Ruskin Mill College, Nailsworth i England

Størrelse: px

Begynne med side:

Download "Ruskin Mill College, Nailsworth i England"

Torger Ingvaldsen
8 år siden
Visninger:

Ruskin Mill College, Nailsworth i England referat frå studietur 3.- 5.11.2013 Mill betyr mølle.

1 Ruskin Mill College, Nailsworth i England referat frå studietur Mill betyr mølle. Vatnkraft var viktig i utviklinga av industrien i England Percheron, ein roleg arbeidskamerat Tenk om du kunne gå på ein skule utan å sitje i eit klasserom. Du fikk vere mykje ute heile året og lære med hendene: Praktisk arbeid, handverk, kunst, bio-dynamisk landbruk og miljølære. Du jobbar i ulike verkstadar som metall-, keramikk- og trearbeid, kunne dreie din eigen stol (!), vere på sy- og ullstova eller drive med fiskeoppdrett. I kafeen i bakeriet var det alltid sosialt og travelt i møte med kundar. Eller du kunne jobbe på garden med grønsaker, fôre og stelle dyra og køyre med kjempedigre Percheron arbeidshestar. Grønsaksåkeren i byrjinga av november Vi var ein god gjeng i frå Aurland, Universitetet for Miljø- og Biovitenskap (UMB) og Sogn Jord- og Hagebruksskule (SJH) som var på studietur til Ruskin Mill College i England november Vi var heldige å få gå i fotspora til elevane på skulen der vi besøkte dei ulike verkstadene (workshops) i dalen og snakka med lærarane/rettleiarane og rektor. Vertskapet vårt var Sue Reed, tilsett ved Ruskin Mill, og Aksel Hugo frå seksjon for lærarutdanning på UMB; for tida tilsett på Ruskinn Mill. 1

2 Vi og vertskapet vårt, Aksel Hugo, nr. to frå venstre, Sue Reed, nr seks frå venstre. Vi står ved det første elevarbeidet, eit golv laga av stein. Ruskin Mill er noko så uvanleg som eit college for omtrent 100 elevar med spesielle behov (special needs) og 200 tilsette. I England finnes omtrent 70 spesialskuler/ college. Ruskin Mill er ikkje ein vanleg skule, men ein privatskule som er uavhengig og står fritt til å utvikle pedagogisk innhald sjølv. Elevundersøkingar fortel at dei er den spesial skulen i landet som har høgast kvalifisering med tanke på gjennomføring og trivnad. Ullverkstad og Kristin Krøll, pedagogisk leiar på SJH 2

3 Idegrunnlaget for colleget og stiftiga er henta frå Rudolf Steiner og antroposofien, William Morris og John Ruskin. Skulen har utvikla ein eigen pedagogikk: Practical Skills Therapeutic Education. På norsk kan det bli: Praktisk kompetanse/ terapeutisk utdanning. Hovudideen er at gjennom praktisk arbeid, aktivitet og handverk vil eleven lære seg praktisk kunnskap og handlag. Slik vil eleven med tida utvikle personlege erfaringar som bygger sjølvtillit, sjølvbilete og uavhengigheit. Sagt med andre ord: Når eleven gjer/erfarer noko på det ytre plan skjer det utvikling på det indre. Her kan det vere mange eksempel: Hogge eit tre, dreie og til slutt har du laga din eigen stol, eller halde i taumane på ein arbeidshest som arbeidar på jordet. Verten vår, Aksel Hugo frå seksjon for lærarutdanning på UMB, hospiterer på Ruskinn Mill som forskar og lærar. I handa held han boka til William Morris. Ein av pionerane bak filosofien om praktisk- terapeutisk utdanning på Ruskin Mill. Tilbodet rundt kvar elev er heilskapleg og skal gjere eleven rusta til å klare seg i busituasjon og arbeidsliv, ha tru på seg sjølv, utvikle sosial kompetanse og praktiske ferdigheiter. Sjå meir på heimesida deira: Det nybygde kjøkenet og kantina. Å lage sunn og næringsrik mat er eit viktig emne i utdanninga 3

