ETABLERING AV KLIMANETTVERK HORDALAND, UTVIKLING AV EIN FYLKESDEKKANDE KLIMAPOLITISK MØTEPLASS

Transkript

1 HORDALAND FYLKESKOMMUNE Regionalavdelinga Klima- og naturressursseksjonen Arkivsak Arkivnr. 740 Saksh. Mathisen, Gudrun Saksgang Møtedato Fylkesutvalet ETABLERING AV KLIMANETTVERK HORDALAND, UTVIKLING AV EIN FYLKESDEKKANDE KLIMAPOLITISK MØTEPLASS SAMANDRAG Klimaplan for Hordaland og Handlingsprogrammet involverar mange aktørar. Hordaland fylkeskommune har eit samordningsansvar. Det er behov for ein møteplass som kan gjere klimafylket Hordaland i stand til å bli endå meir synleg, slagkraftig og resultatretta i klimaarbeidet, og sikre synergieffektar på tvers av forvaltingsgrenser. Fylkestinget har vedtatt at det skal etablerast eit klimanettverk Hordaland i samarbeid med kommunane og fylkesmannen. Regionalt klimapanel er etablert av regionråda for Nordhordland og Bergensregionen. Sett frå Hordaland fylkeskommune si side er det ønskjeleg om dette organet kan utvidast med dei andre regionråda i fylket, og på den måten bli ein klimapolitisk møteplass for heile fylket. Fylkeskommunen si deltaking bør også vera politisk. FORSLAG TIL VEDTAK 1 Fylkesutvalet tar opplegg for etablering av Klimanettverk Hordaland til orientering. 2 Regionalt Klimapanel er ein etablert klimapolitisk møteplass. Fylkesutvalet ber Regionalt Klimapanel vurdere å invitere med dei andre regionråda i Hordaland, med siktemål at det kan ein bli ein fylkesdekkande klimapolitisk møteplass. Hordaland fylkeskommune vil delta politisk i Regionalt Klimapanel. Paul M. Nilsen Jan Per Styve

2 FYLKESRÅDMANNEN, : Klimaplan for Hordaland og tilhøyrande Handlingsprogram vedkjem og involverar mange aktørar i Hordaland. Hordaland fylkeskommune har ei samordnande rolle overfor statlege etatar og kommunane. Det kan vere nyttig med ein tydeleg struktur på korleis vi skal samarbeide for å oppnå felles mål. Eit ryddig rammeverk kan medverke til enklare kommunikasjon og samhandling, meir transparent forvalting og drift av tiltaka i handlingsprogrammet, og vonleg gjere samhandlinga lettare mellom næringsliv, lag og organisasjonar og offentlege verksemder. Gjeldande styringsstrukturar må leggjast til grunn. Eit felles forum etablert på tvers av myndigheitsnivå skal ikkje ha ei forvaltingsmessig rolle, men vere ein møteplass som kan gjere klimafylket Hordaland i stand til å bli endå meir synleg, slagkraftig og resultatretta i klimaarbeidet. Vi vil ha synergieffektar av innsatsen. Det finst fleire fora for klimasamarbeid i Hordaland, mellom anna initiert av regionråda for Nordhordland og Bergensregionen. Det må vere eit mål å byggje på dei eksisterande fora i størst mogleg grad. Tidlegare handsaming Handlingsprogram for klimaplanen vart vedteke av Fylkestinget (sak 42/10). Tiltak Klimanettverk Hordaland: Hordaland har fleire møteplassar for klimaengasjerte menneske frå ulike miljø: Regionalt klimapanel, Klimaforum Bergen, Norsk klimastiftelse, osb. Hordaland fylkeskommune har også eit koordineringsansvar på fylkesnivå. Fleire kommunar har etterlyst eit fylkesdekkande nettverk under leiing av fylkeskommunen. KS sitt nettverk for kommunar Livskraftige kommunar skal avsluttast i 2010, det same gjeld nettverket for Petroleumskommunar, der m.a. Lindås og Øygarden er med. Det er viktig å vidareføre dei gode erfaringane og samarbeidet frå desse nettverka. Bergen kommune er med i Framtidens byer, som er MD si store satsing for dei 13 største byane i Noreg. Hordaland