Oversending av løyve etter forureiningslova - Bø reinseanlegg i Bø reinsedistrikt - Bø kommune

Transkript

1 Sakshandsamar, direktetelefon Gunnar Djuvik, Vår dato Dykkar dato Vår ref. 2013/1044 Dykkar ref. Bø kommune Teknisk eining Postboks BØ I TELEMARK Att. Gudmund Amundsen Oversending av løyve etter forureiningslova - Bø reinseanlegg i Bø reinsedistrikt - Bø kommune Fylkesmannen har handsama søknaden datert og har vedteke å gje løyve på visse vilkår til utslepp av avløpsvatn til Bøelva frå nytt Bø reinseanlegg i Bø reinsedistrikt. Løyvet er gjeve med heimel i forureiningslova 11 og 16. Løyvet med tilhøyrande vilkår følgjer vedlagt Vi viser til søknad ved brev av med vedlegg frå Bø kommune. Vedtak Fylkesmannen gjev med heimel i forureiningslova 11 og 16 løyve til Bø kommune til utslepp av kommunalt avløpsvatn frå Bø reinsedistrikt via avløpsnett og via Bø reinseanlegg med kjemisk/biologisk prosess med utsleppspunkt i Bøelva på visse vilkår. Dette nye løyvet gjeld utslepp inntil personekvivalentar (pe). Bakgrunn Bø reinseanlegg har tidlegare løyve frå 1972 til utslepp via reinseanlegg med mekanisk/kjemisk reinseprosess. Det har etter kvart vore trong for omfattande rehabilitering eller nybygg for mellom anna å stette gjeldande generelle krav. Det er difor no bygd nytt reinseanlegg etter dei krava som følgjer av forurensningsforkriften del 4 om avløp og av gjeldande regler for dimensjonering av anlegg omfatta av utsleppskrava i kapittel 14. Nytt anlegg har soleis krav om sekundærreinsing i tillegg. Det nye løyvet svarar til dagens om lag personekvivalentar i Bø tettstad og forventa vekst fram mot 2030 i tillegg til noverande fritidsbusetnad og forventa ny på fritidsbusetnad på Lifjell. Anlegget vil med den endra prosessen få høg reinsegrad for fosfor og organisk stoff slik at dei generelle krav til sekundærreinsing som følgjer av kapittel 14 kan bli tilfredsstilt. Det nye anlegget er no sett i drift og er bygd like att med det eksisterande anlegget som ein skal rive. Utsleppspunkt i Bøelva er det same som før. Handsaming av søknaden Søknaden er kunngjort i to aviser, via servicekontoret i kommunen og via vår heimeside. Det har ikkje kome inn merknader frå publikum eller uttale frå kommune/ andre partar ved høyringa. Postadresse Besøksadresse Telefon E-post Postboks 2603 Gjerpensg. 14, Bygg F, Skien fmtepost@fylkesmannen.no 3702 Skien Organisasjonsnummer Telefaks Internett

2 Side 2 Saksframstilling og grunngjevnad Ramme Løyvet omfattar avløpsanlegg for transport og handsaming av kommunalt avløpsvatn innafor eit definert reinsedistrikt. I tillegg omfattar løyvet krav til slamhandsaming, overvaking av resipient og støy, lukt o.a. Vilkåra er i hovudsak i samsvar med søknaden. Dei bygger i stor grad på krav fastsett i forurensningsforskriften kapittel 14 og gjeld primært følgjande: - nytt reinseanlegg med mekanisk/kjemisk/biologisk reinseprosess dimensjonert etter aktuell last - utbetringstiltak på leidningsnettet ved avkloakkerings- og saneringstiltak Reinsedistriktet i løyvet er definert på kartskisse datert som følgjer søknad og som viser eksisterande og framtidig planlagte område med tilknyting til Bø reinseanlegg via innteikna hovudleidning for avløp. Ved utbygging av infrastrukturen i området eller ved vesentleg utviding av reinsedistriktet som følgje av til dømes endra arealbruk, krev løyvet at ein skal justere grensene for reinsedistriktet. Reinsedistriktet er ikkje delt opp i delområde pr idag, men om det er føremålstenleg for vidare oppfølging av løyvet, bør ein definere