Fjell kommune Arkiv: 016 Saksmappe: 2005/ /2012 Sakshandsamar: C.J.Alstad/W.Sørensen Dato: SAKSDOKUMENT

Transkript

1 Fjell kommune Arkiv: 016 Saksmappe: 2005/ /2012 Sakshandsamar: C.J.Alstad/W.Sørensen Dato: SAKSDOKUMENT Utvalsaksnr Utval Møtedato 49/12 Formannskapet /12 Kommunestyret Rv 555 fastlandssambandet Sotra - Bergen. Slutthandsaming av kommunedelplan med konsekvensutgreiing. Parsell Kolltveit - Storavatnet. Tiltakshavar: Statens vegvesen Region vest. Samandrag av saka: Framlegg til kommunedelplan med konsekvensutgreiing for Rv 555 fastlandssambandet Sotra - Bergen, parsell Kolltveit - Storavatnet, har lagt på høyring i perioden Det er totalt kome 41 merknader til planen. To av desse er motsegner frå Askøy kommune og Fylkesmannen i Hordaland. Prosessen etter høyringa har gjeve avklaringar som gjer at kommunane kan slutthandsame kommunedelplanen slik den no ligg føre. I slutthandsaminga skal det veljast trasé for eit fullt utbygd samband med tilhøyrande plankart og føresegner. Plankart med bandlegging av framtidig trafikkareal vil avløyse noverande byggje- og deleforbod på strekninga. Fjell kommune og Bergen kommune er planmynde for denne felles kommunedelplanen. Statens vegvesen (Vegvesenet) har som tiltakshavar utarbeidd plandokumenta og vurdert innkomne merknader. Rådmannen er nøgd med det plangrunnlaget Vegvesenet fremjar til slutthandsaming. Det gjev grunnlag for gode og bærekraftige løysingar på lang sikt i høve dei store utfordringane som gjeld mellom Sotra/ Øygarden og Bergen, og vil gje grunnlag for vidare vekst og utvikling i dette særs viktige området både i eit lokalt, regionalt og nasjonalt perspektiv. Det vil også bety ei vesentleg betring i tilhøva for alle typar trafikantar, både når det gjeld framkomst og tryggleik. Dei fleste tiltak av ein slik storleik vil også ha negative konsekvensar. Det er klart at nye vegar, bruer og tunellar vil sjåast i landskapet, og at fleire også vil kunne merke auka støy og andre konsekvensar av det nye sambandet. Dette vil gjelde for alle dei ulike alternativa som har lagt til grunn i denne prosessen. Rådmannen meiner at det tilrådde alternativet er det som i minst grad har desse negative konsekvensane, målt opp mot dei positive. Rådmannen vil i den samanheng særleg peika på det store potensialet som ligg 1

2 i utviklinga av eit miljølokk på Straume. Vegvesenet tilrår i hovudsak at traséalternativa i konsept F vert valt med alternativa C102 og C7/C9 som den beste løysinga. På strekninga Kolltveit - Bildøy meiner Vegvesenet at konsept J er ei akseptabel løysing. Rådmannen si vurdering og tilråding sluttar seg i hovudsak til dette. Men rådmannen vil tilrå at konsept J vert valgt for strekninga Kolltveit - nytt Bildøykryss. Framlegg til vedtak vil også vere relativt detaljert og presist i høve løysingar for sekundærvegar, gang- og sykkelvegar, føresegner m.v. Kommunedelplanen for nytt Sotrasamband er ein av dei aller viktigaste planane som nokon gong er slutthandsama i Fjell (og i Bergen) kommune. Mykje tyder på at vedtaka i dei to kommunane i hovudsak vil vere i samsvar med kvarandre, og at dette vil vere ein heilt sentral føresetnad i prosessen fram mot eit positivt vedtak i Stortinget våren For rådmannen betyr eit positivt vedtak at ein vert prioritert i Nasjonal Transportplan slik at ein kan gå i gang med detaljplanlegginga rett etter Stortinget sitt vedtak, og sette spaden i jorda seinast i Innstilling: Formannskapet tilrår kommunestyret å gjere følgjande vedtak: Kommunestyret vedtek kommunedelplan for Rv 555 fastlandssambandet Sotra - Bergen, parsell Kolltveit - Storavatnet, slik: 1. Kommunestyret er nøgd med plangrunnlaget frå Statens Vegvesen, slik det ligg føre etter at høyringsprosessen er avslutta. Planmaterialet gjev grunnlag for gode og bærekraftige løysingar på lang sikt i høve dei store utfordringane som gjeld mellom Sotra/ Øygarden og Bergen, og vil gje grunnlag for vidare vekst og utvikling i dette særs viktige området både i eit lokalt, regionalt og nasjonalt perspektiv. Kommunestyret er samstundes nøgd med den klare kollektivprioriteringa som plangrunnlaget gjev grunnlag for, den tydelege satsinga på gåande og syklande, og likeins prioriteringa av trafikktryggleik. 2. Strekninga frå Kolltveit til kryss på Bildøy vert bygd ut i samsvar med konsept J, alternativ J101. Konseptet inneber/inkluderer at noverande veg frå Kolltveit over Bildøybakken med bru over Bildøysundet og veg fram til området for nytt kryss på Bildøy vert framtidig sekundærveg på strekninga. Der ny veg krysser Bildøymarka, skal det sikrast tenleg undergang for landbruksinteressene i området. Gjennomgåande gang- og sykkelveg skal sikrast i planføresegnene og gjennom det vidare reguleringsplanarbeidet. Gjennom reguleringsplanarbeidet må ein også sikra at framtidig kryssløysing på Bildøy vert minst mogleg arealkrevjande, og at ein i dette arbeidet også tek særleg omsyn til funksjonalitet for framtidig utbygging på nordre Bildøy. Konsept J101 inneber at den nye vegen i utgangspunktet skal vere open for allmen trafikk. Om trafikkutviklinga over tid tilseier særleg prioritering av kollektivtrafikken, vert dette å kome attende til som eiga sak for kommunestyret. 3. Strekninga frå kryss på Bildøy til kryss i Arefjord vert bygd ut i samsvar med konsept F, alternativ C102. Løysinga inkluderer ny sekundærveg frå kryss på Bildøy over Straumsundet, slik at ein får ein samanhengande sekundærveg mellom kryss Bildøy 2

