Nissedal kommune. Møteinnkalling. Utval: Kommunestyret Møtestad: Kommunestyresalen, Kommunehuset Dato: Tidspunkt: 18:00

Transkript

1 Nissedal kommune Møteinnkalling Utval: Kommunestyret Møtestad: Kommunestyresalen, Kommunehuset Dato: Tidspunkt: 18:00 Forfall skal meldast på tlf Varamedlemmer møter berre ved særskilt innkalling. Halvor Homme ordførar 1

2 Saksliste Utvalssaksnr PS 51/17 PS 52/17 PS 53/17 PS 54/17 PS 55/17 Innhald Saker til behandling Nedre aldersgrense for opptak av barn til barnehagane i Nissedal kommune Forskrift om rett til opphald i sjukeheim - Ny vurdering Kommunepsykologar i Vest-Telemark Brannvernsamarbeidet i Vest-Telemark - Selskapsavtale ny handsaming Referat- og drøftingssaker Lukka 2

3 Saker til behandling PS 51/17 Nedre aldersgrense for opptak av barn til barnehagane i Nissedal kommune 3

4 0 Nissedal kommune Arkiv: Saksmappe: Sakshandsamar: Dato: A / Gro Turid Midtsund Saksframlegg Utval Utvalssak Møtedato Kommunestyret 51/ Nedre aldersgrense for opptak av barn til barnehagane i Nissedal kommune Fakta i saka: Då handlingsprogrammet for kommunen blei behandla i kommunestyret ønska politikarane ei sak om å tilpasse nedre aldersgrense for opptak av barn til barnehagane til å vera i samsvar med reglane for foreldrepermisjonen. Barnehagane i Nissedal kommune er godkjent for barn frå eitt år, og har nedfelt i vedtektene pkt. 5 at barnet skal vera fylt eitt år før det tek til i barnehagen. Dette er og i samsvar med føringane frå Stortinget som seier at barn har lovfesta rett til barnehage frå den månaden det fyller eitt år det året hovedopptaket skjer. Likevel er det opp til den enkelte kommune og fastsette reglar for opptak. Dagens reglar kan skape utfordringar for enkelte foreldre i samband med foreldrepermisjon. Mange foreldre ynskjer å være yrkesaktive, - eller dei må vera det av økonomiske årsaker. Når foreldre skal søke fødselspermisjon må dei velge mellom 80% eller 100% uttak. Med 100% uttak får foreldra 49 veker permisjon. Med 80 % uttak har dei rett på 59 veker. Tre av vekene må mor ta ut før forventa termin i begge alternativa. Dersom eit foreldrepar vel 100% uttak av permisjonen vil barnet vera ca. 10 månader når permisjonen er slutt. Dette kan skape utfordringar i forhold til å koma tilbake på jobb, då kommunen krev at barnet skal ha fylt eitt år før oppstart i barnehage. Vurdering: Kommunen har dei siste åra hatt stor auke av små barn i barnehagane. Dette har endra seg mykje dei siste åra. Dette er ein trend ein ser over heile landet. Ved oppstart av nytt barnehageår denne hausten er det 18 eitt- åringar som har fått barnehageplass i dei ulike barnehagane vår i kommunen. Treungen: 8 stk Kyrkjebygda: 3 stk Haugsjåsund: 4 stk Felle 3 stk Undersøkelsar i barnehagesektoren har synt at det er utfordringar i å gje eit godt tilbod til dei aller minste barna i barnehagen. (jmfr. Elisabeth Bjørnestad ved Institutt ved barnehagelærarurtdanning ved HiOA). Ho har saman med andre forskarar undersøkt og samanlikna kvaliteten i 206 barnehagegrupper i Norge. 4

5 I denne undersøkinga blir det peika på bemanningsnorm, storleiken på barnegruppene og kompetansen hos dei vaksne på dei minste barna. Dette er avgjerande faktorar for kvaliteten på tilbodet til dei aller minste. Forskning syner at små barn kan oppleve vedvarande stress av å gå i barnehage. "Difor er det viktig at vi bruker den kunnskapen ein har for gjera barnehagekvardagen trygg for de aller minste. Små barn treng mindre barnegrupper, - og færre vaksne å forhalde seg til sier førsteamanuensis May Britt Drugli ved NTNU." I Nissedal har vi relativt store barnegrupper i alle barnehagane. Småbarnsavdelinga i Treungen har 18 barn, Kyrkjebygda har 15 barn, Haugsjåsund har 16 barn og Felle har 13 barn. Barnehagane opplever utfordring i å møte behova til dei aller minste i ein travel barnehagedag. Vi ser at dei treng ein vaksen å knytte seg til, dei treng eit trygt fang store delar av dagen. Skal kommunen senke alderen til barnet enda lengre ned når det tek til i barnehagen må barnehagane leggjast til rette for dette på ein annan måte enn i dag. Det vil krevje fleire vaksne, og betre tilrettelegging for mindre barnegrupper. Lokala i dei ulike barnehagane er ikkje tilpassa dette i dag. Rådmannen ser at reglane for foreldrepermisjon ikkje alltid er i samsvar med behovet den enkelte familie har. Etter det ein kjenner til er det få foreldre dette gjeld i Nissedal kommune pr. i dag. Rådmannen meiner at skal ein senke kravet på alder til barnet når det tek til i barnehagen, bør ein ha ein god og konstruktiv gjennomgang av kva tilbod ein ynskjer for dei aller minste barna her i kommunen. Rådmannen si tilråding: Nissedal kommune vidarefører pkt. 5 i vedtektene som seier at barnet skal ha fylt eitt år før det tek til i barnehagen. 5

