SAKSFRAMLEGG. Sakshandsamar: Arne Abrahamsen Arkiv: GBNR 17/2-3 Arkivsaksnr.: 12/387

Transkript

1 SAKSFRAMLEGG Sakshandsamar: Arne Abrahamsen Arkiv: GBNR 17/2-3 Arkivsaksnr.: 12/387 Søknad om dispensasjon frå kommuneplan arealdelen og Plan og bygningslova 1-8, bygging av molo til småbåthamn og opparbeiding av areal til jordbruksføremål. Vedlegg: Søknad om tiltak utan ansvarsrett, bygging av molo til småbåthamn samt tilrettelegging av terreng etter ras, Anders Grøneng, Brev frå Balestrand kommune til uttalepartar, Uttale frå _ NVE, region vest, Statens vegvesen, Fylkesmannen, landbruksavdelinga, Fylkesmannen, miljøvernavdelinga, Fylkeskommunen, kulturavdelinga, Bakgrunn: Kommuneplan for Balestrand kommune , arealdelen, Lovheimel: Plan og bygningslova 19-2 SAKSOPPLYSNINGAR Anders Grøneng søkjer om løyve til tiltak tilrettelegging av jordbruksareal, bygging av molo med småbåtplassar til eige bruk på sin eigedom gbr 17, bnr 2 og 3. Bakgrunnen for søknaden er dels opprydding etter ras og handtering av rasmassar etter uveret i romjula Tilrettelegging av jordbruksarealet med utplanering av rasmassane vart gjennomført etter avklaring med kommunen direkte i samband med opning og rydding av Fv. 55 og den umiddelbare handteringa av rasmassane som vart liggande frå vegen og ut i fjorden. I denne saka vert å ta stilling til vidare tilrettelegging av molo med småbåtplassar til eige bruk. I dette området er i dag eit reiskapshus/naust og området er nytta til båtopplag, opptrekk m.m. Tiltaket vil legge til rette for slik bruk i same omfang som i dag, men slik at båtane ligg tryggare og i ly for vind og ver. I følgje kartskisse er moloen planlagt å vere ca. 25 meter brei. Utfyllinga som utgjer austre molo er utført tidlegare av Statens vegvesen i samband med vegutbetring rett etter I omsøkte tiltak vil nokre massar bli teke vekk og det vert laga ein mur avslutning mot sjø. Ved vestre molo er også massar få tidlegare utfylling samt rasmassar frå raset i samband med ekstremveret Dagmar. Også her er det lagt opp til vekktaking av massar og muring for å få ein funksjonell og tiltalane og avslutning mot sjø. Det vert naudsynt å forlenge denne moloarmen 7-8 meter frå dagens strandkant i retning mot aust. Det vert vist til vedlagt søknad og kart. VURDERING

2 For å avgjere om søkjar skal kunne gjennomføre tiltaka er det lagt opp til å handsame søknaden som dispensasjonsvedtak frå Kommuneplanen, arealdelen samt frå 1-8 direkte i Plan og bygningslova etter 19-2 i Plan og bygningslova Dispensasjonsvedtaket Kommunen kan gi varig eller midlertidig dispensasjon fra bestemmelser fastsatt i eller i medhold av denne lov. Det kan settes vilkår for dispensasjonen. Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering. Det kan ikke dispenseres fra saksbehandlingsregler. Ved dispensasjon fra loven og forskrifter til loven skal det legges særlig vekt på dispensasjonens konsekvenser for helse, miljø, sikkerhet og tilgjengelighet. Ved vurderingen av om det skal gis dispensasjon fra planer skal statlige og regionale rammer og mål tillegges særlig vekt. Kommunen bør heller ikke dispensere fra planer, lovens bestemmelser om planer og forbudet i 1-8 når en direkte berørt statlig eller regional myndighet har uttalt seg negativt om dispensasjonssøknaden. Departementet kan i forskrift gi regler for omfanget av dispensasjoner og fastsette tidsfrist for behandling av dispensasjonssaker Faglege utgreiingar og vurderingar Tiltaket er utgreidd og vurdert i høve planfaglege tema: Planstatus Området er LNF-område i arealdelen til kommuneplanen. Kommuneplanen vart vedteken Potensielle interesser i området I samband med arbeidet med kommuneplanen vart det gjort ei rad av tematiske utgreiingar. Vurderingar av potensielle interesser i området bygger i stor grad på desse utgreiingane: Kulturminne: Det er ingen kjende kulturminne i området. Ingen interessekonflikt Kjelde: Temakart for Freda kulturminne i Balestrand kommune, Basert på registreringar frå Askeladden database for kulturminne til riksantikvaren. Biologisk mangfald, vilt Det er ingen kjende kjente biologiske lokaltitetar/naturtypar med verneverdi eller raudlisteartar som er registrert/kartlagt i området. Området er del av hjortevald og naturleg beite og opphaldsområde for hjortevilt. Elva er ikkje fiskeførande. Tiltaket er også vurdert i høve Naturmangfaldslova Ut i frå tiltakets art og omfang er det ikkje krav nye faglege utgreiingar. Ingen interessekonflikt. Kjelde: Naturbasen på internett ( Biologisk mangfald i Balestrand kommune, miljøfaglig Utredning, rapport 2003 EDNA-registeret, Fylkesmannen i Sogn og Fjordane Friluftsliv Det er ikkje registrert som viktig friluftsområde. Der er etter lokal kjennskap heller ikkje nytta i nokon grad til føremålet. FRIDA-registeret, Fylkesmannen i Sogn og Fjordane Kommunedelplan for idrett og friluftsliv og fysisk aktivitet, Landbruk Er eit strand og sjøområde i tilknyting til naust og båtplass. Ingen interessekonflikt. Landskap