3 gjennom Straume til kryss Arefjord (jfr fig 7.7 i kommunedelplanen). Kommunestyret ser i utgangspunktet alternativ 2 for sekundærveg som den mest tenlege løysinga, men føreset at dei mest aktuelle alternativa for nye sekundærvegar over Straume vert nærare utgreidd før ein tek endeleg stilling til dette spørsmålet, jfr rådmannen si vurdering. Dette må skje på ein måte som gjer at det ikkje forseinkar arbeidet med hovudprosjektet. Alternativ C102 inneber miljølokk over hovudvegen gjennom Straumeområdet, og kommunestyret føreset at dette lokket vert mest mogleg i samsvar med Vegvesenet sitt alternativ med lengde minimum 600 m, slik at ein best mogleg skal kunne skjerme planlagt busetnad i Straume sentrum for støy og forureining. Mellom Straume og kryss Arefjord skal 2 av dei 4 felta vere prioritert for kollektivtrafikk. Gjennomgåande gang- og sykkelveg skal sikrast gjennom planføresegnene, og inngå som premiss i det vidare reguleringsplanarbeidet. 4. Strekninga frå kryss Arefjord til kryss Storavatnet vert bygd ut i samsvar med konsept F. Kommunestyret tek ikkje stilling til kva alternativ ein skal velgja for strekninga. Kommunestyret ser det som naturleg at dette vert gjort i samsvar med komande planvedtak i Bergen kommune, men ser det som ønskjeleg at alternativ C7/C9 vert særleg vurdert ut frå omsyn til kostnader og kollektivløysing. Kommunestyret føreset at 2 av felta vert regulert for kollektivtrafikk, og soleis at 2 felt til kollektivtrafikk mellom Straume og kryss Arefjord vert vidareført på strekninga. 5. Ny firefelts bru vert å dimensjonera for bybane dersom dette i det vidare utgreiingsarbeidet viser seg å vere teknisk/økonomisk tenleg og mogleg å gjennomføra. I den samanheng må ein også vurdera bybane på eksisterande bru som eit alternativ. Ein må og sikra ei utforming av terminalområdet på Storavatnet som vil gjere det mogleg i framtida å utvida bybanetraseen vestover mot Sotra om dette skulle vise seg aktuelt. 6. I det komande reguleringsplanarbeidet må ein sikra at det vert lagt vekt på tilkomst til viktige naturområde/kulturområde/strandsone som evt kjem i konflikt med Sotrasambandet. Straume, den Steinar Nesse Rådmann Bjørn Erik Kristiansen Plan- og utbyggingssjef Handsama i Formannskapet : Formannskapet drøfta saka og samla seg i gruppemøte for å utarbeide ei felles tilråding til kommunestyret, med utgangspunkt i rådmannen si innstilling. Fellesframlegg: Pkt. 1, 2, 5 og 6 i innstillinga vert uendra 3

4 Pkt 3 med endringar: Strekninga frå kryss på Bildøy til kryss i Arefjord vert bygd ut i samsvar med konsept F, alternativ C102 med gang og sykkelveg langs RV 555 frå Straume til Bildøy. Kommunestyret ser i utgangspunktet alternativ 2 for sekundærveg som den mest tenlege løysinga, men føreset at dei mest aktuelle alternativa for nye sekundærvegar over Straume vert nærare utgreidd før ein tek endeleg stilling til dette spørsmålet, jfr rådmannen si vurdering. Dette må skje på ein måte som gjer at det ikkje forseinkar arbeidet med hovudprosjektet. Her må også vurderast løysingar for trafikken med kryss på Straume. Alternativ C102 inneber miljølokk over hovudvegen gjennom Straumeområdet, og kommunestyret føreset at dette lokket vert mest mogleg i samsvar med Vegvesenet sitt alternativ med lengde minimum 600 m, slik at ein best mogleg skal kunne skjerme planlagt busetnad i Straume sentrum for støy og forureining. Mellom Straume og kryss Arefjord skal 2 av dei 4 felta vere prioritert for kollektivtrafikk. Gjennomgåande gang- og sykkelveg skal sikrast gjennom planføresegnene, og inngå som premiss i det vidare reguleringsplanarbeidet. Endring pkt 4. Følgjande delsetning vert fjerna:... men ser det som ønskjeleg at alternativ C7/C9 vert særleg vurdert ut frå omsyn til kostnader og kollektivløysing Punkta vart stemt over kvar for seg og vart samrøystes vedtekne. Tilråding i Formannskapet : Kommunestyret vedtek kommunedelplan for Rv 555 fastlandssambandet Sotra - Bergen, parsell Kolltveit - Storavatnet, slik: 1. Kommunestyret er nøgd med plangrunnlaget frå Statens Vegvesen, slik det ligg føre etter at høyringsprosessen er avslutta. Planmaterialet gjev grunnlag for gode og bærekraftige løysingar på lang sikt i høve dei store utfordringane som gjeld mellom Sotra/ Øygarden og Bergen, og vil gje grunnlag for vidare vekst og utvikling i dette særs viktige området både i eit lokalt, regionalt og nasjonalt perspektiv. Kommunestyret er samstundes nøgd med den klare kollektivprioriteringa som plangrunnlaget gjev grunnlag for, den tydelege satsinga på gåande og syklande, og likeins prioriteringa av trafikktryggleik. 2. Strekninga frå Kolltveit til kryss på Bildøy vert bygd ut i samsvar med konsept J, alternativ J101. Konseptet inneber/inkluderer at noverande veg frå Kolltveit over Bildøybakken med bru over Bildøysundet og veg fram til området for nytt kryss på Bildøy vert framtidig sekundærveg på strekninga. Der ny veg krysser Bildøymarka, skal det sikrast tenleg undergang for landbruksinteressene i området. Gjennomgåande gang- og sykkelveg skal sikrast i planføresegnene og gjennom det vidare reguleringsplanarbeidet. Gjennom reguleringsplanarbeidet må ein også sikra at framtidig kryssløysing på Bildøy vert minst mogleg arealkrevjande, og at ein i dette arbeidet også tek særleg omsyn til funksjonalitet for framtidig utbygging på nordre Bildøy. Konsept J101 inneber at den nye vegen i utgangspunktet skal vere open for allmen trafikk. Om trafikkutviklinga over tid tilseier særleg prioritering av kollektivtrafikken, vert dette å kome attende til som eiga sak for kommunestyret. 3. Strekninga frå kryss på Bildøy til kryss i Arefjord vert bygd ut i samsvar med konsept F, 4