6 Nissedal kommune Arkiv: Saksmappe: Sakshandsamar: Dato: H /167-7 Gerd Jørgine Jacobsen Saksframlegg Utval Utvalssak Møtedato Kommunestyret 52/ Forskrift om rett til opphald i sjukeheim - Ny vurdering Vedlegg: 1 Forskrift 2 Høyringsuttale Fakta i saka: Stortinget vedtok 13 juni 2016 endringar i pasient og brukarrettigheitslova og helse og omsorgstenestelova som gir rett til opphald i sjukeheim eller tilsvarande bustad særskilt tilrettelagt for heildøgns tenester. Kommunen vart pålagt og utarbeide kommunale kriterier for tildeling av langtidsplassar. Dette har kommunen allereie nedfelt i internt kvalitetssystem. Det nye er at kommunen også vert pålagt å føre ventelister over pasientar og brukarar som er kvalifisert for langtidsplass etter helse og omsorgstenestelova 3-2 a, men som kan få eit forsvarleg tilbod om hjelp i eigen heim i påvente av evt. ledig langtidsplass. Dette skal gjevast som eit eige vedtak, som og kan påklagast. Desse kriteria vart det laga eit framlegg til i mars 2017, og kommunestyret sendte framlegget ut på offentleg høyring men annonse i VTB og vår eiga heimeside. Ved høyringsfristens utløp hadde det kome inn eitt innspel. Dette fylgjer vedlagt. Innspelet vart drøfta i kommunestyret, og saka vart av den grunn utsett til ny handsaming den Nedafor fylgjer ei konsekvensutgreiing på dette innspelet. 6

7 Vurdering: Nissedal kommune har utarbeida lokal forskrift for å presisere rettigheiter til pasientar og brukarar og kommunen si forplikting med føring av ventelister. Forskrifta inneheld: 1. Kriteriar for tildeling av langtidsplass i sjukeheim eller tilsvarande bustad. 2. Kriteriar for dei som ville vere best tent med langtidsplass, men som kan settast på venteliste i ein periode. 3. Rutinebeskriving for oppfølging av dei som er på ventelister. Konsekvensutgreiing til innkome høyringsuttale Sitat frå høyringsuttala: Til 4: Her bør med noko som sikrar at par kan få vere saman, sjølv om bare den eine oppfyller krava til å få plass.... Kva skjer dersom ektefellen til den som er innlagt på langtidsplass automatisk skal få plass utan å oppfylle kriteria? Kva skjer når pasienten døyr og ektefellen er gjenlevande? Skal vedkomande fortsatt få bu på institusjonen og opptake ein plass for andre som er sjuke og pleietrengande? Skal gjenlevande ektefelle automatisk flytte ut frå institusjonen dersom vedkomande fortsatt ikkje fyller kriteria til å få langtidsplass? Økonomisk vurdering: Skal ein brukar som ikkje treng langtidsplass betale vederlag for å bu på institusjonen? Kan ein ektefelle få vere på institusjonen som gjest så mykje vedkomande ynskjer, slik praksisen er i dag og kome og gå som dei ynskjer? I dei nye roma på langtidsavdelinga som er som leilegheitar er der plass til to, med eige tekjøkken og kjøleskåp. Her kan ektefelle, pårørande ha eigen mat, koke seg kaffe osv. Dette var og intensjonen då desse roma vart omarbeidd til store leilegheiter. Det er viktig å huske at vi også har omsorgsbustadar der kriteria er langt frå så strenge som ved langtidsplass ved institusjonen. Her er det og plass til ektepar. Det er viktig at det vert gjort ei fagleg vurdering i kvart einskild tilfelle for å sjå om ektepar kan klare seg med hjelp i frå heimetenesta og klare seg på lågast mogeleg omsorgsnivå. Der kan pårørande vere ein ressurs og hjelpe til slik dei kanskje ynskjer. Det vil bli ein tryggare tilvære for begge der dei er sikra bustad på sikt. På den måten kan dei avvikle eigen bustad om det er ynskjeleg og kun betale husleige for omsorgsbustaden. Samandrag: Rådmannen meiner det ikkje kan vere ein automatisk rett for ektefellen til å få langtidsplass når vedkomande ikkje fyller kriteria. 7

8 Ektefellen kan vere på institusjonen så mykje vedkomande ynskjer så lenge pasienten lever, men må ut til anna / eigen bustad når ektefellen døyr. Ektefellen må halde seg med eigen mat eller kjøpe mat ved institusjonen etter gjeldande satsar. Det skal gjerast ei vurdering om omsorgsbustad er eit alternativ for å sikre at ektefeller kan bu saman permanent. Desse vurderingane er tatt inn i korrigert framlegg Rådmannen si tilråding: Forskrifta vert vedteke slik ho ligg føre. 8

