstein Hetland har gått av med pensjon har Ole Dalen overteke leiaransvaret. Det er danna ei arbeidsgruppe beståande av regionordførar Erik Skjervagen, representant for næringssjefane Elisabeth Lid, Olav A. Veum frå Vest-Telemark Næringsforum, samt Ole Dalen og Kjell Gunnar Heggenes frå Vest-Telemarkrådet. Gruppa foreslår at komande konferanse vert knytt til framtidsretta næringsutvikling i Vest- Telemark, og ber om innspel til "headliner", foredragshaldarar, og aktuelle næringsdrivande som kan inviterast til konferansen. I rådsmøtet kom fylgjande innspel til tema: - Dei strukturelle endringane i samfunnet - Datatryggleik/overvaking - Fritidsbustadene greier vi å dra nok nytte av desse? - Telemark fremst i det grøne skiftet Som innspel til hovudgjest kom det forslag på Jonas Gahr Støre og Trygve Slagsvold Vedum. Ein ynskjer å halde fram med innslag av unge forskarar og lokale bedrifter. Når det gjeld kulturinnslag vil ein ha fokus på unge lokale utøvarar.

5 3 Sak 37/2017. Forslag til budsjett Det låg føre forslag til budsjett Etter justering for prisvekst på 1,9 % inneber forslaget eit samla driftsbudsjett på 4,6 mill kroner og eit total budsjett på 7,88 mill kroner. Forslaget bygger også på arbeidsprogrammet for Etter ordskifte vart det gjort slikt vedtak: Vest-Telemarkrådet godkjenner det framlagte forslaget til budsjett 2018 med tanke på endeleg handsaming i Vest-Telemarktinnget 5. desember Etter signal frå fylkesmannen kort tid før rådsmøtet, er Vest-Telemarkrådet innvilga kr ,- i ekstra skjønnsmidlar som blir å innarbeide i budsjettforslaget til Tinget. Midlane skal nyttast innanfor arbeidet med digitalisering. Samrøystes vedtak. Sak 38/2017. Vannregion Agder, organisering og status. Orientering v/rådgjevar Ingrid Strande, Tfk. Rådgjevar Ingrid Strande frå Telemark fylkeskommune var invitert til rådsmøtet for å orienterte nærare om Vannregion Agder. Det er frå fylkeskommmunens side sett fram ynskje om meir og direkte kontakt med regionråda, og dette kom også fram på møtet. Strande orienterte om målsettinga med arbeidet og korleis dette er organisert. Det er mellom anna oppretta eit vannregionutval (VRU) der vår region er representert ved regionordførar. Det vart frå Strandes side også stilt spørsmål om kommunane føler seg tilstrekkeleg representert i arbeidet, kva for behov ein har for kontakt med vannregionmyndighetene samt invitasjon til å kome med innspel i samband med rulleringa av planprogrammet fram mot Avslutningsvis vart det peika på at det no ligg føre forslag til endringar i vannforskriftene, og at desse er sendt på høyring til kvar enkelt kommune. Vedtak: Vest-Telemarkrådet tek orienteringa til vitande. Sak 39/2017. Ny utgreiing om organiseringa av domstolane - kva med Vest-Telemark Tingrett og Øvre Telemark jordskifterett? Det låg føre henvending frå ordførar Tarjei Gjelstad i høve til nok ein gjennomgang av domstolorganiseringa. Ein kommisjon skal greie ut organiseringa av domstolane i landet, og legge fram si innstilling innan På denne bakgrunn låg det føre ynskje frå Gjelstad om at Vest- Telemarkrådet kjem fram til ei felles innstilling i saken og lagar ein plan for påverknadsarbeidet framover. Leiar av jordskifteretten, Svein Dag Midtsund, var tilstades og orienterte nærare om saken. Med jamne mellomrom har det frå sentralt hald kome forslag til strukturendringar innafor domstolorganiseringa, der eit hovudargument er å lage større og meir robuste domstoler. Denne gongen er det sett ned ein kommisjon som skal legge fram si innstilling innan august Kommisjonen består av 15 medlemer vesentleg frå dei store domstolane, og kommisjonen har mandat som peikar på at det er behov for endringar i domstol-strukturen. Vedtak: Vest-Telemarkrådet vil sette i verk eit arbeid i perioden fram mot 2020, der regionen ilag med andre gode krefter har som målsetting å behalde domstolane i Kviteseid. Saken blir i fyrste omgang å sette opp som tema til møtet med Telemarksbenken 14. november. Samrøystes vedtak.