5 alternativ C102 med gang og sykkelveg langs RV 555 frå Straume til Bildøy. Kommunestyret ser i utgangspunktet alternativ 2 for sekundærveg som den mest tenlege løysinga, men føreset at dei mest aktuelle alternativa for nye sekundærvegar over Straume vert nærare utgreidd før ein tek endeleg stilling til dette spørsmålet, jfr rådmannen si vurdering. Dette må skje på ein måte som gjer at det ikkje forseinkar arbeidet med hovudprosjektet. Her må også vurderast løysingar for trafikken med kryss på Straume. Alternativ C102 inneber miljølokk over hovudvegen gjennom Straumeområdet, og kommunestyret føreset at dette lokket vert mest mogleg i samsvar med Vegvesenet sitt alternativ med lengde minimum 600 m, slik at ein best mogleg skal kunne skjerme planlagt busetnad i Straume sentrum for støy og forureining. Mellom Straume og kryss Arefjord skal 2 av dei 4 felta vere prioritert for kollektivtrafikk. Gjennomgåande gang- og sykkelveg skal sikrast gjennom planføresegnene, og inngå som premiss i det vidare reguleringsplanarbeidet. 4. Strekninga frå kryss Arefjord til kryss Storavatnet vert bygd ut i samsvar med konsept F. Kommunestyret tek ikkje stilling til kva alternativ ein skal velgja for strekninga. Kommunestyret ser det som naturleg at dette vert gjort i samsvar med komande planvedtak i Bergen kommune. Kommunestyret føreset at 2 av felta vert regulert for kollektivtrafikk, og soleis at 2 felt til kollektivtrafikk mellom Straume og kryss Arefjord vert vidareført på strekninga. 5. Ny firefelts bru vert å dimensjonera for bybane dersom dette i det vidare utgreiingsarbeidet viser seg å vere teknisk/økonomisk tenleg og mogleg å gjennomføra. I den samanheng må ein også vurdera bybane på eksisterande bru som eit alternativ. Ein må og sikra ei utforming av terminalområdet på Storavatnet som vil gjere det mogleg i framtida å utvida bybanetraseen vestover mot Sotra om dette skulle vise seg aktuelt. 6. I det komande reguleringsplanarbeidet må ein sikra at det vert lagt vekt på tilkomst til viktige naturområde/kulturområde/strandsone som evt kjem i konflikt med Sotrasambandet. Dokument vedlagt saka: - Framlegg til kommunedelplan (plandokumentet), plankart for dei ulike vegtraséalternativa, føresegner og retningsliner, og alt tilhøyrande planmateriale er offentleggjort på føljande nettadresser: Høyring av framlegg til kommunedelplan og konsekvensutgreiing - oppsummering med kommentarar frå Statens vegvesen, datert

6 Saksopplysningar: Statens vegvesen har som tiltakshavar utarbeidd framlegg til kommunedelplan for fastlandssambandet Sotra - Bergen, parsell Kolltveit - Storavatnet i samsvar med fastsett planprogram av , vedteke av kommunestyret i Fjell i sak 49/11. Fjell kommune og Bergen kommune er ansvarleg planmynde. Formålet med planen er å få vedteke traséalternativ for nytt fastlandssamband. Det skal vere eit heilskapleg og samanhengande anlegg for moderne samferdsle, med samanhengande gang og sykkelvegnett, og gode og effektive løysingar for kollektivtransport. Planen har låge ute til offentleg ettersyn i perioden Det har kome totalt 41 merknader frå private og offentlege instansar. To av desse er motsegner frå Fylkesmannen i Hordaland og Askøy kommune. Saksutgreiinga viser korleis motsegnene er handtert. Planframlegget Framlegg til kommunedelplan inneheld to konsept med alternative løysingar innanfor konsepta (sjå kap ): Konsept F: Konsept F er basert på ein ny 4-feltsveg frå Kolltveit til Storavatnet. Dagens Sotrabru får status som lokalveg og inngår ikkje i hovudtraseen. I staden vert det bygd ei ny 4-felts bru om lag 400 m sør for eksisterande bru, nærare bestemt i dagens trase for 300 kv kraftlinja over fjorden. Løysinga føreset at høgspentlina vert kabla i jord/ havbotn mellom trafoane i Arefjord (Fjell) og Alvøyvegen (Bergen). Konseptet er delt inn i to delstrekningar: Kolltveit - Arefjord, med dei to alternativa C101 og C102. Arefjord - Storavatnet, med dei to alternativa C7 og C7/C9. For Fjell kommune er det utarbeidd 2 plankart for dei 4 alternativa. Dei har felles knutepunkt i kryss ved Arefjord, slik at alt. C101 og alt. C102 kan kombinerast med C7 og C7/C9. Det vert lagt opp til parallelt lokalvegsystem på heile strekninga. Kryss skal vere planskilte. Endeleg utforming av kryssområda vert fastsett i evt. vidare reguleringsplanarbeid. Litt meir om dei ulike alternativa innanfor konsept F: Alternativ C101: Alt. C101 inneheld 2 nye tunnelar Kolltveit Bildøystraumen (lengde 930 m), nye bruer over Bildøystraumen og nytt kryss på Bildøy. Vidare frå Bildøy går ny veg i dagen, med ny bru over Straumsundet (ved gamle brua over Straumsundet) og 2 nye tunnelar under Straume sør til Arefjord (lengde 1400 m). Eksisterande Rv 555 vert hovudstamma i lokalvegnettet. Det vert bygd nytt kryss med veg mot Sotra nord og Sotra sør på Kolltveit, nytt kryss på Bildøy og nytt kryss i Arefjord. Alternativ C102: Alt. C102 har lik vegløysing som alt. C101 frå Kolltveit fram til krysset på Bildøy. Vidare vert dagens Rv 555 utvida over Straumsundet til 4 felt, inkludert ny 2-felts bru ved sidan av eksisterande. Gjennom/under Straume sentrum går vegen i miljøtunnel og deretter i dagen vidare i dagen vidare fram til krysset i Arefjord. For å få etablert gjennomgåande parallell lokalveg/omkøyringsveg, må det etablerast ny lokalveg mellom Bildøy og Straume. Alternativ C7 (delvis revidert etter høyringa): 6