9 Forskrift om rett til opphald i sjukeheim kriterier og ventelister, Nissedal kommune, Telemark Formål Formålet med forskrifta er å få oversikt over behovet for langtidsopphald og gje openheit kring kriteria og tildelingsprosessen for langtidsopphald i sjukeheim i Nissedal kommune. 2. Virkeområde Forskrifta gjeld pasient eller brukar som har rett etter pasient og brukarrettigheitslova 2-1e til langtidsopphald i sjukeheim i Nissedal kommune. Forskrifta gjeld Nissedal kommune sitt ansvar for å tilby langtidsopphald i sjukeheim og oppfølging av pasientar og brukarar på venteliste for langtidsopphald. 3. Definisjonar Langtidsopphald i sjukeheim: Opphald utan sluttdato der pasienten eller brukarens helsetilstand og behov for helse og omsorgstenestar gjer at det ikkje er sannsynleg at vedkomande vil flytte heim att eller få tilbod om lågare grad av helse og omsorgstenestar. Venteliste langtidsopphald i sjukeheim: Kommunens oversikt over dei pasientane og brukarane som etter søknad har fått vedtak om at dei er kvalifisert til langtidsopphald i sjukeheim, men som med forsvarleg hjelp kan bu heime i påvente av langtidsopphald. Ventelista er ikkje eit køsystem, og plass på ventelista gir ikkje fortrinnsrett til ledig plass på sjukeheimen, jf Generelt om tildeling av langtidsopphald i sjukeheim. Langtidsopphald i sjukeheim er eit høgare omsorgsnivå enn helse og omsorgstenester i heimen. Det må føreligge eigen søknad. Den som søker må sjølv ynskje innlegging. Pårørande / verge kan skrive under på søknaden. Ektepar / sambuarar skal dersom dei ynskjer det få bu på same rom. Dei må begge fylle kriteria for langtidsopphald i institusjon. Det kan ikkje vere ein automatisk rett for ektefellen til å få langtidsplass når vedkomande ikkje fyller kriteria. Ektefellen kan vere på institusjonen så mykje vedkomande ynskjer og bu på same rom som pasienten så lenge pasienten lever, men må ut til anna/eigen bustad når ektefellen døyr. Ektefellen må halde seg med eigen mat eller kjøpe mat ved institusjonen etter gjeldande satsar. Vurdering av helsetilstand både fysisk og psykisk. Funksjonsnivå gjennom Iplosregistrering (individuell pleie og omsorgsstatestikk ) og sosiale forhold leggast til grunn ved tildeling av plass. 9

10 Langtidsopphald i sjukeheim skal fortrinnsvis gjevast til personar med sterk funksjonshemming. Når behovet for medisinsk behandling og eller sjukepleie tilseier heildøgns omsorg i institusjon. Andre relevante tiltak skal vurderast: Tilrettelegging i heimen, for eks. hjelpemidlar. Kvardagsrehabilitering. Tryggleiksskapande tiltak, tryggleiksvarslar og velferdsteknologi. Dagtilbod eller andre sosiale støttetiltak. Auke i heimetenestar. Omsorgsbustad. Tidsavgrensa opphald i institusjon, korttids eller rulleringsopphald / avlastingsopphald. Familie og nettverk. Oppdaterte helseopplysingar frå fastlege og eventuelt spesialisthelsetenesta. 5. Kriterier for tildeling av langtidsopphald i sjukeheim. Pasient eller brukar må vere varig ute av stand til ta vare på seg sjølv og ikkje lenger meistre dagleglivets gjeremål på grunn av mentalt eller fysisk funksjonstap. Pasient eller brukar må ha eit omfattande behov for heildøgns helse og omsorgstenester, og ikkje få dekka sitt daglege behov for helsetenester, pleie og omsorg, på eit forsvarleg nivå i eigen heim. Under kriteriet omfattande behov, meiner ein ei heilskapleg vurdering av funksjonsnivået og eigenomsorga til pasient og brukar og blant anna i forhold til fylgjande: Samansett sjukdomsbilde. Terminalpleie, dvs. pleie i livets sluttfase. Kognitiv svikt og langtkomen demens. Ernæringsproblem. Legemiddelhandtering. Fallrisiko. Hyppig innlegging i spesialistinstitusjonar ( sjukehus ) Psykisk helse. Einsamheit og sosial isolasjon. Personleg hygiene. Toalettbesøk. Forflytning. Søkjarar til langtidsopphald skal ha prøvd ut / vurdera alle tilgjengelege hjelpeordningar i heimen, inkludera utbetring av bustad med aktuelle offentlege støtteordningar før søknad kan innvilgast. 10