slike delområde. Mål Mål i løyvet viser til at vasskvaliteten skal tilfredsstille dei generelle måla for god økologisk tilstand som gjeng fram av Vannforskriften. Bø kommune har elles målsetjing i Hovudplan avløp om å avgrense utslepp frå avløpsnett, reinseanlegg og private avløpsnett mest mogeleg og med best mogeleg utnytting av tilgjengelege økonomiske ressursar. Lokalt miljømål i kommunen for avløpsanlegg er at Bøelva og lokale bekker skal ha god miljøtilstand, med tilfredsstillande vasskvalitet og fri for synleg ureining, avløpssøppel osb. Regionalt er miljømålet for Bøelva, som renn vidare ut i Norsjø, at utsleppa må avgrensast til eit nivå som gjer at ein sikrar god vasskvalitet i vassmassane. Det er og konkrete overordna mål om ytre miljø vatn, slam, lukt og støy- i driftsprosedyren/ prosessbeskrivinga. Overløp frå leidningsnett og frå reinseanlegg Det har i seinare år vore generelt auka merksemd på tilstand på leidningsnett, dels ved dei generelle krava i forurensningsforskriften frå 2005 og dels ved kontrollaksjon i 2008 og Vi vart i samband med kontrollen orientert om utbetrande tiltak som kommunen har gjort og framleis held fram med på leidningsnettet for å redusere framandvatn. Som følgje av kontrollen vert det og sett i gang arbeid med å oppdatere hovudplan for vatn, spillvatn og overvatn. Hovudplanen datert er ein del av søknaden, og avløpsdelen framgår av kapittel 2 i planen. Hovudtrekk i tilstanden er at - avløpsnettet har gjennomgåande god kvalitet - nedbøravhengig framandvasstilførsle skjer i forholdsvis stort omfang, dvs. 99 % av måledøgna - det er delområde/ punkt i nettet med jamn innlekking av framandvatn uavhengig av veret Kommunen har bra oversikt over tilstanden og har ei bevisst haldning til oppfølging med utbetringstiltak for å redusere framandvasstilførsla. Dette gjeld tiltak gjennom systematisk kontroll retta mot - feilkopla taknedløp, gatesluk og/eller drensleidningar - opne rørendar/leidningsavslutningar - lekkasjar i/ved bekkekryssingar - diffus innlekking i område med høg grunnvasstand

3 Side 3 Det er sett vilkår om kontroll med overvatn tilført til avløpsnettet og om gjennomføring av eventuelle avbøtande tiltak. Samla sett er overløpssituasjonen som følgje av det nye reinseanlegget klårt betre enn før ved at nytt anlegg har langt større kapasitet for å ta unna og reinse store vassmengder som tidvis skjer som følgje av innlekking til leidningsnettet. Med omsyn til overløp ut frå leidningsnettet og frå reinseanlegget er dette pr i dag ikkje ei aktuell problemstilling. Med bakgrunn i tilrettelegginga med doble pumpar i alle dei 13 pumpestasjonane og røynsler med drifta samt det nye reinseanlegget sin auka kapasitet, vert slike overløpshendingar truleg berre aktuelle som reine naudoverløp etter vanleg definisjon av slike. Ettersom reinseanlegget er nytt, har ein førebels ikkje hatt overløp ved innløpet til reinseanlegget, men det er likevel sett vilkår om mengdemåling ved dette overløpspunktet. For eventuelle overløp frå naudoverløp ved pumpestasjonar er det vilkår om at ein skal registrere desse med tidsmåling. Saneringstiltak Det er sett krav om framføring av avløpsleidning til Forbergområdet med tilknyting av bustader frå år For tiltak som gjeld etablering av nytt leidningsnett i samband med tilrettelegging for nye utbyggingsområde i kommuneplanen, er desse tiltaka ikkje tidfesta i dette løyvet. Internkontroll og ROS Kommunen har etter at det nye reinseanlegget vart sett i drift, utarbeidd ein oppdatert versjon, utgåve 3, av internkontrollsystemet. Dette