7 Frå krysset i Arefjord til brua over fjorden til Bergen går alt. C7 på ny 4 felts viadukt over Arefjordspollen og inn i tunneler som kjem ut ved Mustadvatnet i Valen/Knarrevik-området og vidare over den nye sørlege brua i høgspenttraseen til Søre Drotningsvik. På bergenssida vert alt. C7 ført i ca 2 km lange tunnelar med 2 felt i kvar tunnell fram til krysset ved Storavatnet. I Drotningsvik er det lagt opp til eit kryss med austvendte ramper inn til tunnelen for ny hovudveg. Ved Storavatnet vert krysset bygd om for å få ein utforming som gir best mogleg trafikkavvikling og kapasitet. Detaljert utforming av Storavatnområdet vert fastsett i reguleringsplan. Mellom Arefjord og Drotningsvik vert dagens Rv 555 inkludert dagens Sotrabru lokalveg. Som følgje av Bergen kommune sitt vedtak av i samband med utlegging av planen til høyring, har vegvesenet vidareutvikla C7 slik at kollektivtransporten vert prioritert med eigne felt i hovudtraseen i staden for på dagens rv 555 slik framlegget var opphavleg (sjå fig 1). Figur 1: Revidert alt C7 med kollektivprioritering i hovudtraseen Raudt markerar kor kollektivtransporten vert prioritert med eigne felt. På grunn av av- og påkjøringsfelt ved kryssområda fårr ein opphald i kollektivfelta. Revidert C7 styrkjer kollektivtransportens konkurranseevne i høve bil. Det vert ikkje mogleg for kollektivtrafikken frå vest å køyre direkte inn på kollektivterminalen ved Storavatnet. Alternativ C7/C9: På Sotrasida har alt. C7/C9 lik vegløysing som alt. C7. Frå brufestet i Søre Drotningsvik går traseen i korte tunnelar under Janahaugen fram til Drotningsvik. Traseen går vidare på ei utviding av dagens Rv 555 fram til Storavatnet. I Knarrvika og i Drotningsvik er det lagt opp til eit kryss med austvendte ramper som gir kopling mellom lokalvegnettet og ny hovudveg mot Bergen. Krysset ved Storavatnet vert bygd om på same måte som i alt. C7. Alt C7/C9 får direkte kopling begge retningar med ny kollektivtunnel inn på ny terminal i Storavatnet. Konsept J: Konsept J er basert på utviding av dagens Rv 555 frå 2 til 4 felt, og ny 2 felts bru tett til eksisterande bru på nordsida av denne. Konsept J inneber også nye tunnelar med to køyrefelt parallelt med dagens tunnelar (Kolltveittunnelen (Fjell), og Kiplehaugtunnelen og Harafjelltunnelen (Bergen)) for å få 4 felt på heile strekninga. Det må òg byggast nye 2 felts bruer ved sidan av dagens bruer over Bildøystraumen og Straumsundet. Løysinga føreset å nytte eksisterande Sotrabru som del av hovudsambandet. I konsept J vert det ikkje eit gjennomgåande parallelt lokalvegsystem, og vegen må avvikle lokaltrafikken i tillegg til gjennomgangstrafikken. Kryss skal vere planskilte. Endeleg utforming av kryssområda vert fastsett i evt vidare reguleringsplanarbeid. Konsept J er utforma i 2 alternativ, J101 og J102. Desse to alternativa er ulike og gjev ulike verknader for dei ulike transportgruppene: 7

8 Alternativ J101: J101 inneber at dei 4 felta skal kunne nyttast av alle typar køyrety også moped og traktor (jfr sekundærveg-løysinga). Alle kryss vert oppretthalde utanom at Knarrvika- og Valenkrysset vert slått saman til eit kryss. Kryssområdet ved Kolltveit kan verte utforma som ein stor rundkøyring med nord-sørgåande hovudstamme i vegnettet på Sotra. Dette vert evt avklart i reguleringsplanarbeidet. Ved Storavatnet vert krysset omforma for optimalisering av trafikkavvikling, framkomst og tilgjenge for alle trafikkføremål og -retningar. Alternativ J102: J102 følgjer same trasé som J101, men kollektivtransporten vert prioritert ved at 2 felt vert reservert kollektivtransport. Vegkapasiteten for biltrafikk vert difor ikkje nemneverdig auka. Alternativet føreset trafikkregulerande tiltak som til dømes køprising for å kunne regulere personbiltrafikken i rushtidene. Dei to felta som ikkje er reservert kollektivføremål vert å nytta av alle typar køyretøy. Kollektivtransport (kap 9.3): Kommunedelplanen konkluderar med at alle traséalternativ gjev vesentleg betre framkomst enn i dag for kollektivtrafikken, og ei relativ styrking i høve anna transport. Med unntak av J101 vil alle alternativ ha eigne kollektivfelt på strekninga der behovet for dette er størst (Straume-Storavatnet). Statens vegvesen vurderar alternativa C7/C9, C7 og J102 som særleg positive for kollektivtrafikken. Ein heil sentral føresetnad om styrka vilkår for kollektivtrafikken er bompengefinansiering av di dette føreset auka kostnader for trafikantar i bil. Alle alternativ legg til rette for å utvikle løysingar for kollektivterminalar og innfartsparkering. Alternativa C7/C9 og J102 legg best til rette for evt å byggje bybane på eit tidspunkt. J101 er ikkje mogleg for ei evt bybaneløysing. For å kunne føre fram bybane på ny Sotrabru er det naudsynt med ein stivare og tyngre konstruksjon. Fjell kommunestyre har den , i sak 22/11, vedteke kostnadskalkyler for Sotrasambandet med 400 millionar kroner til avstivning av ny bru. Kommunedelplanen inneheld soleis retningslinjer om at... "Teknisk/økonomiske konsekvensar av førebuing for bybane på ny 4 felts bru skal vurderast som del av det vidare reguleringsarbeidet. Arbeidet skal og inkludere korleis bybane kan førast inn på brua."... Utforming av kryss og terminalområdet på Storavatnet vil ha innverknad for evt. framtidig bybane til Straume. I alternativ 1 og 2 (side 109) for utforming av Storavatnet kjem kollektivtransporten på eigne felt i tunnel gjennom Harafjellet til/frå Sotra direkte inn i kollektivterminalen. Kollektivtunnelen vil i desse alternativa kunne nyttast til bybanetrasé. Alternativ 3 for Storavatnet, med skråstilt kollektivterminal, har ikkje denne fleksibiliteten. Gang- og sykkelveg (kap 9.4): Planframlegget føreset etablering av eit samanhengande g/s- tilbod på strekninga. Alle traséalternativa sikrar dette. G/s er i hovudsak planlagt langs eksisterande Rv 555. På Sotrasida er det meste av strekninga allereie utbygd. G/s forbi Straume sentrum skal løysast i reguleringsplanarbeidet. Når det gjeld strekninga frå Bildøy til Kolltveit, er ikkje g/s teikna inn på plankarta, men vil inngå i evt. vidare reguleringsplanarbeid. Vidare utbygging av det lokale g/s- nettet, turvegar og andre lokale ferdselsårer er ikkje ein del av utbygginga av fastlandssambandet, og må løysast gjennom lokal arealplanlegging. Næringstransport (kap 9.5): Kommunedelplanen slår fast at sambandet skal ta særleg omsyn til næringstransport. Utbygging av sambandet vil betre konkurransekrafta og kommunikasjonen for næringslivet i 8