6 4 Sak 40/2017. Rådsmøte/møte med Telemarksbenken 14. november Etter avtale med leiar Terje Aasland vil Vest-Telemarkrådet halde møte med Telemarksbenken på Stortinget 14. november i Oslo. Det planlagte rådsmøtet blir halde i forkant av dette møtet. Det låg føre forslag frå administrasjonen om eit opplegg tilsvarande mai-møtet i fjor, og eit ynskje om innspel til aktuelle saker. Etter drøfting gjorde Rådet fylgjande vedtak: Vest-Telemarkrådet ynskjer å drøfte fylgjande saker i møtet med Telemarksbenken: - Nærpolitireformen, herunder forslag til ny responstid-modell - Organisering av domstolane - E 134/Rv 36/Rv 41 - Telemark Kildevann AS, sak om tollstatsar - Kapitaliseringsrente - Vilkårsrevisjonen NVE Rådet sluttar seg til forslaget om å legge opp møta som i fjor, med overnatting og felles middag om kvelden. Sak 41/2017. Telemark Kildevann AS - sak om tollsatsar. Telemark Kildevann AS i Fyresdal strir med tollsatsar gjeldande eksport av mineralvatn til EU-land. Tollsatsene vert karakterisert som "arbeidsuhell" og skriv seg attende til Til grunn for handsaminga i møtet låg brev frå Bryggeri- og drikkevareforeningen adressert til landbruks- og matdepartementet, samt e-post frå dagleg leiar i Telemark Kildevann AS. Ordførar Erik Skjervagen orienterte nærare om saken. Vedtak:Vest-Telemarkrådet tek orienteringa til vitande og fører saken opp til nærare drøfting med Telemarksbenken 14. november. Sak 42/2017. Val av Regionordførar og regionvaraordførar - sak til Tinget: I tråd med vedtektene skal det veljast regionordførar og regionvaraordførar i møtet i Vest- Telemarktinget 5. desember. Som grunnlag for drøftinga i Rådet låg mellom anna referat frå forrige val og oversikt over regionordførarane/regionvaraordførarane i perioden Etter drøfting vart det gjort slikt vedtak: Vest-Telemarkrådet viser til oversikten for perioden , der rulleringa tilseier at det i komande 2-årsperiode er Vinje som står for tur til å ha regionordføraren medan det er Tokke sin tur til å ha regionvaraordføraren, og at dette danner grunnlaget for handsaminga i Tinget. Sak 43/2017. Orienteringssak - Bompengefinansiering av RV 36 Bø - Seljord. Til grunn for saken låg forslag til saksframlegg frå Telemark fylkeskommune samt fagleg grunnlag utarbeidd av Statens vegvesen. Regionrådsleiar orienterte kort om saken og ein gjorde slikt vedtak: Vest-Telemarkrådet ser dette som eitt av fleire viktige utbetringsprosjekt på E134/Rv36, og vil oppmode dei aktuelle kommunane om å gjera likelydande vedtak som grunnlag for handsaminga i fylkeskommunen og den vidare prosessen fram mot endeleg handsaming i Stortinget. Sak 44/2017. Ymse Ingen saker. Referent: Kjell Gunnar Heggenes

7 Vest-Telemarkrådet Rådsmøte 14. november 2017 Sak 46/2017 Forslag til delegeringsreglement Vest-Telemarkrådet Bakgrunn: I møte 15. oktober 2013 godkjende styret i Vest-Telemarkrådet forslag til delegeringsreglement. Til grunn for dette låg vedtektene samt endringsforslag handsama i rådsmøte 19. mars same år. Forslaget bygde også på delegeringsreglement for Kviteseid kommune, samt notat frå dåverande rådmann Per Dehli i samband med 27- samarbeid. Med utgangspunkt i dette legg no administrasjonen fram forslag til delegeringsreglement for Vest-Telemarkrådet. Dokumentet tar for seg både dei organisatoriske og økonomiske områda, samt dei gjeldande vedtektene for Vest-Telemarkrådet (VTR). Ein har som mål å samanstille dei styrande dokumenta og omfattar: Delegeringsreglement Økonomireglement Innkjøpsreglement Etiske retningsliner Arbeidsprogrammet til Vest-Telemarkrådet gjeld for to år, og vert ikkje lagt inn i dokumentet Delegeringsreglement Vest-Telemarkrådet. Det leggast opp til at delegeringsreglementet handsamast minst ein gong i kvar valperiode (kvart 4. år). Forslag til vedtak: Vest-Telemarkrådet godkjenner det framlagte forslaget til delegeringsreglement for Vest- Telemarkrådet, med tanke på endeleg handsaming i Vest-Telemarktinget 5. desember 2017.

8 Forslag til Delegeringsreglement for Vest-Telemarkrådet Dato: Politisk handsaming: Handsamast i Vest-Telemarkrådet: 14. November 2017 Handsamast i Vest-Telemarktinget: 5. Desember 2017 Vest-Telemarkrådet, Kviteseidgata 18, 3850 Kviteseid Org. nr:

9 Innhald Formål 3 Oppdateringar 3 Delegeringsrelement for Vest-Telemarkrådet 4 Organisering 4 Tinget 4 Rådet 4 Styret i Rådet 4 Regionordførar 4 Arbeidsutvalet 5 Administrativ leiing. 5 Regionrådsleiar 5 Prinsippa for delegering 5 Økonomireglement 7 1. Definisjonar 7 Budsjett 7 Disposisjonsfond (ubundne fond) 7 Bundne fond 7 Budsjettjustering 7 Meirforbruk 7 Merinntekter 7 2. Budsjettet 7 Vest-Telemarktinget 7 Regionrådsleiar 8 Prosjekt 8 Arbeidsprogram 8 3 Rapportering Rekneskap og rapportering til politisk nivå Årsrekneskap og årsrapport 9 4 Rapportering på vegne av andre kommunale selskap 9 5 Øvrig Kompetanse Internkontroll Fullmakt og signering 10 Innkjøpsreglement 11 Generelle prinsipp ved innkjøp 11 Etiske retningsliner 12 Vedtekter 14 Side 2 av 17