fylkeskommune er trekt inn i arbeidet og det har vore svært nyttig i utarbeiding av klimaplanen. Bergen kommune er med i andre bynettverk, og vi nyt godt av det samarbeidet med dei. Føremålet med Klimanettverk Hordaland er først og fremst å skape ein arena for samhandling og samarbeid om oppfølginga av Klimaplan for Hordaland. Nettverksmøta kan handsame eitt eller fleire tema om gangen. Første møte planleggjast seinhausten Det er viktig med ein god koordinering med andre konferansar/seminar/nettverksaktivitetar i fylket som involverar dei same målgruppene, mellom anna for å unngå møtekollisjon og for å kunne dra nytte av moglege synergieffektar ved samkøyring der det måtte vere relevant. Ansvar: Hordaland fylkeskommune. Samarbeidspartnarar: Kommunane, Fylkesmannen i Hordaland, Bergen kommune. Kostnad, finansiering: per år frå 2011, Hordaland fylkeskommune. Kritisk suksessfaktorar: Oppfylle behova som kommunar (og andre) har til å ta opp konkrete problemstillingar og kome med løysingar. Oppstart hausten Eksisterande samarbeidsarenaer på klima i Hordaland Bergen kommune har tatt fleire viktige samarbeidsinitiativ på klima, m.a. forankra i Bergenscenarier og Interreg-prosjektet MARE (Managing Adaptiv responses to changing flood risks in the North Sea region). Eit sentralt grep i MARE er å etablere Learning and Action Alliances, lærande alliansar eller forpliktande nettverk. Hordaland fylkeskommune har støtta MARE økonomisk og deltek på samlingar i Bergen. Regionalt klimapanel. Regionrådet Nordhordland IKS og Regionrådet Bergensregionen vart på eit felles rådsmøte 8. februar 2008 om Klima og miljøutfordringer i Bergensregionen einige om å setje ned eit felles Klimapanel. Det Regionale Klimapanelet har følgjande samansetting: 2

3 Byråd Lisbeth Iversen, Bergen kommune, leiar Regionrådet Bergensregionen - leiar Ordførar Håkon Matre, Masfjorden kommune, leiar i Regionrådet Nordhordland IKS Ordførar Olav Martin Vik, Øygarden kommune Ordførar Ole Lysø, Austrheim kommune Klimasjef Eva Brit Isager, Bergen kommune Klima- og naturressurssjef Gudrun Mathisen, Hordaland fylkeskommune Rådgiver adm.dir Asbjørn Algrøy, BRB Klimasjef Eva Brit Isager er sekretær for gruppa og kallar inn til møte. Klimapanelet har 3-4 møte i året og tar opp klimasaker og arbeid av felles interesse. Klimaforum Bergen er eit samarbeid mellom Bergen kommune, Bergen Næringsråd og Bjerknessenteret. Forumet har utspring i Bergenscenarier 2020 og starta opp i Har gratis faglege møte (etter invitasjon), ofte i samarbeid med andre (t.d. Rotary). Frukostmøta er eit samarbeid mellom Bergen kommune, Husbanken, Høgskolen i Bergen, Fylkesmannens Landbruksavdeling, Hordaland fylkeskommune og NAL Ecobox. Hovudvekt er på byggebransjen. Seminara er i kantina i Bergen rådhus frå kl. 8 til kl. 10, har påmelding men er gratis og inkluderer frukost. Andre samarbeidsfora Det finst fleire andre samarbeidskonstellasjonar på klima og energi i Hordaland, med utgangspunkt i ulike samfunns- og fagområde og FoU. Her kan ein nemne: Norsk Klimastiftelse vart oppretta mars 2010 av Sparebanken Vest avd. Visjon Vest, Nansen Senter for miljø og fjernmåling, Institusjonen Fritt Ord og Biskopen i Bjørgvin. Føremålet er gjennom egen virksomhet, herunder formidling av kunnskap og forslag fra anerkjente kunnskapsmiljøer, å bidra til tiltak offentlige som private som leder til reduserte utslipp av klimagasser og redusert energiforbruk, ny teknologi og utvikling av nye