9 Sotra/Øygarden og i heile regionen. Statens vegvesen meiner konsept F gjev best tilhøve for nærings- og godstransport sidan vegkapasiteten vert særleg god og vegsambandet meir robust og mindre sårbart enn i konsept J, der eksisterande Sotrabru vil ha mindre kapasitet og styrke enn nye bruløysingar. Kostnader og finansiering Vegvesenet har revidert kostnadstala etter at planen vart sendt på høyring, og har utarbeidd denne tabellen: * Lokalveg mellom Bildøy og Straume er ikkje med i kostnadsoppsettet. Avstivning av ny sotrabru for å kunne tåle ei bybane er ikkje med i kostnadsoppsettet. Fjell kommune har engasjert Siv.Ing. Helge Hopen AS til å rekne ut kva vegtraseane vil føre med seg av bompengesatsar under normale føresetnader i slike samanhengar. Kombinasjon mellom konsept J og F til 5,53 mrd kronar vil innebere ein bompengesats kvar veg på mellom 27 og 40 kronar, avhengig av rentenivå og andel statleg finansiering. Kvar 100 mill. kronar i kostnader utgjer om lag 1 bompengekrone. Plankart og føresegner: Hovudkarta som følgjer planframlegget er delt ved kommunegrensa fordi kommunane har forskjellig plannummer, saksnummer og logo. Dei ulike traseane er markert med ei midtline, og med ei bandleggingssone på om lag 50 meter på kvar side av midtlina. Plankart med bandlegging av framtidig trafikkareal vil avløyse dagens byggje- og deleforbod på strekninga. Meir nøyaktig bandleggingssone vil vert fastlagt i samband med reguleringa av endeleg traseval. Det er utarbeidd eigne sett planføresegner for kvar kommune. Offentleg ettersyn: Det kom inn 41 merknader i høyringsperioden. 18 av desse kom frå offentlege instansar og andre organisasjonar. To av dei var motsegner frå høvesvis Fylkesmannen i Hordaland og Askøy kommune. 23 av merknadene kom frå private grunneigarar, naboar, velforeiningar, interesseorganisasjonar m.v. Oversyn over uttalepartar er vedlagt. 9

10 Statens vegvesen har administrert merknadene til KDP i høyringsperioden. I vedlagt skriv av har Vegvesenet vurdert og kommentert alle innkomne merknader. Under fylgjer eit utval/ delar av merknadene. Liegruppen AS v/roy-eddy Lie, datert Det viktigaste for Liegruppen er at nytt samband kjem på plass raskt og at heile strekninga vert bygd ut. Liegruppen tilrår konsept F. Dersom alt. C102 vert valt ønskjer Liegruppen at lokalvegen mellom Bildøy og Straume vert lagt i ny etasje over hovudvegen. Liegruppen ønskjer også at det vert teke inn krav om lokk mellom søre og nordre Bildøy på same måte som på Strame i alt. C102. Kommentar frå Vegvesenet: "Liegruppen AS har lansert eit nytt alternativ med ny lokalveg i ein etasje over ny hovudveg. Statens vegvesen er i utgangspunktet skeptisk til denne løysinga. Den samlar begge veganlegga i same konstruksjon og gjer lokalvegen avhengig av at ny hovudveg vert etablert samstundes. Dette gir ein svært lite fleksibel løysing med omsyn til etappevis utbygging av nytt hovudsamband. Dessutan vil det verte svært vanskelig å få fram trafikken mellom Øygarden/Sotra/Bildøy og Straume i anleggsperioden. Antakelig må det etablerast ein mellombels anleggsveg for gjennomgangstrafikken i anleggsperioden og då er ein langt på veg til å etablere ein separat lokalveg uansett. Vi stiller og spørsmål om veg i 2 etasjar er ein estetisk god løysing. Liegruppen AS stiller krav om lokk over ny hovudveg på Bildøy på same måte som planlagt lokk i Straume sentrum. Terrengtilhøva ligg det til rette for å kunne etablere tverrsamband over deler av planlagt hovudveg på Bildøy. Statens vegvesen vil legge til rette for å etablere gode og trygge gang- og sykkelsamband over vegen, men ser det ikkje som tenleg rent økonomisk å belaste nytt fastlandssamband med kostnadene knytt til eit slik lokk. Dersom utbyggjarane i området ser nytte i eit slikt lokk og er villige til å dekke kostnaden, kan spørsmålet verte vurdert som del av det vidare reguleringsarbeidet." Sund kommune, datert Sund kommune registrerer at Vegvesenet ikkje ser konsept J som ei tilfredstillande løysing, men ser likevel konsept J som eit aktuelt alternativ som eit ledd i utbygging av eit større ringvegsystem med eit samband i sør på sikt. Sund kommune er uansett innstilt på at Sotrasambandet skal realiserast, og vil av den grunn akseptere det alternativet som Fjell og Bergen landar på. Øygarden kommune, datert Øygarden har ikkje gjeve noko formell uttale, men ordføraren opplyser at Øygarden si haldning vil vere at dei støttar tilrådinga frå Fjell kommune. Askøy kommune, datert Askøy kommune har kome med motsegn til løysinga med kryss i tunnel alt. C7. Dersom kryss i tunnel i denne løysinga vert godkjent av vegdirektoratet vil Askøy vurdere å trekke motsegna. Kommentar frå Vegvesenet: "Søknad om fråvik for kryss i tunnel er godkjent i fråviksnemnda i Region vest møte Dei har lagt saka fram for Vegdirektoratet og vi ventar ikkje noko endring derifrå. Grunnlaget for Askøy kommune si motsegn fell derfor bort." NB: Vegdirektoratet har i ettertid gjort vedtak i samsvar med Fråviksnemnda. (Rådm. sin merknad). 10