inkluderer oppdatert risiko- og sårbarhetsanalyse medrekna dei mest aktuelle store hendingane som vil vere naturleg å ta inn i ein beredskapsplan. Vurdering av utsleppet etter krav i Vannforskriften Vi kan ikkje sjå at fristar for måloppnåing i vannforskriften vert påverka negativt som følgje av nytt løyve. Utsleppsstaden i Bøelva er den same som tidlegare. Utsleppet til elva vert mindre etter at det nye reinseanlegget no er sett i drift. Dette skuldast i hovudsak den nye reinseprosessen med ein forventa betre reinseeffekt for fosfor og særleg for organisk stoff. Lokalt innafor reinsedistriktet, til dømes i mindre vassdrag nedstrøms Forberg, kan ein og forvente at utsleppet vert mindre ved dei utbetringstiltak på leidningsnettet og tilknytingar som det er sett vilkår om i løyvet. Det er ikkje grunn til å forvente at miljømåla i 7 om prioriterte stoff vert påverka negativt, jf. vilkår om påslepp og om ROS-analyse. Det er etablert ordning for driftsoppfølging inkludert prøvetaking via Driftsassistansen. Fylkesmannen kan vurdere moglege ytterlegare avgrensingar i utsleppet i ettertid om dette er naudsynt. Vi kan ikkje sjå at vannforskriften 4, 7 og 8 er til hinder for dette løyvet. Vurdering av utsleppet etter krav i Naturmangfoldlova Noverande utslepp av avløpsvatn er et resultat av vanlege prinsipp som har vore nytta i tidlegare vedtak heimla i forureiningslova. Det vil sei at fleire mindre enkeltutslepp med mogleg negativ verknad for helse, miljø og naturmangfald er samla i eitt større utslepp med felles utslepp på etter reinsing. Dette nye løyvet endrar ikkje på desse tilhøva anna enn at ein kan forvente betre reinsing med det nye reinseanlegget og soleis mindre påverknad på vasskvaliteten i Bøelva. Med omsyn til 8 om kunnskapsgrunnlaget er det ved denne sakshandsaminga ikkje utarbeidd særskilt kunnskapsgrunnlag for naturmangfaldet. Det er imidlertid gjennomført ei undersøking av førekomst av elvemusling i Bøelva oppstrøms og nedstrøms Oterholtfossen i Resultatet ligg føre i rapporten Kartlegging av elvemusling,

4 Side 4 Margaritifera margaritifera, Telemark Den syner at ein finn ei god og livskraftig bestand av elvemusling truleg i heile elvestrekninga frå Oterholtfossen til Norsjø. Siden utsleppa frå renseanlegget nå vert redusert, er det grunn til å tro at den økologiske tilstanden i Bøelva ikkje vil bli skadeleg påverka. Vi reknar at 9 om føre-var-prinsippet vert teke i vare gjennom dei fastsette utsleppskrava og gjennom vilkår om utsleppsmåling og anna driftsoppfølging. Når det gjeld 10 om samla last reknar vi at omsynet til Bøelva er sikra gjennom reinsekrava i dette løyvet og gjennom krav om driftsoppfølging. Vi reknar elles at 11 om kostnader og 12 om miljøteknikk er avklart gjennom handsaminga og gjennom dei vilkår som er fastsette i løyvet og som er heimla i forureiningslova. Generelt har vi ved avgjerdsla av om ein skal gje løyve og ved fastsettinga av vilkåra lagt vekt på ulemper med forureininga og sett desse opp mot dei fordeler og ulemper som tiltaket elles vil medføre. Ved fastsettinga av vilkåra har vi vidare lagt til grunn kva som ein kan oppnå med beste tilgjengelege teknikk. Ein skal drive, halde ved like og fornye anlegget i eit langsiktig perspektiv, slik at funksjon og yting heile tida er slik det er venta og er stabil trass i variasjonar i last og klimatilhøve. Endring av løyvet Dette løyvet kan ein seinare endre i medhald av forureiningslova 18. Endringar skal vere basert på skriftleg sakshandsaming og forsvarleg utgreiing av saka. Ein