4 Elevverkstadar: Glasabeid og oppdrett av aure i fiskedammar Målgruppa for skulen er elevar med store lære- og åtferdsvanskar, mentale og sosiale skadar, ungdom som er blitt seksuelt misbrukt og ulike former for autisme og asbergers. Det er elevar som har mislukka skulegang og deira behov kan ikkje møtast i ein vanleg skule. Ruskinn Mill representerer då ein ny arena i høve til eit, hos nokon, destruktivt heimemiljø. Kvar elev har sin individuelle plan som blir kalla «The student Journey», studentreisa. Eleven blir teke på alvor med sine draumar, håp, interesser, kva ho liker/ ikkje liker. Sjølv om draumane til tider er svært urealistiske blir dei teke alvorleg. Studentreisa blir delt i små oppnåelege steg. Både på skulen og fritid blir dei tett følgt opp av vaksne. Ein lærar på Ruskinn Mill har maks tre elevar i ei gruppe. Kvar elev har sin personlege mentor som dei har samtale fast ein time i veka med. I samarbeid lagar dei ein timeplan (6 veker om gongen) for kva verkstader dei skal vere på og kva som er læringsmål. Å vere mentor er ein fulltidsjobb og dei skal på mange måtar fylle mange roller som: «Reserveforeldre, rollemodell, «advokat». Ein mentor har 10 elevar kvar og har tett samarbeid med «husforeldra», heimstad, hjelpeapparat og familie. Dei fleste tilsette har dobbelkompetanse som handverkar/fagarbeidar og terapeutisk/pedagogisk utdanning. Alle som blir tilsett ved Ruskinn Mill må gå igjennom det same opplæringsprogrammet og arbeide i verkstadene. Hensikta er at dei tilsette skal gå i «elevane sin fotspor» og erfare korleis det er å vere elev og bli kjend med heile organisasjonen. 4

5 Anne Line prøver å gå i «elevane sin fotspor». To av oss fekk vere med i treverkstaden, ei dreia kjevle var resultatet. Elevane bur anten i vanlige heimar der vaksne er vertsforeldre (houseparents) eller i eigne bueiningar tilpassa ungdommane. Eigne bueiningar er for dei elevane som har antisosial åtferd, mykje aggresjon, seksualisert oppførsel eller kan vere stygge mot barn og dyr. Houseparents blir tilsette i Ruskinn Mill trust og får opplæring og jamnleg oppfølging. Ruskinn Mill tilbyr og eit masterstudium i «Practical Skills Therapeutic Education» og eit forskingssenter kalla «The Field Centre». Crossfield institute, masterutdanning og forskingssenter for praktisk-terapeutisk utdanning Vi som var med på studieturen var imponert (!) over Ruskinn Mill og håpar på at vi kan lage/ vidareutvikle verkstader på grunnskulane og SJH, bruke gardane i bygda til Inn på tunet-aktivitetar og utvikle sosiale entreprenører i næringslivet 5

6 i Aurland. Studieturen var eit samarbeid mellom UMB v/aksel Hugo og ressurssenteret ved SJH, v/jorunn Barane i eit prosjekt kalla Stadbasert sosialt entreprenørskap. Prosjektet har fått midlar frå utdanningsdepartementet og dekka deler av studieturen. Elles dekka Aurland kommune mykje at deltakarane sine reiseutgifter. Eigeninnsatsen for deltakarane/bedriftene var i hovudsak lønskostnader. I juni 2013 kjem lærarar frå Ruskinn Mill til SJH for å lære oss om praktisk handverk i terapeutisk/pedagogisk samanheng og for å sjå korleis vi kan utvikle sosialt entreprenørskap vidare i Aurland. Dei som var med på studieturen: Anne Line Nesse Johnsen, Marianne Holme, Ine Tvedt Kristiansen, Kristin Ryum, Linda Jolly (UMB) og Janicke Hoel. Ein stor takk til Sue og Aksel for ein lærerik og flott studietur. Frå Ruskinn Mill si skulebrosjyre: «Happiness is not something you can learn. But learning with my hands and heart has made me happy. Skrive av Janicke Hoel, Årsplan i skogsarbeid og trearbeid Eit gamalt og verna hus i Nailsworth 6

Like dokumenter

Stadbasert entreprenørskap og læring

Stadbasert entreprenørskap og læring Studietur/fagtur 19. - 22. oktober 2011 Cotswold i England: Ruskin Mill Educational Trust Nailsworth Stroud Cotswold landskapet, jan. 2007 Påmelding til Ressurssenteret