3 Ikkje vurdert som viktig kulturlandskapsområde eller som viktig landskapsrom. Ingen interessekonflikt. Strandsoneanalyse, ROS Området er ikkje registrert som rasfarleg i ROS-analysen knytt til arealdelen av kommuneplanen. Området har potensiell rasfare etter NGU/NGI sine aktsemdskart for ras. Rashendinga i samband med ekstremveret Dagmar gjekk inntil omsøkt småbåthamn og molo. Det er ikkje søkt om oppføring av nye bygg. Området allereie i dag er nytta i samband med naustområdet og lokaliseringa synest å vere sikker. Gjennom uttale ber ein om tilbakemelding på om det må settast krav om eiga rasvurdering før løyve til tiltaket eventuelt kan bli gjeve. Kjelde: Risiko og sårbarhetsanalyse knytt til arealdelen, NGU og NGI sine aktsemdskart for stein og snøskred og for steinsprang. Veg - FV 55 Det er planlagt oppgradering av Fv 55 forbi området. Veg trasé lagt inn i kommuneplan er grov og går inn i omsøkt område. I følgje trasé lagt inn i samband med eiga utgreiing til kommunedelplanen for Esefjorden 1995 er det i utgangspunktet ikkje direkte i konflikt mellom framtidig opprusting av Fv55 og omsøkt tiltak. Det vert vist til vedlagt kart frå denne utgreiinga. Før endeleg opprusting av Fv. 55 etter slikt alternativt, må det utarbeidast reguleringsplan som viser eksakt trasé og krav til areal i samband med dette. Det vil i denne saka vere viktig å få avklart om tiltaket kan gjennomførast utan å komme i konflikt med framtidig vegopprusting, og om tiltaket kan bli gjennomført i forkant av eventuell reguleringsplan for vidare vegopprusting. Det er understreka at tiltaket er til eige bruk og på same nivå som i dag. Det er difor ikkje føresett auka bruk av avkjørsle i samband med tiltaket. Kjelde: Kommuneplan, arealdelen Utgreiing frå Statens vegvesen i samband med Kommunedelplan for Esefjorden «Kommunedelplan - Rv 55 Dragsvik Balholm, nov 1995» Strandsone Tiltaket ligg i strandsone. Utgangspunktet for tiltaket er ekstraordinært då utgangspunktet er opprydding og tilrettelegging etter omfattande rasmassar. Arealet er i dag også nytta til bruk som Naust/reiskapshus og til båtplassar. Omsøkt bruk vil i stor grad vere opprydding og tilrettelegging med ein god og terrengtilpassa av slutning av eksisterande bruk. Tiltaket vil med dette ikkje skape presedens. Kjelde: Kommuneplan, arealdelen Strandsoneanalyse, Saka har vore sendt til uttale til fagstyremakter og det er innan fristen kome inn følgjande uttaler NVE, region vest Må vurdere sikkerheitsklasse for tiltaket, jf. Tek 10. Vanleg er S1 for brygger for sport og fritid. Det er då kommunen som avgjer og gjev løyve. Vurdering Tiltaket omfattar ikkje løyve til bygg med bruk av folk eller kommersiell verksemd av anlegget. Tiltaket vert plasser i tiltaksklasse 1. Det vert sett vilkår om mindre sikring ved terrengforming mot moloen ved utløp av elva.