10 Bakgrunn for delegeringsreglementet Dokumentet omfattar både dei organisatoriske og økonomiske områda, samt dei gjeldande vedtektene for Vest-Telemarkrådet (VTR). Ein har som mål å samanstille dei styrande dokumenta og omfattar: Delegeringsreglement Økonomireglement Innkjøpsreglement Etiske retningsliner Arbeidsprogrammet til Vest-Telemarkrådet gjeld for to år, og vert ikkje lagt inn i dokumentet Delegeringsrelegment Vest-Telemarkrådet på grunn av at denne normalt har kortare levetid enn delegeringreglementet. Formål Formålet med delegeringsreglementet er å sikre at VTR planlegg, rapporterar og fylgjer opp tilfredsstillande ut frå trongen til samspel mellom politisk og administrativ leiing. Det skal også bidra til at ein har nadusynt kunnskap i VTR si administrative og politiske leiing om budsjettering, rapportering og oppfylgjing av vedtekne budsjett. Delegeringsreglementet skal bidra til ei effektiv og forsvarleg forvaltning i aktivitetane i VTR, halde god etisk standard og til eikvar tid etterleve gjeldande lover, forskrifter. Vest-Telemarkrådet fylgjer kommunelova med tanke på budsjett og rekneskapsrutiner. Oppdateringar Delegasjonsreglementet til VTR er ein del av verksemda sitt internkontrollsystem og skal være gjenstand for løpande oppdatering. Vest-Telemarktinget skal handsame reglementet i sin heilskap minst ein gong per valperiode. Styret i Rådet har ansvar for oppfylgjing og praktiseringa av reglane. Regionrådsleiar har ansvar for at oppdaterte versjonar av reglementet er lett tilgjengeleg gjennom eit eltronisk verktøy. Side 3 av 17

11 Organisering Delegeringsrelement for Vest- Telemarkrådet Vest-Telemarkrådet er regionalt samarbeidsorgan for kommunane Fyresdal, Kviteseid, Nissedal, Seljord, Tokke og Vinje. Samarbeidet vart etablert i 1993, men er fyrst formalisert som 27 - samarbeid i desember Samarbeidet har form som sjølvstendig rettssubjekt. Tinget Tinget, som er det øvste organet, er samansett av 4 representantar frå kvar kommune: Ordførar, varaordførar, 1 anna kommunestyremedlem og rådmannen. Det er oppnemnt personlege vararepresentantar. Tinget har etter vedtektene fylgjande ansvar: Rådet - Godkjenning av arbeidsprogram og budsjett - Godkjenning av årsmelding og rekneskap - Fastsetjing av godtgjering - Handsaming av vedtektsendringar - Val mellom anna av regionordførar og regionvaraordførar annankvart år - Andre saker etter vedtak i Rådet Rådet er samansett av dei 6 ordførarane i regionen med varaordførarane som personlege vararepresentantar. Ein av ordførarane vert formelt valt som regionordførar for 2 år i gongen, eit verv som går på omgang mellom desse. Rådet har normalt 8 9 møte pr år, og rådmennene har møte- og talerett i rådsmøta. Rådet er tillagt fylgjande ansvar: - dagleg drift i samarbeid med administrativ leiing - andre oppgåver etter vedtak Styret i Rådet Dei 6 ordførarane møtes med visse mellomrom som styre for 27-samarbeidet. Styret handsamar saker som gjeld drift og organisering og gjev føringar for dagleg leiar, herunder stillingsheimlar og økonomiske fullmakter. Dei har også ansvar for oppfylgjing og praktisering av delegeringsreglementet. Regionordførar Regionordførar har fylgjande oppgåver: - Leie møta i Råd og Ting - Fylgje opp gjennomføringa av vedtak gjort i Råd og Ting - Inneha arbeidsgjevarfunksjonen i høve til rådsadministrasjonen Side 4 av 17

12 Arbeidsutvalet Arbeidsutvalet (AU) er samansett av regionordførar, regionvaraordførar, leiar av rådmannsutvalet samt regionrådsleiar. Arbeidsutvalet har som ansvar å drøfte aktuelle saker og fastsette sakliste til rådsmøta. Administrativ leiing. Dagleg leiar (regionrådsleiar) vert tilsett av Rådet. Det er i møte 13. mars 2013 vedteke nærare prosedyrer for arbeidet i Vest-Telemarkrådet, med organisasjonskart, saksgang og arbeidsoppgåver. Det vert også utarbeidd 2-årige arbeidsprogram med nærare definerte mål og tiltak. I samband med verksemda i Rådet er det signalisert ynskje om å nedfelle eit delegeringsreglement i høve til regionrådsleiar, der mandat og ansvar er tydeleg klårlagt. Regionrådsleiar Regionrådsleiar har som oppgåve å organisere rådsmøta og gjennomføre vedtak gjort i desse, herunder: - Arbeide aktivt i høve til politikarane i regionen - Utarbeide uttaler frå regionen - Drive med informasjonsarbeid, gjerne gjennom dialog med formannskapa og kommunestyra - Samspele med rådmannsutvalet, herunder delta i rådmannsmøta - Har rolle i høve til andre regionale samarbeidstiltak - Stå som prosjektansvarleg for aktuelle prosjekt - Tilsette moglege medarbeidarar og prosjekttilsette etter heimlar gjeve av styret - Søkje å spele på lokal og regional kompetanse ved kjøp av tenester - Stå for dagleg drift - Utføre faste administrative oppgåver: sekretariatsarbeid, IKT-koordinering, søknader regionale tiltak, bidrag til regional utvikling, skjønnsmiddelbruk, felles etablererteneste, informasjon og relasjonsbygging i samband med val, vertskap for næringskollegiet, deltaking i aktuelle politiske og administrative møte. Regionrådsleiar skal vidare halde seg orientert og fylgje med på saker som vedkjem regionen innafor fylgjande område: - Infrastruktur/samferdsel: veg, bane, breiband - Skulestruktur/skuletilbod - Næringslivets trong for arbeidskraft - Kultur - Telemarkskanalen - Annan statleg/fylkeskommunal aktivitet Prinsippa for delegering Delegering inneber at nokon (x) med avgjerdsrett gjev ein annan (y) avgjerdsrett av same art som ein har sjølv. Ei delegering frå x til y inneber likevel ikkje at x misser sin eigen avgjerdsrett. Det formelle ansvaret kan ikkje delegerast. Y gjer vedtak på vegne av x og har ikkje det formelle ansvaret, men har ansvaret i høve til x. For at ei delegering skal vera lovleg, må visse kriteria vera oppfylt: - Det må ligge føre høve til å delegere avgjerdsretten - Delegeringa må gjevast til nokon som er kompetent til å ta imot slik avgjerdsrett - Delegeringsvedtaket må vera gyldig. Side 5 av 17