11 Fylkesmannen i Hordaland, datert : "...Fylkesmannen fremmer innsigelse til kommunedelplan for Sotrasambandet knyttet til konsept F. Konseptet representerer en samferdselsplanlegging som ikke er i samsvar med statlig samferdselspolitikk og heller ikke statlig og regional klimapolitikk. Konseptet bryter også med anbefalingene i direktoratenes forslag til NTP for byområdene. Det bryter også med prinsippene nedfelt i KVU for Bergensregionen. Konseptet åpner for en veikapasitet som ensidig fremmer økt biltrafikk, samtidig som konsekvensene for kollektivtransporten kan bli negative." Fylkesmannen, ny uttale : "...Fylkesmannen har innsigelse til ny firefeltsbro hvor samtlige kjørefelt er reservert for biltrafikk. Fylkesmannens innsigelse er altså knyttet til at ved en eventuell ny firefeltsbro skal to av feltene forbeholdes bybane..." I uttale trekker Fylkesmannen motsegna på vilkår: "..I prinsipp F (ny firefeltsbro) skal to av feltene reserveres kollektivtransport. Dette må tas inn i bestemmelsene til kommunedelplanen. Disse feltene skal dimensjoneres for bybane dersom nærmere utredninger viser at det er teknisk/økonomisk gjennomførbart. Utredningen kan begrenses til vurdering av tekniske/økonomiske konsekvenser av å legge til rette for bybane på ny 4 felts bro. Arbeidet må også inkludere hvordan bybanen kan føres inn på broen. Utredningen må foreligge før utarbeidelse av reguleringsplan. Dersom en slik løsning ikke er gjennomførbar, må det i den nærmere detaljplanleggingen (reguleringsplan) legges rammer for den totale veikapasiteten mellom Straume og Storavatnet slik at denne ikke økes utover den kapasitet to ekstra felt gir biltrafikken. Dagens Sotravei må således reelt bli en lokalvei og opprettholdes som busstrase for lokaltrafikk, og ikke blir et reelt alternativ for biltrafikk til den nye hovedveien via ny firefelts bro..." Kommentar frå Vegvesenet: "Som følgje av vilkåra Fylkesmannen set for å trekkje motsegna, har Statens vegvesen teke eit punkt om kollektivfelt på ny hovudveg inn i reviderte føresegner både for Bergen kommune og Fjell kommune. Det er og teke inn i retningslinjer for vidare planlegging at det skal utførast ein vurdering av teknisk/økonomiske konsekvensar av å legge til rette for bybane på ny 4 felts bru. Arbeidet skal og inkludere korleis bybane kan førast inn på brua." Hordaland fylkeskommune, Kultur og ressursutvalet, datert : Fylkeskommunen tilrår at konsept F vert vidareført i planlegginga med traséalternativa C102 og C7/C9. Vidare ber dei også om at moglegheitene for å kombinere alternativ C102 med alternativ J102 frå krysset på Bildøy og vidare vestover vert vurdert. Fylkeskommunen legg vekt på at Straume vil vere eit viktig kollektivknutepunkt i framtida og at det vil vera naturleg å forlenge bybanen mot vest. Difor ber dei om at ny Sotrabru vert tilstrekkeleg dimensjonert for framtidig bybane. Kommentar frå Vegvesenet: Vegvesenet tek uttalen til etterretning og er samd i hovudtrekka knytt til traséval. Det vil vere mogleg å ta spørsmålet om førebuing for bybane opp att i det vidare reguleringsarbeidet. Det arbeidet vil vere lettare dersom Hordaland fylkeskommune og kommunane har kome lenger med avklaring av framtidig kollektivtransportsystem mot vest. Hordaland fylkeskommune har ansvar for kollektivtransporten og bør vere ein pådrivar i det vidare arbeidet med bybane mot vest. 11