eventuell endringssøknad må difor ligge føre i god tid før ein ønskjer å gjennomføre endringa. Ansvar Sjølv om utslepp er innafor dei fastsette utslippsgrensene, pliktar kommunen å redusere utsleppa så langt råd utan urimelege kostnader. Det same gjeld utslepp av komponentar som det ikkje uttrykkeleg er satt grenser for gjennom særskilte vilkår. At forureininga er tillate, ekskluderer ikkje erstatningsansvar for skade, ulemper eller tap orsaka av forureininga, jfr. forureiningslova 56. Brot på utsleppsløyvet er straffbart etter forureiningslova 78 og 79. Brot på krav som følgjer direkte av forureiningslova og av produktkontrollova samt føresegner fastsett i medhald av desse lovene, er også straffbart. Fristar Tabellen nedanfor er kopiert frå løyvedokumentet vilkår 2.1 tabell 1 og gir oppsummering av tidfesta vilkår og tilhøyrande tidsfristar for gjennomføring av tiltak som løyvet krev: Tiltak Tidsfrist Sjå vilkår Oppstart av avkloakkerings- og separeringstiltak for Forberg, sjå Hovudplan, avsnitt 1.4, tiltak nr 7 Avløpsnettet Gjennomføre tiltak etter handlingsplan basert på framtidig Etter behov 2.2 oppdaterte ROS-analysar KOSTRA-rapportering 15. februar årleg 11.1 Vedtak om gebyrsats Fylkesmannen har tidlegare ved brev datert varsla om at Fylkesmannen si handsaming av søknad om utslippsløyve er omfatta av ei ordning med sakshandsamingsgebyr, jf. forurensningsforkriften kapittel 39. Med heimel i forskrifta 39-4 vert gebyrsats med dette

5 Side 5 fastsett til sats 3. Oppdatert sats svarar til kr Miljødirektoratet sender faktura med det første. Høve til å klage på vedtak om gebyrsats Vedtaket om gebyrsats kan ein klage på til Miljødirektoratet, jf. forvaltningslova 28. Klagefristen er tre veker. Klagen bør være skriftleg og grunngjeve, og den sendast via Fylkesmannen. Regelen om innkrevjing av sakshandsamingsgebyr til statskassa for Fylkesmannen sin konsesjonshandsaming og kontroll finn ein via regelverk og oversikten under forurensningsforskriften. Høve til å klage på vedtak om løyve Parter i saka eller andre med rettsleg klageinteresse i saka kan klage på vedtaket til Miljødirektoratet innan tre veker frå ein vart kjent med vedtaket eller frå vedkomande fekk eller burde skaffa seg kjennskap til vedtaket. Ei eventuell klage skal opplyse om kva det vert klaga på og den eller dei endringar som ein ønskjer. Ein bør gje grunn for klaga og nemne andre opplysningar som har noko å seie for saka. Klagen skal sendast via Fylkesmannen. En eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter førespurnad eller av eige tiltak avgjøre at vedtaket ikkje skal gjennomførast før klagefristen er ute eller klaga er avgjort. Avgjersla av spørsmålet om gjennomføring kan ein ikkje klage på. Med visse unnatak har partane rett til å sjå sakens dokumenter. Nærare opplysningar om dette kan ein få ved å kontakte Fylkesmannen. Andre opplysningar om regler for sakshandsaming og andre regler som har noko å seie for saka vil Fylkesmannen også kunne gje på førespurnad. Kunngjering Løyvet vert sendt i kopi til orientering etter liste under og vert elles kunngjort via Fylkesmannen si heimeside og ved kunngjering i avis. Med helsing Ingvar Oland underdirektør miljøvernavdelinga Gunnar Djuvik senioringeniør Brevet er godkjent elektronisk og har derfor inga underskrift Vedlegg: Løyve med vilkår - Bø reinseanlegg Kopi med vedlegg til: Asplan Viak AS, Postboks 393 Sentrum, 3701 Skien Driftsassistansen i Telemark v/ Sweco Norge AS, Vekanvegen 10, 3840 Seljord Miljødirektoratet, Postboks 5672 Sluppen, 7485 Trondheim