11 6. Rett til vedtak. Kommunen kan fatte vedtak om avslag på søknad om langtidsopphald når det er forsvarleg at pasient eller brukar med omfattande behov for heildøgns helse og omsorgstenester bur heime i påvente av langtidsopphald i sjukeheim. Vedtaket skal opplyse om vedkomande er kvalifisera for langtidsopphald i sjukeheim og kjem på kommunens venteliste for langstidsopphald. jf. 7. Pasientar og brukarar har rett til å klage over vedtak om avslag på sjukeheimsplass og plass på venteliste for langtidsopphald, jf. Pasient og brukarrettigheitslova 2-7 andre ledd og Ventelister langtidsopphald i sjukeheim. Pasientar og brukarar som har fått vedtak om at dei er kvalifisera for langtidsopphald, men som med forsvarleg hjelp kan bu heime i påvente av langtidsplass, skal førast på kommunens venteliste for langtidsopphald. Ved kvar tildeling av langtidsopphald på sjukeheim, skal kommunen vurdere det individuelle behovet til nye søkarar og alle som står på venteliste for langtidsopphald. Kommunens venteliste for langtidsopphald gir ingen fortrinnsrett til plass på sjukeheim. Seinare plasserte pasientar og brukarar vil kunne få plass fyrst dersom deira behov vurderast som større. 8. Oppfølging av ventelister langtidsopphald. Pasientar og brukarar som står på ventelister for langtidsopphald skal kontinuerleg vurderast utifrå behovet for å få tildela plass ved sjukeheimen. Kommunenes rutinar skal sørgje for at pasientar og brukarar på venteliste har naudsynte og forsvarlege helse og omsorgstenester medan dei ventar på tildeling av plass i sjukeheim. Kommunen skal ha systematisk og fortløpande evaluering og vurdering av helsetilstand og funksjonsnivå til pasientar og brukarar på venteliste for å fange opp evt. endringar i hjelpebehov. 9. Ikrafttreding. Forskrifta trer i kraft 8. september

12 Fra: Sendt: :04:44 Til: Info Nissedal Kopi: gunank Emne: Fwd: Forskrift på høyring Eining for omsorg Vedlegg: Ny sending Den fyrste sendinga med adresse henta frå "visittkortet" til eining for omsorg funka ikkje. Helsing irene Videresendt melding: Fra: Dato: 18. mai 2017 kl CEST Til: Kopi: gunank Emne: Forskrift på høyring Eining for omsorg Hei Viser til: Forslag til forskrift om rett til opphald i sjukeheim og ei sak kjent frå media i vinter: Gunvor og Charles Hovd Nilsen. Ekteparet som i fyrste omgang ikkje fekk bu saman i Arendal då kona trong plass på institusjon. Det er lov å utvise skjønn og bruke sunn fornuft sa helseministeren den gong då saksbehandlarane (med budsjettansvar?) ikkje kunne bruke fornuften, men regelverket. Difor ser ein kor viktig det er å få med unntak i reglane slik at fornuften kan vinne fram. Har eit ønske om at det i desse forskriftene paragraf 4 punkt to må til ei endring som vil gjere dette mogleg. Her bør med noko som sikrar at par kan få vere saman, sjølv om bare den eine oppfyller krava til å få plass. Dette bidreg til ein trygg, verdig og meiningsfyllt alderdom, noko som ein burde vere sikra i dag. Brukar burde likeeins vere sikra mot å bli plassert på rom med vilt fremmede på sjukeheim. Helsing Margit Johansen og Irene Homme 12

13 Nissedal kommune Arkiv: Saksmappe: Sakshandsamar: Dato: 2017/ Sverre Sæter Saksframlegg Utval Utvalssak Møtedato Kommunestyret 53/ Kommunepsykologar i Vest-Telemark Samhandlingskoordinator Sissel J. Bitustøyl har skrive skasframlegget Fakta i saka: Arbeids- og styringsgruppa for samhandling i Vest-Telemark har gitt samhandlingskoordinator i oppgåve å sjå på meir samarbeid innan psykisk helse og rus. Det er nedsett ei arbeidsgruppe i VT med representantar frå alle kommunane. Psykisk helse og rus er satsingsområder både frå regjering, HSØ og Sykehuset Telemark HF. Eit av tema for arbeidsgruppa var kring samarbeid om psykologressursar. Det kjem eit lovkrav frå 2020 om plikt for kommunane til å ha psykologkompetanse. Staten har difor etablert ei tilskotsordning for tilsetting av psykologar i kommunane med kr pr. psykolog før Arbeidsgruppa i VT har sett på 2 ulike modellar for eit samarbeid: 1: 2 barne- og ungdomspsykologar: Vinje, Tokke og Fyresdal deler 1 barne- og ungdomspsykolog Seljord, Kviteseid og Nissedal deler 1 barne- og ungdomspsykolog 2: 1 klinisk psykolog og 1 barne- og ungdomspsykolog fordelt på alle 6 kommunane Vurdering: Vi sette dei 2 modellane opp mot kvarandre med fordeler og ulemper. - Tid og reiseavstandar for psykologen - Behov for kontorplassar - Samarbeid med andre faggrupper i kommunane m.m. I anbefalingar frå NAPHA (Nasjonalt kompetansesenter for psykisk helsearbeid) anbefaler ein at psykologen ikkje bør ha for stort arbeidsfelt, men at ein bør anten satse innanfor vaksengruppa eller barn- og ungegruppa. 13