12 For å få ein oversikt over kva ei førebuing for bybane på ny 4 felts bru betyr, vil Statens vegvesen uansett utføre ei vurdering av teknisk/økonomiske konsekvensar av bybane på ny 4 felts bru som del av det vidare reguleringsarbeidet. Statens vegvesen si vurdering: Vegvesenet si tilråding av konsept og traséalternativ ligg vedlagt i skriv av I høve til konsept tilrår Vegvesenet i hovudsak konsept F. Dette konseptet gjev i Vegvesenet si vurdering best transportkapasitet, god og sikker framkomst for alle transportgrupper og eit meir robust og fleksibelt transportsystem. Vegvesenet meiner at konsept J ikkje gjev tilfredsstillande løysing for transportbehov i regionen Sotra/Øygarden-Bergen dersom ein vil oppnå den utviklinga kommunane ønskjer, og vil difor generelt rå i frå traséalternativ i konsept J. På strekninga Kolltveit Bildøy meiner likevel Vegvesenet at konsept J er ei akseptabel løysing. På denne strekninga vil eksisterande lokalveg via Bildebakken fungere som sekundærveg dersom hovudsambandet må stengast for vedlikehald eller ved andre hendingar i hovudsambandet som tilseier dette. Inngrepet på denne strekninga vert mindre og kostnadene er lågare i konsept J enn i konsept F. Ettersom alle vegalternativa har kryssløysing på Bildøy og i Arefjord er det mogleg å blande konsept og velje ulike alternativ for det nye Sotrasambandet. I høve til traseval meiner Vegvesenet at både alt C101 og C102 er om lag like i høve til trafikk- og transportsystem, anleggskostnader og nytte. Alt. C101 gjev vesentlege terrenginngrep på Bildøy og inngrep i bustadmiljø i samband med ny bru over Straumsundet. Vegvesenet vil peika på at i miljøtunnelen i alternativ C102 slepp ein uvissa knytt til fjellkvalitet. Tunnelen er kortare, noko som gir mindre drifts- og vedlikehaldskostnader. Miljøtunnelen i sentrum kan vera starten på ei byutvikling i Straume sentrum som kan binde handelsområdet i sør betre saman med området for offentlege tenester i nord. I følgje Vegvesenet er difor alt. C102 er den beste løysinga for strekninga Kolltveit Arefjord. På strekninga Arefjord - Storavatnet tilrår Vegvesenet alt. C7/C9 fordi alternativet har lågare kostnad enn C7 alternativet og har betre løysing for kollektivtransporten. Alt C7 gjev dårlegare kopling til kollektivterminalen ved Storavatnet enn alt. C7/C9. Haldeplass mellom Knarrvika og Storavatnet er heller ikkje mogleg i alt. C7. Svv meiner at miljøulempene i C7/C9 ikkje vert så store at dei veg tyngre enn fordelane i denne løysinga. Rådmannen si vurdering: Etter meir enn 10 år med førebuingar og planlegging kan Fjell kommune endeleg vedta kommunedelplan for Sotrasambandet. Denne våren har t.d formannskapet arbeidd systematisk med møte nesten kvar veke for å sikra framdrift og best og breiast mogleg kunnskap som grunnlag for avgjerda. Statens Vegvesen og anna samferdslefagleg ekspertise har delteke i desse møta. Det same har representantar ulike interesser i denne samanheng, som t.d næringsliv lokalt og regional, Bkk m.v. Næringslivet lokalt og regionalt har vore særs tydelege på at trafikksituasjonen i dag ikkje er til å leva med, og at nytt Sotrasamband er heilt avgjerande for ei positiv utvikling vidare. Og Bkk har orientert positivt om situasjonen rundt kabling av ny kraftlinje om konsept F med ny firefelts bru i dagens kraftlinjetrase vert vedteke. Rådmannen er også særs nøgd med arbeidet som er gjort i høyringsperioden for å avklare motsegnene til planen. Dette har ført til at kommunedelplanen nå er ytterlegare styrka på vegne av kollektivtrafikken. 12

13 Rådmannen er nøgd med det plangrunnlaget Vegvesenet fremjar til slutthandsaming. Det gjev grunnlag for gode og bærekraftige løysingar på lang sikt i høve dei store utfordringane som gjeld mellom Sotra/ Øygarden og Bergen, og vil gje grunnlag for vidare vekst og utvikling i dette særs viktige området både i eit lokalt, regionalt og nasjonalt perspektiv. Det vil også heilt klart bety ei vesentleg betring i tilhøva for alle typar trafikantar, både når det gjeld framkomst og tryggleik. Dei fleste tiltak av ein slik storleik vil også ha negative konsekvensar. Det er heilt klart at nye vegar og tunellar vil sjåast i landskapet, og at fleire også vil merke auka støy og andre konsekvensar av det nye sambandet. Dette vil gjelde for alle dei ulike alternativa som har lagt til grunn i denne prosessen. Rådmannen meiner at det tilrådde alternativet er det som i minst grad har desse negative konsekvensane, målt opp mot dei positive. For ytterlegare å redusere eventuelt uheldige følgjer av utbygginga, ønskjer rådmannen å inkludere ei føresegn for å sikra tilkomst til viktige naturområde/kulturområde/strandsone som kjem i konflikt med Sotrasambandet. Dette vert å kome attende til i framtidig reguleringsplanarbeid. Vegvesenet sine vurderingar om traséval er mykje dei same som Hordaland fylkeskommune sine. Rådmannen si vurdering sluttar seg også i hovudsak til dette og tilrår følgjande trasé mellom Kolltveit og Storavatnet: Framlegg til vedtak vil vere relativt detaljert og presist i høve løysingar for sekundærvegar, gang- og sykkelvegar m.v. Delparsell Kolltveit Bildøy: Konsept J, alt. J101. Rådmannen vil tilrå konsept J, alt. J101 for delparsellen mellom Kolltveit og Bildøy. Ei utviding av dagens veg til fire felt vil gje tilstrekkeleg kapasitet for alle typar transport, også på lang sikt, av di trafikkmengda også i framtida vil vere vesentleg mindre vest om Bildøy/ Straume enn austom. I tillegg vil vegen over Bildøybakken fungere som sekundærveg og ta ein del av lokaltrafikken. Konsept J gjev mindre landskapsinngrep og er billigare å bygge ut enn konsept F for denne delparsellen. Utviding av dagens bru og eit nytt tunnellaup vert såleis tilrådd framfor ny firefelts bru over Bildøysundet og to nye tunnellaup. I rådmannen sine vurderingar har ein også tenkt rundt alternativ J102, altså 2 av dei 4 felta reservert for kollektivtrafikk. I dag utgjør kollektivtransport ein særs liten andel av trafikken vest om Straume, -så liten at den ikkje forsvarar prioritering gjennom å sette av halvparten av vegkapasiteten til føremålet. Om kollektivtrafikken får meir omfang i tida som kjem, er rådmannen positiv til tiltak som tilseier auka prioritet, t.d gjennom regulering. Rådmannen vil presisere at kryssløysing på Bildøy vert minst mogleg arealkrevjande. Dette vert å ta omsyn til i reguleringsplanarbeidet. Delparsell Bildøy Arefjord: Konsept F, alt. C102. Rådmannen tilrår konsept F, alt. C102 på strekninga mellom Bildøy og Arefjord. Dagens riksveg fungerer som ein barriere. Miljølokk i Straume sentrum vil binde saman handelsområdet i sør med området for offentlege tenester i nord. Oppå og kring miljølokket vil det oppstå nytt, sentralt og attraktivt areal. Rådmannen meiner lokket må få ei lengde på 13