4 Statens vegvesen, region vest Fylkesmannen, landbruksavdelinga Fylkesmannen, miljøvernavdelinga Påpeiker at slik utfylling av område i sjø for slike føremål under normale omstende ikkje vil bli tillate handsama som dispensasjonssak. Skriv at dette er ei spesiell sak då søknaden har bakgrunn i store mengder masse av jord og stein frå ras. Dette kravde rask handtering for opprydding og gjev vidare eit grunnlag for istandsetjing og ferdigstilling som omsøkt. Fylkesmannen påpeikar at er i samsvar med eksisterande bruk og på grunn av tiltaket sin spesielle bakgrunn ikkje vil skape presedens for andre saker i strandsona. Det vert vidar bede om at kommune stiller vilkår til god estetisk og best mogleg naturleg avslutning mot strandkant i vest. Vurdering Fylkesmannen, miljøvernavdelinga opnar med dette for dispensasjon til omsøkte tiltak i strandsona ut i frå den spesielle bakgrunnen for søknaden. Fylkesmannen deler med dette kommunen si vurdering i saka og haldning i utgangspunktet til å imøtekomme søknaden. Det er vidare naturleg å stille vilkår til utforming og avslutning slik Fylkesmannen ber om. Fylkeskommunen, kulturavdelinga Samla vurdering Tiltaket framstår som eit mindre tiltak i samband med tilrettelegging for båtplass til eige bruk i samband med eksisterande naust. Tiltaket ligg inne i ei bukt og vil kunne framstå naturleg i forhold til kringliggjande terreng og strandområde. Området framstår i dag også som uferdig etter tidlegare utfyllingar og nye rasmassar som må handterast og tilstellast. Saka er spesiell ut i frå at søknaden har bakgrunn i store rasmassar som krev deponering, og som bør få ein god og tiltalande avslutning. Dette gjer at saka ikkje vil skape presedens for andre saker i strandsona. Ut i frå dette finn ein det tilstrekkeleg at saka kan bli handsama som dispensasjonssak i høve kommuneplanen, arealdelen. Faglege utgreiingar og uttaler frå fagstyremakter er ikkje av ein slik karakter at dispensasjon ikkje kan eller bør bli gjeve. Samla sett vil ein ut frå dette tilrå at det vert gjeve dispensasjon til omsøkte tiltak. Rådmannen si tilråding Balestrand kommune gjev Anders Grøneng dispensasjon frå Kommuneplanen, arealdelen etter 19-2 i Plan og bygningslova samt frå 1-8 direkte i Plan og bygningslova til å gjennomføre tiltak til opparbeiding av areal til jordbruksføremål og opparbeiding av molo som vist i søknad Det vert sett følgjande vilkår for tiltaket:

5 Molo skal forsterkast mot utløp av elv/bekk slik at eventuelle rasmassar som følgjer elveløpet og vanskelegare kjem inn i moloen. Eksakt omfang av slikt tiltak vert avgjort i byggesak. Avslutning mot sjø skal bli gjeve god estetisk utforming, samt at det skal bli gjeve ein mest mogleg naturleg avslutning mot strandkant i vest. Dispensasjonsvedtaket vert grunngjeve med at store mengder masse av jord og stein frå ras kravde rask handtering for opprydding, og at det vidare er naudsynt og positivt med istandsetjing og ferdigstilling av området. Tiltaket som er omsøkt er vidare i samsvar med eksisterande bruk, og vil gje området ein tiltalande og funksjonell utforming. Det er ikkje konflikt mot andre fag- eller bruksinteresser og fordelane ved å gje dispensasjon vil vere klårt større enn ulempene etter ei samla vurdering. På grunn av tiltaket sin spesielle bakgrunn med opprydding av rasmassar, vil tiltaket ikkje vil skape presedens for andre saker i strandsona.