14 Eit sterkt nasjonalt fokus og fokus frå arbeidsgruppa i VT er at psykologane må ha eit tett samarbeid med andre innan helsesektoren i kommunane. Kontorplassering av psykologane er difor eit viktig tema. Det har tidlegare vore eit forsøk med felles kommunepsykolog i VT innan barn og unge. Dette samarbeidet blei avslutta etter prosjektperioden. Det var ulike erfaringar med dette både frå psykologen og kommunane. Å ha eit så stort arbeidsfelt, dårleg forankring, mange kommunar å forhalde seg til og økonomi var nok ein av årsakene til at dette det ikkje blei vidareført. Økonomi Tilskotet frå Helsedirektoratet er på kr pr. psykolog. Minstelønn psykologar etter 2016 oppgjøret: Psykolog utan spesialitet kr år av spesialisering: kr år av spesialisering: kr > år av spesialisering: kr Psykologspesialist kr Mellomlegget frå til full løn med faste utgifter må kommunane dekkje sjølv i perioden fram til Frå 2020 trer lovkravet inn for fullt utan statleg tilskot. I tilskotsperioden vil det truleg vere snakk om ein kommunal årleg eigendel på kr for kvar av kommunane. KONKLUSJON På bakgrunn av føringar frå Direktoratet og erfaringsgrunnlag frå samarbeide med BUP og UPS, ser vi at større og meir komplekse oppgåver, i høve til barn og unge, har blitt kommunens ansvar. Vi meiner difor at ein bør prioritere psykologkompetanse mot barn og unge. Tidleg innsats og rask avklaring vil òg ha ein viktig førebyggande effekt. Ein har i dag ganske gode ressursar innanfor vaksenpsykiatrien og ein ser føremon i å hjelpe barn som sliter psykisk. Psykologen bør ha klinisk tverrfagleg fokus: Eit lågterskeltilbod, som kan gis utan henvising, som er gratis, har kort ventetid, er lett tilgjengeleg og har fokus på korttidsterapi, råd og veileiing. Behandling, utredning og kartlegging av pasientar (evt. for vidare søknad til spesialisthelsetenesta) Veiledning og samarbeid med tverrfaglege team i kommunane Førebygging (undervisning skule og barnehagar) Anbefalingar om at psykologen bør ha kontor saman med dei andre i tverrfaglig team i kommunane, slik som helsesyster, lege og psykisk helse bør ein etterkomme. Av modellane har ein valt at 3 og 3 kommunar delar på ein barnepsykolog 0-20 år kvar. Bakgrunn er at det blir mindre reisetid på psykologen og færre tilsette å forhalde seg til. Fordeling av ressursar og økonomi rundt psykologstillinga kan ein gjere etter tal på barn i aldersgruppa i kommunane. Ein bør òg ta høgde for at 3 av kommunane i samarbeidet har vidaregåande skular i sine kommunar, der mange elevar bur utanfor heimen. Ressursen til kvar kommune bør vera noko fast og noko etter behov. Psykologen bør vera administrativt forankra i ein av kommunane i eit interkommunalt samarbeid. Då alle kommunane i landet innan 2020 er plikta til å ha psykologkompetanse, bør ein setje i gang med rekrutteringa allereie i haust og søkje midlar frå Helsedirektoratet for kvar av stillingane. Det bør vera ei tydeleg avgrensing og bestilling frå kommunane når ein lyser ut og tilsett psykologar. Ein bør ha som mål å tilsette tidleg på nyåret. 14

15 Rådmannen si tilråding: Kommunane søkjer Helsedirektoratet om tilskot til psykologstilling frå 2018 Tilsetjinga er eit samarbeid mellom Seljord, Kviteseid og Nissedal Rådmennene blir samde om kven som skal vere vertskommune for psykologen og fordeling av psykologressursen pr. kommune Det blir sett av kontor i kvar kommune til psykologen. Kostnader blir innarbeidd i budsjett og økonomiplan for

16 Nissedal kommune Arkiv: Saksmappe: Sakshandsamar: Dato: M /778-4 Sverre Sæter Saksframlegg Utval Utvalssak Møtedato Kommunestyret 54/ Brannvernsamarbeidet i Vest-Telemark - Selskapsavtale ny handsaming Vedlegg: 1 Selskapsavtale for VTBV Brannvernsamarbeidet i Vest-Telemark - selskapsavtale Fakta i saka: Nissedal kommune vedtok samrøystes i sitt kommunestyremøte den 15. juni framlegg til selskapsavtale for Brannvernsamarbeidet i Vest-Telemark. Vinje kommune hadde same framlegg til selskapsavtale oppe til handsaming i formannskapet den 12. juni d.å, og vedtok desse endringane: Tillegg til 8, 2. avsnitt: nytt 2. punkt: Det er høve til å velje fleire vara som rekkjefylgjevara etter varaordføraren. Endring av 9, 3. avsnitt: Endring av brannordninga for selskapet kan vedtakast ved konsensus. Ny 23: Endring av selskapsavtalen kan gjerast etter vedtak i dei seks kommunestyra. Det må ligge like vedtak i alle samarbeidskommunane til grunn for endeleg selskapsavtale. Saka meldast difor opp til kommunestyret for ny handsaming. Vurdering: Rådmannen tykkjer endringane frå Vinje kommune er greie, og tilrår at Nissedal gjer nytt vedtak i tråd med Vinje formannskap sitt. Rådmannen si tilråding: Nissedal kommune godkjenner ny selskapsavtale for interkommunalt brannvernsamarbeid i Vest-Telemark IKS slik den ligg føre. Nissedal kommune imøteser innføring av ei lokal forskrift for feiing og tilsyn med fyringsanlegg, samt regulering av feiegebyr. 16

17 Tillegg til 8, 2. avsnitt: nytt 2. punkt: Det er høve til å velje fleire vara som rekkjefylgjevara etter varaordføraren. Endring av 9, 3. avsnitt: Endring av brannordninga for selskapet kan vedtakast ved konsensus. Ny 23: Endring av selskapsavtalen kan gjerast etter vedtak i dei seks kommunestyra. 17