13 Delegert avgjerdsrett skal utøvast: - I medhald av gjeldande lovar, forskrifter og i samsvar med dei sakshandsamingsreglane som fylgjer av lov, forskrift og god forvaltningsrett - Lojalt og i samsvar med retningsliner gjeve av overordna organ/person - Innafor dei plan- og budsjettrammer som er gjeve Overordna organ kan: - Når som helst trekke attende ei gjeven delegering - Krevje å få lagt fram for seg ei sak som eit underordna organ har til handsaming i medhald av delegert avgjerdsrett - Krevje å få overta handsaminga av, og fatte vedtak i einskildsak som eit underordna organ har til handsaming i medhald av delegert avgjerdsrett Side 6 av 17

14 Økonomireglement 1. Definisjonar Det nyttast ulike begrep i økonomireglementet og nedanfor fygjer definisjonar av desse: Budsjett Hovudoversikt som syner VTR sine forventa inntekter, utgifter, bruk av avsetningar samt avsetningar i året. Disposisjonsfond (ubundne fond) Gjeld frie avsetningar i rekneskapet for bruk i seinare periodar. Kan være avsetningar knytt til prosjekt eller avsetningar til andre ynskte formål. Bundne fond Avsetningar av øyremerka midlar i rekneskapen for bruk til dette føremålet i seinare periodar. Budsjettjustering Omdisponering av midlar frå eit føremål til eit anna. Meirforbruk Forbruk utover vedtatt driftsbudsjett og vedtatt ramme for prosjektet. Merinntekter Inntekter utover vedtatt driftsbudsjett og vedtatt ramme for investeringsprosjektet. 2. Budsjettet Vest-Telemarktinget 2.1. Vest-Telemarktinget skal innan årets utgang, vedta budsjettet for drift og aktivitet i regi av VTR for kommande år Endringar utover vedteke budsjett skal handsamast av Vest-Telemarktinget med dei unntak av fullmakter i punkt Endringar innanfor budsjettramma kan gjerast av regionrådsleiar og av det respektive styret i det aktuelle prosjekt eller styret i tråd med delegerte fullmakter så lenge det ikkje strir mot mål, prioriteringar og føresetnadar som ligg til grunn i Vest-Telemarktingets budsjettvedtak Rådet disponerer disposisjonsfond, grunnfond og tilleggsbevilgningar. I saker knytt til bruk av desse, skal det alltid opplysast om saldo på budsjettposten etter at disponeringa er foretatt. Side 7 av 17

15 Regionrådsleiar 2.5. Regionrådsleiar utarbeider samla budsjettforslag. Regionrådsleiar er ansvarleg for løpande kontroll av den økonomiske utviklnga, herunder rapportering til styringsgrupper, Rådet og Vest- Telemarktinget Regionrådsleiar har høve til å gjere omdisponeringar innanfor dei vedtekne budsjettrammene. Dette gjeld når det er innanfor vedtekne arbeidsprogram, og ellers ikkje strir mot mål, prioriteringar og føresetnad som ligg til grunn i Vest-Telemakrtingets budsjettvedtak. Prioriteringane skal grunngjevast og leggast fram for Vest-Telemarktinget i sak om justert budsjett Regionrådsleiar har høve til å foreta tekniske justeringar innanfor budsjettramma, og gjer dette dersom det er vedteke tiltak i Rådet eller i prosjektgrupper som omfattar økonomisk disponering Regionrådsleiar kan foreta naudsynte budsjettjusteringar som fylgje av organisasjonsendringar, endringar av administrative rutiner, prosjekt m.m. Det er føresett at: Endringane ikkje er i konflikt med mål og prioriteringar i budsjett eller andre politiske vedtak Endringane ikkje er av vesentleg betydning 2.9. På bakgrunn av føringar frå styret i Rådet, har Regionrådsleiar fullmakt til å opprette og legge ned faste stillingar og engasjement i henhold til arbeidsmiljølova Alle budsjettendringar som er gjort i henhold til delegeringsfullmakta, skal meldast med grunngjeving til rekneskapskontoret og revisor. Prosjekt Prosjektansvarleg (PA) i det enkelte prosjekt er ansvarleg for at ein gjennomfører arbeidet innanfor vedtekne budsjett, og at finansiering føreligg. Det er PA som kan stoppe/omdisponere midlar og må vurdere om dette er i tråd med mandat og vedteken prosjektplan og eventuelle føringar frå finansieringskjelder om ikkje anna er avtalt. Slike endringar skal meddelast styringsgruppa/prosjekteigerane, eventuelt takast opp til rådføring. Arbeidsprogram Vest-Telemarktinget vedtek to-årig arbeidsprogram. Arbeidsprogrammet er førande for budsjettarbeidet og øvrig prioritering av aktivitet i regi av VTR, og er eit viktig verktøy for å styre aktiviteten og vurdere måloppnåing frå arbeidet. 3 Rapportering 3.1 Rekneskap og rapportering til politisk nivå Det er utarbeidd fylgjande årshjul for økonomirutiner og rapportering i Vest-Telemarkrådet: Dato Aksjon Forklaring 15. januar Rapportering til Fylkesmannen VTR administrasjonen har ansvar for å rapportere. 15. januar Brønnøysundregisteret Oppdatering 1. februar Søke skjønnsmidlar VTR administrasjonen har ansvar for å søke. Side 8 av 17