14 minimum 600 meter for å skjerme busetnaden på Straume, Storhilderen og Sjøfronten for støy og forureining. Alt. C102 føreset ny sekundærveg mellom Bildøy og Straume. Denne lokalvegen er viktig for at trafikken frå vest skal kunne køyre av til Straume. Rådmannen tilrår i utgangspunktet at lokalvegen kryssar Straumssundet ved gamle Straumsbru (alt. 2). Dette alternativet synast å gje minst inngrep i landskapet, i tillegg til at plasseringa er sentral for å knytte saman Bildøy med senterområdet på Straume. Ny lokalveg ved gamle Straumsbru er også i tråd med intensjonane i planane for Sjøfronten. Rådmannen meiner likevel at problemstillingane knytt til sekundærvegløysingar på Straume bør verte betre belyst før ein gjer endeleg vedtak i denne samanheng. Rådmannen vil difor tilrå at ein i samarbeid med Statens vegvesen får desse utfordringane betre belyst gjennom eit snarleg utgreiingsarbeid. Dette arbeidet skal ikkje ha betydning for val av hovudtrase, og må skje på ein måte som gjer at det ikkje forseinkar arbeidet med hovudprosjektet. Alt. C101, med tunnel under Straume, er etter rådmannen sitt syn eit dårlegare val enn alt. C102. Ny firefeltstrasé på Bildøysida gjev store terrenginngrep, - klart større enn sekundærvegen i alt. C102. I tillegg vert inngrepa store i Straumssundet med ny firefeltsbru og to nye tunnellaup. Støy og forureining kjem her tett opp mot eksisterande og planlagt busetnad. For rådmannen er det også ein viktig faktor at ein tunnel under Straume vil ha liten overdekking og at dei geologiske vurderingane viser at fjellkvaliteten er dårleg. Rådmannen fryktar difor at kostnadane kan verta høgare enn berekna (jf. erfaringane frå utbygginga av Bjorøytunnelen). Konsept J vert ikkje tilrådd for denne delen av traseen. J101/J102 vil få stor negativ innverknad for Straumeområdet i høve til trafikksituasjon, forureining og støy. Alternativet inkluderar ikkje miljølokk, noko som inneber auka barriereverknad mellom søre og nordre Straume. Eit utvida kryss på Straume vil også skape ein vanskeleg situasjonen kring Sartor senter som m.a ikkje er i tråd med den byutvikling ein legg opp til i områdereguleringa for Straume sentrum. Delparsell Arefjord Storavatnet: Konsept F Rådmannen tilrår konsept F på strekninga mellom Arefjord og Storavatnet. I konsept F vert dagens Sotrabru ein del av lokalvegnettet og ein treng ikkje vesentleg ombygging for å tilfredstille krav for nyttelast for tyngre kjørety, slik som i konsept J. Det er positivt at høgspentleidningane mellom trafostasjonane i Breivikskiftet og Arefjord vert kabla. Dette vil frigjere dagens byggeforbodssone og redusere dei visuelle ulempene knytt til dagens høgspentanlegg. Konsept J gjev ikkje tilfredstillande løysing med omsyn til å betra transportkapasiteten på sikt, sikker framkomst for alle trafikkantgrupper og fleksibilitet i transportsystemet. Ny bru i nord medfører også større inngrep i nærmiljøet enn ny bru i høgspenttraseen. I tillegg får det store negative konsekvensar for kulturmiljøet i Knarrevik ved at 6 bustadhus frå industrireiseinga i åra vert rive. Det er berre når det gjeld kostnad, at alternativ i konsept J er betre enn alternativ i konsept F. Val av løysing i Fjell kommune må samsvare med val av løysing på Bergenssida, slik at det vert eit samanhengande veganlegg med same standard på heile strekninga. Rådmannen vurderer at revidert alt. C7 og alt. C7/C9 er fullt ut akseptabel for Fjell kommune sine interesser og tilrår konsept F på strekninga mellom Arefjord og Storavatnet. Det vert opp til Bergen kommune og Statens vegvesen å avgjere alternativ innanfor konseptet, men 14

15 rådmannen ser det som ønskjeleg at alt. C7/C9 vert særleg vurdert ut frå omsyn til kostnader og kollektivløysing. For å oppretthalde framdrifta mot sterkare prioritering i Nasjonal transportplan er det viktig at også Bergen kommune vedtek kommunedelplanen i nær framtid. All røynsle tilseier at om ein ikkje lukkast no, kan det gå fleire 4-års bolkar før ein igjen vil verte vurdert i NTPsamanheng. Det vert difor avgjerande at Fjell og Bergen vedtek same konsept slik at ein vert samde om plassering av ny Sotrabru. Det er god forvaltningspraksis at Bergen kommune får avgjere trasévala i Bergen og Fjell kommune på Sotra. I høve til kostnader og bompengar er rådmannen nøgd med at ein mest truleg vil få ein bompengesats på godt under 40 kr kvar veg, - ja kanskje under 30 kr. Det er også positivt at det er små skilnader i pris med varierande føresetnader. Kommunedelplanen for nytt Sotrasamband er ein av dei aller viktigaste planane som nokon gong er slutthandsama i Fjell (og i Bergen) kommune. Mykje tyder på at vedtaka i dei to kommunane i hovudsak vil vere i samsvar med kvarandre, og at dette vil vere ein heilt sentral føresetnad i prosessen fram mot eit positivt vedtak i Stortinget våren For rådmannen betyr eit positivt vedtak at ein vert prioritert i Nasjonal Transportplan slik at ein kan gå i gang med detaljplanlegginga rett etter Stortinget sitt vedtak, og sette spaden i jorda seinast i