18 SELSKAPSAVTALE FOR INTERKOMMUNALT BRANNVERNSAMARBEID I VEST TELEMARK IKS For kommunane; Vinje, Tokke, Kviteseid, Seljord, Nissedal og Fyresdal 1. Namn. Vest Telemark brannvesen IKS er eit interkommunalt selskap som er oppretta med heimel i lov av 29.januar 1999 nr.6 om interkommunale selskap. Selskapet sitt namn er: Interkommunalt brannvernsamarbeid i Vest Telemark IKS Fylgjande kommunar er deltakarar i selskapet: Vinje, Tokke, Kviteseid, Seljord, Nissedal og Fyresdal 2. Rettsleg status. Verksemda er eige rettssubjekt. Arbeidgjevaransvaret ligg til styret i selskapet. 3. Hovudkontor. Selskapet har sitt hovudkontor i Høydalsmo, Tokke kommune. 4. Selskapet sitt føremål. Selskapets føremål er å dekke deltakarkommunane sine behov, plikter og oppgåver i medhald av brannvernlova, så som. Feiing av hus og hytter i samsvar med lov/forskrift. Tilsyn med særskilde brannobjekt i medlemskommunane. 18

19 Arbeide for at deltakarkommunane sin brann/ulykkesberedskap i høve til organisering, bemanning og utrusting kan håndtere lovpålagte oppgåver, både enkeltvis og samla. Arbeide for at beredskapsavdelingane i den enkelte kommune har lovpålagt kompetanse i forhold til dei oppgåvene ein skal løyse. Drive informasjon og forebyggande arbeid i regionen. Andre oppgåver/tenester deltakarkommunane finn det høveleg å legge til selskapet. Selskapets verksemd skal skje i samsvar med den til ei kvar tid gjeldande lovgjeving. 5. Innskot. Ingen av dei i 1 nemnte deltakarkommunane skal betala innskot i selskapet. 6. Eigardel og ansvarsfordeling. Deltakarkommunane skal ikkje gjera innskot i selskapet, men dei årlege kostnadene med samarbeidet blir fordelt slik: 20% av beløpet blir fordelt likt pr kommune og resten 80% blir fordelt etter folketalet i kommunen den i rekneskapsåret. Kvar kommune overfører a- konto beløp til Vest Telemark brannvesen IKS etter faktura og med avrekning Utgiftene til feietenesta fordelast mellom kommunane etter talet på piper som inngår i ordninga. Deltakarkommunane har ein eigardel som tilsvarar deira del av det samla folketalet i kommunane pr i budsjettåret. Vinje kommune 25% Tokke kommune 18% Kviteseid kommune 18% Seljord kommune 20% Nissedal kommune 10% Fyresdal kommune 10% Den einskilde kommune heftar med heile sin aktuelle eigardel av selskapet sine samla forpliktingar. 19

20 7. Interkommunale organ. Organa til løysing av felles oppgåver har tre nivå: Representantskap Styret Dagleg leiar 8. Representantskapet. Deltakarkommunane utøver si rådvelde over selskapet gjennom representantskapet som er øvste organ for selskapet. Representantskapet skal ha 6 medlemmer og vera samansett av ordførarane i deltakarkommunane med varaordførarane som personlege vararepresentantar. Regionordførar er leiar av representantskapet med regionvaraordførar som vararepresentant. 9.Møte i representantskapet. Representantskapet sin leiar innkallar til møte i representantskapet. Innkalling til ordinære representantskapsmøte skal skje skriftleg, og minst to veker i forkant av møtet. Tilsvarande frist gjeld for varsling av deltakarane i selskapet. Innkalling skal innehalde saksliste og vedlegg. I løpet av kvart kalenderår skal det haldast eit ordinært representantskapsmøte som skal handsame fylgjande saker: 1. Velje medlemer, varamedlemer, leiar og nestleiar i styret. 2. Fastsetje godtgjering til styret og medlemer av representantskapet. 3. Velje revisor og fastsette godtgjering for han. 4. Årsmelding og rekneskap frå styret. 5. Fastsette budsjett og økonomiplan. 6. Fastsetje handlingsplanar og langsiktige mål for selskapet. 7. Andre saker som ligg til representantskapet etter lova å handsame. Endring av brannordninga for selskapet blir å vedtake med simpelt fleirtal. 20