16 Dato Aksjon Forklaring 10. februar 15. februar Fristen for å søke moms kompensasjon Avlagt årsregnskap og årsberetning Revisor skal attestere og gå gjennom alle bokførte bilag før dette. Styret skal ha dette lagt fram, mellom 15. feb og 15. april 15. februar Rapportering til KOSTRA Sendast inn frå rekneskapssystemet. 31. mars Årsberetning Skal leverast til revisjon 31. mars. 1. april Sikre overføring av Skjønnsmidler Fylkesmannen overfører midlane til kommunen. 1. april Sende krav til kommunane Fylgjer avtale med i TUF 31. mars Rapportering til TUF Rapport i høve til avtalt ramme på drift i VTR. 15. mai Rekneskapsgjennomgang Samspel mellom VTR og rekneskapskontor. 15. september sept - oktober Rekneskapsgjennomgang Justering av budsjett Samspel mellom VTR og rekneskapskontor. Justere budsjett på hausten. oktober Utbetaling av godgjersle Påminning: til reg. ordførar / varaordførar. 10. november Budsjett Handsamast i Tinget sitt siste møte før jul. 15. november Rekneskapsgjennomgang Samspill mellom VTR og rekneskapskontor Årsrekneskap og årsrapport VTR skal utarbeide årsrekneskap og årsrapport i tråd med kommunelovas 48. Tidsfrister framgår av årshjul for økonmirutiner (sjå punkt 3.1). 4 Rapportering på vegne av andre kommunale selskap VTR kan, om det er ynskjeleg, rapportere i kommunestyra frå andre regionale selskap der kommunane er eigarar. Dette skal skje i samspel med leiar av det/dei aktuelle sekskap/selskapa, og settast i verk etter vedtak i Rådet. Side 9 av 17

17 5 Øvrig 5.1. Kompetanse Regionrådsleiar har ansvar for at medarbeidarar har rett kompetanse i høve til lover, forskrifter, reglement, rutiner og datasystem, og nytter vektøy og system for å løyse sine respektive oppgåver på ein forsvarleg og god måte. Det skal gjevast opplæring til nye medarbeidarar før dei får fullmakt og ansvar på økonomiområdet. Det overodna ansvaret for VTR sin økonomi ligg på Vest-Telemarktinget. 5.2 Internkontroll Regionrådsleiar har ansvar for kvalitetskontrollsystem som stør opp om god kvalitet og kontroll, og som hindrar mislegheitar i andre ikkje ynskte hendingar. 5.3 Fullmakt og signering Regionrådsleiar har fullmakt til å signere avtaler for VTR sine anskaffingar med attestasjon- og anvisning, og kan delegere desse. Det er føresett at anskaffinga er i tråd med øvrige punkt i økonomireglementet. Side 10 av 17

18 Innkjøpsreglement Reglementet skal sikre at alle anskaffingar i VTR vert gjennomført i henhold til lov og forskrift om offentlege anskaffingar (LOA). Regionrådsleiar er ansvarleg for å gjennomføre alle anskaffingar innanfor vedtekne budsjett. I dette ligg det også ansvar for at anskaffinga vert gjennomført i henhold til dette reglementet. Regionrådsleiar skal sjå til at ein har eller knytt til seg innkjøpsfagleg kompetanse for gjennomføring av innkjøp. Fullmakter og rett til å signere avtaler fylgjer punkt 5.3 i økonomireglementet. Generelle prinsipp ved innkjøp Konkurranse - alle anskaffingar skal i utgangspunktet utsettast for konkurranse. Likebehandling - alle skal behandlast likt ingen skal forfordelast. Forutsigbarhet - prosessen må gjennomførast slik det er sagt at den skal gjennomførast. Gjennomsiktighet - det må være åpenhet om alt som gjerast. Etterprøvbarhet - heile prosessen må dokumenterast slik at ettertida kan sjå korleis den er gjennomført. Etikk - alle anskaffingar skal gjennomførast i høve til VTR sine etiske retningsliner. Side 11 av 17

19 Etiske retningsliner Føremålet med VTR sine etiske retningsliner er å sikre ein god etisk praksis og definere felles standard for folkevalde og tilsette i VTR. Dei etiske retninglinene har sitt utspring i allmenngyldige etiske verdiar og normer som til dømes rettferd, lojalitet, ærleghet, pålitelegheit, sannferd og at ein skal te seg mot andre slik ein sjølv ynskjer å bli behandla. Kommunane i regionen Som fellesorgan for seks kommunar, pliktar VTR og den einskilde tilsette å ta omsyn til kommunane sine interesser, tilstrebe likehandsaming og opptre med respekt ovanfor alle som arbeider eller er knytt til kommunane. Omdømme Den einskilde tilsette og folkevalde pliktar å utføre sine oppgåver og opptre utad på ein etisk forsvarleg måte, og slik at det ikkje skader regionens omdømme. Som tilsett eller folkevald må ein være merksam på at ein også i private samanhenger kan bli oppfatta som representant for Vest- Telemarkregionen og VTR. Ved bruk av sosiale medier skal tilsette og folkevalde vise respekt for sine kolleger og arbeidsgjevar både i form og innhald på det som publiserast. Tilsette og folkevalde skal så langt det er mogleg syte for at alle varer og tenester VTR nyttar er produsert på ein etisk måte. Lojalitet Tilsette og folkevalde i VTR plikter å fylgje dei lover og regler som gjeld for Rådet som interkommunalt selskap, samt å etterkome pålegg frå overordna. Når ei avgjersle er teken iverksettast denne raskt og effektivt innanfor dei fastsette rammene, uansett kva dei aktuelle tilsette måtte ha av fagleg eller politisk oppfatning om avgjersla. Lojalitetsplikta medfører ikkje plikt til å fylgje pålegg om å gjere noko ulovleg eller uetisk. Det er viktig at tilsette lar seg engasjere i ein åpen, fri og allsidig dialog om samfunnsspørsmål i tråd med Grunnlovas bestemmelsar om ytringsfridom. Samstundes har VTR ein forventning til sine tilsette og folkevalde om at dette skjer på ein verdig og konstruktiv måte, og at den einskilde reflekterer rundt dilemmaer som kan oppstå i høve til lojalitetsplikta. Habilitet Tilsette og folkevalde skal unngå å kome i situasjonar som kan medføre konflikt mellom VTR sine interesser og personlege interesser. Dette kan også gjelde tilfelle som ikkje rammast av forvaltningslovas habilitetsbestemmelser. Openhet og varsling Offentlegheit og open diskusjon er ein føresetnad for eit velfungerande demokrati. VTR sine tilsette og folkevalde skal alltid bestrebe seg på å gje korrekte og tilstrekkelege opplysningar til innbyggarar, organisasjonar, selskap og andre myngdigheiter. Det er ein samanheng mellom kravet til åpenhet, lojalitet og plikta til å rapportere om uheldige høve i verksemda. Dei tilsette i VTR har rett og plikt til å varsle om fohold han eller ho vert kjent med som kan påføre arbeidsgjevar, tilsette eller omgivelsane tap eller skade. På den måten kan det iverksettast tiltak med sikte på å unngå eller begrense tapet eller skaden. Før varsling skjer, skal forholdet være forsøkt tatt opp internt. Det visast ellers til Arbeidsmiljølovas 2-4 og 2-5. Side 12 av 17