energiformer. Tilsvarende kan stilftelsen arbeide for tiltak som svekker skadevirkningene av inntrådte eller fremtidige klimaendringer Stiftelsen skal også fremme holdningsskapende arbeid for et bedre klima og miljø. Hordaland fylkeskommune er medlem av Stiftelsen sitt råd, som ved stiftinga hadde 16 medlem. Ungdommens klimapanel er eit initiativ som Ungdomens fylkesutval ønskjer å dra i gang. Utkast til føremål: Ungdommens Klimapanel i Hordaland skal a) gi ungdomsorganisasjonar i Hordaland moglegheit til å kunne utveksle og bygge kunnskap om dei lokale miljøutfordringane, samt skape ein samlingsplass for diskusjon og utvikling av samarbeid, og b) fungere som høyrings- og påverknadsinstans for Hordaland fylkeskommune i saker som er relevante for emnet. Sjå tiltak i Handlingsprogrammet til Klimaplanen. Energiforum, oppretta i 2006, har som føremål å arbeide for å styrkje kunnskaps- og kompetansegrunnlaget for energiverksemd og ein framtidsretta energipolitikk. I styret sit BKK, Hordaland fylkeskommune, Bergen kommune, Bergen Næringsråd, HOG Energi, Naturvernforbundet Hordaland, Norges Handelshøyskole og Universitetet i Bergen. UiB har p.t. styreleiinga. Energiforum arrangerte Energy, Climate and Technology-konferansane i , der FoU-miljøa er hovudmålgruppe. Energiforum har halde fleire opne møte om energispørsmål. Rammer for arbeidet med klima i Hordaland fylkeskommune Hordaland fylkeskommune sitt arbeid med klima er forankra i Klimaplan for Hordaland og følgjer den ordinære organisasjonsstrukturen. Fylkestinget er øvste politiske mynde. Fylkesutvalet innstiller og kan gjere vedtak på enkelttiltak i medhald av vedtatt handlingsprogram. Fylkesrådmannen er øvste administrative leiar. Sektoransvarsprinsippet gjeld, det vil seie at fagavdelingane har ansvar innanfor sine felt. Dagleg drift av klimaplanen og koordinering av klimaarbeidet ligg til 3

4 Regionalavdelinga, klima- og naturressursseksjonen. Sjå for Hordaland fylkeskommune sin politiske og administrative struktur. Det kan vere behov for ei fastare styrt intern koordinering for å sikre framdrift og iverksetting av tiltak. Det må i så fall forankrast i fylkesrådmannen si toppleiargruppe. Rammer for Hordaland fylkeskommune sitt klimasamarbeid med andre aktørar Fylkeskommunen er regional utviklingsaktør og har ein formell samordningsfunksjon forankra i Kommunelova og Plan- og bygningslova. Klimaplanen er ein regional plan i medhald av pbl og er retningsgivande for kommunar og statlege etatar. Målgruppe for planen omfattar også lag og organisasjonar, næringsliv og andre. Handlingsprogrammet har ei like brei målgruppe. Dei enkelte tiltaka er meir spissa på kven som er ansvarleg og kven som er samarbeidspartnarar. Det er behov for ein struktur på samarbeidet med dei ulike aktørane, fagleg, administrativt og politisk. Klima- og naturressursseksjonen som er sekretariat for klimaplanen og klimaarbeidet har òg behov for direkte kontakt med fagfolk i kommunane. Fylkeskommunen har mange møtepunkt med kommunane. Mange av dei, på si side, har liten administrasjon og dei same personane møter fylkeskommunen i mange ulike samanhengar. Det bør vere eit mål å unngå å etablere fleire møteplassar enn høgst nødvendig, og helst utnytte dei møteplassane/nettverka som alt finst. Etablering av Klimanettverk Hordaland og styrking av Regionalt Klimapanel Klimanettverk Hordaland er vedtatt oppretta av Fylkestinget. Det skal vere for alle kommunar i fylket. Kommunane vert inviterte til å peike