21 Det føresettast at ordinært representantskapsmøte vert halde innan utgangen av juni det etterfølgjande år og at leiar av representantskapet leier både ordinære og ekstraordinære representantskapsmøte, eller i dennes fråvær, av nestleiar. Dersom ingen av desse er til stades, vel representantskapet møteleiar. Representantskapet sin leiar syter for at det førast protokoll frå både ordinære og ekstraordinære representantskapsmøte og at representantskapet vel to medlemer til å signere protokollen. Ekstraordinært representantskapsmøte skal innkallast med minst to vekers varsel når styret tek slik avgjerd, eller dersom leiar av representantskapet, styreleiar, dagleg leiar, revisor eller to av deltakarkommunane krev det. Representantskapet er vedtaksført når minst 2/3-delar av representantane er til stades. Kvar av medlemane i representantskapet har ei røyst. Med mindre anna fylgjer av lov eller selskapsavtale gjeld som representantskapets vedtak det som fleirtalet av stemmene er gjeve for. Ved likt røystetal har møteleiaren dobbeltrøyst. Valnemnd: Representantskapet vel valnemnd. 10 Styret. Styret for selskapet skal ha seks medlemer med personlege varamedlemer, som alle vert valde av representantskapet for to år om gongen. Alle deltakarkommunane skal vere representert i styret. Ved fyrste gongs val av medlemer til styret skal tre av medlemene velgjast med funksjonstid på eit år. Representantskapet vel styreleiar og nestleiar for eit år om gongen. Dagleg leiar kan ikkje vere styremedlem, men har møte og talerett i styret. 1. Styremøta blir leia av styreleiar, eller i denne sitt fråvær, av nestleiar. Dersom ingen av desse er til stades blir det vald ein møteleiar. 2. Styreleiar kallar inn til styremøte så ofte denne finn det nødvendig eller når revisor, dagleg leiar eller minst to av styremedlemene krev det. 3. Innkalling med sakliste skal som hovudregel vere skriftleg, og vanlegvis med ei vekes varsel. 4. Saker som ikkje står på saklista kan handsamast dersom ikkje møteleiaren eller ein tredel av dei frammøtte styremedlemene set seg i mot dette. 21

22 5. Styret kan ta avgjerd når minst tre røysteføre medlemer er til stades. 6. Kvart styremedlem har ei røyst. Som styret sitt vedtak gjeld det som fleirtalet av dei møtande har stemt for. Ved likt røystetal avgjer møteleiaren si dobbeltrøyst. 7. Det skal førast protokoll frå styremøta med opplysning om tid og stad for møtet, kven som deltok, handsama saker, om vedtak og røystetal i kvar sak. Styremedlemmene og dagleg leiar har krav på å protokollføre eventuelle dissensar. 11. Styret sine gjeremål. 1. Styret er ansvarleg for forvaltning av selskapet og har ansvaret for ein tilfredstillande organisering av verksemda. 2. Lage framlegg til saker som skal handsamast i representantskapet. 3. Legge fram årsmelding og rekneskap for representantskapet. 4. Utarbeide årsbudsjett og økonomiplan og legge desse fram for representantskapet. 5. Tilsette dagleg leiar og fastsette lønn og instruks. 6. Delegere til dagleg leiar saker innanfor gjevne rammer. 7. Styret har det overordna HMS-ansvaret i selskapet. 12. Dagleg leiar. Selskapet skal ha ein dagleg leiar som har ansvaret for den daglege leiinga av selskapet og fylgje dei retningslinjer og pålegg som styret vedtek innanfor rammene i lova. Dagleg leiar er også styret sin sakshandsamar og sekretær. Styret vidaredelegerar det mynde som kommunestyra har delegert til styret, jfr. 11 siste ledd til dagleg leiar. Dette gjeld ikkje viktige og prinsipielle saker, så som fastsetjing av dokumentasjon for brannvesenet. Dagleg leiar skal syte for god og jamnleg kontakt med deltakarkommunane sin administrasjon. Dette for å sikre utveksling av nødvendig informasjon om verksemda til selskapet og oppgåver frå selskapet til kommunane, informasjon om kommunane sine ynskje og syn på selskapet. Dagleg leiar er som brannsjef automatisk vidaredelegert representantskapet sitt mynde etter brann og eksplosjonsvernlova. 13. Rapportering. Dagleg leiar skal til ei kvar tid halde styret orientert om alle forhold av betydning for verksemda og om økonomi og personalforhold. Vedkomande skal rapportere til styret på ein 22

23 slik måte og så ofte som situasjonen tilseier det eller når styret ellers avgjer det. Styret skal syte for at representantskapet til ei kvar tid har nødvendig oversikt og i tide kan førebu nødvendige disposisjonar. Representantskapet sine møtebøkar skal fortløpande sendast til deltakarkommunane. 14. Prisar og gebyr på tenester. Rammene og prinsippa for selskapet sine ulike tenester vert fastsett av representantskapet etter framlegg frå styret. Tenestene til selskapet skal ha ein pris som dekker driftsutgifter, kapitalkostnader, og til ei kvar tid godkjente og lovbestemte kostnadsavsetjingar. Prisane blir fastsett i årsbudsjettet. 15. Utdeling av selskapet sine midlar. Utdeling av selskapet sine midlar kan vedtakast av representantskapet etter framlegg frå styret etter at rekneskap for sist rekneskapsår er fastsett. Utbetaling kan bare vedtakast dersom selskapet ikkje treng midlane til betaling av selskapet sine forpliktelsar eller til verksemda. 16. Personvern og offentleghetslova. Forvaltningslova, offentleghetslova og personopplysningslova gjeld for selskapet si verksemd. 17. Økonomiforvaltning. Rekneskap skal førast etter kommunale rekneskapsprinsipp, jfr. 23 i denne selskapsavtala. 18. Personalreglement. Styret kan vedta eige personalreglement for verksemda sine tilsette. 19. Lokale lønnsforhandlingar. Styret er ansvarleg for å gjennomføre og godkjenne lokale lønnsforhandlingar. 23