20 Forretningsmessige reglar All forretningsverksemd skal bidra til å nå dei mål VTR har for sin verksemd. Tilsette som deltar i VTR si forretningsmessige verksemd pliktar å sette seg grundig inn i, og etterleve lov og forskrift om offentlege anskaffingar (LOA) og forøvrig delegeringsreglementet i sin heilskap. Gåver og andre fordelar Tilsette og folkevalde i kommunen skal unngå personlege fordelar av ein art som kan påverke eller være egna til å påvirke handligar, saksførebuingar eller vedtak. Dette gjeld likevel ikkje gåver av ubetydeleg verdi, så som reklamematriell, blomster o.l. Gåver omfatter ikkje bare materielle gjenstander, men også andre fordeler feks i form av personlege rabattar med kjøp av varer og tenester. Tilsette og folkevalde skal ikkje ta imot fritidsreiser betalt av verksmeder, organisasjonar o.l. som dei har kontakt med på vegne av VTR. Tilsette og folkevalde i VTR skal ikkje som del av sitt arbeid/tillitsverv, gje eller tilby gåver eller andre fordelar som er egna til eller som er meint å påverke mottakarens handling. Representasjon høyrer med i eit samarbeidsforhold og informasjonsutveksling. Representasjon må ikkje være av ein slik art at den kan tenkjast å påverke beslutningsprosessen i VTR eller gje andre grunn til å tru det. Representasjon må være i samråd med overordna. Reiseutgifter i fagleg samanheng skal dekkast av VTR. Side 13 av 17

21 Vedtekter VEDTEKTER FOR VEST-TELEMARKRÅDET Kapittel 1: Formål, medlemskap og vedtekter 1 Geografisk omfang Vest-Telemarkrådet er eit regionalt organ der kommunane Fyresdal, Kviteseid, Nissedal, Seljord, Tokke og Vinje er med. Regionrådet er oppretta med heimel i kommunelova Formål Vest-Telemarkrådet skal vere eit samarbeidsorgan for dei deltakande kommunane på alle område og alle plan, og skal vere eit organ for løysing av felles spørsmål og oppgåver for dei same kommunane. 3 Styringsorgan Vest-Telemarkrådet har to styringsorgan. Det eine er Tinget, som er nærare omhandla i kapittel 2. Det andre er Rådet, som er omhandla i kapittel 3. 4 Medlemskap, utmelding, oppløysing Kommunestyret i den einskilde kommune gjer vedtak om deltaking i Vest- Telemarkrådet og godtar med det vedtektene for dette. Viss ein kommune ynskjer å gå ut av Rådet, må kommunestyret gjere vedtak om dette. Ein kommune har rett til å seie opp sitt medlemskap med eitt års varsel. Rådet skal oppløysast når kommunestyra i eit fleirtal av medlemskommunane har gjort vedtak om dette. Regionrådet skal då avviklast. Når avviklinga er ferdig skal attståande midlar betalast attende til kommunane i same forhold som det er gjort innbetaling. 5 Endring av vedtektene Medlemskommunar og medlemer av Vest-Telemarkrådet kan kome med framlegg til endring av vedtektene. Slike framlegg må sendast Rådet, som sender framlegget med si førebels innstilling til medlemskommunane til uttale. Framlegget med endeleg innstilling frå Rådet skal leggast fram for Tinget. Vedtak i Tinget om vedtektsendringar krev 2/3 fleirtal. Framlegg til vedtektsendringar skal handsamast av Tinget så snart det er praktisk mogleg, men på grunn av sakshandsaming ikkje tidlegare enn 3 månader etter dato for framlegging. Vest-Telemarkrådet kan la ein kommune velje mellom å godkjenne føreslege vedtektsendring eller å gå ut av regionrådet utan vanleg oppseiingstid. 6 Arbeidsoppgåver Rådet skal for kvart år utarbeide forslag til arbeidsprogram for komande år, og legge denne fram for Tinget saman med budsjett for same periode. Dette arbeidsprogrammet kan også innehalde saker og tiltak som krev arbeid over fleire år. Side 14 av 17