ut ein fast administrativ kontaktperson for klimaarbeidet, og vedkomande vert deira primære representant i Klimanettverket. Kommunane kan delta med fleire personar på samlingar i regi av nettverket. Klimanettverket er også open for deltaking frå andre offentlege verksemder, frivillige lag og organisasjonar og evt andre interesserte. Hordaland fylkeskommune leiar Klimanettverket og har sekretariat. Klimanettverket har møte om lag 2 gonger årleg, etter behov. Klimanettverket er eit forum for utveksling av erfaringar, kompetanse og best practice. Klimanettverket er eit kontaktorgan for iverksetting av Handlingsprogrammet, aktivitetar i kommunane og deira klima- og energiplanar. Då handlingsprogrammet til Klimaplanen vart laga vart det etablert grupper på nokre av temaa (transport, klimatilpassing). Klimanettverket kan etter behov vidareføre dei, ev. utvide med fleire faglege grupper med eigne møte/samlingar. Mandat for klimanettverket bør fastsetjast av Hordaland fylkeskommune og få tilslutnad på eit oppstartseminar. Styrking av Regionalt Klimapanel Også politisk er det behov for å koordinere og fokusere klimaarbeidet i fylket og samle kreftene for å oppnå resultat. Dei politiske leiarane har nytte av ein møteplass kor dei kan søkje råd og ta opp klimautfordringar og klimasaker, m.a. med utgangspunkt i eigne energi- og klimaplanar. Politikarane kan bidra til at aktivitetane i Hordaland vert samkøyrte og medverke til synergieffektar i klimaarbeidet. Regionalt Klimapanel er ein etablert møteplass. Dersom det vert utvida med leiarane for dei andre regionråda i Hordaland Sunnhordland og Hardanger, vil det kunne dekke behovet for eit fylkesdekkande politisk klimapanel. Hordaland fylkeskommune bør be Regionalt Klimapanel om å vurdere ei slik utviding. Dersom dei er positive til det, bør fylkeskommunen også delta politisk i panelet. Ei typisk sak som bør handsamast i det regionale klimapanelet er tiltak i Handlingsprogrammet, Statleg kjøp av klimakvotar. 4

5 Kopling mellom Klimanettverk Hordaland og Regionalt Klimapanel Bergen kommune har sekretariat for Regionalt Klimapanel. Hordaland fylkeskommune har sekretariat for Klimanettverk Hordaland. Sekretariata må syta for at det er god kontakt og saksflyt mellom dei to organa. Framdrift Figuren viser ulike samarbeidsarenaer, og skisserer korleis samanhengen kan vera mellom Regionalt Klimapanel og Klimanettverk Hordaland Oppstart av Klimanettverk Hordaland Det var opphavleg tenkt at Klimanettverket startar opp hausten Ein vurderer at det er lita tid til eit større oppstartseminar i oktober-november. Vi ønskjer å etablere det i løpet januar Klimanettverket må lanserast på Plankonferansen november 2010, der alle kommunane er inviterte, og der klima er eitt av hovudtemaa. Forholdet til Regionalt Klimapanel Etablering av Klimanettverk Hordaland var drøfta i Regionalt Klimapanel Klimapanelet var positive til etablering av Klimanettverk Hordaland. Mogleg utviding av Klimapanelet med politisk deltaking frå Hordaland fylkeskommune og dei andre kommunane i fylket, t.d. representert ved Regionrådsleiarane, var også drøfta. Ein var samde om at det er viktig med ein politisk overbygning over det faglege nettverket. Neste møte i Regionalt Klimapanel er måndag 8.november kl Eg rår til at Hordaland fylkeskommune deltar med fylkesordførar/ein sentral politikar på dette møtet, og at ein ber om at ei utviding av klimapanelet med siktemål å bli fylkesdekkande, blir satt på dagsorden. 5