24 20. Møtegodtgjering. Godtgjersle for møte m.v til medlemer av styret og representantskapet utbetalast i henhold til dei til ei kvar tid gjeldande satsar og etter verksemda sitt regelverk. 21. Klage. Det opprettast interkommunal klagenemnd sett saman av seks medlemar med ein representant frå kvar deltakarkommune. Representantskapet oppnemner desse medlemene. Klage som gjeld vedtak i personalsak handsamast av styret dersom vedtaket er fatta av dagleg leiar, eller av representantskapet dersom vedtaket er fatta av styret. Klage over vedtak i medhald av særlov fylgjer særlova sin ordlyd. 22. Rekneskap og revisjon. Styret pliktar å sjå til at det førast lovmessig rekneskap og at selskapet blir revidert. Rekneskapet skal førast etter kommunale rekneskapsprinsipp, og fastsettast av representantskapet. 23. Endring av selskapsavtala. Selskapsavtala kan endrast med to tredels fleirtal i representantskapet, der ikkje anna er fastsett i lov eller i denne selskapsavtala. 24. Utmelding og oppløysing. Den enkelte deltakarkommune kan med 2-to-års skriftleg varsel rekna frå fyrste årsskifte etter oppseiing seia opp si deltaking i selskapet og denne avtala. Forslag til oppløysing av samarbeidet må vedtakast einstemmig av representantskapet. Representantskapet eller kvar av dei øvrige deltakarane kan bringe spørsmålet om utmelding inn for departementet innan ein månad etter at selskapet har motteke melding 24

25 om utmelding. I representantskapet har den som ynskjer å melde seg ut, ikkje stemmerett i spørsmålet om å legge saka fram for departementet. Departementet kan, også sjølv om vilkår for øyeblikkeleg utmelding er til stades, gje pålegg om at deltakarforholdet skal halde fram i eit nærare bestemt tidsrom, eller inntil vidare, dersom samfunnsmessige interesser, herunder hensynet til publikum i ein eller fleire av deltakarkommunane, eller hensynet til dei enkelte deltakarane tilseier det. Dersom avtala opphøyrer, skal det forhandlast om dei økonomiske konsekvensar dette fører med seg. Avtala kan ikkje opphøyre før kommunane har fastsett og sett i verk anna dokumentasjon av brannvesenet. Styret har plikt til å melde frå om avvikling til Foretaksregisteret. 25. Voldgift. Eventuell tvist om selskapsavtala og om fordeling av utgifter eller i samband med økonomisk oppgjør etter oppløysing, avgjerast endeleg av ei voldgiftsnemnd på tre medlemer som blir oppnemnt av fylkesmannen, om ikkje anna ordning fylgjer av lov eller forskrift. 26. Etablering og ikraftsetting. Denne reviderte selskapsavtala gjeld frå: xx xx xxxx 27. Andre vilkår. Ellers gjeld dei til ei kvar tid gjeldande bestemmelsane i lov om interkommunale selskap. 28. Gyldighet. For at avtala skal vere gyldig må ho vere vedteken av kommunestyra i alle seks eigarkommunane. 25

26 Vinje Seljord Tokke Nissedal Kviteseid Fyresdal

27 Nissedal kommune Arkiv: Saksmappe: Sakshandsamar: Dato: 2017/778-2 Sverre Sæter Saksframlegg Utval Utvalssak Møtedato Kommunestyret Brannvernsamarbeidet i Vest-Telemark - selskapsavtale Vedlegg: 1 Selskapsavtale for VTBV 2017 Fakta i saka: Tilbake til 2012 vart det arbeidd med ei utviding av det interkommunale brannvernsamarbeidet i Vest-Telemark. Dette skulle omfatt ei utviding der det interkommunale brannvernsamarbeidet også skulle overta utstyr og tilsettingsforhold for brannvernberedskapen ute i den einskilde kommunen. Denne utvidinga vart det ikkje noko av grunna lite interesse frå eigarkommunane. I dag har brannsjefen i Vest-Telemark eit fagleg ansvar, men ikkje eit ansvar for mannskap eller utstyr ute i den einskilde kommunen. Det er fortsatt liten interesse for å utvide samarbeidet, og det syner seg da at selskapsavtala som gjeld i dag ikkje tilfredsstiler krava til slik avtale i eit IKS. Styret for det interkommunale brannvernsamarbeidet har difor latt utarbeide ei ny selskapsavtale for selskapet slik samarbeidet er i dag utan utviding. Vurdering: Styret har lagt fram forslag til ny selskapsavtale for representantskapet i det interkommunale brannvernssamarbeidet til orientering og drøfting. Representantskapet gjorde eit par endringar og avtala som ho nå ligg ved saka er i samsvar med deira tilråding. På dette grunnlag blir selskapsavtal sendt over til dei respektive kommunane i samarbeidet for godkjenning. Rådmannen si tilråding: Nissedal kommune godkjenner ny selskapsavtale for interkommunalt brannvernsamarbeid i Vest-Telemark IKS som ho ligg føre. 27

28 28

29 Nissedal kommune Arkiv: Saksmappe: Sakshandsamar: Dato: /70-96 Karl Otto Lauvlid Saksframlegg Utval Utvalssak Møtedato Kommunestyret 55/ Referat- og drøftingssaker A) Møtebok B) Aktuelt frå rådmannen Rådmannen si tilråding: Referat- og drøftingssaker vert teke til vitande. 29

30 30

31 31

32 32

33 33

34 34

35 35

36 36

37 37

38 38

39 39

40 40

41 41

42 42

43 43