22 Rådet skal freiste å ivareta ein god dialog med næringslivet i regionen. Tinget vedtek arbeidsprogram, og denne skal vere retningsgjevande for Rådet sitt arbeid. Rådet har likevel rett til å endre prioriteringane når spesielle tilhøve gjer dette nødvendig eller ynskjeleg. Kapittel 2: Tinget 7 Samansetjing av Tinget Ordførar, varaordførar, 1 anna kommunestyremedlem og rådmann i dei deltakande kommunane utgjer medlemene av Tinget. Det blir oppnemnt personlege vararepresentantar. Valperioden for Tinget fylgjer kommunevalperioden. Regionordførar er også leiar for Tinget. 8 Verksemda i Tinget Tinget kjem saman minst to gonger i året. Fyrste møte skal normalt haldast i juni. Tinget kjem saman når eit fleirtal i Rådet fastset det, eller når Regionordførar eller minst to av medlemskommunane krev det. Innkallinga til tingmøtet skal vere skriftleg og skal sendast med minst 14 dagars varsel og skal innehalde oppgåve over dei sakene som skal handsamast. Tinget gjer sine vedtak i møte leia av Regionordførar eller av Regionvaraordførar når ordføraren har forfall. Viss ingen av desse er med i møtet, vel Tinget ein møteleiar for møtet. Vedtak i Tinget blir gjort med vanleg fleirtal og er gyldig når minst 50% av medlemene/varamedlemene møter og har røysta i den aktuelle saka. Ved likt stemmetal gjer møteleiaren si røyst utslaget. 9 Tingets ansvar 1. Godkjenning av arbeidsprogram og budsjett 2. Godkjenning av årsmelding og rekneskap 3. Fastsetting av godtgjering og liknande 4. Handsame forslag til vedtektsendringar 5. Val 6. Handsame andre saker etter vedtak i Rådet Kapitel 3: Rådet 10 Rådet Ordførarane i dei deltakande kommunane utgjer Rådet, med varaordførarane som personlege vararepresentantar. Rådet skal stå for den daglege drifta i samarbeid med sekretariatet, og i samsvar med vedtekne arbeidsoppgåver. Leiar og nestleiar i Rådet blir vald av Tinget for 2 år av gongen. Tittelen for desse tillitsvalde er Regionordførar for Vest-Telemark og Regionvaraordførar for Vest- Telemark. Side 15 av 17

23 Rådmennene har møte- og talerett i Rådet. Rådet kan oppnemne underutval eller liknande til å arbeide med fullmakt frå Rådet. 11 Om avstemning og vetorett Kvart medlem av Rådet har vetorett med omsyn til om ei sak skal handsamast i Rådet. Viss vetoretten blir nytta, skal saka trekkast frå vidare handsaming. Det skal tungtvegande grunnar til for å nytte vetoretten, og bruken skal grunngjevast i kvart tilfelle. Vedtak i saker som Rådet handsamar blir gjort med vanleg fleirtal. Ved likt stemmetal gjer møteleiarens røyst utslaget. 12 Verksemda i Rådet Regionordføraren er ansvarleg for at verksemda i Vest-Telemarkrådet føregår i samsvar med vedtektene og god forvaltningsskikk. Regionordføraren skal sjå til at det kvart år blir utarbeidd årsmelding med rekneskap for verksemda i regionrådet. Denne skal sendast dei same som får tilsendt møteprotokoll. Kapitel 4 Administrasjon, økonomi 13 Sekretariat/administrasjon Rådet har høve til å engasjere/tilsette sekretær/dagleg leiar og anna naudsynt hjelp innafor vedteken arbeidsplan og budsjett, eller å kjøpe sekretariatstenester. 14 Budsjett, finansiering Tinget vedtek etter forslag frå Rådet kvart år eige budsjett. Vest-Telemarkrådet får årlege tilskott frå Telemark Utviklingsfond. Resten av utgiftene til drift av sekretariatet og utgiftene til Rådets og Tingets møteverksemd dekkast av dei seks kommunane. 50% av utgiftene fordelast likt mellom kommunane og 50% fordelast etter folketalet. Deltakarkommunane skal ikkje gjere innskott i Vest-Telemarkrådet i samband med at Rådet blir organisera etter kommunelovas 27. Vest-Telemarkrådet har ikkje høve til å ta opp lån utan særskild godkjenning av deltakarkommunane. 15 Rekneskap og forvaltning Rådet er ansvarleg for rekneskapsføringa og forvaltninga av midlane til regionrådet. 16 Godtgjering og kostnadsdekking for tillitsvalde Tinget skal i samband med budsjetthandsaming fastsetje godtgjering til Regionordførar, Regionvaraordførar og rådsmedlemer. Reiseutgifter i samband med møta i Tinget og Rådet dekkast av den einskilde kommune. 17 Informasjonsarbeid Side 16 av 17

24 Sakliste og møtereferat til rådsmøte og møte i Tinget skal sendast alle faste medlemer og varamedlemer til dei styrande organa. Det same materialet skal sendast gruppeleiarane for dei politiske partia i medlemskommunane. Styrande organ og administrasjon skal syte for eit aktivt informasjonsarbeid til publikum om arbeidet i regionrådet. Offentleggjering av saker og vedtak fylgjer same lovregulering som gjeld for kommunane. Dokumenta til Vest-Telemarkrådet skal oppbevarast forsvarleg og i samsvar med reglane i arkivlova. Side 17 av 17

25 Vest-Telemarkrådet Rådsmøte 14. november 2017 Sak 47/2017 Saker til møte med Telemarksbenken, gjennomgang Bakgrunn: Som førebuing til møtet med Telemarksbenken legg Vest-Telemarkrådet opp til ein kort gjennomgang av sakene vi ynskjer å drøfte. I møte 10. oktober vedtok Rådet at ein ynskjer å drøfte fylgjande saker i møtet med Telemarksbenken: - Nærpolitireformen, herunder forslag til ny responstid-modell - Organisering av domstolane (Vest-Telemark Tingrett og Øvre Telemark jordskifterett) - E 134/Rv 36/Rv 41 - Telemark Kildevann AS, sak om tollstatsar - Kapitaliseringsrenta - Vilkårsrevisjonen NVE I samband med punktet E 134/Rv 36/Rv 41 vil Børge Skårdal i E134 Haukelivegen AS orientere nærare om status og vidare planer for desse viktige vegane.

26 Vest-Telemarkrådet Rådsmøte 14. november 2017 Sak 48 /2017 Forslag til sakliste for møtet i Tinget 5. desember 2017 Bakgrunn: Det blir med dette lagt fram forslag til sakliste for møtet i Vest-Telemarktinget 5. desember. I tråd med vedtektene skal det denne gongen veljast regionordførarar og regionvaraordførar for 2-årsperioden Likeeins skal Tinget handsame forslag til arbeidsprogram for same periode, forslag til delegerings-reglement, samt forslag til budsjett for Som fagtema tar vi denne gongen opp regjeringas forslag til omlegging av eigedomsskatten. Vi vonar å få advokat Stein Erik Stinessen frå Landssamanslutninga av Vasskraftkommunar (LVK) til å orientere nærare om forslaget og arbeidet i LVK i høve til dette. Forslag til vedtak: Vest-Telemarkrådet godkjenner det framlagte forslaget til sakliste for møtet i Tinget 5. desember 2017.

27 Vest-Telemarktinget Møte 5. desember 2017 Sakliste til møte i Vest-Telemarktinget 5. desember /2017 Opprop 08/2017 Godkjenning av innkalling og sakliste 09/2017 Val av 1 person til å skrive under protokollen i lag med regionordførar 10/2017 Val av regionordførar og regionvaraordførar for perioden og fastsetjing av godtgjersle for desse. Val av valnemnd 11/2017 Forslag til Arbeidsprogram /2017 Forslag til delegeringsreglement Vest-Telemarkrådet 13/2017 Forslag til budsjett 2018 for Vest-Telemarkrådet 14/2017 Omlegging av eigedomsskatten for verker og bruk

28 Val av regionordførar og regionvaraordførar for perioden og fastsetjing av godtgjersle til desse. Val av valnemnd for perioden I Tingmøte den 1. desember 2015 valte Vest-Telemarktinget regionordførar og regionvaraordførar for perioden I tillegg vart det fastsett godtgjersle for desse verva. Det vart gjort slike vedtak: Som regionordførar for perioden vert valt Erik Skjervagen, Fyresdal kommune. Som regionvaraordførar vert valt Jon Rikard Kleven, Vinje kommune Godtgjersle for regionordførar: kr ,- pr. år. Godtgjersle for regionvaraordførar: kr ,- pr. år. Til valnemnd for same periode vart valt: Sverre Sæter, Halfdan Haugan og Jaran Felland I medhald av 10 i vedtektene for Vest-Telemarkrådet skal det på Tingmøtet den 5. desember veljast regionordførar og regionvaraordførar for komande 2-årsperiode. Det skal også veljast valnemnd og gjerast vedtak om fastsetting av godtgjersle til regionordførar og regionvaraordførar. Forslag til vedtak: Som regionordførar for perioden vert valt: Jon Rikard Kleven, Vinje kommune. Som regionvaraordførar vert valt: ordførar Jaran Fellan, Tokke kommune. Godtgjersle for regionordførar vert: Godtgjersle for regionvaraordførar vert: Til valnemnd for same periode vart valt: Ketil Kiland, Tarjei Gjelstad, ordførar Kviteseid kommune og Halfdan Haugan, Seljord kommune.

29 Vest-Telemarkrådet 3. november 2017 Stortingsrepresentantane Terje Aasland, Emilie Schäffer, Lene Vågslid, Åslaug Sem-Jacobsen, Bård Hoksrud og Geir Jørgen Bekkevold Hans Edvard Askjer og Therese Lahus, Telemark fylkeskommune Børge Skårdal E134 Haukelivegen AS Invitasjon til møte og etterfylgjande middag i Oslo tysdag 14. november. Vi viser til avtale med leiar Terje Aasland og har gleda av å invitere til møte mellom Telemarksbenken og Vest-Telemarkrådet. Møtet finn stad i Stortingets lokaler tysdag 14. november kl Invitasjonen går også til fylkesvaraordførar Hans Edvard Askjer og regionkontakt Therese Lahus, Telemark fylkeskommune. I tillegg inviterer vi dagleg leiar Børge Skårdal i E134 Haukelivegen AS. Frå Vest-Telemarkrådet møter ordførarane og rådmennene i dei 6 kommunane, samt Ole Dalen og Kjell Gunnar Heggenes frå administrasjonen. Til møtet har vi sett opp fylgjande saker for nærare drøfting: - Nærpolitireformen (mellom anna forslag til ny responstid-modell) - Ny gjennomgang av organiseringa av domstolane (Vest-Telemark Tingrett og Øvre Telemark jordskifterett. - E 134/Rv 36/Rv 41 - Telemark Kildevann AS i Fyresdal sak om tollsatsar - Kapitaliseringsrenta - Vilkårsrevisjonen NVE Etter møtet har vi gleda å invitere møtedeltakarane til middag kl på Prima Fila Ristorante, Fritjof Nansensplass 5. Vi ynskjer alle hjarteleg velkomne til møtet og middagen om kvelden. Venleg helsing Vest-Telemarkrådet Erik Skjervagen (sign) Regionordførar Kjell Gunnar Heggenes Regionrådsleiar Vest-Telemarkrådet, Kviteseidgata 18, 3850 Kviteseid Tlf: , kgh@vest-telemark.no, Org. nr: